| 23369 | MAT 6:18 | हे़क्केलॽरिक् खे़ने़ॽ चाःने़त् के़युङ्बान् वेॽ मनाहाॽरे़ निङ्वाॽ मे़ङ्घोःसुन्लरो, कर निःमे़न्दे़प्मनाबा पानुदिङ् के़म्बा निङ्वाॽफुमाङ्ङिल्ले़रक् निःसुररो॥ हे़क्के के़जोगुल्ले़ स्वाःत्ताङ् चोःक्मनाबा के़निःबा पानुदिङ् के़म्बारे़ हाङ्से़म् के़बिॽरो॥” |
| 23526 | MAT 10:40 | “आत्तिल्ले़ खिनिॽ लाङ्गे़दाःक्तिॽ, खे़ल्ले़ इङ्गाॽआङ् लाङ्दाःक्कारो, हे़क्क्याङ् आत्तिल्ले़ इङ्गाॽ लाङ्दाःक्का, खे़ल्ले़ इङ्गाॽ याप्मि के़बाङ्बे़न्नाङ् लाङ्दाःक्तुॽरो॥ |
| 23527 | MAT 10:41 | आत्तिल्ले़ माङ्निङ्वाॽपाःन् के़बाःप्पे़न्लाङ्दाःक्तुॽ, खे़ल्ले़ माङ्निङ्वाॽपाःन् के़बाःप्पे़ल्ले़न् थुम्घोःन् खोःसुॽरो॥ हे़क्क्याङ् आत्तिल्ले़ साम्योनिबा याप्मिःन् लाङ्दाःक्तुॽ, खे़ल्ले़ साम्योनिबाल्ले़न् थुम्घोःन् खोःसुॽरो॥ |
| 23732 | MAT 15:30 | खे़प्मो यरिक् मनाहाॽरे़ लाङ्सक्पाहाॽ, मिक्फःम्बाहाॽ, लाङ् हुक् फे़त्के़लाॽबाहाॽ, खुनिॽ पाःन् मे़न्लःम्मनाबाहाॽ नु वेॽ यरिक् के़दुक्पा के़यॽबाहाॽ मे़दारुसिआङ् कुलाङ्बुङ्मो मे़युक्खुसिरो॥ हे़क्क्याङ् खे़ङ्हाॽ के़रे़क् ये़सुरे़ नुसुसिरो॥ |
| 23763 | MAT 16:22 | कर पत्रुसरे़ खुने़ॽ थिक्ले़प्माङ् तेॽरुआङ् फे़ःक्तु, “आदाङ्बे, निङ्वाॽफुमाङ्ङिल्ले़ अक्खे पोःङ्मा मे़बाङ्घुन्लो, अक्तङ्बा पाःङ्ग खे़ने़ॽनु आप्फाल्ले़आङ् मे़बोःङ्ने़ल्लो॥” |
| 23801 | MAT 18:5 | हे़क्क्याङ् आत्तिल्ले़ आमिङ्ङो अक्तङ्बा चुक्सा हिन्जाॽइन् लाङ्दाःक्तुॽ, खे़ल्ले़ इङ्गाॽ लाङ्दाःक्कारो॥ |
| 24092 | MAT 25:15 | खे़ल्ले़ थिक्किन् हे़न्छिङ् ङासि (५०००) साम्म्याङ् याङ्इत्छि, वेॽस्मान् हे़न्छिङ् ने़त्छि (२०००) साम्म्याङ् याङ्इत्छि, हे़क्क्याङ् सुम्सिगेःक्पे़न्हे़न्छिङ् थिक् (१०००) साम्म्याङ् याङ्इत्छिःन्याङ् के़ःमा मे़ले़स्सुबा कुइसिःक् पिरुसिरो॥ हे़क्क्याङ् खे़न् माःङ्घा लाम्दिःक्को पेरो॥ |
| 24136 | MAT 26:13 | इङ्गाॽ से़क्खाए मे़त्निङ्, इक्सादिङ् खाम्बेःक्मो आत्तिसाङ् सुनाइङ् इङ्भोःल्ले़, खे़प्मो कन् मे़न्छुमाॽइल्ले़ चोगुबा कुयाःम्बक्किन् मनाहाॽरे़ मे़जे़क्खुआङ् निङ्वाॽ मे़इःत्तुरो॥” |
| 24240 | MAT 27:42 | खे़ङ्हाॽरे़ मे़बाःत्तु, “खे़ल्ले़ग वेॽहाॽ ताङ्से़ःप्तुसि, कर आबाङे ताङ्से़ःप्सिङ्मा मे़सुक्ते़न्लो॥ खुने़ॽग इस्राइलस्मा हाङ्मु! हाराॽ खुने़ॽ सिलाम्साक्मा सिङ्ङोलाम् यो थाःर, हे़क्क्याङ् आनिगे़ खुने़ॽ नसाःन् चोगुम्बे़ॽरो॥ |
| 24318 | MRK 1:34 | ये़सुरे़ वेॽ वेॽ परिक्पा तुक्माल्ले़ तरुसिबा मनाहाॽ वेःन्दुसिर यरिक् फे़न्साम्हाॽ नाःत्तुलःत्तुसिरो॥ खुने़ॽ फे़न्साम्हाॽ पाःप्मा मे़बाङ्घुन्सिन्, थेआङ्भे़ल्ले़ खुने़ॽ हाःत् फाॽआङ् कुसिङ् मे़निःत्तुआङ् मे़वये़रो॥ |
| 24386 | MRK 3:29 | कर सेसेमाङ्ङिल्ले़ कुदक्ले़ङ्वाओ माङ्चे़ॽया पाःन् के़बाःप्पाहाॽरे़ आप्फाल्ले़आङ् ले़प्मि मे़ङ्घोःसुन्लो, थेआङ्भे़ल्ले़ कङ्ग ले़प्मि मे़म्बोःङ्मनाबा लायोरो॥” |
| 24487 | MRK 6:11 | हे़क्क्याङ् आत्तिन् लाजेॽओ खिनिॽ लाम् के़मे़न्दाःक्तिन् हे़क्क्याङ् खिनिॽ पाःन्नाङ् मे़ङ्घे़प्सुन्, खे़न् लाजेॽइन्के़ले़रुम्माङ्के़बिगिल्ले़ खिनिॽ लाङ्ङो के़घिप्पा खाम् हिःक्किन् थाप्से़म् थाॽरे़म्सिम्मे़ॽ कङ्ग खुनिॽ तक्ले़ङ्वाओ के़बोःङ्बा मिक्सेःन्लो॥” |
| 24497 | MRK 6:21 | आल्ल यम्बा सुये़म् त्ये़॥ हे़रोद हाङ्ङिल्ले़ कुसावाःन्छिङ्मा ससःत्सराङ्ङो गालिल थुम्मोबा पयम्यम्बा सुहाङ्युक्पाहाॽ, तिलिङ्गाहाॽरे़ खुनिॽ थक्तुम्बाहाॽ नु मिङ्सोदाङ्बा तुम्म्याहाङ्हाॽ तरे उःत्तुसिआङ् वये़॥ |
| 24600 | MRK 8:31 | हे़क्क्याङ् ये़सुरे़ खे़ङ्हाॽ अक्खे पाःत्तुर हुॽमा हेःक्तुसि, इङ्गाॽ मे़न्छाम्साःल्ले़ यरिक् तुक्खेहाॽ तुम्मा पोःङ्, हे़क्क्याङ् यहुदि तुम्लाम्लोःबाहाॽरे़, तुम्निङ्वाॽफुसाम्बाहाॽरे़, हे़क्क्याङ् साम्योथिम्साम्बाहाॽरे़ मे़नाॽआ, हे़क्क्याङ् मे़से़त्ताआङ्याम्मो सुम् ये़न् एगाङ् सिःमे़न्लाम् याम्मो हिङ्ङा के़लॽबा पाःन्निन् कुनिङ्वाॽ हन्दुआङ् चे़क्तुसिरो॥ हे़क्केःल्ले़ पत्रुसरे़ खुने़ॽ थिक्ले़प्माङ् तेॽरुआङ् फे़ःक्तुरो॥ |
| 24644 | MRK 9:37 | “आत्तिल्ले़ आमिङ्ङो अक्तङ्बा चुक्सा हिन्जाॽइन् लाङ्दाःक्तुॽ, खे़ल्ले़ इङ्गाॽ लाङ्दाःक्कारो॥ इङ्गाॽ याप्मि लाङ्गे़दाःक्पाल्ले़ इङ्गाॽ याप्मि के़बाङ्बा निङ्वाॽफुमाङ्ङिन्नाङ् लाङ्दाःक्तुॽ॥” |
| 24694 | MRK 10:37 | खे़ङ्हाॽरे़ नोगप् पिरे़त्छु, “खे़ने़ॽ मिमिदिङ्गे़न् के़हाङ्जुम्मो के़युङ्ङिल्ले़, के़जुप्साङ् नु के़भे़न्छाङ् ले़प्माङ् आन्छिगे़ युङ्मा याप्मि पाङ्घे़ॽओ॥” |
| 24736 | MRK 11:27 | खे़ङ्हाॽ याम्मो यरुसले़म्मो मे़द्ये़॥ ये़सुःन् माङ्हिम् लक्खुम्मो ताक्कन्नु वये़ल्ले़ खे़प्मो तुम्निङ्वाॽफुसाम्बाहाॽ, साम्योथिम्साम्बाहाॽ नु यहुदि तुम्लाम्लोःबाहाॽ मे़द्ये़आङ् |
| 24772 | MRK 12:30 | के़न्दाङ्बा निङ्वाॽफुमाङ्ङिन् खे़ने़ॽ के़रे़क् के़सिक्लुङ्माल्ले़ के़रे़क् के़सक्मासाम्मिल्ले़, के़रे़क् के़निङ्वाॽइल्ले़, के़रे़क् के़धुम्मिल्ले़ मिःम्जि मे़त्ते़ॽओ॥’ |
| 24775 | MRK 12:33 | हे़क्क्याङ् खुने़ॽ के़रे़क् सिक्लुङ्माल्ले़, के़रे़क् निङ्वाॽइल्ले़, के़रे़क् थुम्मिल्ले़ निङ्वाॽफुमाङ्ङिन् मिःम्जि मे़प्मा नु पाङ्भेॽसाबाहाॽ आबाङे हे़क्के लुङ्माॽ तुक्मासिग, के़रे़क् मिधिङ्मनाआङ्तोःम्मनाबा सिदुङ्जभा नु वेॽ सिदुङ्जभा चोःक्मानुःल्ले़आङ् यम्बा इङ्जाःङ्लो॥” |
| 24780 | MRK 12:38 | अक्खेलॽरिक् ये़सुरे़ मे़त्तुसि, “साम्योथिम्साम्बाहाॽनु सिङ्सिङ् लॽरे़म्मे़ॽओ! खे़ङ्हाॽ केःम्बा केःम्बा लगेप् मे़जाक्खुआङ् नानुगत्ना लाङ्मे़घेःक्लो, हे़क्क्याङ् पाङ्जुम् लुम्मो सेवा मे़मे़त्तिगे़र के़लॽबा निङ्वाॽ मे़जोगुआङ् |
| 24832 | MRK 14:9 | इङ्गाॽ से़क्खाए मे़त्निङ्, इक्सादिङ् खाम्बेःक्मो आत्तिसाङ् सुनाइङ् इङ्भोःल्ले़, खे़प्मो कन् मे़न्छुमाॽइल्ले़ चोगुबा कुयाःम्बक्किन् मनाहाॽरे़ मे़जे़क्खुआङ् निङ्वाॽ मे़इःत्तुॽरो॥” |
| 24866 | MRK 14:43 | हे़क्केलॽरिक् खुने़ॽ पारे़र पत्छे़ल्ले़सा थिक्-ने़त् कुहुॽसाम्बाहाॽओबा यहुदा मे़प्मनाबे़न् खे़प्मो के़रे़ त्ये़॥ खुने़ॽनु तुम्निङ्वाॽफुसाम्बाहाॽ, साम्योथिम्साम्बाहाॽ नु यहुदि तुम्लाम्लोःबाहाॽरे़ मे़बाङ्घुसिबा ताभे नु तक्काःत् के़गप्पा यरिक् मनाहाॽआङ् मे़वये़रो॥ |
| 24876 | MRK 14:53 | हे़क्क्याङ् खे़ङ्हाॽरे़ ये़सुःन् मानिङ्वाॽफुसाम्बाल्ले़ कुहिम्मो मे़देॽरु॥ खे़प्मो तुम्निङ्वाॽफुसाम्बाहाॽ, यहुदि तुम्लाम्लोःबाहाॽ नु साम्योथिम्साम्बाहाॽ मे़जुप्से़आङ् मे़वये़रो॥ |
| 24896 | MRK 15:1 | कुनाम्दाःप्मा खाओःत्ते़र पत्छे़ल्ले़सा तुम्निङ्वाॽफुसाम्बाहाॽ, यहुदि तुम्लाम्लोःबाहाॽ, साम्योथिम्साम्बाहाॽ नु काक् यक्चुम्भोबा मनाहाॽ चुम्लुङ् मे़जोगे़॥ हे़क्क्याङ् खे़ङ्हाॽरे़ ये़सुःन् इमे़घेःक्खु हे़क्क्याङ् रोमि सुहाङ्गे़म्बा पिलातसरो मे़देॽरुरो॥ |
| 24926 | MRK 15:31 | हे़क्केलॽरिक्के तुम्निङ्वाॽफुसाम्बाहाॽ नु साम्योथिम्साम्बाहाॽरे़आङ् खुने़ॽ किनाःन्दि मे़बिरुर अक्खे मे़बाःत्तु, “खे़ल्ले़ वेॽ मनाहाॽग ताङ्से़ःप्तुसि, कर खुने़ॽ आबाङेग से़ःप्सिङ्मा मे़सुक्सिङ्ङिन्लो॥ |
| 25095 | LUK 3:1 | आल्ल रोमि पयम् हाङ् तिबेरियसे़ल्ले़ हाङ् चोगुबा तङ्बे थिक्-ङा (१५) के़रे़आङ् वये़ल्ले़ पन्तियस पिलातसे़न् यहुदियाबा सुहाङ्गे़म्बा वये़॥ खे़न् ये़म्मो हे़रोदे़न गालिलस्मा सुहाङ्गे़म्बा, कुन्साॽ फिलिप्पे़न्इतुरिया नु त्राकोनितिस थुम्मोबा सुहाङ्गे़म्बा, हे़क्क्याङ् लिसानियासे़न् एबिलेनि थुम्मोबा सुहाङ्गे़म्बा मे़वये़, |
| 25173 | LUK 4:41 | हे़क्क्याङ् फे़न्साम्हाॽग अक्खे मे़बाःत्तुर मे़लःन्दे़ मे़बेरो, “खे़ने़ॽग निङ्वाॽफुसाःने़रो॥” कर ये़सुरे़ खे़ङ्हाॽ फे़ःक्तुसिर पाःप्मा मे़बाङ्घुन्सिन्, थेआङ्भे़ल्ले़ खे़ङ्हाॽरे़ खुने़ॽए निङ्वाॽफुमाङ्ङिल्ले़ सेःन्दुबा ख्रिस्तरो फाॽआङ् मे़निःसुआङ् मे़वये़रो॥ |
| 25212 | LUK 5:36 | हे़क्क्याङ् याम्मो खुने़ॽ कन् खे़दाॽइन् खे़ङ्हाॽ मे़त्तुसि, “हाःत्ले़आङ् कुसङ् चाङ्ङिन् थे़ःक्खुआङ्कुद्रे़क्चाङ्ङिन् मे़ले़म्दुन्, ले़म्दुने़ फाॽग्र कुसङ् चाङ्ङिन् ते़ःङ्बेःक्लो, हे़क्क्याङ् कुसङ् चाङ्ङिल्ले़ कुद्रे़क्चाङ्ङिन् मे़घे़म्दुन्नाङ्लो॥ |
| 25239 | LUK 6:24 | कर आल्लो याङ्साकुन्धेसाबासे, चिःत्ताङ्लक् स्ये़रो, थेआङ्भे़ल्ले़ खिनिॽ सःप्मान् नु निङ्वाॽ ताःमान् खिनिॽ हिङ्मन्नोए के़घोःसुम्माङ् के़वयिॽरो॥ |
| 25418 | LUK 9:48 | हे़क्क्याङ् कुहुॽसाम्बाहाॽ मे़त्तुसि, “आत्तिल्ले़ आमिङ्ङो अक्तङ्बा चुक्सा हिन्जाॽइन् लाङ्दाःक्तुॽ, खे़ल्ले़ इङ्गाॽ लाङ्दाःक्कारो॥ इङ्गाॽ याप्मि लाङ्गे़दाःक्पाल्ले़ इङ्गाॽ याप्मि के़बाङ्बा निङ्वाॽफुमाङ्ङिन्नाङ् लाङ्दाःक्तुॽ॥ आत्तिन् खिनिॽओ के़रे़क्नुःल्ले़ चुक्सा चोःक्, खे़न्ने के़रे़क्नुःल्ले़ यम्बारो॥” |
| 25459 | LUK 10:27 | खे़ल्ले़ नोगप् पिरु, “‘खे़ने़ॽ के़न्दाङ्बा निङ्वाॽफुमाङ्ङिन् के़रे़क् के़सिक्लुङ्माल्ले़, के़रे़क् के़सक्मासाम्मिल्ले़, के़रे़क् के़धुम्मिल्ले़ हे़क्क्याङ् के़रे़क् के़निङ्वाॽइल्ले़, मिःम्जि मे़त्ते़ॽ,’ हे़क्क्याङ् ‘आप्फेःक्लुङ्माॽ के़दुक्सिङ्बा कुइसिःक्के के़हिम्बेसाङ्बाहाॽआङ्लुङ्माॽ तुक्ते़से़ॽओ॥’” |
| 25555 | LUK 12:27 | आल्ल लि-लि फुङ्ङिन् पोःबान्ओमे़त्ते़म्मे़ॽओ, खे़ङ्हाॽरे़ खिः मे़न्देःसुन् खिःआङ् मे़न्लःन्ने़न्, हे़क्केसाङ् खे़ङ्हाॽ सोलोमन हाङ्ङिल्ले़ कुनुॽमा कुदाःमाओ कन् लि-लि फुङ्ङिन्यारिक्काङ्नुःबा तेःत् मे़जाक्सिङ्ङिन्लो! |
| 25847 | LUK 19:47 | हे़क्क्याङ् खुने़ॽ थिक्याःन्धक् माङ्हिम्मो निसाम् हुॽरुसिरो॥ कर तुम्निङ्वाॽफुसाम्बाहाॽ, साम्योथिम्साम्बाहाॽ नु लाम्लोःबाहाॽरे़ खुने़ॽ से़प्मा निङ्वाॽ मे़जोगु, |
| 25849 | LUK 20:1 | थिक् ये़न् ये़सुरे़ माङ्हिम्मो निसाम् हुॽरुसिर सुनाइङ् इङ्भन् चोगुर यागे़॥ खे़प्मो तुम्निङ्वाॽफुसाम्बाहाॽ, साम्योथिम्साम्बाहाॽ हे़क्क्याङ् यहुदि तुम्लाम्लोःबाहाॽ मे़द्ये़आङ् |
| 25883 | LUK 20:35 | कर ताःन्दि के़दाःबा ये़म्मोग हे़क्के मे़बोःङ्ने़ल्लो, थेआङ्भे़ल्ले़ सिःमे़न्लाम् याम्मो हिङ्मा लाॽरुसिबा मनाहाॽ मेःक्खिम् मे़न्जोःक्ने़न्लो॥ |
| 25894 | LUK 20:46 | “साम्योथिम्साम्बाहाॽनु सिङ्सिङ् लॽरे़म्मे़ॽओ! खे़ङ्हाॽ केःम्ब्केःम्बा लगेप् मे़जाक्खुआङ् नानुगत्ना लाङ्मे़घेःक्लो, हे़क्क्याङ् पाङ्जुम् लुम्मो सेवा मे़मे़त्तिगे़र के़लॽबा निङ्वाॽ मे़जोगुआङ् यहुदि चुम्लुङ्हिम्मो नु साभाङ्जाओ तुम्म्याङ्हाङ् युक्नाहाॽओ युङ्मा खुनिॽ सिराॽ थाङ्लो॥ |
| 25985 | LUK 22:52 | हे़क्क्याङ् ये़सुरे़ खुने़ॽ कुदे़म्से़ के़दाःबा तुम्निङ्वाॽफुसाम्बाहाॽ, माङ्हिम् के़गोःबाहाॽरे़ खुनिॽ थक्तुम्बाहाॽ नु यहुदि तुम्लाम्लोःबाहाॽ अक्खे मे़त्तुसि, “इङ्गाॽ हाङ्बिफ्युङ् के़जोःक्पाआबि? थेआङ् इङ्गाॽ आदे़म्से़ ताभेनु तक्काःत्नु के़द्ये़ॽइबे? |
| 25994 | LUK 22:61 | ये़सुरे़ खिरि हिसिङ्ङाङ् पत्रुसे़न् ओमे़त्तु॥ हे़क्क्याङ् दाङ्बाल्ले़, “आइन् इङ्वा काःमानुःल्ले़ तगि खे़ने़ॽ सुम्ले़ङ् के़नाॽआरो” पाःत्तुबा पाःन्निन् पत्रुसरे़ कुनिङ्वाॽ सुम् लॽरे़॥ |
| 26017 | LUK 23:13 | हे़क्क्याङ् पिलातसरे़ तुम्निङ्वाॽफुसाम्बाहाॽ, यहुदि लाम्लोःबाहाॽ नु मनाहाॽ उःत्तुसिआङ् |
| 26026 | LUK 23:22 | हे़क्क्याङ् सुम्ले़ङ्ङो पिलातसरे़ खे़ङ्हाॽ याम्मो मे़त्तुसि, “थेआङ्बे? खे़ल्ले़ थे याःम्बक् फेःन्दुआङ् वाॽबे? खुने़ॽ सिःमे़ल्ले़ खुम्दिङ् खोःमा याःम्बक् चोगुबा इङ्गाॽ मे़ङ्घोःबान्लो, हे़क्केःल्ले़ खुने़ॽ ते़ःम्भुक् याक्पाङ्घुङ्सिङ्ङाङ् ले़रुङ्देःसुङ्लो॥” |
| 26089 | LUK 24:29 | कर खे़ङ्हाॽरे़ खुने़ॽ अक्खे मे़त्ते़छुर पेलि फाक्ते़त्छु, “खे़ने़ॽ आन्छिगे़नुए आइन् से़न्दिक् याङ्धोःक्ते़ॽओ, थेआङ्भे़ल्ले़ आल्लो नाम्ध्ये़आङ् खादाम्ल पत्लो॥” हे़क्केःल्ले़ खुने़ॽ खे़ङ्हाॽनु याङ्धोःक्से़ पेरो॥ |
| 26225 | JHN 3:36 | निङ्वाॽफुसाःन् नसाःन् के़जोःक्पा के़रे़क्ले़ मे़न्नुप्मनाबा हिङ्मन् मे़घोःसुॽरो॥ आबुगे़न् कुस्साःन् नसाःन् मे़न्जोःक्मनाबाहाॽरे़ मे़न्नुप्मनाबा हिङ्मन् आप्फाल्ले़आङ् मे़ङ्घोःसुन्लो, कर निङ्वाॽफुमाङ्ङिल्ले़ कुसाक्के़न्निन् खे़ङ्हाॽ सम्दाङ् चुक्लो॥ |
| 26323 | JHN 5:44 | खिनिॽ आबाङे मिङ्सो इङ्धाःङ् के़बिआसि, कर थिक्लक् निङ्वाॽफुमाङ्लाम् के़दाःबा मिङ्सो इङ्धाःङ्ङिङ्ग के़ङ्गोःत्तुम्मिन्, हे़क्केःल्ले़ आक्खेलॽरिक् खिनिॽ याप्मि नसाःन् चोःक्मा के़सुक्तिबे?” |
| 26719 | JHN 13:20 | इङ्गाॽ से़क्खाए मे़त्निङ्, आत्तिल्ले़ इङ्गाॽ पाङ्घुङ्सिङ्बाहाॽ लाङ्दाःक्तुसिॽ, खे़ल्ले़ इङ्गाॽ लाङ्दाःक्कारो, हे़क्क्याङ् आत्तिल्ले़ इङ्गाॽ लाङ्दाःक्का, खे़ल्ले़ इङ्गाॽ याप्मि के़बाङ्बे़न् लाङ्दाःक्तुॽरो॥” |
| 26810 | JHN 16:15 | काक् पानुदिङ् पाःल्ले़ कुबाःन्हाॽ इङ्गाॽइन्लो, खे़ल्ले़ चोगुल्ले़ सेसेमाङ्ङिल्ले़ इङ्गाॽलाम्मे पाःन्हाॽ तेॽरुआङ् खिनिॽ के़मे़त्तिॽरो फाॽआङ् पाःत्तुङ्बारो॥” |
| 27060 | ACT 2:42 | हे़क्क्याङ् खे़ङ्हाॽ सेःक्युक्मिबाहाॽरे़ खुनिॽ निसाम्मिन् नु सेसे तङ्जुम्मो, हे़क्क्याङ् तुवा चोःक्मा नु मिःम् साभाङ्जा चामाओ चक्मे़ल्लॽए मे़बत्छे़रो॥ |
| 27080 | ACT 3:15 | अक्खेलॽरिक् खिनिॽ ने़त्तिगे़न् हिङ्मन्ले़ कुबुन्निन् से़प्मा के़बाङ्घुम्सिम्, कर निङ्वाॽफुमाङ्ङिल्ले़ खुने़ॽग कुसिवे़त्लाम् कुहिङ्वे़त् चोगुरो॥ खे़न् पाःन्निल्ले़न् तोःन्दि आनिगे़ वयिगे़रो॥ |
| 27092 | ACT 4:1 | पत्रुस नु युहुन्नारे़ मनाहाॽ इङ्भोःसे़त्छुर यागे़त्छिल्ले़ निङ्वाॽफुसाम्बाहाॽ, माङ्हिम् के़गोःबा थक्सुबाहाॽरे़ खुनिॽ थक्तुम्बा नु कुभा सदुकिहाॽ खे़प्मो मे़द्ये़रो॥ |
| 27096 | ACT 4:5 | हे़क्क्याङ् कुदाःन्दिक्मा सुहाङ्युक्पाहाॽ, यहुदि तुम्लाम्लोःबाहाॽ नु साम्योथिम्साम्बाहाॽ यरुसले़म्मो चुम्लुङ् मे़जोगे़॥ |
| 27101 | ACT 4:10 | आल्ल खिनिॽ नु वेॽ इस्राइलबा काक् मनाहाॽरे़ कन् कुसिङ् निःत्ते़म्मे़ॽओ, नासरतस्मा ये़सु ख्रिस्तरे़ कुमुक्साम्लाम् कन् मनाःन् खिनिॽ तगि वेःत्ते़आङ् ये़प्लो॥ ये़सुःङ्ग खिनिॽ सिलाम्साक्मा सिङ्सम्दाङ् फोःम्मा से़प्मा के़बाङ्घुम्सिम्, कर निङ्वाॽफुमाङ्ङिल्ले़ खुने़ॽग कुसिवे़त्लाम् कुहिङ्वे़त् चोगुआङ् फोःक्खुरो॥ |
| 27125 | ACT 4:34 | खुनिॽ लुम्मो चायोःम्बोओ के़वाॽबा मनाहाॽ मे़होःप्ते़, थेआङ्भे़ल्ले़ कुभारे़ मे़गत्तुबा याङ्साकुन्धे, हिम्धाःङ्, लाजेॽ सिङ्बुङ्हाॽ मे़सङ्घुआङ्खे़न् याङ्ङिन् सेःक्युक्मिबाहाॽरो मे़दारु, हे़क्क्याङ् मनाहाॽरे़ खुनिॽ चायोःम्बो कुइसिःक् मे़हाःत्तुसिरो॥ |
| 27515 | ACT 15:4 | हे़क्क्याङ् खे़ङ्हाॽ यरुसले़म्मो के़रे़त्छिआङ् सेःक्युक्मिबाहाॽ, तुम्लाम्लोःबाहाॽ नु सेसेहुप्लक्पा वेॽ मनाहाॽरे़ खे़ङ्हाॽ लाङ्दाःक्मा मे़बिरुसिरो॥ हे़क्क्याङ् खे़ङ्हाॽरे़ खे़प्मो के़वाॽबाहाॽ निङ्वाॽफुमाङ्ङिल्ले़ खुन्छिॽलाम् चोगुबा पाःन्हाॽ चे़क्खे़छुरो॥ |
| 27786 | ACT 22:14 | खे़ल्ले़ मे़त्ताङ्, ‘खे़ने़ॽग आनिॽ सुधे़बा ताक्थे़बाहाॽरे़ खुनिॽ निङ्वाॽफुमाङ्ङिल्ले़ कुनिङ्वाॽ कुसिङ्निःप्मा, साम्योनिबा कुमना ये़सुःन् निःमा हे़क्क्याङ् खुने़ॽ पाःत्तुबा पाःन् खे़म्मा फाॽआङ् के़सेगे़आङ् के़वाॽरो॥ |
| 27839 | ACT 24:2 | पावले़न् खे़प्मो मे़उःत्तुआङ् तरतुलसरे़ खुने़ॽ आप्तिक् पाःन्निन् अक्खेलॽरिक् फे़लिक्सरे़ कुदगि युक्खुरो– “आदाङ्बा तुत्तु सुहाङ्गे़म्बाए, खे़ने़ॽ सिकुम्निबा के़लाम्लोःल्ले़ यरिक् तङ्बेआङ्धो आनिगे़ सनारुङ्ङो वाॽमा खोःसुम्बे़आङ् वयिगे़, हे़क्क्याङ् आनिगे़ लाजेॽओ थोबोआङ् पोःक्खे़आङ् वाॽरो॥ |
| 27847 | ACT 24:10 | हे़क्क्याङ् सुहाङ्गे़म्बाल्ले़ पावले़न् पारे़ॽ फाॽआङ् हुक्चाःल्कि पिरुआङ् पावले़न् अक्खेलॽरिक् पारे़, “आदाङ्बा सुहाङ्गे़म्बाए, कन् लाजेॽओ खासे़न्लोःम्बा के़बोःक्खे़बा यरिक् तङ्बे के़रे़ के़लॽबा इङ्गाॽ निङ्वाॽ कत्तुङ्लो॥ हे़क्केःल्ले़ इङ्गाॽ आनाङ्सिङ्मा आबाःन्निन् युङ्मा आसिराॽ थाङ्लो॥ |
| 27916 | ACT 26:25 | कर पावलरे़ नोगप् पिरु, “आदाङ्बा सुहाङ्गे़म्बाए, इङ्गाॽग मे़न्नाङ्ङे वाॽआ॥ इङ्गाॽग से़क्खा सेनिङ्वाॽओ पाःत्तारो॥ |
| 28027 | ROM 1:29 | खे़ङ्हाॽ काक् परिक्पा कुइभे़म्मा, फे़न् निङ्वाॽ, खिःम्मा हे़क्क्याङ् चिःत्छिङ्मा, नाहे़म्मा, मना से़प्मा, खेमा थक्मा, इङ्ले़क्मा, मनाहाॽरे़ खुनिॽ निङ्वाॽ तुक्ल चोःक्मा पाःन्हाॽरक् मे़इःत्तुॽरो॥ हे़क्क्याङ् खे़ङ्हाॽ मना के़जे़ङ्बा, |
| 28222 | ROM 8:38 | थेआङ्भे़ल्ले़ निङ्वाॽफुमाङ्ङिल्ले़ कुमिःम्जिलाम् आनिॽ थेःल्ले़आङ् से़म्मा आन्छुक्ने़न्लो के़लॽबान् निःसुङ्सुरुङ्ङाङ् वाॽआरो॥ सिःमे़न् नु हिङ्मे़ल्ले़, माङ्लाइङ्बाहाॽ नु फे़न्साम्हाॽरे़, कन् ये़म् नु ताये़म्बा पाःन्हाॽरे़, इग्र आत्तिन् मुक्साम्हाॽरे़आङ् से़म्मा आन्छुक्ने़न्, |
| 28274 | ROM 10:18 | कर इस्राइलिहाॽरे़ सुनाइङ्ङिन् से़क्खाए मे़ङ्घे़म्मे मे़वाॽबि? से़क्खाए खे़ङ्हाॽरे़ मे़घे़प्सुआङ् वाॽरो॥ थेआङ्भे़ल्ले़, कन् सुनाइङ् के़से़बाहाॽरे़ खुनिॽ इङ्घङ्ङिन् खाम्बेःक्मो काक् पिसाङ् से़ःरे़आङ् वाॽरो, हे़क्क्याङ् खे़ङ्हाॽरे़ मे़बाःत्तुबा पाःन्निन् इक्सादिङ् खाम्बेःक्मोबा के़रे़क् ते़न्नो से़ःरे़आङ् वाॽ लॽरिक् साम्योसाप्लाओ साप्ते़आङ् पत्लो॥ |
| 28284 | ROM 11:7 | खे़न् फाॽइङ्ग थे़माबे? इस्राइलिहाॽरे़ निङ्वाॽ मे़बिरुआङ् मे़गोःत्तुबान् मे़ङ्घोःसुन्लो, कर कुभा मे़सेगे़बाहाॽरे़ने़ मे़घोःसुरो॥ वेॽहाॽग निङ्वाॽफुमाङ्ङिल्ले़ खुनिॽ निङ्वाॽ के़धुङ्बा चोगु पिरुसिरो॥ |
| 28343 | ROM 13:9 | साम्योथिम्मो, चाराम्मा याःम्बक् मे़जोगे़न्ने़ॽ, मना मे़से़रे़न्ने़ॽ, मे़घुःन्दे़न्ने़ॽ, मे़घिःप्से़न्ने़ॽ लॽरिक् साप्ते़बा इङ्जाःङ्हाॽ नु वेॽ के़रे़क् इङ्जाःङ्हाॽ आबाङे लुङ्माॽ के़दुक्सिङ्बा कुइसिःक् के़बाङ्भेॽसाबाहाॽ लुङ्माॽ तुक्ते़से़ॽ के़लॽबा पाःन्निन् के़त्लो॥ |
| 28532 | 1CO 5:10 | खे़न् फाॽइङ्ग नसाःन् मे़न्जोःक्मनाबा फे़न् याःम्बक् के़जोःक्पा, खिःम्यक्पा, इङ्ले़क्पा, नावाइत्ला माङ्गे़घबाहाॽनु मे़वये़म्मिन्ने़ॽ के़लॽबाग मे़ःन्लो॥ हे़क्के के़जोगुम्मिल्ले़ग कन् इक्सादिङ् खाम्बेःक्मोलाम्बा लःम्मा पेःक्मा के़बोःङ्बा वये़रो॥ |
| 28545 | 1CO 6:10 | के़घुःप्पाहाॽ, खिःम्यक्पाहाॽ, थिःमसाङ्हाॽ, चाःत्थि के़देःबा नु फोत्याबाहाॽरे़ निङ्वाॽफुहाङ्जुम्मिल्ले़न् लाघो मे़ङ्घोःसुन्लो॥ |
| 28570 | 1CO 7:15 | हे़क्केसाङ् नसाःन् मे़न्जोःक्मनामा मेलिङ्गे़न् मेःत्तिल्ले़ इग्र इत्थुङ्गे़न् ये़म्बाॽइल्ले़ से़म्माआङ् पेःक्माए निङ्वाॽ चोगुॽने़ फाॽग्र हाराॽ पेःक्निरो॥ अक्तङ्बा याक्नाम्मो नसाःन् के़जोःक्मा मेःत् इग्र ये़म्बाॽ आत्तिन्नाङ् इभुत्तो मे़न्वाॽने़न्लो, थेआङ्भे़ल्ले़ निङ्वाॽफुमाङ्ङिल्ले़ आनिॽ सनारुङ्ङो वाॽसे़ने़ आउःत्ते़आङ् आवाॽरो॥ |
| 28580 | 1CO 7:25 | आल्ल मेःक्खिम् मे़न्जोःक्के के़वाॽमाहाॽरे़ खुनिॽ लागि दाङ्बालाम् थेआङ् इङ्जाःङ् इङ्गाॽ मे़गत्तुङ्ङिन्लो, कर निङ्वाॽफुमाङ्ङिल्ले़ कुलुङ्गुम्लाम्बा नसाःन्साबा मना कुइसिःक् सुजा पिनिङ्लो॥ |
| 28685 | 1CO 11:17 | आल्ल कन् इङ्जाःङ्ङिन् खिनिॽ पिनिङ्ङिल्ले़ खिनिॽ नारा मे़भोःसुङ्ङिन्लो, थेआङ्भे़ल्ले़ खिनिॽग सेसेहुप्लक्को के़जुप्सिल्ले़ नुःबा पाःन् मे़ःन्, कर ताप्फे़ःम्बा पाःन्निन् के़जोगुम्लो॥ |
| 28727 | 1CO 12:25 | हे़क्केलॽरिक् नासिङ्गे़न् थक्को से़म्मा मे़बोःङ्ने़न्ल, कर थिक् याम्लक्किल्ले़ वेॽ याम्लक्किन् कम्ब्राङ् चोगुनि के़लॽबा कुनिङ्वाॽ वाॽरो॥ |
| 28730 | 1CO 12:28 | निङ्वाॽफुमाङ्ङिल्ले़ ख्रिस्तरे़ कुधक् सेसेहुप्लक्को अक्खेलॽरिक् सेःक्युक् चोगुसिआङ् वाॽरो– थिक्सिगेःक्पो सेःक्युक्मिबाहाॽ, निसिगेःक्पो माङ्निङ्वाॽपाःन् के़बाःप्पाहाॽ, सुम्सिगेःक्पो सिक्साम्बाहाॽ, हे़क्क्याङ् निङ्वाॽ के़माबा याःम्बक् के़जोःक्पाहाॽ, के़दुक्पा मनाहाॽ के़वेःम्बाहाॽ, कुभाॽ के़बिबाहाॽ, लाम्गे़लोःबाहाॽ, हे़क्क्याङ् परिक्परिक्पा वेॽ पाःन्दाङ् के़बाःप्पाहाॽ॥ |
| 28748 | 1CO 14:2 | थेआङ्भे़ल्ले़ वेॽ पाःन्दाङ्ङो पाःप्मा पर्धाःम् के़गप्पे़न्मे़न्छाम्गे़न् याप्मिहाॽनु मे़बाःत्ने़न्, कर निङ्वाॽफुमाङ्ङिन्नु पाःत्लो॥ खुने़ॽ पाःत्तुबा पाःन्हाॽ आत्तिल्ले़आङ् कुसिङ्मे़निःत्तुन्लो, थेआङ्भे़ल्ले़ खुने़ॽग सिगाङ् पाःन्हाॽ सेसेमाङ्लाम्बाने़ पाःत्तुॽरो॥ |
| 28813 | 1CO 15:27 | थेआङ्भे़ल्ले़ साम्योसाप्लाओ अक्खे साप्ते़आङ् पत्, “निङ्वाॽफुमाङ्ङिल्ले़ काक् पाःन्हाॽ कुयुक्को तारुआङ् वाॽ॥” कर “के़रे़क् पाःन्हाॽ” कुयुक्को वाॽ फाॽइन् निङ्वाॽफुमाङ्ङिन्नाङ् कुयुक्को वाॽ के़लॽबाग मे़बोःङ्ने़ल्लो, थेआङ्भे़ल्ले़ निङ्वाॽफुमाङ्ङिल्ले़ के़रे़क् पाःन्हाॽ ख्रिस्तरे़ कुयुक्को ने़स्सुपिरुबारो॥ |
| 28881 | 2CO 1:13 | खिनिॽ निःप्मा के़न्छुक्तुम्मिम्बा नु कुसिङ्निःप्मा के़न्छुक्तुम्मिम्बा पाःन्हाॽ सक्इङ्घङ्ङो थेआङ् मे़साप्तुम्बे़न्लो॥ आल्लो आनिगे़ याःम्बेओ मिसाक्लक् कुसिङ्गे़न्निःत्तुम्, कर थिक्ये़न् खिनिॽ काक् पाःन्हाॽ कुसिङ्निःप्मा के़सुक्तुम् के़लॽबा इङ्गाॽ निङ्साङ् चोगुङ्लो॥ हे़क्क्याङ् दाङ्बा ये़सुःन् नुःङ् युःबा ये़न्नो खिनिॽ याःम्बेओ वेॽ मनाहाॽ नुःबा पाःन् मे़त्तुम्सिम्बे़बा कुइसिःक् खिनिॽआङ् आनिगे़ याःम्बेओ नुःबा पाःन् के़जे़क्तुम्सिम्लो॥ |
| 28915 | 2CO 3:6 | खुने़ॽए कुसङ् सेसेमाङ्हुप्पिल्ले़न्माङ्सेवा चोःक्मा के़सुक्पा चोगिगे़आङ् वाॽरो॥ कङ्ग साप्मनाबा साम्योथिम्लाम्बा मे़ःन्, कर सेसेमाङ्लाम्बारो, थेआङ्भे़ल्ले़ साप्मनाबा साम्योथिम्मिल्ले़ आसे़त्, कर सेसेमाङ्ङिल्ले़ आहिङ्लो॥ |
| 28972 | 2CO 6:6 | आनिगे़ सेसे हिङ्मन्लाम्, खासिङ् निःप्मालाम्, नासि थःप्मालाम्, नुःरिक्काङ् लुङ्माॽ तुक्मालाम्, सेसेमाङ्ङिल्ले़ कुमुक्साम्लाम्, कुदोःप्मा मिःम्जिलाम्, से़क्खाबा सुनाइङ्घङ्लाम्, हे़क्क्याङ् निङ्वाॽफुमाङ्ङिल्ले़ कुमुक्साम्मोलाम् निङ्वाॽफुमाङ्ङिल्ले़ कुसेवारोबासिगे़ फाॽआङ् आबाङे ओसेःन्धाक्कासिगे़रो॥ आक्तङ्बा ये़म्मोसाङ् आनिगे़ फे़जुम् फे़याग निङ्वाॽफुमाङ्ङिल्ले़ कुसिराॽ के़धाङ्बा आनिगे़ साम्योनिबा हिङ्मन्नेरो॥ |
| 29083 | 2CO 11:26 | इङ्गाॽग यरिक्ले़ङ् लाम्दिःक् चोगाङ्ङिल्ले़ वाहङ्ङो हे़क्क्याङ् फाःन्दाहाॽलाम्बा, आबाङे लाजेॽसाबाहाॽ नु थिम्मे़न्दङ् सुवाङ्हाॽलाम्बा के़साक्पा तुक्खेहाॽ तुमुङ्लो॥ हे़क्क्याङ् ये़क्यक्को, ये़ःङ्घादे़न्नो, वरक्कोबा किप्मा के़घुःबा सुरित् केजङ्ङो, हे़क्क्याङ् फोत्याबा फुॽनुसाॽलाम्बाआङ् के़साक्पा तुक्खेहाॽ तुमुङ्ङाङ् वाॽआरो॥ |
| 29096 | 2CO 12:6 | इङ्गाॽग चम्सिङ्माए पोःङ्साङ् अदङ् मे़बोःङ्ङान्लो, थेआङ्भे़ल्ले़ इङ्गाॽग से़क्खाए पाःत्तार वाॽआरो॥ कर इङ्गाॽ मे़जम्सिङ्ङान्लो, हे़क्केलॽरिक् चोगुङ् पाःत्तुङ्बान्नुःल्ले़आङ् यरिक् आत्तिल्ले़आङ् मे़इःत्तान्लरो॥ |
| 29197 | GAL 3:28 | आल्ल यहुदि, थिम्मे़न्दङ् सुवाङ्, योःक् नु चोःक्युम्भोबा, ये़म्बित्छाॽ नु मे़न्छुमाॽ कुदङ्बारो, थेआङ्भे़ल्ले़ खिनिॽग ख्रिस्त ये़सुओ लत्छा के़बोःक्खिआङ् के़वयिॽरो॥ |
| 29244 | GAL 5:15 | कर खिनिॽ के़हाॽआसि के़ये़ःङ्ङासिल्ले़ग मे़बोःङ्ने़ल्लो, कर सिङ्सिङ् लॽरे़म्मे़ॽओ, मे़ःन्ने़ फाॽग्र आबाङे के़मे़ङ्ङासिॽरो॥ |
| 29270 | GAL 6:15 | हर्दो हे़क्मासाङ् मे़न्हे़क्मासाङ् थेआङ् मे़बोःङ्ने़ल्लो, कर कुसङ् मना पोःङ्मान्ने यम्बा पाःन्लो॥ |
| 29294 | EPH 1:21 | खे़प्मो ख्रिस्तरे़ के़रे़क् सुहाङ्गे़म्बाहाॽ, युक् के़गप्पाहाॽ, मुक्साम् के़गप्पाहाॽ, नु हाङ्युक् के़जोःक्पाहाॽ सम्दाङ् हाङ् चोगुॽरो॥ हे़क्क्याङ् कन् ये़म्मोरक् मे़ःन्, कर के़दाःबा ये़म्मोआङ् खुने़ॽ वेॽ के़रे़क्नुःल्ले़आङ् थोधोक्पा चोःक्॥ |
| 29350 | EPH 4:11 | खुने़ॽए कुभा सेःक्युक्मिबा, माङ्निङ्वाॽपाःन् के़बाःप्पा, सुनाइङ् के़से़बा हे़क्क्याङ् नसानिबाहाॽ कम्ब्राङ् के़मे़प्पा नु सिक्साम्बा पोःङ्से़ पर्धाःम्हाॽ पिरुसिरो॥ |
| 29416 | EPH 6:12 | थेआङ्भे़ल्ले़ आनिॽ थङ्ङिङ्ग मे़न्छाम् याप्मिनु मे़ःन्, कर हाङ्गे़जोःक्पाहाॽ, युक्दाङ्बाहाॽ, कन् खागे़माक्पा खाम्बेःक्कोबा मुक्साम्हाॽ हे़क्क्याङ् ताङ्साक्पाओबा काक् फे़न्साम्हाॽनु थक्मनाबा थङ्लो॥ |
| 29421 | EPH 6:17 | फे़न्जेॽ ताङ्घुःक्किन् कुइसिःक् से़न्लप्पिन् खुःक्खे़म्मे़ॽ, हे़क्क्याङ् सेसेमाङ्ङिल्ले़ कुदाभेःन् याङ्ङासिम्मे़ॽ, खे़ङ्ग निङ्वाॽफु पाःन्जाक्लो॥ |
| 29446 | PHP 1:18 | च्यासाङ्, आल्ल आत्तिन् परिक्ले़साङ्, नोनिङ्वाॽइल्ले़ इग्र फे़न् निङ्वाॽइल्ले़, ख्रिस्तरे़ कुयाःम्बेओ इङ्भोःल्ले़ग नुःबाएरो॥ खे़ल्ले़ चोगुल्ले़ इङ्गाॽ सःत्तारो॥ हे़क्क्याङ् इङ्गाॽ चक्मे़ल्लॽए सःत्ता, |
| 29481 | PHP 2:23 | खे़ल्ले़ चोगुल्ले़ इङ्गाॽनु थेधे पोःङ्ङि, खे़न् इङ्गाॽ निङ्वाॽ खोःसुङ्नामे़ःन्ने, तिमोथिःन् खिनिॽओ पाङ्मा निङ्वाॽ चोगुङ्लो॥ |
| 29548 | COL 1:16 | ख्रिस्तलाम् साङ्ग्राम्पेदाङ् नु इक्सादिङ् खाम्बेःक्मोबा काक् नावागे़न् चइःत् ने़स्सुबारो॥ खुने़ॽग निगे़धाःप्पा नु निमे़न्धाःप्मना पाःन्हाॽ, हाङ्हाॽ नु हाङ्जुम्हाॽ, हाङ्गे़जोःक्पाहाॽ नु युक्साबाहाॽआङ् चोगुसिबारो॥ काक् पाःन्हाॽरे़न् नावागे़न् चइःत्तिन् ख्रिस्तलाम् नु ख्रिस्तरे़ कुलागिए पोःक्खे़बारो॥ |
| 29596 | COL 3:12 | हे़क्केःल्ले़ निङ्वाॽफुमाङ्ङिल्ले़ सेगुसिबा मनाहाॽ, सेसे नु साॽरिक् लुङ्माॽ तुक्तुसिबाहाॽरे़, लुङ्दुक्किन्, लुङ्माॽ तुक्सिङ्मान्, नोनिङ्वाॽइन्, चुङ्जिगे़न् नःम्नःम् लॽमान्नु नासि थःप्मान् चाङ् कुइसिःक् चाक्सिङ्मा पोःङ्लो॥ |
| 29772 | 1TI 1:9 | से़क्खाए आनिॽ कन् पाःन्निङ्ग कुसिङ्निःप्माए पोःङ्लो–साम्योथिम्मिङ्ग साम्योनिबा मनाहाॽरे़ लागि मे़ःन्, कर साम्योथिम् के़भेःम्बाहाॽ नु इङ्जाःङ् मे़ङ्घे़म्मनाबाहाॽ, निङ्वाॽफुमाङ्ङिन् नसाःन् मे़न्जोःक्मनाबाहाॽ, लायोबाहाॽ, आसुत्थोहाॽ, साम्यो मे़न्इःप्मनाबाहाॽ, पा-मा के़से़प्पाहाॽ, मना के़से़प्पाहाॽ, |
| 29784 | 1TI 2:1 | हे़क्केःल्ले़, काक्नुःल्ले़ तगि, काक् मे़न्छाम् याप्मिहाॽरे़ खुनिॽ लागि हे़क्क्याङ् हाङ्हाॽ नु वेॽ युक्साबाहाॽरे़ खुनिॽ लागि निङ्वाॽफुमाङ्ङिल्लो पेलि, तुवाहाॽ, ये़क्पेलिगे़न् तुवाहाॽ नु हे़ना नोगे़न्हाॽ तोःम्मा फाॽआङ् इङ्गाॽ पेलि फाक्निङ्लो॥ हे़क्केलॽरिक् आनिॽ सनारुङ्ङो नु ये़म्ये़म्वा हिङ्मन्नो, हे़क्क्याङ् साम्निमो नु मिङ्सो इङ्धाःङ्ङो हिङ्मा आसुक्लरो॥ |
| 29791 | 1TI 2:8 | इङ्गाॽ काक् ये़म्बित्छाॽसाःहाॽरे़ आत्तान्छाङ् याःक्मे़ल्ले़ॽए, मे़ङ्घेए मे़न्धक्के हे़क्क्याङ् सेसेबा हुक्हाॽ मे़भोःक्खुर निङ्वाॽफुमाङ्ङिल्लो तुवा मे़जोगुर फाॽआङ् निङ्वाॽ चोगुङ्लो॥ |
| 29887 | 2TI 1:11 | कन् सुनाइङ्ङिल्ले़ लागि इङ्गाॽ सेसे सेःक्युक्मिबा, सिक्साम्बा, हे़क्क्याङ् इङ्गे़भोःबा पोःङ्से़ निङ्वाॽफुमाङ्ङिल्ले़ सेःक्युक् चोगाङ्लो॥ |
| 29930 | 2TI 3:10 | कर खे़ने़ॽग इङ्गाॽ आनिसाम्मिन्, आये़प्ले़क्किन्, हिङ्मन्ले़न् आनिङ्वाॽसोःक्किन्, आनसाःन्निन्, आहाङ्गे़म्सिङ्मान्, आमिःम्जिन्, आनासि थःप्मान्, तुक्खे च्याङ्बा पाःन्हाॽ, आदुक्खेहाॽ के़रे़क् के़नाःत्तु के़इःत्तुआङ् के़वाॽरो॥ हे़क्क्याङ् एन्तिओक, आइकोनियम नु लुस्त्राओ इङ्गाॽ तुमुङ्बा के़रे़क् तुक्खेहाॽ नुःरिक्काङ् कुसिङ्के़निःत्तुआङ् के़वाॽरो॥ कर दाङ्बाल्ले़ काक् खे़न् तुक्खे लाक्खेलाम् इङ्गाॽ से़ःप्ताङ्लो॥ |
| 29967 | TIT 1:8 | कर खुने़ॽग तरे के़दोःबा नु नुःबा पाःन्हाॽ कुसिराॽ के़धाङ्बा पोःङ्माए पोःङ्लो॥ हे़क्क्याङ् खुने़ॽ निङ्वाॽ हाङ्गे़म्साबा, साम्योनिबा, सेसे नु हे़न्थिम्बा पोःङ्माए पोःङ्लो॥ |
| 29993 | TIT 3:3 | थेआङ्भे़ल्ले़ आनिॽआङ् थिक्ले़ङ् अदङ् नु इङ्जाःङ् इःप्मा नाःप्मा मे़न्दे़म्मनाबा, इङ्ले़क्के, याम्निङ्वाॽ तादा नु याम् तादारे़ आयुक्ते़आङ् आवये़रो॥ हे़क्केलॽरिक् सिक् पोःक्मा नु नाहे़म्माओ आवये़, हे़क्क्याङ् मनाहाॽ आजिःत्तुम्सिम्माङ्आवये़रो॥ |
| 29995 | TIT 3:5 | खुने़ॽ आनिॽ ताङ्आसे़ःप्ते़रो॥ कङ्ग आनिॽ आजोगुम्बा नुःब्नुःबा साम्योनिबा याःम्बक्किल्ले़ पोःक्खे़बा मे़ःन्लो, कर खुने़ॽ आप्फेःक् लुङ्माॽ आदुक्ते़बाल्ले़ चोगुल्ले़ ताङ्आसे़ःप्ते़बारो, हे़क्क्याङ् सेसेमाङ्लाम्बा निङ्वाॽफुमाङ्ङिल्ले़ कुसङ् मना चोःक्से़ आनिॽ लायोःन् वाहप्तुआङ् कुसङ् हिङ्मन् आबिरे़रो॥ |
| 30014 | PHM 1:9 | इङ्गाॽ खदाक्मि पावल, आल्लो ख्रिस्त ये़सुरे़ कुबुङ्लाथाबा के़बोःङ्बाल्ले़, आनिॽ लुङ्माॽ तुक्सिङ्माल्ले़ चोगुल्ले़ खे़ने़ॽ पेलि फाक्ने़ॽरो॥ |
| 30120 | HEB 6:9 | आमिःम् तेःङ्जुम्से, आनिगे़ अक्खेलॽरिक् पारिगे़साङ् खिनिॽ याःम्बेओग से़न्लप्पिन् के़गाप्पा नुःबा पाःन्हाॽ के़जोगुम् के़लॽबा से़क्खाए निःसुम्बे़रो॥ |
| 30157 | HEB 7:26 | खुने़ॽग आनिॽ चाहाबा के़जोःक्पा मानिङ्वाॽफुसाम्बारो, थेआङ्भे़ल्ले़ खुने़ॽग सेसे नु फोत्या मे़ःन्ने, लायोःल्ले़ मे़दे़त्तुम्बा चोःक्लो॥ खुने़ॽग लायोबाहाॽलाम् से़न्दे़आङ् वाॽ हे़क्क्याङ् साङ्ग्राम्पेदाङ्ङो काक्नुःल्ले़ यम्बा मिङ्सो इङ्धाःङ्ले़ युक्नाःन् खोःसुआङ् वाॽरो॥ |
| 30170 | HEB 8:11 | आत्तिन् मनाःल्ले़आङ् कुलाजेॽबा मनाःन् हुॽमा चाहाबा मे़जोःक्ने़न्लो हे़क्क्याङ् आत्तिन् मनाःल्ले़आङ् कुम्भुॽ कुन्साॽसि दाङ्बान् कुसिङ् निःत्ते़म्मे़ॽ लॽरिक् मे़प्मासि मे़बोःङ्ने़ल्लो, थेआङ्भे़ल्ले़ यम्बा चुक्पा के़रे़क्ले़ इङ्गाॽ कुसिङ् मे़निःत्तारो॥ |
| 30189 | HEB 9:17 | थेआङ्भे़ल्ले़ खुने़ॽ कुहिङ्वे़त् वाॽर थारिक् खे़न् आप्फाल्ले़आङ् से़क्खा मे़बोःङ्ने़ल्लो, कर मनाःन् सिःआङ्लक् से़क्खा पोःङ्लो॥ |
| 30273 | HEB 11:34 | पयम् यम्बा मिराःक्हाॽ मे़से़रु, ताभेलाम्बा ताङ्मे़से़ःप्ते़, खे़ङ्हाॽरे़ खुनिॽ साॽइ होःप्ते़साङ् के़धुम्बा मे़बोःक्खे़ हे़क्क्याङ् थङ्ङो मुक्के़गुबा मे़बोःक्खे़आङ् निङ्मिहाॽ मे़नाःन्दुसिरो॥ |