25481	LUK 11:7	हे़क्‍केःल्‍ले़ हिम् सिगाङ्‌लाम् खे़ल्‍ले़ नोगप् के़बिॽ, ‘इङ्‌गाॽ तुक्‍खे मे़जाःत्ताङ्‌ङिन्‍ने़ॽओ! आन्‍दे़ःन्‍छा लाम्‍धेःप्‍पे़न्‌ए़त्ते़आङ्‌पत्, हे़क्‍क्‍याङ् याम्‍मो हिन्‍जाॽबित्‍छाहाॽआङ् इङ्‌गाॽनुए ने़त्‍नाओ मे़ने़॥ इङ्‌गाॽ पोःक्‍माआङ् खे़ने़ॽ थे़माआङ् पिमा मे़सुक्‍ने़न्‍लो॥’
27888	ACT 25:24	हे़क्‍क्‍याङ् सुहाङ्‌गे़म्‍बा फे़स्‍तसरे़ पाःत्तु, “आदाङ्‌बा अग्रिपा हाङ् नु कप्‍मो के़दाःबा तुत्तुगे़न् तुम्‍म्‍याङ्‌हाङ्‌से, खिनिॽ के़रे़क्‍ले़ कन् मनाःन् के़निःसुम्॥ कल्‍ले़ कुयाःम्‍बेओ यरुसले़म नु कप्‍मोबा कुभा यहुदिहाॽरे़ कल्‍ले़ आल्‍ल हिङ्‌मा मे़घोःसुन्‍नि, खे़न् सिःमाए पोःङ् लॽरिक् मे़अःक्‍ते़र इङ्‌गाॽओ पेलि मे़दोःन्‍दुआङ् मे़वाॽरो॥
28810	1CO 15:24	हे़क्‍क्‍याङ् कुनुप्‍मान् ताःरो॥ खे़न् ये़म्‍मो ख्रिस्‍तरे़ के़रे़क् याम्‍साम्‍गे़न्‌हाङ्‌युक्, युक्‍हाॽ नु मुक्‍साम्‍हाॽ मे़क्‍खुआङ् निङ्‌वाॽफुहाङ्‌जुम्‍मिन् पानुदिङ् पाः निङ्‌वाॽफुमाङ्‌ङिन् हुक्‍सुप्‍तुॽ॥
30717	2JN 1:5	हे़क्‍क्‍याङ् आल्‍ल, आमिःम् तुम्‍म्‍याङ्‌हाङ्‌माए, आनिॽ काक् लुङ्‌माॽ तुक्‍कासि फाॽआङ् इङ्‌गाॽ पेलि फाक्‍ने़ॽरो॥ कन्‌कुसङ् इङ्‌जाःङ्‌ग साप्‍निङ्‌बा मे़ःन्‍लो, कर कङ्‌ग तगिआङ्धोए आनिॽनु वये़रो॥
31142	REV 21:20	ङासिगेःक्‍पे़न्‌मुधिङ्‌लुङ्, तुक्‍सिगेःक्‍पे़न्‌लुङ्‌से़रुम्‍बा, नुसिगेःक्‍पे़न्‌अम्‍ले़ङ्‌लुङ्, ये़त्‍छिगेःक्‍पे़न्‌लुङ्‌मिङ्, फाङ्‌सिगेःक्‍पे़न्‌कुरिङ्‌लुङ्, थिबोःङ् सिगेःक्‍पे़न्‌कुहिःक्‍लुङ्, थिक्‌-थिक् सिगेःक्‍पे़न्‌फुःत्ताङ्‌लुङ्, हे़क्‍क्‍याङ् थिक्‌-ने़त् सिगेःक्‍पे़न्‌हे़ःक्‍कङ्‌लुङ्‌ङिल्‍ले़न्‌मे़जोगुआङ् वये़रो॥