| 25332 | LUK 8:18 | हे़क्केःल्ले़ के़घे़प्सुम्बा पाःन्निन् निङ्वाॽओ नुःरिक्काङ् युक्खे़म्मे़ॽओ॥ इङ्गाॽ आनिसाम्मिन् ते़न्दिङ् के़जोःक्पाहाॽरे़ग आल्लसाङ् यरिक् कुसिङ्निःप्मान्मे़घोःसुरो, कर आनिसाम्मिन् मे़ङ्घे़म्मनाबाहाॽरे़ कत्तुम्बे़ फाॽआङ् मे़इःत्तुबान्नाङ्मे़नाप्तुसिरो॥” |
| 26273 | JHN 4:48 | ये़सुरे़ खे़न् सुहाङ्युक्पे़न्मे़त्तु, “खिनिॽ मिक्सेःन् नु निङ्वाॽ के़माबा याःम्बक्हाॽ मे़न्निए थारिक् आप्फाल्ले़आङ् नसाःन् के़न्जोगुम्मिन्लो॥” |
| 28088 | ROM 3:29 | से़क्खाःल्ले़ निङ्वाॽफुमाङ्ङिन् यहुदिहाॽरे़न्लक् खुनिॽ निङ्वाॽफुमाङ्बि? थिम्मे़न्दङ् सुवाङ्हाॽरे़ खुनिॽ निङ्वाॽफुमाङ् मे़ःम्बि? से़क्खासाङ् खे़ङ्हाॽरे़न्नाङ्लो, |
| 28170 | ROM 7:11 | थेआङ्भे़ल्ले़ लायोःल्ले़ साम्योइङ्जाःङ्लाम् सुये़म्खोःसुआङ् इङ्गाॽ इङ्ले़क्ताङ्लो, हे़क्क्याङ् बा कन् साम्योइङ्जाःङ्लाम् इङ्गाॽ से़राङ्लो॥ |
| 28359 | ROM 14:11 | साम्योसाप्लाओ अक्खेलॽरिक् साप्ते़आङ् पत्, “से़क्खाए माङ्हे़क्सिङ्ङा, काक् मे़न्छाम् याप्मिहाॽ इङ्गाॽ आदगि थुङ्बोहजॽ मे़लेःत्तुआङ् साम्बोःन् मे़भन्छिङ्, हे़क्क्याङ् के़रे़क्ले़ निङ्वाॽफुमाङ्आ फाॽआङ् ते़न्दिङ् मे़जोःक्का लॽरिक् यहवे दाङ्बाल्ले़ पाःत्तुॽरो॥” |
| 29800 | 1TI 3:2 | खे़ल्ले़ चोगुल्ले़ लाम्लोःबा याःम्बक् के़जोःक्पाङ्ग आप्तिक् मे़ःन्नेबा, थिक्लक् मेःत् के़गप्पा, निङ्वाॽ हाङ्गे़गे़म्सिङ्बा, नुःरिक्काङ् खासिङ् के़निःप्पा, मिङ्सो इङ्धाःङ्साबा, तरे के़दोःबा नु मनाहाॽ हुॽमा के़सुक्पा पोःङ्मा पोःङ्लो॥ |
| 29930 | 2TI 3:10 | कर खे़ने़ॽग इङ्गाॽ आनिसाम्मिन्, आये़प्ले़क्किन्, हिङ्मन्ले़न् आनिङ्वाॽसोःक्किन्, आनसाःन्निन्, आहाङ्गे़म्सिङ्मान्, आमिःम्जिन्, आनासि थःप्मान्, तुक्खे च्याङ्बा पाःन्हाॽ, आदुक्खेहाॽ के़रे़क् के़नाःत्तु के़इःत्तुआङ् के़वाॽरो॥ हे़क्क्याङ् एन्तिओक, आइकोनियम नु लुस्त्राओ इङ्गाॽ तुमुङ्बा के़रे़क् तुक्खेहाॽ नुःरिक्काङ् कुसिङ्के़निःत्तुआङ् के़वाॽरो॥ कर दाङ्बाल्ले़ काक् खे़न् तुक्खे लाक्खेलाम् इङ्गाॽ से़ःप्ताङ्लो॥ |
| 29987 | TIT 2:12 | खे़न् कुलुङ्गुम्लाम्बा कन् इक्सादिङ् खाम्बेःक्मो लायोबा हिङ्मन् नु इक्सादिङ्बा ये़म्निङ्वाॽ तादाबा पाःन्हाॽ ले़प्मादेःमा पोःङ् फाॽआङ् आहुॽसिङ्ङाङ् कन् हिङ्मन्नो निङ्वाॽ हाङ्गे़म्सिङ्मा, कुदोःप्मा नु साम्योनिबा हिङ्मन्नो हिङ्मा फाॽआङ् ओःन्धाक् आजोःक्लो॥ |
| 30124 | HEB 6:13 | निङ्वाॽफुमाङ्ङिल्ले़ अब्राहाम्मिन्नु माङ्हे़क् चोगुल्ले़ खुने़ॽ आबाङे कुमिङ्ङिन्नुःल्ले़ वेॽ यम्बा मिङ् होःप्ते़बाल्ले़ आबाङे कुमिङ्ङो अक्खेलॽरिक् माङ्हे़क्सिङ्लो, |
| 30151 | HEB 7:20 | ख्रिस्ते़न्सदादिङ् निङ्वाॽफुसाम्बा पोःङ्लो लॽरिक् माङ्हे़क्सिङ्लो, कर वेॽ निङ्वाॽफुसाम्बाहाॽरे़ लागि आप्फाल्ले़आङ् निङ्वाॽफुमाङ्ङिन् हे़क्केलॽरिक् माङ्मे़हे़क्सिङ्ङिन्लो॥ निङ्वाॽफुमाङ्ङिल्ले़ ये़सुरे़ कुयाःम्बेओरक् अक्खे पाःत्तुआङ् वाॽरो, “‘खे़ने़ॽग सदादिङ् निङ्वाॽफुसाम्बाने़रो’ हे़क्क्याङ् आप्फाल्ले़आङ् आनिङ्वाॽ मे़ले़ङ्ङान्लो लॽरिक् यहवे दाङ्बान् माङ्हे़क्सिङ्ङाङ् वाॽरो॥” |
| 30169 | HEB 8:10 | खे़न् ये़म् एगाङ् इस्राइलि मनाहाॽनु कन् सेसेमाङ्हुप्पिन्चोगुङ्, खुनिॽ निङ्वाॽबो आधिम्हाॽ केःत्तुङ् पिरुङ्सिङ्ङाङ् खुनिॽ सिक्लुङ्मो साप्तुङ् पिरुङ्सिङ्, हे़क्क्याङ् इङ्गाॽ खुनिॽ निङ्वाॽफुमाङ् पोःङ्ङाआङ् खे़ङ्हाॽ आमना मे़बोःङ्लो लॽरिक् यहवे दाङ्बाल्ले़ पाःत्तुॽरो॥ |
| 30552 | 2PE 1:6 | साम्जिक्को निङ्वाॽ हाङ्गे़म्सिङ्मान्, निङ्वाॽ हाङ्गे़म्सिङ्मो नासि थःप्मान्, नासि थःप्मो साप्चुवाःन् योॽरे़म्मे़ॽ, |
| 30850 | REV 5:3 | कर साङ्ग्राम्पेदाङ्ङो, इक्सादिङ् खाम्बेःक्मो, हे़क्क्याङ् इक्सादिङ् खाम्बेःक् सिगाङ्ङाङ् खे़न् साप्कित्तिन् के़भाःङ्बाआङ् सिगाङ् ओमे़प्मा के़सुक्पा आत्तिन्नाङ् होःप्ते़रो॥ |
| 30860 | REV 5:13 | हे़क्क्याङ् इङ्गाॽ साङ्ग्राम्पेदाङ्बा, इक्सादिङ् खाम्बेःक्मोबा नु इक्सादिङ् खाम्बेःक् सिगाङ्बा, हे़क्क्याङ् वाहङ्ङोबा के़रे़क् पाथुङ्साहाॽ अक्खेलॽरिक् साम्मे़लोरे़बा खे़प्सुङ्लो, “हाङ्युक्नाओ के़युङ्बान् नु मे़ल्लुक्साःल्ले़ कुनारा फोःमान्, मिङ्सो इङ्धाःङ्, मिमिदिङ् नु मुक्साम् सदादिङ् सदादिङ् पोःङ्लरो!” |