| 23215 | MAT 1:2 | अब्राहामरे़ कुस्साः इसहाक वये़, इसहाकरे़ कुस्साः याकुब वये़, याकुबरे़ कुस्साःहाॽ यहुदा हे़क्क्याङ् खुने़ॽ कुम्भुॽ कुन्साॽसि मे़वये़रो॥ |
| 23233 | MAT 1:20 | कर हे़क्के इःत्तुर वये़ल्ले़ से़प्माङ्मो यहवे दाङ्बाल्ले़ कुमाङ्लाइङ्बान् ओसेःन्धाक्सिङ्ङाङ्अक्खे मे़त्तुरो, “दाउदरे़ कुमुॽइदाङ्सा युसुप्फे, खे़ने़ॽ मरियम्मिन् मेःक्खिम् चोःक्माआङ् हिम्मो ताःप्मा मे़गिसे़न्ने़ॽओ, थेआङ्भे़ल्ले़ खुने़ॽओबा अङे़ःक्वाःन् सेसेमाङ्ङिल्ले़ कुमुक्साम्लाम्बा हाङ्सिङ्बारो॥ |
| 23234 | MAT 1:21 | खुने़ॽ ये़म्बित्छाॽसाःधिक् कत्तुॽ, हे़क्क्याङ् खे़ल्ले़ कुमिङ्ङिन् ये़सु वाःत्ते़ॽओ, थेआङ्भे़ल्ले़ खे़ल्ले़ कुमनाहाॽ खुनिॽ लायोलाम् ताङ्से़ःप्तुसिॽरो॥” |
| 23243 | MAT 2:5 | खे़ङ्हाॽरे़ नोगप् मे़बिरु, “यहुदिया थुम्मोबा बे़थलेहे़म्मो खुने़ॽ सावाःन्छिङ्मा के़बोःङ्बा वाॽरो॥ थेआङ्भे़ल्ले़ माङ्निङ्वाॽपाःन् के़बाःप्पाल्ले़ अक्खेलॽरिक् साप्तुआङ् पत्– |
| 23244 | MAT 2:6 | ‘यहुदिया थुम्मोबा बे़थलेहे़म्मे, खे़ने़ॽग यहुदियाबा पाङ्जुम्हाॽओ साॽरिक् के़ये़क्पा के़जोःक्लो, थेआङ्भे़ल्ले़ खे़ने़ॽ के़बाङ्जुम्लाम् हाङ्युक्पाधिक् ताःरो, खुने़ॽग मे़ल्लुक्कम्बा कुइसिःक् पोःङ्ङाङ् आमना इस्राइलिहाॽ कम्ब्राङ् के़मे़प्पा पोःङ्लो॥’” |
| 23249 | MAT 2:11 | हिम् सिगाङ् मे़लाःस्से़ल्ले़ अङे़ःक्वाःन् नु कुम्मा मरियम्मिन् मे़निःसुसिरो॥ खे़ङ्हाॽरे़ साम्बोःन्नाङ् अङे़ःक्वाःन् सेवा मे़मे़त्तु, हे़क्क्याङ् सुःक्वाःन्मे़भाःक्खुआङ् साम्म्याङ्, थिक् परिक्पा इमे़ल्लुङ्बा साङ्सिङ् नु कुनाम् के़नुॽबा मुर्रहाॽ मे़दोःन्दु मे़बिरुरो॥ |
| 23251 | MAT 2:13 | खे़न् सिक्कुम्निबा खागे़इक्पाहाॽ मे़बे हे़क्क्याङ् यहवे दाङ्बाल्ले़ कुमाङ्लाइङ्बाधिक् युसुफरे़ कुसे़प्माङ्मो थाःन्छिङ्ङाङ् अक्खे मे़त्तु, “पोगे़ॽआङ् अङे़ःक्वाःन् नु कुम्माःन् तेॽरे़से़ॽआङ् मिस्र लाजेॽओ खे़त्छिङ् पेगे़ॽ, हे़क्क्याङ् इङ्गाॽ मे़म्मे़त्ते थारिक् खे़ने़ॽ खे़प्मोए वये़ॽओ, थेआङ्भे़ल्ले़ हे़रोद हाङ्ङिल्ले़ अङे़ःक्वाःन् से़प्मा फाॽआङ् कोःत्तुर वाॽरो॥” |
| 23254 | MAT 2:16 | आल्ल हे़रोद हाङ्ङिल्ले़ सिक्कुम्निबा खागे़इक्पाहाॽरे़ हे़क्केलॽरिक् खुने़ॽ इङ्मे़ले़क्तुआङ् वेॽ लाम् मे़बेबा निङ्वाॽ खोःसुआङ् साॽरिक् कुसिक् पोगे़रो॥ खे़ल्ले़ चोगुल्ले़ थक्सुबाहाॽ पाङ्घुसिआङ् बे़थलेहे़म नु खे़न् खिरिबा तङ्बे ने़त्छिआङ् योबा ये़म्बित्छाॽ अङे़ःक्वा साःहाॽ के़रे़क् से़प्पाङ्घुसिरो॥ थेआङ्भे़ल्ले़ खे़न् सिक्कुम्निबा खागे़इक्पाहाॽलाम् खेःम्सिक्पान् तङ्बे ने़त्छिआङ्धो तगि थाःम्सिङ्बा निङ्वाॽ खोःसुआङ् वये़रो॥ |
| 23256 | MAT 2:18 | “के़हाःप्मा के़भिःक्मा नु मेरिङ् के़धक्मा यम्बा इक्लाःन् रामा पाङ्जुम्मो खे़म्दे़त्लो, राहे़लरे़ कुस्साःहाॽ हाःप्तुसिॽरो॥ खे़ङ्ग हाङ्हाङ् मे़त्छिङ्मा मे़दे़न्ने़न्लो, थेआङ्भे़ल्ले़ कुस्साःहाॽ के़रे़क् मे़स्ये़रो॥” |
| 23258 | MAT 2:20 | मे़त्तु, “पोगे़ॽआङ् अङे़ःक्वाःन् नु कुम्माःन् इस्राइल लाजेॽओ तेॽरे़से़ॽओ, थेआङ्भे़ल्ले़ अङे़ःक्वाःन् से़प्मा के़गोःप्पे़न्स्ये़आङ् होःप्लो॥” |
| 23262 | MAT 3:1 | खे़न् ये़म्मो बप्तिस्मा के़बिबा युहुन्ना मे़प्मनाबा मनाःन् यहुदिया थुम्मोबा एःक्सादे़न्नो अक्खेलॽरिक् इङ्भन् चोगुर त्ये़, |
| 23263 | MAT 3:2 | “खिनिॽ लायोलाम् हिन्दे़म्मे़ॽओ, थेआङ्भे़ल्ले़ साङ्ग्राम्पेदाङ्बा हाङ्जुम्मिन् निःत्ताङ्ङे त्ये़आङ् वाॽरो॥” |
| 23265 | MAT 3:4 | आल्ल युहुन्नाःल्ले़ उमेरे़ कुमुरिक्लाम् थाक्मनाबा तेःत्तिन् चाक्खुआङ् से़होबा फॽइ युप्सुरो॥ खुने़ॽ कुजामाङ्ग निःङ्घुःक्वा नु ताम्भुङ् सक्वाघु वये़रो॥ |
| 23270 | MAT 3:9 | आनिगे़ग अब्राहामरे़ कुस्साःसिगे़, खे़ल्ले़ चोगुल्ले़ खुम्दिङ्लाम् खे़त्छिङ्मा सुक्तिगे़ॽ फाॽआङ् निङ्वाॽ मे़इःत्ते़म्मिन्ने़ॽओ, थेआङ्भे़ल्ले़ निङ्वाॽफुमाङ्ङिल्ले़ग कन् लुङ्हाॽआङ् अब्राहामरे़ कुस्साः चोःक्मा सुक्तुसिॽरो॥ |
| 23273 | MAT 3:12 | कुभॽएःत्तिल्ले़ सिःन् आःम्मा फाॽआङ् खुने़ॽ यारिप् वाॽ, हे़क्क्याङ् खुने़ॽ तुगुर सुप्सुआङ्सिःन् चाधोःक्लाओ चिक्खुॽ हे़क्क्याङ् कुहक्हाॽ आप्फाल्ले़आङ् मे़न्छिःमनाबा मिओ हाःन्दुदेःसुॽरो॥” |
| 23282 | MAT 4:4 | कर ये़सुरे़ नोगप् पिरु, “हे़क्के मे़जोःक्कान्, थेआङ्भे़ल्ले़ साम्योसाप्लाओ मोसारे़ अक्खेलॽरिक् साप्तुआङ् पत्, ‘मे़न्छाम् याप्मिःङ्ग कुजाःल्ले़रक् मे़हिङ्ने़न्, कर निङ्वाॽफुमाङ्ङिल्ले़ पाःत्तुबा के़रे़क् पाःन्निल्ले़ हिङ्॥’” |
| 23284 | MAT 4:6 | “खे़ने़ॽ से़क्खाए निङ्वाॽफुसाःने़ फाॽग्र पिन्दे़ थ्ये़ॽ, थेआङ्भे़ल्ले़ साम्योसाप्लाओ अक्खेलॽरिक् साप्ते़आङ् पत्, ‘निङ्वाॽफुमाङ्ङिल्ले़ कुमाङ्लाइङ्बाहाॽ खे़ने़ॽ के़लागि इङ्जाःङ् पिरुसिआङ् खे़ने़ॽ थाःङ्धाःङ्ङे खुनिॽ हुक्को के़म्दाःक्काङ् के़लाङ्ङिन् लुङ्ङो मे़धाम्सिङ्ङिन्लो॥’” |
| 23287 | MAT 4:9 | मे़त्तु, “खे़ने़ॽ साम्बोःन् के़भन्छिङ्ङाङ् इङ्गाॽ सेवा के़मे़त्ताने़ फाॽग्र कङ्हाॽ के़रे़क् पिने़ॽ॥” |
| 23288 | MAT 4:10 | ये़सुरे़ खे़न् मे़त्तु, “सैताने, कप्मोलाम् पेगे़ॽ, थेआङ्भे़ल्ले़ साम्योसाप्लाओ अक्खेलॽरिक् साप्ते़आङ् पत्, ‘खे़ने़ॽ दाङ्बा के़निङ्वाॽफुमाङ्ङिन्लक् सेवा मे़त्ते़ॽ हे़क्क्याङ् खुने़ॽइन्लक् कुसेवा चोगे़ॽओ॥’” |
| 23295 | MAT 4:17 | खे़न् ये़म्माङ्धो ये़सुरे़ अक्खे पाःत्तुर इङ्भोःमा हेःक्तु, “लायोलाम् हिन्दे़म्मे़ॽओ, थेआङ्भे़ल्ले़ साङ्ग्राम्पेदाङ्बा हाङ्जुम्मिन् निःत्ताङ्ङे त्ये़आङ् वाॽरो॥” |
| 23296 | MAT 4:18 | थिक् ये़न् ये़सुःन् गालिल वरक्किल्ले़ कुयाओ लाङ्घेगे़र वये़ल्ले़ पत्रुस मे़प्मनाबा सिमोने़न् नु कुन्साॽ आन्द्रियासे़न् निःसुसि॥ खे़ङ्हाॽ वरक्को योःङ् ले़प्ते़त्छुर यागे़त्छि, थेआङ्भे़ल्ले़ खे़ङ्हाॽ योःङ् के़ले़प्पा वये़त्छिरो॥ |
| 23306 | MAT 5:3 | “के़रे़क् पाःन्नो निङ्वाॽफुमाङ्ङिन् चाहाबा के़जोःक्पाहाॽ मुॽइसाबासिरो, थेआङ्भे़ल्ले़ साङ्ग्राम्पेदाङ्बा हाङ्जुम्मिन् खे़ङ्हाॽरे़न्नेरो॥ |
| 23307 | MAT 5:4 | मेरिङ् के़धक्पाहाॽ मुॽइसाबासिरो, थेआङ्भे़ल्ले़ खे़ङ्हाॽरे़ हाङ्हाङ् मे़त्छिङ्मान् मे़घोःसुॽरो॥ |
| 23308 | MAT 5:5 | चुङ्जिगे़न् नःम्नःम्बा मनाहाॽ मुॽइसाबासिरो, थेआङ्भे़ल्ले़ इक्सादिङ् खाम्बेःक्मान् खे़ङ्हाॽरे़न्नेरो॥ |
| 23309 | MAT 5:6 | हे़क्क्याङ् साम्योनिबा याःम्बक् चोःक्माओ स्याङ्मे़न्दाङ् के़बप्पाहाॽ मुॽइसाबासिरो, थेआङ्भे़ल्ले़ निङ्वाॽफुमाङ्ङिल्ले़ कुनिङ्वाॽ हे़क्के चोःक्मा खे़ङ्हाॽ फाॽरुसिॽरो॥ |
| 23310 | MAT 5:7 | वेॽ मनाहाॽ लुङ्माॽ के़दुक्पाहाॽ मुॽइसाबासिरो, थेआङ्भे़ल्ले़ खे़ङ्हाॽ लुङ्माॽ मे़दुक्तुसिॽरो॥ |
| 23311 | MAT 5:8 | सिक्लुङ्मो सेसे के़वाॽबाहाॽ मुॽइसाबासिरो, थेआङ्भे़ल्ले़ खे़ङ्हाॽरे़ निङ्वाॽफुमाङ्ङिन् मे़निःसुॽरो॥ |
| 23312 | MAT 5:9 | नादङ् के़जोःक्पाहाॽ मुॽइसाबासिरो, थेआङ्भे़ल्ले़ खे़ङ्हाॽग निङ्वाॽफुसाः मे़बोःङ्लो॥ |
| 23313 | MAT 5:10 | साम्योनिबा याःम्बक् मे़जोगुल्ले़ मनाहाॽरे़ तुक्खे मे़जाःत्तुसिबाहाॽ मुॽइसाबासिरो, थेआङ्भे़ल्ले़ साङ्ग्राम्पेदाङ्बा हाङ्जुम्मिङ्ग खे़ङ्हाॽरे़न्नेरो॥ |
| 23315 | MAT 5:12 | खे़न् ये़म्मो पसःत् सःत्ते़म्मे़ॽओ, थेआङ्भे़ल्ले़ साङ्ग्राम्पेदाङ्ङो खिनिॽ थुम्घोःन् यम्बा चोःक्लो॥ उन्छेःन्स्मा माङ्निङ्वाॽपाःन् के़बाःप्पाहाॽआङ् मनाहाॽरे़ बा हे़क्केए मे़मे़त्तुसिरो॥ |
| 23319 | MAT 5:16 | हे़क्केलॽरिक् सेमिःन् ओःप्पा हे़क्केए खिनिॽ के़जोगुम्बा सुयाःम्बक्हाॽ मनाहाॽ ओसेःन्धाक्ते़म्सिम्मे़ॽओ, हे़क्क्याङ् साङ्ग्राम्पेदाङ्बा खिनिॽ निङ्वाॽफुपाःल्ले़ कुनारा मे़भोःसुॽरो॥ |
| 23324 | MAT 5:21 | आल्ल, “उन्छेःन् मोसारे़ कुसाम्यो इङ्जाःङ्ङिल्ले़ अक्खे पाःत्तुबान् खिनिॽ के़घे़प्सुम्माङ् के़वयिॽ, ‘मना मे़से़रे़न्ने़ॽओ, थेआङ्भे़ल्ले़ मना के़से़प्पाल्ले़ खुम्दिङ् खोःसुॽरो,’ |
| 23336 | MAT 5:33 | “याम्मो खिनिॽ मोसारे़ कुसाम्यो इङ्जाःङ्ङिल्ले़ अक्खे पाःत्तुबा के़घे़प्सुम्माङ् के़वयिॽ, ‘खिनिॽ के़जोगुम्बा माङ्हे़क्किन्मे़भेःन्दे़म्मे़न्ने़ॽ, कर यहवे दाङ्बान्नु के़जोगुम्बा माङ्हे़क्किन्के़गे़त्तुम्लए पोःङ्लो॥’ |
| 23337 | MAT 5:34 | कर इङ्गाॽ खिनिॽ मे़त्निङ्, आप्फाल्ले़आङ् माङ्मे़हे़क्कासिम्मे़न्ने़ॽ॥ हे़क्केलॽरिक् साङ्ग्राम्पेदाङ्ङिल्ले़ कुमिङ्ङोआङ् मे़ःन्, थेआङ्भे़ल्ले़ खे़ङ्ग निङ्वाॽफुमाङ् युक्नारो॥ |
| 23338 | MAT 5:35 | हे़क्क्याङ् इक्सादिङ् खाम्बेःक्माल्ले़ कुमिङ्ङोआङ् माङ्मे़हे़क्कासिम्मे़न्ने़ॽओ, थेआङ्भे़ल्ले़ खे़ङ्ग खुने़ॽ कुलाङ् तोॽभेःत्लो॥ हे़क्केलॽरिक्के यरुसले़म्मिल्ले़ कुमिङ्ङोआङ् माङ्मे़हे़क्कासिम्मे़न्ने़ॽ, थेआङ्भे़ल्ले़ खे़ङ्ग पयम् यम्बा हाङ्ङिल्ले़ कुये़क्यक्लो॥ |
| 23339 | MAT 5:36 | हे़क्केलॽरिक्के खिनिॽ थे़गेःक्पाल्ले़न् माङ्मे़हे़क्कासिम्मे़न्ने़ॽ, थेआङ्भे़ल्ले़ खिनिॽ थे़गेःक्इधिक्काङ् फःगे़लॽबा इग्र माक्के़लॽबा चोःक्मा के़न्छुक्तुम्मिल्लो॥ |
| 23346 | MAT 5:43 | “मोसारे़ कुसाम्यो इङ्जाःङ्ङिल्ले़ के़बाङ्भेॽसाबाहाॽ लुङ्माॽ तुक्ते़से़ॽआङ् के़निङ्मिहाॽ चिःत्ते़से़ॽ लॽरिक् पाःत्तुबा के़घे़प्सुम्माङ् के़वयिॽ, |
| 23348 | MAT 5:45 | हे़क्केलॽरिक् साङ्ग्राम्पेदाङ्ङोबा खिनिॽ पानुदिङ् पाः निङ्वाॽफुमाङ्ङिल्ले़ कुस्साः के़बोःक्खिॽरो॥ थेआङ्भे़ल्ले़ निङ्वाॽफुमाङ्ङिल्ले़ग नुःबा नु ताप्फे़ःम्बा सम्दाङ् नाम्से़ःक् पाङ्घुआङ् साम्योनिबाहाॽ नु लायोबाहाॽओ पाङ्गे़न्दिङ् वाहिःत्थाःमा पाङ्घुरो॥ |
| 23349 | MAT 5:46 | खिनिॽ लुङ्माॽ के़दुक्पाहाॽरक् लुङ्माॽ के़दुक्तुम्सिम्ने़ फाॽग्र खिनिॽ थे हाङ्से़म्मिन् के़घोःसुम्माङ्बे? हे़क्तङ्बा याःम्बक्किङ्ग एःङ्याङ् के़भोःङ्बाहाॽरे़आङ् मे़जोगुरो॥ |
| 23352 | MAT 6:1 | ये़सुरे़ याम्मो मे़त्तुसि, “सिङ्सिङ् ये़क्ये़क् लॽरे़म्मे़ॽओ, खिनिॽ के़जोगुम्बा साम्योनिबा याःम्बक्हाॽ मनाहाॽरे़ मे़निःसुआङ् खिनिॽ नारा मे़भोःसुर फाॽआङ् मना तगि मे़जोगे़म्मिन्ने़ॽओ॥ हे़क्के के़जोगुम्ने़ फाॽग्र साङ्ग्राम्पेदाङ्ङोबा पानुदिङ् पाः निङ्वाॽफुमाङ्लाम् थेआङ् के़ङ्घोःसुम्मिन्लो॥ |
| 23353 | MAT 6:2 | हे़क्केलॽरिक् मे़ङ्गप्मनाबाहाॽ कुजा के़बिरुसिल्ले़ वेॽहाॽरे़ मे़घे़प्सुर मे़निःसुर फाॽआङ् मुक्ला मे़मुक्खे़न्ने़ॽओ॥ कुनिङ्वाॽ के़जिःप्पाहाॽरे़ यहुदि चुम्लुङ्हिम्मो नु लाम्लाम्मो मनाहाॽरे़ मे़निःसुआङ् खुनिॽ नारा मे़भोःसुर फाॽआङ् हे़क्के मे़जोगुॽ॥ इङ्गाॽ से़क्खाए मे़त्ने़ॽ, खे़ङ्हाॽरे़ खुनिॽ हाङ्से़म्मिङ्ग तगिसा मे़घोःसु मे़सुरुआङ् मे़वाॽ॥ |
| 23358 | MAT 6:7 | हे़क्क्याङ् तुवा के़जोगिल्ले़ निङ्वाॽफुमाङ्ङिन् कुसिङ् मे़न्निःप्मनाबाहाॽ हे़क्के मनाहाॽरे़ मे़घे़प्सुर मुनुनु मे़लॽरे़म्मिन्ने़ॽओ, थेआङ्भे़ल्ले़ खे़ङ्हाॽरे़ग यरिक् मे़बाःत्तिल्ले़रक् माङ्ङिल्ले़ खुनिॽ तुवाःन् खे़प्सुॽ फाॽआङ् मे़इःत्तुॽरो॥ |
| 23359 | MAT 6:8 | कर खिनिॽ खे़ङ्हाॽ हे़क्के मे़जोगे़म्मिन्ने़ॽओ, थेआङ्भे़ल्ले़ नाःक्मानुःल्ले़ तगिए साङ्ग्राम्बा पानुदिङ् खिनिॽ पाःल्ले़ के़ङ्गत्तुम्मिन्बान् निःसुॽरो॥ |
| 23364 | MAT 6:13 | हङ्साॽमो आन्धाःसे़न्ने़ॽओ, कर माफे़न्साम्लाम् आसे़ःप्ते़ॽओ॥ ((थेआङ्भे़ल्ले़ हाङ्जुम्, मुक्साम् नु मिमिदिङ्ङिन् सदादिङ् खे़ने़ॽइन्नेरो॥))’ |
| 23365 | MAT 6:14 | थेआङ्भे़ल्ले़ खिनिॽ तक्ले़ङ्वाओ लायो के़जोःक्पाहाॽ ले़प्मि के़बिरुम्सिम्ने़ फाॽग्र साङ्ग्राम्पेदाङ्ङो के़वाॽबा खिनिॽ पानुदिङ् पाः निङ्वाॽफुमाङ्ङिल्ले़आङ् ले़प्मि के़बिरिॽरो॥ |
| 23367 | MAT 6:16 | “हे़क्क्याङ् खिनिॽ चाःने़त् के़युङ्ङिल्ले़ निङ्वाॽ के़जिःप्पाहाॽ कुइसिःक् खिनिॽ ना मे़माक्ते़म्मिन्ने़ॽओ, थेआङ्भे़ल्ले़ खे़ङ्हाॽ चाःने़त् मे़युङ्ङिल्ले़ वेॽ मनाहाॽरे़ निङ्वाॽ मे़घोःसुर फाॽआङ् खुनिॽ नाराःन् मे़गिःन्दुर मे़युङ्लो॥ इङ्गाॽ से़क्खाए मे़त्निङ्, खे़ङ्हाॽरे़ग खुनिॽ हाङ्से़म्मिन् के़रे़क् मे़घोःसु मे़सुरुआङ् मे़वाॽरो॥ |
| 23372 | MAT 6:21 | थेआङ्भे़ल्ले़ आत्तो खिनिॽ याङ्साकुन्धेःन् वाॽ, खे़प्मोए खिनिॽ निङ्वाॽइन्नाङ्पेःक्लो॥ |
| 23379 | MAT 6:28 | हे़क्केःल्ले़ थे़माःन्चाङ्मा वाःप्माबे फाॽआङ् थेआङ् निङ्साम्मो के़ध्ये़ॽइबाबे? ताम्भुङ्मो के़लिङ्बा फुङ्ङिन् ओमे़त्ते़म्मे़ॽ, खे़ङ्हाॽ याःम्बक् मे़न्जोःक्ने़न्खिःआङ् मे़न्लःन्ने़न्॥ |
| 23383 | MAT 6:32 | थेआङ्भे़ल्ले़ थिम्मे़न्दङ् सुवाङ्हाॽरे़ खुनिॽ निङ्वाॽइन्बा खे़न् पाःन्हाॽओ पत्लो, कर साङ्ग्राम्पेदाङ्ङोबा खिनिॽ पानुदिङ् पाःल्ले़ कन् के़रे़क् पाःन्हाॽ चाहाबा के़जोगिॽ फाॽआङ् निःसुरो॥ |
| 23385 | MAT 6:34 | खे़ल्ले़ चोगुल्ले़ ताःन्दिक् थे पोःङ् फाॽआङ् निङ्वाॽ इःत्छिङ्मो मे़ध्ये़म्मिन्ने़ॽओ, थेआङ्भे़ल्ले़ ताःन्दिक्पा तुक्खेःन् ताःन्दिक्के पोःङ्, हे़क्क्याङ् आइन्बा तुक्खेःन् आइन्छा यरिक् पोःक्खे़आङ् वाॽरो॥” |
| 23391 | MAT 7:6 | सेसे चिगःक्वाःन् ख्याबाहाॽ मे़बिरे़म्सिम्मिन्ने़ॽ, मे़ःन्ने़ फाॽग्र खे़ङ्हाॽ हिल्लिक्मे़हिसिङ् हे़क्क्याङ् के़म्भत्तिॽआङ् के़म्हाॽरिरो॥ हे़क्क्याङ् फाक्हाॽरे़ खुनिॽ तगि ते़क्सेःक्किन् मे़से़से़म्मिन्ने़ॽओ, खे़ङ्हाॽरे़ मे़दोॽरु मे़लाःक्तुॽरो॥” |
| 23393 | MAT 7:8 | थेआङ्भे़ल्ले़ के़नाःक्पाहाॽ निङ्वाॽफुमाङ्ङिल्ले़ पिरुसिॽ, के़गोःप्पाहाॽरे़ मे़घोःसुॽ, हे़क्क्याङ् लाम्धेःप्पो के़बेःक्पाआङ् खक्खक्के़मे़प्पाहाॽ खुने़ॽ लाम्धेःप्पे़न्हन्दु पिरुसिॽरो॥ |
| 23396 | MAT 7:11 | खिनिॽ निङ्वाॽ के़भे़ॽबा के़जोगिसाङ् खिनिॽ साःहाॽरे़ मे़नाःक्तुल्ले़ नुःबा पाःन्हाॽ पिमा के़ले़स्सुम्ने़ फाॽग्र, खे़न्नुःल्ले़आङ् यरिक् खिनिॽ साङ्ग्राम्पेदाङ्ङोबा पानुदिङ् पाःल्ले़ खुने़ॽ के़नाःक्पाहाॽ नुःबा पाःन्हाॽ पिरुसिॽरो॥” |
| 23397 | MAT 7:12 | “के़रे़क् पाःन्नो मनाहाॽरे़ आक्खेलॽरिक् खिनिॽ के़म्मे़त्ति के़म्इःत्तिबा निङ्वाॽ के़जोगुम्, हे़क्केलॽरिक्के खिनिॽआङ् खे़ङ्हाॽ इःत्ते़म्सिम्मे़ॽओ, थेआङ्भे़ल्ले़ कन् थिम्मो मोसारे़ साप्तुबा साम्योथिम् नु माङ्निङ्वाॽपाःन् के़बाःप्पाहाॽरे़ मे़बाःत्तुबा पाःन्निन् के़त्लो॥” |
| 23398 | MAT 7:13 | “चिभिःप्फिःप्पा लाःप्मादे़न्नोलाम् निङ्वाॽफुहाङ्जुम्मो लाःसे़म्मे़ॽओ, थेआङ्भे़ल्ले़ यम्बा लाःप्मादे़न् नु ताम्दाम्बा लाम्मिल्ले़ग मे़क्माओ के़देॽरिॽरो॥ खे़न्लाम्बा यरिक् मनाहाॽ मे़लाःत्लो॥ |
| 23399 | MAT 7:14 | कर चुक्सा लाःप्मादे़न् नु चिभिःप्फिःप्पा लाम्मिल्ले़ग मे़न्नुप्मनाबा हिङ्मन्नो के़देॽरिॽरो॥ खे़न् के़घोःबाहाॽग मिसाक्लक् मे़बोःङ्लो॥” |
| 23401 | MAT 7:16 | खे़ङ्हाॽरे़ मे़जोगुबा खुनिॽ याःम्बक्कोलाम् खे़ङ्हाॽ कुसिङ् के़निःत्तुम्सिम्लो॥ थेआङ्भे़ल्ले़ मनाहाॽरे़ तिङ्ग्रेःक् पोःक्लाओलाम् चे़ल्ले़क्सेॽ नु सिध्राःक्पोलाम् पःत्छेॽइन् मे़न्दुबुन्लो॥ |
| 23410 | MAT 7:25 | हे़क्क्याङ् पाङ्गे़न्दिङ् वाहित् थ्ये़आङ्, यङ्घङ्ङिन् कुक्खे़ ये़, हे़क्क्याङ् किप्मा के़घुःबा सुरित् केजङ् हुःरे़आङ् खे़न् हिम्मिन् हिप्तुसाङ् मे़जोःन्दे़न्लो, थेआङ्भे़ल्ले़ खे़न् हिम्मिल्ले़न् हिम्पाङ्यक्किङ्ग पयम् यम्बा लुङ् सम्दाङ् ने़स्से़रो॥ |
| 23414 | MAT 7:29 | थेआङ्भे़ल्ले़ खुने़ॽग साम्योथिम्साम्बाहाॽ कुइसिःक् मे़ःन्, कर युक् के़गप्पा कुइसिःक् हुॽरुसिरो॥ |
| 23418 | MAT 8:4 | हे़क्क्याङ् ये़सुरे़ खे़न् मे़त्तु, “आत्तिन् मनाःन्नाङ् कन् पाःन्निन् मे़मे़त्ते़न्ने़ॽओ, कर माङ्हिम्मो पेगे़ॽआङ् नुःराङ्लो फाॽआङ् निङ्वाॽफुसाम्बाल्लो ओसेःन्धाक्सिङ्ङे़ॽओ, हे़क्क्याङ् मोसारे़ कुसाम्योथिम्मो साप्ते़बा कुइसिःक् सिदुङ्जभा चोगे़ॽओ॥ हे़क्केलॽरिक् के़रे़क् मनाहाॽरे़ खे़ने़ॽ के़नुरे़बान् मे़निःसुररो॥” |
| 23419 | MAT 8:5 | हे़क्क्याङ् ये़सुःन् कपर्नहुम पाङ्जुम्मो के़रे़र पत्छे़ल्ले़ रोमि थक्तुम्बाधिक् खुने़ॽओ त्ये़आङ् अक्खे मे़त्तुर कुभाॽ नाःक्तु, |
| 23423 | MAT 8:9 | थेआङ्भे़ल्ले़ इङ्गाॽआङ् आधुङ्धोबा सुहाङ्युक्पाहाॽरे़ खुनिॽ युक्को के़वाॽबा मनाआरो, हे़क्क्याङ् इङ्गाॽआङ् आयुक्को थक्सुबाहाॽ मे़वाॽरो॥ इङ्गाॽ थक्सुबान् ‘पेगे़ॽ’ मे़त्तुङ्ङिल्ले़ पेःक्, वेॽस्मान् ‘फे़रे़ॽ’ मे़त्तुङ्ङिल्ले़ फे़न्, हे़क्क्याङ् आसेवारोबान् ‘खे़न् चोगे़ॽ’ मे़त्तुङ्ङिल्ले़ खे़ल्ले़ चोगुॽरो॥” |
| 23425 | MAT 8:11 | खिनिॽ से़क्खाए मे़त्निङ्लो, के़रे़क् पिसाङ्बा लाजेॽलाम् यरिक् मनाहाॽ साङ्ग्राम्पेदाङ्बा हाङ्जुम्मो मे़दाआङ् साभाङ्जा चासे़ खिनिॽ थाःक्थे़बा अब्राहाम, इसहाक, हे़क्क्याङ् याकुबे़न्नु सोरिक् मे़युङ्सिङ्लो॥ |
| 23426 | MAT 8:12 | कर साङ्ग्राम्पेदाङ्बा हाङ्जुम्मो वाॽमा फाॽआङ् मे़सेगे़बा इस्राइलिहाॽग खे़प्मोलाम् लाःक्कात् खामाक् लुम्बाःत्तो लाप्मे़भुॽरो॥ खे़प्मोग हाःप्मा नु हाबोॽ ये़ःङ्मान्लक् पोःङ्लो॥” |
| 23438 | MAT 8:24 | हक्चघत् वरक्को किप्मा के़घुःबा सुरित्के़जजङ्ङिन् हुःमा हेःक्ते़आङ् वाभे़ल्ले़ङ्ङिल्ले़ खःङ्बेन् वे़त्ले़क्तिम्से़रो॥ कर ये़सुःङ्ग इप्से़आङ् ने़स्से़रो॥ |
| 23439 | MAT 8:25 | कुहुॽसाम्बाहाॽ मे़बेआङ् खुने़ॽ अक्खे मे़मे़त्तुर मे़भोःक्खु, “आदाङ्बे, याप्मि ताङ्से़ःप्ते़ॽओ! आनिगे़ग हुम्मा सिःमा इःत्तिगे़रो!” |
| 23440 | MAT 8:26 | ये़सुरे़ खे़ङ्हाॽ मे़त्तुसि, “नसाःन् के़सुःम्बासे, थेआङ् अक्खेलॽरिक् के़गिःसिबाबे?” हे़क्क्याङ् खुने़ॽ पोगे़आङ् सुरित्केजङ्ङिन् नु वाभे़ल्ले़ङ्ङिन् फे़ःक्तु, हे़क्क्याङ् के़रे़क् चिजि ये़म्ये़म् पोःक्खे़रो॥ |
| 23441 | MAT 8:27 | हे़क्क्याङ् खे़ङ्हाॽरे़ खुनिॽ निङ्वाॽ मये़र सेःन्मे़दोःसिङ् “खुने़ॽग आक्तङ्बा मनाःन्बे? खुने़ॽ कुइङ्जाःङ्ङिन् वाभेल्ले़ङ्नु सुरित्केजङ्ङिल्ले़आङ् खे़प्सुङ्ग!” |
| 23445 | MAT 8:31 | खे़न् फे़न्साम्हाॽरे़ ये़सुःन् याप्मि लाःक्कात् के़लःप्पाने़ फाॽग्र खे़न् फाक्हाॽओ लाःप्मा आबाङ्घे़ॽओ लॽरिक् पेलि मे़भाक्तु॥ |
| 23448 | MAT 8:34 | हे़क्क्याङ् पाङ्जुम्मोबा यरिक् मनाहाॽ ये़सुरो मे़द्ये़, हे़क्क्याङ् खे़ङ्हाॽरे़ ये़सुःन् आनिगे़ थुम्मोलाम् लःन्दे़ पेगे़ॽ फाॽआङ् पेलि मे़भाक्तुरो॥ |
| 23449 | MAT 9:1 | हे़क्क्याङ् ये़सुःन् खःङ्बेओ लाःसे़आङ् नाहाङ्दाङ्बा आबाङे कुबाङ्भेॽओ के़रे़रो॥ |
| 23450 | MAT 9:2 | खे़प्मो कुभा मनाहाॽरे़ लङ्ले़ःङ्वा मनाधिक् कुने़त्नाःन्नुए खुने़ॽओ मे़दारुरो॥ हे़क्क्याङ् खे़ङ्हाॽरे़ खे़न् लङ्ले़ःङ्वाःन् वेःप्मा सुक् के़लॽबा नसाःन् मे़गत्तुबा ये़सुरे़ निःसुआङ् मे़त्तु, “आस्साःए, हाङ्हाङ् लॽरे़ॽओ, खे़ने़ॽ के़लायोहाॽ ले़प्मि पोःक्खे़रो॥” |
| 23451 | MAT 9:3 | हे़क्केःल्ले़ खे़प्मो के़वाॽबा कुभा साम्योथिम्साम्बाहाॽ अक्खे मे़मे़त्छिङ्, “कन् मनाःल्ले़ग निङ्वाॽफुमाङ् कुइसिःक् लायो ले़प्मि के़बिबा ले़ङ्सिङ्ङाङ् माङ्चे़ॽया पाःन्निन्ने़ पाःत्तुर पत्लो!” |
| 23456 | MAT 9:8 | मनाहाॽरे़ कन् मे़निःसुआङ् साॽरिक् खुनिॽ निङ्वाॽ मये़रो॥ हे़क्क्याङ् मे़न्छाम् याप्मिःन् अक्तङ्बा मुक्साम् के़बिबा निङ्वाॽफुमाङ्ङिल्ले़ कुनारा मे़भोःसुरो॥ |
| 23458 | MAT 9:10 | खे़न् युःन्छिक् ये़सुःन् नु कुहुॽसाम्बाहाॽ मत्तिरे़ कुहिम्मो चाजासे़ मे़युङ्सिङ्ङिल्ले़ एःङ्याङ् के़भोःङ्बा यरिक् मनाहाॽ नु वेॽ “लायोबाहाॽ” मे़द्ये़आङ् खे़ङ्हाॽनु सोरिक् चाजासे़ मे़युङ्सिङ्॥ |
| 23459 | MAT 9:11 | हे़क्केःल्ले़ कुभा फरिसिहाॽरे़ खे़न् मे़निःसुआङ् कुहुॽसाम्बाहाॽ मे़मे़त्तुसि, “थेआङ् खिनिॽ सिक्साम्बान् एःङ्याङ् के़भोःङ्बाहाॽ हे़क्क्याङ् वेॽ लायोबाहाॽनु सोरिक् चाजाबाबे?” |
| 23461 | MAT 9:13 | साम्योसाप्लाओ यहवे दाङ्बाल्ले़ इङ्गाॽग सिदुङ्जभा चाहाबा मे़जोःक्कान्, कर वेॽहाॽ लुङ्माॽ तुक्ते़म्सिम्मे़ॽ के़लॽबा निङ्वाॽ कत्तुङ्लो, लॽरिक् पाःत्तुबा कन् पाःन्निल्ले़ कुबेःन् हुॽआसिम्मे़ॽओ॥ इङ्गाॽग साम्योनिबाहाॽरे़ लागि मे़ःन्, कर लायोबाहाॽ लायोलाम् मे़नुःङ्ङाङ्ताङ्मे़से़ःप्ल फाॽआङ् त्याङ्बारो॥” |
| 23469 | MAT 9:21 | थेआङ्भे़ल्ले़ खे़ल्ले़ कुनिङ्वाॽओ खुने़ॽ कुदेःत्तिल्ले़ कुयाःन्लक् सुःसुङ्साङ् इङ्गाॽ वेःत्तारो के़लॽबा इःत्तुआङ् वये़॥ |
| 23480 | MAT 9:32 | हे़क्क्याङ् खे़ङ्हाॽ लःन्दे़त्छिर पत्छे़त्छिल्ले़ कुभा मनाहाॽरे़ फे़न्साम्मिल्ले़ याङ्घुबाल्ले़ चोगुल्ले़ पाःप्मा मे़न्छुक्मनाबा मनाधिक् ये़सुरो मे़दारु॥ |
| 23483 | MAT 9:35 | ये़सुःन् यहुदि चुम्लुङ्हिम्हाॽओ हुॽरुसिर निङ्वाॽफुहाङ्जुम्मिल्ले़ कुयाःम्बेओ सुनाइङ् से़ःसुर के़रे़क् परिक्ले़न् के़दुक्पा के़यॽबाहाॽ वेःन्दुसिर ये़क्यक् नु पाङ्भेॽहाॽओ लाम्दिःक् चोगे़रो॥ |
| 23484 | MAT 9:36 | ये़सुरे़ यरिक् मनाहाॽ निःसुसिल्ले़ कुलुङ्माॽ स्याःत् लॽरे़, थेआङ्भे़ल्ले़ खे़ङ्हाॽग मे़ल्लुक्कम्बा मे़ःन्नेबा मे़ल्लुक् हे़क्के लाम् के़बोःप्पाआङ् तुक्खे के़जाबा कुइसिःक् मे़जोगे़रो॥ |
| 23489 | MAT 10:3 | फिलिप, बारथोलोमाइ, थोमा, मत्ति (एःङ्याङ् के़भोःङ्बा), याकुब (अल्फायसरे़ कुस्साः), थे़दियस हे़क्क्याङ् |
| 23494 | MAT 10:8 | के़दुक्पाहाॽ नुसे़म्सिम्मे़ॽ, के़सिःबाहाॽ कुहिङ्वे़त् चोगे़म्सिम्मे़ॽ, लोगेॽ तुक्माल्ले़ याङ्घुसिबाहाॽ नुसे़म्सिम्मे़ॽ, फे़न्साम्हाॽ नाःत्ते़म्लःत्ते़म्सिम्मे़ॽ॥ आम्भा के़घोःसुम्, आम्भाए पिरे़म्सिम्मे़ॽओ॥ |
| 23496 | MAT 10:10 | हे़क्क्याङ् सुःक्वा, ले़क्सिङ्मा चाङ् नु लाङ्सुःप्, हे़क्क्याङ् तक्काःत् थेआङ् मे़याङ्ङासिम्मे़न्ने़ॽओ॥ थेआङ्भे़ल्ले़ याःम्बक् के़जोःक्पाल्ले़ खुने़ॽ चाहाबा के़जोःक्पा पाःन्हाॽ खोःमाए पोःङ्लो॥ |
| 23497 | MAT 10:11 | खिनिॽ के़बेगिबा पाङ्जुम् पाङ्भेॽहाॽओ सुम्बोधाबा मनाःन् कोःत्ते़म्मे़ॽआङ् खे़प्मोलाम् के़न्लःन्दिन्के़म्बेगिन्ल थारिक् कुहिम्मोए याःक्ते़म्मे़ॽओ॥ |
| 23503 | MAT 10:17 | मनाहाॽनु सिङ्सिङ् ये़क्ये़क् लॽरे़म्मे़ॽओ, थेआङ्भे़ल्ले़ खे़ङ्हाॽरे़ खासे़न् लोःम्मा हिम्मो खिनिॽ के़म्देॽरिॽ, यहुदि चुम्लुङ्हिम्मो ते़ःम्भुक् के़म्बिरिॽरो॥ |
| 23506 | MAT 10:20 | थेआङ्भे़ल्ले़ खिनिॽ आबाङे के़म्बारिन् कर खिनिॽ पानुदिङ् पाः निङ्वाॽफुमाङ्ङिल्ले़ कुसेसेमाङ्ङिन् खिनिॽलाम्बा पाःत्लो॥ |
| 23512 | MAT 10:26 | हे़क्केःल्ले़ खे़ङ्हाॽनु मे़गिसे़म्मिन्ने़ॽओ, थेआङ्भे़ल्ले़ मे़धाःप्ने़न्ल फाॽआङ् ते़प्ते़आङ्के़वाॽबा पाःन् इग्र कुसिङ् निःत्मे़दे़त्ने़न्ल फाॽआङ् माॽरे़आङ् के़वाॽबा पाःन् थेआङ् होःप्लो॥ |
| 23513 | MAT 10:27 | इङ्गाॽ आल्लो खागे़माक्पाओ मे़त्निङ्बा पाःन्निन् खागे़ओःप्पाओ मे़त्ते़म्सिम्मे़ॽ, खिनिॽ स्वाःत्ताङ् मे़त्निङ्बा पाःन्निन् के़रे़क् मनाहाॽरे़ मे़घे़प्सुर फाॽआङ् हिम् सम्दाङ्लाम् यम्बा इक्लाओ इङ्भन् चोगे़म्मे़ॽओ॥ |
| 23514 | MAT 10:28 | नासिङ्गे़न् थक्किन् के़से़प्पाहाॽनु खिनिॽ मे़गिसे़म्मिन्ने़ॽओ, थेआङ्भे़ल्ले़ खे़ङ्हाॽरे़ खिनिॽ याम्साम्मिन् से़प्मा मे़न्छुक्तुन्लो॥ कर नासिङ्गे़न् थक्किन् नु याम्साम्मिन् ने़प्माङ् खे़मायङ्सङ्ङो मे़ङ्मा के़सुक्पा निङ्वाॽफुमाङ्ङिन्नु किःसे़म्मे़ॽओ॥ |
| 23521 | MAT 10:35 | थेआङ्भे़ल्ले़ पाःल्ले़ कुदक्ले़ङ्वाओ ये़म्बित्छाॽसाःन्, माःल्ले़ कुदक्ले़ङ्वाओ मे़न्छुमाॽसाःन्, हे़क्क्याङ् नोःप्माल्ले़ कुदक्ले़ङ्वाओ पाङ्लिमान् फोःङ्से़ त्याङ्बारो॥ |
| 23540 | MAT 11:12 | युहुन्नारे़ इङ्भन् चोःक्मा हेःक्तुआङ्धो आइन् थारिक् साङ्ग्राम्पेदाङ्बा हाङ्जुम्मिन् लुबुबुना तगि पोःर पत्, हे़क्क्याङ् कुदक्ले़ङ्वाओ के़बोःक्पाहाॽरे़ साके़ल्ले़क्काङ् अप्मा तम्सिन् मे़जोगुर मे़बत्॥ |
| 23547 | MAT 11:19 | इङ्गाॽ मे़न्छाम्साःङ्ग चाङ्ल थुङुङ्ल त्याङ्, हे़क्क्याङ् खे़ङ्हाॽरे़ अक्खे मे़बाःत्तु, ‘खे़ङ्ग तःक् थे़ःक्के नु थिःमसाङ्लो, एःङ्याङ् के़भोःङ्बाहाॽ नु लायोबाहाॽरे़ खुनिॽ चुम्लो॥’ कर निङ्वाॽफु सिक्कुम्दिङ् निङ्वाॽइङ्ग कुयाःम्बक्कोलाम् खे़न् निस्से चोःक् फाॽआङ् निःदे़त्लो॥” |