| 23218 | MAT 1:5 | हे़क्क्याङ् सल्मोनरे़ कुस्साः बोअज वये़ (बोअजरे़ कुम्मारे़ कुमिङ् राहाब वये़), बोअजरे़ कुस्साः ओबेद वये़ (खे़ल्ले़ कुम्मारे़ कुमिङ् रुथ वये़), ओबेदरे़ कुस्साः यिसै वये़॥ |
| 23224 | MAT 1:11 | हे़क्क्याङ् योसियाहरे़ कुस्साःहाॽ यकोनियास नु कुन्साॽसि मे़वये़रो (खे़ङ्हाॽग इस्राइलिहाॽ बे़बिलोन लाजेॽओ मे़दे़म्सु मे़देॽरुसिआङ् मे़गत्तुसिबा ये़म्मो सामे़वाःन्छिङ्ङाङ्मे़वये़रो)॥ |
| 23230 | MAT 1:17 | अक्खेलॽरिक् अब्राहामलाम् दाउद हाङ् थारिक् थिक्-लि (१४) थाःक् मे़वये़, हे़क्क्याङ् दाउद हाङ्लाम् बे़बिलोन लाजेॽओ मे़दे़म्सु मे़देॽरुसिआङ् मे़गत्तुसिबा ये़म् थारिक् थिक्-लि (१४) थाःक् मे़वये़, हे़क्क्याङ् बे़बिलोःन्नो पुङ्लाधाबा मे़जोगुसिआङ् मे़देॽरुसिबा ये़म्माङ्धो निङ्वाॽफुमाङ्ङिल्ले़ सेःन्दुबा ख्रिस्ते़न्सावाःन्छिङ्बा ये़म् थारिक् थिक्-लि (१४) थाःक् मे़वये़रो॥ |
| 23233 | MAT 1:20 | कर हे़क्के इःत्तुर वये़ल्ले़ से़प्माङ्मो यहवे दाङ्बाल्ले़ कुमाङ्लाइङ्बान् ओसेःन्धाक्सिङ्ङाङ्अक्खे मे़त्तुरो, “दाउदरे़ कुमुॽइदाङ्सा युसुप्फे, खे़ने़ॽ मरियम्मिन् मेःक्खिम् चोःक्माआङ् हिम्मो ताःप्मा मे़गिसे़न्ने़ॽओ, थेआङ्भे़ल्ले़ खुने़ॽओबा अङे़ःक्वाःन् सेसेमाङ्ङिल्ले़ कुमुक्साम्लाम्बा हाङ्सिङ्बारो॥ |
| 23234 | MAT 1:21 | खुने़ॽ ये़म्बित्छाॽसाःधिक् कत्तुॽ, हे़क्क्याङ् खे़ल्ले़ कुमिङ्ङिन् ये़सु वाःत्ते़ॽओ, थेआङ्भे़ल्ले़ खे़ल्ले़ कुमनाहाॽ खुनिॽ लायोलाम् ताङ्से़ःप्तुसिॽरो॥” |
| 23244 | MAT 2:6 | ‘यहुदिया थुम्मोबा बे़थलेहे़म्मे, खे़ने़ॽग यहुदियाबा पाङ्जुम्हाॽओ साॽरिक् के़ये़क्पा के़जोःक्लो, थेआङ्भे़ल्ले़ खे़ने़ॽ के़बाङ्जुम्लाम् हाङ्युक्पाधिक् ताःरो, खुने़ॽग मे़ल्लुक्कम्बा कुइसिःक् पोःङ्ङाङ् आमना इस्राइलिहाॽ कम्ब्राङ् के़मे़प्पा पोःङ्लो॥’” |
| 23246 | MAT 2:8 | हे़क्क्याङ् खे़ङ्हाॽ अक्खे मे़त्तुसिर बे़थलेहे़म्मो पाङ्घुदेःसुसि, “पेगे़म्मे़ॽआङ् अङे़ःक्वाःन् कोःत्ते़म्मे़ॽ॥ खे़न् अङे़ःक्वाःन् के़घोःसुम्ने़ फाॽग्र फे़रे़म्मे़ॽआङ् इङ्गाॽ आमे़त्ते़म्मे़ॽओ॥ इङ्गाॽआङ् खुने़ॽ सेवा मे़त्तुङ्लो॥” |
| 23250 | MAT 2:12 | हे़क्क्याङ् से़प्माङ्मो माङ्लाइङ्बाल्ले़ खे़ङ्हाॽ हे़रोद हाङ्ङिल्लो मे़नुःक्खे़म् मे़बेगे़म्मिन्ने़ॽओ लॽरिक् साम्दिङ् पिरुसिबाल्ले़ खे़ङ्हाॽ वेॽलाम् आबाङे लाजेॽओ मे़नुःक्खे़ मे़बेरो॥ |
| 23251 | MAT 2:13 | खे़न् सिक्कुम्निबा खागे़इक्पाहाॽ मे़बे हे़क्क्याङ् यहवे दाङ्बाल्ले़ कुमाङ्लाइङ्बाधिक् युसुफरे़ कुसे़प्माङ्मो थाःन्छिङ्ङाङ् अक्खे मे़त्तु, “पोगे़ॽआङ् अङे़ःक्वाःन् नु कुम्माःन् तेॽरे़से़ॽआङ् मिस्र लाजेॽओ खे़त्छिङ् पेगे़ॽ, हे़क्क्याङ् इङ्गाॽ मे़म्मे़त्ते थारिक् खे़ने़ॽ खे़प्मोए वये़ॽओ, थेआङ्भे़ल्ले़ हे़रोद हाङ्ङिल्ले़ अङे़ःक्वाःन् से़प्मा फाॽआङ् कोःत्तुर वाॽरो॥” |
| 23252 | MAT 2:14 | बा खे़न् से़न्दिक्सा युसुफरे़ अङे़ःक्वाःन् नु कुम्माःन् तेॽरुसिआङ् मिस्रओ खे़त्छिङ् पेरो॥ |
| 23257 | MAT 2:19 | आल्ल हे़रोद हाङ्ङिन् स्ये़आङ् मिस्र लाजेॽओ युसुफे़न्नु यहवे दाङ्बाल्ले़ कुमाङ्लाइङ्बान् कुसे़प्माङ्मो थाःन्छिङ्ङाङ् |
| 23258 | MAT 2:20 | मे़त्तु, “पोगे़ॽआङ् अङे़ःक्वाःन् नु कुम्माःन् इस्राइल लाजेॽओ तेॽरे़से़ॽओ, थेआङ्भे़ल्ले़ अङे़ःक्वाःन् से़प्मा के़गोःप्पे़न्स्ये़आङ् होःप्लो॥” |
| 23259 | MAT 2:21 | खे़ल्ले़ चोगुल्ले़ युसुफरे़ अङे़ःक्वाःन् नु कुम्माःन् इस्राइल लाजेॽओ तेॽरुसि॥ |
| 23263 | MAT 3:2 | “खिनिॽ लायोलाम् हिन्दे़म्मे़ॽओ, थेआङ्भे़ल्ले़ साङ्ग्राम्पेदाङ्बा हाङ्जुम्मिन् निःत्ताङ्ङे त्ये़आङ् वाॽरो॥” |
| 23264 | MAT 3:3 | खुने़ॽ कुयाःम्बेओ माङ्निङ्वाॽपाःन् के़बाःप्पा यसैयाःल्ले़ अक्खेलॽरिक् पाःत्तुआङ् वाॽरो, “खुने़ॽ एःक्सादे़न्नो अक्खेलॽरिक् के़अःक्पा इक्लारो, ‘दाङ्बाल्ले़ कुमाराम्मिन् यारिप् चोगे़म्मे़ॽआङ् कुलाम्हाॽ तोःन्दोःन्चोगे़म्मे़ॽ!’” |
| 23266 | MAT 3:5 | यरुसले़म ये़क्यक्लाम् नु यहुदिया थुम् हे़क्क्याङ् यर्दन यङ्घङ् खिरिबा के़रे़क् थुम्हाॽओलाम् मनाहाॽ कुदुम्से़ |
| 23268 | MAT 3:7 | कर यरिक् फरिसिहाॽ नु सदुकिहाॽ बप्तिस्मा पोःङ्से़ खुने़ॽओ मे़द्ये़र मे़बत्छे़बा निःसुसिआङ् अक्खे मे़त्तुसिर फे़ःक्तुसि, “असेःक्सासे, खिनिॽ कन् के़दाःबार के़बप्पा निङ्वाॽफुमाङ्ङिल्ले़ कुघुम्दिङ्लाम् खे़त्छिङ्ङे़म्मे़ॽ फाॽआङ् हाःत्ले़ के़मे़त्तिबे? |
| 23269 | MAT 3:8 | लायोलाम् के़हिन्दिबा पाःन्निन् ओसेःन्दाङ् चोःक्से़ नुःबा याःम्बक् चोगे़म्मे़ॽओ॥ |
| 23270 | MAT 3:9 | आनिगे़ग अब्राहामरे़ कुस्साःसिगे़, खे़ल्ले़ चोगुल्ले़ खुम्दिङ्लाम् खे़त्छिङ्मा सुक्तिगे़ॽ फाॽआङ् निङ्वाॽ मे़इःत्ते़म्मिन्ने़ॽओ, थेआङ्भे़ल्ले़ निङ्वाॽफुमाङ्ङिल्ले़ग कन् लुङ्हाॽआङ् अब्राहामरे़ कुस्साः चोःक्मा सुक्तुसिॽरो॥ |
| 23271 | MAT 3:10 | आल्लोसा निङ्वाॽफुमाङ्ङिल्ले़ कुघासे़न्निल्ले़ तःन्दिङ्ग सिङ्बुङ्मो खा चुक्मा इःत्ते़आङ् वाॽ॥ नुःबा सिङ्सेॽ मे़न्धोःक्मनाबा सिङ्बुङ्हाॽ के़रे़क् ताङ्माआङ् मिओ लाप्फुमा पोःङ्लो॥ |
| 23273 | MAT 3:12 | कुभॽएःत्तिल्ले़ सिःन् आःम्मा फाॽआङ् खुने़ॽ यारिप् वाॽ, हे़क्क्याङ् खुने़ॽ तुगुर सुप्सुआङ्सिःन् चाधोःक्लाओ चिक्खुॽ हे़क्क्याङ् कुहक्हाॽ आप्फाल्ले़आङ् मे़न्छिःमनाबा मिओ हाःन्दुदेःसुॽरो॥” |
| 23275 | MAT 3:14 | कर युहुन्नारे़ अत्तुर खुने़ॽ अक्खे मे़त्तु, “इङ्गाॽने़ खे़ने़ॽनु बप्तिस्मा पोःङ्मा के़बोःङ्बा, आक्खेलॽरिक् खे़ने़ॽ इङ्गाॽओ के़द्ये़बाबे?” |
| 23282 | MAT 4:4 | कर ये़सुरे़ नोगप् पिरु, “हे़क्के मे़जोःक्कान्, थेआङ्भे़ल्ले़ साम्योसाप्लाओ मोसारे़ अक्खेलॽरिक् साप्तुआङ् पत्, ‘मे़न्छाम् याप्मिःङ्ग कुजाःल्ले़रक् मे़हिङ्ने़न्, कर निङ्वाॽफुमाङ्ङिल्ले़ पाःत्तुबा के़रे़क् पाःन्निल्ले़ हिङ्॥’” |
| 23284 | MAT 4:6 | “खे़ने़ॽ से़क्खाए निङ्वाॽफुसाःने़ फाॽग्र पिन्दे़ थ्ये़ॽ, थेआङ्भे़ल्ले़ साम्योसाप्लाओ अक्खेलॽरिक् साप्ते़आङ् पत्, ‘निङ्वाॽफुमाङ्ङिल्ले़ कुमाङ्लाइङ्बाहाॽ खे़ने़ॽ के़लागि इङ्जाःङ् पिरुसिआङ् खे़ने़ॽ थाःङ्धाःङ्ङे खुनिॽ हुक्को के़म्दाःक्काङ् के़लाङ्ङिन् लुङ्ङो मे़धाम्सिङ्ङिन्लो॥’” |
| 23285 | MAT 4:7 | ये़सुरे़ नोगप् पिरु, “कर साम्योसाप्लाओ याम्मो अक्खेलॽरिक्काङ् साप्ते़आङ् पत्, ‘दाङ्बा के़निङ्वाॽफुमाङ्ङिल्ले़ कुनिङ्वाॽ मे़साॽरे़न्ने़ॽ॥’” |
| 23286 | MAT 4:8 | हे़क्क्याङ् माफे़न्साम्मिल्ले़ खुने़ॽ साॽरिक् चम्जम्बा कोःक्माओ तेॽरुआङ् इक्सादिङ् खाम्बेःक्मोबा के़रे़क् हाङ्जुम्हाॽ हे़क्क्याङ् खे़प्मोबा पयम्यम्बा नु नुःब्नुःबा पाःन्हाॽ ओसेःन्धाक्तुआङ् |
| 23288 | MAT 4:10 | ये़सुरे़ खे़न् मे़त्तु, “सैताने, कप्मोलाम् पेगे़ॽ, थेआङ्भे़ल्ले़ साम्योसाप्लाओ अक्खेलॽरिक् साप्ते़आङ् पत्, ‘खे़ने़ॽ दाङ्बा के़निङ्वाॽफुमाङ्ङिन्लक् सेवा मे़त्ते़ॽ हे़क्क्याङ् खुने़ॽइन्लक् कुसेवा चोगे़ॽओ॥’” |
| 23294 | MAT 4:16 | खादाम्मो के़वाॽबा मनाहाॽरे़ पयम् यम्बा ओःत्तिःन् मे़निःसुरो॥ सिःमे़ल्ले़न् खामाक्माओ के़वाॽबाहाॽरे़ खुनिॽ लुम्मो ओःत्तिधिक् ओःत्लो॥” |
| 23295 | MAT 4:17 | खे़न् ये़म्माङ्धो ये़सुरे़ अक्खे पाःत्तुर इङ्भोःमा हेःक्तु, “लायोलाम् हिन्दे़म्मे़ॽओ, थेआङ्भे़ल्ले़ साङ्ग्राम्पेदाङ्बा हाङ्जुम्मिन् निःत्ताङ्ङे त्ये़आङ् वाॽरो॥” |
| 23296 | MAT 4:18 | थिक् ये़न् ये़सुःन् गालिल वरक्किल्ले़ कुयाओ लाङ्घेगे़र वये़ल्ले़ पत्रुस मे़प्मनाबा सिमोने़न् नु कुन्साॽ आन्द्रियासे़न् निःसुसि॥ खे़ङ्हाॽ वरक्को योःङ् ले़प्ते़त्छुर यागे़त्छि, थेआङ्भे़ल्ले़ खे़ङ्हाॽ योःङ् के़ले़प्पा वये़त्छिरो॥ |
| 23297 | MAT 4:19 | ये़सुरे़ खे़ङ्हाॽ मे़त्तुसि, “इङ्गाॽ आएगाङ् थाने़त्छे़ॽओ, खिन्छिॽ ङा के़दे़म्सु के़दाःत्छुबा कुइसिःक् इङ्गाॽओ मना के़दाःप्पा चोःक्ने़त्छिङ्लो॥” |
| 23299 | MAT 4:21 | खे़प्मोलाम् मिसाक् नानाक् पेःल्ले़ ये़सुरे़ जब्दियारे़ कुस्साः याकुब नु खे़ल्ले़ कुन्साॽ युहुन्नाःन् निःसुसि॥ खे़ङ्हाॽ खुन्छिॽ पाःन्नु खःङ्बेओ योःङ् ले़म्दे़त्छुर यागे़त्छि॥ ये़सुरे़ खे़ङ्हाॽ उःत्तुसिनुमे़ःन्ने |
| 23301 | MAT 4:23 | ये़सुरे़ यहुदि चुम्लुङ्हिम्हाॽओ निसाम् हुॽरुसिर निङ्वाॽफुहाङ्जुम्मिल्ले़ कुयाःम्बेओ सुनाइङ् से़ःसु, हे़क्क्याङ् के़रे़क् परिक्ले़न् तुक्मा यॽमालाम् के़दुक्पाहाॽ वेःन्दुसिर गालिल थुम्मो खाराक् ताक्कन्दे़रो॥ |
| 23302 | MAT 4:24 | ये़सुरे़ कुयाःम्बेओ इङ्घङ्ङिन् सिरिया लाजेॽ खाराक् से़ःरे़, हे़क्क्याङ् यरिक् परिक्ले़न् तुक्माल्ले़ तरुसिबा मनाहाॽ, के़दुक्पाहाॽ, फे़न्साम्मिल्ले़ याङ्घुसिबाहाॽ, हे़क्क्याङ् थप्मा के़मःबाहाॽ नु के़दुक्पा के़यॽबाहाॽ खुने़ॽओ मे़दारुसिआङ् खे़ङ्हाॽ के़रे़क् नुसुसिरो॥ |
| 23304 | MAT 5:1 | आल्ल ये़सुरे़ यरिक् मनाहाॽ निःसुसिआङ् कोःक्माओ थाःङ् पेआङ् युङ्सिङ्, हे़क्क्याङ् कुहुॽसाम्बाहाॽआङ् खे़त्थो मे़बेआङ् कुघिरि मे़युङ्सिङ्॥ |
| 23309 | MAT 5:6 | हे़क्क्याङ् साम्योनिबा याःम्बक् चोःक्माओ स्याङ्मे़न्दाङ् के़बप्पाहाॽ मुॽइसाबासिरो, थेआङ्भे़ल्ले़ निङ्वाॽफुमाङ्ङिल्ले़ कुनिङ्वाॽ हे़क्के चोःक्मा खे़ङ्हाॽ फाॽरुसिॽरो॥ |
| 23314 | MAT 5:11 | इङ्गाॽ चोगुङ्ङिल्ले़ मनाहाॽरे़ खिनिॽ किनाःन्दि के़म्बिरिॽ, तुक्खे के़म्जाःत्तिआङ् खिनिॽ तक्ले़ङ्वाओ फोत्याबा फे़न् पाःन्हाॽ मे़बाःत्तुल्ले़ मुॽइसाबा के़बोःक्खिरो॥ |
| 23315 | MAT 5:12 | खे़न् ये़म्मो पसःत् सःत्ते़म्मे़ॽओ, थेआङ्भे़ल्ले़ साङ्ग्राम्पेदाङ्ङो खिनिॽ थुम्घोःन् यम्बा चोःक्लो॥ उन्छेःन्स्मा माङ्निङ्वाॽपाःन् के़बाःप्पाहाॽआङ् मनाहाॽरे़ बा हे़क्केए मे़मे़त्तुसिरो॥ |
| 23316 | MAT 5:13 | खिनिॽग इक्सादिङ् खाम्बेःक्माओबा युम्निङ्लो, कर युम्मिल्ले़ कुलिम्मे़न् माःबेःक्ने़ फाॽग्र याम्मो के़लिम्बा चोःक्मा सुक्मे़दे़त्ने़न्लो॥ खे़ल्ले़ कुयाःम्बक् थेआङ् होःप्लो, कर खे़ङ्ग लाप्फुमा पोःङ्ङाङ् मनाहाॽरे़ मे़दोॽरुरो॥ |
| 23317 | MAT 5:14 | खिनिॽग इक्सादिङ् खाम्बेःक्मोबा ओःत्तिनिङ्लो॥ कोःक्माओबा ये़क्यक्किन् थेःल्ले़आङ् इःप्मा मे़सुक्तुन्॥ |
| 23319 | MAT 5:16 | हे़क्केलॽरिक् सेमिःन् ओःप्पा हे़क्केए खिनिॽ के़जोगुम्बा सुयाःम्बक्हाॽ मनाहाॽ ओसेःन्धाक्ते़म्सिम्मे़ॽओ, हे़क्क्याङ् साङ्ग्राम्पेदाङ्बा खिनिॽ निङ्वाॽफुपाःल्ले़ कुनारा मे़भोःसुॽरो॥ |
| 23320 | MAT 5:17 | इङ्गाॽ निङ्वाॽफुमाङ्ङिल्ले़ मोसाःन् पिरुबा साम्योथिम्मिन् नु माङ्निङ्वाॽपाःन् के़बाःप्पाहाॽरे़ मे़बाःत्तुबा पाःन्निन् कुसुम् मे़न्दम्नाबा चोःक्से़ त्याङ्बा फाॽआङ् मे़इःत्ते़म्मिन्ने़ॽओ॥ इङ्गाॽग कुसुम्मे़न्दम्नाबा चोःक्से़ मे़ःन्, कर खे़ङ्हाॽ कुलिङ्धो के़त्छे़ने़ त्याङ्बारो॥ |
| 23322 | MAT 5:19 | हाःत्ले़ कन् इङ्जाःङ्हाॽओबा चुक्सा पाःन्धिक् फेःन्दुआङ् वेहाॽ बा हे़क्के चोःक्मा हुॽरुसिॽ साङ्ग्राम्पेदाङ्बा हाङ्जुम्मो खे़न् चुक्सा पोःङ्लो, कर हाःत्ले़ कन् इङ्जाःङ्हाॽ इःत्तु-नाःत्तुआङ् वेॽहाॽ हे़क्के चोःक्मा हुॽरुसिॽ साङ्ग्राम्पेदाङ्बा हाङ्जुम्मो खे़न् पयम् यम्बा पोःङ्लो॥ |
| 23323 | MAT 5:20 | कर खे़प्से़म्मे़ॽओ, फरिसिहाॽ हे़क्क्याङ्साम्योथिम्साम्बाहाॽनुःल्ले़आङ् निङ्वाॽफुमाङ्ङिल्ले़ कुइङ्जाःङ्हाॽ खिनिॽ नुःरिक्काङ् के़न्इःत्तुम्मिन् के़न्नाःत्तुम्मिन्ने़ फाॽग्र से़क्खासाङ् खिनिॽ साङ्ग्राम्पेदाङ्बा हाङ्जुम्मो के़न्लासिन्लो॥” |
| 23324 | MAT 5:21 | आल्ल, “उन्छेःन् मोसारे़ कुसाम्यो इङ्जाःङ्ङिल्ले़ अक्खे पाःत्तुबान् खिनिॽ के़घे़प्सुम्माङ् के़वयिॽ, ‘मना मे़से़रे़न्ने़ॽओ, थेआङ्भे़ल्ले़ मना के़से़प्पाल्ले़ खुम्दिङ् खोःसुॽरो,’ |
| 23325 | MAT 5:22 | कर इङ्गाॽ मे़त्निङ्, हाःत् कुन्साॽइन्नु कुयाःक् ले़ॽ, खे़ल्ले़ खुम्दिङ् खोःसुॽरो॥ याम्मो हाःत्ले़ कुन्साॽइन् ‘अदङ्’ मे़त्तुॽ, खे़ङ्ग के़रे़क्नुःल्ले़ यम्बा यहुदि खासे़न्लोःम्बाहाॽरे़ खुनिॽ तगि मे़ये़प्सुॽ, कर हाःत्ले़ कुन्साॽइन् साक्मुरा मे़त्तुॽ, खे़ङ्ग खे़मायङ्सङ्ङोबा मिओ पेःक्मा सुक्लो॥ |
| 23327 | MAT 5:24 | के़ले़त्तिङ्ङिन् ले़त्तिङ्तोःम्मादे़न्निल्ले़ कुबेसाङ् ने़स्से़ थ्ये़ॽआङ् के़रे़क्नुःल्ले़ तगि के़न्देःङ्बाल्लो पेगे़ॽआङ् नादङ् चोगे़त्छे़ॽओ॥ हे़क्क्याङ्लक् त्ये़ॽआङ् के़ले़त्तिङ्ङिन् तोःन्दे़ॽओ॥ |
| 23328 | MAT 5:25 | आप्तिक् के़गुःप्पाल्ले़ खे़ने़ॽ खासे़न्दे़न्नो तेॽमानुःल्ले़ तगि खुने़ॽनु नादङ् चोगे़ॽओ, मे़ःन्ने़ फाॽग्र खे़ने़ॽ खासे़न्लोःम्बाल्लो के़देॽआङ् खासे़न्लोःम्बाल्ले़ तिलिङ्गाहाॽरो हुक्के़सुप्, हे़क्क्याङ् खे़ङ्हाॽरे़ पुङ्लाहिम्मो के़म्साक्लो॥ |
| 23330 | MAT 5:27 | आल्ल, “खिनिॽ मोसारे़ कुसाम्यो इङ्जाःङ्ङिल्ले़ अक्खे पाःत्तुबा के़घे़प्सुम्माङ् के़वयि, ‘खे़ने़ॽ चाराम्मा याःम्बक् मे़जोगे़न्ने़ॽओ’ |
| 23331 | MAT 5:28 | कर इङ्गाॽ मे़त्निङ् आत्तिल्ले़ फे़न् निङ्वाॽ इःत्तुर मे़न्छुमाॽइन् ओमे़त्तुॽ, खे़ल्ले़ग तगिए खे़न् मे़न्छुमाॽइन्नु कुनिङ्वाॽबो चाराम्मा याःम्बक् चोगुदेःसुरो॥ |
| 23332 | MAT 5:29 | खे़ने़ॽ चुप्साङ् के़मिक्किल्ले़ लायो चोःक्मा के़बाङ्ने़ फाॽग्र लःत्ते़ॽआङ् लाप्फुःसे़ॽओ॥ के़रे़क् नासिङ्गे़न् थक्किन् खे़मायङ्सङ्ङो लाप्फुमानुःल्ले़ मिक्थिक् मे़ःन्ने वाॽमाए नुःबारो॥ |
| 23333 | MAT 5:30 | हे़क्क्याङ् चुप्साङ् हुक्किल्ले़ लायो चोःक्मा के़बाङ्ने़ फाॽग्र खे़न्नाङ् खक्ते़ॽआङ् लाप्फुःसे़ॽओ॥ के़रे़क् नासिङ्गे़न् थक्किन् खे़मायङ्सङ्ङो लाप्फुमानुःल्ले़ हुक्थिक् मे़ःन्ने वाॽमाए नुःबारो॥” |
| 23338 | MAT 5:35 | हे़क्क्याङ् इक्सादिङ् खाम्बेःक्माल्ले़ कुमिङ्ङोआङ् माङ्मे़हे़क्कासिम्मे़न्ने़ॽओ, थेआङ्भे़ल्ले़ खे़ङ्ग खुने़ॽ कुलाङ् तोॽभेःत्लो॥ हे़क्केलॽरिक्के यरुसले़म्मिल्ले़ कुमिङ्ङोआङ् माङ्मे़हे़क्कासिम्मे़न्ने़ॽ, थेआङ्भे़ल्ले़ खे़ङ्ग पयम् यम्बा हाङ्ङिल्ले़ कुये़क्यक्लो॥ |
| 23340 | MAT 5:37 | खिनिॽ पाःन्निङ्ग ‘ओ’ ने़ फाॽग्र ‘ओ’ पाःत्ते़म्मे़ॽ, ‘मे़ःन्’ ने़ फाॽग्र ‘मे़ःन्’ पाःत्ते़म्मे़ॽ॥ खे़न्नाङ्धोबाङ्ग माफे़न्साम्लाम् के़दाःबारो॥” |
| 23343 | MAT 5:40 | हे़क्क्याङ् आत्तिल्ले़ के़जाङ्मा तेःत्तिन् नाप्मारे़ लागि खासे़न्दे़न्नो के़देॽ, खे़न् के़घाम्मा के़लोमाहाॽआङ् पिरे़देःसे़ॽओ॥ |
| 23344 | MAT 5:41 | थक्सुबाल्ले़ खे़ने़ॽ के़न्दे़न्ने़न्छाङ् किलोमितर थिक् थारिक् कुगक्किन् कुःप्मा तेॽमा के़गोःत्ने़ फाॽग्र खे़न्नु किलोमितर ने़त्छि थारिक् पेगे़ॽओ॥ |
| 23345 | MAT 5:42 | के़नाःक्पाहाॽ खे़ने़ॽ पिरे़से़ॽ, आत्तिल्ले़ थे़त्ला के़नाःक् खे़न् पिरे़ॽओ॥” |
| 23347 | MAT 5:44 | कर इङ्गाॽ खिनिॽ मे़त्निङ्, निङ्मिहाॽ लुङ्माॽ तुक्ते़म्सिम्मे़ॽआङ् खिनिॽ ताप्फे़ःल्लिक्के़मे़प्पाहाॽ तुवा चोगे़म् पिरे़म्सिम्मे़ॽओ॥ |
| 23348 | MAT 5:45 | हे़क्केलॽरिक् साङ्ग्राम्पेदाङ्ङोबा खिनिॽ पानुदिङ् पाः निङ्वाॽफुमाङ्ङिल्ले़ कुस्साः के़बोःक्खिॽरो॥ थेआङ्भे़ल्ले़ निङ्वाॽफुमाङ्ङिल्ले़ग नुःबा नु ताप्फे़ःम्बा सम्दाङ् नाम्से़ःक् पाङ्घुआङ् साम्योनिबाहाॽ नु लायोबाहाॽओ पाङ्गे़न्दिङ् वाहिःत्थाःमा पाङ्घुरो॥ |
| 23352 | MAT 6:1 | ये़सुरे़ याम्मो मे़त्तुसि, “सिङ्सिङ् ये़क्ये़क् लॽरे़म्मे़ॽओ, खिनिॽ के़जोगुम्बा साम्योनिबा याःम्बक्हाॽ मनाहाॽरे़ मे़निःसुआङ् खिनिॽ नारा मे़भोःसुर फाॽआङ् मना तगि मे़जोगे़म्मिन्ने़ॽओ॥ हे़क्के के़जोगुम्ने़ फाॽग्र साङ्ग्राम्पेदाङ्ङोबा पानुदिङ् पाः निङ्वाॽफुमाङ्लाम् थेआङ् के़ङ्घोःसुम्मिन्लो॥ |
| 23353 | MAT 6:2 | हे़क्केलॽरिक् मे़ङ्गप्मनाबाहाॽ कुजा के़बिरुसिल्ले़ वेॽहाॽरे़ मे़घे़प्सुर मे़निःसुर फाॽआङ् मुक्ला मे़मुक्खे़न्ने़ॽओ॥ कुनिङ्वाॽ के़जिःप्पाहाॽरे़ यहुदि चुम्लुङ्हिम्मो नु लाम्लाम्मो मनाहाॽरे़ मे़निःसुआङ् खुनिॽ नारा मे़भोःसुर फाॽआङ् हे़क्के मे़जोगुॽ॥ इङ्गाॽ से़क्खाए मे़त्ने़ॽ, खे़ङ्हाॽरे़ खुनिॽ हाङ्से़म्मिङ्ग तगिसा मे़घोःसु मे़सुरुआङ् मे़वाॽ॥ |
| 23354 | MAT 6:3 | कर खे़ने़ॽ मे़ङ्गप्मनाबाहाॽ के़बिरुसिल्ले़ वेॽहाॽरे़ मे़न्निए पिरे़से़ॽओ॥ |
| 23356 | MAT 6:5 | “हे़क्क्याङ् खिनिॽ तुवा के़जोगुम्मिल्ले़ कुनिङ्वाॽ के़जिःप्पाहाॽ कुइसिःक् मे़जोगे़म्मिन्ने़ॽओ॥ खे़ङ्हाॽरे़ग मनाहाॽरे़ मे़निःसुर फाॽआङ् यहुदि चुम्लुङ्हिम्मो नु लाम्लाम्मो ये़प्माआङ् तुवा चोःक्मा खुनिॽ सिराॽ थाङ्लो॥ इङ्गाॽ से़क्खाए मे़त्निङ्, खे़ङ्हाॽरे़ खुनिॽ याःम्बक्किल्ले़न् हाङ्से़म्मिन् तगिए मे़घोःसु मे़सुरुआङ् मे़वाॽरो॥ |
| 23357 | MAT 6:6 | कर खे़ने़ॽ तुवा के़जोगुल्ले़ के़हिम्लक्सिङ्सिगाङ् लाःसे़ॽआङ् लाम्धेःप्पान्सुबे़ॽ, हे़क्क्याङ् निःमे़न्दे़प्मनाबा पानुदिङ् के़म्बानु एःक् तुवा चोगे़ॽओ॥ हे़क्क्याङ् स्वाःत्ताङ् चोःक्मनाबा याःम्बक् के़निःबा पानुदिङ् के़म्बारे़ हाङ्से़म् के़बिरो॥ |
| 23358 | MAT 6:7 | हे़क्क्याङ् तुवा के़जोगिल्ले़ निङ्वाॽफुमाङ्ङिन् कुसिङ् मे़न्निःप्मनाबाहाॽ हे़क्के मनाहाॽरे़ मे़घे़प्सुर मुनुनु मे़लॽरे़म्मिन्ने़ॽओ, थेआङ्भे़ल्ले़ खे़ङ्हाॽरे़ग यरिक् मे़बाःत्तिल्ले़रक् माङ्ङिल्ले़ खुनिॽ तुवाःन् खे़प्सुॽ फाॽआङ् मे़इःत्तुॽरो॥ |
| 23359 | MAT 6:8 | कर खिनिॽ खे़ङ्हाॽ हे़क्के मे़जोगे़म्मिन्ने़ॽओ, थेआङ्भे़ल्ले़ नाःक्मानुःल्ले़ तगिए साङ्ग्राम्बा पानुदिङ् खिनिॽ पाःल्ले़ के़ङ्गत्तुम्मिन्बान् निःसुॽरो॥ |
| 23360 | MAT 6:9 | खे़ल्ले़ चोगुल्ले़ अक्खेलॽरिक् तुवा चोगे़म्मे़ॽओ– ‘साङ्ग्राम्पेदाङ्ङो के़वाॽबा आनिगे़ पानुदिङ् पाए, मनाहाॽरे़ के़मिङ्ङिन् सेसे मे़इःत्तुर मिङ्सो इङ्धाःङ् के़म्बिररो॥ |
| 23362 | MAT 6:11 | हे़क्क्याङ् थिक्याःन्धक्पा कुजाःन् आबिरे़ॽओ॥ |
| 23363 | MAT 6:12 | आनिगे़ तक्ले़ङ्वाओ लायो के़जोःक्पाहाॽ ले़प्मि पिरुम्सिम्बे़बा हे़क्केए आनिगे़ चोगुम्बे़बा लायोःन् ले़प्मि आबिरे़ॽओ॥ |
| 23364 | MAT 6:13 | हङ्साॽमो आन्धाःसे़न्ने़ॽओ, कर माफे़न्साम्लाम् आसे़ःप्ते़ॽओ॥ ((थेआङ्भे़ल्ले़ हाङ्जुम्, मुक्साम् नु मिमिदिङ्ङिन् सदादिङ् खे़ने़ॽइन्नेरो॥))’ |
| 23365 | MAT 6:14 | थेआङ्भे़ल्ले़ खिनिॽ तक्ले़ङ्वाओ लायो के़जोःक्पाहाॽ ले़प्मि के़बिरुम्सिम्ने़ फाॽग्र साङ्ग्राम्पेदाङ्ङो के़वाॽबा खिनिॽ पानुदिङ् पाः निङ्वाॽफुमाङ्ङिल्ले़आङ् ले़प्मि के़बिरिॽरो॥ |
| 23366 | MAT 6:15 | कर खिनिॽ तक्ले़ङ्वाओ लायो के़जोःक्पाहाॽ ले़प्मि के़म्बिरुम्सिम्मिन्ने़ फाॽग्र खिनिॽ पानुदिङ् पाः निङ्वाॽफुमाङ्ङिल्ले़आङ् खिनिॽ लायोःन् ले़प्मि के़म्बिरिन्लो॥” |
| 23367 | MAT 6:16 | “हे़क्क्याङ् खिनिॽ चाःने़त् के़युङ्ङिल्ले़ निङ्वाॽ के़जिःप्पाहाॽ कुइसिःक् खिनिॽ ना मे़माक्ते़म्मिन्ने़ॽओ, थेआङ्भे़ल्ले़ खे़ङ्हाॽ चाःने़त् मे़युङ्ङिल्ले़ वेॽ मनाहाॽरे़ निङ्वाॽ मे़घोःसुर फाॽआङ् खुनिॽ नाराःन् मे़गिःन्दुर मे़युङ्लो॥ इङ्गाॽ से़क्खाए मे़त्निङ्, खे़ङ्हाॽरे़ग खुनिॽ हाङ्से़म्मिन् के़रे़क् मे़घोःसु मे़सुरुआङ् मे़वाॽरो॥ |
| 23368 | MAT 6:17 | कर खे़ने़ॽ चाःने़त् के़युङ्ङिल्ले़ खे़ने़ॽ के़धे़गेःक्पो निःङ्गेॽ हुःत्ते़ॽआङ् के़नाराःन् वाहप्ते़ॽओ॥ |
| 23370 | MAT 6:19 | “इक्सादिङ् खाम्बेःक्मो याङ्साकुन्धे मे़लुप्से़न्ने़ॽओ॥ खे़प्मोग थक्पाहाॽरे़ मे़जःॽ, हिङ्धोःक्किल्ले़ यःन्दुॽ, हे़क्क्याङ् खुःन्द्रिक्पाहाॽरे़ मे़घुःत्तुॽरो॥ |
| 23371 | MAT 6:20 | कर साङ्ग्राम्पेदाङ्ङो याङ्साकुन्धे लुप्से़म्मे़ॽओ॥ खे़प्मोग थक्पाहाॽरे़ मे़न्जने़न्, हिङ्धोःक्किल्ले़आङ् मे़यःत्छुन्, हे़क्क्याङ् खुःन्द्रिक्पाहाॽरे़आङ् मे़न्घुःत्तुन्लो॥ |
| 23373 | MAT 6:22 | मिक्किङ्ग नासिङ्गे़न् थक्कोबा सेमिरो, खे़ल्ले़ चोगुल्ले़ के़मिक्किन् नुॽने़ फाॽग्र, के़रे़क् नासिङ्गे़न् के़धक्किन् ओःत्लो॥ |