| 23240 | MAT 2:2 | अक्खेलॽरिक् पाःन् सेःन्मे़दोसु, “यहुदिहाॽरे़ खुनिॽ हाङ् के़बोःङ्बाआङ् सागे़वाःन्छिङ्बान् आत्तो वाॽबे? आनिगे़ नाम्गे़न् पिसाङ् कुसावाःन्छिङ्माल्ले़न् मिक्सेःन् के़बिबा खेःम्सिक्किन् निःसुम्बे़आङ् खुने़ॽ कुसेवा चोःक्से़ त्ये़ॽइगे़बारो॥” |
| 23258 | MAT 2:20 | मे़त्तु, “पोगे़ॽआङ् अङे़ःक्वाःन् नु कुम्माःन् इस्राइल लाजेॽओ तेॽरे़से़ॽओ, थेआङ्भे़ल्ले़ अङे़ःक्वाःन् से़प्मा के़गोःप्पे़न्स्ये़आङ् होःप्लो॥” |
| 23268 | MAT 3:7 | कर यरिक् फरिसिहाॽ नु सदुकिहाॽ बप्तिस्मा पोःङ्से़ खुने़ॽओ मे़द्ये़र मे़बत्छे़बा निःसुसिआङ् अक्खे मे़त्तुसिर फे़ःक्तुसि, “असेःक्सासे, खिनिॽ कन् के़दाःबार के़बप्पा निङ्वाॽफुमाङ्ङिल्ले़ कुघुम्दिङ्लाम् खे़त्छिङ्ङे़म्मे़ॽ फाॽआङ् हाःत्ले़ के़मे़त्तिबे? |
| 23301 | MAT 4:23 | ये़सुरे़ यहुदि चुम्लुङ्हिम्हाॽओ निसाम् हुॽरुसिर निङ्वाॽफुहाङ्जुम्मिल्ले़ कुयाःम्बेओ सुनाइङ् से़ःसु, हे़क्क्याङ् के़रे़क् परिक्ले़न् तुक्मा यॽमालाम् के़दुक्पाहाॽ वेःन्दुसिर गालिल थुम्मो खाराक् ताक्कन्दे़रो॥ |
| 23309 | MAT 5:6 | हे़क्क्याङ् साम्योनिबा याःम्बक् चोःक्माओ स्याङ्मे़न्दाङ् के़बप्पाहाॽ मुॽइसाबासिरो, थेआङ्भे़ल्ले़ निङ्वाॽफुमाङ्ङिल्ले़ कुनिङ्वाॽ हे़क्के चोःक्मा खे़ङ्हाॽ फाॽरुसिॽरो॥ |
| 23326 | MAT 5:23 | हे़क्केःल्ले़ खे़ने़ॽ माङ्हिम्मोबा ले़त्तिङ्तोःम्मादे़न्नो ले़त्तिङ्ङिन् तोःम्मानुःल्ले़ तगि खे़ने़ॽनु के़न्देःङ्बाल्ले़ कुनिङ्वाॽ तुगे़आङ् वाॽबा के़निङ्वाॽ सुम्मो ताने़ फाॽग्र |
| 23327 | MAT 5:24 | के़ले़त्तिङ्ङिन् ले़त्तिङ्तोःम्मादे़न्निल्ले़ कुबेसाङ् ने़स्से़ थ्ये़ॽआङ् के़रे़क्नुःल्ले़ तगि के़न्देःङ्बाल्लो पेगे़ॽआङ् नादङ् चोगे़त्छे़ॽओ॥ हे़क्क्याङ्लक् त्ये़ॽआङ् के़ले़त्तिङ्ङिन् तोःन्दे़ॽओ॥ |
| 23353 | MAT 6:2 | हे़क्केलॽरिक् मे़ङ्गप्मनाबाहाॽ कुजा के़बिरुसिल्ले़ वेॽहाॽरे़ मे़घे़प्सुर मे़निःसुर फाॽआङ् मुक्ला मे़मुक्खे़न्ने़ॽओ॥ कुनिङ्वाॽ के़जिःप्पाहाॽरे़ यहुदि चुम्लुङ्हिम्मो नु लाम्लाम्मो मनाहाॽरे़ मे़निःसुआङ् खुनिॽ नारा मे़भोःसुर फाॽआङ् हे़क्के मे़जोगुॽ॥ इङ्गाॽ से़क्खाए मे़त्ने़ॽ, खे़ङ्हाॽरे़ खुनिॽ हाङ्से़म्मिङ्ग तगिसा मे़घोःसु मे़सुरुआङ् मे़वाॽ॥ |
| 23356 | MAT 6:5 | “हे़क्क्याङ् खिनिॽ तुवा के़जोगुम्मिल्ले़ कुनिङ्वाॽ के़जिःप्पाहाॽ कुइसिःक् मे़जोगे़म्मिन्ने़ॽओ॥ खे़ङ्हाॽरे़ग मनाहाॽरे़ मे़निःसुर फाॽआङ् यहुदि चुम्लुङ्हिम्मो नु लाम्लाम्मो ये़प्माआङ् तुवा चोःक्मा खुनिॽ सिराॽ थाङ्लो॥ इङ्गाॽ से़क्खाए मे़त्निङ्, खे़ङ्हाॽरे़ खुनिॽ याःम्बक्किल्ले़न् हाङ्से़म्मिन् तगिए मे़घोःसु मे़सुरुआङ् मे़वाॽरो॥ |
| 23438 | MAT 8:24 | हक्चघत् वरक्को किप्मा के़घुःबा सुरित्के़जजङ्ङिन् हुःमा हेःक्ते़आङ् वाभे़ल्ले़ङ्ङिल्ले़ खःङ्बेन् वे़त्ले़क्तिम्से़रो॥ कर ये़सुःङ्ग इप्से़आङ् ने़स्से़रो॥ |
| 23442 | MAT 8:28 | हे़क्क्याङ् खुने़ॽ वरक्किल्ले़ नाहाङ्दाङ् गदरिनि लाजेॽओ के़रे़, हे़क्केःल्ले़ खे़प्मो इप्पुङ्दे़न्लाम् फे़न्साम्मिल्ले़ याङ्घुसिबा ने़प्फु मनाहाॽ कुदुम्से़ फे़रे़त्छि॥ खे़ङ्हाॽ कम्म्याक् साॽरिक् किप्मा के़घुःबा चोगे़त्छि आत्तिन्नाङ् खे़न् ते़न्नो पोःङ्मार लाङ्घेःक्मा मे़न्छुक्ते़न्लो॥ |
| 23483 | MAT 9:35 | ये़सुःन् यहुदि चुम्लुङ्हिम्हाॽओ हुॽरुसिर निङ्वाॽफुहाङ्जुम्मिल्ले़ कुयाःम्बेओ सुनाइङ् से़ःसुर के़रे़क् परिक्ले़न् के़दुक्पा के़यॽबाहाॽ वेःन्दुसिर ये़क्यक् नु पाङ्भेॽहाॽओ लाम्दिःक् चोगे़रो॥ |
| 23503 | MAT 10:17 | मनाहाॽनु सिङ्सिङ् ये़क्ये़क् लॽरे़म्मे़ॽओ, थेआङ्भे़ल्ले़ खे़ङ्हाॽरे़ खासे़न् लोःम्मा हिम्मो खिनिॽ के़म्देॽरिॽ, यहुदि चुम्लुङ्हिम्मो ते़ःम्भुक् के़म्बिरिॽरो॥ |
| 23511 | MAT 10:25 | हुॽसाम्बे़न् कुसिक्साम्बे़न्कुइसिःक् हे़क्क्याङ् सेवारोबे़न् कुन्दाङ्बे़न्कुइसिःक् पोःङ्माए पोःङ्लो॥ हे़क्केलॽरिक् इङ्गाॽ हिम्दाङ्बान्ने खे़ङ्हाॽरे़ फे़न्साम्हाॽरे़ खुनिॽ हाङ् बालजिबुल मे़मे़त्ताङ्ङिल्ले़ आहिम्सयङ्बाहाॽग खे़न्नुःल्ले़आङ् साॽरिक् फे़न् मिङ्हाॽ मे़वाःत्तुसिॽरो॥ |
| 23523 | MAT 10:37 | कुम्बा कुम्मासि इङ्गाॽनुःल्ले़आङ् यरिक् लुङ्माॽ के़दुक्पे़न्आहुॽसाम्बा पोःङ्मा मे़लाॽरुन्लो॥ हे़क्केलॽरिक्के कुस्साः कुएहाॽ इङ्गाॽनुःल्ले़आङ् यरिक् लुङ्माॽ के़दुक्पे़न्आहुॽसाम्बा पोःङ्मा मे़लाॽरुन्लो॥ |
| 23559 | MAT 12:1 | थिक्ले़ङ् ये़सुःन् नु कुहुॽसाम्बाहाॽ नाःम्सिङ्ये़न्नो प्याङ्सिगे़न् इक्ताप्लुम्मोनु मे़बेर मे़बत्छे़ल्ले़ कुहुॽसाम्बाहाॽरे़ खुनिॽ से़त्लाःक्ते़आङ् सिःदाप्माहाॽ मे़दुबुआङ् मे़नुगुर चामा मे़हेःक्तुरो॥ |
| 23560 | MAT 12:2 | कुभा फरिसिहाॽरे़ खे़न् मे़निःसुआङ् ये़सुःन् मे़मे़त्तु, “ओमे़त्ते़ॽ, नाःम्सिङ्ये़न्नो याःम्बक् चोःक्मा मे़नुॽने़न्, कर के़हुॽसाम्बाहाॽरे़ग मे़जोगुङ्ग!” |
| 23563 | MAT 12:5 | याम्मो मोसारे़ साप्तुबा साम्योथिम्मिन् मे़न्निःत्ते के़वयिॽबि? साम्योथिम्मिल्ले़ याःम्बक् चोःक्मा मे़नुॽने़न् पाःत्तुसाङ् निङ्वाॽफुसाम्बाहाॽरे़आङ् नाःम्सिङ्ये़न्नो माङ्हिम्मो याःम्बक् मे़जोगु, करसाङ् आप्तिक् मे़ःन्नेबा मे़बोःक्खे़रो॥ |
| 23567 | MAT 12:9 | ये़सुःन् खे़प्मोलाम् पेआङ् यहुदि चुम्लुङ्हिम्मो लाःसे़॥ |
| 23568 | MAT 12:10 | खे़प्मो कुहुक् के़सम्बा मनाधिक् वये़॥ हे़क्क्याङ् खे़प्मो कुभा यहुदिहाॽरे़ ये़सुःन् आप्तिक्कुःप्मा फाॽआङ् मे़सुगुर मे़वये़आङ् सेःन्मे़दोसु, “नाःम्सिङ्ये़न्नो मनाहाॽ वेःम्मासि साम्योथिम्मिल्ले़ आबिॽबि मे़ःम्बि?” |
| 23569 | MAT 12:11 | ये़सुरे़ खे़ङ्हाॽ नोगप् पिरुसि, “खिनिॽ मे़ल्लुक्किन् नाःम्सिङ्ये़न्नो केःम्बा लुम्बाःत्तो मक्थाःल्ले़ के़न्उःक्खुम् के़न्लःत्तुम्मिन्बि? |
| 23570 | MAT 12:12 | मे़न्छाम् याप्मिःङ्ग मे़ल्लुक्किन्नुःल्ले़ इमे़ल्लुङ्बा मे़जोःक्ने़न्बि? नाःम्सिङ्ये़न्नो नुःबा याःम्बक् चोःक्मा साम्योथिम्मिल्ले़ आबिॽरो॥” |
| 23572 | MAT 12:14 | कर फरिसिहाॽ यहुदि चुम्लुङ्हिम्मोलाम् मे़लःन्दे़ मे़बेआङ् ये़सुःन् आक्खेआङ् से़प्माबे फाॽआङ् पाःन् मे़दङ्घुरो॥ |
| 23629 | MAT 13:21 | कर ताङ्बा कुस्साःप्के़बप्पा कुबुङ्मान् हे़क्के खे़ल्ले़ सप्फारक् थरुरो॥ हे़क्क्याङ् पाःन्जाक्किन् नसाःन् चोगुबाल्ले़ के़साक्पा पाःन् नु तुक्खेःन् तानुमे़ःन्ने हाराए नसाःन्निन् ले़रुदेःसुॽरो॥ |
| 23662 | MAT 13:54 | आबाङे कुबाङ्भेॽओ त्ये़रो॥ खे़प्मोबा यहुदि चुम्लुङ्हिम्मो मनाहाॽ हुॽमा हेःक्तुसिल्ले़ मनाहाॽरे़ कुनिसाम्मिन् मे़घे़प्सुआङ् खुनिॽ निङ्वाॽ मये़र अक्खे मे़बाःत्तु, “कन् मनाःल्ले़ अक्तङ्बा सिक्कुम् निङ्वाॽ नु निङ्वाॽ के़माबा याःम्बक् चोःक्मा मुक्साम् आत्तोलाम् खोःसुबे? |
| 23690 | MAT 14:24 | खे़न् ये़म्मो कुहुॽसाम्बाहाॽ खःङ्बेलाम् वरक्किल्ले़ कुयाओनु माःङ्घा मे़गे़रे़आङ् मे़वये़ल्ले़ खुनिॽ तक्ले़प्माङ्नु सुरित् केजङ्ङिन् हुःरे़आङ् वाभे़ल्ले़ङ्ङिल्ले़ खःङ्बेन् साॽरिक् वाःन्दुरो॥ |
| 23708 | MAT 15:6 | खे़ल्ले़ आबाङे कुम्बा कुम्मासि कुभाॽ पिमासिआङ्मिङ्सो इङ्धाःङ् पिमासि मे़बोःङ्ने़न्लॽरिक् खिनिॽ के़बाःत्तुम्माङ्आप्फेःक् खिनिॽ चोःक्थिम्मिल्ले़ निङ्वाॽफु पाःन्जाक्किन् थेना-धेबा के़जोगुम्माङ् के़वयिॽरो॥ |
| 23728 | MAT 15:26 | ये़सुरे़ मे़त्तु, “हिन्जाॽबित्छाहाॽरे़ खुनिॽ खरे़ःङ्ङिन् नाप्मासिआङ्कोःत्चोहाॽ पिमासि नुःबा मे़ःन्लो॥” |
| 23779 | MAT 17:10 | खे़ङ्हाॽरे़ ये़सुःन् सेःन्मे़दोसु, “थेआङ् साम्योथिम्साम्बाहाॽरे़ निङ्वाॽफुमाङ्ङिल्ले़ सेःन्दुबा ख्रिस्ते़न्ताःमानुःल्ले़ तगि एलियाःङ्ग युःमाए पोःङ् फाॽआङ् मे़बाःत्तुबाबे?” |
| 23828 | MAT 18:32 | हाङ्ङिल्ले़आङ् खे़न् तगिस्मा सेवारोबान् उःत्तुआङ् मे़त्तु, ‘खे़ने़ॽग ताक्के़भे़ॽबा सेवारोबाने़रो! खे़ने़ॽ पेलि के़भाक्ताङ्बाल्ले़ के़रे़क् के़सिङ्नाःत्तिन् ले़प्मि पिने़आङ् वयाङ्लो॥ |
| 23835 | MAT 19:4 | ये़सुरे़ मे़त्तुसि, “मे़ःम्बे़! साम्योसाप्लाओ के़बप्पा पाःन्निन् खिनिॽ मे़न्निःत्ते के़वयिॽबि? चइःत्दाङ्बाल्ले़ कुहेःक्सिङ्मोए ‘खे़ङ्हाॽ ये़म्बित्छाॽ नु मे़न्छुमाॽ चोगुसिरो॥’ |
| 23869 | MAT 20:8 | हे़क्क्याङ् युःन्छिक् पोःक्खे़ल्ले़ खे़न् चे़ल्ले़क्सेॽ इक्दाङ्बाल्ले़ खे़न् याःलिक् के़भम्बान् उःत्तुआङ् मे़त्तु, ‘के़रे़क्याःलिक्हाॽ उःत्ते़से़ॽआङ् के़रे़क्नुःल्ले़ एगाङ् याःम्बक्को के़भन्छिङ्बाहाॽओलाम् के़रे़क्नुःल्ले़ तगि याःम्बक्को के़भन्छिङ्बाहाॽरे़ खुनिॽ नाम्याक्किन् हाःत्ते़से़ॽओ॥’ |
| 23874 | MAT 20:13 | कर खे़न् मनाःल्ले़ खे़ङ्हाॽओ थिक्किन् नोगप् पिरु, ‘लाजे, इङ्गाॽ खे़ने़ॽ निङ्घुम् मे़म्मे़त्ते वाॽआरो॥ खे़ने़ॽ युप्पायाङ्धिक्को याःम्बक् चोःक्मा के़दे़न्दे़बाबि मे़ःम्बि? |
| 23932 | MAT 21:37 | हे़क्क्याङ् कुनुप्मो खे़न् इक्के़ल्ले़ कुन्दाङ्बाल्ले़ आल्ल कन् लुङ्माॽ तुक्तुङ्बा आस्साःन् पाङ्घुङ्ङिल्ले़ग से़क्खासाङ् कुना मे़साॽरुबिला फाॽआङ् इःत्तुआङ् कुस्साःन् पाङ्घु॥ |
| 23987 | MAT 22:46 | आत्तिन्हाॽरे़आङ्पाःन्सुत्लाधिक् नोगप् पिमा मे़न्छुक्तुन्, हे़क्क्याङ् खे़न् ये़न्नाङ्धो आत्तिन्हाॽरे़आङ्खुने़ॽ पाःन् सेःन्दोःमा आःन्छिङ्माआङ्मे़न्छुक्तुन्लो॥ |
| 23992 | MAT 23:5 | खे़ङ्हाॽरे़ग नुःबा पाःन्हाॽ मनाहाॽ ओसेःन्धाक्मासि फाॽआङ्लक् मे़जोगुरो–खे़ङ्हाॽरे़ साम्योथिम् इङ्जाःङ् साप्मा याक्मनाबा माक्पे़न्छाप्हाॽ यम्ब्यम्बा मे़जोगुआङ् हुक्को नु तोवाबो मे़भत्छुॽ, हे़क्क्याङ् चाङ् तेःत्तो केःम्ब्केःम्बा पोरोःक्वाहाॽ मे़भत्छुॽ॥ |
| 23993 | MAT 23:6 | खे़ङ्हाॽ साभाङ्जा नु यहुदि चुम्लुङ्हिम्मोबा तुम्म्याङ्हाङ् युक्नाहाॽओ युङ्मा खुनिॽ सिराॽ थाङ्लो॥ |
| 24001 | MAT 23:14 | ((खिनिॽ कुनिङ्वाॽ के़जिःप्पा साम्योथिम्साम्बाहाॽ नु फरिसिसे, के़जिःत्ति के़स्ये़ॽइरो! खिनिॽग मेमेदुमाहाॽ इङ्गे़ले़क्तुम्सिम्माङ्खुनिॽ हिम्धाःङ्हाॽ के़नाप्तुम्सिम्, कर नुःबा ओसेःन्धाक्सिङ्मारे़ लागि केःम्ब्केःम्बा तुवा के़जोगुम्॥ खे़ल्ले़ चोगुल्ले़ खिनिॽ खुम्दिङ्ङिङ्ग से़क्खासाङ् साॽरिक् किप्मा के़घुःबा पोःङ्लो॥)) |
| 24021 | MAT 23:34 | हे़क्केःल्ले़ नुःरिक्काङ् खे़प्से़म्मे़ॽओ, ताःन्दि खिनिॽओ इङ्गाॽ माङ्निङ्वाॽपाःन् के़बाःप्पाहाॽ, सिक्कुम्साबा मनाहाॽ नु साम्योथिम्साम्बाहाॽ पाङ्घुङ्सिङ्लो॥ खे़ङ्हाॽओ कुभा खिनिॽ के़से़रुम्सिम्, कुभा सिलाम्साक्मा सिङ्सम्दाङ् के़भोःन्दुम्सिम्, हे़क्क्याङ् कुभाग यहुदि चुम्लुङ्हिम्मो ते़ःम्भुक् के़याक्तुम्सिम्माङ् ये़क्यक् थप्मा निङ्घुम् के़मे़त्तुम्सिम्लो॥ |
| 24046 | MAT 24:20 | चुङ्वाःम्मा ये़म्मो नु नाःम्सिङ्ये़न्नो खिनिॽ खे़त्छिङ्मा मे़बोःङ्ने़न्ल फाॽआङ् तुवा चोगे़म्मे़ॽओ॥ |
| 24049 | MAT 24:23 | हे़क्क्याङ् खे़न् ये़म्मो मनाहाॽरे़ ‘ओमे़त्ते़म्मे़ॽ, निङ्वाॽफुमाङ्ङिल्ले़ सेःन्दुबा ख्रिस्ते़न्कप्मो वाॽ’ इग्र ‘खुने़ॽ खे़प्मो वाॽ’ लॽरिक् मे़बाःत्तुर मे़दाःल्ले़ नसाःन् मे़जोगे़म्सिम्मिन्ने़ॽओ॥ |
| 24069 | MAT 24:43 | हिम्दाङ्बाल्ले़ खुःन्द्रिक्पे़न् आत्तिन् ये़म्मो ताः के़लॽबान् निङ्वाॽ खोःसुने़ फाॽग्र खे़ल्ले़ मे़न्इम्मे हिम्मिन् कोसुआङ् खे़न् खुःन्द्रिक्पे़न् खुःप्मा मे़बाङ्घुन् के़लॽबा पाःन्निन् कुसिङ् निःत्ते़म्मे़ॽओ॥ |
| 24071 | MAT 24:45 | “आत्तिन् सेवारोबान् नसाःन्साबा नु सिक्कुम्साबा चोःक्, खे़न्निन् हिम्दाङ्बाल्ले़ कुहिम्धाःङ्हाॽ ओमे़प्मा युक् पिरुआङ् खे़ल्ले़ वेॽ सेवारोबाहाॽ ये़म्ये़म्मो चामा-थुङ्मा पिरुसिॽरो॥ |
| 24073 | MAT 24:47 | इङ्गाॽ से़क्खाए मे़त्निङ्, खे़न् हिम्दाङ्बाल्ले़ खे़न् सेवारोबान् के़रे़क् कुयाङ्साकुन्धे सम्दाङ् युक् पिरुॽरो॥ |
| 24077 | MAT 24:51 | हे़क्क्याङ् कुन्दाङ्बाल्ले़ खे़न् साॽरिक् ते़ःम्भुक् याक्तुआङ् कुनिङ्वाॽ के़जिःप्पाहाॽनु सोरिक् खुम्दिङ् पिरुॽरो॥ खे़प्मोग हाःप्मान् नु साॽरिक् तुक्खेःल्ले़ हाबोॽ ये़ःङ्मान् पोःङ्लो॥” |
| 24098 | MAT 25:21 | कुन्दाङ्बाल्ले़ खे़न् मे़त्तु, ‘नुःबा नु निङ्वाॽइरे़ खोःप्तुबा सेवारोबाए, नुःबा के़जोगुरो! खे़ने़ॽग मिसाक् याङ्ङो नसाःन्साबा के़बोःक्खे़, आल्ल यरिक् पाःन्नो युक् पिने़रो॥ आल्ल आनिॽ सोरिक् सःत्तिरो!’ |
| 24100 | MAT 25:23 | कुन्दाङ्बाल्ले़ खे़न् मे़त्तु, ‘नुःबा नु निङ्वाॽइरे़ खोःप्तुबा सेवारोबाए, नुःबा के़जोगुरो! खे़ने़ॽग मिसाक् याङ्ङो नसाःन्साबा के़बोःक्खे़, आल्ल यरिक् पाःन्नो युक् पिने़रो॥ आल्ल आनिॽ सोरिक् सःत्तिरो!’ |
| 24103 | MAT 25:26 | खे़ल्ले़ कुन्दाङ्बाल्ले़ खे़न् नोगप् पिरु, ‘खे़ने़ॽ ताक्के़भे़ॽबा नु कुले़म्गे़युबा सेवारोबाए! खे़ने़ॽग इङ्गाॽ आत्तो चा मे़देःआन् खे़प्मो चा सुप्सुङ्, आत्तो चा मे़से़ःसुङ्ङिन् खे़प्मो चा फुक्खुङ् फाॽआङ् के़निःसुआङ्ङे के़वये़रो॥ |
| 24104 | MAT 25:27 | हे़क्केःल्ले़ आयाङ्ङिन् के़देॽरुआङ् सिङ्नाःत् के़गे़बाहाॽरो के़युक्खुल्ले़ पोःक्खे़बारो॥ हे़क्के के़जोगुल्ले़ इङ्गाॽ नुःक्खाङ् त्याङ्ङिल्ले़ आयाङ्ङिल्ले़ कुस्साःग खोःसुङ्बा वये़रो॥ |
| 24120 | MAT 25:43 | इङ्गाॽ वाॽमा ते़न् मे़ःन्ने लाम्दिःक्पा पोःक्खाङ्ङाङ् वयाङ्ङिल्ले़ खिनिॽ हिम्मो याप्मि आगे़न्देॽरिन्, इङ्गाॽ तेःप्फुङ्मे़ःन्ने वयाङ्ङिल्ले़ तेःत् याप्मि आगे़म्बिरिन्, हे़क्क्याङ् इङ्गाॽ तुगाङ् हे़क्क्याङ् पुङ्लाहिम्मो साक्ताङ्ङाङ् यागाङ्ङिल्ले़ याप्मि आगे़न्छाॽरिन्लो॥’ |
| 24145 | MAT 26:22 | हे़क्केःल्ले़ खे़ङ्हाॽ साॽरिक् निङ्साम्मो मे़ध्ये़आङ्के़रे़क्ले़ खुने़ॽ सेःन्दोःमा मे़हेःक्तु, “दाङ्बे, के़बाःत्तुबा मनाःन् इङ्गाॽबि?” |
| 24176 | MAT 26:53 | इङ्गाॽ पानुदिङ् आम्बाःन् नाःक्तुङ्ङिल्ले़ माङ्लाइङ्बाहाॽरे़न् थिक्-ने़त् तुरानुःल्ले़ यरिक् इङ्गाॽ याप्मि ताङ्से़ःप्से़ खिमो मे़बाङ्घुन्सिन्बि? |
| 24177 | MAT 26:54 | कर हे़क्केलॽरिक् नाःक्तुङ्ङिल्ले़ साम्योसाप्लाओ अक्खेलॽरिक् पोःङ्माए पोःङ् लॽरिक् साप्ते़बान् आक्खेआङ् के़प्पाबे?” |
| 24188 | MAT 26:65 | हे़क्क्याङ् मानिङ्वाॽफुसाम्बाल्ले़ कुसाक्के़न् ओसेःन्धाक्तुसिर आबाङे कुदेःत्तिन् थे़ःक्खुआङ्अक्खे पाःत्तु, “कल्ले़ग निङ्वाॽफुमाङ्ङिल्ले़ कुदक्ले़ङ्वाओ माङ्चे़ॽया पाःन्पाःत्तुरो! आल्ल आनिॽ वेॽ तोःन्दिहाॽ थेआङ् चाहाबा आजोगे़बे? कल्ले़ग निङ्वाॽफुमाङ्ङिल्ले़ कुदक्ले़ङ्वाओ माङ्चे़ॽया पाःन्पाःत्तुबान् खिनिॽ के़घे़प्सुम्लो॥ |
| 24237 | MAT 27:39 | खे़प्मोलाम् लाङ्गे़घेःक्पा मनाहाॽरे़आङ् खुनिॽ थे़गेःक्पे़न्मे़हिक्खुर अक्खेलॽरिक् खुने़ॽ किनाःन्दि मे़बिरु, |
| 24258 | MAT 27:60 | हे़क्क्याङ् आबाङे कुलागि लुङ्ङो खोःम्मनाबा कुसङ् इप्पुङ्ङो ने़स्सुरो॥ हे़क्क्याङ् इप्पुङ्ङिल्ले़ कुमुराओ लाःक्कात्लाम् यम्बा लुङ्ङिल्ले़ थेःक्तुधःआङ् नुःक्खे़ पेरो॥ |
| 24264 | MAT 27:66 | हे़क्केःल्ले़ खे़ङ्हाॽ मे़बेआङ् इप्पुङ्ङिल्ले़ कुमुराओबा लुङ्ङो एःप्साप् मे़युक्तुआङ् मनाहाॽरे़ मे़न्हन्दुन्ल फाॽआङ् थक्सुबाहाॽ खे़प्मो कोमा मे़बाङ्घुसिरो॥ |
| 24266 | MAT 28:2 | हक्चघत् साॽरिक् किप्मा के़घुःबा लुप्लि थाङे़, थेआङ्भे़ल्ले़ यहवे दाङ्बाल्ले़ कुमाङ्लाइङ्बाधिक् साङ्ग्राम्पेदाङ्लाम् यो थ्ये़आङ् इप्पुङ्ङिल्ले़ कुमुराओ के़ये़प्पा खे़न् यम्बा लुङ्ङिन् थिक् ले़प्माङ् इसुआङ् खे़न् सम्दाङ् युङ्सिङ्लो॥ |
| 24297 | MRK 1:13 | खुने़ॽ खे़प्मो लिबोःङ्(४०) ये़न् थारिक् वये़ल्ले़ माफे़न्साम् सैतानिल्ले़ खुने़ॽ फे़न् याःम्बक् चोःक्पाङ्मा फाॽआङ् कुनिङ्वाॽ साॽरु॥ खे़प्मो खुने़ॽ ताम्भुङ्थक्साहाॽनु वये़, हे़क्क्याङ् माङ्लाइङ्बाहाॽरे़ खुने़ॽ कम्ब्राङ् मे़मे़त्तुरो॥ |
| 24305 | MRK 1:21 | ये़सुःन् नु खे़ङ्हाॽ कपर्नहुम पाङ्जुम्मो मे़बे॥ नाःम्सिङ्ये़न्नो ये़सुःन् यहुदि चुम्लुङ्हिम्मो पेआङ् हुॽमा हेःक्तुसिरो॥ |
| 24307 | MRK 1:23 | ये़सुरे़ खे़न् यहुदि चुम्लुङ्हिम्मो हुॽमा हेःक्तुसिल्ले़ फे़न्साम्मिल्ले़ याङ्घुबा मनाधिक् अःक्ते़र पारे़, |
| 24313 | MRK 1:29 | हे़क्क्याङ् ये़सुःन् नु खुने़ॽ के़नाःप्पाहाॽ यहुदि चुम्लुङ्हिम्लाम् मे़लःन्दे़आङ् सिमोन नु आन्द्रियासरे़ खुन्छिॽ हिम्मो मे़बेरो॥ युहुन्नाःन् नु याकुबे़न्नाङ् खे़ङ्हाॽनुए पेसिरो॥ |
| 24323 | MRK 1:39 | हे़क्क्याङ् ये़सुरे़ गालिल थुम्मो खाराक् लाङ्घेगे़र खे़ङ्घाःत्तिबा यहुदि चुम्लुङ्हिम्मो सुनाइङ् से़ःसुआङ् फे़न्साम्हाॽ नाःत्तु लःत्तुसिरो॥ |
| 24334 | MRK 2:5 | खे़ङ्हाॽरे़ खे़न् के़दुक्पे़न्वेःप्मा सुक् के़लॽबा नसाःन् मे़गत्तुबा ये़सुरे़ निःसुआङ् लङ्ले़ःङ्वाःन् मे़त्तु, “आस्साःए, खे़ने़ॽ के़लायोहाॽ ले़प्मि पोःक्खे़रो॥” |
| 24353 | MRK 2:24 | हे़क्केःल्ले़ फरिसिहाॽरे़ खुने़ॽ मे़मे़त्तु, “ओमे़त्ते़ॽ, थेआङ् नाःम्सिङ्ये़न्नो चोःक्मा मे़न्नुॽमनाबा याःम्बक्किन् मे़जोगुबाबे?” |
| 24358 | MRK 3:1 | ये़सुःन् याम्मो यहुदि चुम्लुङ्हिम्मो पे॥ खे़प्मो लत्छा कुहुक् के़हेबा मनाधिक् वये़॥ |
| 24359 | MRK 3:2 | नाःम्सिङ्ये़न्नो खे़न् मनाःन् ये़सुरे़ वेःन्दुॽने़ फाॽग्र खुने़ॽ फोत्या कुःप्मा फाॽआङ् मनाहाॽरे़ ये़सुःन् मे़सुगुर मे़वये़॥ |
| 24363 | MRK 3:6 | हे़क्क्याङ् फरिसिहाॽ यहुदि चुम्लुङ्हिम्मोलाम् मे़लःन्दे़ मे़बेआङ् हे़रोद हाङ्ङिल्ले़ कुमनाहाॽनु ये़सुःन् आक्खेआङ् से़प्माबे फाॽआङ् पाःन् मे़दङ्घुरो॥ |
| 24382 | MRK 3:25 | हे़क्क्याङ् आप्फेःक् लुम्मो के़घेबा के़धक्पाआङ् के़से़म्बा हिम्सयङ्ङिल्ले़ मे़धरुन्लो॥ |
| 24402 | MRK 4:10 | हे़क्क्याङ् ये़सुःन् एःक्लेःक्वये़ल्ले़ थिक्-ने़त् (१२) हुॽसाम्बाहाॽ नु वेॽ हुॽसाम्बाहाॽरे़ “कन् खे़दाॽइल्ले़ कुबेःन् थे़माबे?” फाॽआङ् सेःन्मे़दोसु॥ |
| 24431 | MRK 4:39 | ये़सुःन् पोगे़आङ् सुरित्केजङ्ङिन् “मे़न्हुःए़ॽ” मे़त्तुआङ् फे़ःक्तु, हे़क्क्याङ् वाभे़ल्ले़ङ्ङिन् “चिजि ये़म्ये़म् लॽरे़ॽ” मे़त्तु, सुरित्केजङ्ङिन् चिजि ये़म्ये़म् लॽरे़आङ्, वाभे़ल्ले़ङ्ङिन्नाङ् चिजि ये़म्ये़म् पोःक्खे़रो॥ |
| 24433 | MRK 4:41 | कर खे़ङ्हाॽ साॽरिक् मे़गिसे़आङ् अक्खे मे़मे़त्छिङ्, “आक्खेलॽरिक् खुने़ॽ पाःत्तुबा पाःन्निन् सुरित्केजङ्ङिन्नु वाभे़ल्ले़ङ्ङिल्ले़आङ् खे़प्सुबाबे? कन् मनाःङ्ग हाःप्पे?” |
| 24435 | MRK 5:2 | ये़सुःन् खःङ्बेओनु लाःक्कात् लःन्दे़नुमे़ःन्ने फे़न्साम्मिल्ले़ याङ्घुबा मनाधिक् इप्पुङ्दे़न्नोलाम् खुने़ॽ कुदुम्से़ त्ये़॥ |
| 24436 | MRK 5:3 | खे़न् मनाःन् इप्पुङ्दे़न्हाॽओ वये़गत्ते़॥ हाःत्ले़आङ् खे़न् फे़न्थक्क्रङ्ङिल्ले़आङ् इघेःङ्मा मे़सुक्तुन्, |
| 24438 | MRK 5:5 | खे़न् इप्पुङ्दे़न्नो नु कोःक्मा फाङ्जङ्घाःत्तिरक् से़न्दिक् ले़न्दिक् अःक्ते़र फिःक्ते़र लुङ्ङिल्ले़ खे़ःन्छिङ्ल वये़गत्ते़रो॥ |
| 24455 | MRK 5:22 | पाङ्तिबा यहुदि चुम्लुङ्हिम्मोबा लाम्लोःबा याइरस मे़प्मनाबा मनाःन् त्ये़ हे़क्क्याङ् ये़सुरे़ कुलाङ्जक्को हबत्फन्छिङ्ल |
| 24478 | MRK 6:2 | हे़क्क्याङ् नाःम्सिङ्ये़न्नो ये़सुःन् यहुदि चुम्लुङ्हिम्मो पेआङ् हुॽमा हेःक्तुसि॥ खे़प्मो यरिक् मनाहाॽरे़ खुने़ॽ कुनिसाम्मिन् मे़घे़प्सुआङ् खुनिॽ निङ्वाॽ मये़आङ् अक्खे मे़बाःत्तु, “कन् मनाःल्ले़ अक्तङ्बा पाःन्निन् आत्तो खोःसुबे? आक्खेलॽरिक् सिक्कुम् निङ्वाॽ नु निङ्वाॽ के़माबा याःम्बक्हाॽ चोगुबे! |
| 24501 | MRK 6:25 | खिमो खे़न् चुक्मे़न्नाङ् पेआङ् मे़त्तु, “बप्तिस्मा के़बिबा युहुन्नाःल्ले़ कुधे़गेःक्किन्आल्लोसा चे़त्थ्याओ पिराङ्ङे़ॽओ॥” |
| 24559 | MRK 7:27 | ये़सुरे़ खे़न् मे़न्छुमाॽइन् मे़त्तु, “हिन्जाॽबित्छाहाॽरे़ खरे़ःङ्ङिन् खाघा मे़जर पोःङ्॥ हिन्जाॽबित्छाहाॽरे़ खुनिॽ खरे़ःङ्ङिन् नाप्मासिआङ्कोःत्चोहाॽ पिमासि नुःबा मे़ःन्लो॥” |
| 24618 | MRK 9:11 | हे़क्क्याङ् खे़ङ्हाॽरे़ खुने़ॽ सेःन्मे़दोसु, “थेआङ् साम्योथिम्साम्बाहाॽरे़ निङ्वाॽफुमाङ्ङिल्ले़ सेःन्दुबा ख्रिस्ते़न्ताःमानुःल्ले़ तगि एलियाःङ्ग युःमाए पोःङ् फाॽआङ् मे़बाःत्तुबाबे?” |
| 24641 | MRK 9:34 | कर खे़ङ्हाॽ मे़म्बारे़न्, थेआङ्भे़ल्ले़ खे़ङ्हाॽ आनिॽओ के़रे़क्नुःल्ले़ यम्बान्हाःप्पे फाॽआङ् पाःन्मे़धक्ते़आङ् मे़वये़रो॥ |
| 24681 | MRK 10:24 | कुबाःन्निन्मे़घे़प्सुआङ् कुहुॽसाम्बाहाॽरे़ साॽरिक् खुनिॽ निङ्वाॽ मये़, कर ये़सुरे़ याम्मो खे़ङ्हाॽ मे़त्तुसि, “चुक्पासे, निङ्वाॽफुहाङ्जुम्मो लाःप्मा से़क्खाए साक्लो॥ |
| 24746 | MRK 12:4 | याम्मो खे़न् इक्के़ल्ले़ कुन्दाङ्बाल्ले़ वेॽस्मा सेवारोबान् पाङ्घु॥ खे़न्नाङ् कुधे़गेःक्पो मे़घाक्खुर कुजाःत्थि मे़देःसु॥ |
| 24748 | MRK 12:6 | खे़न् इक्के़ल्ले़ कुन्दाङ्बाल्ले़ लुङ्माॽ तुक्तुबा लत्थिक्लक् कुस्साः वये़॥ आल्ल कन् आस्साःन् पाङ्घुङ्ङिल्ले़ग से़क्खासाङ् कुना मे़साॽरुबिला फाॽआङ् इःत्तुआङ् के़रे़क्नुःल्ले़ एगाङ् पाङ्घुरो॥ |
| 24772 | MRK 12:30 | के़न्दाङ्बा निङ्वाॽफुमाङ्ङिन् खे़ने़ॽ के़रे़क् के़सिक्लुङ्माल्ले़ के़रे़क् के़सक्मासाम्मिल्ले़, के़रे़क् के़निङ्वाॽइल्ले़, के़रे़क् के़धुम्मिल्ले़ मिःम्जि मे़त्ते़ॽओ॥’ |
| 24781 | MRK 12:39 | यहुदि चुम्लुङ्हिम्मो नु साभाङ्जाओ तुम्म्याङ्हाङ् युक्नाहाॽओ युङ्मा खुनिॽ सिराॽ थाङ्लो॥ |
| 24795 | MRK 13:9 | खिनिॽग सिङ्सिङ् लॽरे़म्मे़ॽओ॥ खिनिॽ याप्मि नसाःन् के़जोगिबाल्ले़ चोगुल्ले़ खे़ङ्हाॽरे़ के़म्दे़म्सिॽआङ् ये़जुम्भोहाॽओ के़म्देॽरिॽ, हे़क्क्याङ् यहुदि चुम्लुङ्हिम्मो ते़ःम्भुक् के़म्बिरिॽरो॥ कङ्ग सुहाङ्गे़म्बाहाॽ नु हाङ्हाॽरे़ खुनिॽ तगि आयाःम्बेओ पाःप्मा खिनिॽ के़घोःसुम्बा सुये़म्लो॥ |
| 24807 | MRK 13:21 | हे़क्क्याङ् खे़न् ये़म्मो मनाहाॽरे़, ओमे़त्ते़म्मे़ॽ, निङ्वाॽफुमाङ्ङिल्ले़ सेःन्दुबा ख्रिस्ते़न्कप्मो वाॽ इग्र खुने़ॽ खे़प्मो वाॽरो लॽरिक् मे़बाःत्तुर मे़दाःल्ले़ नसाःन् मे़जोगे़म्सिम्मिन्ने़ॽओ॥ |
| 24842 | MRK 14:19 | हे़क्केःल्ले़ खे़ङ्हाॽ साॽरिक् निङ्साम्मो मे़ध्ये़आङ्के़रे़क्ले़ खुने़ॽ सेःन्दोःमा मे़हेःक्तु, “दाङ्बे, के़बाःत्तुबा मनाःन् इङ्गाॽआबि?” |
| 24851 | MRK 14:28 | कर इङ्गाॽ सिःमे़न्लाम्याम्मो हिङ्ङाआङ् खिनिॽनुःल्ले़ तगि गालिल थुम्मो पेःक्कारो॥” |
| 24872 | MRK 14:49 | इङ्गाॽग थिक्याःन्धक्सा माङ्हिम् लक्खुम्मो निसाम् हुॽइसे़ वयाङ्बा हे़क्केसाङ् याप्मि के़न्दे़म्सिन्, कर साम्योसाप्लाओ के़बप्पे़न्के़त्ल फाॽआङ् अक्खे पोःक्खे़बारो॥” |
| 24886 | MRK 14:63 | हे़क्क्याङ् मानिङ्वाॽफुसाम्बाल्ले़ कुसाक्के़न् ओसेःन्धाक्तुसिर आबाङे कुदेःत्तिन् थे़ःक्खुआङ्अक्खे पाःत्तु, “आल्ल आनिॽ वेॽ तोःन्दिहाॽ थेआङ् चाहाबा आजोगे़बे? |
| 24924 | MRK 15:29 | खे़प्मोलाम् लाङ्गे़घेःक्पा मनाहाॽरे़आङ् खुनिॽ थे़गेःक्पे़न्मे़हिक्खुर अक्खेलॽरिक् खुने़ॽ किनाःन्दि मे़बिरु, “खे़ने़ॽग माङ्हिम्मिन् के़यःबाआङ् सुम्ये़न्नो के़जोःक्पे, |
| 24932 | MRK 15:37 | हे़क्क्याङ् ये़सुःन् याम्मो यम्बा इक्लाओ अःक्ते़आङ्कुसक्मा पेरो॥ |
| 24941 | MRK 15:46 | हे़क्केःल्ले़ युसुफरे़ नुःबा चे तेःत्तिन् इङु, हे़क्क्याङ् ये़सुरे़ कुधक्किन् सिलाम्साक्मा सिङ्ङोनु थाःसुआङ् खे़न् तेःत्तिल्ले़ कित्तुआङ् लुङ्ङो खोःम्मनाबा इप्पुङ्ङो ने़स्सुरो॥ हे़क्क्याङ् इप्पुङ्ङिल्ले़ कुमुराओ लाःक्कात्लाम् यम्बा लुङ्ङिन् इसुधःरो॥ |
| 24945 | MRK 16:3 | हे़क्क्याङ् लाम्मो मे़बेर मे़बत्छे़ल्ले़ खे़ङ्हाॽ अक्खे मे़मे़त्छिङ्, “आनिॽ लागि खे़न् इप्पुङ्ङिल्ले़ कुमुराओ मे़ये़प्सुबा यम्बा लुङ्ङिन् हाःत्ले़ आइन्आबिबाबे?” |
| 24946 | MRK 16:4 | हे़क्क्याङ् खे़ङ्हाॽ खे़प्मो मे़गे़रे़आङ् ओमे़मे़त्तुल्ले़ इप्पुङ्ङिल्ले़ कुमुराओ के़ये़प्पा लुङ्ङिन् थिक्ले़प्माङ् मे़इसुआङ् ने़स्से़बा मे़निःसु॥ खे़न् लुङ्ङिन् साॽरिक् यम्बा चोगे़॥ |
| 24971 | LUK 1:9 | निङ्वाॽफुसाम्बा थिम् कुइसिःक् यहवे दाङ्बाल्ले़ कुमाङ्हिम्मो पेःक्माआङ् साङ्सिङ् हाःम्मा लक्रे़ लागि निङ्वाॽफुसाम्बाहाॽरे़ तॽयाःन्सोःन्मे़गे़ःसुल्ले़ खुने़ॽ खोःसुआङ् वये़रो॥ |
| 25006 | LUK 1:44 | खे़ने़ॽ सेवा के़मे़त्ताङ्बा पाःन्निन् खे़प्सुङ्नुमे़ःन्ने इङ्गाॽ आसाप्पोःक्पो के़याक्पा अङे़ःक्वाःन् सःत्ते़र मुन्जिङ् लॽरे़रो॥ |
| 25008 | LUK 1:46 | हे़क्क्याङ् मरियमरे़ पाःत्तु, “इङ्गाॽ आसिक्लुङ्मोलाम्मे दाङ्बाल्ले़ कुनारा फोःसुङ्लो, |