| 24001 | MAT 23:14 | ((खिनिॽ कुनिङ्वाॽ के़जिःप्पा साम्योथिम्साम्बाहाॽ नु फरिसिसे, के़जिःत्ति के़स्ये़ॽइरो! खिनिॽग मेमेदुमाहाॽ इङ्गे़ले़क्तुम्सिम्माङ्खुनिॽ हिम्धाःङ्हाॽ के़नाप्तुम्सिम्, कर नुःबा ओसेःन्धाक्सिङ्मारे़ लागि केःम्ब्केःम्बा तुवा के़जोगुम्॥ खे़ल्ले़ चोगुल्ले़ खिनिॽ खुम्दिङ्ङिङ्ग से़क्खासाङ् साॽरिक् किप्मा के़घुःबा पोःङ्लो॥)) |
| 25051 | LUK 2:9 | खे़प्मो दाङ्बाल्ले़ कुमाङ्लाइङ्बाधिक् ओसेःन्धाक्सिङ्, हे़क्क्याङ् दाङ्बाल्ले़ कुमिमिदिङ्ङिन् से़न्दाङ्गे़न् ओःत्ति कुइसिःक् खुनिॽ खिरि ले़क्ते़रो॥ खे़ङ्हाॽ साॽरिक् मे़गिसे़, |
| 25686 | LUK 15:29 | हे़क्केःल्ले़ खे़न् कुस्साः तुम्बाल्ले़ कुम्बा अक्खे मे़त्तु, ‘ओमे़त्ते़ॽ, इङ्गाॽ कम्भे़रिक् तङ्बे थारिक् खे़ने़ॽ के़सेवा चोगुङ्, के़बाःत्तुबा पाःन् आप्फाल्ले़आङ् इङ्गाॽ मे़न्अप्पे़न्, हे़क्केसाङ् खे़ने़ॽ आन्देःङ् आन्जुम्हाॽनु चामुक् थिमुक् चोगुङ्नि फाॽआङ् मे़न्दाक्साधिक्काङ् के़म्बिराङ्ङिन्लो॥ |
| 26995 | ACT 1:3 | ये़सुःन् तुक्खे च्ये़आङ् स्ये़, हे़क्क्याङ् सिःमे़न्लाम् याम्मो हिङे़आङ् लिबोःङ्(४०) ये़न् थारिक् खुने़ॽ से़क्खाए कुहिङ्वे़त् पोःक्खे़बा पाःन्निन् ओसेःन्धाक्सिङ्मा फाॽआङ् ए़त्ले़ङ् ओसेःन्धाक्सिङ्, हे़क्क्याङ् निङ्वाॽफुहाङ्जुम्मिल्ले़ कुयाःम्बेओ चे़क्तुसिरो॥ |
| 27302 | ACT 9:17 | हे़क्क्याङ् हननियाःन्खे़न् हिम्मो पेआङ् सावलरे़ कुधे़गेःक्सम्दाङ् कुहुक्हाॽ ने़स्सुआङ् अक्खे मे़त्तु, “आन्साॽ सावलए, दाङ्बा ये़सुरे़ इङ्गाॽ पाङ्घाङ्बारो॥ खुने़ॽग कप्मो दमस्कसओ के़द्ये़र के़बत्छे़ल्ले़ लाम्मो खे़ने़ॽनु ओसेःन्धाक्सिङ्, हे़क्क्याङ् खे़ने़ॽ याम्मो निःमा के़सुक्तुर, सेसेमाङ्ङिल्ले़ कुमुक्साम्मिल्ले़ के़धुक्ल फाॽआङ् पाङ्घाङ्बारो॥” |
| 28084 | ROM 3:25 | थेआङ्भे़ल्ले़ निङ्वाॽफुमाङ्ङिल्ले़ आनिॽ खोःमा के़बोःङ्बा खुम्दिङ्लाम् ताङ्गे़से़ःप्पा सिदुङ्जभा पोःङ्से़ ख्रिस्ते़न्पाङ्घुयुःसु॥ खुने़ॽ कुमाक्खिॽइन् आनिॽ लागि वादेःन्दुबा फाॽआङ् नसाःन् के़जोःक्पा के़रे़क्ले़ लायोलाम् ले़प्मि मे़घोःसुॽरो॥ निङ्वाॽफुमाङ्ङिल्ले़ कन् याःम्बक्किन् चोगुआङ् आबाङे खुने़ॽ कुदोःप्मा खासे़न् के़जोःक्पा चोःक् फाॽआङ् ओसेःन्धाक्सिङ्, थेआङ्भे़ल्ले़ ख्रिस्ते़न्युःमानुःल्ले़ तगि खुने़ॽ कुसिक्किन् थरुआङ् मे़न्छाम् याप्मिहाॽरे़ मे़जोगुबा लायोःल्ले़न् खुम्दिङ् मे़बिरुन्छिन्लो॥ |
| 28085 | ROM 3:26 | हे़क्के चोगुल्ले़ निङ्वाॽफुमाङ्ङिन् आबाङे साम्योनिबा नु कुदोःप्मा खासे़न् के़जोःक्पा चोःक् के़लॽबा कन् ये़म्मो ओसेःन्धाक्सिङ्, हे़क्क्याङ् ये़सुःन्नसाःन् के़जोःक्पाहाॽ आप्तिक् मे़ःन्नेबा चोगुसिॽ के़लॽबान् ओसेःन्दाङ् चोगुॽ॥ |
| 28222 | ROM 8:38 | थेआङ्भे़ल्ले़ निङ्वाॽफुमाङ्ङिल्ले़ कुमिःम्जिलाम् आनिॽ थेःल्ले़आङ् से़म्मा आन्छुक्ने़न्लो के़लॽबान् निःसुङ्सुरुङ्ङाङ् वाॽआरो॥ सिःमे़न् नु हिङ्मे़ल्ले़, माङ्लाइङ्बाहाॽ नु फे़न्साम्हाॽरे़, कन् ये़म् नु ताये़म्बा पाःन्हाॽरे़, इग्र आत्तिन् मुक्साम्हाॽरे़आङ् से़म्मा आन्छुक्ने़न्, |
| 28223 | ROM 8:39 | इक्सादिङ् खाम्बेःक्किल्ले़ कुजङ्धाङ्बा नु कुसिगाङ्बा, इग्र काक् नावागे़न् चइःत्तोबा मुक्साम् थेःल्ले़आङ् निङ्वाॽफुमाङ्ङिल्ले़ कुमिःम्जिलाम् से़म्मा आन्छुक्ने़न्, थेआङ्भे़ल्ले़ निङ्वाॽफुमाङ्ङिल्ले़ आनिॽ दाङ्बा ख्रिस्त ये़सुलाम् लुङ्माॽ आदुक्ते़आङ् वाॽरो॥ |
| 28885 | 2CO 1:17 | खिनिॽओ ताःमा मे़न्छुक्पे़न्, कर इङ्गाॽ कन् हने़ निङ्वाॽ चोगुङ्बा मे़ःन्, हे़क्क्याङ् इक्साबा मे़न्छाम् याप्मि कुइसिःक् लत्थिक् मुराःल्ले़ ओ नु मे़ःन् लॽरिक् पाःप्मा निङ्वाॽ चोगुङ्बा मे़ःन्लो॥ |
| 29883 | 2TI 1:7 | थेआङ्भे़ल्ले़ निङ्वाॽफुमाङ्ङिल्ले़ आबिरे़बा सेसेमाङ्ङिल्ले़ आनिॽ किस्रुक्पा आन्जोःक्ने़न्, कर मुक्साम्, मिःम्जि, हे़क्क्याङ् निङ्वाॽ हाङ्गे़म्सिङ्मा आबिॽ॥ |
| 30678 | 1JN 4:8 | आत्तिल्ले़ वेॽहाॽ लुङ्माॽ मे़दुक्तुन्छिन्, खे़ल्ले़ निङ्वाॽफुमाङ्ङिन्नाङ् कुसिङ् मे़निःत्तुन्लो, थेआङ्भे़ल्ले़ निङ्वाॽफुमाङ्ङिङ्ग मना लुङ्माॽ के़दुक्पा चोःक्लो॥ |
| 30804 | REV 2:19 | ‘खे़ने़ॽ के़याःम्बक्किन्, के़मिःम्जिन्, के़नसाःन्निन्, के़माङ्सेवाःन् हे़क्क्याङ् खे़ने़ॽ तुक्खे के़धःरुबान् इङ्गाॽ निःसुङ्, हे़क्क्याङ् आल्लोग खे़ने़ॽ तगिनुःल्ले़आङ् यरिक् माङ्सेवा याःम्बक् के़जोःक् फाॽआङ् निःसुङ्लो॥ |