| 23249 | MAT 2:11 | हिम् सिगाङ् मे़लाःस्से़ल्ले़ अङे़ःक्वाःन् नु कुम्मा मरियम्मिन् मे़निःसुसिरो॥ खे़ङ्हाॽरे़ साम्बोःन्नाङ् अङे़ःक्वाःन् सेवा मे़मे़त्तु, हे़क्क्याङ् सुःक्वाःन्मे़भाःक्खुआङ् साम्म्याङ्, थिक् परिक्पा इमे़ल्लुङ्बा साङ्सिङ् नु कुनाम् के़नुॽबा मुर्रहाॽ मे़दोःन्दु मे़बिरुरो॥ |
| 23256 | MAT 2:18 | “के़हाःप्मा के़भिःक्मा नु मेरिङ् के़धक्मा यम्बा इक्लाःन् रामा पाङ्जुम्मो खे़म्दे़त्लो, राहे़लरे़ कुस्साःहाॽ हाःप्तुसिॽरो॥ खे़ङ्ग हाङ्हाङ् मे़त्छिङ्मा मे़दे़न्ने़न्लो, थेआङ्भे़ल्ले़ कुस्साःहाॽ के़रे़क् मे़स्ये़रो॥” |
| 23263 | MAT 3:2 | “खिनिॽ लायोलाम् हिन्दे़म्मे़ॽओ, थेआङ्भे़ल्ले़ साङ्ग्राम्पेदाङ्बा हाङ्जुम्मिन् निःत्ताङ्ङे त्ये़आङ् वाॽरो॥” |
| 23270 | MAT 3:9 | आनिगे़ग अब्राहामरे़ कुस्साःसिगे़, खे़ल्ले़ चोगुल्ले़ खुम्दिङ्लाम् खे़त्छिङ्मा सुक्तिगे़ॽ फाॽआङ् निङ्वाॽ मे़इःत्ते़म्मिन्ने़ॽओ, थेआङ्भे़ल्ले़ निङ्वाॽफुमाङ्ङिल्ले़ग कन् लुङ्हाॽआङ् अब्राहामरे़ कुस्साः चोःक्मा सुक्तुसिॽरो॥ |
| 23295 | MAT 4:17 | खे़न् ये़म्माङ्धो ये़सुरे़ अक्खे पाःत्तुर इङ्भोःमा हेःक्तु, “लायोलाम् हिन्दे़म्मे़ॽओ, थेआङ्भे़ल्ले़ साङ्ग्राम्पेदाङ्बा हाङ्जुम्मिन् निःत्ताङ्ङे त्ये़आङ् वाॽरो॥” |
| 23323 | MAT 5:20 | कर खे़प्से़म्मे़ॽओ, फरिसिहाॽ हे़क्क्याङ्साम्योथिम्साम्बाहाॽनुःल्ले़आङ् निङ्वाॽफुमाङ्ङिल्ले़ कुइङ्जाःङ्हाॽ खिनिॽ नुःरिक्काङ् के़न्इःत्तुम्मिन् के़न्नाःत्तुम्मिन्ने़ फाॽग्र से़क्खासाङ् खिनिॽ साङ्ग्राम्पेदाङ्बा हाङ्जुम्मो के़न्लासिन्लो॥” |
| 23358 | MAT 6:7 | हे़क्क्याङ् तुवा के़जोगिल्ले़ निङ्वाॽफुमाङ्ङिन् कुसिङ् मे़न्निःप्मनाबाहाॽ हे़क्के मनाहाॽरे़ मे़घे़प्सुर मुनुनु मे़लॽरे़म्मिन्ने़ॽओ, थेआङ्भे़ल्ले़ खे़ङ्हाॽरे़ग यरिक् मे़बाःत्तिल्ले़रक् माङ्ङिल्ले़ खुनिॽ तुवाःन् खे़प्सुॽ फाॽआङ् मे़इःत्तुॽरो॥ |
| 23359 | MAT 6:8 | कर खिनिॽ खे़ङ्हाॽ हे़क्के मे़जोगे़म्मिन्ने़ॽओ, थेआङ्भे़ल्ले़ नाःक्मानुःल्ले़ तगिए साङ्ग्राम्बा पानुदिङ् खिनिॽ पाःल्ले़ के़ङ्गत्तुम्मिन्बान् निःसुॽरो॥ |
| 23364 | MAT 6:13 | हङ्साॽमो आन्धाःसे़न्ने़ॽओ, कर माफे़न्साम्लाम् आसे़ःप्ते़ॽओ॥ ((थेआङ्भे़ल्ले़ हाङ्जुम्, मुक्साम् नु मिमिदिङ्ङिन् सदादिङ् खे़ने़ॽइन्नेरो॥))’ |
| 23377 | MAT 6:26 | पुसाहाॽ ओमे़त्ते़म्सिम्मे़ॽ, खे़ङ्हाॽरे़ चा मे़न्देःसुन् मे़न्छुप्सुन् हे़क्क्याङ् याङ्मे़ङ्घोःत्तुन्छाङ्साङ्ग्राम्पेदाङ्बा खिनिॽ पाःल्ले़ खे़ङ्हाॽ चामा पिरुसिरो॥ हे़क्केःल्ले़ खिनिॽ खे़ङ्हाॽनुःल्ले़आङ् इमे़ल्लुङ्बा के़न्जोगिम्बि? |
| 23391 | MAT 7:6 | सेसे चिगःक्वाःन् ख्याबाहाॽ मे़बिरे़म्सिम्मिन्ने़ॽ, मे़ःन्ने़ फाॽग्र खे़ङ्हाॽ हिल्लिक्मे़हिसिङ् हे़क्क्याङ् के़म्भत्तिॽआङ् के़म्हाॽरिरो॥ हे़क्क्याङ् फाक्हाॽरे़ खुनिॽ तगि ते़क्सेःक्किन् मे़से़से़म्मिन्ने़ॽओ, खे़ङ्हाॽरे़ मे़दोॽरु मे़लाःक्तुॽरो॥” |
| 23397 | MAT 7:12 | “के़रे़क् पाःन्नो मनाहाॽरे़ आक्खेलॽरिक् खिनिॽ के़म्मे़त्ति के़म्इःत्तिबा निङ्वाॽ के़जोगुम्, हे़क्केलॽरिक्के खिनिॽआङ् खे़ङ्हाॽ इःत्ते़म्सिम्मे़ॽओ, थेआङ्भे़ल्ले़ कन् थिम्मो मोसारे़ साप्तुबा साम्योथिम् नु माङ्निङ्वाॽपाःन् के़बाःप्पाहाॽरे़ मे़बाःत्तुबा पाःन्निन् के़त्लो॥” |
| 23403 | MAT 7:18 | हे़क्क्याङ् नुःबा सिङ्बुङ्ङो ताप्फे़ःम्बा सिङ्सेॽइन् मे़धोःक्ने़न्लो, हे़क्क्याङ् ताप्फे़ःम्बा सिङ्बुङ्ङो नुःबा सिङ्सेॽइन् मे़धोःक्ने़न्लो॥ |
| 23410 | MAT 7:25 | हे़क्क्याङ् पाङ्गे़न्दिङ् वाहित् थ्ये़आङ्, यङ्घङ्ङिन् कुक्खे़ ये़, हे़क्क्याङ् किप्मा के़घुःबा सुरित् केजङ् हुःरे़आङ् खे़न् हिम्मिन् हिप्तुसाङ् मे़जोःन्दे़न्लो, थेआङ्भे़ल्ले़ खे़न् हिम्मिल्ले़न् हिम्पाङ्यक्किङ्ग पयम् यम्बा लुङ् सम्दाङ् ने़स्से़रो॥ |
| 23443 | MAT 8:29 | खे़ङ्हाॽ अक्खेलॽरिक् अःक्ते़त्छि, “निङ्वाॽफुसाःए, खे़ने़ॽ आन्छिगे़नु थे के़गोःत्तुबाबे? खासे़न् ये़म्मिन्ने मे़न्दाए आन्छिगे़ तुक्खे चाःत्छे़ कप्मो के़द्ये़बाबि?” |
| 23464 | MAT 9:16 | आत्तिल्ले़आङ् कुसङ् चिरिक्किल्ले़ कुद्रे़क्चाङ्ङिन् मे़ले़म्दुन्लो, ले़म्दुने़ फाॽग्र खे़न् किङ्ङाङ् आल्लसाङ् यम्बा थे़ःक्खुदेःसुॽरो॥ |
| 23475 | MAT 9:27 | ये़सुःन् खे़प्मोलाम् पेर पत्छे़ल्ले़ ने़प्फु मिक्फःम्बाहाॽरे़ खुने़ॽ कुएगाङ् कुएगाङ् तिम्दे़त्छुर अक्खेलॽरिक् अःक्ते़त्छि, “दाउदरे़ कुस्साःए, आन्छिगे़ लुङ्माॽ आदुक्ते़ॽओ॥” |
| 23491 | MAT 10:5 | ये़सुरे़ कन् थिक्-ने़त् सेःक्युक्मिबाहाॽ अक्खे मे़त्तुसिर पाङ्घुसिरो– “थिम्मे़न्दङ् सुवाङ्हाॽरो मे़बेगे़म्मिन्ने़ॽओ, हे़क्क्याङ् सामरिहाॽरे़ खुनिॽ पाङ्जुम्हाॽओ मे़बेगे़म्मिन्ने़ॽओ, |
| 23494 | MAT 10:8 | के़दुक्पाहाॽ नुसे़म्सिम्मे़ॽ, के़सिःबाहाॽ कुहिङ्वे़त् चोगे़म्सिम्मे़ॽ, लोगेॽ तुक्माल्ले़ याङ्घुसिबाहाॽ नुसे़म्सिम्मे़ॽ, फे़न्साम्हाॽ नाःत्ते़म्लःत्ते़म्सिम्मे़ॽ॥ आम्भा के़घोःसुम्, आम्भाए पिरे़म्सिम्मे़ॽओ॥ |
| 23512 | MAT 10:26 | हे़क्केःल्ले़ खे़ङ्हाॽनु मे़गिसे़म्मिन्ने़ॽओ, थेआङ्भे़ल्ले़ मे़धाःप्ने़न्ल फाॽआङ् ते़प्ते़आङ्के़वाॽबा पाःन् इग्र कुसिङ् निःत्मे़दे़त्ने़न्ल फाॽआङ् माॽरे़आङ् के़वाॽबा पाःन् थेआङ् होःप्लो॥ |
| 23513 | MAT 10:27 | इङ्गाॽ आल्लो खागे़माक्पाओ मे़त्निङ्बा पाःन्निन् खागे़ओःप्पाओ मे़त्ते़म्सिम्मे़ॽ, खिनिॽ स्वाःत्ताङ् मे़त्निङ्बा पाःन्निन् के़रे़क् मनाहाॽरे़ मे़घे़प्सुर फाॽआङ् हिम् सम्दाङ्लाम् यम्बा इक्लाओ इङ्भन् चोगे़म्मे़ॽओ॥ |
| 23514 | MAT 10:28 | नासिङ्गे़न् थक्किन् के़से़प्पाहाॽनु खिनिॽ मे़गिसे़म्मिन्ने़ॽओ, थेआङ्भे़ल्ले़ खे़ङ्हाॽरे़ खिनिॽ याम्साम्मिन् से़प्मा मे़न्छुक्तुन्लो॥ कर नासिङ्गे़न् थक्किन् नु याम्साम्मिन् ने़प्माङ् खे़मायङ्सङ्ङो मे़ङ्मा के़सुक्पा निङ्वाॽफुमाङ्ङिन्नु किःसे़म्मे़ॽओ॥ |
| 23521 | MAT 10:35 | थेआङ्भे़ल्ले़ पाःल्ले़ कुदक्ले़ङ्वाओ ये़म्बित्छाॽसाःन्, माःल्ले़ कुदक्ले़ङ्वाओ मे़न्छुमाॽसाःन्, हे़क्क्याङ् नोःप्माल्ले़ कुदक्ले़ङ्वाओ पाङ्लिमान् फोःङ्से़ त्याङ्बारो॥ |
| 23545 | MAT 11:17 | ‘खिनिॽ लागि आनिगे़ के हिप्मना, कर खिनिॽ के़न्लाःक्खिन्, हे़क्क्याङ् आनिगे़ मेरिङ् थक्मना, कर खिनिॽ के़न्हाबिन्॥’ |
| 23556 | MAT 11:28 | के़रे़क् के़लिःप्पा कक्किल्ले़ के़गे़ःप्तिबा नु के़नाःबासे, इङ्गाॽओ त्ये़म्मे़ॽओ, इङ्गाॽ नाःम्सिङ्मा पिनिङ्लो॥ |
| 23587 | MAT 12:29 | “याम्मो खे़प्से़म्मे़ॽओ, के़धुम्बा मनाःल्ले़ कुहिम्मो लाःप्माआङ् खे़ल्ले़ कुजिगःक्वाहाॽ नाप्मादेॽमानुःल्ले़ तगि खे़न् के़धुम्बा मनाःन् इघेःङ्माए पोःङ्लो॥ हे़क्क्याङ्लक् कुहिम्मो लाःप्माआङ् चिगःक्वाहाॽ लःप्मादेॽमा सुक्ते़त्लो॥” |
| 23612 | MAT 13:4 | खे़ल्ले़ याॽरिःम्बे़न् ले़प्तुल्ले़ कुभा याॽरिःम्बे़न् लाम्मो मक्थ्ये़, हे़क्क्याङ् पुहाॽ मे़द्ये़आङ् मे़ज मे़देःसुरो॥ |
| 23621 | MAT 13:13 | खे़ल्ले़ चोगुल्ले़ इङ्गाॽ खे़ङ्हाॽनु खे़दाॽओ पाःत्तारो, थेआङ्भे़ल्ले़ खे़ङ्हाॽरे़ ओमे़मे़त्तुसाङ् मे़न्निःसुन्लो, मे़घे़प्सुसाङ् कुसिङ् मे़न्निःत्तुन्लो॥ |
| 23622 | MAT 13:14 | माङ्निङ्वाॽपाःन् के़बाःप्पा यसैयाःल्ले़ अक्खेलॽरिक् पाःत्तुबान् कन् मनाहाॽओ के़रे़बारो– ‘खिनिॽ के़घे़प्सुम्साङ् कुसिङ् के़न्निःत्तुम्मिन्, ओगे़मे़त्तुम्साङ् के़न्निःसुम्मिन्लो॥ |
| 23637 | MAT 13:29 | लाजेॽ दाङ्बाल्ले़ मे़त्तुसि, ‘हे़क्के मे़जोगे़म्मिन्ने़ॽओ, माले़ःन्दोःन् के़आःक्खुम्मिल्ले़ मासिःन्नाङ् के़आःक्खुम् के़से़रुम्लो॥ |
| 23647 | MAT 13:39 | हे़क्क्याङ् माले़ःन्दो याॽरिःम्बा के़ले़प्पा निङ्मिःङ्ग माफे़न्साम्मिन्लो॥ चासुम्मा ये़म्मिङ्ग कन् इक्सादिङ् खाम्बेःक्माल्ले़ कुनुप्मान्लो, हे़क्क्याङ् चागे़सुम्बाहाॽग माङ्लाइङ्बासिरो॥” |
| 23668 | MAT 14:2 | हे़क्क्याङ् कुसेवारोबाहाॽ अक्खे मे़त्तुसि, “कङ्ग से़क्खासाङ् से़प्पाङ्घुङ्सिङ्बा बप्तिस्मा के़बिबा युहुन्नाःन्नेरो, खुने़ॽ याम्मो हिङे़बाल्ले़ चोगुल्ले़ मुक्साम्लाम्बा निङ्वाॽ के़माबा याःम्बक् चोगुर वाॽरो॥” |
| 23681 | MAT 14:15 | हे़क्क्याङ् युःन्छिक् पोःक्खे़र पत्छे़ल्ले़ कुहुॽसाम्बाहाॽ खुने़ॽओ मे़द्ये़आङ् मे़मे़त्तु, “आदाङ्बे, कङ्हाॽ पाङ्घे़देःसे़से़ॽओ, थेआङ्भे़ल्ले़ कन् एःक्सादे़न्नो थेआङ् इङ्मा चामा खोमे़दे़त्ने़न्लो, याम्मो नाम्ध्ये़बेरो॥ हाराॽ खिरिबा पाङ्भेॽहाॽओ मे़बेःक्काङ् चामा थुङ्मा मे़इङु मे़जररो॥” |
| 23721 | MAT 15:19 | थेआङ्भे़ल्ले़ फे़न् निङ्वाॽ इःप्मा, मना से़प्मा, चाराम्मा याःम्बक्, याम्बोःप्मा, खुःम्मा, फोत्याबा तोःन्दि पिमा, माङ्चे़ॽया पाःन्हाॽ निङ्वाॽबोलाम् लःन्लो॥ |
| 23732 | MAT 15:30 | खे़प्मो यरिक् मनाहाॽरे़ लाङ्सक्पाहाॽ, मिक्फःम्बाहाॽ, लाङ् हुक् फे़त्के़लाॽबाहाॽ, खुनिॽ पाःन् मे़न्लःम्मनाबाहाॽ नु वेॽ यरिक् के़दुक्पा के़यॽबाहाॽ मे़दारुसिआङ् कुलाङ्बुङ्मो मे़युक्खुसिरो॥ हे़क्क्याङ् खे़ङ्हाॽ के़रे़क् ये़सुरे़ नुसुसिरो॥ |
| 23762 | MAT 16:21 | खे़न् ये़म्माङ्धो ये़सुरे़ कुहुॽसाम्बाहाॽ खुने़ॽ यरुसले़म्मो पेःक्माए पोःङ्, हे़क्क्याङ् खे़प्मो यहुदि तुम्लाम्लोःबाहाॽ, तुम्निङ्वाॽफुसाम्बाहाॽ नु साम्योथिम्साम्बाहाॽओलाम् यरिक् पाःन्नो तुक्खे चामाए पोःङ् हे़क्क्याङ् खुने़ॽ सिःमाए पोःङ्ङाङ् याम्मो सुम् ये़न् एगाङ् सिःमे़न्लाम् याम्मो हिङ्मा पोःङ् के़लॽबा पाःन्निन् चे़क्मा हेःक्तुसिरो॥ |
| 23789 | MAT 17:20 | ये़सुरे़ मे़त्तुसि, “थेआङ्भे़ल्ले़ खिनिॽ नसाःन्निन् सुःन्लो॥ इङ्गाॽ से़क्खाए मे़त्निङ्, खिनिॽ नसाःन्निन् यःङ्गेॽ याॽरिःम्बाधिक् याःत्छाङ् कन् कोःक्मान् ‘खे़प्मोलाम् खे़त्छिङ्ङे़ॽ’ के़मे़त्तुम्मिल्ले़, खे़न् खे़त्छिङ् पेःक्लो॥ हे़क्क्याङ् खिनिॽलाम्बा पोःङ्मा मे़न्छुक्मना थेआङ् होःप्लो॥” |
| 23816 | MAT 18:20 | थेआङ्भे़ल्ले़ ने़प्फु इग्र सुम्भु मनाहाॽ इङ्गाॽ आमिङ्ङो मे़जुम्मिल्ले़, इङ्गाॽ खुनिॽ लुम्मो वाॽआरो॥” |
| 23842 | MAT 19:11 | ये़सुरे़ नोगप् पिरुसि, “के़रे़क्ले़ग कन् पाःन्हाॽ ताःक्मा मे़न्छुक्तुन्, कर आत्तिल्ले़ निङ्वाॽफुमाङ्लाम् खोःसुॽ, खे़ल्ले़रक् ताःक्मा सुक्तुॽ॥ |
| 23860 | MAT 19:29 | आत्तिल्ले़ आलागि हिम्धाःङ्हाॽ, प्याङ्सिगे़न् इक्ताप्हाॽ, ने़ॽनुसाॽहाॽ, फुॽनुसाॽहाॽ, पाः माहाॽ, इग्र हिन्जाॽबित्छाहाॽ ले़रुसिआङ् वाॽ, खे़ल्ले़ग किप्थिक् (१००) ले़ङ्नुःल्ले़आङ्यरिक् खोःसुॽ, हे़क्क्याङ् मे़न्नुप्मनाबा हिङ्मन् खोःसुॽरो॥ |
| 23891 | MAT 20:30 | खे़प्मो मे़बेर मे़बत्छे़बा लाम्मो ने़प्फु मिक्फःम्बाहाॽ युङे़त्छि॥ खे़ङ्हाॽरे़ ये़सुःन् खे़प्मोलाम् पेःक्ल पत् के़लॽबा निङ्वाॽ खोःसे़त्छुआङ् अःक्ते़त्छि, “दाङ्बे, दाउदरे़ कुस्साःए, आन्छिगे़ लुङ्माॽ आदुक्ते़ॽओ!” |
| 23892 | MAT 20:31 | खे़न् मनाहाॽरे़ खे़ङ्हाॽ मे़भे़ःक्तुसिर स्वाःत् युङ्मा मे़बाङ्घुसि, कर खे़ङ्हाॽ आल्लसाङ् साॽरिक् अःक्ते़त्छिरो, “दाङ्बे, दाउदरे़ कुस्साःए, आन्छिगे़ लुङ्माॽ आदुक्ते़ॽओ!” |
| 23945 | MAT 22:4 | हे़क्केःल्ले़ खे़न् हाङ्ङिल्ले़ कुभा कुसेवारोबाहाॽ अक्खे मे़त्तुसिर पाङ्घुसि, ‘खे़न् उःत्छिङ् के़घोःबाहाॽ अक्खे मे़त्ते़म्सिम्मे़ॽ, इङ्गाॽ मेःक्खिम् साभाङ्जाःन्यारिप् चोगुङ्ङाङ् वाॽआ॥ लुप्मनाबा थक्साहाॽ से़रुङ्सिङ्ङाङ् के़रे़क् चामा थुङ्मान् यारिप् पोःक्खे़आङ् वाॽ, मेःक्खिम् साभाङ्जाओ त्ये़म्मे़ॽओ॥’ |
| 23957 | MAT 22:16 | फरिसिहाॽरे़ खुनिॽ हुॽसाम्बाहाॽ हे़रोद हाङ्ङिल्ले़ कुमनाहाॽनु ये़सुरो मे़बाङ्घुसि॥ खे़ङ्हाॽरे़ ये़सुःन् सेःन्मे़दोसु, “सिक्साम्बे, खे़ने़ॽग से़क्खा पाःन्लक् के़बाःप्पे़न्आनिगे़ निःसुम्बे़रो॥ हे़क्क्याङ् निङ्वाॽफुमाङ्ङिल्ले़ कुलाम्मिन् से़क्खाए के़हुॽरुसिरो॥ खे़ने़ॽ मनाहाॽरे़ खुनिॽ पाःन्नो के़म्बत्ने़न्, हे़क्क्याङ् मनाआङ्के़न्छे़न्दुन्छिन्॥ |
| 23976 | MAT 22:35 | खे़ङ्हाॽओ साम्योसाप्ला साॽरिक् के़ले़बाधिक्ले़ ये़सुःन् अक्खेलॽरिक् कुनिङ्वाॽ साॽरुर सेःन्लाप्तु, |
| 23987 | MAT 22:46 | आत्तिन्हाॽरे़आङ्पाःन्सुत्लाधिक् नोगप् पिमा मे़न्छुक्तुन्, हे़क्क्याङ् खे़न् ये़न्नाङ्धो आत्तिन्हाॽरे़आङ्खुने़ॽ पाःन् सेःन्दोःमा आःन्छिङ्माआङ्मे़न्छुक्तुन्लो॥ |
| 23990 | MAT 23:3 | खे़ल्ले़ चोगुल्ले़ खे़ङ्हाॽरे़ के़म्मे़त्ति के़म्हुॽरिबा पाःन्निन् खिनिॽ इःप्मा नाःप्मा पोःङ्, कर खे़ङ्हाॽरे़ मे़जोगुबा हे़क्के मे़जोगे़म्मिन्ने़ॽओ, थेआङ्भे़ल्ले़ खे़ङ्हाॽरे़ मे़बाःत्तुबा पाःन्हाॽ कुइसिःक्ग आबाङेआङ् मे़न्जोगुन्लो॥ |
| 23995 | MAT 23:8 | कर खिनिॽग आत्तिन्हाॽरे़आङ्सिक्साम्बे लॽरिक् के़मे़म्मे़त्तिन्लरो, थेआङ्भे़ल्ले़ खिनिॽग थिक्लक् सिक्साम्बान् के़गत्तुम्लो, हे़क्क्याङ् खिनिॽ के़रे़क्क फुॽनुसाॽ नु ने़ॽनुसाॽ हे़क्केनिङ्लो॥ |
| 24013 | MAT 23:26 | मिक्फःम्बा फरिसिसे, के़रे़क्नुःल्ले़ तगि खोर्याःन् कुसिगाङ् वाहप्ते़म्मे़ॽ, हे़क्केलॽरिक् लाःक्कात्ताङ् सेसे पोःङ्लो॥ |
| 24021 | MAT 23:34 | हे़क्केःल्ले़ नुःरिक्काङ् खे़प्से़म्मे़ॽओ, ताःन्दि खिनिॽओ इङ्गाॽ माङ्निङ्वाॽपाःन् के़बाःप्पाहाॽ, सिक्कुम्साबा मनाहाॽ नु साम्योथिम्साम्बाहाॽ पाङ्घुङ्सिङ्लो॥ खे़ङ्हाॽओ कुभा खिनिॽ के़से़रुम्सिम्, कुभा सिलाम्साक्मा सिङ्सम्दाङ् के़भोःन्दुम्सिम्, हे़क्क्याङ् कुभाग यहुदि चुम्लुङ्हिम्मो ते़ःम्भुक् के़याक्तुम्सिम्माङ् ये़क्यक् थप्मा निङ्घुम् के़मे़त्तुम्सिम्लो॥ |
| 24052 | MAT 24:26 | खे़ल्ले़ चोगुल्ले़ मनाहाॽरे़ ‘ओमे़त्ते़म्मे़ॽ, ख्रिस्ते़ङ्ग ये़ःङ्घादे़न्नो वाॽ’ के़म्मे़त्तिग्र, ओमे़त्छे़ खे़प्मो मे़बेगे़म्मिन्ने़ॽओ, इग्र ‘ओमे़त्ते़म्मे़ॽ, खुने़ॽ कप्मो सिगाङ्बा याक्फाङ्ङो वाॽ’ के़म्मे़त्तिसाङ् खे़ङ्हाॽरे़ खुनिॽ पाःन्निन् नसाःन् मे़जोगे़म्मिन्ने़ॽओ॥ |
| 24068 | MAT 24:42 | खे़ल्ले़ चोगुल्ले़ खिनिॽआङ् आप्फाल्ले़साङ् यारिप् पोःक्खे़म्मे़ॽओ, थेआङ्भे़ल्ले़ खिनिॽ दाङ्बान् आप्फाल्ले़ युःबे के़लॽबान् खिनिॽ निङ्वाॽ के़ङ्गत्तुम्मिन्लो॥ |
| 24111 | MAT 25:34 | हे़क्क्याङ् हाङ्ङिल्ले़ कुजुप्साङ् ले़प्माङ्बाहाॽ मे़त्तुसि, ‘पानुदिङ् आम्बारे़ मुॽइसाम् पिरुसिबासे, त्ये़म्मे़ॽओ, नावागे़न्चइःत् ने़स्से़आङ्धो खिनिॽ लागि यारिप् चोःक्मनाबा हाङ्जुम्मिन् युक्ते़म्मे़ॽओ॥ |
| 24122 | MAT 25:45 | खे़न् ये़म्मो खुने़ॽ नोगप् पिरुसि, ‘इङ्गाॽ से़क्खाए मे़त्निङ्, कन् आम्भुॽ आन्साॽसिओ आत्तिन् लत्छा चुक्साधिक् हे़क्के के़म्मे़त्तुम्मिन्, खे़न् इङ्गाॽए याप्मि आगे़म्मे़त्तिम्बारो॥’ |
| 24265 | MAT 28:1 | नाःम्सिङ्ये़न्निल्ले़ कुदाःन्दिक्मो, ते़ने़बा ये़न्नो खाओःत्ते़र पत्छे़ल्ले़ मरियम मग्दलिनिःन् नु वेॽस्मा मरियम्मिन् ये़सुःन् मे़ने़स्सुबा इप्पुङ्ङिन् ओमे़त्छे़ पेसिरो॥ |
| 24274 | MAT 28:10 | हे़क्क्याङ् ये़सुरे़ खे़ङ्हाॽ मे़त्तुसि, “खिन्छिॽ मे़गिसे़त्छे़न्ने़ॽओ, पेगे़त्छे़ॽआङ् आन्साॽसि गालिलओ के़बेगिमु मे़त्ते़छे़से़ॽओ, खे़ङ्हाॽरे़ इङ्गाॽ खे़त्थोए मे़दुम्माॽरो॥” |
| 24288 | MRK 1:4 | माङ्निङ्वाॽपाःन् के़बाःप्पा यसैयाःल्ले़ साप्तुबा कुइसिःक् बप्तिस्मा के़बिबा युहुन्नाःन् एःक्सादे़न्नो त्ये़आङ्लायोलाम् हिन्दे़म्मे़ॽआङ् बप्तिस्मा पोःक्खे़म्मे़ॽ, हे़क्क्याङ् निङ्वाॽफुमाङ्ङिल्ले़ खिनिॽ लायोःन् ले़प्मि के़बिरिॽ लॽरिक् इङ्भन् चोगुरो॥ |
| 24347 | MRK 2:18 | आल्ल बप्तिस्मा के़बिबा युहुन्ना नु फरिसिहाॽरे़ खुनिॽ हुॽसाम्बाहाॽ चाःने़त्तो मे़युङे़आङ् मे़वये़॥ थिक्ये़न् मनाहाॽ मे़द्ये़आङ् ये़सुःन् सेःन्मे़लाप्तु, “फरिसिहाॽ नु बप्तिस्मा के़बिबा युहुन्नाःल्ले़ खुनिॽ हुॽसाम्बाहाॽग चाःने़त्तो मे़युङ्, कर खे़ने़ॽ के़हुॽसाम्बाहाॽ थेआङ् चाःने़त्तो मे़न्युङ्ने़न्बाबे?” |
| 24350 | MRK 2:21 | आत्तिल्ले़आङ् कुसङ् चिरिक्किल्ले़ कुद्रे़क्चाङ्ङिन् मे़ले़म्दुन्लो, ले़म्दुने़ फाॽग्र खे़न् किङ्ङाङ् आल्लसाङ् यम्बा थे़ःक्खुदेःसुॽरो॥ |
| 24361 | MRK 3:4 | हे़क्क्याङ् ये़सुरे़ खे़ङ्हाॽ सेःन्दोसुसि, “नाःम्सिङ् ये़न्नो नुःबा नु ताप्फे़ःम्बा याःम्बक्को, आत्तिन् चोःक्मा नुःबाबे? हिङ्मन् ताङ्से़ःप्माबि मे़ङ्माबि?” कर खे़न् मनाहाॽ मे़म्बाःत्ते स्वाःत् मे़युङे़रो॥ |
| 24396 | MRK 4:4 | खे़ल्ले़ याॽरिःम्बे़न् ले़प्तुल्ले़ कुभा याॽरिःम्बे़न् लाम्मो मक्थ्ये़, हे़क्क्याङ् पुहाॽ मे़द्ये़आङ् मे़जमे़देःसुरो॥ |
| 24416 | MRK 4:24 | खुने़ॽ याम्मो मे़त्तुसि, “सिङ्सिङ्ङाङ् खे़प्से़म्मे़ॽओ! आक्तङ्बा कुसिःक्माल्ले़ के़सिःक्तुम्सिम्, आम्भा खे़न् कुसिःक्माल्ले़ खिनिॽआङ् के़म्सिःक्तिॽ, खे़न्नुःल्ले़ यरिक्काङ् खिनिॽ के़म्सिःक्ति के़म्बिरिॽरो॥ |
| 24419 | MRK 4:27 | हे़क्क्याङ् ये़म् ले़क्ल पेःक्किल्ले़, खुने़ॽ खे़न् याॽरिःम्बान् आक्खेलॽरिक् लिङ्फाॽआङ् कुसिङ् मे़निःत्तुन्छाङ् खे़न् याॽरिःम्बान् लिङ्लो॥ |
| 24432 | MRK 4:40 | हे़क्क्याङ् ये़सुरे़ कुहुॽसाम्बाहाॽ सेःन्लाप्तुसि, “थेआङ् खिनिॽ के़गिःसि के़स्ये़ॽइबा? आल्लसाङ् याप्मि नसाःन् के़न्जोगिन्बि?” |
| 24485 | MRK 6:9 | लाङ्सुःप्पिन् चाक्खे़म्मे़ॽ, कर वेॽ ले़क्सिङ्मा चाङ्मे़बक्खे़म्मिन्ने़ॽओ॥ |
| 24511 | MRK 6:35 | नाम्ध्ये़र पत्छे़ल्ले़ कुहुॽसाम्बाहाॽ खे़प्मो मे़द्ये़आङ् ये़सुःन् मे़मे़त्तु, “आदाङ्बे, कङ्हाॽ पाङ्घे़देःसे़से़ॽओ, थेआङ्भे़ल्ले़ कन् एःक्सादे़न्नो थेआङ् इङ्मा चामा खोःमे़दे़त्ने़न्लो, याम्मो नाम्माङ् थ्ये़बेरो॥ हाराॽ खिरिबा हिम्हाॽ नु पाङ्भेॽहाॽओ मे़बेःक्काङ् चामा थुङ्मा मे़इङु मे़जररो॥” |
| 24536 | MRK 7:4 | खे़ङ्हाॽरे़ पाङ्जुम्लाम् हिम्मो मे़दाःल्ले़ वाहप्सिङ्मा नु सेसेसाङ्साङ् चोःक्मा थिम् मे़न्जोःक्के मे़न्जने़न्॥ खे़ङ्हाॽरे़ फङ्नाहाॽ, चे़त्थ्याहाॽ, खप्प्याहाॽ वाहप्मा सुत्थो चोःक्मा वेॽ थिम्हाॽआङ् मे़गत्तुरो॥) |
| 24537 | MRK 7:5 | हे़क्केःल्ले़ फरिसिहाॽ नु साम्योथिम्साम्बाहाॽरे़ ये़सुःन् सेःन्मे़लाप्तु, “के़हुॽसाम्बाहाॽरे़ग सुत्थो चोःक्मा थिम् मे़न्जोःक्के चा मे़जबा आनिगे़ निःमना॥ थेआङ् के़हुॽसाम्बाहाॽरे़ आनिॽ पाधे़बाहाॽरे़ मे़जोगु मे़युरुबा थिम्मिन् मे़न्इःत्तुन्मे़न्नाःत्तुन्बाबे?” |
| 24553 | MRK 7:21 | थेआङ्भे़ल्ले़ मे़न्छाम्गे़न् याप्मि निङ्वाॽ सिगाङ्लाम् फे़न् निङ्वाॽ, याम्बोःप्मा, खुःम्मा, मना से़प्मा, चाराम्मा याःम्बक्, खिःम्मा, ताप्फे़ःम्बा निङ्वाॽ चोःक्मा, इङ्ले़क् चोःक्मा, चे़ल्ले़क्ले़क्लॽमा, नाहे़म्मा, चे़ॽया इङ्दो पाःप्मा, आङ्दिङ् लॽमा, अदङ् पाःन् चोःक्मा, हे़क्तङ्बा फे़न् पाःन्हाॽ लःन्लो॥ |
| 24572 | MRK 8:3 | इङ्गाॽ खे़ङ्हाॽ हिम्मो बा अक्खेए पाङ्घुङ्देःसुङ्सिङ्ने़ फाॽग्र मे़बेःक्ल मे़बत्तिल्ले़सा साक्किल्ले़ साक्लाम्बत्तुसिॽ, थेआङ्भे़ल्ले़ कुभाग साॽरिक् माःङ्घा माःङ्घालाम् मे़द्ये़आङ् मे़वाॽरो॥” |
| 24600 | MRK 8:31 | हे़क्क्याङ् ये़सुरे़ खे़ङ्हाॽ अक्खे पाःत्तुर हुॽमा हेःक्तुसि, इङ्गाॽ मे़न्छाम्साःल्ले़ यरिक् तुक्खेहाॽ तुम्मा पोःङ्, हे़क्क्याङ् यहुदि तुम्लाम्लोःबाहाॽरे़, तुम्निङ्वाॽफुसाम्बाहाॽरे़, हे़क्क्याङ् साम्योथिम्साम्बाहाॽरे़ मे़नाॽआ, हे़क्क्याङ् मे़से़त्ताआङ्याम्मो सुम् ये़न् एगाङ् सिःमे़न्लाम् याम्मो हिङ्ङा के़लॽबा पाःन्निन् कुनिङ्वाॽ हन्दुआङ् चे़क्तुसिरो॥ हे़क्केःल्ले़ पत्रुसरे़ खुने़ॽ थिक्ले़प्माङ् तेॽरुआङ् फे़ःक्तुरो॥ |
| 24632 | MRK 9:25 | हे़क्क्याङ् ये़सुरे़ यरिक् मनाहाॽ खे़प्मो मे़लोःक्ते़र मे़भे़रे़बा निःसुसिआङ् खे़न् फे़न्साम्मिन् फे़ःक्तु, “नाधाक्पा नु कुबाःन् मे़न्लःम्नाबा फे़न्साम्मे, खे़न् चुक्पे़ल्लोलाम्लःन्दे़ पेगे़ॽआङ् आप्फाल्ले़आङ् याम्मो मे़लाःसे़न्ने़ॽ!” |
| 24659 | MRK 10:2 | खे़प्मो कुभा फरिसिहाॽ मे़द्ये़आङ् खुने़ॽ कुनिङ्वाॽ साॽमा फाॽआङ् पाःन् मे़गे़सु, “आदाङ्बा सिक्साम्बे, ये़म्बित्छाॽइल्ले़ कुमेःत्तिन् नाॽमा साम्योथिम्मिल्ले़ पिरुबि मे़ःम्बि?” |
| 24674 | MRK 10:17 | हे़क्क्याङ् ये़सुःन् लाम्दिःक्को पेर पत्छे़ल्ले़ मनाधिक् लोःक्ते़ फे़रे़आङ् कुदगि थुङ्बोहजॽ युङ्सिङ्ङाङ् मे़त्तु, “के़नुॽबा सिक्साम्बाए, आक्तङ्बा नुःबा याःम्बक् चोगुङ्ङिल्ले़ मे़न्नुप्मनाबा हिङ्मन् खोःसुङ्बे?” |
| 24686 | MRK 10:29 | हे़क्क्याङ् ये़सुरे़ मे़त्तुसि, “इङ्गाॽ से़क्खाए मे़त्निङ्, आत्तिल्ले़ आलागि नु सुनाइङ्ले़ लागि हिम्धाःङ्हाॽ, प्याङ्सिगे़न् इक्ताप्हाॽ, ने़ॽनुसाॽहाॽ, फुॽनुसाॽहाॽ, पाः माहाॽ, इग्र हिन्जाॽबित्छाहाॽ ले़रुसिआङ् वाॽ, |
| 24687 | MRK 10:30 | खे़ल्ले़ से़क्खाए कन् ये़म्मो मनालाम्बा तुक्खे चामानु सोसोरिक् हिम्धाःङ्हाॽ, प्याङ्सिगे़न् इक्ताप्हाॽ, फुॽनुसाॽ, ने़ॽनुसाॽ, माहाॽ हे़क्क्याङ् हिन्जाॽबित्छाहाॽ किप्थिक् (१००) ले़ङ्नुःल्ले़आङ्यरिक् खोःसुॽरो॥ हे़क्क्याङ् के़दाःबा ये़म्मो मे़न्नुप्मनाबा हिङ्मन् खोःसुॽरो॥ |
| 24692 | MRK 10:35 | हे़क्क्याङ् जब्दियारे़ कुस्साः याकुब नु युहुन्नाःल्ले़ ये़सुःन् मे़त्ते़छु, “आदाङ्बा सिक्साम्बे, आन्छिगे़ पाःत्छुगे़बा पाःन्निन् आन्छिगे़ लागि चोगे़ॽओ के़लॽबा निङ्वाॽ कत्छुगे़ॽरो॥” |
| 24731 | MRK 11:22 | ये़सुरे़ मे़त्तुसि, “निङ्वाॽफुमाङ्ङिन्नसाःन् चोगे़म्मे़ॽ! इङ्गाॽ से़क्खाए मे़त्निङ्, हाःत्ले़ निङ्वाॽओ चप्चि मे़न्जोःक्के, कन् कोःक्मान् हाॽयाक्आगे़ॽआङ् वाहङ्ङो लाप्फुसिङ्ङे़ॽ फाॽआङ् निङ्वाॽओ नसाःन् चोगुआङ् पाःत्तुॽ, खे़ङ्ग कुलागि पोःङ्ङेरो॥ |
| 24751 | MRK 12:9 | हे़क्केःल्ले़ ये़सुरे़ सेःन्लाप्तुसि, “आल्ल खे़न् चे़ल्ले़क्सेॽ इक्के़ल्ले़ कुन्दाङ्बान् ताआङ् खे़ङ्हाॽ आक्खे मे़त्तुसिॽबे? से़क्खासाङ् खुने़ॽ के़रे़क् से़रुसिआङ् खे़न् चे़ल्ले़क्सेॽ इक्किन् वेॽ मनाहाॽ पिरुसिॽरो॥ |
| 24756 | MRK 12:14 | खे़ङ्हाॽ मे़द्ये़आङ् सेःन्मे़दोसु, “सिक्साम्बे, खे़ने़ॽग से़क्खा पाःन्लक् के़बाःत्लो॥ खे़ने़ॽग मनाहाॽरे़ खुनिॽ पाःन्नोआङ् के़म्बत्ने़न्, हे़क्क्याङ् आत्तिन् मनाहाॽआङ् के़न्छे़न्दुन्छिन्॥ खे़ने़ॽग निङ्वाॽफुमाङ्ङिल्ले़ कुलाम्मिन् से़क्खाए के़हुॽरुसिरो॥ हे़क्केःल्ले़ कन्पाःन्निन् आमे़त्ते़ॽ–रोमि पयम् हाङ् सिजरे़न् एःङ्याङ् हुङ्मा आनिॽ साम्योथिम्मिल्ले़ आबिॽबि आम्बिने़न्बि?” |
| 24787 | MRK 13:1 | ये़सुःन् माङ्हिम्मोलाम् लःन्दे़र पत्छे़ल्ले़ कुहुॽसाम्बाधिक्ले़ मे़त्तु, “आदाङ्बा सिक्साम्बे, आक्खे़न् यम्यम्बा लुङ्हाॽ नु निङ्वाॽ के़माबा हिम्हाॽने़बे, ओमे़त्ते़ॽना!” |
| 24821 | MRK 13:35 | हे़क्केलॽरिक् खिनिॽआङ् आप्फाल्ले़साङ् यारिप् पोःक्खे़म्मे़ॽओ, थेआङ्भे़ल्ले़ हिम्दाङ्बान् युःन्छिक् ताबि, से़त्लुम्भक्किल्ले़ ताःबि, इङ्वा काःल्ले़ ताबि इ खाओःत्तिल्ले़ ताःबि? आप्फाल्ले़ नुःङ् ताः के़लॽबान् खिनिॽ के़न्निःसुम्मिन्लो॥ |
| 24845 | MRK 14:22 | खे़ङ्हाॽरे़ मे़जर मे़युङे़ल्ले़ ये़सुरे़ खरे़ःङ्ङिन् खप्सुआङ् निङ्वाॽफुमाङ्ङिन् नोगे़न् पिरु, हे़क्क्याङ् खे़ःक्खुआङ् कुहुॽसाम्बाहाॽ पिरुसिर अक्खे मे़त्तुसि, “कन् ताःक्ते़म्मे़ॽओ, कन् इङ्गाॽ नासिङ्गे़न् आधक्लो॥” |
| 24872 | MRK 14:49 | इङ्गाॽग थिक्याःन्धक्सा माङ्हिम् लक्खुम्मो निसाम् हुॽइसे़ वयाङ्बा हे़क्केसाङ् याप्मि के़न्दे़म्सिन्, कर साम्योसाप्लाओ के़बप्पे़न्के़त्ल फाॽआङ् अक्खे पोःक्खे़बारो॥” |
| 24881 | MRK 14:58 | “आनिगे़ ये़सुरे़ अक्खे पाःत्तुबा खे़प्सुम्बे़रो, ‘कन् मनाहाॽरे़ मे़जोगुबा माङ्हिम्मिन् यस्सुङ्ङाङ् सुम्ये़न् एगाङ्, मनाहाॽरे़ मे़म्भाॽए, वेॽ माङ्हिम्मिन् चोगुङ्लो॥’” |
| 24896 | MRK 15:1 | कुनाम्दाःप्मा खाओःत्ते़र पत्छे़ल्ले़सा तुम्निङ्वाॽफुसाम्बाहाॽ, यहुदि तुम्लाम्लोःबाहाॽ, साम्योथिम्साम्बाहाॽ नु काक् यक्चुम्भोबा मनाहाॽ चुम्लुङ् मे़जोगे़॥ हे़क्क्याङ् खे़ङ्हाॽरे़ ये़सुःन् इमे़घेःक्खु हे़क्क्याङ् रोमि सुहाङ्गे़म्बा पिलातसरो मे़देॽरुरो॥ |
| 24949 | MRK 16:7 | खिनिॽ पेगे़म्मे़ॽआङ् कुहुॽसाम्बाहाॽ नु पत्रुसे़न् कन् इङ्घङ्ङिन् पिरे़म्सिम्मे़ॽ, ‘खुने़ॽ तगि के़मे़त्तिबा हे़क्केए खिनिॽनुःल्ले़ तगि गालिलओ पेःक्लो, हे़क्क्याङ् खे़त्थोए खुने़ॽ के़दुमुम्लो॥’” |
| 24955 | MRK 16:13 | हे़क्क्याङ् खे़ङ्हाॽ ने़प्माङ् नुःक्खे़त्छिआङ् खुन्छिॽ निःसे़त्छुबा पाःन्निन् वेॽहाॽ चे़क्ते़त्छु, कर खे़ङ्हाॽरे़ नसाःन् मे़न्जोगुन्लो॥ |
| 24984 | LUK 1:22 | हे़क्क्याङ् जकरियाःन् लाःक्कात् लःन्दे़, कर खुने़ॽ पाःप्माए मे़सुक्ते़न्लो, हे़क्केःल्ले़ हुक्चाःल्किल्ले़ मिक्सेःन् चोगुर पारे़, हे़क्क्याङ् खे़ङ्हाॽरे़ खे़ल्ले़ माङ्हिम् सिगाङ् सुफोःन् निःसुबिला लॽरिक् निङ्वाॽ मे़इःत्तुरो॥ |
| 25086 | LUK 2:44 | खे़ङ्हाॽरे़ तगि के़बेःक्पा लाम्दिःक्साबाहाॽनु पेबिला फाॽआङ् इःत्ते़त्छु॥ थिक् ये़न्बा लाम्दिःक् मे़जोगे़आङ् खुन्छिॽ काॽइ सोॽधोःक् नु तेःङ्जुम्हाॽओ ये़सुःन् कोःप्मा हेःक्ते़त्छु, |
| 25097 | LUK 3:3 | खुने़ॽ यर्दन यङ्घङ् खिरिबा लाजेॽओ खाराक् लाम्दिःक् चोगे़र लायोलाम् हिन्दे़म्मे़ॽआङ् बप्तिस्मा पोःक्खे़म्मे़ॽ, हे़क्क्याङ् निङ्वाॽफुमाङ्ङिल्ले़ खिनिॽ लायोःन् ले़प्मि के़बिरिॽ लॽरिक् इङ्भन् चोगुरो॥ |
| 25102 | LUK 3:8 | लायोलाम् के़हिन्दिबा पाःन्निन् ओसेःन्दाङ् चोःक्से़ नुःबा याःम्बक् चोगे़म्मे़ॽओ॥ आनिगे़ग अब्राहामरे़ कुस्साःसिगे़, खे़ल्ले़ चोगुल्ले़ खुम्दिङ्लाम् खे़त्छिङ्मा सुक्तिगे़ॽ फाॽआङ् निङ्वाॽ मे़इःत्ते़म्मिन्ने़ॽओ, थेआङ्भे़ल्ले़ निङ्वाॽफुमाङ्ङिल्ले़ग कन् लुङ्हाॽआङ् अब्राहामरे़ कुस्साः चोःक्मा सुक्तुसिॽरो॥ |
| 25224 | LUK 6:9 | ये़सुरे़ खे़ङ्हाॽ मे़त्तुसि, “इङ्गाॽआङ् पाःन्धिक् सेःन्दोःनिङ्लो–नाःम्सिङ् ये़न्नो नुःबा नु ताप्फे़ःम्बा याःम्बक्को, साम्योथिम्मिल्ले़ आत्तिन् चोःक्मा आबिॽबे? हिङ्मन् से़ःप्माबि मे़ङ्माबि?” |
| 25238 | LUK 6:23 | खे़न् ये़म्मो सःत्ते़म्मे़ॽओ, ओमु लॽरे़म्मे़ॽआङ् लाःक्खे़म्मे़ॽओ, थेआङ्भे़ल्ले़ खिनिॽ थुम्घोःन् साङ्ग्राम्पेदाङ्ङो पयम् यम्बा चोःक्लो॥ खुनिॽ थाःक्थे़बाहाॽरे़आङ् उन्छोःन्बा माङ्निङ्वाॽपाःन् के़बाःप्पाहाॽ हाबा हे़क्केए मे़मे़त्तुसिआङ् मे़वये़रो॥ |
| 25250 | LUK 6:35 | कर खिनिॽ निङ्मिहाॽ लुङ्माॽ तुक्ते़म्सिम्मे़ॽ, खे़ङ्हाॽ नुःरिक् मे़त्ते़म्सिम्मे़ॽ, हे़क्क्याङ् मे़नुःक्तुर फाॽआङ् मे़न्इःत्ते थे़ॽला पिरे़म्सिम्मे़ॽ, हे़क्केःल्ले़ खिनिॽ थुम्घोःन् यरिक् पोःङ्लो॥ हे़क्क्याङ् खिनिॽ के़रे़क्नुःल्ले़ पयम् यम्बा निङ्वाॽफुमाङ्ङिल्ले़ कुस्साः के़बोःक्खिॽरो, थेआङ्भे़ल्ले़ खुने़ॽग ताप्फे़ःम्बा मनाहाॽ नु फोत्याबा मनाहाॽआङ् लुङ्माॽ तुक्तुसिॽरो॥ |
| 25252 | LUK 6:37 | “मनाहाॽ पाःन् मे़धिक्ते़म्सिम्मे़न्ने़ॽ, हे़क्केलॽरिक् निङ्वाॽफुमाङ्ङिल्ले़ खिनिॽआङ् पाःन् के़न्धिक्तिन्लो॥ मनाहाॽ चे़ॽया इङ्दो मे़मे़त्ते़म्सिम्मे़न्ने़ॽओ, हे़क्केलॽरिक् खिनिॽआङ् चे़ॽया इङ्दो के़मे़म्मे़त्तिन्लरो॥ मनाहाॽ ले़प्मि पिरे़म्सिम्मे़ॽओ, हे़क्केलॽरिक् खिनिॽआङ् निङ्वाॽफुमाङ्ङिल्ले़ ले़प्मि के़बिरिॽरो॥ |
| 25253 | LUK 6:38 | मनाहाॽ पिरे़म्सिम्मे़ॽ हे़क्क्याङ् खिनिॽआङ् के़म्बिरिॽरो॥ नुःरिक् सिःक्ते़म्मे़ॽ नुःरिक् थे़क्ते़म्मे़ॽर नुःरिक् मुन्दे़म्मे़ॽर कुधिम् पोःङ्ङाङ् कुवे़त्वे़त्मनाहाॽ सिःक्ते़म् पिरे़म्सिम्मे़ॽ, बा हे़क्केलॽरिक्के खिनिॽआङ् के़म्बिरिॽरो॥ खिनिॽ आक्खेलॽरिक् के़सिःक्तुम्के़बिरुम्सिम्, बा हे़क्केलॽरिक् खिनिॽआङ् के़म्सिःक्ति के़म्बिरिॽरो॥” |
| 25254 | LUK 6:39 | हे़क्क्याङ् ये़सुरे़ कन् खे़दाॽइन् खे़ङ्हाॽ मे़त्तुसि, “मिक्फःम्बाल्ले़ वेॽ मिक्फःम्बे़न् लाम्लोमा मे़सुक्तुन्लो, लाम्लोसुने़ फाॽग्र ने़प्माङ् लुम्बाःत्तो के़ङ्सि लाःत्छिॽरो॥ |
| 25258 | LUK 6:43 | आत्तिन् नुःबा सिङ्बुङ्ङोआङ्ताप्फे़ःम्बा सिङ्सेॽ मे़धोःक्ने़न्लो, हे़क्केलॽरिक् आत्तिन् ताप्फे़ःम्बा सिङ्बुङ्ङोआङ्नुःबा सिङ्सेॽ मे़धोःक्ने़न्लो॥ |
| 25298 | LUK 7:34 | मे़न्छाम्साःन् चर थुङुर त्ये़, हे़क्क्याङ् ‘खे़न् तःक्थे़ःक्के़हाॽ, थिःमसाङ्हाॽ, एःङ्याङ् के़भोःङ्बाहाॽ नु लायोबाहाॽरे़ खुनिॽ तेःङ्बारो’ के़मे़त्तुम्लो॥ |