| 23247 | MAT 2:9 | हे़रोद हाङ्ङिल्ले़ पाःत्तुबा पाःन्निन् मे़घे़प्सुआङ् खे़ङ्हाॽ मे़धासिङ्लो॥ हे़क्क्याङ् खे़ङ्हाॽरे़ खे़न् खेःम्सिक्पान् याम्मो मे़निःसु हे़क्क्याङ् खुनिॽ तगि तगि पेआङ् अङे़ःक्वा वये़बा हिम्कुदोःप्मा के़रे़आङ् फन्छिङ्लो॥ |
| 23271 | MAT 3:10 | आल्लोसा निङ्वाॽफुमाङ्ङिल्ले़ कुघासे़न्निल्ले़ तःन्दिङ्ग सिङ्बुङ्मो खा चुक्मा इःत्ते़आङ् वाॽ॥ नुःबा सिङ्सेॽ मे़न्धोःक्मनाबा सिङ्बुङ्हाॽ के़रे़क् ताङ्माआङ् मिओ लाप्फुमा पोःङ्लो॥ |
| 23304 | MAT 5:1 | आल्ल ये़सुरे़ यरिक् मनाहाॽ निःसुसिआङ् कोःक्माओ थाःङ् पेआङ् युङ्सिङ्, हे़क्क्याङ् कुहुॽसाम्बाहाॽआङ् खे़त्थो मे़बेआङ् कुघिरि मे़युङ्सिङ्॥ |
| 23312 | MAT 5:9 | नादङ् के़जोःक्पाहाॽ मुॽइसाबासिरो, थेआङ्भे़ल्ले़ खे़ङ्हाॽग निङ्वाॽफुसाः मे़बोःङ्लो॥ |
| 23317 | MAT 5:14 | खिनिॽग इक्सादिङ् खाम्बेःक्मोबा ओःत्तिनिङ्लो॥ कोःक्माओबा ये़क्यक्किन् थेःल्ले़आङ् इःप्मा मे़सुक्तुन्॥ |
| 23322 | MAT 5:19 | हाःत्ले़ कन् इङ्जाःङ्हाॽओबा चुक्सा पाःन्धिक् फेःन्दुआङ् वेहाॽ बा हे़क्के चोःक्मा हुॽरुसिॽ साङ्ग्राम्पेदाङ्बा हाङ्जुम्मो खे़न् चुक्सा पोःङ्लो, कर हाःत्ले़ कन् इङ्जाःङ्हाॽ इःत्तु-नाःत्तुआङ् वेॽहाॽ हे़क्के चोःक्मा हुॽरुसिॽ साङ्ग्राम्पेदाङ्बा हाङ्जुम्मो खे़न् पयम् यम्बा पोःङ्लो॥ |
| 23348 | MAT 5:45 | हे़क्केलॽरिक् साङ्ग्राम्पेदाङ्ङोबा खिनिॽ पानुदिङ् पाः निङ्वाॽफुमाङ्ङिल्ले़ कुस्साः के़बोःक्खिॽरो॥ थेआङ्भे़ल्ले़ निङ्वाॽफुमाङ्ङिल्ले़ग नुःबा नु ताप्फे़ःम्बा सम्दाङ् नाम्से़ःक् पाङ्घुआङ् साम्योनिबाहाॽ नु लायोबाहाॽओ पाङ्गे़न्दिङ् वाहिःत्थाःमा पाङ्घुरो॥ |
| 23355 | MAT 6:4 | हे़क्केलॽरिक् के़बिरुसिबा पाःन्निन् स्वाःत्ताङ् पोःङ्लरो॥ हे़क्क्याङ्लक् स्वाःत्ताङ् के़जोगुबा पाःन् के़निःबा पानुदिङ् के़म्बारे़ हाङ्से़म् के़बिरो॥” |
| 23356 | MAT 6:5 | “हे़क्क्याङ् खिनिॽ तुवा के़जोगुम्मिल्ले़ कुनिङ्वाॽ के़जिःप्पाहाॽ कुइसिःक् मे़जोगे़म्मिन्ने़ॽओ॥ खे़ङ्हाॽरे़ग मनाहाॽरे़ मे़निःसुर फाॽआङ् यहुदि चुम्लुङ्हिम्मो नु लाम्लाम्मो ये़प्माआङ् तुवा चोःक्मा खुनिॽ सिराॽ थाङ्लो॥ इङ्गाॽ से़क्खाए मे़त्निङ्, खे़ङ्हाॽरे़ खुनिॽ याःम्बक्किल्ले़न् हाङ्से़म्मिन् तगिए मे़घोःसु मे़सुरुआङ् मे़वाॽरो॥ |
| 23367 | MAT 6:16 | “हे़क्क्याङ् खिनिॽ चाःने़त् के़युङ्ङिल्ले़ निङ्वाॽ के़जिःप्पाहाॽ कुइसिःक् खिनिॽ ना मे़माक्ते़म्मिन्ने़ॽओ, थेआङ्भे़ल्ले़ खे़ङ्हाॽ चाःने़त् मे़युङ्ङिल्ले़ वेॽ मनाहाॽरे़ निङ्वाॽ मे़घोःसुर फाॽआङ् खुनिॽ नाराःन् मे़गिःन्दुर मे़युङ्लो॥ इङ्गाॽ से़क्खाए मे़त्निङ्, खे़ङ्हाॽरे़ग खुनिॽ हाङ्से़म्मिन् के़रे़क् मे़घोःसु मे़सुरुआङ् मे़वाॽरो॥ |
| 23374 | MAT 6:23 | कर खे़ने़ॽ के़मिक्किन् फे़न्ने़ फाॽग्र के़रे़क् नासिङ्गे़न् के़धक्किन् खादाम्मो वाॽरो॥ खे़ल्ले़ चोगुल्ले़ खे़ने़ॽओबा से़न्दाङ्गे़न् ओःत्तिःन्ने खादाम्ने़ फाॽग्र खे़न् खादाम्मान् आक्खे़न् साॽरिक् पोःङ्बिला॥ |
| 23404 | MAT 7:19 | हे़क्केलॽरिक् नुःबा सिङ्सेॽ मे़न्धोःक्मना के़रे़क् सिङ्बुङ्हाॽ ताङ्माआङ् मिओ लाप्फुमा पोःङ्लो॥ |
| 23417 | MAT 8:3 | ये़सुरे़ कुहुक्किन् सन्छुर खे़न् मनाःन् सुःसुआङ् अक्खे मे़त्तु, “इङ्गाॽ निङ्वाॽ चोगुङ्लो॥ खे़ने़ॽ नुरे़ॽओ!” खिमो खे़न् मनाःन् लोगेॽ तुक्मालाम् नुःरे़रो॥ |
| 23455 | MAT 9:7 | हे़क्क्याङ् खे़न् पोगे़आङ् कुहिम्मो थासिङ्लो॥ |
| 23457 | MAT 9:9 | ये़सुःन् खे़प्मोलाम् पेर पत्छे़ल्ले़ मत्ति मे़प्मनाबा मनाःन् एःङ्याङ् फोःङ्मा ते़न्नो युङे़बा निःसुआङ् मे़त्तु, “इङ्गाॽ तिम्दाङ्ङे़ॽओ॥” खे़न् मुत्थ्रिक् पोगे़आङ् खुने़ॽनु थासिङ्लो॥ |
| 23458 | MAT 9:10 | खे़न् युःन्छिक् ये़सुःन् नु कुहुॽसाम्बाहाॽ मत्तिरे़ कुहिम्मो चाजासे़ मे़युङ्सिङ्ङिल्ले़ एःङ्याङ् के़भोःङ्बा यरिक् मनाहाॽ नु वेॽ “लायोबाहाॽ” मे़द्ये़आङ् खे़ङ्हाॽनु सोरिक् चाजासे़ मे़युङ्सिङ्॥ |
| 23463 | MAT 9:15 | ये़सुरे़ खे़ङ्हाॽ नोगप् पिरुसि, “मेःक्खिम्साबे़न् कुन्जुम्हाॽनु वाॽर थारिक् खुने़ॽ कुन्जुम्हाॽ चाःने़त्तो मे़युङ्ङाङ् मेरिङ् मे़धक्पि? कर खे़ङ्हाॽलाम् मेःक्खिम्साबे़न् साक्के़ल्ले़क् मे़दे़म्सुआङ् मे़देॽरुल्ले़रक्खे़ङ्हाॽ चाःने़त्तो मे़युङ्लो॥ |
| 23467 | MAT 9:19 | ये़सुःन् पोगे़आङ् खे़न्नु थासिङ्, हे़क्क्याङ् कुहुॽसाम्बाहाॽआङ् खुने़ॽ कुएगाङ् मे़धासिङ्लो॥ |
| 23468 | MAT 9:20 | बा खे़न् ये़म्मो तङ्बे थिक्-ने़त्ताङ्धो (१२) माक्खिॽ वयुःमाल्ले़ तरुमा मे़न्छुमाॽधिक् ये़सुरे़ कुएगाङ् त्ये़आङ् कुदेःत्तिल्ले़ कुयाःन्सुःसु॥ |
| 23496 | MAT 10:10 | हे़क्क्याङ् सुःक्वा, ले़क्सिङ्मा चाङ् नु लाङ्सुःप्, हे़क्क्याङ् तक्काःत् थेआङ् मे़याङ्ङासिम्मे़न्ने़ॽओ॥ थेआङ्भे़ल्ले़ याःम्बक् के़जोःक्पाल्ले़ खुने़ॽ चाहाबा के़जोःक्पा पाःन्हाॽ खोःमाए पोःङ्लो॥ |
| 23499 | MAT 10:13 | खे़न् हिम्सयङ्ङिन् खिनिॽ सनारुङ् खोःमा के़लाॽबा चोःक्ने़ फाॽग्र खिनिॽ सनारुङ्ङिन् खे़प्मो याःक्लाःत्लरो॥ कर के़लाॽबा मे़जोःक्ने़न्ने़ फाॽग्र खिनिॽ सनारुङ्ङिन् खिनिॽओए नुःङ्लरो॥ |
| 23507 | MAT 10:21 | फुॽनुसाॽहाॽ आबाङे फुॽनुसाॽहाॽरे़ खुनिॽ तक्ले़ङ्वाओ मे़बोःक्काङ् इङ्मे़ले़क्तुसि हे़क्क्याङ् से़प्मा मे़बाङ्घुसिरो॥ हे़क्केलॽरिक् पा-माहाॽ साःहाॽरे़, हे़क्क्याङ् साःहाॽ पा-माहाॽरे़ खुनिॽ तक्ले़ङ्वाओ मे़बोःक्काङ् से़प्मा मे़बाङ्घुसिरो॥ |
| 23511 | MAT 10:25 | हुॽसाम्बे़न् कुसिक्साम्बे़न्कुइसिःक् हे़क्क्याङ् सेवारोबे़न् कुन्दाङ्बे़न्कुइसिःक् पोःङ्माए पोःङ्लो॥ हे़क्केलॽरिक् इङ्गाॽ हिम्दाङ्बान्ने खे़ङ्हाॽरे़ फे़न्साम्हाॽरे़ खुनिॽ हाङ् बालजिबुल मे़मे़त्ताङ्ङिल्ले़ आहिम्सयङ्बाहाॽग खे़न्नुःल्ले़आङ् साॽरिक् फे़न् मिङ्हाॽ मे़वाःत्तुसिॽरो॥ |
| 23522 | MAT 10:36 | मनाःल्ले़ कुनिङ्मिहाॽग आबाङे कुहिम्सयङ्हाॽए मे़बोःङ्लो॥ |
| 23529 | MAT 11:1 | ये़सुरे़ थिक्-ने़त् कुहुॽसाम्बाहाॽ हे़क्केलॽरिक् इङ्जाःङ् पिरु सुरुसिआङ् खे़प्मोलाम् खुने़ॽ गालिल खिरिबा पाङ्जुम् हे़ङ्घाःत्ति निसाम् हुॽसे़ नु सुनाइङ् से़ःसे़ थासिङ्लो॥ |
| 23530 | MAT 11:2 | खे़न् ये़म्मो पुङ्लाहिम्मो साक्ते़आङ् यागे़बा बप्तिस्मा के़बिबा युहुन्नाःल्ले़ निङ्वाॽफुमाङ्ङिल्ले़ सेःन्दुबा ख्रिस्तरे़ चोगुबा याःम्बक्हाॽ खे़प्सुआङ् कुहुॽसाम्बाहाॽ ये़सुरो पाङ्घुसि॥ |
| 23550 | MAT 11:22 | कर इङ्गाॽ से़क्खाए मे़त्निङ्, खासे़न् ये़न्नोग खिनिॽ तुक्खेन्नुःल्ले़ तायर नु सिदोनबा मनाहाॽरे़ खुनिॽ तुक्खेःन् थम्मा सुक्के़दे़प्पा पोःङ्लो॥ |
| 23556 | MAT 11:28 | के़रे़क् के़लिःप्पा कक्किल्ले़ के़गे़ःप्तिबा नु के़नाःबासे, इङ्गाॽओ त्ये़म्मे़ॽओ, इङ्गाॽ नाःम्सिङ्मा पिनिङ्लो॥ |
| 23572 | MAT 12:14 | कर फरिसिहाॽ यहुदि चुम्लुङ्हिम्मोलाम् मे़लःन्दे़ मे़बेआङ् ये़सुःन् आक्खेआङ् से़प्माबे फाॽआङ् पाःन् मे़दङ्घुरो॥ |
| 23587 | MAT 12:29 | “याम्मो खे़प्से़म्मे़ॽओ, के़धुम्बा मनाःल्ले़ कुहिम्मो लाःप्माआङ् खे़ल्ले़ कुजिगःक्वाहाॽ नाप्मादेॽमानुःल्ले़ तगि खे़न् के़धुम्बा मनाःन् इघेःङ्माए पोःङ्लो॥ हे़क्क्याङ्लक् कुहिम्मो लाःप्माआङ् चिगःक्वाहाॽ लःप्मादेॽमा सुक्ते़त्लो॥” |
| 23594 | MAT 12:36 | इङ्गाॽ मे़त्निङ्, खासे़न् ये़न्नो मनाहाॽरे़ मे़बाःत्तुबा के़रे़क् हने़बा पाःन् सुत्लाहाॽरे़न् चिदङ् पिमा पोःङ्लो॥ |
| 23603 | MAT 12:45 | हे़क्क्याङ् खे़न् पेःक्काङ् आप्फेःक्नुःल्ले़आङ् साॽरिक् कुॽइ के़भे़ॽबा वेॽ नुसि फे़न्साम्हाॽ तारुसिआङ् खे़ङ्हाॽ सिगाङ् मे़लाःत्ताङ् मे़युङ्सिङ्लो॥ खे़न् मनाःल्ले़ कुयाक्नाम्मिन् तगिबानुःल्ले़आङ्ताप्फे़ःम्बा पोःङ्लो॥ कन् ये़म्मोबा कुॽइ के़भे़ॽबा मनाहाॽरे़ खुनिॽ याक्नाम्मिन्नाङ् बा हे़क्तङ्बाए पोःङ्लो॥” |
| 23607 | MAT 12:49 | कुहुॽसाम्बाहाॽ सोःक्तुसिर खे़न् मनाःन् मे़त्तु, “ओमे़त्ते़से़ॽ, कप्मो आम्मा नु आन्साॽसि मे़युङ्लो॥ |
| 23620 | MAT 13:12 | यरिक् के़गप्पाल्ले़ आल्लसाङ् यरिक् खोःसुॽ, हे़क्क्याङ् खे़ल्ले़न् यरिक् पोःङ्लो॥ कर हाःत्ले़ मे़गत्तुन्, खे़ल्ले़ कत्तुबान्नाङ् मे़नाप्तुॽरो॥ |
| 23640 | MAT 13:32 | के़रे़क् याॽरिःम्बाओ के़रे़क्नुःल्ले़ चुक्सा चोःक्साङ् खे़न् पोःआङ् प्याङ्सिगे़न् इक्ताप्पोबा वेॽ नुधि-साक्चिॽनुःल्ले़ यम्बा कुबुङ् पोःङ्लो॥ हे़क्क्याङ् पुसाहाॽ मे़दाआङ् कुबोराःक्को हाप् मे़जोगुरो॥” |
| 23648 | MAT 13:40 | “हे़क्क्याङ् खे़न् माले़ःन्दोहाॽ मे़सुप्सुआङ् मिओ लाप्मे़भुसुबा कुइसिःक्के इक्सादिङ् खाम्बेःक्माल्ले़ कुनुप्मान् पोःङ्लो॥ |
| 23650 | MAT 13:42 | यम्बा मिहाप्पो लाप्मे़भुसुसिॽरो॥ खे़प्मो आत्तात्तान्ने तुक्खेःल्ले़ हाःप्मान् नु हाबोॽ ये़ःङ्मान् पोःङ्लो॥ |
| 23657 | MAT 13:49 | इक्सादिङ् खाम्बेःक्माल्ले़ कुनुप्मोआङ् बा हे़क्केए पोःङ्लो॥ माङ्लाइङ्बाहाॽ मे़दाआङ् साम्योनिबाहाॽओलाम् फोत्याबा मनाहाॽ वेॽ मे़से़न्दुसिॽआङ् |
| 23679 | MAT 14:13 | ये़सुरे़ युहुन्नारे़ कुयाःम्बेओ खे़प्सुआङ् खःङ्बेओलाम् खुने़ॽरक् एःक्सादे़न्नो पे॥ कर यरिक् मनाहाॽरे़ ये़सुःन् पेबा पाःन्निन् मे़घे़प्सुआङ् खुनिॽ पाङ्जुम्लाम् खुने़ॽ पेबा ले़प्माङ् लाङ्मे़घेगे़र कुएगाङ् मे़धासिङ्लो॥ |
| 23745 | MAT 16:4 | कन्ये़म्मोबा कुइगे़भे़ॽबा नु लायोबा मनाहाॽरे़ निङ्वाॽ के़माबा मिक्सेःन्हाॽ ओमे़प्मा मे़गोःत्तुॽ, कर खे़ङ्हाॽरे़ग माङ्निङ्वाॽपाःन् के़बाःप्पा योनारे़ कुमिक्सेःन्नाङ्धो वेॽ मिक्सेःन् थेआङ् मे़ङ्घोःसुन्लो॥” हे़क्क्याङ् ये़सुरे़ खे़ङ्हाॽ पक्थसिआङ् खे़प्मोलाम् थासिङ्लो॥ |
| 23759 | MAT 16:18 | से़क्खा पाःन् खे़ने़ॽ मे़त्ने़ॽ, खे़ने़ॽ पत्रुसने़रो (पत्रुस फाॽइन् लुङ्लो), हे़क्क्याङ् कन् पयम् यम्बा लुङ्सम्दाङ् इङ्गाॽ आसेसेहुप्लक्किन् चोगुङ्लो॥ हे़क्क्याङ् कन् आसेसेहुप्लक्किन् सिःमे़ल्ले़न् मुक्साम्मिल्ले़ नाःम्मा मे़सुक्तुन्लो॥ |
| 23773 | MAT 17:4 | पत्रुसरे़ ये़सुःन् मे़त्तु, “दाङ्बे, आनिॽ कप्मोए वाॽमा नुःबा पोःङ्लो॥ खे़ने़ॽ निङ्वाॽ के़जोगुने़ फाॽग्र सुम्सि याक्साहाॽ चोगुङ्, थिक् खे़ने़ॽइन् हे़क्क्याङ् मोसाःन् नु एलियारे़ खुन्छिॽ लागिआङ् थिक् थिक् चोगुङ्लो॥” |
| 23782 | MAT 17:13 | हे़क्क्याङ्लक् ये़सुरे़ बप्तिस्मा के़बिबा युहुन्नाःल्ले़ कुयाःम्बेओ मे़त्तुसिबा फाॽआङ् हुॽसाम्बाहाॽरे़ कुसिङ्मे़निःत्तु॥ |
| 23800 | MAT 18:4 | खे़ल्ले़ चोगुल्ले़ आत्तिन्आप्फेःक् चुङ्जिगे़न् नःम्सिङ्ङाङ् कन् हिन्जाॽइन् हे़क्के पोःङ् खे़न्ने साङ्ग्राम्पेदाङ्बा हाङ्जुम्मो यम्बा पोःङ्लो॥ |
| 23802 | MAT 18:6 | कर आत्तिल्ले़ इङ्गाॽ याप्मि नसाःन् के़जोःक्पा चुक्सा हिन्जाॽथिक् लायो चोःक्मा पाङ्घुॽ, खे़ल्ले़ कुनिःङ्मो लुम्सुम्मिन् इघेःङ्माआङ् वरक्को लाप्फुमाल्ले़ए नुःबा पोःङ्लो॥ |
| 23818 | MAT 18:22 | ये़सुरे़ नोगप् पिरु, “नुसि (७) ले़ङ्रक् मे़ःन्, कर नुसिआङ्नुबोःङ्ले़ङ् (७०) थारिक् ले़प्मि के़बिरुर पोःङ्लो॥ |
| 23823 | MAT 18:27 | हाङ्ङिल्ले़ खे़न् लुङ्माॽ तुक्तुआङ् के़रे़क् हुङ्मा के़बोःङ्बा याङ्ङिन् ले़प्मि पिरुआङ् पाङ्घुदेःसुरो॥ |
| 23826 | MAT 18:30 | कर खे़ल्ले़ मे़दे़न्दे़न्नाङ् खे़न् हुङ्मा के़बोःङ्बा याङ्ङिन् मे़न्हुङ्ङे थारिक् पुङ्लाहिम्मो याक्ल फाॽआङ् साक्मा पाङ्घुसिरो॥ |
| 23828 | MAT 18:32 | हाङ्ङिल्ले़आङ् खे़न् तगिस्मा सेवारोबान् उःत्तुआङ् मे़त्तु, ‘खे़ने़ॽग ताक्के़भे़ॽबा सेवारोबाने़रो! खे़ने़ॽ पेलि के़भाक्ताङ्बाल्ले़ के़रे़क् के़सिङ्नाःत्तिन् ले़प्मि पिने़आङ् वयाङ्लो॥ |
| 23846 | MAT 19:15 | हे़क्क्याङ् खे़ङ्हाॽ सम्दाङ् हुक् ने़स्सुर मुॽइसाम् पिरुसिआङ् खे़प्मोलाम् थासिङ्लो॥ |
| 23859 | MAT 19:28 | हे़क्केःल्ले़ ये़सुरे़ खे़ङ्हाॽ मे़त्तुसि, “इङ्गाॽ से़क्खाए मे़त्निङ्, इङ्गाॽ मे़न्छाम्साःन् के़दाःबा कुसङ् हाङ्जुम्मो मिमिदिङ्गे़न् हाङ्युक्नाओ युङ्ङारो॥ खे़न् ये़म्मो खिनिॽ इङ्गाॽ याप्मि के़दिम्बाहाॽआङ् थिक्-ने़त् (१२) हाङ्युक्नाओ के़युङिआङ् इस्राइलबा थिक्-ने़त् सुवाङ्हाॽ सम्दाङ् हाङ् के़जोगिॽरो॥ |
| 23863 | MAT 20:2 | खे़ल्ले़ मनाहाॽ थिक्ये़न्बा नाम्याक्किङ्ग युप्पायाङ्धिक् पिमा पाःन् तङ्घुआङ् कुइक्ताप्पो याःम्बक् चोःक् पाङ्घुसिरो॥ |
| 23887 | MAT 20:26 | कर खिनिॽ लुम्मोग हे़क्के पोःङ्मा मे़नुॽने़न्लो॥ खिनिॽ लुम्मोग आत्तिल्ले़ लाम्लोःबा पोःङ्मा निङ्वाॽ चोगुॽ खे़न् हाराॽ खिनिॽ सेवारोबा पोःङ्लरो॥ |
| 23888 | MAT 20:27 | हे़क्क्याङ् हाःत्ले़ के़रे़क्नुःल्ले़ तगाङ् पोःङ्मा निङ्वाॽ चोगुॽ, हाराॽ खे़न् खिनिॽ योःक् पोःङ्लरो॥ |
| 23890 | MAT 20:29 | ये़सुःन् नु कुहुॽसाम्बाहाॽ ये़रिहो ये़क्यक्कोलाम् मे़बेर मे़बत्छे़ल्ले़ यरिक् मनाहाॽ खुने़ॽनु मे़धासिङ्लो॥ |
| 23928 | MAT 21:33 | ये़सुरे़ याम्मो खे़ङ्हाॽ मे़त्तुसि, “वेॽस्मा खे़दाॽधिक् खे़प्से़म्मे़ॽओ॥ थिक्ले़ङ् यम्बा लाजेॽदाङ्बाधिक् वये़, खे़ल्ले़ लत्छा इक्को चे़ल्ले़क्सेॽ लेःत्तुआङ् कुघिरि लुङ्धाक् से़त्तुर फाङु, हे़क्क्याङ् कुलुम्मो लुम्बाःत् तयुआङ् खे़प्मो चे़ल्ले़क्सेॽ एःम्मा ते़न्धिक्चोगु॥ इक् कोमा याक्साधिक्काङ् चोगु, हे़क्क्याङ् खे़न् चे़ल्ले़क्सेॽ इक्किन् कुभ्रे़ःङ् लक् खोःमारे़ लागि इक्मसाबाहाॽ पिरुसिआङ् खुने़ॽ लाम्दिःक् चोःक्से़ पेरो॥ |
| 23929 | MAT 21:34 | चे़ल्ले़क्सेॽ तुप्मा ये़म् त्ये़ःल्ले़ कुलक् लाःसे़ कुसेवारोबाहाॽ इक्मःबाहाॽरो पाङ्घुसिरो॥ |
| 23932 | MAT 21:37 | हे़क्क्याङ् कुनुप्मो खे़न् इक्के़ल्ले़ कुन्दाङ्बाल्ले़ आल्ल कन् लुङ्माॽ तुक्तुङ्बा आस्साःन् पाङ्घुङ्ङिल्ले़ग से़क्खासाङ् कुना मे़साॽरुबिला फाॽआङ् इःत्तुआङ् कुस्साःन् पाङ्घु॥ |
| 23957 | MAT 22:16 | फरिसिहाॽरे़ खुनिॽ हुॽसाम्बाहाॽ हे़रोद हाङ्ङिल्ले़ कुमनाहाॽनु ये़सुरो मे़बाङ्घुसि॥ खे़ङ्हाॽरे़ ये़सुःन् सेःन्मे़दोसु, “सिक्साम्बे, खे़ने़ॽग से़क्खा पाःन्लक् के़बाःप्पे़न्आनिगे़ निःसुम्बे़रो॥ हे़क्क्याङ् निङ्वाॽफुमाङ्ङिल्ले़ कुलाम्मिन् से़क्खाए के़हुॽरुसिरो॥ खे़ने़ॽ मनाहाॽरे़ खुनिॽ पाःन्नो के़म्बत्ने़न्, हे़क्क्याङ् मनाआङ्के़न्छे़न्दुन्छिन्॥ |
| 23971 | MAT 22:30 | थेआङ्भे़ल्ले़ सिःमे़न्लाम् याम्मो मे़हिङ्ङिल्ले़ग मनाहाॽ मेःक्खिम् मे़न्जोःक्ने़न्लो, कर खे़ङ्हाॽग साङ्ग्राम्पेदाङ्ङोबा माङ्लाइङ्बा कुइसिःक्ने़ मे़बोःङ्लो॥ |
| 23975 | MAT 22:34 | ये़सुरे़ सदुकिहाॽरे़ खुनिॽ मुराःन् सुबु पिरुसि के़लॽबा पाःन्निन् फरिसिहाॽरे़ मे़घे़प्सु हे़क्क्याङ् इङ्मे़दङ्सिङ्ङाङ् ये़सुरो मे़द्ये़रो॥ |
| 23993 | MAT 23:6 | खे़ङ्हाॽ साभाङ्जा नु यहुदि चुम्लुङ्हिम्मोबा तुम्म्याङ्हाङ् युक्नाहाॽओ युङ्मा खुनिॽ सिराॽ थाङ्लो॥ |
| 23994 | MAT 23:7 | हे़क्क्याङ् पाङ्जुम्मो मनाहाॽरे़ सेवा मे़मे़त्तुसिबा नु सिक्साम्बे लॽरिक् मे़मे़त्तुसिबा खुनिॽ सिराॽ थाङ्लो॥ |
| 23998 | MAT 23:11 | खिनिॽ लुम्मो के़रे़क्नुःल्ले़ के़ये़क्पा मनाःन् हाराॽ खे़न् खिनिॽ सेवारोबा पोःङ्मा पोःङ्लो॥ |
| 23999 | MAT 23:12 | आत्तिल्ले़ यम्बा ले़ङ्सिङ्मा कोःत्तुॽ, खे़ङ्ग चुक्सा पोःङ्लो, हे़क्क्याङ् आत्तिन् चुक्सा ले़ङ्सिङ् खे़ङ्ग यम्बा पोःङ्लो॥ |
| 24013 | MAT 23:26 | मिक्फःम्बा फरिसिसे, के़रे़क्नुःल्ले़ तगि खोर्याःन् कुसिगाङ् वाहप्ते़म्मे़ॽ, हे़क्केलॽरिक् लाःक्कात्ताङ् सेसे पोःङ्लो॥ |
| 24025 | MAT 23:38 | ओमे़त्ते़म्मे़ॽओ, निङ्वाॽफुमाङ्ङिल्ले़ खिनिॽ हिम्मिन् मना मे़ःन्ने लाम्धेःप् चिए़त्ए़त्तुॽरो॥ |
| 24027 | MAT 24:1 | ये़सुःन् माङ्हिम्मोलाम् पेर पत्छे़ल्ले़ कुहुॽसाम्बाहाॽरे़ माङ्हिम्मिल्ले़न् नुःब्नुःबा हिम्हाॽ खुने़ॽ ओसेःन्धाक्मा फाॽआङ् कुबेसाङ् मे़द्ये़॥ |
| 24033 | MAT 24:7 | मे़न्छाम् सुवाङ्हाॽ नु लाजेॽहाॽ लुम्मो थङ् पोःक्, यरिक् ते़न्नो यम्बा साक् पोःक् हे़क्क्याङ् लुप्लि थाङ्लो॥ |
| 24053 | MAT 24:27 | थेआङ्भे़ल्ले़ मे़न्छाम्साःल्ले़ कुयुःमाङ्ग साःम्भे ले़क्किल्ले़ के़रे़क् ताङ्साक्पे़न्थोॽरुबा कुइसिःक्के पोःङ्लो॥ |
| 24058 | MAT 24:32 | “आल्ल पःत्छेॽबुङ्मोलाम् कन् पाःन्निन् कुसिङ् निःत्ते़म्मे़ॽओ, खे़ल्ले़ कुबोराःक्हाॽलाम्बा कुसङ् कुनःक्हाॽ लःम्मा हेःक्किल्ले़ हाङ्वाःम्मा ये़म्मिन् निःत्ताङ् त्ये़रो फाॽआङ् कुसिङ्के़निःत्तुम्॥ |
| 24063 | MAT 24:37 | हे़क्क्याङ् मे़न्छाम्साःन् नुःङ् युःल्ले़ नुहारे़ कुये़म् हे़क्केए पोःङ्लो॥ |
| 24065 | MAT 24:39 | हे़क्क्याङ् वादोःक्मा थाङे़आङ् निःम्मा सिःमानुःल्ले़ तगि थे पोःङ् के़लॽबान् खे़ङ्हाॽरे़ थेआङ् निङ्वाॽ मे़ङ्गत्तुन्लो॥ बा हे़क्केलॽरिक्के मे़न्छाम्साःल्ले़ कुयुःमान्नाङ् पोःङ्लो॥ |
| 24101 | MAT 25:24 | आल्ल हे़न्छिङ् थिक् साम्म्याङ् याङ्इत्छि के़घोःबा सेवारोबाल्ले़आङ् मे़त्तु, ‘आदाङ्बे, खे़ने़ॽग के़जिःप्पा के़जोःक् फाॽआङ् निःसुङ्ङाङ् वयाङ्लो॥ खे़ने़ॽ आत्तो चा के़न्देःसुन् खे़प्मो खे़ने़ॽ चा के़सुप्सुॽरो, आत्तो चा के़न्छे़सुन् खे़प्मोए चा के़भुङ्लो॥ |
| 24106 | MAT 25:29 | थेआङ्भे़ल्ले़ के़गप्पाल्ले़ आल्लसाङ् यरिक् खोःसुआङ् खे़ल्ले़न् यरिक् पोःङ्लो॥ कर हाःत्ले़ मे़गत्तुन्, खे़ल्ले़ कत्तुबान्नाङ् नाप्लो॥ |
| 24143 | MAT 26:20 | हे़क्क्याङ् युःन्छिक् ये़सुःन् थिक्-ने़त् कुहुॽसाम्बाहाॽनु सोरिक् चामा ते़न्नो युङ्सिङ्॥ |
| 24147 | MAT 26:24 | मे़न्छाम्साःङ्ग साम्योसाप्लाओ साप्ते़बा कुइसिःक्के सिःमाए पोःङ्लो॥ कर मे़न्छाम्साःन् इङ्गे़ले़क्पे़ङ्ग चिःत्ते़ स्ये़रो! खे़ङ्ग सामे़वाःन्छिङ्ङिन्निल्ले़ नुरे़बारो॥” |
| 24183 | MAT 26:60 | खे़प्मो यरिक् फोत्याबा आप्तिक् के़गुःप्पाहाॽ मे़लःन्दे़, कर खे़ङ्हाॽरे़ थेआङ् तसि मे़ङ्घोःसुन्॥ कुनुप्मो ने़प्फु मना लःन्दे़त्छिआङ् |
| 24230 | MAT 27:32 | खे़ङ्हाॽ मे़बेर मे़बत्छे़ल्ले़ साइरेनि ये़क्यक्लाम् के़दाःबा सिमोन मे़प्मनाबा मनाःन् मे़दुमुआङ् ये़सुरे़ कुसिलाम्साक्मा सिङ्ङिन् साक्के़ल्ले़क् पङ्मा मे़बाङ्घु॥ |
| 24262 | MAT 27:64 | खे़ल्ले़ चोगुल्ले़ आदाङ्बारे़ सुम्ये़न् थारिक् सिङ्सिङ्ङाङ् कुइप्पुङ्ङिन् कोमा पाङ्घे़से़ॽओ॥ मे़ःन्ने़ फाॽग्र कुहुॽसाम्बाहाॽ से़न्दिक् मे़दाआङ् कुधक्किन् मे़घुःत्तु मे़देॽरुॽ, हे़क्क्याङ् ‘सिःमे़न्लाम् कुहिङ्वे़त् पोःक्खे़आङ् वाॽ’ लॽरिक् मनाहाॽ मे़मे़त्तुसिॽरो॥ कन् पाःन्निङ्ग तगिस्मा इङ्ले़क्किन्नुःल्ले़आङ् साॽरिक् ताप्फे़ःम्बा पोःङ्लो॥” |
| 24264 | MAT 27:66 | हे़क्केःल्ले़ खे़ङ्हाॽ मे़बेआङ् इप्पुङ्ङिल्ले़ कुमुराओबा लुङ्ङो एःप्साप् मे़युक्तुआङ् मनाहाॽरे़ मे़न्हन्दुन्ल फाॽआङ् थक्सुबाहाॽ खे़प्मो कोमा मे़बाङ्घुसिरो॥ |
| 24269 | MAT 28:5 | हे़क्क्याङ् माङ्लाइङ्बाल्ले़ खे़न् मे़न्छुमाहाॽ मे़त्तुसि, “मे़गिसे़त्छे़न्ने़ॽओ, खिन्छिॽ सिलाम्साक्मा सिङ्सम्दाङ् मे़भोःन्दुबा ये़सुःन् के़गोःत्छुबा पाःन्निन् कुसिङ् निःत्तुङ्लो॥ |
| 24277 | MAT 28:13 | अक्खे मे़मे़त्तुसि, “आनिगे़ से़न्दिक् इप्सिगे़आङ् ने़स्सिगे़ल्ले़ ये़सुरे़ कुहुॽसाम्बाहाॽ मे़द्ये़आङ् कुधक्किन् मे़घुःत्तुआङ् मे़देॽरुरो लॽरिक् खिनिॽ के़बाःत्तुम्ल पोःङ्लो॥ |
| 24328 | MRK 1:44 | कर पेगे़ॽआङ् निङ्वाॽफुसाम्बाल्लो ओसेःन्धाक्सिङ्ङे़ॽ, हे़क्क्याङ् खे़ने़ॽ नुःराङ् फाॽआङ् मनाहाॽ ओसेःन्धाक्मासिरे़ लागि मोसारे़ इङ्जाःङ् चोगुबा हे़क्के सिदुङ्जभा चोगे़ॽओ” मे़त्तुर पाङ्घुदेःसुरो॥ |
| 24329 | MRK 1:45 | कर खुने़ॽ पेआङ् नुःरे़बा पाःन्निन् के़रे़क् मनाहाॽ चे़क्तुसि॥ खे़ल्ले़ चोगुल्ले़ ये़सुःन् पाङ्जुम्मो मनाहाॽरे़ मे़निःसुर ताःमा मे़सुक्ते़न्लो॥ हे़क्क्याङ् खुने़ॽ लाःक्कात् एःक्सादे़न्नो वये़आङ् खे़प्मोए काक् पिसाङ्लाम् यरिक् मनाहाॽ मे़द्ये़रो॥ |
| 24343 | MRK 2:14 | हे़क्क्याङ् ये़सुःन् पेर पत्छे़ल्ले़ अल्फायसरे़ कुस्साः ले़बिःन् एःङ्याङ् फोःङ्मा ते़न्नो युङे़बा निःसुआङ् मे़त्तु, “इङ्गाॽ तिम्दाङ्ङे़ॽओ॥” खे़न् मुत्थ्रिक् पोगे़आङ् खुने़ॽनु थासिङ्लो॥ |
| 24349 | MRK 2:20 | कर खे़ङ्हाॽलाम् मेःक्खिम्साबे़न् साक्के़ल्ले़क् मे़दे़म्सुआङ् मे़देॽरुल्ले़ खे़ङ्हाॽ चाःने़त्तो मे़युङ्लो॥ |
| 24363 | MRK 3:6 | हे़क्क्याङ् फरिसिहाॽ यहुदि चुम्लुङ्हिम्मोलाम् मे़लःन्दे़ मे़बेआङ् हे़रोद हाङ्ङिल्ले़ कुमनाहाॽनु ये़सुःन् आक्खेआङ् से़प्माबे फाॽआङ् पाःन् मे़दङ्घुरो॥ |
| 24365 | MRK 3:8 | खुने़ॽ चोगुबा याःम्बक्हाॽ मे़घे़प्सुआङ् यरिक् मनाहाॽ यहुदिया, यरुसले़म, इदुमिया, यर्दन नाधाःम्बिबा लाजेॽओनु, हे़क्क्याङ् तायर नु सिदोन ये़क्यक् खिरिलाम्कुओमे़त्छे़ मे़द्ये़रो॥ |
| 24366 | MRK 3:9 | हे़क्क्याङ् खुने़ॽ यरिक् मनाहाॽरे़ मे़न्लाःक्तुन्ल मे़न्दोॽरुन्ल फाॽआङ् कुहुॽसाम्बाहाॽ खःङ्बेधिक् कुलागि यारिप् चोःक्मा पाङ्घुसि॥ |
| 24378 | MRK 3:21 | कुभा मनाहाॽ अक्खे मे़मे़त्छिङ्, “मे़ःम्बे़, आइन् खुने़ॽग नाक्खे़बे बि थेनिबे?” हे़क्केःल्ले़ कुहिम्सयङ्रे़ खे़न् मे़घे़प्सुआङ् खुने़ॽ खे़प्मोलाम् उःप्मा तेॽमा फाॽआङ् मे़द्ये़रो॥ |
| 24384 | MRK 3:27 | के़धुम्बा मनाःल्ले़ कुहिम्मो लाःप्माआङ् खे़ल्ले़ कुजिगःक्वाहाॽ नाप्मादेॽमानुःल्ले़ तगि खे़न् के़धुम्बा मनाःन् इघेःङ्माए पोःङ्लो॥ हे़क्क्याङ्लक् कुहिम्मो लाःप्माआङ् चिगःक्वाहाॽ लःप्मादेॽमा सुक्ते़त्लो॥ |
| 24388 | MRK 3:31 | याङ्सि ये़सुरे़ कुम्मा नु कुन्साॽसि खुने़ॽ वये़बा हिम्मो मे़द्ये़आङ् लाःक्कात् कुउःत्छे़ मनाहाॽ मे़बाङ्घुसिरो॥ |
| 24391 | MRK 3:34 | खुने़ॽ खे़प्मो कुगब्रिङ् के़युङ्बा मनाहाॽ ओमे़त्तुसिर याम्मो पाःत्तु, “कप्मो आम्मा नु आन्साॽसि मे़युङ्लो॥ |
| 24419 | MRK 4:27 | हे़क्क्याङ् ये़म् ले़क्ल पेःक्किल्ले़, खुने़ॽ खे़न् याॽरिःम्बान् आक्खेलॽरिक् लिङ्फाॽआङ् कुसिङ् मे़निःत्तुन्छाङ् खे़न् याॽरिःम्बान् लिङ्लो॥ |
| 24445 | MRK 5:12 | हे़क्क्याङ् खे़न् फे़न्साम्हाॽरे़ ये़सुःन् पेलि मे़भाक्तु, “आनिगे़ खे़न् फाक्हाॽओ लाःप्मा आबाङ्घे़ॽओ॥ आनिगे़ खे़ङ्हाॽओ लाःसिगे़ॽ॥” |
| 24448 | MRK 5:15 | ये़सुःन् वये़बा ते़न्नो मे़द्ये़रो॥ खे़प्मो खे़ङ्हाॽरे़ तगि फे़न्साम्मिल्ले़ याङ्घुबा मनाःन् वेःत्ते़आङ् नुःरिक्काङ् तेःत् चाक्खुआङ् युङे़बा मे़निःसु॥ हे़क्क्याङ् खे़न् मनाःन् नु फाक्हाॽ थे मे़बोःक्खे़ फाॽआङ् के़निःबा मनाहाॽरे़ मे़जे़क्तुसि॥ हे़क्क्याङ् खे़ङ्हाॽ साॽरिक् मे़गिसे़॥ |
| 24470 | MRK 5:37 | हे़क्क्याङ् ये़सुरे़ पत्रुस, याकुब नु कुन्साॽ युहुन्नाःन्लक् खुने़ॽनु पेःक्मा पाङ्घुसि॥ |
| 24474 | MRK 5:41 | हे़क्क्याङ् खे़न् चुक्मे़ल्ले़ कुहुक्को ते़म्सुआङ् “तलिता कुमि” मे़त्तु, खे़ल्ले़ कुबेःङ्ग “चुक्मे, पोगे़ॽओ!” पोःङ्लो॥ |
| 24475 | MRK 5:42 | खिमो खे़न् चुक्मे़न् मुत्थ्रिक् पोगे़आङ् लाङ्घेगे़॥ (खे़न् तङ्बे थिक्-ने़त् (१२) के़रे़आङ् वये़॥) खे़ङ्हाॽ के़रे़क्ले़ खुनिॽ निङ्वाॽ मये़रो॥ |