| 23316 | MAT 5:13 | खिनिॽग इक्सादिङ् खाम्बेःक्माओबा युम्निङ्लो, कर युम्मिल्ले़ कुलिम्मे़न् माःबेःक्ने़ फाॽग्र याम्मो के़लिम्बा चोःक्मा सुक्मे़दे़त्ने़न्लो॥ खे़ल्ले़ कुयाःम्बक् थेआङ् होःप्लो, कर खे़ङ्ग लाप्फुमा पोःङ्ङाङ् मनाहाॽरे़ मे़दोॽरुरो॥ |
| 23425 | MAT 8:11 | खिनिॽ से़क्खाए मे़त्निङ्लो, के़रे़क् पिसाङ्बा लाजेॽलाम् यरिक् मनाहाॽ साङ्ग्राम्पेदाङ्बा हाङ्जुम्मो मे़दाआङ् साभाङ्जा चासे़ खिनिॽ थाःक्थे़बा अब्राहाम, इसहाक, हे़क्क्याङ् याकुबे़न्नु सोरिक् मे़युङ्सिङ्लो॥ |
| 23436 | MAT 8:22 | कर ये़सुरे़ खे़न् मे़त्तु, “इङ्गाॽ तिम्दाङ्ङे़ॽओ, हे़क्क्याङ् हाराॽ याम्साम्मो के़सिःबा मनाहाॽरे़ खुनिॽ आबाङे चेहाॽ इप्पुङ्ङो मे़जिक्खुसिररो॥” |
| 23501 | MAT 10:15 | इङ्गाॽ से़क्खाए मे़त्निङ्लो, ताःन्दि खासे़न् ये़न्नोग खे़न् पाङ्जुम्मिल्ले़ कुदुक्खेःन्नुःल्ले़ सदोम नु गमोराबा पाङ्जुम्हाॽओ के़दाःबा तुक्खेःन् थम्मा सुक्के़दे़प्पा पोःङ्लो॥” |
| 23602 | MAT 12:44 | अक्खे मे़त्छिङ्लो, ‘इङ्गाॽ ले़रुङ्बा मनाःल्लोए नुःङ्ङा पेःक्कारो॥’ हे़क्क्याङ् खे़न् खे़प्मो नुःङ् ताःल्ले़ तगि यागे़बा ते़न्निन् कुघाले़म्, मे़दुगुबा नु नुःबा मे़जोगुबा निःसुॽ॥ |
| 23860 | MAT 19:29 | आत्तिल्ले़ आलागि हिम्धाःङ्हाॽ, प्याङ्सिगे़न् इक्ताप्हाॽ, ने़ॽनुसाॽहाॽ, फुॽनुसाॽहाॽ, पाः माहाॽ, इग्र हिन्जाॽबित्छाहाॽ ले़रुसिआङ् वाॽ, खे़ल्ले़ग किप्थिक् (१००) ले़ङ्नुःल्ले़आङ्यरिक् खोःसुॽ, हे़क्क्याङ् मे़न्नुप्मनाबा हिङ्मन् खोःसुॽरो॥ |
| 23886 | MAT 20:25 | कर ये़सुरे़ खे़ङ्हाॽ उःत्तुसिआङ् मे़त्तुसि, “थिम्मे़न्दङ् सुवाङ्हाॽरे़ खुनिॽ हाङ्हाॽरे़ग मनाहाॽ खुनिॽ निङ्वाॽ पाःप्पाःत्मे़मे़त्तुसिॽ, हे़क्क्याङ् सुहाङ्युक्पाहाॽरे़आङ् खुनिॽ फोःसाङ्बाहाॽ साक्के़ले़क्काङ्युक् मे़जोगुसिबाग खिनिॽ के़निःसुम्माङ् के़वयिॽरो॥ |
| 24196 | MAT 26:73 | सप्फाआङ् खे़प्मो के़ये़प्पा मनाहाॽ पत्रुसरो मे़बेआङ् मे़मे़त्तु, “से़क्खासाङ् खुने़ॽ कुहुॽसाम्बाहाॽओ खे़ने़ॽआङ् लत्थिक्ने़रो, थेआङ्भे़ल्ले़ के़बाःन्इक्लाःन् गालिलस्मा कुइसिःक् चोःक्लो॥” |
| 24686 | MRK 10:29 | हे़क्क्याङ् ये़सुरे़ मे़त्तुसि, “इङ्गाॽ से़क्खाए मे़त्निङ्, आत्तिल्ले़ आलागि नु सुनाइङ्ले़ लागि हिम्धाःङ्हाॽ, प्याङ्सिगे़न् इक्ताप्हाॽ, ने़ॽनुसाॽहाॽ, फुॽनुसाॽहाॽ, पाः माहाॽ, इग्र हिन्जाॽबित्छाहाॽ ले़रुसिआङ् वाॽ, |
| 24687 | MRK 10:30 | खे़ल्ले़ से़क्खाए कन् ये़म्मो मनालाम्बा तुक्खे चामानु सोसोरिक् हिम्धाःङ्हाॽ, प्याङ्सिगे़न् इक्ताप्हाॽ, फुॽनुसाॽ, ने़ॽनुसाॽ, माहाॽ हे़क्क्याङ् हिन्जाॽबित्छाहाॽ किप्थिक् (१००) ले़ङ्नुःल्ले़आङ्यरिक् खोःसुॽरो॥ हे़क्क्याङ् के़दाःबा ये़म्मो मे़न्नुप्मनाबा हिङ्मन् खोःसुॽरो॥ |
| 25099 | LUK 3:5 | के़रे़क् ने़वालाहाॽ लुप्सिङ्ल, कोःक्मा फाङ्जङ्हाॽ तङ्ङाङ् ते़ःम्बे पोःङ्ल हे़क्क्याङ् इःलाम्हाॽ तोःन्छिङ्ल ताप्फे़ःम्बा लाम्हाॽ नुःबा पोःङ्ल॥ |
| 25152 | LUK 4:20 | हे़क्क्याङ् खुने़ॽ खे़न् साम्योसाप्लाःन् सुबुआङ् खे़प्मो के़ये़प्पे़न्पिरु, हे़क्क्याङ् खुने़ॽ युङ्सिङ्॥ हे़क्क्याङ् के़रे़क्ले़ खुने़ॽ ओमे़मे़त्तुल्ले़ |
| 25244 | LUK 6:29 | हाःत्ले़ के़ने़दे़ङ्बान् के़ले़ङ् के़बिॽ, खे़ने़ॽ वेॽ ले़प्माङ्बा के़ने़दे़ङ्बान्नाङ् खे़न् तोःन्दे़ पिरे़ॽ॥ हाःत्ले़ साक्के़ल्ले़क् के़सुङ्घेःक्वाःन् के़नाप्पाङ्तेॽरुॽ, खे़न्निन् के़जाङ्मा तेःत्तिन्नाङ् पिरे़देःसे़ॽओ॥ |
| 25308 | LUK 7:44 | हे़क्क्याङ् ये़सुःन् खे़न् मे़न्छुमाॽइन् ले़प्माङ् हिसिङ्ङाङ् सिमोन्निन् मे़त्तु, “सिमोने, इङ्गाॽ खे़ने़ॽ के़हिम्मो त्याङ्ङिल्ले़ लाङ् वाहप्मा च्वाःत् के़म्बिराङ्ङिन्, कर कन् मे़न्छुमाॽइल्ले़ आलाङ्ङिन् कुमिक्वाःल्ले़ वाहप्तुआङ् कुधे़गेःक्इःल्ले़ तुगुआङ् वाॽरो॥ |
| 25309 | LUK 7:45 | खे़ने़ॽ इङ्गाॽ चुप् के़मे़त्ताङ्ल सेवा के़म्मे़त्ताङ्ङिन्, कर कन् मे़न्छुमाॽइल्ले़ इङ्गाॽ त्याङ्ङाङ्धोए आलाङ्ङो चुप् मे़त्तुर वाॽरो॥ |
| 25410 | LUK 9:40 | इङ्गाॽ के़हुॽसाम्बाहाॽ कन् फे़न्साम्मिन् आस्साःल्लोलाम् नाःत्ते़म् आबिरे़म्मे़ॽ फाॽआङ् पेलि फाक्तुङ्सिङ्, कर मे़न्छुक्तुन्लो॥” |
| 25453 | LUK 10:21 | खे़न् ये़म्मो ये़सुःन् सेसेमाङ्ङिल्ले़ कुधिम् पोःक्खे़आङ् सःत्ते़र पारे़, “आम्बे, साङ्ग्राम्पेदाङ् नु इक्सादिङ् खाम्बेःक्माल्ले़ कुन्दाङ्बाए, इङ्गाॽ नोगे़न् पिने़, थेआङ्भे़ल्ले़ खे़ने़ॽग सिक्कुम्साबाहाॽ हे़क्क्याङ् चाःप्पाहाॽनु के़माॽरुबा पाःन्निन् हिन्जाॽ हे़क्तङ्बाहाॽ ओसेःन्गे़धाक्तुसिरो॥ आम्बे, बा अक्खे चोःक्माए खे़ने़ॽ के़सिराॽ थाङे़रो॥” |
| 25547 | LUK 12:19 | हे़क्क्याङ् इङ्गाॽ आबाङे अक्खे मे़त्छिङ्ङा, तेःङ्बे, यरिक् तङ्बे थारिक् के़योबा चा नु चिगःक्वाहाॽ सुप्सुङ्सिङ्ङाङ् वाॽआरो॥ आल्ल कुसानुःरिक् युङे़ॽ, चे़ॽ, थुङे़ॽआङ् सःत्ते़ॽओ!’ |
| 25561 | LUK 12:33 | खिनिॽ के़गत्तुम्बा चिगःक्वाहाॽ सङ्घे़म्मे़ॽआङ् याङ्गे़साॽबाहाॽ पिरे़म्देःसे़म्सिम्मे़ॽओ॥ हे़क्केलॽरिक् आप्फाल्ले़आङ् मे़न्दे़ःङ्मना, मे़न्हङ्मनाबा सुःक्वाओ आप्फाल्ले़आङ् मे़म्मे़क्मनाबा साङ्ग्राम्पेदाङ्ङोबा याङ्साकुन्धेहाॽरे़ थिम्से़म्सिम्मे़ॽओ॥ खे़प्मो के़घुःम्बाहाॽरे़आङ् मे़न्घुःत्तुन्, हे़क्क्याङ् कुबुःल्ले़आङ् मे़जने़न्लो॥ |
| 25577 | LUK 12:49 | “इङ्गाॽ इक्सादिङ् खाम्बेःक्मो मि केःत्छे़ त्याङ्बारो, कर तगिसा मि लाःसे़ल्ले़ नुःबा पोःक्खे़बारो॥ |
| 25581 | LUK 12:53 | कुम्बाःन् कुस्साःल्ले़ कुदक्ले़ङ्वाओ पोःक्, हे़क्केलॽरिक्के कुस्साःन् कुम्बारे़ कुदक्ले़ङ्वाओ, हे़क्क्याङ् कुम्माःन् कुस्साः मे़न्छुमाॽइल्ले़ कुदक्ले़ङ्वाओ, हे़क्क्याङ् कुस्साः मे़न्छुमाॽइन् कुम्मारे़ कुदक्ले़ङ्वाओ पोःक्लो॥ हे़क्क्याङ् नोःप्मे़न् कुम्बाङ्लिःल्ले़ कुदक्ले़ङ्वाओ, हे़क्क्याङ् पाङ्लिमे़न्कुन्नोःप्माल्ले़ कुदक्ले़ङ्वाओ पोःक्लो॥” |
| 25684 | LUK 15:27 | हे़क्क्याङ् खे़न् सेवारोबाल्ले़आङ् नोगप् पिरु, ‘खे़ने़ॽ के़न्साॽ फोॽबे़न् थेआङ् मे़म्बोःङ्ङे नुःरिक्काङ्नुःक्खे़ त्ये़आङ्वाॽ, खे़ल्ले़ चोगुल्ले़ के़म्बारे़ चालुप्मनाबा थक्साधिक् से़प्मा पाङ्घुसिआङ् कप्मो चामुक् थिमुक् से़ःसुबारो॥’ |
| 25698 | LUK 16:9 | हे़क्क्याङ् खिनिॽ मे़त्निङ्लो, कन् इक्सादिङ् खाम्बेःक्मोबा याङ्साकुन्धेरे़ तेःङ्जुम् चोगे़म्सिम्मे़ॽओ॥ हे़क्केलॽरिक् कन् याङ्साकुन्धेःन् माःत्तिल्ले़ खे़ङ्हाॽरे़ खिनिॽ मे़न्नुप्मनाबा हिम्मो लाम्दाःक्मा के़म्बिरिॽरो॥ |
| 25753 | LUK 17:33 | हाःत्ले़ कुहिङ्मन्निन् से़ःप्तुङ्लॽ, खे़ल्ले़ खे़न्नाङ् मासुॽरो, कर हाःत्ले़ कुहिङ्मन्निन् मासुॽ, खे़ल्ले़ से़ःप्तुॽरो॥ |
| 25770 | LUK 18:13 | कर खे़न् एःङ्याङ् के़भोःङ्बे़ङ्ग माःङ्घा ये़म्सिङ्ङाङ् साङ्ग्राम्पेदाङ् ले़प्माङ्ङाङ् ओमे़म्मए कुसङ्बे़न् हिप्तुर हाबे़र अक्खे पाःत्तु, ‘निङ्वाॽफुमाङ्ङे, इङ्गाॽ लुङ्माॽ तुक्ताङ्ङे़ॽओ, इङ्गाॽग लायोबाआरो॥’ |
| 25789 | LUK 18:32 | खुने़ॽ मे़दे़म्सुआङ् थिम्मे़न्दङ् सुवाङ्हाॽरे़ खुनिॽ हुक्को मे़बिरुॽ, हे़क्क्याङ् खे़ङ्हाॽरे़ खुने़ॽ किनाःन्दि मे़बिरुॽ, कुनामे़धासुॽ, थ्याःत् मे़धोःक्तुॽ, ताप्फे़ःल्लिक् मे़मे़त्तुॽ, हे़क्क्याङ् खुने़ॽ ते़ःम्भुक् मे़याक्तुआङ्मे़से़रुॽ, |
| 26088 | LUK 24:28 | हे़क्क्याङ् खे़ङ्हाॽ मे़बेर मे़बत्छे़बा पाङ्भेॽइल्ले़ कुबेसाङ् मे़गे़रे़आङ् ये़सुःन् मिसाक् माःङ्घा के़बेःक्पा लाम्सिङ्लो, |
| 26157 | JHN 1:44 | आल्ल फिलिप्पे़ङ्ग, आन्द्रियास नु पत्रुसरे़ खुन्छिॽ बे़थसेदा पाङ्जुम् के़युङ्बा वये़रो॥ |
| 26298 | JHN 5:19 | ये़सुरे़ खे़ङ्हाॽ अक्तङ्बा नोगप् पिरुसि, “से़क्खाए मे़त्निङ्लो, कुस्साःल्ले़ आबाङेग थेआङ् चोःक्मा मे़सुक्तुन्, कर खुने़ॽग पानुदिङ् कुम्बारे़ चोगुबा पाःन्हाॽ निःसुबा कुइसिःक्लक् चोःक्मा सुक्तुॽरो, थेआङ्भे़ल्ले़ पानुदिङ् पाःल्ले़ थे चोगुॽ बा खे़न्ने कुस्साःल्ले़आङ् चोगुॽरो॥ |
| 26484 | JHN 8:34 | ये़सुरे़ खे़ङ्हाॽ नोगप् पिरुसि, “इङ्गाॽ से़क्खाए मे़त्निङ्लो, हाःत्ले़ लायो चोगुॽ, खे़ङ्ग लायोरे़ कुयोःक्पा पोःङ्लो॥ |
| 26490 | JHN 8:40 | इङ्गाॽग निङ्वाॽफुमाङ्लाम् खे़प्सुङ्बा से़क्खाःन्ने खिनिॽ मे़त्निङ्लो, कर खिनिॽग याप्मि से़प्मा के़गोःत्तिॽरो॥ अब्राहामरे़ग हे़क्के मे़जोगुन्लो॥ |
| 26492 | JHN 8:42 | ये़सुरे़ खे़ङ्हाॽ नोगप् पिरुसि, “से़क्खाए निङ्वाॽफुमाङ्ङिन् खिनिॽ पा वये़ल्ले़ग इङ्गाॽ याप्मि मिःम्जि के़मे़त्तिमे़न्, थेआङ्भे़ल्ले़ इङ्गाॽग निङ्वाॽफुमाङ्लाम् त्याङ्बारो, इङ्गाॽ आबाङे त्याङ्बा मे़ःन्लो कर खुने़ॽ इङ्गाॽ पाङ्घाङ्बारो॥ |
| 26497 | JHN 8:47 | निङ्वाॽफुमाङ्ङिल्ले़ कुमनाहाॽरे़ खुने़ॽ पाःत्तुबा पाःन्निन् मे़घे़प्सुॽरो॥ खिनिॽग निङ्वाॽफुमाङ्ङिल्ले़ कुमना मे़ःन्निङ्लो, खे़ल्ले़ चोगुल्ले़ए खिनिॽ कुबाःन्निन् के़ङ्घे़प्सुम्मिन्लो॥” |
| 26508 | JHN 8:58 | ये़सुरे़ खे़ङ्हाॽ मे़त्तुसि, “हे़क्केःल्ले़ इङ्गाॽ से़क्खाए मे़त्निङ्लो, अब्राहाम्मिन् सावाःन्छिङ्मानुःल्ले़ तगिआङ्धोए इङ्गाॽ वाॽआरो॥” |
| 26557 | JHN 10:7 | खे़ल्ले़ चोगुल्ले़ याम्मो ये़सुरे़ खे़ङ्हाॽ मे़त्तुसि, “इङ्गाॽ से़क्खाए मे़त्निङ्लो, इङ्गाॽए मे़ल्लुक्हाॽरे़ लागि लाम्धेःप्पाआरो॥ |
| 26600 | JHN 11:8 | कर खे़ङ्हाॽरे़ खुने़ॽ मे़मे़त्तु, “सिक्साम्बे, खे़त्थोग यहुदिहाॽरे़ कुभा ये़न् तगि लुङ्ङिल्ले़ ले़प्मा से़प्मा के़म्गोःत्ते़आङ्वये़, हे़क्केसाङ् खे़ने़ॽ याम्मो खे़त्थोए पेःक्मा निङ्वाॽ के़जोगुबि?” |
| 26764 | JHN 14:27 | इङ्गाॽ सनारुङ्ङिन् खिनिॽनु पक्थाङ्लो, आसनारुङ्ङिन् खिनिॽ पिनिङ्लो॥ कङ्ग इक्सादिङ् खाम्बेःक्माल्ले़ के़बिरिबा हे़क्केग मे़बिनिङ्ङिन्लो॥ खिनिॽ निङ्साम्मो मे़ध्ये़म्मिन्ने़ॽ हे़क्क्याङ् मे़गिसे़म्मिन्ने़ॽओ॥ |
| 26796 | JHN 16:1 | ये़सुरे़ आल्लसाङ्मे़त्तुसि, “याप्मि नसाःन् चोःक्मा के़न्ले़रुम्मिन्ल फाॽआङ् तगिसा कन् पाःन्हाॽ मे़त्निङ्ल पत्तारो॥ |
| 26918 | JHN 19:24 | खे़ल्ले़ चोगुल्ले़ खे़ङ्हाॽ अक्खे मे़मे़त्छिङ्, “कङ्ग आनिॽ थे़ःक्खुम् मे़ःन्लो, कर तॽयाःन्सोःन्के़ःसुम्लो॥ आत्तिल्ले़ कुलक्को थाः, हाराॽ खे़ल्ले़ए खे़न् तेॽरुनिरो॥” कन् पाःन्निङ्ग साम्योसाप्लाओ अक्खेलॽरिक् खे़ङ्हाॽरे़ इङ्गाॽ आजाङ्हाॽ मे़हाःत्छिङ्लो, हे़क्क्याङ् आदेःत्तिन् तॽयानःन्सोःन् मे़गे़सुॽरो लॽरिक् साप्ते़आङ् के़बप्पे़न्के़रे़बारो॥ हे़क्केलॽरिक् थक्सुबाहाॽरे़आङ् बा हे़क्केए मे़जोगुरो॥ |
| 26962 | JHN 20:26 | ये़त्छि ये़न् एगाङ् हुॽसाम्बाहाॽ याम्मो हिम् सिगाङ् मे़जुप्से़आङ् मे़युङे़॥ कन्ये़म्मो थोमाःन्नाङ्वये़, लाम्धेःप्पे़न्सिगाङ्लाम् मे़सुबुआङ् पत्छे़साङ् खुनिॽ लुम्मोए ये़सुःन् थाःम्सिङ्ल, “सनारुङ् के़घोःसुम्लरो” मे़त्तुसि॥ |
| 27032 | ACT 2:14 | कर पत्रुसे़न् वेॽ थिक्-थिक् (११) सेःक्युक्मिबाहाॽनु ये़म्सिङ्ङाङ् यम्बा इक्लाओ काक्ले़ मे़घे़प्सुर मे़त्तुसि, “यहुदियालाम् के़दाःबा यहुदि तेःङ्जुम्हाॽ नु यरुसले़म्मो के़युङ्बासे, कन् थे पोःक्खे़बा फाॽआङ् मे़त्निङ्लो, आबाःन्निन् खे़प्से़म्मे़ॽओ! |
| 27382 | ACT 11:6 | खे़प्मो इक्साओबा काक् परिक्पा चामा मे़न्नुॽमनाबा के़सःन्छिङ्बा, ताम्भुङ् नु हिम्थक्साहाॽ हे़क्क्याङ् पुसाहाॽ मे़यागे़बा निःसुङ्सिङ्॥ |
| 27813 | ACT 23:11 | बा खे़न् से़न्दिक् पावलरे़ कुबेसाङ् दाङ्बे़न् ओसेःन्धाक्सिङ्ङाङ् अक्खे मे़त्तु, “पावलए, खे़ने़ॽ हाङ्हाङ् मे़त्छिङ्ङे़ॽओ, थेआङ्भे़ल्ले़ अक्खेलॽरिक् कन् यरुसले़म्मो इङ्गाॽ आयाःम्बेओ तोःन्दि के़बिरुबा कुइसिःक् रोम लाजेॽओआङ् तोःन्दि के़बिरुर पोःङ्लो॥” |
| 27901 | ACT 26:10 | यरुसले़म्मो बा हे़क्केए चोगुङ्लो॥ तुम्निङ्वाॽफुसाम्बाहाॽरोलाम् युक् खोःसुङ्ङाङ् निङ्वाॽफुमाङ्ङिल्ले़ कुमनाहाॽ पुङ्लाहिम्मो थे़क्तुङ्सिङ्, हे़क्क्याङ् सिःमे़ल्ले़ खुम्दिङ् मे़बिरुसिल्ले़ इङ्गाॽआङ् ते़न्दिङ् पिरुङ्सिङ्लो॥ |
| 27913 | ACT 26:22 | कर आइन् थारिक् निङ्वाॽफुमाङ्ङिल्ले़ कुभाॽ पिराङ्ङाङ् वाॽआ॥ हे़क्केःल्ले़ए इङ्गाॽ चुक्पा यम्बा के़रे़क्ले़ खुनिॽ तगि ये़प्माआङ् ये़सुरे़ कुयाःम्बेओ तोःन्दि पिमा सुये़म् खोःसुङ्ङाङ् वाॽआरो॥ मोसा हे़क्क्याङ् वेॽ माङ्निङ्वाॽपाःन् के़बाःप्पाहाॽरे़ ताःन्दि पोःङ् लॽरिक् मे़बाःत्तुबान्नाङ्धो, वेॽ थेआङ् इङ्गाॽ मे़म्बाःत्ते वाॽआरो॥ |
| 27922 | ACT 26:31 | खे़प्मोलाम् लाःक्कात् मे़लःन्दे़र मे़बत्छे़ल्ले़ खे़ङ्हाॽ अक्खे मे़मे़त्छिङ्लो, “कन् मनाःल्ले़ग पुङ्लाधाबा पोःङ्मा नु सिःमे़ल्ले़न् खुम्दिङ् खोःमाग थेआङ् याःम्बक् मे़म्भेःन्ने वाॽरो॥” |
| 27945 | ACT 27:22 | कर आल्ल हाङ्हाङ् लॽरे़म्मे़ॽ फाॽआङ् पेलि फाक्निङ्लो, थेआङ्भे़ल्ले़ आनिॽग लत्थिक्काङ् आन्छिःने़न्लो, कर कन् वालाधाःन्लक् इम्मोःक् पोःङ्लो॥ |
| 27973 | ACT 28:6 | आल्ल पावले़न् थङ्दुआङ् हर्गुप् चोःन्नाङ् सिःॽ लॽरिक् निङ्वाॽ मे़इःत्तुआङ् मनाहाॽरे़ मे़हाङ्घुरो॥ यरिक् ये़म् मे़हाङ्घुसाङ् खुने़ॽ थे़माआङ् मे़बोःक्खे़म्बा मे़निःसुआङ् खुनिॽ निङ्वाॽइन्मे़ले़क्खुर अक्खे मे़मे़त्छिङ्लो, “कङ्ग से़क्खासाङ् माङ्लो॥” |
| 28027 | ROM 1:29 | खे़ङ्हाॽ काक् परिक्पा कुइभे़म्मा, फे़न् निङ्वाॽ, खिःम्मा हे़क्क्याङ् चिःत्छिङ्मा, नाहे़म्मा, मना से़प्मा, खेमा थक्मा, इङ्ले़क्मा, मनाहाॽरे़ खुनिॽ निङ्वाॽ तुक्ल चोःक्मा पाःन्हाॽरक् मे़इःत्तुॽरो॥ हे़क्क्याङ् खे़ङ्हाॽ मना के़जे़ङ्बा, |
| 28043 | ROM 2:13 | थेआङ्भे़ल्ले़ साम्योथिम्मिन् खे़म्माआङ्लक् निङ्वाॽफुमाङ्ङिल्ले़ कुनिःमाओ साम्योनिबा आम्बोःङ्ने़न्, कर साम्योथिम्मिन् के़इःप्पा के़नाःप्पाहाॽरक् निङ्वाॽफुमाङ्ङिल्ले़ साम्योनिबा आलेःत्लो॥ |
| 28097 | ROM 4:7 | “लायोलाम् ले़प्मि के़घोःबाहाॽ, खुनिॽ लायोःन् ते़प्ते़आङ्के़वाॽबाहाॽग, मुॽइसाबासिरो॥ |
| 28256 | ROM 9:33 | कङ्ग साम्योसाप्लाओ अक्खेलॽरिक् साप्ते़बा कुइसिःक् पोःक्खे़रो, “ओमे़त्ते़म्मे़ॽ, इङ्गाॽ यरुसले़म्मो मनाहाॽ मे़दोःक्ल फाॽआङ् मना के़घःबा लुङ्ङिन् ने़स्सुङ्लो, हे़क्क्याङ् मे़ले़ःङ्ङाङ् मे़गे़ङ्ल फाॽआङ् लुङ्जे़क् ने़स्सुङ्लो, कर खुने़ॽ सम्दाङ् नसाःन् के़जोःक्पाङ्ग आप्फाल्ले़आङ् सिरिङ् मःमो मे़धाने़न्लो॥” |
| 28729 | 1CO 12:27 | आल्ल खिनिॽग ख्रिस्तरे़ नासिङ्गे़न् कुधक्निङ्लो, हे़क्क्याङ् खिनिॽ के़रे़क् कुधक्किल्ले़ कुयाम्लक्निङ्लो॥ |
| 28735 | 1CO 13:2 | इङ्गाॽ माङ्निङ्वाॽपाःन् पाःप्मा पर्धाःम् कत्तुङ्साङ्, के़रे़क् सिगाङ् पाःन्हाॽ नु के़रे़क् ने़हिनिङ्वाॽ कुसिङ्निःप्मा सुक्तुङ्साङ्, हे़क्क्याङ् कोःक्मा फाङ्जङ्हाॽ चप्मा नसाःन् कत्तुङ्साङ्, इङ्गाॽ वेॽहाॽ लुङ्माॽ मे़दुक्तुङ्सिङ्ङिन्ने़ फाॽग्र इङ्गाॽग थेआङ् मे़ःन्नारो॥ |
| 28736 | 1CO 13:3 | इङ्गाॽ के़रे़क् आयाङ्साकुन्धेःन् याङ्गे़साॽबाहाॽ हाःत्तुङ्सिङ्साङ्, नासिङ्गे़न् आधक्किन् मिहाक्को याक्तुङ्साङ्, इङ्गाॽ वेॽहाॽ लुङ्माॽ मे़दुक्तुङ्सिङ्ङिन्ने़ फाॽग्र थेआङ् इन्धाःङ् मे़घोःसुङ्ङिन्लो॥ |
| 28738 | 1CO 13:5 | मिःम्जिःङ्ग मे़हे़न्छिङ्ङिन्, आबाङे इन्धाःङ् नु आबाङे पाःन्लक् मे़गोःत्तुन्॥ मिःम्जिःङ्ग हारा कुसिक् मे़बोःक्ने़न्, फे़न्पाःन्हाॽ निङ्वाॽबो मे़युक्खुन्॥ |
| 28779 | 1CO 14:33 | थेआङ्भे़ल्ले़ निङ्वाॽफुमाङ्ङिङ्ग ये़मे़न्दङ्मे़ःन्, कर सनारुङ्ले़न् निङ्वाॽफुमाङ्लो॥ के़रे़क् सेसे मनाहाॽरे़ के़रे़क् खुनिॽ सेसेहुप्लक्कोबा चोःक्थिम् कुइसिःक् |
| 28834 | 1CO 15:48 | इक्साबा मनाहाॽ खाम्मिल्ले़ के़बोःङ्बा मनाःन् हे़क्तङ्बासिरो, हे़क्केलॽरिक्के साङ्ग्राम्पेदाङ्बा मनाहाॽ साङ्ग्राम्पेदाङ्लाम् के़युःबा मनाःन् हे़क्तङ्बासिरो॥ |
| 28859 | 1CO 16:15 | स्तिफनसे़न् नु खुने़ॽ कुहिम्सयङ्हाॽ कुसिङ् के़निःत्तुम्सिम्लो॥ खे़ङ्हाॽग अक्खैया थुम्मोबा के़रे़क्नुःल्ले़ तगि नसाःन् के़जोःक्पासिरो॥ हे़क्क्याङ् नसानिबाहाॽ कुभाॽ पिमासिओ आबाङे मे़बिसिङ्ङाङ् मे़वाॽरो॥ आमिःम् फुॽनुसाॽ नु ने़ॽनुसाॽसे, अक्खेलॽरिक् पेलि फाक्निङ्लो, |
| 28861 | 1CO 16:17 | कप्मो स्तिफनस, फोर्तुनातस नु अक्खैकससि मे़गे़रे़ मे़द्ये़ल्ले़ इङ्गाॽ पसःत्सःत्ताङ्लो, थेआङ्भे़ल्ले़ खे़ङ्हाॽरे़ग खिनिॽ के़होःप्तिल्ले़ इङ्गाॽ चाहाबा चोगाङ्बा के़रे़क् पाःन्हाॽ मे़बिराङ्ङाङ् मे़वाॽरो॥ |
| 29051 | 2CO 10:12 | आबाङे इङ्गाॽएःक् के़लॽबाहाॽनु आनिगे़ तङ्सिङ्मा मे़आःन्नासिगे़न्लो॥ खे़ङ्हाॽ आबाङे के़दम्बा मे़ले़ङ्सिङ्ङाङ् मे़हे़न्छिङ्लो, कर खे़ङ्हाॽरे़ थेआङ् खासिङ् मे़न्निःत्तुन्लो! |
| 29095 | 2CO 12:5 | इङ्गाॽग अक्तङ्बा मनाःल्ले़ कुयाःम्बेओने़ चम्सिङ्ङारो, कर इङ्गाॽ के़धुम्बा मे़जोःक्कान् लॽरिक् ओसेःन्दाङ् के़जोःक्पा पाःन्नुःल्ले़ वेॽ आबाङे आयाःम्बेओ मे़जम्सिङ्ङान्लो॥ |
| 29101 | 2CO 12:11 | इङ्गाॽग अदङ् कुइसिःक् पोःक्खाङ्लो, कर खिनिॽए इङ्गाॽ हे़क्के चोःक्मा याप्मि के़बाङ्घिरो॥ से़क्खाःल्ले़ खिनिॽ इङ्गाॽ आयाःम्बेओ नुःबा पाःन् पाःप्मा के़बोःङ्बा वये़, थेआङ्भे़ल्ले़ इङ्गाॽग थेआङ् मे़ःन्नाॽसाङ् यम्बा फाॽआङ् मे़इःत्तुसिबा सेःक्युक्मिबाहाॽनुःल्ले़ चुक्सा मे़जोःक्कान्लो॥ |
| 29144 | GAL 1:20 | निङ्वाॽफुमाङ्ङिल्ले़ कुनिःमाओ से़क्खा पाःन् मे़त्निङ्लो, इङ्गाॽ साप्तुङ्बा पाःन्हाॽ इङ्ले़क् मे़ःन्लो॥ |
| 29210 | GAL 4:12 | फुॽनुसाॽ नु ने़ॽनुसाॽसे, खे़न् पाःन्हाॽलाम् इङ्गाॽ कुइसिःक् खिनिॽआङ् चोःक्युम्भोबा पोःक्खे़म्मे़ॽ फाॽआङ् पेलि फाक्निङ्लो, थेआङ्भे़ल्ले़ तगि इङ्गाॽग खिनिॽ हे़क्के साम्यो साक्थिम्हाॽ इःप्मा नाःप्मालाम् चोःक्युम्भोबा पोःक्खाङ्ङाङ् वयाङ्लो॥ खिनिॽग इङ्गाॽ थेआङ् ताप्फे़ःल्लिक् याप्मि के़म्मे़त्तिन्लो॥ |
| 29416 | EPH 6:12 | थेआङ्भे़ल्ले़ आनिॽ थङ्ङिङ्ग मे़न्छाम् याप्मिनु मे़ःन्, कर हाङ्गे़जोःक्पाहाॽ, युक्दाङ्बाहाॽ, कन् खागे़माक्पा खाम्बेःक्कोबा मुक्साम्हाॽ हे़क्क्याङ् ताङ्साक्पाओबा काक् फे़न्साम्हाॽनु थक्मनाबा थङ्लो॥ |
| 29483 | PHP 2:25 | कर आल्लोग इपाफ्रोदितसे़न् खिनिॽओ याङ्ना पाङ्मा के़ये़क्पा निःसुङ्लो॥ आन्छिगे़ सोरिक्माङ्सेवा याःम्बक्चोगुसिगे़, हे़क्क्याङ्सुनाइङ्से़ःमा थङ्ङिन्नाङ्सोसोरिक्थक्ते़सिगे़॥ खुने़ॽग इङ्गाॽ कुभाॽ पिसे़ के़बाङ्घुम्बा खिनिॽ इङ्साबारो॥ |
| 29557 | COL 1:25 | इङ्गाॽ सेसेहुप्लक्ले़न् सेवारोबा पोःक्खाङ्लो, थेआङ्भे़ल्ले़ निङ्वाॽफु पाःन्जाक्किन् काक् कुधिम्मो खिनिॽओ इङ्भोःसे़ निङ्वाॽफुमाङ्ङिल्ले़ इङ्गाॽ सेःक्युक् चोगाङ्ङाङ् वाॽआरो |
| 29558 | COL 1:26 | कन् सिबिॽ पाःन्हाॽग उनाहुरिआङ्धो पेबा मे़न्छाम् थाःक्हाॽओ चिक्खुआङ्वये़, कर आल्लो निङ्वाॽफुमाङ्ङिल्ले़ सेसे कुमनाहाॽ ओःन्धाक्तुसिआङ् वाॽरो॥ |
| 29596 | COL 3:12 | हे़क्केःल्ले़ निङ्वाॽफुमाङ्ङिल्ले़ सेगुसिबा मनाहाॽ, सेसे नु साॽरिक् लुङ्माॽ तुक्तुसिबाहाॽरे़, लुङ्दुक्किन्, लुङ्माॽ तुक्सिङ्मान्, नोनिङ्वाॽइन्, चुङ्जिगे़न् नःम्नःम् लॽमान्नु नासि थःप्मान् चाङ् कुइसिःक् चाक्सिङ्मा पोःङ्लो॥ |
| 29610 | COL 4:1 | सेवारोबाल्ले़ कुन्दाङ्बासे, खिनिॽ सेवारोबाहाॽ नुःरिक् मे़त्ते़म्सिम्मे़ॽओ, थेआङ्भे़ल्ले़ साङ्ग्राम्पेदाङ्ङो खिनिॽआङ् दाङ्बाधिक् के़गत्तुम् के़लॽबा पाःन्निन् निङ्वाॽ मे़भेःत्छे़म्मिन्ने़ॽओ॥ |
| 29647 | 1TH 2:10 | आनिगे़ग खिनिॽ नसाःन् के़जोःक्पाहाॽनु आक्खेन्सेसे, साम्योनिबा नु फोत्या मे़ःन्नेबा ये़प्ले़क्को वयिगे़ लॽरिक् के़निःबाग निङ्वाॽफुमाङ्ङिन् नु खिनिॽ के़वयिॽरो॥ |
| 29776 | 1TI 1:13 | इङ्गाॽ पेये़म्मोग निङ्वाॽफुमाङ्ङिल्ले़ कुदक्ले़ङ्वाओ माङ्चे़ॽया पाःन् पाराङ्, कुमनाहाॽ तुक्खे चाःत्तुङ्सिङ् हे़क्क्याङ् कुजाःत्थि तेःसुङ्॥ हे़क्केसाङ् खुने़ॽ लुङ्माॽ तुक्ताङ्लो, थेआङ्भे़ल्ले़ इङ्गाॽ खुने़ॽ नसाःन् मे़न्जोःक्के वयाङ्बाल्ले़ चोगुल्ले़ थे चोगुङ्ल पत्छाङ् थेआङ् मे़न्निःबान्लो॥ |
| 29777 | 1TI 1:14 | आनिॽ यहवे दाङ्बाल्ले़ग साॽरिक्लुङ्माॽ तुक्ताङ्लो, हे़क्क्याङ् ख्रिस्त ये़सुओ खोगे़दे़प्पा नसाःन् नु मिःम्जिन् आत्तात्तान्ने यरिक् पिराङ्लो॥ |
| 29814 | 1TI 3:16 | आनिॽ साम्योरे़ सिगाङ् पाःन्निङ्ग पयम् यम्बा चोःक् फाॽआङ् आनिॽ ते़न्दिङ् आजोगुम्लो– निङ्वाॽफुमाङ्ङिन् आप्फेःक् नासिङ्गे़न् थक्को थाःम्सिङ्लो, सेसेमाङ्लाम् खुने़ॽ साम्योनिबा फाॽआङ् ओसेःन्दाङ्पोःक्खे़रो, माङ्लाइङ्बाहाॽरे़ खुने़ॽ मे़निःसुरो, मे़न्छाम् सुवाङ्हाॽरे़ खुनिॽ लुम्मो खुने़ॽ इङ्भोःसे़रो, इक्सादिङ् खाम्बेःक्मो खुने़ॽ नसाःन् मे़जोगुरो, मिमिदिङ्ङो खुने़ॽ थाःङ् पङ्सिङ् पेरो! |
| 29898 | 2TI 2:4 | थक्सुबा तुराओ के़याक्पा आत्तिन् थक्सुबान्नाङ् हिम् याःम्बक्को मे़हम्सिङ्ङिन्, कर खे़ल्ले़ग खुने़ॽ कुधक्तुम्बाल्ले़ कुनिङ्वाॽ ताःमा निङ्वाॽ चोगुॽरो॥ |
| 29922 | 2TI 3:2 | खे़न् ये़म्मोबा मनाहाॽग आप्फेःक्लक् मिःम्जि के़मे़त्छिङ्बा, याङ्साकुन्धेरक् मिःम्जि के़मे़प्पा नु आप्फेःक्लक् यम्बासिगे़ फाॽआङ् निङ्वाॽ के़इःप्पा, आङ्दिङ् के़लॽबा हे़क्क्याङ् मना चाःत्थि के़देःबा मे़बोःङ्लो॥ खे़ङ्हाॽग पा माहाॽरे़ खुनिॽ पाःन्नो मे़म्बप्मनाबा, ओबे़ के़जोगु के़बिराङ्बे़ फाॽआङ् निङ्वाॽ मे़न्इःप्मनाबा, हे़क्क्याङ् साम्यो मे़न्इःप्मनाबा आजिःन्जिःम्बा मे़बोःङ्लो॥ |
| 29928 | 2TI 3:8 | जेन्नस नु जेम्ब्रससिरे़ मोसाःन् मे़अत्तुबा कुइसिःक् खे़न् मनाहाॽरे़ से़क्खाःन् मे़अत्तुरो॥ खे़न् मनाहाॽ फे़न्निङ्वाॽबासिरो, हे़क्क्याङ् खुनिॽ नसाःन्निन् से़क्खाबा मे़जोःक्ने़न्॥ |
| 29944 | 2TI 4:7 | इङ्गाॽग आसुक्सुक् नुःरिक्काङ् नसाःन्ले़न् थङ् थक्ताङ्ङाङ्, आलोःक्मान् सुरुङ्ङाङ् वाॽआ हे़क्क्याङ् नसाःन्निन् मे़म्माए कत्तुङ्ङाङ् वाॽआरो॥ |
| 29953 | 2TI 4:16 | थिक्सिगेःक्पो इङ्गाॽ खासे़न्लोबाल्लो मे़दाराङ्ङिल्ले़ आत्तिन्हाॽरे़आङ् याप्मि कुभाॽ मे़म्बिराङ्ङिन्, कर के़रे़क्ले़ इङ्गाॽ मे़ले़राङ्ङाङ्मे़बेरो॥ कन् पाःन्नो निङ्वाॽफुमाङ्ङिल्ले़ खुनिॽ तक्ले़ङ्वाओ खासे़न् मे़जोगुन्निरो॥ |
| 29999 | TIT 3:9 | कर अदङ् पाःन्धङ्हाॽ, केःम् केःम्बा मिङ्स्राहाॽरे़न् पाःन्धङ्हाॽलाम् लाःत्लाःत् वये़म्मे़ॽओ, हे़क्क्याङ् मोसारे़ कुसाम्योथिम्मिल्ले़ कुयाःम्बेओ खे़माॽ मे़जोगे़म्मिन्ने़ॽओ, थेआङ्भे़ल्ले़ कङ्ग ओगप् मे़म्बोःङ्मना नु इन्धाःङ् मे़ःन्नेबा पाःन्लो॥ |
| 30055 | HEB 2:11 | मनाहाॽ लायोलाम् सेसे के़जोःक्पा ये़सुःन् नु सेसे के़बोःङ्बाहाॽग लत्थिक् हिम्सयङ्सिरो, खे़ल्ले़ चोगुल्ले़ खे़ङ्हाॽ आन्साॽसि मे़प्मासि खुने़ॽ मे़नुःन्ने़न्लो॥ |
| 30188 | HEB 9:16 | थेआङ्भे़ल्ले़ इङ्गाॽ सिःआल्ले़ आयाङ्साकुन्धेःन्खुने़ॽ खोःसुॽ फाॽआङ् चोगुबा साप्ला मुन्धेःङ्ग, खे़न् साप्ला मुन्धे के़साप्पा मनाःन् स्ये़ के़लॽबा पर्माङ्गि पोःङ्ङाङ्लक् से़क्खा पोःङ्लो॥ |
| 30237 | HEB 10:37 | साम्योसाप्लाःल्ले़ पाःत्तुॽ, “आक्खो सप्माआङ् के़दाःबार के़बप्पे़न्ताःएरो, हे़क्क्याङ् खुने़ॽ मे़सुःने़न्लो॥ |
| 30313 | HEB 13:5 | याङ्साकुन्धे थक्माओ स्याङ्पे़न्दाङ् मे़बत्छे़म्मिन्ने़ॽओ, कर के़गत्तुम्बा पाःन्हाॽओए खिनिॽ निङ्वाॽ तासे़म्मे़ॽओ, थेआङ्भे़ल्ले़ निङ्वाॽफुमाङ्ङिल्ले़ पाःत्तुआङ् वाॽ, “इङ्गाॽ आप्फाल्ले़आङ् मे़ले़त्निङ्ङिन्, आप्फाल्ले़आङ् मे़नाॽनिङ्ङिन्लो॥” |
| 30415 | JAS 4:11 | फुॽनुसाॽ नु ने़ॽनुसाॽसे, वेॽहाॽरे़ तक्ले़ङ्वाओ ताप्फे़ःम्बा पाःन् मे़बारे़म्मिन्ने़ॽओ॥ आत्तिन् कुन्साॽरे़ कुदक्ले़ङ्वाओ ताप्फे़ःम्बा फे़न् पाःन् पाःत् इग्र आत्तिल्ले़ कुन्साॽ आप्तिक्कुःत्तुॽ, खे़ङ्ग साम्योथिम्मिल्ले़ कुदक्ले़ङ्वाओ पाःत्ताङ् साम्योथिम्मिन् खासे़न् लोःन्दुॽरो॥ आल्ल साम्योथिम्मिन् खासे़न् के़लोःन्दुॽने़ फाॽग्र, साम्योथिम् के़इःप्पा के़नाःप्पा मे़ःन्, कर साम्योथिम्मिल्ले़न् खासे़न्लोःम्बा के़बोःङ्लो॥ |
| 30445 | 1PE 1:4 | हे़क्क्याङ् निङ्वाॽफुमाङ्ङिल्ले़ साङ्ग्राम्पेदाङ्ङो आप्फाल्ले़आङ् आसुत्थो मे़म्बोःङ्मना, इमे़ल्ले़म्मना मे़म्बेःक्मनाबा नु मे़न्यःप्मना मे़न्गिःमना इमे़ल्लुङ्बा लक् आनिॽ लागि युक्खुआङ् वाॽरो॥ |
| 30472 | 1PE 2:6 | थेआङ्भे़ल्ले़ साम्योसाप्लाओ अक्खेलॽरिक् साप्ते़आङ् पत्, “ओमे़त्ते़म्मे़ॽओ, इङ्गाॽ सेःक्मनाबा नु इमे़ल्लुङ्बा कुम्मालुङ्ङिन् यरुसले़म्मो ने़स्सुङ्लो, हे़क्क्याङ् खुने़ॽ सम्दाङ् नसाःन् के़जोःक्पाङ्ग आप्फाल्ले़आङ् सिरिङ् मःमो मे़धाने़न्लो॥” |
| 30512 | 1PE 3:21 | कन् वादोःक्किले़न् च्वाःत्तिङ्ग ताङ्गे़से़ःप्तिबा बप्तिस्माल्ले़ कुबि हे़क्तङ्बारो, कङ्ग थक्कोलाम् माक्ख्रक्किन् वागे़हप्तुम्बा हे़क्केग मे़ःन्, कर सेसे खासिङ्लाम्बा निङ्वाॽफुमाङ्ङो चोःक्मनाबा माङ्हे़क्लो॥ हे़क्क्याङ् खे़न् सेसे खासिङ्ङिङ्ग ये़सु ख्रिस्ते़न्सिःमे़न्लाम् याम्मो हिङे़बालाम् ताःरो॥ |
| 30553 | 2PE 1:7 | साप्चुवाओ फुॽनुसाॽ लुङ्माॽ तुक्सिङ्मान्, हे़क्क्याङ् फुॽनुसाॽ लुङ्माॽ तुक्सिङ्मो मिःम्जिन् योॽरे़म्मे़ॽओ॥ |
| 30713 | 2JN 1:1 | इङ्गाॽ सेसेहुप्लक्कोबा तुम्लाम्लोःबाल्ले़ सेःक्मनामा तुम्म्याङ्हाङ्मा नु कुस्साःहाॽ कन् सक्इङ्घङ्ङिन्हाक्निङ्लो॥ इङ्गाॽ से़क्खाए मिःम्जि मे़त्निङ्लो, हे़क्क्याङ् से़क्खाःन् कुसिङ् के़निःप्पा के़रे़क्ले़आङ् मिःम्जि के़म्मे़त्तिॽरो॥ |
| 30768 | REV 1:3 | कप्मो के़बप्पा माङ्निङ्वाॽपाःन् के़निःप्पे़न्मुॽइसाबारो, हे़क्क्याङ् खे़न् के़घे़म्बाहाॽ नु खे़प्मो के़बप्पा पाःन्हाॽ के़इःप्पा के़नाःप्पाहाॽग मुॽइसाबासिरो, थेआङ्भे़ल्ले़ आल्ल कन् काक् पाःन्हाॽ पोःङ्मा ये़म् निःत्ताङ्ङे वाॽरो॥ |
| 30856 | REV 5:9 | हे़क्क्याङ् खे़ङ्हाॽरे़ अक्खेलॽरिक् कुसङ् साम्लोधिक् साम्मे़मे़त्तुरो, “खे़ने़ॽग साप्कित्तिन् पङ्माआङ् खे़प्मो के़बप्पा कुएःप्साप्हाॽ अङ्मा सुम्बोधासाबा के़जोःक्लो, थेआङ्भे़ल्ले़ खे़ने़ॽग के़म्से़रे़ हे़क्क्याङ् निङ्वाॽफुमाङ्ङिल्ले़ कुलागि के़रे़क् मे़न्छाम् सुवाङ्हाॽ, के़रे़क् पाःन्दाङ्हाॽ, हे़क्क्याङ् के़रे़क् लाजेहाॽलाम् मनाहाॽ खे़ने़ॽ के़माक्खिॽइल्ले़ के़धे़ॽरुसिरो, |
| 30860 | REV 5:13 | हे़क्क्याङ् इङ्गाॽ साङ्ग्राम्पेदाङ्बा, इक्सादिङ् खाम्बेःक्मोबा नु इक्सादिङ् खाम्बेःक् सिगाङ्बा, हे़क्क्याङ् वाहङ्ङोबा के़रे़क् पाथुङ्साहाॽ अक्खेलॽरिक् साम्मे़लोरे़बा खे़प्सुङ्लो, “हाङ्युक्नाओ के़युङ्बान् नु मे़ल्लुक्साःल्ले़ कुनारा फोःमान्, मिङ्सो इङ्धाःङ्, मिमिदिङ् नु मुक्साम् सदादिङ् सदादिङ् पोःङ्लरो!” |
| 30876 | REV 6:15 | हे़क्क्याङ् इक्सादिङ् खाम्बेःक्मोबा हाङ्हाॽ, हाङ्युक्पाहाॽ, थक्लिहाङ्हाॽ, याङ्साकुन्धेसाबाहाॽ, के़धुम्बा मुक्के़गुबाहाॽ, हे़क्क्याङ् काक् योःक्पाहाॽ नु चोःक्युम्भोबाहाॽ के़रे़क् कोःक्माओबा फुक्कुहाॽ नु याक्केःक्हाॽओ मे़जिङ्सिङ्लो॥ |
| 30887 | REV 7:9 | कन् एगाङ् खे़प्मो आत्तात्तान्ने निःप्मा सुक्मे़न्दे़प्मना मनाहाॽ, के़रे़क् लाजेॽहाॽ, के़रे़क् मे़न्छाम् सुवाङ्हाॽ, हे़क्क्याङ् के़रे़क् पाःन्दाङ्हाॽलाम्, हाङ्युक्नाःन् नु मे़ल्लुक्साःल्ले़ कुदगि कब्रिङ् मे़ये़बे़बा निःसुङ्सिङ्॥ खे़ङ्हाॽरे़ फःदाङ्बा तेःत् मे़जाक्खुआङ् खुनिॽ हुक्को खे़बक्सिङ्ङिल्ले़ कुबोराःक्हाॽ मे़बक्खुआङ् मे़ये़बे़॥ |
| 30908 | REV 8:13 | हे़क्क्याङ् इङ्गाॽ थाःङ् ओमे़त्तुङ्ङिल्ले़ ताङ्साक्पो के़बे़बार के़बप्पा मुयाधिक् यम्बा इक्लाओ अक्खेलॽरिक् अःक्ते़बा खे़प्सुङ्लो, “इक्सादिङ् खाम्बेःक्मो के़वाॽबाहाॽओ तुक्खे, तुक्खे, तुक्खेरो, थेआङ्भे़ल्ले़ आल्ल वेॽस्मा सुम्सि माङ्लाइङ्बाहाॽरे़ खुनिॽ थुत्थुरिःप्पे़न्मुःप्मा ये़म् त्ये़आङ् वाॽरो॥” |
| 30949 | REV 11:9 | हे़क्क्याङ् ये़न् सुम्सिआङ् ले़न्जो थारिक् के़रे़क् मे़न्छाम् सुवाङ्हाॽ, के़रे़क् पाःन्दाङ्हाॽ, हे़क्क्याङ् के़रे़क् लाजेॽहाॽलाम् मनाहाॽरे़ खुन्छिॽ चेहाॽ ओमे़मे़त्तुसाङ् इप्पुङ्ङो लुप्माग मे़म्बाङ्घुन्छिन्लो॥ |
| 30984 | REV 13:7 | हे़क्क्याङ् खे़न् थक्साःल्ले़ निङ्वाॽफुमाङ्ङिल्ले़ सेसे कुमनाहाॽरे़ खुनिॽ तक्ले़ङ्वाओ थङ् चोःक्माआङ् नाःम्मासि युक् खोःसुरो॥ हे़क्क्याङ् याम्मो खे़न् थक्साःल्ले़ इक्सादिङ् खाम्बेःक्मोबा के़रे़क् मे़न्छाम् सुवाङ्हाॽ, के़रे़क् पाःन्दाङ्हाॽ, हे़क्क्याङ् के़रे़क् लाजेॽहाॽ सम्दाङ् युक् चोःक्मा खोःसुरो॥ |
| 31001 | REV 14:6 | हे़क्क्याङ् इङ्गाॽ ताङ्साक्पो वेॽस्मा माङ्लाइङ्बाधिक् पे़रे़र पत्छे़बा निःसुङ्लो॥ खे़ल्ले़ इक्सादिङ् खाम्बेःक्मो के़वाॽबा के़रे़क् मे़न्छाम् सुवाङ्हाॽ, के़रे़क् पाःन्दाङ्हाॽ, हे़क्क्याङ् के़रे़क् लाजेॽहाॽओ मे़न्नुप्मनाबा सुनाइङ् इङ्भन् चोःक्मा कत्तुरो॥ |