| 23240 | MAT 2:2 | अक्खेलॽरिक् पाःन् सेःन्मे़दोसु, “यहुदिहाॽरे़ खुनिॽ हाङ् के़बोःङ्बाआङ् सागे़वाःन्छिङ्बान् आत्तो वाॽबे? आनिगे़ नाम्गे़न् पिसाङ् कुसावाःन्छिङ्माल्ले़न् मिक्सेःन् के़बिबा खेःम्सिक्किन् निःसुम्बे़आङ् खुने़ॽ कुसेवा चोःक्से़ त्ये़ॽइगे़बारो॥” |
| 23256 | MAT 2:18 | “के़हाःप्मा के़भिःक्मा नु मेरिङ् के़धक्मा यम्बा इक्लाःन् रामा पाङ्जुम्मो खे़म्दे़त्लो, राहे़लरे़ कुस्साःहाॽ हाःप्तुसिॽरो॥ खे़ङ्ग हाङ्हाङ् मे़त्छिङ्मा मे़दे़न्ने़न्लो, थेआङ्भे़ल्ले़ कुस्साःहाॽ के़रे़क् मे़स्ये़रो॥” |
| 23258 | MAT 2:20 | मे़त्तु, “पोगे़ॽआङ् अङे़ःक्वाःन् नु कुम्माःन् इस्राइल लाजेॽओ तेॽरे़से़ॽओ, थेआङ्भे़ल्ले़ अङे़ःक्वाःन् से़प्मा के़गोःप्पे़न्स्ये़आङ् होःप्लो॥” |
| 23273 | MAT 3:12 | कुभॽएःत्तिल्ले़ सिःन् आःम्मा फाॽआङ् खुने़ॽ यारिप् वाॽ, हे़क्क्याङ् खुने़ॽ तुगुर सुप्सुआङ्सिःन् चाधोःक्लाओ चिक्खुॽ हे़क्क्याङ् कुहक्हाॽ आप्फाल्ले़आङ् मे़न्छिःमनाबा मिओ हाःन्दुदेःसुॽरो॥” |
| 23276 | MAT 3:15 | ये़सुरे़ नोगप् पिरु, “आल्लोरे़ लागि अक्खेए पोःङ्लरो, अक्खेलॽरिक् निङ्वाॽफुमाङ्ङिल्ले़ के़रे़क् निङ्वाॽ चोगुबा पाःन्निन् के़त्लरो॥” हे़क्क्याङ् युहुन्नाःन् ते़न्दे़आङ् खुने़ॽ बप्तिस्मा पिरुरो॥ |
| 23294 | MAT 4:16 | खादाम्मो के़वाॽबा मनाहाॽरे़ पयम् यम्बा ओःत्तिःन् मे़निःसुरो॥ सिःमे़ल्ले़न् खामाक्माओ के़वाॽबाहाॽरे़ खुनिॽ लुम्मो ओःत्तिधिक् ओःत्लो॥” |
| 23329 | MAT 5:26 | इङ्गाॽ से़क्खाए मे़त्ने़ॽ, खे़प्मो साम्बाःन्याङ् के़रे़क् मे़न्हुङ्ङे थारिक् खे़प्मोए के़याक्लो॥” |
| 23391 | MAT 7:6 | सेसे चिगःक्वाःन् ख्याबाहाॽ मे़बिरे़म्सिम्मिन्ने़ॽ, मे़ःन्ने़ फाॽग्र खे़ङ्हाॽ हिल्लिक्मे़हिसिङ् हे़क्क्याङ् के़म्भत्तिॽआङ् के़म्हाॽरिरो॥ हे़क्क्याङ् फाक्हाॽरे़ खुनिॽ तगि ते़क्सेःक्किन् मे़से़से़म्मिन्ने़ॽओ, खे़ङ्हाॽरे़ मे़दोॽरु मे़लाःक्तुॽरो॥” |
| 23397 | MAT 7:12 | “के़रे़क् पाःन्नो मनाहाॽरे़ आक्खेलॽरिक् खिनिॽ के़म्मे़त्ति के़म्इःत्तिबा निङ्वाॽ के़जोगुम्, हे़क्केलॽरिक्के खिनिॽआङ् खे़ङ्हाॽ इःत्ते़म्सिम्मे़ॽओ, थेआङ्भे़ल्ले़ कन् थिम्मो मोसारे़ साप्तुबा साम्योथिम् नु माङ्निङ्वाॽपाःन् के़बाःप्पाहाॽरे़ मे़बाःत्तुबा पाःन्निन् के़त्लो॥” |
| 23416 | MAT 8:2 | हक्चघत् खे़प्मो लोगेॽ तुक्माल्ले़ तरुबा मनाधिक् कुदगि थुङ्बोहजॽ युङ्सिङ्ङाङ् खे़ल्ले़ अक्खे मे़त्तु, “आदाङ्बे, खे़ने़ॽ निङ्वाॽ के़जोगुने़ फाॽग्र इङ्गाॽ वेःम्मा के़सुक्कारो॥” |
| 23433 | MAT 8:19 | खे़ङ्हाॽरे़ पेःक्मा यारिप् मे़जोगुर मे़यागे़ल्ले़ साम्योथिम्साम्बाधिक् फे़रे़आङ् मे़त्तु, “सिक्साम्बे, खे़ने़ॽ आत्ति के़बेःक्साङ् खे़ने़ॽनु पेःक्कारो॥” |
| 23434 | MAT 8:20 | ये़सुरे़ नोगप् पिरु, “किधिबाहाॽरे़ लुङ्घुरि मे़गत्तुॽ, पुसाहाॽरे़ हाप् मे़गत्तुॽ, कर इङ्गाॽ मे़न्छाम्साःल्ले़ग थे़गेःक् नाःम्मा ते़न्नाङ् मे़गत्तान्लो॥” |
| 23436 | MAT 8:22 | कर ये़सुरे़ खे़न् मे़त्तु, “इङ्गाॽ तिम्दाङ्ङे़ॽओ, हे़क्क्याङ् हाराॽ याम्साम्मो के़सिःबा मनाहाॽरे़ खुनिॽ आबाङे चेहाॽ इप्पुङ्ङो मे़जिक्खुसिररो॥” |
| 23450 | MAT 9:2 | खे़प्मो कुभा मनाहाॽरे़ लङ्ले़ःङ्वा मनाधिक् कुने़त्नाःन्नुए खुने़ॽओ मे़दारुरो॥ हे़क्क्याङ् खे़ङ्हाॽरे़ खे़न् लङ्ले़ःङ्वाःन् वेःप्मा सुक् के़लॽबा नसाःन् मे़गत्तुबा ये़सुरे़ निःसुआङ् मे़त्तु, “आस्साःए, हाङ्हाङ् लॽरे़ॽओ, खे़ने़ॽ के़लायोहाॽ ले़प्मि पोःक्खे़रो॥” |
| 23475 | MAT 9:27 | ये़सुःन् खे़प्मोलाम् पेर पत्छे़ल्ले़ ने़प्फु मिक्फःम्बाहाॽरे़ खुने़ॽ कुएगाङ् कुएगाङ् तिम्दे़त्छुर अक्खेलॽरिक् अःक्ते़त्छि, “दाउदरे़ कुस्साःए, आन्छिगे़ लुङ्माॽ आदुक्ते़ॽओ॥” |
| 23486 | MAT 9:38 | हे़क्केःल्ले़ सुम्मा के़बोःङ्बा चाःल्ले़ कुन्दाङ्बान् यरिक् याःलिक्हाॽ चा सुम्से़ पाङ्घुसिर फाॽआङ् खिनिॽ तुवा चोगे़म्मे़ॽओ॥” |
| 23547 | MAT 11:19 | इङ्गाॽ मे़न्छाम्साःङ्ग चाङ्ल थुङुङ्ल त्याङ्, हे़क्क्याङ् खे़ङ्हाॽरे़ अक्खे मे़बाःत्तु, ‘खे़ङ्ग तःक् थे़ःक्के नु थिःमसाङ्लो, एःङ्याङ् के़भोःङ्बाहाॽ नु लायोबाहाॽरे़ खुनिॽ चुम्लो॥’ कर निङ्वाॽफु सिक्कुम्दिङ् निङ्वाॽइङ्ग कुयाःम्बक्कोलाम् खे़न् निस्से चोःक् फाॽआङ् निःदे़त्लो॥” |
| 23558 | MAT 11:30 | थेआङ्भे़ल्ले़ इङ्गाॽ आजिघे़ःप्पिन् उसुरुबा नु कुःमा पाङ्निङ्बा आगक्किन् याङ्याङ्बा चोःक्लो॥” |
| 23571 | MAT 12:13 | हे़क्क्याङ् ये़सुरे़ खे़न् मनाःन् मे़त्तु, “के़हुक्किन् सन्छे़ॽ॥” खे़ल्ले़ कुहुक्किन् सन्छुल्ले़ खिमो वेःत्ते़आङ् वेॽस्मा कुहुक्किन् हे़क्केए नुःबा पोःक्खे़रो॥ |
| 23586 | MAT 12:28 | कर इङ्गाॽ निङ्वाॽफुमाङ्ङिल्ले़ कुसेसेमाङ्लाम् फे़न्साम्हाॽ नाःत्तुङ् लःत्तुङ्सिङ्लो, खे़ल्ले़ चोगुल्ले़ निङ्वाॽफुहाङ्जुम्मिन् खिनिॽ लुम्मो त्ये़ चुरे़आङ् वाॽ फाॽआङ् कुसिङ् निःत्ते़म्मे़ॽओ॥” |
| 23590 | MAT 12:32 | आत्तिन् मनाःल्ले़ मे़न्छाम्साःल्ले़ कुदक्ले़ङ्वाओ पाःत्तुॽ, खे़ल्ले़ ले़प्मि खोःसुॽ, कर सेसेमाङ्ङिल्ले़ कुदक्ले़ङ्वाओ के़बाःप्पाल्ले़ कन् ये़म्मो हे़क्क्याङ् के़दाःबा ये़म्मोआङ् ले़प्मि मे़घोःसुन्लो॥” |
| 23605 | MAT 12:47 | मनाधिक् पेआङ् खुने़ॽ मे़त्तु, “आदाङ्बे, के़म्मा नु के़न्साॽसि खे़ने़ॽनु ताॽजे़ङ्मा फाॽआङ् लाःक्कात् के़म्हाङ्ल मे़ये़प्लो॥” |
| 23608 | MAT 12:50 | थेआङ्भे़ल्ले़ आत्तिन्हाॽरे़ साङ्ग्राम्पेदाङ्बा आम्बारे़ कुनिङ्वाॽ हे़क्के मे़जोगुॽ, खे़ङ्हाॽए आम्मा नु आन्साॽसिरो॥” |
| 23631 | MAT 13:23 | हे़क्क्याङ् नुःबा खाम्मो के़जुक्पा याॽरिःम्बे़ङ्ग पाःन्जाक्किन् के़घे़म्बाआङ् कुसिङ्के़निःप्पा मना कुइसिःक् चोःक्लो, हे़क्क्याङ् खे़ल्ले़ किप्थिक्, तुक्पोःङ्नु सुम्बोःङ् ले़ङ् थारिक् कुजाॽ फत्छुरो॥” |
| 23641 | MAT 13:33 | ये़सुरे़ आल्लसाङ् वेॽस्मा खे़दाॽइन् खे़ङ्हाॽ मे़त्तुसि, “साङ्ग्राम्पेदाङ्बा हाङ्जुम्मिङ्ग फे़ॽरुम्मो याक्मनाबा खरे़ःङ् के़भङ्बा सिदाॽइन् हे़क्तङ्बा चोःक्लो॥ थिक् मे़न्छुमाॽइल्ले़ खप्प्याओ यरिक् फे़ॽरुम्मो मिसाक् सिदाॽइन् याक्तु, हे़क्क्याङ् सॽरु युक्खुआङ् मे़न्युप्पे थारिक् सुःप्तु युक्खुरो॥” |
| 23684 | MAT 14:18 | ये़सुरे़ खे़ङ्हाॽ मे़त्तुसि, “खे़न् खरे़ःङ्ङिन् नु ने़त्छि ङाहाॽ कत्ना इङ्गाॽओ फे़त्ते़म्मे़ॽ॥” |
| 23716 | MAT 15:14 | हे़क्केःल्ले़ खे़ङ्हाॽरे़ खुनिॽ पाःन्निन् मे़घे़प्से़म्मिन्ने़ॽओ॥ खे़ङ्हाॽग मिक्फःम्बा लाम्लोःबासिरो॥ मिक्फःम्बाल्ले़ मिक्फःम्बे़न् लाम्लोसुने़ फाॽग्र ने़प्माङ् लुम्बाःत्तो के़ङ्सि लाःत्छिॽरो॥” |
| 23717 | MAT 15:15 | पत्रुसरे़ मे़त्तु, “कन् खे़दाॽओ के़मे़त्तुसिबा पाःन्निल्ले़ कुबेःन् याप्मि आजे़क्ते़ॽओ॥” |
| 23728 | MAT 15:26 | ये़सुरे़ मे़त्तु, “हिन्जाॽबित्छाहाॽरे़ खुनिॽ खरे़ःङ्ङिन् नाप्मासिआङ्कोःत्चोहाॽ पिमासि नुःबा मे़ःन्लो॥” |
| 23736 | MAT 15:34 | ये़सुरे़ खे़ङ्हाॽ सेःन्दोसुसि, “आक्खे़म्म्याक् खरे़ःङ् के़गत्तुम्बे?” खे़ङ्हाॽरे़ नोगप् मे़बिरु, “नुसि खरे़ःङ् नु चुजुक्सा कुभा ङारक् कत्तुम्बे़रो॥” |
| 23747 | MAT 16:6 | ये़सुरे़ खे़ङ्हाॽ मे़त्तुसि, “फरिसिहाॽ नु सदुकिहाॽरे़ खुनिॽ खरे़ःङ् के़भङ्बा सिदाॽलाम् सिङ्सिङ् लॽरे़म्मे़ॽओ॥” |
| 23757 | MAT 16:16 | सिमोन पत्रुसरे़ नोगप् पिरु, “खे़ने़ॽग निङ्वाॽफुमाङ्ङिल्ले़ सेःन्दुबा ख्रिस्त, आजुनि निङ्वाॽफुमाङ्ङिल्ले़ कुस्साःने़रो॥” |
| 23760 | MAT 16:19 | खे़ने़ॽग साङ्ग्राम्पेदाङ्बा हाङ्जुम्मिल्ले़न्तिमिक्हाॽ पिने़रो॥ इक्सादिङ् खाम्बेःक्मो के़साक्तुबान्साङ्ग्राम्पेदाङ्ङोआङ् साक्लो, हे़क्क्याङ् इक्सादिङ् खाम्बेःक्मो के़हन्दुबान्साङ्ग्राम्पेदाङ्ङो हन्लो॥” |
| 23786 | MAT 17:17 | ये़सुरे़ मे़त्तुसि, “नसाःन् के़होःप्पा नु ताक्के़भे़ॽबा मनासे, आप्फाल्ले़ थारिक् इङ्गाॽ खिनिॽनु वाॽआबाबे? आप्फाल्ले़ थारिक् नासि थःत्निङ्बाबे? खे़न् चुक्पे़न् कत्ना फे़त्ते़म्मे़ॽ॥” |
| 23789 | MAT 17:20 | ये़सुरे़ मे़त्तुसि, “थेआङ्भे़ल्ले़ खिनिॽ नसाःन्निन् सुःन्लो॥ इङ्गाॽ से़क्खाए मे़त्निङ्, खिनिॽ नसाःन्निन् यःङ्गेॽ याॽरिःम्बाधिक् याःत्छाङ् कन् कोःक्मान् ‘खे़प्मोलाम् खे़त्छिङ्ङे़ॽ’ के़मे़त्तुम्मिल्ले़, खे़न् खे़त्छिङ् पेःक्लो॥ हे़क्क्याङ् खिनिॽलाम्बा पोःङ्मा मे़न्छुक्मना थेआङ् होःप्लो॥” |
| 23795 | MAT 17:26 | पत्रुसरे़ नोगप् पिरु, “वेॽ लाजेॽबा मनालाम् मे़भोःक्खुरो॥” ये़सुरे़ मे़त्तु, “हे़क्केने़ फाॽग्र खुनिॽ आबाङे मनाहाॽरे़ हुङ्मा मे़बोःङ्ने़ल्लो॥ |
| 23830 | MAT 18:34 | हे़क्क्याङ् हाङ्ङिल्ले़ साॽरिक् कुसिक्किन् पोगे़आङ् खे़न् सेवारोबे़न् सिङ्नाःत्तिन् मे़न्हुङ्ङे थारिक् तुक्खे मे़जाःत्तुर फाॽआङ् पुङ्लाधाबाल्लो हुक् सुप्तुरो॥” |
| 23837 | MAT 19:6 | आल्ल खे़ङ्हाॽग ने़प्फुसि मे़ःन्, कर लत्छा थक्सिरो॥ खे़ल्ले़ चोगुल्ले़ निङ्वाॽफुमाङ्ङिल्ले़ लत्छा थक् चोगुसिबाहाॽ मे़न्छाम् याप्मिरे़ से़म्मासि मे़नुॽने़न्लो॥” |
| 23843 | MAT 19:12 | मेःक्खिम् मे़न्जोःक्मना यरिक् पन्ये़म्हाॽ वाॽरो॥ कुभाग सावाःन्छिङ्मानुधोए सिङ्गारु मे़वाॽरो, वेॽहाॽ मनाहाॽरे़ सिङ्गारु मे़जोगुसि, हे़क्क्याङ् कुभाग साङ्ग्राम्पेदाङ्बा हाङ्जुम्मो माङ्सेवा याःम्बक् चोःक्मा फाॽआङ् मेःक्खिम् मे़न्जोःक्ने़न्लो॥ आत्तिल्ले़ ताःक्मा सुक्तुॽ हाराॽ खे़ल्ले़ए ताःक्तुर॥” |
| 23850 | MAT 19:19 | के़म्बा के़म्मासि इङ्धाःङ् पिरे़से़ॽ॥ हे़क्क्याङ् आप्फेःक् लुङ्माॽ के़दुक्सिङ्बा कुइसिःक्के के़बाङ्भेॽसाबाहाॽआङ्लुङ्माॽ तुक्ते़से़ॽओ॥” |
| 23857 | MAT 19:26 | ये़सुरे़ खे़ङ्हाॽ ओमे़त्तुसिर मे़त्तुसि, “मे़न्छाम् याप्मिरे़ लागि कन् पोःङ्मा मे़न्छुक्मनाबा चोःक्साङ् निङ्वाॽफुमाङ्ङिल्ले़ के़रे़क् पाःन्हाॽ चोःक्मा सुक्तुॽरो॥” |
| 23894 | MAT 20:33 | खे़ङ्हाॽरे़ नोगप् पिरे़त्छु, “दाङ्बे, आन्छिगे़ निःमा के़सुक्पा आजोगे़त्छे़ॽओ॥” |
| 23900 | MAT 21:5 | “यरुसले़मस्मा मनाहाॽ मे़त्ते़से़ॽ, खिनिॽ पयम्हाङ्ङिन् खिनिॽओ तार पत्, खुने़ॽग चुङ्जिगे़न् नःम्सिङ्ङाङ् अदङ्साःन् युक्तुआङ् ताः, खुने़ॽग अदङ्साःन्ने युक्तुआङ् तार पत्लो॥” |
| 23917 | MAT 21:22 | खिनिॽ तुवाओ के़नाःक्तुम्बा पाःन्निन् खोःसुम्बे़ॽ फाॽआङ् नसाःन् के़जोगुम्ने़ फाॽग्र निङ्वाॽफुमाङ्लाम् के़घोःसुम्लो॥” |
| 23960 | MAT 22:19 | एःङ्याङ् हुङ्मा के़बोःङ्बा रोमि याङ्इत्छिःन्कत्ना फे़त्ते़म्मे़ॽ॥” खे़ङ्हाॽरे़ खुने़ॽओ याङ्इत्छिःन्मे़दारुआङ् |
| 23962 | MAT 22:21 | खे़ङ्हाॽरे़ नोगप् मे़बिरु, “सिजरे़ल्ले़न्पत्लो॥” हे़क्क्याङ् ये़सुरे़ खे़ङ्हाॽ मे़त्तुसि, “सिजरले़ कुबाःन्हाॽ सिजरे़न् पिरे़म्मे़ॽ, हे़क्क्याङ् निङ्वाॽफुमाङ्ङिल्ले़ कुबाःन्हाॽ निङ्वाॽफुमाङ्ङिन्ने पिरे़म्मे़ॽओ॥” |
| 23981 | MAT 22:40 | के़रे़क् साम्योथिम् नु माङ्निङ्वाॽपाःन् के़बाःप्पाहाॽरे़ खुनिॽ निसाम्मिन् कन् ने़त्छि इङ्जाःङ्लाम् त्ये़बारो॥” |
| 23983 | MAT 22:42 | “निङ्वाॽफुमाङ्ङिल्ले़ सेःन्दुबा ख्रिस्तरे़ कुयाःम्बेओ खिनिॽ थे के़इःत्तुम्बे? खुने़ॽ हाःत्ले़ कुस्साः फाॽआङ् खिनिॽ निङ्वाॽ के़इःत्तुम्बे?” खे़ङ्हाॽरे़ नोगप् मे़बिरु, “खुने़ॽग दाउद हाङ्ङिल्ले़ कुस्साःरो॥” |
| 24028 | MAT 24:2 | ये़सुरे़ खे़ङ्हाॽ मे़त्तुसि, “कन् के़निःसुम्बा हिम्हाॽरे़ कुयाःम्बेओ से़क्खा पाःन् मे़त्निङ्, थिक् लुङ्सम्दाङ् वेॽ लुङ्धिक्काङ् मे़न्ने़ए थारिक् कङ्हाॽ के़रे़क् मे़यः मे़बेःक्लो॥” |
| 24041 | MAT 24:15 | माङ्निङ्वाॽपाःन् के़बाःप्पा दानिएलरे़ पाःत्तुबा सिक्के़ले़ःङ्बान् माङ्हिम्मोबा सेसे दे़न्नो ये़प्पा के़निःसुम्लो॥” (हाराॽ के़निःप्पाहाॽरे़ कन् पाःन्निन् कुसिङ् मे़निःत्तुररो!) |
| 24054 | MAT 24:28 | आत्तो सिनुःन् ने़ॽ, खे़प्मोए किदाबाहाॽआङ् मे़जुम्लो॥” |
| 24123 | MAT 25:46 | हे़क्क्याङ् खे़ङ्हाॽग मे़न्नुप्मनाबा खुम्दिङ्ङो मे़बेःक्लो, कर साम्योनिबाहाॽग मे़न्नुप्मनाबा हिङ्मन्नो मे़बेःक्लो॥” |
| 24132 | MAT 26:9 | कङ्ग यरिक् याङ्ङो सङ्माआङ् याङ्गे़साॽबाहाॽ पिःमनासिल्ले़ पोःक्खे़बारो॥” |
| 24149 | MAT 26:26 | खे़ङ्हाॽरे़ मे़जर मे़युङे़ल्ले़ ये़सुरे़ खरे़ःङ्ङिन् खप्सुआङ् निङ्वाॽफुमाङ्ङिन् नोगे़न् पिरु, हे़क्क्याङ् खे़ःक्खुआङ् कुहुॽसाम्बाहाॽ अक्खे मे़त्तुसिर पिरुसि, “कन् ताःक्ते़म्मे़ॽआङ् चे़म्मे़ॽओ, कङ्ग नासिङ्गे़न् आधक्लो॥” |
| 24155 | MAT 26:32 | कर इङ्गाॽ कुसिवे़त्लाम् कुहिङ्वे़त् पोःङ्ङाआङ् खिनिॽनुःल्ले़ तगि गालिल थुम्मो पेःक्कारो॥” |
| 24158 | MAT 26:35 | कर पत्रुसरे़ हादिङ् थक्ते़र मे़त्तु, “मे़ःन्लो, इङ्गाॽग खे़ने़ॽनु सिःमा पोःङ्साङ् आप्फाल्ले़आङ् मे़नाॽने़न्लो॥” वेॽ हुॽसाम्बाहाॽरे़आङ् बा हे़क्केए मे़बाःत्तुरो॥ |
| 24159 | MAT 26:36 | हे़क्क्याङ् ये़सुःन् कुहुॽसाम्बाहाॽनु गे़तसमनि मे़प्मनाबा जैतुन सिङ्लाओ पे, हे़क्क्याङ् खुने़ॽ खे़ङ्हाॽ अक्खे मे़त्तुसि, “इङ्गाॽ खे़प्मो तुवा चोगुङ्ङिल्ले़ खिनिॽ कप्मो युङे़म्मे़ॽओ॥” |
| 24161 | MAT 26:38 | हे़क्क्याङ् खे़ङ्हाॽ अक्खे मे़त्तुसि, “इङ्गाॽग मिङ्वारे़ योःन्दाङ्ङाङ् सिःमालिङ्धो थारिक् के़राङ्ङाङ् वाॽआरो॥ कप्मो चाङ्जाङ्ङाङ् युङे़म्मे़ॽर याप्मि चुम् आमे़त्ते़म्मे़ॽओ॥” |
| 24179 | MAT 26:56 | कर कङ्ग माङ्निङ्वाॽपाःन् के़बाःप्पाहाॽरे़ मे़साप्तुबान् के़त्ल फाॽआङ् पोःक्खे़बारो॥” हे़क्क्याङ् के़रे़क् कुहुॽसाम्बाहाॽरे़ पक्मे़धःआङ् मे़घे़त्छिङ् मे़बेरो॥ |
| 24187 | MAT 26:64 | हे़क्केःल्ले़ ये़सुरे़ नोगप् पिरु, “ओरो, खे़ने़ॽ आबाङे हे़क्के के़बाःत्तुॽरो॥ कर इङ्गाॽ मे़त्निङ्, ताःन्दि इङ्गाॽ मे़न्छाम्साःन् मुक्साम्दाङ्बा निङ्वाॽफुमाङ्ङिल्ले़ कुजुप्साङ् ले़प्माङ् युङ्ङाॽबा नु साङ्ग्राम्पेदाङ्ङोनु खाप्मिःत्तो युःआबा के़निःसुम्लो॥” |
| 24196 | MAT 26:73 | सप्फाआङ् खे़प्मो के़ये़प्पा मनाहाॽ पत्रुसरो मे़बेआङ् मे़मे़त्तु, “से़क्खासाङ् खुने़ॽ कुहुॽसाम्बाहाॽओ खे़ने़ॽआङ् लत्थिक्ने़रो, थेआङ्भे़ल्ले़ के़बाःन्इक्लाःन् गालिलस्मा कुइसिःक् चोःक्लो॥” |
| 24209 | MAT 27:11 | आल्ल ये़सुःन् रोमि सुहाङ्गे़म्बा पिलातसरे़ कुदगि ये़बे़ल्ले़ सुहाङ्गे़म्बे़ल्ले़ खुने़ॽ सेःन्दोसु, “से़क्खा खे़ने़ॽ यहुदि हाङ्ने़बि?” ये़सुरे़ नोगप् पिरु, “खे़ङ्ग खे़ने़ॽए के़बाःत्तुर के़बत्लो॥” |
| 24245 | MAT 27:47 | खे़प्मो के़ये़प्पा कुभारे़ खे़न् मे़घे़प्सुआङ् अक्खे मे़बाःत्तु, “खे़ल्ले़ माङ्निङ्वाॽपाःन् के़बाःप्पा एलियाःन् उःत्तुर पत्लो॥” |
| 24247 | MAT 27:49 | कुभारे़ मे़बाःत्तु, “सप्फारो, एलियाःन् साङ्ग्राम्पेदाङ्लाम् युःआङ् खे़न् ताङ्से़ःप्तुॽबि मे़ःम्बि ओमे़त्तुम्लो॥” |
| 24252 | MAT 27:54 | खे़प्मो रोमि थक्तुम्बान् नु वेॽहाॽरे़ ये़सुःन् मे़गोःसुर मे़युङे़॥ खे़ङ्हाॽरे़ लुप्लि थाङे़बा नु खे़प्मो पोःक्खे़बा पाःन्हाॽ मे़निःसुआङ् साॽरिक् मे़गिसे़र मे़अःक्ते़, “से़क्खासाङ् कन् मनाःन् निङ्वाॽफुसाःए वये़रे़त्छ॥” |
| 24263 | MAT 27:65 | हे़क्केःल्ले़ पिलातसरे़ खे़ङ्हाॽ मे़त्तुसि, “इःप्पुङ् के़गोःबा थक्सुबाहाॽ तेॽरे़म्सिम्मे़ॽआङ् खिनिॽ सुक्सुक् खे़न् इप्पुङ्ङिन् कोसे़म्मे़ॽ॥” |
| 24274 | MAT 28:10 | हे़क्क्याङ् ये़सुरे़ खे़ङ्हाॽ मे़त्तुसि, “खिन्छिॽ मे़गिसे़त्छे़न्ने़ॽओ, पेगे़त्छे़ॽआङ् आन्साॽसि गालिलओ के़बेगिमु मे़त्ते़छे़से़ॽओ, खे़ङ्हाॽरे़ इङ्गाॽ खे़त्थोए मे़दुम्माॽरो॥” |
| 24299 | MRK 1:15 | खुने़ॽ अक्खे पाःत्तुर इङ्भन् से़ःसु, “कन् सुये़म्मिन् त्ये़आङ् वाॽ, निङ्वाॽफुहाङ्जुम्मिन् निःत्ताङ्ङे वाॽरो, हे़क्केःल्ले़ खिनिॽ लायोलाम् हिन्दे़म्मे़ॽआङ् निङ्वाॽफुमाङ्ङिल्ले़ कुसुनाइङ्ङिन् नसाःन् चोगे़म्मे़ॽओ॥” |
| 24324 | MRK 1:40 | थिक् लोगेॽ तुक्माल्ले़ तरुबा मनाःन् ये़सुरो त्ये़आङ् थुङ्बोहजॽ युङ्सिङ्ङाङ् पेलि फाक्तु, “आदाङ्बे, खे़ने़ॽ निङ्वाॽ के़जोगुने़ फाॽग्र इङ्गाॽ वेःम्मा के़सुक्कारो॥” |
| 24334 | MRK 2:5 | खे़ङ्हाॽरे़ खे़न् के़दुक्पे़न्वेःप्मा सुक् के़लॽबा नसाःन् मे़गत्तुबा ये़सुरे़ निःसुआङ् लङ्ले़ःङ्वाःन् मे़त्तु, “आस्साःए, खे़ने़ॽ के़लायोहाॽ ले़प्मि पोःक्खे़रो॥” |
| 24362 | MRK 3:5 | हे़क्क्याङ् ये़सुरे़ खे़ङ्हाॽरे़ खुनिॽ निङ्वाॽ चिःप्मान् निःसुआङ् खुने़ॽ कुनिङ्वाॽ तुगे़आङ् साॽरिक् कुसिक् पोगे़रो॥ हे़क्क्याङ् खे़न् मनाःन् मे़त्तु, “के़हुक्किन् सन्छे़ॽ॥” हे़क्क्याङ् खे़ल्ले़ कुहुक्किन् सन्छुल्ले़ खिमो वेःत्ते़रो॥ |
| 24389 | MRK 3:32 | हे़क्क्याङ् कुगब्रिङ् के़युङ्बा मनाहाॽरे़ खुने़ॽ मे़मे़त्तु, “के़म्मा नु के़न्साॽसि लाःक्कात् मे़द्ये़आङ् खे़ने़ॽ के़म्हाङ्ल मे़ये़प्लो॥” |
| 24392 | MRK 3:35 | आत्तिन्हाॽरे़ निङ्वाॽफुमाङ्ङिल्ले़ कुनिङ्वाॽ हे़क्के मे़जोगुॽ खे़ङ्हाॽए आम्मा नु आन्साॽसिरो॥” |
| 24400 | MRK 4:8 | वेॽ याॽरिःम्बे़न् नुःबा खाम्मो चुक्ते़॥ हे़क्क्याङ् लिङे़आङ् खे़ङ्हाॽरे़ सुम्बोःङ् ले़ङ् (३०), तुक्पोःङ्ले़ङ् (६०) हे़क्क्याङ् किप्थिक् ले़ङ् (१००) थारिक् कुजाॽ पत्छे़रो॥” |
| 24412 | MRK 4:20 | कर वेॽ मनाहाॽ नुःबा खाम्मो के़जुक्पा याॽरिःम्बा कुइसिःक् मे़जोःक्लो॥ खे़ङ्हाॽरे़ पाःन्जाक्किन् मे़घे़प्सुआङ् निङ्वाॽओ मे़दाःक्तु, हे़क्क्याङ् सुम्बोःङ् (३०) ले़ङ्, तुक्पोःङ्(६०) ले़ङ् हे़क्क्याङ् किप्थिक् (१००) ले़ङ् थारिक् कुजाॽ मे़भत्छुरो॥” |
| 24417 | MRK 4:25 | यरिक् के़गप्पाल्ले़ आल्लसाङ् यरिक् खोःसुॽ, कर हाःत्ले़ मे़गत्तुन्, खे़ल्ले़ कत्तुबान्नाङ् मे़नाप्तुॽरो॥” |
| 24421 | MRK 4:29 | पोगुगे़न् कुजाःन् तुम्माङ् खे़न् मनाःन्कात्च्याःन् याङ्सिङ्ङाङ् चा सुम्से़ इक्ताप्पो लाःत्, थेआङ्भे़ल्ले़ चासुम्मा ये़म्मिन् त्ये़रो॥” |
| 24440 | MRK 5:7 | खे़ल्ले़ यम्बा इक्लाओ अःक्ते़र ये़सुःन् मे़त्तु, “के़रे़क्नुःल्ले़ पयम् यम्बा निङ्वाॽफुमाङ्ङिल्ले़ कुस्साः ये़सुए, खे़ने़ॽ इङ्गाॽनु थे के़गोःत्तुबाबे? इङ्गाॽ तुक्खे मे़जाःत्ताङ्ङिन्ने़ॽ फाॽआङ् निङ्वाॽफुमाङ्ङिल्ले़ कुमिङ्ङो पेलि फाक्ने़ॽरो॥” |
| 24452 | MRK 5:19 | कर ये़सुरे़ मे़दे़न्दे़न्ल अक्खे मे़त्तु, “खे़ने़ॽ नुःक्खे़ पेगे़ॽआङ् के़हिम्सयङ् नु के़बाङ्भेॽसाबाहाॽ निङ्वाॽफुमाङ्ङिल्ले़ के़लागि चोगुबा यम्बा याःम्बक्किन् नु लुङ्माॽ के़दुक्ते़बा पाःन्निन् चे़क्ते़से़ॽओ॥” |
| 24480 | MRK 6:4 | ये़सुरे़ खे़ङ्हाॽ मे़त्तुसि, “माङ्निङ्वाॽपाःन् के़बाःप्पे़ङ्ग कुबाङ्भेॽसाबाहाॽ, कुगाॽइसोधोःक्हाॽ नु कुहिम्सयङ्हाॽरे़ इङ्धाःङ् मे़म्बिरुन्लो॥ कर वेॽ ते़न्नोरक् खुने़ॽ कुबाःन्निन् मे़घे़प्सुॽरो॥” |
| 24491 | MRK 6:15 | कर वेॽहाॽरे़ मे़बाःत्तु, “कङ्ग माङ्निङ्वाॽपाःन् के़बाःप्पा एलियाःन्लो॥” वेॽहाॽरे़ मे़बाःत्तु, “उन्छोःन्बा माङ्निङ्वाॽपाःन् के़बाःप्पाहाॽओ खुने़ॽआङ् थिक्लो॥” |
| 24514 | MRK 6:38 | ये़सुरे़ खे़ङ्हाॽ मे़त्तुसि, “खिनिॽ आक्खे़म्म्याक् खरे़ःङ् के़गत्तुम्, पेगे़म्मे़ॽआङ् ओमे़त्ते़म्मे़ॽ!” हे़क्क्याङ् खे़ङ्हाॽरे़ ओमे़मे़त्तु, हे़क्क्याङ् मे़भे़रे़आङ् मे़मे़त्तु, “आदाङ्बे, आनिगे़ग ङासि (५) खरे़ःङ् नु ने़त्छि (२) ङारक् कत्तुम्बे़॥” |
| 24559 | MRK 7:27 | ये़सुरे़ खे़न् मे़न्छुमाॽइन् मे़त्तु, “हिन्जाॽबित्छाहाॽरे़ खरे़ःङ्ङिन् खाघा मे़जर पोःङ्॥ हिन्जाॽबित्छाहाॽरे़ खुनिॽ खरे़ःङ्ङिन् नाप्मासिआङ्कोःत्चोहाॽ पिमासि नुःबा मे़ःन्लो॥” |
| 24574 | MRK 8:5 | हे़क्केःल्ले़ ये़सुरे़ खे़ङ्हाॽ सेःन्दोसुसि, “खिनिॽ आक्खे़म्म्याक् खरे़ःङ् के़गत्तुम्बे?” खे़ङ्हाॽरे़ नोगप् मे़बिरु, “आनिगे़ग नुसि खरे़ःङ्लक् कत्तुम्बे़रो॥” |
| 24598 | MRK 8:29 | हे़क्केःल्ले़ ये़सुरे़ खे़ङ्हाॽ याम्मो सेःन्दोसुसि, “कर खिनिॽग, इङ्गाॽ हाःत्आ फाॽआङ् याप्मि के़मे़त्तिॽबे?” पत्रुसरे़ नोगप् पिरु, “खे़ने़ॽग निङ्वाॽफुमाङ्ङिल्ले़ सेःन्दुबा ख्रिस्तने़ॽरो॥” |
| 24626 | MRK 9:19 | ये़सुरे़ खे़ङ्हाॽ मे़त्तुसि, “नसाःन् के़होःप्पासे, आप्फाल्ले़ थारिक् इङ्गाॽ खिनिॽनु वाॽआर नासि थःत्निङ्बाबे? खे़न् चुक्पे़न् कत्ना फे़त्ते़म्मे़ॽ॥” |
| 24630 | MRK 9:23 | ये़सुरे़ खे़न् मे़त्तु, “‘के़सुक्तुने़ फाॽग्र’ फाॽआङ् थेआङ् के़बाःत्तुबाबे? नसाःन् के़जोःक्पाल्ले़ कुलागिग थेसाङ् पोःङ्मा सुक्लो॥” |
| 24657 | MRK 9:50 | युम्मिन् नुःबा चोःक्, कर युम्मिल्ले़ कुलिम्मे़न् माःने़ फाॽग्र आक्खेआङ् खे़न् के़लिम्बा के़जोगुम्बे? खिनिॽ हिङ्मन्नो युम्मिन् कत्ते़म्मे़ॽआङ् के़रे़क्नु सनारुङ्ङो वये़म्मे़ॽओ॥” |
| 24661 | MRK 10:4 | खे़ङ्हाॽरे़ नोगप् मे़बिरु, “मोसाःल्ले़ ये़म्बित्छाॽइल्ले़ कुमेःत्तिन् इङ्गाॽ नाॽने़बारो फाॽआङ् साप्ला साप्तुआङ् पाङ्मादेःमा सुक्तुॽ लॽरिक् साप्तुआङ् पत्लो॥” |
| 24666 | MRK 10:9 | खे़ल्ले़ चोगुल्ले़ निङ्वाॽफुमाङ्ङिल्ले़ लत्छा थक् चोगुसिबाहाॽ मे़न्छाम् याप्मिरे़ से़म्मासि मे़नुॽने़न्लो॥” |
| 24672 | MRK 10:15 | इङ्गाॽ से़क्खाए मे़त्निङ्, हाःत्ले़ हिन्जाॽ हे़क्के कुदोःप्मा निङ्वाॽइल्ले़ निङ्वाॽफुहाङ्जुम्मिन् मे़दाःक्तुन्, खे़न् खे़प्मो लाःप्मा मे़घोःने़न्लो॥” |
| 24684 | MRK 10:27 | ये़सुरे़ खे़ङ्हाॽ ओमे़त्तुसिर मे़त्तुसि, “खे़प्से़म्मे़ॽ, मे़न्छाम् याप्मिरे़ लागिग कन् सुक्मे़न्दे़प्मना चोःक्साङ्, निङ्वाॽफुमाङ्ङिल्ले़ कुलागिग मे़साक्ने़न्लो॥ निङ्वाॽफुमाङ्ङिल्ले़ के़रे़क् पाःन्हाॽ चोःक्मा सुक्तुॽरो॥” |
| 24692 | MRK 10:35 | हे़क्क्याङ् जब्दियारे़ कुस्साः याकुब नु युहुन्नाःल्ले़ ये़सुःन् मे़त्ते़छु, “आदाङ्बा सिक्साम्बे, आन्छिगे़ पाःत्छुगे़बा पाःन्निन् आन्छिगे़ लागि चोगे़ॽओ के़लॽबा निङ्वाॽ कत्छुगे़ॽरो॥” |
| 24706 | MRK 10:49 | ये़सुरे़ खे़न् अःक्ते़बा खे़प्सुल्ले़ ये़म्सिङ्ङाङ् खे़ङ्हाॽ मे़त्तुसि, “खे़न् कत्ना फे़त्ते़म्मे़ॽ॥” हे़क्क्याङ् खे़ङ्हाॽ मे़बेआङ् खे़न् मिक्फःम्बे़न् मे़मे़त्तु, “हौ, सःत्ते़ॽओ! सिक्साम्बे़ल्ले़ के़उःत्ते़आङ् वाॽरो॥ खे़ने़ॽ पोगे़ॽ!” |
| 24730 | MRK 11:21 | ये़सुरे़ पाःत्तुबान् पत्रुसरे़ निङ्वाॽ इःत्तुर खुने़ॽ मे़त्तु, “सिक्साम्बे, ओमे़त्ते़ॽ! खे़न् साङ्ग्रा के़मे़त्तुबा पःत्छेॽबुङ्माङ्ग इले़मे़आङ् स्ये़रो॥” |
| 24750 | MRK 12:8 | हे़क्क्याङ् कुस्साःन्नाङ् मे़हिप्तु मे़से़रुआङ् चे़ल्ले़क्सेॽ इक्कोलाम् लाःक्कात् लाप्मे़भुसुरो॥” |
| 24759 | MRK 12:17 | हे़क्क्याङ् ये़सुरे़ खे़ङ्हाॽ मे़त्तुसि, “हे़क्केःल्ले़ सिजरले़ कुबाःन्हाॽ सिजरे़न् पिरे़म्मे़ॽ, हे़क्क्याङ् निङ्वाॽफुमाङ्ङिल्ले़ कुबाःन्हाॽ निङ्वाॽफुमाङ्ङिन्ने पिरे़म्मे़ॽओ॥” हे़क्केःल्ले़ खे़ङ्हाॽरे़ साॽरिक् खुनिॽ निङ्वाॽ मये़॥ |
| 24773 | MRK 12:31 | निसिगेःक्पा इङ्जाःङ्ङिन् कन्लो–‘आप्फेःक्लुङ्माॽ के़दुक्सिङ्बा कुइसिःक्के के़बाङ्भेॽसाबाहाॽआङ्लुङ्माॽ तुक्ते़से़ॽओ॥’ कन्हाॽनुःल्ले़ यम्बा वेॽ इङ्जाःङ्ङिङ्ग थेआङ् होःप्लो॥” |
| 24788 | MRK 13:2 | ये़सुरे़ नोगप् पिरु, “कन् के़निःसुम्बा हिम्हाॽ थिक् लुङ्सम्दाङ् वेॽ लुङ्धिक्काङ् मे़न्ने़ए काक् मे़यः मे़बेःक्लो॥” |
| 24828 | MRK 14:5 | कङ्ग किप्सुम्सि (३००) युप्पायाङ्ङो सङ्माआङ् खे़न् याङ्ङिन् याङ्गे़साॽबाहाॽ पिमनासिल्ले़ पोःक्खे़बा॥” हे़क्क्याङ् खे़ङ्हाॽरे़ खे़न् मे़न्छुमाॽइन् मे़भे़ःक्तुरो॥ |