| 23280 | MAT 4:2 | खे़प्मो खुने़ॽ लिबोःङ्(४०) से़न्दिक् नु ले़न्दिक् थारिक् थेआङ् मे़जने़न्नाङ् साॽरिक् कुसे़त्लाःक्ते़रो॥ |
| 23301 | MAT 4:23 | ये़सुरे़ यहुदि चुम्लुङ्हिम्हाॽओ निसाम् हुॽरुसिर निङ्वाॽफुहाङ्जुम्मिल्ले़ कुयाःम्बेओ सुनाइङ् से़ःसु, हे़क्क्याङ् के़रे़क् परिक्ले़न् तुक्मा यॽमालाम् के़दुक्पाहाॽ वेःन्दुसिर गालिल थुम्मो खाराक् ताक्कन्दे़रो॥ |
| 23320 | MAT 5:17 | इङ्गाॽ निङ्वाॽफुमाङ्ङिल्ले़ मोसाःन् पिरुबा साम्योथिम्मिन् नु माङ्निङ्वाॽपाःन् के़बाःप्पाहाॽरे़ मे़बाःत्तुबा पाःन्निन् कुसुम् मे़न्दम्नाबा चोःक्से़ त्याङ्बा फाॽआङ् मे़इःत्ते़म्मिन्ने़ॽओ॥ इङ्गाॽग कुसुम्मे़न्दम्नाबा चोःक्से़ मे़ःन्, कर खे़ङ्हाॽ कुलिङ्धो के़त्छे़ने़ त्याङ्बारो॥ |
| 23328 | MAT 5:25 | आप्तिक् के़गुःप्पाल्ले़ खे़ने़ॽ खासे़न्दे़न्नो तेॽमानुःल्ले़ तगि खुने़ॽनु नादङ् चोगे़ॽओ, मे़ःन्ने़ फाॽग्र खे़ने़ॽ खासे़न्लोःम्बाल्लो के़देॽआङ् खासे़न्लोःम्बाल्ले़ तिलिङ्गाहाॽरो हुक्के़सुप्, हे़क्क्याङ् खे़ङ्हाॽरे़ पुङ्लाहिम्मो के़म्साक्लो॥ |
| 23347 | MAT 5:44 | कर इङ्गाॽ खिनिॽ मे़त्निङ्, निङ्मिहाॽ लुङ्माॽ तुक्ते़म्सिम्मे़ॽआङ् खिनिॽ ताप्फे़ःल्लिक्के़मे़प्पाहाॽ तुवा चोगे़म् पिरे़म्सिम्मे़ॽओ॥ |
| 23352 | MAT 6:1 | ये़सुरे़ याम्मो मे़त्तुसि, “सिङ्सिङ् ये़क्ये़क् लॽरे़म्मे़ॽओ, खिनिॽ के़जोगुम्बा साम्योनिबा याःम्बक्हाॽ मनाहाॽरे़ मे़निःसुआङ् खिनिॽ नारा मे़भोःसुर फाॽआङ् मना तगि मे़जोगे़म्मिन्ने़ॽओ॥ हे़क्के के़जोगुम्ने़ फाॽग्र साङ्ग्राम्पेदाङ्ङोबा पानुदिङ् पाः निङ्वाॽफुमाङ्लाम् थेआङ् के़ङ्घोःसुम्मिन्लो॥ |
| 23353 | MAT 6:2 | हे़क्केलॽरिक् मे़ङ्गप्मनाबाहाॽ कुजा के़बिरुसिल्ले़ वेॽहाॽरे़ मे़घे़प्सुर मे़निःसुर फाॽआङ् मुक्ला मे़मुक्खे़न्ने़ॽओ॥ कुनिङ्वाॽ के़जिःप्पाहाॽरे़ यहुदि चुम्लुङ्हिम्मो नु लाम्लाम्मो मनाहाॽरे़ मे़निःसुआङ् खुनिॽ नारा मे़भोःसुर फाॽआङ् हे़क्के मे़जोगुॽ॥ इङ्गाॽ से़क्खाए मे़त्ने़ॽ, खे़ङ्हाॽरे़ खुनिॽ हाङ्से़म्मिङ्ग तगिसा मे़घोःसु मे़सुरुआङ् मे़वाॽ॥ |
| 23356 | MAT 6:5 | “हे़क्क्याङ् खिनिॽ तुवा के़जोगुम्मिल्ले़ कुनिङ्वाॽ के़जिःप्पाहाॽ कुइसिःक् मे़जोगे़म्मिन्ने़ॽओ॥ खे़ङ्हाॽरे़ग मनाहाॽरे़ मे़निःसुर फाॽआङ् यहुदि चुम्लुङ्हिम्मो नु लाम्लाम्मो ये़प्माआङ् तुवा चोःक्मा खुनिॽ सिराॽ थाङ्लो॥ इङ्गाॽ से़क्खाए मे़त्निङ्, खे़ङ्हाॽरे़ खुनिॽ याःम्बक्किल्ले़न् हाङ्से़म्मिन् तगिए मे़घोःसु मे़सुरुआङ् मे़वाॽरो॥ |
| 23370 | MAT 6:19 | “इक्सादिङ् खाम्बेःक्मो याङ्साकुन्धे मे़लुप्से़न्ने़ॽओ॥ खे़प्मोग थक्पाहाॽरे़ मे़जःॽ, हिङ्धोःक्किल्ले़ यःन्दुॽ, हे़क्क्याङ् खुःन्द्रिक्पाहाॽरे़ मे़घुःत्तुॽरो॥ |
| 23371 | MAT 6:20 | कर साङ्ग्राम्पेदाङ्ङो याङ्साकुन्धे लुप्से़म्मे़ॽओ॥ खे़प्मोग थक्पाहाॽरे़ मे़न्जने़न्, हिङ्धोःक्किल्ले़आङ् मे़यःत्छुन्, हे़क्क्याङ् खुःन्द्रिक्पाहाॽरे़आङ् मे़न्घुःत्तुन्लो॥ |
| 23379 | MAT 6:28 | हे़क्केःल्ले़ थे़माःन्चाङ्मा वाःप्माबे फाॽआङ् थेआङ् निङ्साम्मो के़ध्ये़ॽइबाबे? ताम्भुङ्मो के़लिङ्बा फुङ्ङिन् ओमे़त्ते़म्मे़ॽ, खे़ङ्हाॽ याःम्बक् मे़न्जोःक्ने़न्खिःआङ् मे़न्लःन्ने़न्॥ |
| 23401 | MAT 7:16 | खे़ङ्हाॽरे़ मे़जोगुबा खुनिॽ याःम्बक्कोलाम् खे़ङ्हाॽ कुसिङ् के़निःत्तुम्सिम्लो॥ थेआङ्भे़ल्ले़ मनाहाॽरे़ तिङ्ग्रेःक् पोःक्लाओलाम् चे़ल्ले़क्सेॽ नु सिध्राःक्पोलाम् पःत्छेॽइन् मे़न्दुबुन्लो॥ |
| 23403 | MAT 7:18 | हे़क्क्याङ् नुःबा सिङ्बुङ्ङो ताप्फे़ःम्बा सिङ्सेॽइन् मे़धोःक्ने़न्लो, हे़क्क्याङ् ताप्फे़ःम्बा सिङ्बुङ्ङो नुःबा सिङ्सेॽइन् मे़धोःक्ने़न्लो॥ |
| 23478 | MAT 9:30 | खे़ङ्हाॽ मिक् निःमा के़सुक्पा पोःक्खे़त्छि॥ ये़सुरे़ खे़ङ्हाॽ “कन् पाःन्निल्ले़ कुयाःम्बेओ आत्तिल्ले़आङ् निङ्वाॽ मे़घोःसुन्लरो” मे़त्तुसि॥ |
| 23494 | MAT 10:8 | के़दुक्पाहाॽ नुसे़म्सिम्मे़ॽ, के़सिःबाहाॽ कुहिङ्वे़त् चोगे़म्सिम्मे़ॽ, लोगेॽ तुक्माल्ले़ याङ्घुसिबाहाॽ नुसे़म्सिम्मे़ॽ, फे़न्साम्हाॽ नाःत्ते़म्लःत्ते़म्सिम्मे़ॽ॥ आम्भा के़घोःसुम्, आम्भाए पिरे़म्सिम्मे़ॽओ॥ |
| 23497 | MAT 10:11 | खिनिॽ के़बेगिबा पाङ्जुम् पाङ्भेॽहाॽओ सुम्बोधाबा मनाःन् कोःत्ते़म्मे़ॽआङ् खे़प्मोलाम् के़न्लःन्दिन्के़म्बेगिन्ल थारिक् कुहिम्मोए याःक्ते़म्मे़ॽओ॥ |
| 23499 | MAT 10:13 | खे़न् हिम्सयङ्ङिन् खिनिॽ सनारुङ् खोःमा के़लाॽबा चोःक्ने़ फाॽग्र खिनिॽ सनारुङ्ङिन् खे़प्मो याःक्लाःत्लरो॥ कर के़लाॽबा मे़जोःक्ने़न्ने़ फाॽग्र खिनिॽ सनारुङ्ङिन् खिनिॽओए नुःङ्लरो॥ |
| 23502 | MAT 10:16 | “खे़प्से़म्मे़ॽओ! मे़ल्लुक्हाॽ पराबाहाॽरे़ खुनिॽ लुम्मो पाङ्मनाबा कुइसिःक् पाङ्निङ्लो॥ हे़क्केःल्ले़ खिनिॽ असेःक्पा हे़क्के चाचाःप्पा नु पुत्तुःक्के हे़क्के कुदोःप्मा पोःक्खे़म्मे़ॽओ॥ |
| 23517 | MAT 10:31 | खे़ल्ले़ चोगुल्ले़ मे़गिसे़म्मिन्ने़ॽ॥ खिनिॽग यरिक् चुजुक्सा पुहाॽनुःल्ले़आङ् इमे़ल्लुङ्बा के़जोगिरो॥ |
| 23520 | MAT 10:34 | “इङ्गाॽ इक्सादिङ् खाम्बेःक्मो सनारुङ् ताःत्छे़ त्याङ्बा फाॽआङ् मे़इःत्ते़म्मिन्ने़ॽ॥ इङ्गाॽ सनारुङ् ताःत्छे़ग मे़ःन्, कर तुक्खे ताःत्छे़ त्याङ्बारो॥ |
| 23542 | MAT 11:14 | हे़क्क्याङ् खिनिॽ नसाःन् चोःक्मा के़दे़न्दिॽने़ फाॽग्र खे़ङ्हाॽरे़ ताः लॽरिक् मे़बाःत्तुबा एलियाःङ्ग युहुन्नाःन्नेरो॥ |
| 23553 | MAT 11:25 | खे़न् ये़म्मो ये़सुरे़ तुवा चोगु, “आम्बे, साङ्ग्राम्पेदाङ् नु इक्सादिङ् खाम्बेःक्माल्ले़ दाङ्बाए, इङ्गाॽ नोगे़न् पिने़, थेआङ्भे़ल्ले़ खे़ने़ॽग सिक्कुम्साबाहाॽ हे़क्क्याङ् चाःप्पाहाॽनु के़माॽरुबा पाःन्निन् हिन्जाॽ हे़क्तङ्बाहाॽ ओसेःन्गे़धाक्तुसिरो॥ |
| 23555 | MAT 11:27 | हे़क्क्याङ् ये़सुरे़ मनाहाॽ मे़त्तुसि, “आम्बारे़ के़रे़क् पाःन्हाॽ पिराङ्ङाङ् वाॽरो॥ कुस्साःन् कुम्बारे़रक् कुसिङ् निःत्तुॽ, वेॽहाॽरे़ कुसिङ् मे़न्निःत्तुन्लो॥ हे़क्क्याङ् पानुदिङ् पाःन् कुसिङ् मे़निःत्तुर फाॽआङ् कुस्साःल्ले़ ओसेःन्धाक्तुसिबा मनाहाॽरे़रक् कुसिङ् मे़निःत्तुॽरो॥ |
| 23583 | MAT 12:25 | ये़सुरे़ खे़ङ्हाॽरे़ खुनिॽ निङ्वाॽइन्निःसुआङ् अक्खे मे़त्तुसि, “आप्फेःक् लुम्मो के़घेबा के़धक्पाआङ् के़से़म्बा के़रे़क् हाङ्जुम्हाॽ मे़मे़क्लो॥ हे़क्क्याङ् आप्फेःक् लुम्मो के़घेबा के़धक्पाआङ् के़से़म्बा ये़क्यक् नु हिम्सयङ्हाॽरे़ मे़न्धःत्तुन्लो॥ |
| 23589 | MAT 12:31 | “खे़ल्ले़ चोगुल्ले़ इङ्गाॽ खिनिॽ मे़त्निङ्, मे़न्छाम् याप्मिरे़ चोःक्मनाबा के़रे़क् लायो नु निङ्वाॽफुमाङ्ङिल्ले़ कुदक्ले़ङ्वाओ पाःप्मनाबा माङ्चे़ॽया पाःन्निल्ले़न् ले़प्मि खोःमा सुक्ते़त्, कर सेसेमाङ्ङिल्ले़ कुदक्ले़ङ्वाओ पाःप्मनाबा माङ्चे़ॽया पाःन्निल्ले़न् ले़प्मि आप्फाल्ले़आङ् खोमे़दे़त्ने़न्लो॥ |
| 23600 | MAT 12:42 | लाङ्गे़त् पिसाङ्बा सिवा लाजेॽस्मा हाङ्मान् खासे़न् ये़न्नो ये़म्सिङ्ङाङ् कन् ये़म्बा मनाहाॽरे़ खुनिॽ तक्ले़ङ्वाओ पोःक्काङ् पाःन्धिक्तुसिॽरो॥ थेआङ्भे़ल्ले़ खुने़ॽ सोलोमन हाङ्ङिल्ले़न् सिक्कुम्दिङ् खाहुन् खे़म्से़ साॽरिक् माःङ्घाबा लाजेॽलाम् त्ये़आङ् वये़रो॥ कप्मो सोलोमन हाङ्ङिन्नुःल्ले़ यम्बान्वाॽसाङ् के़न्घे़प्सुम्मिन्लो॥” |
| 23621 | MAT 13:13 | खे़ल्ले़ चोगुल्ले़ इङ्गाॽ खे़ङ्हाॽनु खे़दाॽओ पाःत्तारो, थेआङ्भे़ल्ले़ खे़ङ्हाॽरे़ ओमे़मे़त्तुसाङ् मे़न्निःसुन्लो, मे़घे़प्सुसाङ् कुसिङ् मे़न्निःत्तुन्लो॥ |
| 23630 | MAT 13:22 | तिङ्ग्रेःक्पाल्ले़ कुसेॽ के़ने़बादे़न्नो के़जुक्पा याॽरिःम्बे़ङ्ग पाःन्जाक् के़घे़म्बा मना कुइसिःक् चोःक्, कर खे़ल्ले़ कन्हिङ्मन्नोबा थेःन् चामा थुङ्मा नु याङ्साकुन्धेसाबा आक्खेआङ् पोःङ्मा के़लॽबा निङ्वाॽइल्ले़ पाःन्जाक्किन् सुःप्तुदेःसुॽ, हे़क्क्याङ् खे़ल्ले़ कुजाॽ मे़भत्छुन्लो॥ |
| 23645 | MAT 13:37 | ये़सुरे़ नोगप् पिरुसि, “प्याङ्सिगे़न् इक्ताप्पो नुःबा याॽरिःम्बा के़ले़प्पाङ्ग इङ्गाॽ मे़न्छाम्साःआरो॥ |
| 23665 | MAT 13:57 | हे़क्के मे़बाःत्तुर खे़ङ्हाॽरे़ खुने़ॽ नामे़न्छाॽरुन्लो॥ कर ये़सुरे़ खे़ङ्हाॽ मे़त्तुसि, “माङ्निङ्वाॽपाःन् के़बाःप्पे़ङ्ग के़रे़क् ते़न्नो मिङ्सो इङ्धाःङ् मे़बिरु, कर आप्फेःक् कुहिम्मो नु कुबाङ्भेॽओरक् इङ्धाःङ् मे़म्बिरुन्लो॥” |
| 23681 | MAT 14:15 | हे़क्क्याङ् युःन्छिक् पोःक्खे़र पत्छे़ल्ले़ कुहुॽसाम्बाहाॽ खुने़ॽओ मे़द्ये़आङ् मे़मे़त्तु, “आदाङ्बे, कङ्हाॽ पाङ्घे़देःसे़से़ॽओ, थेआङ्भे़ल्ले़ कन् एःक्सादे़न्नो थेआङ् इङ्मा चामा खोमे़दे़त्ने़न्लो, याम्मो नाम्ध्ये़बेरो॥ हाराॽ खिरिबा पाङ्भेॽहाॽओ मे़बेःक्काङ् चामा थुङ्मा मे़इङु मे़जररो॥” |
| 23759 | MAT 16:18 | से़क्खा पाःन् खे़ने़ॽ मे़त्ने़ॽ, खे़ने़ॽ पत्रुसने़रो (पत्रुस फाॽइन् लुङ्लो), हे़क्क्याङ् कन् पयम् यम्बा लुङ्सम्दाङ् इङ्गाॽ आसेसेहुप्लक्किन् चोगुङ्लो॥ हे़क्क्याङ् कन् आसेसेहुप्लक्किन् सिःमे़ल्ले़न् मुक्साम्मिल्ले़ नाःम्मा मे़सुक्तुन्लो॥ |
| 23767 | MAT 16:26 | मे़न्छाम् याप्मिःल्ले़ के़रे़क् इक्सादिङ् खाम्बेःक्मान् खुने़ॽइन् चोगुआङ् मे़न्नुप्मनाबा कुहिङ्मन्निन् मासुल्ले़ नुःबा पोःङ्बि? थेआङ्भे़ल्ले़ मे़न्छाम् याप्मिःल्ले़ मे़न्नुप्मनाबा कुहिङ्मन्निन् याङ्ना खोःमारे़ लागि थेःल्ले़आङ् ले़क्मा मे़सुक्तुन्लो॥ |
| 23772 | MAT 17:3 | हक्चघत् खे़प्मो माङ्निङ्वाॽपाःन् के़बाःप्पा मोसाःन् नु एलियाःन्नाङ् थाःम्ने़त्छिआङ् ये़सुःन्नु ताॽजे़क्खे़त्छि॥ |
| 23811 | MAT 18:15 | नसानिबाधिक्ले़ खे़ने़ॽ के़दक्ले़ङ्वाओ लायो चोगुॽने़ फाॽग्र खे़ने़ॽरक् खे़ल्लो पेगे़ॽआङ् कुलायोःन् ओसेःन्धाक्ते़ॽओ॥ खे़ल्ले़ के़बाःन्निन् खे़प्सुने़ फाॽग्र खे़न् नसानिबाल्ले़ कुनिङ्वाॽ के़दोःन्दुरो॥ |
| 23819 | MAT 18:23 | थेआङ्भे़ल्ले़ साङ्ग्राम्पेदाङ्बा हाङ्जुम्मिङ्ग लत्छा हाङ्धिक्ले़ कुसेवारोबाहाॽरे़ मे़देॽरुबा साम्म्याङ्-याङ्इत्छिःन्फोःङ्मा याःम्बक् चोगुबान्नु तङ्मा सुक्ते़त्लो॥ |
| 23879 | MAT 20:18 | “ओमे़त्ते़म्मे़ॽ, आनिॽ यरुसले़म थो आबेःक्ल आबत्लो॥ खे़प्मो तुम्निङ्वाॽफुसाम्बाहाॽ नु साम्योथिम्साम्बाहाॽरे़ खुनिॽ हुक्को मे़न्छाम्साःन् इङ्मे़ले़क्तुआङ् हुक्मे़सुप्तुॽरो॥ खे़ङ्हाॽरे़ खुने़ॽ सिःमे़ल्ले़न् खुम्दिङ् मे़बिरुआङ् |
| 23880 | MAT 20:19 | थिम्मे़न्दङ् सुवाङ्हाॽरे़ किनाःन्दि मे़बिरुर, ते़ःम्भुक् मे़याक्तुर, सिलाम्साक्मा सिङ्सम्दाङ् मे़भोःन्दु मे़से़रुर फाॽआङ् हुक्मे़सुप्तुॽरो॥ हे़क्क्याङ् सुम् ये़न् एगाङ् सिःमे़न्लाम् याम्मो हिङ्लो॥” |
| 23883 | MAT 20:22 | ये़सुरे़ खे़ङ्हाॽ मे़त्तुसि, “खिन्छिॽ थेःन् के़नाःक्सुर के़बत्छिॽ खे़न् कुसिङ् के़न्निःत्छुन्॥ इङ्गाॽ थुङुङ्बा तुक्खेवा खोर्याओ थुङ्मा के़सुक्सुबि?” खे़ङ्हाॽरे़ नोगप् पिरे़त्छु, “सुक्सुगे़ॽ॥” |
| 23913 | MAT 21:18 | कुदाःन्दिक् तानाम्सा ये़सुःन् कुहुॽसाम्बाहाॽनु ये़क्यक्को नुःक्खे़आङ् पेर पत्छे़ल्ले़ कुसे़त्लाःक्ते़॥ |
| 23914 | MAT 21:19 | लाम्मिल्ले़ कुबेसाङ् पःत्छेॽबुङ्मान् निःसुआङ् कुबेसाङ् पे, हे़क्क्याङ् ओमे़त्तुल्ले़ कुभे़क्वारक् पत्छे़ कर कुजाॽ मे़बत्छे़न्लो॥ हे़क्केःल्ले़ ये़सुरे़ खे़न् पःत्छेॽबुङ्मान् मे़त्तु, “आल्लआङ्धो आप्फाल्ले़आङ् के़जाॽ मे़धोःक्ने़न्लरो॥” हे़क्क्याङ् खे़न् पःत्छेॽबुङ्मान् खिमो इले़मे़ स्ये़रो॥ |
| 23928 | MAT 21:33 | ये़सुरे़ याम्मो खे़ङ्हाॽ मे़त्तुसि, “वेॽस्मा खे़दाॽधिक् खे़प्से़म्मे़ॽओ॥ थिक्ले़ङ् यम्बा लाजेॽदाङ्बाधिक् वये़, खे़ल्ले़ लत्छा इक्को चे़ल्ले़क्सेॽ लेःत्तुआङ् कुघिरि लुङ्धाक् से़त्तुर फाङु, हे़क्क्याङ् कुलुम्मो लुम्बाःत् तयुआङ् खे़प्मो चे़ल्ले़क्सेॽ एःम्मा ते़न्धिक्चोगु॥ इक् कोमा याक्साधिक्काङ् चोगु, हे़क्क्याङ् खे़न् चे़ल्ले़क्सेॽ इक्किन् कुभ्रे़ःङ् लक् खोःमारे़ लागि इक्मसाबाहाॽ पिरुसिआङ् खुने़ॽ लाम्दिःक् चोःक्से़ पेरो॥ |
| 23953 | MAT 22:12 | सेःन्दोसु, ‘चुम्मे, खे़ने़ॽ आक्खेलॽरिक् मेःक्खिम् साभाङ्जाओ, मेःक्खिम्मो चाङ्मनाबा नुःबा तेःत् मे़ःन्ने के़लाःसे़बे?’ खे़न् मनाःल्ले़ थेआङ् पाःप्मा मे़सुक्तुन्लो॥ |
| 23954 | MAT 22:13 | हे़क्क्याङ् हाङ्ङिल्ले़ सेवारोबाहाॽ मे़त्तुसि, ‘कन् मनाःन् ते़म्से़म्मे़ॽआङ् कुलाङ् कुहुक्हाॽ इघेःक्खे़म्मे़ॽ हे़क्क्याङ् लाःक्कात् खादाम्मो लाप्फुःसे़म्मे़ॽओ॥ खे़प्मो हाःप्मान् नु साॽरिक् तुक्खेःल्ले़ हाबोॽ ये़ःङ्मान् पोःङ्लो॥’ |
| 23990 | MAT 23:3 | खे़ल्ले़ चोगुल्ले़ खे़ङ्हाॽरे़ के़म्मे़त्ति के़म्हुॽरिबा पाःन्निन् खिनिॽ इःप्मा नाःप्मा पोःङ्, कर खे़ङ्हाॽरे़ मे़जोगुबा हे़क्के मे़जोगे़म्मिन्ने़ॽओ, थेआङ्भे़ल्ले़ खे़ङ्हाॽरे़ मे़बाःत्तुबा पाःन्हाॽ कुइसिःक्ग आबाङेआङ् मे़न्जोगुन्लो॥ |
| 24021 | MAT 23:34 | हे़क्केःल्ले़ नुःरिक्काङ् खे़प्से़म्मे़ॽओ, ताःन्दि खिनिॽओ इङ्गाॽ माङ्निङ्वाॽपाःन् के़बाःप्पाहाॽ, सिक्कुम्साबा मनाहाॽ नु साम्योथिम्साम्बाहाॽ पाङ्घुङ्सिङ्लो॥ खे़ङ्हाॽओ कुभा खिनिॽ के़से़रुम्सिम्, कुभा सिलाम्साक्मा सिङ्सम्दाङ् के़भोःन्दुम्सिम्, हे़क्क्याङ् कुभाग यहुदि चुम्लुङ्हिम्मो ते़ःम्भुक् के़याक्तुम्सिम्माङ् ये़क्यक् थप्मा निङ्घुम् के़मे़त्तुम्सिम्लो॥ |
| 24024 | MAT 23:37 | “यरुसले़म्मोबा मनासे, यरुसले़म्मोबा मनासे, खिनिॽग माङ्निङ्वाॽपाःन् के़बाःप्पाहाॽ के़से़रुम्सिम्, निङ्वाॽफुमाङ्ङिल्ले़ खिनिॽओ पाङ्घुसिबा इङ्साबाहाॽ लुङ्ङिल्ले़ के़बःत्तुम्सिम्लो॥ आक्खे़न् ले़ङ् खिनिॽ मुॽइदाङ्साहाॽ वामाःप्माल्ले़ वाज्याःक्हाॽ कुप्तुसिबा कुइसिःक् खिनिॽ साःहाॽ सुम्मासि निङ्वाॽ चोगुङ्, कर खिनिॽ के़न्दे़न्दिन्लो॥ |
| 24032 | MAT 24:6 | खिनिॽग थङ् नु थङ्हाॽरे़न् हयङ्किल्लिङ्हाॽ के़घे़प्सुम्, कर खिनिॽ निङ्वाॽ मे़मये़म्मिन्ने़ॽओ॥ कङ्हाॽग पोःङ्माए पोःङ्, कर बा खे़न् ये़म्मोएग इक्सादिङ् खाम्बेःक्माल्ले़ कुनुप्मान् मे़दाने़न्लो॥ |
| 24043 | MAT 24:17 | खे़न् ये़म्मो हिम् सम्दाङ् के़वाॽबा मनाःन् चिगःक्वा लाःसे़ हिम् सिगाङ् मे़लाःत्ने़न्ल॥ |
| 24052 | MAT 24:26 | खे़ल्ले़ चोगुल्ले़ मनाहाॽरे़ ‘ओमे़त्ते़म्मे़ॽ, ख्रिस्ते़ङ्ग ये़ःङ्घादे़न्नो वाॽ’ के़म्मे़त्तिग्र, ओमे़त्छे़ खे़प्मो मे़बेगे़म्मिन्ने़ॽओ, इग्र ‘ओमे़त्ते़म्मे़ॽ, खुने़ॽ कप्मो सिगाङ्बा याक्फाङ्ङो वाॽ’ के़म्मे़त्तिसाङ् खे़ङ्हाॽरे़ खुनिॽ पाःन्निन् नसाःन् मे़जोगे़म्मिन्ने़ॽओ॥ |
| 24086 | MAT 25:9 | खे़न् सिक्कुम्सामा मे़न्छियाॽहाॽरे़ नोगप् मे़बिरुसि, ‘मे़ःन्लो, आनिॽ के़रे़क् के़दे़क्पा निःङ्गेॽग मे़गत्तुम्बे़न्लो॥ निःङ्गेॽ के़सङ्बाहाॽरो खिनिॽ पेगे़म्मे़ॽआङ् इङे़म्मे़ॽओ॥’ |
| 24107 | MAT 25:30 | आल्ल खे़न् इनाःम्बा सेवारोबान् लाःक्कात् खादाम्मो लाप्फुःसे़म्मे़ॽ॥ खे़प्मो हाःप्मान् नु साॽरिक् तुक्खेःल्ले़ हाबोॽ ये़ःङ्मान् पोःङ्लो॥’” |
| 24111 | MAT 25:34 | हे़क्क्याङ् हाङ्ङिल्ले़ कुजुप्साङ् ले़प्माङ्बाहाॽ मे़त्तुसि, ‘पानुदिङ् आम्बारे़ मुॽइसाम् पिरुसिबासे, त्ये़म्मे़ॽओ, नावागे़न्चइःत् ने़स्से़आङ्धो खिनिॽ लागि यारिप् चोःक्मनाबा हाङ्जुम्मिन् युक्ते़म्मे़ॽओ॥ |
| 24178 | MAT 26:55 | हे़क्क्याङ् ये़सुरे़ कुदे़म्से़ के़दाःबा मनाहाॽ मे़त्तुसि, “इङ्गाॽ हाङ्बिफ्युङ् के़जोःक्पाआबि? थेआङ् इङ्गाॽ आदे़म्से़ ताभेनु तक्काःत्नु के़द्ये़ॽइबे? इङ्गाॽग थिक्याःन्धक्सा माङ्हिम् लक्खुम्मो निसाम् हुॽइसे़ वयाङ्बा हे़क्केसाङ् याप्मि के़न्दे़म्सिन्॥ |
| 24188 | MAT 26:65 | हे़क्क्याङ् मानिङ्वाॽफुसाम्बाल्ले़ कुसाक्के़न् ओसेःन्धाक्तुसिर आबाङे कुदेःत्तिन् थे़ःक्खुआङ्अक्खे पाःत्तु, “कल्ले़ग निङ्वाॽफुमाङ्ङिल्ले़ कुदक्ले़ङ्वाओ माङ्चे़ॽया पाःन्पाःत्तुरो! आल्ल आनिॽ वेॽ तोःन्दिहाॽ थेआङ् चाहाबा आजोगे़बे? कल्ले़ग निङ्वाॽफुमाङ्ङिल्ले़ कुदक्ले़ङ्वाओ माङ्चे़ॽया पाःन्पाःत्तुबान् खिनिॽ के़घे़प्सुम्लो॥ |
| 24224 | MAT 27:26 | हे़क्क्याङ् पिलातसरे़ बरब्बासे़न ले़रु पिरुसि, कर ये़सुःन् ते़ःम्भुक् याक्मा पाङ्घुसिआङ् सिलाम्साक्मा सिङ्सम्दाङ् फोःम्मा फाॽआङ् रोमि थक्सुबाहाॽ हुक्सुप्तुसिरो॥ |
| 24240 | MAT 27:42 | खे़ङ्हाॽरे़ मे़बाःत्तु, “खे़ल्ले़ग वेॽहाॽ ताङ्से़ःप्तुसि, कर आबाङे ताङ्से़ःप्सिङ्मा मे़सुक्ते़न्लो॥ खुने़ॽग इस्राइलस्मा हाङ्मु! हाराॽ खुने़ॽ सिलाम्साक्मा सिङ्ङोलाम् यो थाःर, हे़क्क्याङ् आनिगे़ खुने़ॽ नसाःन् चोगुम्बे़ॽरो॥ |
| 24283 | MAT 28:19 | खे़ल्ले़ चोगुल्ले़ पेगे़म्मे़ॽआङ् के़रे़क् मे़न्छाम् सुवाङ्हाॽ हुॽसाम्बा चोगे़म्सिम्मे़ॽओ॥ पानुदिङ् पाः, आबुदिङ् साः, हे़क्क्याङ् सेसेमाङ्ङिल्ले़ कुमिङ्ङो बप्तिस्मा पिरे़म्सिम्मे़ॽओ॥ |
| 24284 | MAT 28:20 | इङ्गाॽ इङ्जाःङ् पिनिङ्बा के़रे़क् पाःन्हाॽ इःप्मा नाःप्मा हुॽरे़म्सिम्मे़ॽओ॥ ओमे़त्ते़म्मे़ॽओ, इङ्गाॽग इक्सादिङ् खाम्बेःक्माल्ले़ कुनुप्मो थारिक्के खिनिॽनु सदादिङ् वाॽआरो॥” |
| 24329 | MRK 1:45 | कर खुने़ॽ पेआङ् नुःरे़बा पाःन्निन् के़रे़क् मनाहाॽ चे़क्तुसि॥ खे़ल्ले़ चोगुल्ले़ ये़सुःन् पाङ्जुम्मो मनाहाॽरे़ मे़निःसुर ताःमा मे़सुक्ते़न्लो॥ हे़क्क्याङ् खुने़ॽ लाःक्कात् एःक्सादे़न्नो वये़आङ् खे़प्मोए काक् पिसाङ्लाम् यरिक् मनाहाॽ मे़द्ये़रो॥ |
| 24333 | MRK 2:4 | कर खे़न् हिम्मो यरिक् मनाहाॽरे़ सधे़क्मे़धिम्सुआङ् मे़युङे़बाल्ले़ चोगुल्ले़ खे़ङ्हाॽरे़ खे़न् लङ्ले़ःङ्वाःन् ये़सुरे़ कुदगि तेॽमा मे़न्छुक्तुन्॥ हे़क्केःल्ले़ खे़न् मनाहाॽरे़ थो खाम्बुओ मे़लाःसे़आङ् खाम्बुःन् मे़हन्दु॥ हे़क्क्याङ् खे़न् लङ्ले़ःङ्वाःन् कुने़त्नाःन्नुए ये़सुरे़ कुदगि यो मे़धाःसु॥ |
| 24384 | MRK 3:27 | के़धुम्बा मनाःल्ले़ कुहिम्मो लाःप्माआङ् खे़ल्ले़ कुजिगःक्वाहाॽ नाप्मादेॽमानुःल्ले़ तगि खे़न् के़धुम्बा मनाःन् इघेःङ्माए पोःङ्लो॥ हे़क्क्याङ्लक् कुहिम्मो लाःप्माआङ् चिगःक्वाहाॽ लःप्मादेॽमा सुक्ते़त्लो॥ |
| 24399 | MRK 4:7 | हे़क्क्याङ् कुभा याॽरिःम्बाङ्ग तिङ्ग्रेःक्पाल्ले़ कुसेॽ के़ने़बा ते़न्नो चुक्ते़आङ् सोसोरिक् लिङे़ल्ले़ तिङ्ग्रेःक्पाल्ले़ खे़न् सुःप्तुदेःसुआङ् कुजाॽ थोःक्मा मे़सुक्ते़न्लो॥ |
| 24437 | MRK 5:4 | थेआङ्भे़ल्ले़ मनाहाॽरे़ यरिक्ले़ङ् कुहुक् कुलाङ्ङो इमे़घेःक्खु मे़भत्छु मे़बिरुबा फे़न्थक्क्रङ्हाॽ नु फे़न्हुक्पाःङ्गिहाॽ फुॽरुआङ् वये़रो॥ आत्तिल्ले़आङ् खे़न् मनाःन् युक्को कप्मा मे़सुक्तुन्लो॥ |
| 24479 | MRK 6:3 | कङ्ग मरियमरे़ कुस्साः सिङ् के़गाम्बे़न् मे़ःम्बि? कङ्ग याकुब, युसुफ, यहुदा नु सिमोनसिरे़ खुनिॽ फुॽने मे़ःम्बि? कल्ले़ कुन्साॽ मे़न्छुमाहाॽग आनिॽनुएसे़ मे़वाॽबा॥” हे़क्केःल्ले़ खे़न् मनाहाॽरे़ खुने़ॽ नामे़न्छाॽरुन्लो॥ |
| 24480 | MRK 6:4 | ये़सुरे़ खे़ङ्हाॽ मे़त्तुसि, “माङ्निङ्वाॽपाःन् के़बाःप्पे़ङ्ग कुबाङ्भेॽसाबाहाॽ, कुगाॽइसोधोःक्हाॽ नु कुहिम्सयङ्हाॽरे़ इङ्धाःङ् मे़म्बिरुन्लो॥ कर वेॽ ते़न्नोरक् खुने़ॽ कुबाःन्निन् मे़घे़प्सुॽरो॥” |
| 24484 | MRK 6:8 | हे़क्क्याङ् अक्खेलॽरिक् इङ्जाःङ् पिरुसि, “खिनिॽ लाम्दिःक्को के़बेगिल्ले़ तक्काःत्लक्याङ्ङासिम्मे़ॽ, खे़न्नाङ्धो वेॽ चामा चा, सुःक्वा नु याङ् थेआङ् मे़देॽरे़म्मिन्ने़ॽओ॥ |
| 24492 | MRK 6:16 | कर हे़रोद हाङ्ङिल्ले़ कन् खे़प्सुआङ् अक्खे पाःत्तु, “कङ्ग बप्तिस्मा के़बिबा युहुन्नाःल्लो॥ इङ्गाॽ खुने़ॽ कुनिःङ्मान्खक् पाङ्घुङ्सिङ्ङाङ्वये़, कर याम्मो कुसिवे़त्लाम् कुहिङ्वे़त् पोःक्खे़रो!” |
| 24513 | MRK 6:37 | कर ये़सुरे़ खे़ङ्हाॽ मे़त्तुसि, “खिनिॽए कङ्हाॽ कुजा पिरे़म्सिम्मे़ॽओ” खे़ङ्हाॽरे़ ये़सुःन् याम्मो मे़मे़त्तु, “आदाङ्बे, किप्ने़त्छि (२००) याङ्ङिल्ले़ इङ्मनाबा खरे़ःङ्ङिल्ले़आङ् कङ्हाॽ मे़योरुन्छिन्लो॥ आक्खेलॽरिक् पिमा सुक्मे़दे़प्पे?” |
| 24535 | MRK 7:3 | (फरिसिहाॽ नु काक् यहुदिहाॽरे़ खुनिॽ पाधे़बाहाॽरे़ खुनिॽ साक्थिम् कुइसिःक् वामे़न्हप्सिङ्ङे चा मे़न्जने़न्लो॥ |
| 24556 | MRK 7:24 | ये़सुःन् खे़न् ते़न्नोलाम् तायर नु सिदोन ये़क्यक् खिरिबा थुम्हाॽओ पेरो॥ हे़क्क्याङ् खुने़ॽ थिक् हिम्मो लाःसे़, थेआङ्भे़ल्ले़ खुने़ॽ खे़प्मो त्ये़बा आत्तिन्हाॽरे़आङ् निङ्वाॽ मे़ङ्घोःसुन्ल के़लॽबा इःत्तुआङ् वये़॥ कर खुने़ॽ चिङ्सिङ्मा मे़सुक्ते़न्लो॥ |
| 24606 | MRK 8:37 | मे़न्छाम् याप्मिःल्ले़ मे़न्नुप्मनाबा हिङ्मन्निन् याङ्ना खोःमारे़ लागि थेःल्ले़आङ् नुःक्मा मे़सुक्तुन्लो॥ |
| 24610 | MRK 9:3 | कुदेःत्हाॽ मिक्किन् चे़मुर थारिक् फुत्त्रिःङ्ग्याःप्पा पोःक्खे़, खे़म्म्याक् साॽरिक् फः लॽर थारिक् इक्सादिङ् खाम्बेःक्मो हाःत्ले़आङ् चाङ्ङिन् वाहप्मा मे़सुक्तुन्लो॥ |
| 24611 | MRK 9:4 | हे़क्क्याङ् माङ्निङ्वाॽपाःन् के़बाःप्पा एलियाःन् नु मोसाःन् थाःम्ने़त्छिआङ् ये़सुःन्नु ताॽजे़क्खे़त्छिरो॥ |
| 24646 | MRK 9:39 | ये़सुरे़ खे़ङ्हाॽ मे़त्तुसि, “खे़न् हे़क्के चोःक्मा मे़साक्ते़म्मिन्ने़ॽओ, थेआङ्भे़ल्ले़ हाःत्ले़ इङ्गाॽ आमिङ्ङो निङ्वाॽ के़माबा याःम्बक् चोगुॽ, खे़न् आदक्ले़ङ्वाओ हारा मे़बोःक्ने़न्लो॥ |
| 24684 | MRK 10:27 | ये़सुरे़ खे़ङ्हाॽ ओमे़त्तुसिर मे़त्तुसि, “खे़प्से़म्मे़ॽ, मे़न्छाम् याप्मिरे़ लागिग कन् सुक्मे़न्दे़प्मना चोःक्साङ्, निङ्वाॽफुमाङ्ङिल्ले़ कुलागिग मे़साक्ने़न्लो॥ निङ्वाॽफुमाङ्ङिल्ले़ के़रे़क् पाःन्हाॽ चोःक्मा सुक्तुॽरो॥” |
| 24690 | MRK 10:33 | “आल्ल आनिॽ यरुसले़म आगे़त्ताङ् खे़प्मो तुम्निङ्वाॽफुसाम्बाहाॽ नु साम्योथिम्साम्बाहाॽरे़ खुनिॽ हुक्को मे़न्छाम्साःन् इङ्मे़ले़क्तुआङ् हुक्मे़सुप्तुॽरो॥ हे़क्क्याङ् खे़ङ्हाॽरे़ खुने़ॽ सिःमे़ल्ले़न् खुम्दिङ् मे़बिरुआङ् थिम्मे़न्दङ् सुवाङ्हाॽरे़ खुनिॽ हुक्को मे़बिरुॽरो॥ |
| 24695 | MRK 10:38 | ये़सुरे़ खे़ङ्हाॽ मे़त्तुसि, “खिन्छिॽ थेःन् के़नाःक्सुर के़बत्छिॽ खे़न् कुसिङ् के़न्निःत्छुन्॥ इङ्गाॽ थुङुङ्बा तुक्खेवा खोर्याओ थुङ्मा के़सुक्सुबि? हे़क्क्याङ् इङ्गाॽ पोःङ्ङाबा बप्तिस्मान् खिन्छिॽ पोःङ्मा के़सुक्सुबि?” |
| 24721 | MRK 11:12 | हे़क्क्याङ् कुदाःन्दिक् तानाम्सा बे़थानिलाम् यरुसले़म मे़बेर मे़बत्छे़ल्ले़ ये़सुरे़ कुसे़त्लाःक्ते़॥ |
| 24793 | MRK 13:7 | हे़क्क्याङ् खिनिॽ थङ् नु थङ्हाॽरे़न् हयङ्किल्लिङ्हाॽ के़घे़प्सुम्, कर निङ्वाॽ मे़मये़म्मिन्ने़ॽओ॥ कङ्हाॽग पोःङ्माए पोःङ्, कर बा खे़न् ये़म्मोएग इक्सादिङ् खाम्बेःक्माल्ले़ कुनुप्मान् मे़दाने़न्लो॥ |
| 24801 | MRK 13:15 | हे़क्क्याङ् खे़न् ये़म्मो हिम् सम्दाङ् के़वाॽबा मनाःन् चिगःक्वा लाःसे़ हिम् सिगाङ् मे़लाःत्ने़न्लरो॥ |
| 24816 | MRK 13:30 | इङ्गाॽ से़क्खाए मे़त्निङ्, कन् के़रे़क् पाःन्हाॽ मे़म्बोःङ्ङे थारिक् कन् मे़न्छाम् थाःक्हाॽ मे़न्छिःने़न्लो॥ |
| 24822 | MRK 13:36 | खुने़ॽ हक्चघत् ताःल्ले़ खिनिॽ के़इप्सिआङ् के़ने़स्सिबा के़न्दुमिन्निरो॥ |
| 24836 | MRK 14:13 | हे़क्केःल्ले़ ये़सुरे़ ने़प्फु कुहुॽसाम्बाहाॽ अक्खे मे़त्तुसिर यरुसले़म्मो पाङ्घुसि, “खिन्छिॽ ये़क्यक्को के़लाःत्छिर के़बत्छिल्ले़ च्वाःत् कुःन्दा के़बङ्बा मनाधिक्ले़ के़दुम्सिॽ॥ खे़न् लाःप्पा हिम्मो थारिक् तिम्दे़त्छे़ॽ॥ हे़क्क्याङ् हिम्दाङ्बान् मे़त्ते़त्छे़ॽ, ‘आनिगे़ सिक्साम्बाल्ले़ खे़ने़ॽ अक्खे के़मे़त्ते़आङ् के़वाॽरो, तरे युङ्मा याक्फाङ्ङिन् आत्तो ने़बे? खे़प्मो इङ्गाॽ आहुॽसाम्बाहाॽनु यहुदि चोःक्युम्भो तङ्नाम्मिल्ले़न्साभाङ्जाःन्चाङ्लो॥’ |
| 24838 | MRK 14:15 | हे़क्क्याङ् खे़ल्ले़ खिन्छिॽ थोःस्मा खाम्लोओ यारिप् चोःक्मनाबा लत्छा यम्बा याक्फाङ्ङिन् ओसेःन्गे़धाक्सिॽ॥ खे़प्मोए आनिॽ साभाङ्जाःन्यारिप् चोगे़त्छे़ॽओ॥” |
| 24887 | MRK 14:64 | कल्ले़ग निङ्वाॽफुमाङ्ङिल्ले़ कुदक्ले़ङ्वाओ माङ्चे़ॽया पाःन्पाःत्तुबान् खिनिॽ के़घे़प्सुम्लो॥ आल्ल थे़मा के़इःत्तुम्बे?” खे़प्मो के़वाॽबा मनाहाॽरे़ खुने़ॽ सिःमे़ल्ले़ खुम्दिङ् खोःमाए पोःङ् फाॽआङ् मे़मे़त्तु॥ |
| 24910 | MRK 15:15 | पिलातसरे़ खे़ङ्हाॽरे़ खुनिॽ निङ्वाॽ ताःमा पिमासि फाॽआङ् बरब्बासे़न ले़रु पिरुसि, कर ये़सुःन् ते़ःम्भुक् याक् पाङ्घुसिआङ् सिलाम्साक्मा सिङ्सम्दाङ् फोःम्मा फाॽआङ् रोमि थक्सुबाहाॽ हुक्सुप्तुसिरो॥ |
| 24953 | MRK 16:11 | खे़ङ्हाॽरे़ ये़सुःन् सिःमे़न्लाम् याम्मो हिङे़बा नु खे़ल्ले़ निःसुबा पाःन्निन् मे़घे़प्सुसाङ् नसाःन् मे़न्जोगुन्लो॥ |
| 24955 | MRK 16:13 | हे़क्क्याङ् खे़ङ्हाॽ ने़प्माङ् नुःक्खे़त्छिआङ् खुन्छिॽ निःसे़त्छुबा पाःन्निन् वेॽहाॽ चे़क्ते़त्छु, कर खे़ङ्हाॽरे़ नसाःन् मे़न्जोगुन्लो॥ |
| 24956 | MRK 16:14 | याङ्सि थिक्-थिक् (११) हुॽसाम्बाहाॽरे़ मे़जर मे़युङे़ल्ले़ ये़सुःन् खे़प्मो ओसेःन्धाक्सिङ्॥ हे़क्क्याङ् ये़सुरे़ खे़ङ्हाॽ फे़ःक्तुसि, थेआङ्भे़ल्ले़ खुनिॽ नसाःन् सुःम्मान् नु निङ्वाॽ थुङ्माल्ले़ चोगुल्ले़ खे़ङ्हाॽरे़ खुने़ॽ सिःमे़न्लाम् याम्मो हिङे़बा के़निःबाहाॽरे़ खुनिॽ पाःन्निन् नसाःन् मे़न्जोगुन्लो॥ |
| 25012 | LUK 1:50 | हे़क्क्याङ् खुने़ॽ मिङ्सो इङ्धाःङ् के़बिबाहाॽ के़रे़क् थाःक्थाःक्को खुने़ॽ कुलुङ्गुम्मिन् ओसेःन्धाक्तुसिॽरो॥ |
| 25038 | LUK 1:76 | “आस्साःए, खे़ने़ॽ के़रे़क्नुःल्ले़ पयम् यम्बा निङ्वाॽफुमाङ्ङिल्ले़न् माङ्निङ्वाॽपाःन् के़बाःप्पा के़म्मे़त्लो॥ थेआङ्भे़ल्ले़ खे़ने़ॽ दाङ्बाल्ले़ कुदगि लाम् यारिप् चोःक्से़ के़बेःक्लो॥ |
| 25039 | LUK 1:77 | हे़क्क्याङ् कुमनाहाॽ लायोलाम् ले़प्मि नु से़न्लप्रे़ सिक्कुम्दिङ् निङ्वाॽ ओसे़ःन्गे़धाक्तुसिॽरो॥ |
| 25049 | LUK 2:7 | सादुङ्ङिल्ले़ तरु, हे़क्क्याङ् तुम्बा ये़म्बित्छाॽसाःन् सावाःन्दुआङ् खे़न् अङे़ःक्वाःन् तेःत्तिल्ले़ सुङुआङ् वाघोःङ्ङो ने़स्सु, थेआङ्भे़ल्ले़ खे़ङ्हाॽरे़ चे़याङ्धोःक्को याङ्धोःक्मा मे़घोःसे़त्छुन्लो॥ |
| 25085 | LUK 2:43 | खे़न् तङ्नाम्मिन् पेआङ् खे़ङ्हाॽ हिम्मो नुःङ्मा मे़हेःक्ते़, कर ये़सुःन् यरुसले़म्मोए वये़लारे़॥ कन् पाःन्निन् ये़सुरे़ कुम्बा कुम्मासिरे़ निङ्वाॽ मे़घोःसे़त्छुन्लो॥ |
| 25087 | LUK 2:45 | कर मे़दुमे़त्छुन्नाङ् ने़प्माङ् कुगोःत्छे़ यरुसले़म्मो नुःक्खे़त्छि॥ |
| 25092 | LUK 2:50 | कर कन् पाःन्निन् खे़ङ्हाॽरे़ कुसिङ् मे़निःत्ते़त्छुन्लो॥ |
| 25134 | LUK 4:2 | खे़प्मो लिबोःङ्ये़न् (४०) थारिक् वये़ल्ले़ माफे़न्साम्मिल्ले़ खुने़ॽ लायो चोःक्पाङ्मा फाॽआङ् कुनिङ्वाॽ साॽरु॥ खे़न् ये़म् खाराक् खुने़ॽ थेआङ् मे़जने़न्, हे़क्क्याङ् खे़न् एगाङ् कुसे़त्लाःक्ते़॥ |
| 25195 | LUK 5:19 | कर खे़प्मो ये़सुःन् वये़बा हिम्मो यरिक् मनाहाॽरे़ सधे़क्मे़धिम्सुआङ् मे़युङे़बाल्ले़ चोगुल्ले़ सिगाङ् तेॽमा मे़न्छुक्तुन्॥ हे़क्केःल्ले़ थो खाम्बुओ मे़लाःसे़आङ् खाम्बुःन् मे़हन्दु॥ हे़क्क्याङ् लङ्ले़ःङ्वाःन् कुने़त्नानुए मनाहाॽरे़ खुनिॽ लुम्मो ये़सुरे़ कुदगि यो मे़होसु मे़धासुरो॥ |
| 25242 | LUK 6:27 | “कर इङ्गाॽ आबाःन् के़घे़म्बासे, खिनिॽ निङ्मिहाॽ लुङ्माॽ तुक्ते़म्सिम्मे़ॽओ॥ याप्मि के़जिःप्पाहाॽ नुःरिक् मे़त्ते़म्सिम्मे़ॽओ॥ |