| 23275 | MAT 3:14 | कर युहुन्नारे़ अत्तुर खुने़ॽ अक्खे मे़त्तु, “इङ्गाॽने़ खे़ने़ॽनु बप्तिस्मा पोःङ्मा के़बोःङ्बा, आक्खेलॽरिक् खे़ने़ॽ इङ्गाॽओ के़द्ये़बाबे?” |
| 23443 | MAT 8:29 | खे़ङ्हाॽ अक्खेलॽरिक् अःक्ते़त्छि, “निङ्वाॽफुसाःए, खे़ने़ॽ आन्छिगे़नु थे के़गोःत्तुबाबे? खासे़न् ये़म्मिन्ने मे़न्दाए आन्छिगे़ तुक्खे चाःत्छे़ कप्मो के़द्ये़बाबि?” |
| 23847 | MAT 19:16 | आल्ल मनाधिक् ये़सुरो फे़रे़आङ् सेःन्दोसु, “सिक्साम्बे, आक्तङ्बा नुःबा याःम्बक् चोगुङ्ङिल्ले़ मे़न्नुप्मनाबा हिङ्मन् खोःसुङ्बे?” |
| 23849 | MAT 19:18 | खे़न् मनाःल्ले़ सेःन्दोसु, “आत्तिन् साम्योइङ्जाःङ्ङिन्इःत्तुङ् नाःत्तुङ्बाबे?” हे़क्क्याङ् ये़सुरे़ मे़त्तु, “मना से़प्मा मे़नुॽने़न्, चाराम्मा याःम्बक् चोःक्मा मे़नुॽने़न्, खुःम्मा मे़नुॽने़न्, इङ्ले़क् पाःप्मा मे़नुॽने़न्, |
| 23977 | MAT 22:36 | “सिक्साम्बे, साम्योथिम्मो इःप्मा नाःप्माए के़बोःङ्बा के़रे़क्नुःल्ले़ यम्बा इङ्जाःङ्ङिन् आत्तिङ्ग?” |
| 23986 | MAT 22:45 | दाउद हाङ्ङिल्ले़ए खुने़ॽ आदाङ्बे लॽरिक् मे़त्तुने़ फाॽग्र आक्खेलॽरिक् ख्रिस्ते़न्दाउदरे़ कुस्साः पोःङ्बाबे?” |
| 24145 | MAT 26:22 | हे़क्केःल्ले़ खे़ङ्हाॽ साॽरिक् निङ्साम्मो मे़ध्ये़आङ्के़रे़क्ले़ खुने़ॽ सेःन्दोःमा मे़हेःक्तु, “दाङ्बे, के़बाःत्तुबा मनाःन् इङ्गाॽबि?” |
| 24148 | MAT 26:25 | हे़क्क्याङ् से़क्खाओ खुने़ॽ इङ्ले़क् के़मे़प्पा यहुदाःल्ले़आङ् सेःन्दोसु, “सिक्साम्बे, के़बाःत्तुबा मनाःन् इङ्गाॽएबि?” ये़सुरे़ नोगप् पिरु, “खे़ने़ॽ आबाङे के़बाःत्तुरो॥” |
| 24186 | MAT 26:63 | कर ये़सुःन् मे़म्बाःत्ते ये़बे़॥ हे़क्केःल्ले़ मानिङ्वाॽफुसाम्बाल्ले़ मे़त्तु, “आजुनि निङ्वाॽफुमाङ्ङिल्ले़ कुमिङ्ङो खे़ने़ॽ इङ्जाःङ् पिने़, से़क्खाए आमे़त्ते़ॽ, खे़ने़ॽ निङ्वाॽफुमाङ्ङिल्ले़ सेःन्दुबा निङ्वाॽफुसाःने़बि?” |
| 24209 | MAT 27:11 | आल्ल ये़सुःन् रोमि सुहाङ्गे़म्बा पिलातसरे़ कुदगि ये़बे़ल्ले़ सुहाङ्गे़म्बे़ल्ले़ खुने़ॽ सेःन्दोसु, “से़क्खा खे़ने़ॽ यहुदि हाङ्ने़बि?” ये़सुरे़ नोगप् पिरु, “खे़ङ्ग खे़ने़ॽए के़बाःत्तुर के़बत्लो॥” |
| 24215 | MAT 27:17 | खे़ल्ले़ चोगुल्ले़ मनाहाॽ मे़जुप्से़आङ् मे़वये़ल्ले़ पिलातसरे़ खे़ङ्हाॽ सेःन्दोसुसि, “आत्तिन्ले़रुङ् पिनिङ् फाॽआङ् निङ्वाॽ के़इःत्तुम्माङ् के़वयिॽबे? बरब्बासे़न बि इ निङ्वाॽफुमाङ्ङिल्ले़ सेःन्दुबा ख्रिस्त मे़प्मनाबा ये़सुःन् ले़रुङ् पिनिङ्बाबि?” |
| 24220 | MAT 27:22 | पिलातसरे़ सेःन्दोसुसि, “हे़क्केने़ फाॽग्र निङ्वाॽफुमाङ्ङिल्ले़ सेःन्दुबा ख्रिस्त मे़प्मनाबा ये़सुःन् थे मे़त्तुङ्बाबे?” खे़ङ्हाॽरे़ नोगप् मे़बिरु, “सिलाम्साक्मा सिङ्सम्दाङ् फोःन्दे़ॽओ!” |
| 24361 | MRK 3:4 | हे़क्क्याङ् ये़सुरे़ खे़ङ्हाॽ सेःन्दोसुसि, “नाःम्सिङ् ये़न्नो नुःबा नु ताप्फे़ःम्बा याःम्बक्को, आत्तिन् चोःक्मा नुःबाबे? हिङ्मन् ताङ्से़ःप्माबि मे़ङ्माबि?” कर खे़न् मनाहाॽ मे़म्बाःत्ते स्वाःत् मे़युङे़रो॥ |
| 24464 | MRK 5:31 | ये़सुरे़ कुहुॽसाम्बाहाॽरे़ खुने़ॽ मे़मे़त्तु, “आदाङ्बे, अक्खेलॽरिक् मनाहाॽरे़ के़म्जन्ल के़म्भिःत्ल मे़बत्, हे़क्केःल्ले़ आक्खेलॽरिक् हाःत्ले़ सुःसाङ्बे फाॽआङ्के़बाःत्तुबाबे?” |
| 24674 | MRK 10:17 | हे़क्क्याङ् ये़सुःन् लाम्दिःक्को पेर पत्छे़ल्ले़ मनाधिक् लोःक्ते़ फे़रे़आङ् कुदगि थुङ्बोहजॽ युङ्सिङ्ङाङ् मे़त्तु, “के़नुॽबा सिक्साम्बाए, आक्तङ्बा नुःबा याःम्बक् चोगुङ्ङिल्ले़ मे़न्नुप्मनाबा हिङ्मन् खोःसुङ्बे?” |
| 24770 | MRK 12:28 | खे़प्मोबा साम्योथिम्साम्बाधिक्ले़ पाःन् मे़धक्ते़बा खे़प्सुसि॥ खे़ल्ले़ ये़सुरे़ साॽरिक् निङ्वाॽ के़दाःबा नोगप् पिरुसिबा निङ्वाॽ खोःसुआङ् ये़सुःन् सेःन्दोसु, “सिक्साम्बे, इःप्मा नाःप्माए के़बोःङ्बा के़रे़क्नुःल्ले़ यम्बा साम्योथिम् इङ्जाःङ्ङिन् आत्तिङ्ग?” |
| 24779 | MRK 12:37 | दाउद हाङ्ङिल्ले़ए खुने़ॽ आदाङ्बे मे़त्तुल्ले़ आक्खेलॽरिक् ख्रिस्ते़न्दाउदरे़ कुस्साः पोःङ्बाबे?” यरिक् मनाहाॽरे़ खुने़ॽ कुनिसाम्मिन् खुनिॽ सिराॽ थाङे़र मे़घे़प्सुरो॥ |
| 24842 | MRK 14:19 | हे़क्केःल्ले़ खे़ङ्हाॽ साॽरिक् निङ्साम्मो मे़ध्ये़आङ्के़रे़क्ले़ खुने़ॽ सेःन्दोःमा मे़हेःक्तु, “दाङ्बे, के़बाःत्तुबा मनाःन् इङ्गाॽआबि?” |
| 24897 | MRK 15:2 | पिलातसरे़ ये़सुःन् अक्खे मे़त्तुर सेःन्दोसु, “से़क्खा खे़ने़ॽ यहुदि हाङ्ने़बि?” ये़सुरे़ नोगप् पिरु, “खे़ङ्ग खे़ने़ॽए के़बाःत्तुर के़बत्लो॥” |
| 24904 | MRK 15:9 | पिलातसरे़ खे़ङ्हाॽ सेःन्दोसुसि, “यहुदि हाङ्ङिन् ले़रुङ् पिनिङ्बि?” |
| 24907 | MRK 15:12 | पिलातसरे़ खे़ङ्हाॽ याम्मो सेःन्दोसुसि, “यहुदि हाङ् के़मे़त्तुम्बा मनाःन् इङ्गाॽ थे मे़त्तुङ्बाबे?” |
| 25028 | LUK 1:66 | हे़क्क्याङ् कन् पाःन्निन् के़घे़म्बा के़रे़क्ले़ खुनिॽ निङ्वाॽ मये़आङ् खे़ङ्हाॽरे़ अक्खे मे़बाःत्तु, “आल्ल कन् अङे़ःक्वाःन् ताःन्दि थे पोःङ्बाइरो?” थेआङ्भे़ल्ले़ दाङ्बाल्ले़ कुहुक्किन् खे़न् अङे़ःक्वाःल्ले़ कुसम्दाङ् वये़रो॥ |
| 25224 | LUK 6:9 | ये़सुरे़ खे़ङ्हाॽ मे़त्तुसि, “इङ्गाॽआङ् पाःन्धिक् सेःन्दोःनिङ्लो–नाःम्सिङ् ये़न्नो नुःबा नु ताप्फे़ःम्बा याःम्बक्को, साम्योथिम्मिल्ले़ आत्तिन् चोःक्मा आबिॽबे? हिङ्मन् से़ःप्माबि मे़ङ्माबि?” |
| 25359 | LUK 8:45 | ये़सुरे़ सेःन्दोसुसि, “इङ्गाॽ हाःत्ले़ सुःसाङ्बे?” हे़क्क्याङ् के़रे़क्ले़ इङ्गाॽ मे़ःन् लॽरिक् मे़बाःत्तुआङ् पत्रुसरे़ मे़त्तु, “आदाङ्बे, अक्खेलॽरिक् के़रे़क् पिसाङ्लाम् मनाहाॽरे़ चिभिःत् के़म्भिःत्ते़आङ् के़म्एःप्ल मे़बत्लो॥” |
| 25457 | LUK 10:25 | थिक् ये़न् साम्योथिम्साम्बाधिक् ये़म्सिङ्ङाङ् ये़सुःन् पाःन्नो थाःमा फाॽआङ् सेःन्दोसु, “सिक्साम्बे, इङ्गाॽ मे़न्नुप्मनाबा हिङ्मन् खोःमा थे चोःक्मा पोःङ्बे?” |
| 25542 | LUK 12:14 | ये़सुरे़ खे़न् नोगप् पिरु, “लुङ्ङाए, हाःत्ले़ इङ्गाॽ खिन्छिॽ लुम्मो याङ्साकुन्धे के़हाबा के़बिबा चोगाङ् इग्र खासे़न्लोःम्बा चोगाङ्बे?” |
| 25757 | LUK 17:37 | हे़क्क्याङ् कुहुॽसाम्बाहाॽरे़ ये़सुःन् मे़मे़त्तु, “आदाङ्बे, कन् आत्तो पोःङ्बाबे?” ये़सुरे़ खे़ङ्हाॽ मे़त्तुसि, “किदाबाहाॽ मे़जुम्मिल्ले़ खे़प्मो सिनुःन्ने़ के़लॽबा पाःन्निन्कुसिङ्निःप्मनाबा हे़क्के, कन्मिक्सेःन्हाॽ पोःङ्ङिल्ले़ कुनुप्मा ये़म्मिन्निःत्ताङ्वाॽ फाॽआङ्के़निःसुम्लो॥” |
| 25775 | LUK 18:18 | खे़प्मो सुहाङ्युक्पाधिक् त्ये़आङ् ये़सुःन् सेःन्दोसु, “के़नुॽबा सिक्साम्बे, आक्तङ्बा नुःबा याःम्बक् चोगुङ्ङिल्ले़ मे़न्नुप्मनाबा हिङ्मन् खोःसुङ्बे?” |
| 25892 | LUK 20:44 | दाउद हाङ्ङिल्ले़ए खुने़ॽ आदाङ्बे लॽरिक् मे़त्तुने़ फाॽग्र आक्खेलॽरिक् ख्रिस्ते़न्दाउदरे़ कुस्साः पोःङ्बाबे?” |
| 25902 | LUK 21:7 | हे़क्क्याङ् खे़ङ्हाॽरे़ ये़सुःन् सेःन्मे़दोसु, “सिक्साम्बे, कन् आप्फाल्ले़ पोःङ्बाबे? कन् पोःङ्मानुःल्ले़ तगि थे मिक्सेःन् पोःङ्बे?” |
| 26003 | LUK 22:70 | हे़क्क्याङ् खे़ङ्हाॽरे़ खुने़ॽ सेःन्मे़दोसु, “खे़ने़ॽए निङ्वाॽफुसाःने़बि?” हे़क्क्याङ् ये़सुरे़ खे़ङ्हाॽ नोगप् पिरुसि, “खिनिॽ के़बाःत्तुम्बान् से़क्खारो॥” |
| 26007 | LUK 23:3 | हे़क्क्याङ् पिलातसरे़ ये़सुःन् सेःन्दोसु, “से़क्खा खे़ने़ॽ यहुदि हाङ्ने़बि?” ये़सुरे़ खे़न् नोगप् पिरु, “खे़ङ्ग खे़ने़ॽए के़बाःत्तुर के़बत्लो॥” |
| 26161 | JHN 1:48 | हे़क्केःल्ले़ नाथाने़लरे़ सेःन्दोसु, “मे़ःम्बे़, खे़ने़ॽ आक्खेलॽरिक् इङ्गाॽ कुसिङ् के़निःत्ताङ्बे?” ये़सुरे़ नोगप् पिरु, “फिलिपरे़ मे़न्उःत्ते के़वये़ल्ले़सा खे़ने़ॽग पःत्छेॽ बुङ्मो के़वये़बा निःने़रो॥” |
| 26285 | JHN 5:6 | ये़सुरे़ खे़न् मनाःन् खे़प्मो ने़स्से़बा निःसु हे़क्क्याङ् यरिक् तङ्बेआङ्धो तुक्काङ् ने़रो के़लॽबा निङ्वाॽ खोःसुआङ् सेःन्दोसु, “खे़ने़ॽ वेःप्मा के़सिराॽ थाङ्बि?” |
| 26887 | JHN 18:33 | पिलातसे़न् याम्मो हाङ्हिम् सिगाङ् लाःसे़आङ् ये़सुःन् उःत्तुआङ् सेःन्दोसु, “से़क्खा खे़ने़ॽ यहुदि हाङ्ने़बि?” |
| 26891 | JHN 18:37 | पिलातसरे़ मे़त्तु, “हे़क्केने़ फाॽग्र खे़ने़ॽ हाङ्ने़बि?” ये़सुरे़ नोगप् पिरु, “इङ्गाॽ हाङ्आ फाॽआङ् खे़ने़ॽए के़बाःत्तुॽरो॥ कन्इक्सादिङ् खाम्बेःक्मो से़क्खाःल्ले़न् तोःन्दि पिसे़ इङ्गाॽ सावाःन्छिङाङ्बारो॥ से़क्खाओ के़बप्पाहाॽरे़ इङ्गाॽ आबाःन्निन् मे़घे़प्सुॽरो॥” |
| 26893 | JHN 18:39 | कर यहुदि चोःक्युम्भो तङ्नाम्मो खिनिॽ लागि पुङ्लाहिम्मो साक्पा के़धाःबाधिक् ले़रुङ् पिनिङ्बा थिम् के़गत्तुम्, हे़क्केःल्ले़ यहुदि हाङ्ङिन् ले़रुङ् पिनिङ्बि?” |
| 26903 | JHN 19:9 | खुने़ॽ याम्मो हाङ्हिम् सिगाङ् लाःसे़आङ् ये़सुःन् सेःन्दोसु, “खे़ने़ॽ आत्तोलाम् के़द्ये़बाबे?” कर ये़सुरे़ थेआङ् नोगप् मे़बिरुन्लो॥ |
| 26988 | JHN 21:21 | पत्रुसरे़ खे़न् निःसुआङ् दाङ्बान् सेःन्दोसु, “दाङ्बे, खुने़ॽ कुयाःम्बेओ थे पोःङ्बाबे?” |
| 27295 | ACT 9:10 | आल्ल दमस्कसओ हननिया मे़प्मनाबा हुॽसाम्बाधिक् वये़॥ खे़न्सुफोओ दाङ्बाल्ले़ अक्खे मे़त्तु, “हननियाए!” हननियारे़ नोगप् पिरु, “थे़माबे, आदाङ्बे?” |
| 27349 | ACT 10:21 | हे़क्केःल्ले़ पत्रुसे़न् यो थ्ये़आङ् मे़त्तुसि, “खिनिॽ के़गोःत्तुम्बा मनाःङ्ग इङ्गाॽएरो॥ थेआङ् कप्मो के़द्ये़ॽइबाबे?” |
| 27805 | ACT 23:3 | पावलरे़आङ् हननियाःन् मे़त्तु, “खे़ने़ॽ कुनिङ्वाॽ के़जिःप्पाए! निङ्वाॽफुमाङ्ङिल्ले़ खे़ने़ॽआङ् के़हिप्लो॥ खे़ने़ॽग खे़प्मो मोसारे़ पिरुबा साम्योथिम् कुइसिःक् इङ्गाॽ आघासे़न् लोःम्मा फाॽआङ् के़युङ्, कर खे़ने़ॽग साम्योथिम्मिल्ले़ कुदक्ले़ङ्वाओ खासे़न् लोःम्मानुःल्ले़ तगिए इङ्गाॽ याप्मि हिप्मा के़बाङ्घुसिबि?” |
| 28243 | ROM 9:20 | मे़न्छाम् याप्मिए, निङ्वाॽफुमाङ्ङिन्नु मुरा के़दोःबा खे़ने़ॽ हाःत्ने़बे? चोःक्मनाबा चिगःक्वाःल्ले़ के़जोःक्पे़न्“थेआङ् अक्तङ्बा के़जोगाङ्बाबे?” मे़त्तुबि? |
| 30531 | 1PE 4:18 | आल्ल साम्योसाप्लाओ अक्खे साप्ते़आङ् पत्, “साम्योनिबाहाॽ ताङ्से़ःप्मासि साक्ने़ फाॽग्र, निङ्वाॽफुमाङ्ङिन् नसाःन् मे़न्जोःक्मनाबा नु लायोबान् थे पोःङ्बाबे?” |
| 30891 | REV 7:13 | हे़क्क्याङ् तुम्लाम्लोःबाधिक्ले़ इङ्गाॽ अक्खेलॽरिक् सेःन्दोःसाङ् “कन् फःदाङ्बा तेःत् के़जाङ्बाहाॽ हाःत्छिबे? हे़क्क्याङ् आत्तोलाम् मे़द्ये़बाबे?” |