| 23465 | MAT 9:17 | आत्तिल्ले़आङ् कुसङ् चे़ल्ले़क्सेॽ थिःन् कुद्रे़क्से़होबा सुःक्वाओ मे़युक्खुन्, कर युक्खुने़ फाॽग्र कुसङ् चे़ल्ले़क्सेॽ थिःल्ले़ कुद्रे़क्से़होबा सुःक्वाःन्थे़ःक्खुदेःसुॽरो, हे़क्क्याङ् थिःन् वे़त् पेःक्काङ् चासोःक्लो॥ कर कुसङ् चे़ल्ले़क्सेॽ थिःन्कुसङ् से़होबा सुःक्वाओ याक्मा पोःङ्, हे़क्केःल्ले़ चे़ल्ले़क्सेॽ थिःन् नु से़होबा सुःक्वाःन्ने़प्माङ् ताङ्लो॥” |
| 23623 | MAT 13:15 | थेआङ्भे़ल्ले़ कन् मनाहाॽरे़ खुनिॽ खासिङ्ङिन्के़धुङ्बा पोःक्खे़आङ् वाॽ॥ खे़ङ्हाॽरे़ खुनिॽ ने़क्खोॽबान् थाक्ते़आङ् वाॽ, हे़क्क्याङ् खुनिॽ मिक्किन् इम्मे़मे़त्तुआङ् वाॽ॥ मे़ःन्ने़ फाॽग्र खे़ङ्हाॽरे़ खुनिॽ ने़क्खोॽबाल्ले़ मे़घे़प्सुबा नु मिक्किल्ले़ मे़निःसुबामे़न्, हे़क्क्याङ् खुनिॽ सिक्लुङ्माओ कुसिङ् मे़निःत्तुआङ् इङ्गाॽ ले़प्माङ् मे़नुःक्खे़बामे़न्, हे़क्क्याङ् इङ्गाॽ खे़ङ्हाॽ वेःन्दुङ्सिङ्मे़न्फाॽआङ् निङ्वाॽफुमाङ्ङिल्ले़ पाःत्तुरो॥’ |
| 23900 | MAT 21:5 | “यरुसले़मस्मा मनाहाॽ मे़त्ते़से़ॽ, खिनिॽ पयम्हाङ्ङिन् खिनिॽओ तार पत्, खुने़ॽग चुङ्जिगे़न् नःम्सिङ्ङाङ् अदङ्साःन् युक्तुआङ् ताः, खुने़ॽग अदङ्साःन्ने युक्तुआङ् तार पत्लो॥” |
| 24420 | MRK 4:28 | आबाङे खाम्बेःक्मो पोगुगे़न् कुजाःन् लिङ्, खाम्बेःक्माल्ले़ए कुजाॽ थोःक्ल याःन्दुॽ, तगि कुनःक्थाङ्हे़क्क्याङ् पोआङ्कुजाॽ थोःक्॥ |
| 24647 | MRK 9:40 | आत्तिन् आनिॽ तक्ले़ङ्वाओ होःप्, खे़न् आनिॽ ले़प्माङ् वाॽरो॥ |
| 25209 | LUK 5:33 | कुभारे़ खुने़ॽ मे़मे़त्तु, “युहुन्नारे़ कुहुॽसाम्बाहाॽग ए़त्ले़ङ् चाःने़त्तो नु तुवा चोःक्कि मे़युङ्, फरिसिहाॽरे़ खुनिॽ हुॽसाम्बाहाॽआङ् हे़क्के मे़जोःक्, कर खे़ने़ॽ के़हुॽसाम्बाहाॽग चाःने़त्तोआङ् मे़न्युङ्ने़न्, मे़जर मे़धुङुर मे़वाॽइङ्ग!” |
| 25286 | LUK 7:22 | हे़क्क्याङ् ये़सुरे़ युहुन्नालाम् के़दाःबाहाॽ मे़त्तुसि, “पेसे़त्छे़ॽआङ् कन् के़निःसे़त्छु, के़घे़प्से़त्छुबा पाःन्निन् युहुन्नाःन् मे़त्ते़छे़ॽ–अक्खेलॽरिक् मिक्फःम्बाहाॽरे़ निःमा मे़सुक्तुॽ, हे़क्क्याङ् लाङ्सक्पाहाॽ लाङ्मे़घेःक्, लोगेॽरे़ तरुसिबाहाॽ मे़वेःत्, हे़क्क्याङ् नाधे़क्क्रे़ङ्हाॽरे़ मे़घे़प्सु, के़सिःबाहाॽ याम्मो मे़हिङ्, हे़क्क्याङ् याङ्गे़साॽबाहाॽरे़ सुनाइङ्ङिन् मे़घे़प्सुॽरो॥ |
| 25420 | LUK 9:50 | ये़सुरे़ खे़न् नोगप् पिरु, “खे़न् हे़क्के चोःक्मा मे़साक्ते़म्मिन्ने़ॽओ, थेआङ्भे़ल्ले़ हाःत् खिनिॽ तक्ले़ङ्वाओ होःप्, खे़न् खिनिॽ ले़प्माङ् वाॽरो॥” |
| 25497 | LUK 11:23 | हाःत् इङ्गाॽ ले़प्माङ् होःप्, खे़न् आदक्ले़ङ्वाओ वाॽ॥ हाःत्ले़ इङ्गाॽनु मे़सुप्सुन्, खे़ल्ले़ से़ःसुरो॥” |
| 26890 | JHN 18:36 | ये़सुरे़ मे़त्तु, “इङ्गाॽ आहाङ्जुम्मिङ्ग कन् इक्सादिङ् खाम्बेःक्मोबा मे़ःन्लो॥ कप्मोबा वये़ल्ले़ग इङ्गाॽ आसेवारोबाहाॽरे़ इङ्गाॽ याप्मि ते़म्मा मे़ङ्घोःआन्ल फाॽआङ् यहुदिहाॽनु थङ् मे़जोगुबामे़न्, कर आहाङ्जुम्मिन् कप्मोबा मे़ःन्लो॥” |
| 28741 | 1CO 13:8 | मिःम्जिन् आप्फाल्ले़आङ् मे़नुप्ने़न्॥ कर माङ्निङ्वाॽपाःन्हाॽ नु वेॽ पाःन्दाङ्हाॽ नुप्, हे़क्क्याङ् ने़हिनिङ्वाॽइन्माबेःक्लो॥ |
| 29180 | GAL 3:11 | साम्योथिम्लाम् निङ्वाॽफुमाङ्ङिल्ले़ कुनिःमाओ आत्तिन्हाॽआङ्आप्तिक् मे़ःन्नेबा मे़म्बोःङ्ने़न् के़लॽबा पाःन्निन् से़क्खाए निःदे़त्लो, थेआङ्भे़ल्ले़ साम्योसाप्लाओ अक्खे साप्ते़आङ् पत्, “साम्योनिबाङ्ग नसाःन्लाम्बाए हिङ्लो॥” |
| 29635 | 1TH 1:8 | हे़क्क्याङ् खिनिॽलाम् दाङ्बाल्ले़ कुबाःन्जाक्किन् मे़सेदोनिया नु अक्खैयाओरक् मे़से़ःरे़न्, कर निङ्वाॽफुमाङ्ङोबा खिनिॽ नसाःन्निन्नाङ् काक् पिसाङ् मनाहाॽरे़ निङ्वाॽ मे़घोःसुरो॥ हे़क्केःल्ले़ आनिगे़ वेॽ पाःन् पाःप्मा थेआङ् होःप्, |
| 29838 | 1TI 5:8 | कर आत्तिल्ले़ आप्फेःक् काॽइ सोॽधोःक् नु कुनो-कुबिॽओ आप्फेःक् हिम्सयङ्ङिन्नाङ् कम्ब्राङ् मे़मे़त्तुन्, खे़ल्ले़ग नसाःन्निन् नाॽरुॽ, हे़क्क्याङ् खे़ङ्ग नसाःन् मे़न्जोःक्मनाबाहाॽनुःल्ले़आङ् ताप्फे़ःम्बारो॥ |
| 30207 | HEB 10:7 | हे़क्क्याङ् याम्मो इङ्गाॽ पाःत्तुङ्, ‘ओमे़त्ते़ॽओ निङ्वाॽफुमाङ्ङे, साम्योसाप्लाओ इङ्गाॽ आयाःम्बेओ साप्ते़आङ् पप्पा कुइसिःक् इङ्गाॽ के़निङ्वाॽ हे़क्के चोःक्से़ कप्मो त्याङ्ङाङ् वाॽआरो॥’” |
| 30853 | REV 5:6 | हे़क्क्याङ् इङ्गाॽ हाङ्युक्नाःल्ले़ कुबेसाङ्, लिसि कुहिङ्वे़त् पाथुङ्साहाॽ नु तुम्लाम्लोःबाहाॽरे़ खुनिॽ लुम्मो, मे़ल्लुक्साःन् ये़बे़बा निःसुङ्॥ खे़न् सिदुङ्जभा चोःक्मनाबा कुइसिःक् चोगे़रो॥ खे़ल्ले़ नुसि कुदाङ्हाॽ युङे़ हे़क्क्याङ् नुसि कुमिक्हाॽ मे़बत्छे़रो॥ खे़ङ्हाॽग निङ्वाॽफुमाङ्ङिल्ले़ इक्सादिङ् खाम्बेःक्मो काक् पिसाङ् पाङ्घुसिबा नुसि कुसेसेमाङ्सिरो॥ |
| 31036 | REV 16:13 | हे़क्क्याङ् खे़प्मो हन्दगेःक्गे़न् वासेरिःल्ले़ कुमुराओलाम्, थक्साःल्ले़ कुमुराओलाम्हे़क्क्याङ् इङ्ले़क्पा माङ्निङ्वाॽपाःन् के़बाःप्पाल्ले़ कुमुराओलाम् सुम्सि पदःक् हे़क्तङ्बा आजिःन्जिःम्बा फे़न्साम्हाॽ मे़लःन्दे़बा निःसुङ्सिङ्लो॥ |
| 31070 | REV 18:8 | खे़ल्ले़ चोगुल्ले़ थिक् ये़न्नोए खे़ल्लो सिःमे़न्, मेरिङ् थक्मे़न्, हे़क्क्याङ् साक्वाःल्ले़न् मिन्देॽइन्ताःरो॥ हे़क्क्याङ् खे़न् मे़न्छुमाॽइन् मिःल्ले़ खाप्पु थ्यःङ् पोःङ्लो, थेआङ्भे़ल्ले़ खे़न् खुम्दिङ् के़बिबा निङ्वाॽफुमाङ्ङिङ्ग मुक्साम्दाङ्बा चोःक्लो॥’” |