| 23306 | MAT 5:3 | “के़रे़क् पाःन्नो निङ्वाॽफुमाङ्ङिन् चाहाबा के़जोःक्पाहाॽ मुॽइसाबासिरो, थेआङ्भे़ल्ले़ साङ्ग्राम्पेदाङ्बा हाङ्जुम्मिन् खे़ङ्हाॽरे़न्नेरो॥ |
| 23308 | MAT 5:5 | चुङ्जिगे़न् नःम्नःम्बा मनाहाॽ मुॽइसाबासिरो, थेआङ्भे़ल्ले़ इक्सादिङ् खाम्बेःक्मान् खे़ङ्हाॽरे़न्नेरो॥ |
| 23313 | MAT 5:10 | साम्योनिबा याःम्बक् मे़जोगुल्ले़ मनाहाॽरे़ तुक्खे मे़जाःत्तुसिबाहाॽ मुॽइसाबासिरो, थेआङ्भे़ल्ले़ साङ्ग्राम्पेदाङ्बा हाङ्जुम्मिङ्ग खे़ङ्हाॽरे़न्नेरो॥ |
| 23338 | MAT 5:35 | हे़क्क्याङ् इक्सादिङ् खाम्बेःक्माल्ले़ कुमिङ्ङोआङ् माङ्मे़हे़क्कासिम्मे़न्ने़ॽओ, थेआङ्भे़ल्ले़ खे़ङ्ग खुने़ॽ कुलाङ् तोॽभेःत्लो॥ हे़क्केलॽरिक्के यरुसले़म्मिल्ले़ कुमिङ्ङोआङ् माङ्मे़हे़क्कासिम्मे़न्ने़ॽ, थेआङ्भे़ल्ले़ खे़ङ्ग पयम् यम्बा हाङ्ङिल्ले़ कुये़क्यक्लो॥ |
| 23526 | MAT 10:40 | “आत्तिल्ले़ खिनिॽ लाङ्गे़दाःक्तिॽ, खे़ल्ले़ इङ्गाॽआङ् लाङ्दाःक्कारो, हे़क्क्याङ् आत्तिल्ले़ इङ्गाॽ लाङ्दाःक्का, खे़ल्ले़ इङ्गाॽ याप्मि के़बाङ्बे़न्नाङ् लाङ्दाःक्तुॽरो॥ |
| 23597 | MAT 12:39 | ये़सुरे़ खे़ङ्हाॽ नोगप् पिरुसि, “कन्ये़म्मोबा कुॽइगे़भे़ॽबा नु लायोबा मनाहाॽरे़ निङ्वाॽ के़माबा मिक्सेःन्हाॽ ओमे़प्मा मे़गोःत्तुॽ, कर खे़ङ्हाॽरे़ग माङ्निङ्वाॽपाःन् के़बाःप्पा योनारे़ कुमिक्सेःन्नाङ्धो वेॽ मिक्सेःन् थेआङ् ओमे़प्मा मे़ङ्घोःसुन्लो॥ |
| 23692 | MAT 14:26 | खे़ङ्हाॽरे़ खुने़ॽ च्वाःत् सम्दाङ् लाङ्घेगे़र पत्छे़बा मे़निःसुआङ्“कङ्ग सिसाम्लो!” लॽरिक्साॽरिक् मे़गिसे़आङ्मे़भिःक्ते़रो॥ |
| 23712 | MAT 15:10 | ये़सुरे़ मनाहाॽ उःत्तुसिआङ् मे़त्तुसि, “आबाःन्निन् खे़प्से़म्मे़ॽआङ् कुसिङ्निःत्ते़म्मे़ॽओ॥ |
| 23734 | MAT 15:32 | ये़सुरे़ कुहुॽसाम्बाहाॽ उःत्तुसिआङ् मे़त्तुसि, “इङ्गाॽ कन् मनाहाॽ आलुङ्माॽ मे़दुक्लो, थेआङ्भे़ल्ले़ खे़ङ्हाॽग सुम्ये़न्नाङ्धो इङ्गाॽनुए मे़वाॽ, हे़क्क्याङ् खे़ङ्हाॽरे़ चामा थुङ्मा थेआङ् मे़ङ्गत्तुन्लो॥ खे़ङ्हाॽ बा हे़क्के साक्मे़न्जा पाङ्मासि आनिङ्वाॽ होःप्लो, मे़ःन्ने़ फाॽग्र मे़बेःक्ल मे़बत्तिल्ले़सा साक्लाम्बत्तुसिरो॥” |
| 23795 | MAT 17:26 | पत्रुसरे़ नोगप् पिरु, “वेॽ लाजेॽबा मनालाम् मे़भोःक्खुरो॥” ये़सुरे़ मे़त्तु, “हे़क्केने़ फाॽग्र खुनिॽ आबाङे मनाहाॽरे़ हुङ्मा मे़बोःङ्ने़ल्लो॥ |
| 23801 | MAT 18:5 | हे़क्क्याङ् आत्तिल्ले़ आमिङ्ङो अक्तङ्बा चुक्सा हिन्जाॽइन् लाङ्दाःक्तुॽ, खे़ल्ले़ इङ्गाॽ लाङ्दाःक्कारो॥ |
| 23912 | MAT 21:17 | हे़क्क्याङ् ये़सुरे़ खे़ङ्हाॽ ले़रुधसिआङ् ये़क्यक्लाम् बे़थानि पाङ्जुम्मो पेआङ् याङ्धोःक्ते़रो॥ |
| 24031 | MAT 24:5 | थेआङ्भे़ल्ले़ यरिक् मनाहाॽ निङ्वाॽफुमाङ्ङिल्ले़ सेःन्दुबा ख्रिस्ते़न्इङ्गाॽएरो लॽरिक् मे़बाःत्तुर इङ्गाॽ आमिङ्ङो मे़दारो, हे़क्क्याङ् यरिक् मनाहाॽ इङ्मे़ले़क्तुसिॽरो॥ |
| 24037 | MAT 24:11 | हे़क्केलॽरिक् इङ्ले़क्पा माङ्निङ्वाॽपाःन् के़बाःप्पाहाॽ मे़लःन् मे़दाआङ् यरिक् मनाहाॽ इङ्मे़ले़क्तुसिॽरो॥ |
| 24047 | MAT 24:21 | थेआङ्भे़ल्ले़ खे़न् ये़म्मो अक्तङ्बा किप्मा के़घुःबा तुक्खेःन् ताःरो॥ अक्तङ्बा तुक्खेःङ्ग इक्सादिङ् खाम्बेःक्मान् नावागे़न् चइःत् ने़स्से़आङ्धो आल्लो थारिक् मे़म्बोःङ्ङे वाॽ, हे़क्क्याङ् ताःन्दि याम्मो आप्फाल्ले़आङ् मे़बोःङ्ने़ल्लो॥ |
| 24050 | MAT 24:24 | थेआङ्भे़ल्ले़ इङ्ले़क्पा ख्रिस्तहाॽ नु इङ्ले़क्पा माङ्निङ्वाॽपाःन् के़बाःप्पाहाॽ मे़लःन् मे़दाआङ् पयम् यम्बा मिक्सेःन् नु निङ्वाॽ के़माबा पाःन्हाॽ मे़जोगुआङ् निङ्वाॽफुमाङ्ङिल्ले़ सेगुसिबा मनाहाॽआङ् खुनिॽ सुक्सुक् इङ्मे़ले़क्तुसिॽरो॥ |
| 24059 | MAT 24:33 | हे़क्केलॽरिक्के इङ्गाॽ पाःत्तुङ्बा कन् के़रे़क् पाःन्हाॽ के़त्ल पेःक्पा के़निःसुम्मिल्ले़ मे़न्छाम्साःल्ले़ कुयुःमान् निःत्ताङ्ङे वाॽ फाॽआङ् कुसिङ्के़निःत्तुम्लो॥ |
| 24065 | MAT 24:39 | हे़क्क्याङ् वादोःक्मा थाङे़आङ् निःम्मा सिःमानुःल्ले़ तगि थे पोःङ् के़लॽबान् खे़ङ्हाॽरे़ थेआङ् निङ्वाॽ मे़ङ्गत्तुन्लो॥ बा हे़क्केलॽरिक्के मे़न्छाम्साःल्ले़ कुयुःमान्नाङ् पोःङ्लो॥ |
| 24067 | MAT 24:41 | हे़क्क्याङ् ने़प्फु मे़न्छुमाहाॽ लुङ्सुम्मो याॽ युःत्नु युङ्सिल्ले़ थिक्किन् तेॽ, वेॽस्मान् युङ्लाःत्लो॥ |
| 24146 | MAT 26:23 | ये़सुरे़ खे़ङ्हाॽ नोगप् पिरुसि, “आल्लो इङ्गाॽनु सोरिक् के़जाबार के़युङ्बाधिक्किल्ले़ इङ्गाॽ इङ्ले़क्कारो॥ |
| 24377 | MRK 3:20 | हे़क्क्याङ् ये़सुःन् हिम्मो लाःसे़आङ् खे़प्मो यरिक् मनाहाॽ मे़जुप्से़बाल्ले़ चोगुल्ले़ खुने़ॽ नु कुहुॽसाम्बाहाॽरे़ चाजामा ये़म्मिन्ने मे़ङ्घोःसुन्लो॥ |
| 24571 | MRK 8:2 | “कन् मनाहाॽ इङ्गाॽ आलुङ्माॽ मे़दुक्लो, थेआङ्भे़ल्ले़ खे़ङ्हाॽग सुम्ये़न्नाङ्धो इङ्गाॽनुए मे़वाॽ, हे़क्क्याङ् खे़ङ्हाॽरे़ चामा थुङ्मा थेआङ् मे़ङ्गत्तुन्लो॥ |
| 24644 | MRK 9:37 | “आत्तिल्ले़ आमिङ्ङो अक्तङ्बा चुक्सा हिन्जाॽइन् लाङ्दाःक्तुॽ, खे़ल्ले़ इङ्गाॽ लाङ्दाःक्कारो॥ इङ्गाॽ याप्मि लाङ्गे़दाःक्पाल्ले़ इङ्गाॽ याप्मि के़बाङ्बा निङ्वाॽफुमाङ्ङिन्नाङ् लाङ्दाःक्तुॽ॥” |
| 24655 | MRK 9:48 | खे़मायङ्सङ्ङोग फेॽबाःत् नु मिःन्मे़सिःने़न्लो॥ |
| 24792 | MRK 13:6 | यरिक् मनाहाॽ निङ्वाॽफुमाङ्ङिल्ले़ सेःन्दुबा ख्रिस्ते़न्इङ्गाॽएरो लॽरिक् मे़बाःत्तुर आमिङ्ङो मे़दारो, हे़क्क्याङ् यरिक् मनाहाॽ इङ्मे़ले़क्तुसिॽरो॥ |
| 24797 | MRK 13:11 | हे़क्क्याङ् खिनिॽ के़म्दे़म्सिॽआङ् खासे़न्दे़न्नो खासे़न् लोःन्छे़ के़म्देॽरिल्ले़ से़ःप्सिङ्मारे़ लागि थे़मा पाःप्माबे फाॽआङ् तगिसा निङ्साम्मो मे़ध्ये़म्मिन्ने़ॽओ॥ खे़न् ये़म्मो पाःप्मा के़बोःङ्बा पाःन् सेसेमाङ्ङिल्ले़ के़बिरिॽरो, थेआङ्भे़ल्ले़ के़बाःप्पे़ङ्ग खिनिॽ मे़ःन्लो, कर सेसेमाङ्ङिन्नेरो॥ |
| 24805 | MRK 13:19 | थेआङ्भे़ल्ले़ निङ्वाॽफुमाङ्ङिल्ले़ इक्सादिङ् खाम्बेःक्मान् नावागे़न् चइःत् ने़स्सुआङ्धो अक्तङ्बा किप्मा के़घुःबा तुक्खेःङ्ग आप्फाल्ले़आङ् मे़म्बोःङ्ङे वाॽ, हे़क्क्याङ् याम्मो आप्फाल्ले़आङ् मे़बोःङ्ने़ल्लो॥ |
| 24808 | MRK 13:22 | थेआङ्भे़ल्ले़ इङ्ले़क्पा ख्रिस्तहाॽ नु इङ्ले़क्पा माङ्निङ्वाॽपाःन् के़बाःप्पाहाॽ मे़लःन् मे़दाआङ् मिक्सेःन् नु निङ्वाॽ के़माबा पाःन्हाॽ मे़जोगुआङ् निङ्वाॽफुमाङ्ङिल्ले़ सेगुसिबा मनाहाॽआङ् खुनिॽ सुक्सुक् इङ्मे़ले़क्तुसिॽरो॥ |
| 24815 | MRK 13:29 | हे़क्केलॽरिक्के इङ्गाॽ पाःत्तुङ्बा कन् काक् पाःन्हाॽ के़त्ल पेःक्पा के़निःसुम्मिल्ले़ मे़न्छाम्साःल्ले़ कुयुःमान् निःत्ताङ्ङे वाॽ फाॽआङ् कुसिङ्के़निःत्तुम्लो॥ |
| 24834 | MRK 14:11 | खे़ङ्हाॽरे़ कन् पाःन्निन् मे़घे़प्सुआङ् साॽरिक् मे़सःत्ते़र यहुदाःन् याङ् पिआसिगे़ फाॽआङ् माङ्मे़हे़क्तु॥ खे़न् ये़म्माङ्धो यहुदाःल्ले़ ये़सुःन् इङ्ले़क्मा फाॽआङ् सुये़म् कोःप्मा हेःक्तुरो॥ |
| 24843 | MRK 14:20 | ये़सुरे़ खे़ङ्हाॽ नोगप् पिरुसि, “खिनिॽ थिक्-ने़त्तो आल्लो इङ्गाॽनु सोरिक् के़जाबार के़युङ्बाधिक्किल्ले़ इङ्गाॽ इङ्ले़क्कारो॥ |
| 24863 | MRK 14:40 | खुने़ॽ नुःक्खे़ फे़रे़ल्ले़ याम्मो कुहुॽसाम्बाहाॽ मे़इप्से़आङ् मे़ने़स्से़बा तुमुसि, थेआङ्भे़ल्ले़ खे़ङ्हाॽ मिक्युःमाल्ले़ साॽरिक् तरुसिआङ् मे़वये़॥ हे़क्क्याङ् खे़ङ्हाॽरे़ आक्खे पाःप्माबे फाॽआङ् थेआङ् निङ्वाॽ मे़ङ्गत्तुन्लो॥ |
| 24878 | MRK 14:55 | आल्ल तुम्निङ्वाॽफुसाम्बाहाॽ नु यहुदि ये़जुम्भोरे़न् काक् पासिङ्पादाङ्लाहाॽरे़ ये़सुःन् सिःमे़ल्ले़न् खुम्दिङ् पिमा फाॽआङ् खुने़ॽ कुदक्ले़ङ्वाओ फोत्याबा आप्तिक्हाॽ मे़गोःत्तु, कर थेआङ् मे़ङ्घोःसुन्लो॥ |
| 25236 | LUK 6:21 | आल्ल साक्किल्ले़ तरुसिबासे, खिनिॽ मुॽइसाबानिङ्लो, थेआङ्भे़ल्ले़ ताःन्दि खिनिॽ के़घासिआङ् खिनिॽ निङ्सम्लो॥ आल्लो मेरिङ् थक्नु के़हाःप्पासे, खिनिॽ मुॽइसाबानिङ्लो, थेआङ्भे़ल्ले़ खिनिॽ के़एरिॽरो॥ |
| 25365 | LUK 8:51 | हे़क्क्याङ् ये़सुःन् याइरसरे़ कुहिम्मो के़रे़आङ् पत्रुस, याकुब नु युहुन्नाःन् हे़क्क्याङ् खे़न् चुक्माल्ले़ कुम्बा कुम्मासिनुःल्ले़ वेॽ आत्तिन्नाङ् खे़न् चुक्मे़न् ने़स्से़बा ते़न्नो पेःक्मा मे़बाङ्घुन्सिन्॥ |
| 25418 | LUK 9:48 | हे़क्क्याङ् कुहुॽसाम्बाहाॽ मे़त्तुसि, “आत्तिल्ले़ आमिङ्ङो अक्तङ्बा चुक्सा हिन्जाॽइन् लाङ्दाःक्तुॽ, खे़ल्ले़ इङ्गाॽ लाङ्दाःक्कारो॥ इङ्गाॽ याप्मि लाङ्गे़दाःक्पाल्ले़ इङ्गाॽ याप्मि के़बाङ्बा निङ्वाॽफुमाङ्ङिन्नाङ् लाङ्दाःक्तुॽ॥ आत्तिन् खिनिॽओ के़रे़क्नुःल्ले़ चुक्सा चोःक्, खे़न्ने के़रे़क्नुःल्ले़ यम्बारो॥” |
| 25503 | LUK 11:29 | मनाहाॽ खे़प्मो यरिक् मे़बोःरे़र मे़बेःल्ले़ ये़सुरे़ याम्मो मे़त्तुसि, “कन्ये़म्मोबा मनाहाॽ कुॽइगे़भे़ॽबासिरो॥ कङ्हाॽरे़ निङ्वाॽ के़माबा मिक्सेःन् मे़गोःत्तुॽ, कर माङ्निङ्वाॽपाःन् के़बाःप्पा योनारे़ कुमिक्सेःन्नाङ्धो वेॽ मिक्सेःन् मे़ङ्घोःसुन्लो॥ |
| 25594 | LUK 13:7 | खे़ल्ले़ इक्के़गोःबान् उःत्तुआङ् मे़त्तु, ‘इङ्गाॽ तङ्बे सुम्सिआङ्धो कन् पःत्छेॽबुङ्मो कुजाॽइन् ओमे़त्तुङ्ल वाॽआ, हे़क्केसाङ् इङ्गाॽ मे़ङ्घोःबान्लो॥ आल्ल कन् ताङे़ॽआङ् से़रे़ॽ॥ थेआङ् खाम्मिन् आम्भा चासोःक्खुबाबे॥’ |
| 25699 | LUK 16:10 | हे़क्क्याङ् आत्तिन् मनाःन् चुक्सा पाःन्नो लक्पे़न्साबा चोःक्, खे़ल्ले़ यम्बा पाःन्नो लक्पे़न्खोःसुॽरो॥ हे़क्क्याङ् आत्तिन् मनाःन् चुक्सा पाःन्नो नसाःन्साबा मे़जोःक्ने़न्, खे़न् यम्बा पाःन्नोआङ् नसाःन्साबा मे़बोःङ्ने़ल्लो॥ |
| 25755 | LUK 17:35 | हे़क्क्याङ् ने़प्फु मे़न्छुमाहाॽ लुङ्सुम्मो याॽयुःत्नु युङ्सिल्ले़ थिक्किन् तेॽ, वेॽस्मान् युङ्लाःत्लो॥ |
| 25907 | LUK 21:12 | कन् पोःङ्मानुःल्ले़ तगिग खिनिॽ हुक् के़म्याक्तिआङ् निङ्घुम् के़म्मे़त्तिॽरो॥ हे़क्क्याङ् यहुदि चुम्लुङ्हिम्मो खासे़न् के़म्लोःन्दिआङ् पुङ्लाहिम्मो के़म्धे़क्तिॽरो॥ आमिङ्ङिल्ले़ चोगुल्ले़ हाङ्हाॽ नु सुहाङ्गे़म्बाहाॽरे़ खुनिॽ तगि के़म्ये़प्सिॽरो॥ |
| 25925 | LUK 21:30 | आल्ल कुसङ् कुभे़क्वा लःन्निल्ले़ हाङ्वाःम्मा ये़म्मिन् निःत्ताङ् तार पत् फाॽआङ् खिनिॽ कुसिङ्के़निःत्तुम्लो॥ |
| 25926 | LUK 21:31 | हे़क्केलॽरिक्के इङ्गाॽ पाःत्तुङ्बा कन् काक् पाःन्हाॽ के़त्ल पेःक्पा के़निःसुम्मिल्ले़ निङ्वाॽफुहाङ्जुम्मिन् निःत्ताङ् वाॽ फाॽआङ् कुसिङ्के़निःत्तुम्लो॥ |
| 25953 | LUK 22:20 | बा हे़क्केलॽरिक्के मे़ज मे़सुरुआङ् चल्लङ्ना खोर्याःन् ये़सुरे़ पक्खुर अक्खे मे़त्तुसि, “कन् खिनिॽ लागि आमाक्खिॽइन्वदेःन्दे़आङ्निःन्धो पोःक्खे़बा कुसङ् माङ्हुप्पिन्लो॥ |
| 25959 | LUK 22:26 | कर खिनिॽओग अक्खे मे़बोःङ्ने़ल्लो॥ खिनिॽओग आत्तिन् यम्बा चोःक्, खे़न् चुक्सा पोःङ्मा पोःङ् हे़क्क्याङ् लाम्लोःबान् सेवारोबे़न् हे़क्के पोःङ्मा पोःङ्लो॥ |
| 26018 | LUK 23:14 | खे़ङ्हाॽ मे़त्तुसि, “खिनिॽ कन् हाङ्बिफ्युङ् के़जोःक्पा फाॽआङ् फोत्या के़गुःत्तुम्माङ् के़दारुम्बा मनाःन् खिनिॽ तगिए इङ्गाॽ यरिक् पाःन् सेःन्दोसुङ्, कर इङ्गाॽ थेआङ् याःम्बक् फेःन्दुबा मे़ङ्घोःबान्लो॥ |
| 26063 | LUK 24:3 | कर खे़ङ्हाॽ सिगाङ् मे़लाःस्से़ल्ले़ दाङ्बा ये़सुरे़ कुधक्किन् मे़ङ्घोःसुन्लो॥ |
| 26065 | LUK 24:5 | खे़ङ्हाॽ खुनिॽ यङ्मा के़रे़आङ् खाम्मो साम्बोःन् हबत्मे़बोःक्खे़ल्ले़ खे़ङ्हाॽरे़ खे़न् मे़न्छुमाहाॽ थेआङ् खिनिॽ कुहिङ्वे़त् मनाःन् कुसिवे़त् मनालुम्मो के़गोःत्तुम्बाबे फाॽआङ्सेःन्मे़दोसुसि॥ |
| 26310 | JHN 5:31 | “इङ्गाॽ आयाःम्बेओ आबाङे तोःन्दि पिरुङ्ने़ फाॽग्र इङ्गाॽ आदोःन्दिन्से़क्खा मे़बोःङ्ने़ल्लो॥ |
| 26363 | JHN 6:37 | पानुदिङ् पाःल्ले़ पिआबाहाॽ के़रे़क् इङ्गाॽओ मे़दाःॽ, हे़क्क्याङ् आत्तिन् इङ्गाॽओ ताः खे़न् आप्फाल्ले़आङ् मे़ले़रुङ्ङिन्लो॥ |
| 26389 | JHN 6:63 | सेसेमाङ्ङिल्ले़ मे़न्नुप्मनाबा हिङ्मन्निन् आबिॽरो, कर मे़न्छाम् थुम्मिल्ले़ थेआङ् चोःक्मा मे़सुक्तुन्लो॥ इङ्गाॽ मे़त्निङ्बा पाःन्जाक्हाॽ याम्साम् नु हिङ्मन्लो॥ |
| 26465 | JHN 8:15 | खिनिॽग मे़न्छाम् थिम् कुइसिःक्के खासे़न् के़लोःन्दिॽरो, कर इङ्गाॽग आत्तिल्ले़न्नाङ् खासे़न् मे़जोगुङ्ङिन्लो॥ |
| 26559 | JHN 10:9 | इङ्गाॽए लाम्धेःप्पाआरो, इङ्गाॽलाम् सिगाङ् के़लाःप्पाहाॽ ताङ्मे़से़ःप्लो॥ खे़न् सिगाङ् लाःप्मा नु लाःक्कात् पेःक्मा सुक्लो हे़क्क्याङ् खे़ल्ले़ चाराम्दे़न् खोःसुॽरो॥ |
| 26684 | JHN 12:35 | ये़सुरे़ खे़ङ्हाॽ नोगप् पिरुसि, “सप्फारे़ लागिरक् ओःत्तिःन् खिनिॽनु वाॽरो॥ खादाम्मान् तार पत्, हे़क्केःल्ले़ ओःत्तिःन् खिनिॽनु वाॽरए लाङ्घेगे़म्मे़ॽओ॥ खादाम्मो लाङ्गे़घेःक्पा मनाःल्ले़ आत्तो पेःक्ल पत् के़लॽबान् थेआङ् निङ्वाॽ मे़घोःसुन्लो॥ |
| 26695 | JHN 12:46 | इङ्गाॽग इक्सादिङ् खाम्बेःक्मो ओःत्ति हे़क्के त्याङ्ङाङ् वाॽआरो, हे़क्केःल्ले़ इङ्गाॽ नसाःन् के़जोःक्पाहाॽ आत्तिन्नाङ् खादाम्मो वाॽमा मे़बोःङ्ने़ल्लो॥ |
| 26764 | JHN 14:27 | इङ्गाॽ सनारुङ्ङिन् खिनिॽनु पक्थाङ्लो, आसनारुङ्ङिन् खिनिॽ पिनिङ्लो॥ कङ्ग इक्सादिङ् खाम्बेःक्माल्ले़ के़बिरिबा हे़क्केग मे़बिनिङ्ङिन्लो॥ खिनिॽ निङ्साम्मो मे़ध्ये़म्मिन्ने़ॽ हे़क्क्याङ् मे़गिसे़म्मिन्ने़ॽओ॥ |
| 26790 | JHN 15:22 | इङ्गाॽ त्याङ्ङाङ् खे़ङ्हाॽ लायोरे़ कुयाःम्बेओ मे़म्मे़त्छिङ्बान्निल्ले़ग लायोरे़न् आप्तिक् मे़ङ्घोःसुम्बारो॥ कर आल्लग खे़ङ्हाॽरे़ लायो मे़न्जोःक्मनाबा लाम्सिङ्मा मे़ङ्घोःसुन्लो॥ |
| 26825 | JHN 16:30 | आल्लो खे़ने़ॽ काक् पाःन्हाॽ के़निःसु फाॽआङ् आनिगे़ कुसिङ्निःत्तुम्बारो॥ आत्तिल्ले़आङ् थेआङ् सेःन्दोःमा मे़बोःङ्ने़न्, थेआङ्भे़ल्ले़ सेःन्दोःमानुःल्ले़ तगि खे़ने़ॽ के़निःसुॽरो॥ बा कन् पाःन्नो खे़ने़ॽ निङ्वाॽफुमाङ्लाम् के़द्ये़बा फाॽआङ् आनिगे़ नसाःन् चोगुम्बारो॥” |
| 26831 | JHN 17:3 | खे़ङ्हाॽरे़ से़क्खागे़न् निङ्वाॽफुमाङ्ङिन् खे़ने़ॽरक् फाॽआङ् कुसिङ् मे़निःत्तुर हे़क्क्याङ् खे़ने़ॽ के़बाङ्घुबा ये़सु ख्रिस्ते़न्कुसिङ् मे़निःत्तुर बा खे़न्ने मे़न्नुप्मनाबा हिङ्मन्लो॥ |
| 26838 | JHN 17:10 | इङ्गाॽ कत्तुङ्सिङ्बा काक् मनाहाॽग खे़ने़ॽइन्छिरो हे़क्क्याङ् खे़ने़ॽ के़गत्तुसिबा मनाहाॽग इङ्गाॽइन्छिरो॥ खे़ङ्हाॽओ आमिमिदिङ् पोःक्खे़आङ् वाॽरो॥ |
| 26843 | JHN 17:15 | खे़ङ्हाॽ इक्सादिङ् खाम्बेःक्मोलाम् तेॽरे़से़ॽ फाॽआङ् पेलिगे़न् तुवा मे़जोःक्कान्, कर कुॽइगे़भे़ॽबा माफे़न्साम्मोलाम् खे़ङ्हाॽ ताङ्से़ःप्ते़से़ॽओ॥ |
| 26892 | JHN 18:38 | पिलातसरे़ सेःन्दोसु, “से़क्खाःङ्ग थे़माःन्बे?” खे़ल्ले़ हे़क्के पाःत्तुर लाःक्कात् लःन्दे़आङ् यहुदिहाॽ अक्खे मे़त्तुसि, “कन् मनाःल्ले़ कुदक्ले़ङ्वाओ थेआङ् आप्तिक् मे़ङ्घोःबान्लो॥ |
| 26905 | JHN 19:11 | ये़सुरे़ नोगप् पिरु, “निङ्वाॽफुमाङ्ङिल्ले़ खे़ने़ॽ के़म्बिरे़न्निल्ले़ग इङ्गाॽ सम्दाङ् युक् के़ङ्गत्तुन्बारो॥ कर इङ्गाॽ खे़ने़ॽओ याप्मि हुक् के़सुप्पाल्ले़ कन्नुःल्ले़आङ् यम्बा लायोरे़न् आप्तिक् खोःसुॽरो॥” |
| 27196 | ACT 7:11 | हे़क्क्याङ् मिस्र लाजेॽ नु कनान लाजेॽओ साॽरिक् यम्बा साक् थ्ये़आङ् यम्बा तुक्खेवा नु मिन्देॽ पोगे़, हे़क्केःल्ले़ आनिॽ सुधे़बा ताक्थे़बाहाॽरे़ चामा थे़माआङ् मे़ङ्गत्तुन्लो॥ |
| 27234 | ACT 7:49 | ‘दाङ्बाल्ले़ पाःत्तु, साङ्ग्राम्पेदाङ्ङिन् इङ्गाॽ आहाङ्युक्नारो॥ खे़प्मोलाम्मे काक् सम्दाङ् हाङ् चोःक्कारो, हे़क्क्याङ् इक्सादिङ् खाम्बेःक्मान् इङ्गाॽ आलाङ् तोॽभेःत्लो॥ हे़क्केःल्ले़ आक्तङ्बा के़घे़म्बा आवाॽमा हिम् के़जोगुम्बाबे? |
| 27451 | ACT 13:20 | तङ्बे कुगिप् लिसिआङ् कुभ्रे़ःङ् (४५०) थारिक् खे़ङ्हाॽरे़ खे़न् लाजेॽइन्मे़युक्तुरो॥ हे़क्क्याङ् माङ्निङ्वाॽपाःन् के़बाःप्पा सामुए़ल थारिक् खासे़न्युक्पाहाॽ पिरुसिरो॥ |
| 27474 | ACT 13:43 | हे़क्क्याङ् मनाहाॽरे़ यहुदि चुम्लुङ्हिम्मिन् मे़ले़रुआङ् यरिक् यहुदिहाॽ नु यहुदि साम्योओ के़दाःबाहाॽरे़ पावल नु बरनाबासे़न्मे़दिम्दुसिरो॥ हे़क्क्याङ् सेःक्युक्मिबाहाॽरे़ खे़ङ्हाॽ निङ्वाॽफु लुङ्गुम्मो चक्मे़ल्लॽए नसाःन् चोगे़म्मे़ॽ फाॽआङ् पेलि फाक्ते़छुरो॥ |
| 27616 | ACT 17:24 | निङ्वाॽफुमाङ्ङिङ्ग साङ्ग्राम्पेदाङ् नु इक्सादिङ् खाम्बेःक्माल्ले़ कुन्दाङ्बारो॥ खुने़ॽए इक्सादिङ् खाम्बेःक्मान् नु खे़प्मो के़वाॽबा के़रे़क् चोगुसिबाल्ले़ खुने़ॽ मे़न्छाम् याप्मिहाॽरे़ मे़जोगुबा माङ्हिम्मो मे़युङ्ङिन्लो॥ |
| 27641 | ACT 18:15 | कर कन् पाःन्निन् खिनिॽ साम्योथिम्मोबा मिङ्हाॽ, सुत्लाहाॽ नु थिम्मिल्ले़न्लक् वाॽबाल्ले़ चोगुल्ले़ कङ्ग खिनिॽ आबाङे तङ्घे़म्मे़ॽओ॥ इङ्गाॽग कन् पाःन्हाॽ खासे़न् मे़लोःन्नान्लो॥” |
| 27718 | ACT 20:24 | कर आहिङ्मन्नो दाङ्बा ये़सुरे़ पिराङ्बा याःम्बक्किन् चोःक्मा सुःप्मा हे़क्क्याङ् निङ्वाॽफुमाङ्ङिल्ले़ कुलुङ्गुम्मिल्ले़ कुयाःम्बेओ सुनाइङ्घङ् इङ्भोःमाआङ्धो वेॽ थेआङ् मे़इःत्तुङ्ङिन्लो॥ |
| 27737 | ACT 21:5 | कर खे़न् ये़त्नाम् एगाङ् खे़ङ्हाॽनु से़ःम्नाआङ् थासिङ्म्ना॥ के़रे़क् नसानिबा फुॽनुसाॽ नु खुनिॽ मेःत् साःहाॽ आनिगे़ साःसे़ ये़क्यक् लाःक्कात् थारिक् मे़भे़रे़आङ् आनिगे़ सोरिक् वाहङ्ङिल्ले़ कुयाओ थुङ्बोहजॽ युङ्मनार तुवा चोःक्मनारो॥ |
| 27875 | ACT 25:11 | सिःमे़ल्ले़न् खुम्दिङ् खोःमा थिम् फेःन्दुङ्ङाङ् वाॽआने़ फाॽग्र इङ्गाॽ सिःमा पोःङ्साङ् मे़अत्तुङ्ङिन्लो॥ कर इङ्गाॽ मे़गुःत्ताङ्बा आप्तिक् पाःन्नो से़क्खा पाःन् होःप्पाल्ले़ चोगुल्ले़ आत्तिल्ले़आङ् इङ्गाॽ खुनिॽओ हुक्सुप्मा मे़न्छुक्कान्लो॥ इङ्गाॽ रोमओ हाङ्युक्पा सिजररे़ल्लो आदुःन्देल्ले़न् खासे़न् पोःङ्ल फाॽआङ् ये़क्पेलि चोःक्कारो!” |
| 27908 | ACT 26:17 | इङ्गाॽ खे़ने़ॽ के़मनाहाॽ नु थिम्मे़न्दङ् सुवाङ्हाॽ ने़प्जाङ्लाम् ताङ्से़ःप्ने़ॽरो॥ हे़क्क्याङ् खुनिॽ मिक्हाॽ हन्छे़, माक्चिगे़न् खादाम्मोलाम् से़न्दाङ्गे़न् ओःत्तिओ ताःत्छे़ हे़क्क्याङ् माफे़न्साम्मिल्ले़ कुयुक्कोलाम् निङ्वाॽफुमाङ्ङिल्ले़ कुयुक्को ताःत्छे़ खे़ङ्हाॽरो पाङ्ने़ॽरो॥ हे़क्केलॽरिक् खे़ङ्हाॽरे़ इङ्गाॽ नसाःन् मे़जोगाङ्बाल्ले़ चोगुल्ले़ खुनिॽ लायोलाम् ले़प्मि मे़घोःसुॽ, हे़क्क्याङ् निङ्वाॽफुमाङ्ङिल्ले़ आबाङे सेसे चोगुसिबा कुमनाहाॽनु खुनिॽ युङ्दे़न् मे़घोःसुॽरो॥’ |
| 27969 | ACT 28:2 | खे़प्मो के़युङ्बा पाङ्तिबा यक्युङ्बाहाॽरे़ आनिगे़ साॽरिक् लुङ्माॽ मे़दुक्तिगे़आङ् मिमे़दुप्तुआङ् लाङ्दाःक्मा मे़बिरिगे़रो, थेआङ्भे़ल्ले़ वाहित्मान् थ्ये़र पत्छे़आङ् चुङ्जिःक्ते़रो॥ |
| 27998 | ACT 28:31 | हे़क्क्याङ् मे़ङ्गिए हाङ्हाङ् लॽरिक् निङ्वाॽफुहाङ्जुम्मिल्ले़ कुयाःम्बेओ इङ्भन् चोगुर के़दाःबा के़बेःक्पाहाॽ दाङ्बा ये़सु ख्रिस्तरे़ कुयाःम्बेओ हुॽरुसिरो॥ आत्तिन्हाॽरे़आङ् हे़क्के चोःक्मोलाम् खुने़ॽ साक्मा मे़ङ्गोःत्तुन्लो॥ |
| 28028 | ROM 1:30 | मना चाःत्थि के़देःबा, निङ्वाॽफुमाङ्ङिन् के़जिःप्पा, मना ताप्फे़ःल्लिक् के़मे़प्पा, आङ्दिङ् के़लॽबा हे़क्क्याङ् के़हे़न्छिङ्बा मे़बोःक्खे़आङ् मे़वाॽरो॥ खे़ङ्हाॽरे़ फे़न् पाःन्हाॽ चोःक्मा कुसङ्लाम् मे़गोःत्तुॽ, हे़क्क्याङ् माबाहाॽरे़ खुनिॽ पाःन् मे़ङ्घे़प्सुन्॥ |
| 28124 | ROM 5:9 | खे़ल्ले़ चोगुल्ले़ आनिॽग ख्रिस्तरे़ कुमाक्खिॽइल्ले़ निङ्वाॽफुमाङ्ङिल्ले़ कुनिःमाओ आप्तिक् मे़ःन्नेबा आबोःक्खे़आङ् आवाॽबाल्ले़ चोगुल्ले़ ख्रिस्तरे़ निङ्वाॽफुमाङ्ङिल्ले़ कुघुम्दिङ्लाम् से़क्खाए ताङ्आसे़ःप्लो॥ |
| 28125 | ROM 5:10 | खे़न् फाॽइङ्ग निङ्वाॽफुमाङ्ङिल्ले़ कुनिङ्मि आवये़ल्ले़सा आबुगे़न् कुस्साःल्ले़ कुसिःमे़न्लाम्निङ्वाॽफुमाङ्ङिन्नु नादङ् आबोःक्खे़आङ् आवाॽबाल्ले़ चोगुल्ले़ खुने़ॽ कुहिङ्मन्निल्ले़ निङ्वाॽफुमाङ्ङिल्ले़ कुघुम्दिङ्लाम् से़क्खाए ताङ्आसे़ःप्लो॥ |
| 28131 | ROM 5:16 | हे़क्क्याङ् निङ्वाॽफुमाङ्ङिल्ले़ कुलुङ्गुम्लाम्बा के़दाःबा पर्धाःम्मिङ्ग आदमरे़ कुलायोःन्नु मे़दङ्ने़न्लो॥ लत्छा लायोधिक्ले़ चोगुल्ले़ के़रे़क् मनाहाॽ आप्तिक्को मे़ध्ये़रो, कर यरिक् लायो आजोगुम्साङ् निङ्वाॽफुमाङ्ङिल्ले़ आम्भा आबिबा पर्धाःम्मिल्ले़ आप्तिक् मे़ःन्नेबा आजोःक्लो॥ |
| 28138 | ROM 6:2 | मे़ःन्लो! हे़क्के चोःक्मा मे़नुॽने़न्लो! आनिॽग कुसिवे़त् मना हे़क्तङ्बा आजोःक्लो, हे़क्क्याङ् आल्ल लायोःल्ले़ कुयुक्को आन्वाॽने़न्लो॥ हे़क्केःल्ले़ आल्लआङ्धो लायो चोःक्मार वाॽमा मे़नुॽने़न्लो॥ |
| 28159 | ROM 6:23 | थेआङ्भे़ल्ले़ लायोरे़ आबिबा नाम्याक्किङ्ग सिःमे़न्लो, कर निङ्वाॽफुमाङ्ङिल्ले़ आम्भा आबिबा पर्धाःम्मिङ्ग आनिॽ दाङ्बा ख्रिस्त ये़सुओलाम् मे़न्नुप्मनाबा हिङ्मन्लो॥ |
| 28162 | ROM 7:3 | हे़क्केलॽरिक्के कुये़म्बाॽइन् कुहिङ्वे़त् वाॽरए खे़ल्ले़ वेॽ मनाःन्नु मेःक्खिम् चोगुने़ फाॽग्र खे़ङ्ग साम्योथिम्मिल्ले़ चाराम्मा याःम्बक् के़जोःक्मा मे़त्तुॽरो॥ कर कुये़म्बाॽइन् सिःआङ्ग खुने़ॽ मेःक्खिम्थिम्लाम् चोःक्युम्भोमा पोःङ्लो, हे़क्क्याङ् खे़ल्ले़ वेॽ मनाःन्नु मेःक्खिम् चोगुल्ले़ चाराम्मा याःम्बक् चोगुबा मे़बोःङ्ने़ल्लो॥ |
| 28166 | ROM 7:7 | हे़क्केःल्ले़ आनिॽ थे पाःप्माबे? साम्योथिम्मिन् लायोबि? से़क्खासाङ् मे़ःन्लो! कर साम्योथिम्मिन् होःप्ते़ल्ले़ग इङ्गाॽ आहिङ्मन्नोबा लायोहाॽ मे़न्निःबान्मे़न्॥ थेआङ्भे़ल्ले़ साम्योथिम्मिल्ले़, “खे़ने़ॽ मे़घिःप्से़न्ने़ॽ” फाॽआङ् मे़बाःत्तुन्निल्ले़ग इङ्गाॽ खिःम्मान् ताप्फे़ःम्बारो के़लॽबा पाःन्निन् कुसिङ् मे़निःत्तुङ्ङिन्बारो॥ |
| 28196 | ROM 8:12 | खे़ल्ले़ चोगुल्ले़ फुॽनुसाॽ नु ने़ॽनुसाॽसे आनिॽ मे़न्जोःक्के मे़म्बोःङ्मनाबा पाःन्हाॽ वाॽ, कर लायोबा सुत्नाःल्ले़ निङ्वाॽ चोगुबा हे़क्केए चोःक्मा मे़बोःङ्ने़ल्लो॥ |
| 28209 | ROM 8:25 | कर आनिॽ आल्ल थारिक् मे़ङ्घोए आवाॽबा पाःन्निन् निङ्साङ् आजोगुम्मिल्ले़ खे़न् खोःमा फाॽआङ् नासि आधःत्तुम्माङ् आहाङ्घुम्लो॥ |
| 28250 | ROM 9:27 | माङ्निङ्वाॽपाःन् के़बाःप्पा यसैयाःल्ले़ इस्राइलिहाॽरे़ खुनिॽ याःम्बेओ अक्खेलॽरिक् पाःत्तुआङ् पत्, “इस्राइलिहाॽग आत्तात्तान्ने निःप्मा सुक्मे़न्दे़प्मनाबा वाहङ्ङिल्ले़ कुयाओबा ये़ःङ्घा हे़क्के यरिक् मे़जोःक्साङ् के़दाङ्बा के़याःक्पाहाॽरक् ताङ्मे़से़ःप्लो॥ |
| 28255 | ROM 9:32 | थेआङ् मे़न्बोःक्खे़न्बे? थेआङ्भे़ल्ले़ खे़ङ्हाॽरे़ कङ्ग आबाङे याःम्बक्लाम्बा खोःमा सुक्ते़त् के़लॽबा मे़इःत्तुआङ् नसाःन्लाम्बा के़दाःबा साम्योनिबान् मे़ङ्गोःत्तुन्लो॥ हे़क्क्याङ् खे़ङ्हाॽग याप्मि के़घःबा लुङ्ङो मे़दोःक्ते़आङ् मे़जोःन्दे़रो॥ |
| 28265 | ROM 10:9 | खे़ने़ॽ के़मुराःल्ले़ ये़सुःन्ने दाङ्बारो फाॽआङ् ते़न्दिङ् के़जोगुआङ् के़सिक्लुङ्मोलाम् निङ्वाॽफुमाङ्ङिल्ले़ खुने़ॽ सिःमे़न्लाम् कुहिङ्वे़त् चोगु लॽरिक् नसाःन् के़जोगुने़ फाॽग्र ताङ्गे़से़ःप्लो॥ |
| 28303 | ROM 11:26 | हे़क्क्याङ् नसाःन् के़जोःक्पा के़रे़क् इस्राइलिहाॽ ताङ्मे़से़ःप्लो॥ साम्योसाप्लाओ अक्खे साप्ते़आङ् पत्, “से़न्लप्दाङ्बान् यरुसले़मलाम्ताःरो, खुने़ॽए इस्राइलिहाॽ लायोलाम् नुःक्तुसिॽ॥ |
| 28363 | ROM 14:15 | खे़ने़ॽ के़जबा कुजाःल्ले़ वेॽ नसानिबान् चप्चि के़जोःक्पा चोगुॽने़ फाॽग्र खे़ने़ॽ वेॽहाॽ लुङ्माॽ के़दुक्तुसिबा मे़बोःङ्ने़ल्लो॥ खे़ने़ॽ के़जबा कुजाःल्ले़ वेॽ नसानिबान् फे़त्मे़लाःन्दुन्लरो, थेआङ्भे़ल्ले़ खे़ल्ले़ कुलागि ख्रिस्ते़न्स्ये़आङ् वाॽरो॥ |
| 28368 | ROM 14:20 | चामा थुङ्मारे़ लागि निङ्वाॽफुमाङ्ङिल्ले़ कुयाःम्बक्किन् फे़त्मे़लाःन्दे़म्मिन्ने़ॽ॥ काक् कुजा कुधिहाॽ सुत्थो नु सेसे चोःक्, कर मना के़घःबा कुजा चामाग नुःबा मे़बोःङ्ने़ल्लो॥ |
| 28422 | ROM 16:18 | थेआङ्भे़ल्ले़ कङ्हाॽरे़ग दाङ्बा ख्रिस्तरे़ कुसेवा मे़न्जोगुन्, कर आबाङे खुनिॽ साप्पोःक्किल्ले़ लागिरक् सेवा मे़जोगुॽरो॥ खे़ङ्हाॽरे़ मना के़जम्बा नु मुर्ले़ःम्बा पाःन्हाॽरे़ कुदोःप्मा मनाहाॽ इङ्मे़ले़क्तुसिॽरो॥ |
| 28454 | 1CO 1:23 | कर आनिगे़ग सिलाम्साक्मा सिङ्सम्दाङ् मे़भोःन्दुबा ख्रिस्ते़न्ने इङ्भोःसुम्बे़रो॥ खे़ङ्ग यहुदिहाॽरे़ लागि आघघबा पाःन् नु थिम्मे़न्दङ् सुवाङ्हाॽरे़ लागि अदङ् पाःन्लो, |
| 28523 | 1CO 5:1 | खिनिॽ लुम्मो याम्बोःप्मा याःम्बक् पोःक्खे़आङ् वाॽ, खिनिॽओ लत्छाःल्ले़ आबाङे कुम्मा पाःक्मान् मेःत् कत्तुआङ् वाॽमु! हे़क्तङ्बा ताप्फे़ःम्बा याम्बोःप्मा याःम्बक्किङ्ग नसाःन् मे़न्जोःक्मनाबा सुवाङ्लुम्मोआङ् मे़बोःङ्ने़ल्लो॥ |
| 28527 | 1CO 5:5 | खे़न् मनाःन् सेसेहुप्लक्लाम्बा लःत्ते़म्देःसे़म्मे़ॽआङ् माफे़न्साम्मिन् हुक्सुप्ते़म्मे़ॽओ॥ हे़क्केलॽरिक् नासिङ्गे़न् कुधक्किन् मे़क्ल हे़क्क्याङ् कुयाम्साम्मिन् दाङ्बान् नुःङ् युःबा ये़न्नो ताङ्से़ःप्लरो॥ |
| 28545 | 1CO 6:10 | के़घुःप्पाहाॽ, खिःम्यक्पाहाॽ, थिःमसाङ्हाॽ, चाःत्थि के़देःबा नु फोत्याबाहाॽरे़ निङ्वाॽफुहाङ्जुम्मिल्ले़न् लाघो मे़ङ्घोःसुन्लो॥ |
| 28547 | 1CO 6:12 | कुभारे़ मे़बाःत्तुॽ, “इङ्गाॽ काक् पाःन्हाॽ चोःक्मा खोःसुङ्,” कर काक् पाःन्हाॽ आनिॽ लागि इङ्धाःङ्बा मे़जोःक्ने़न्लो॥ “काक् पाःन्हाॽ चोःक्मा खोःसुङ्,” कर इङ्गाॽ आत्तिन् पाःन्निल्ले़न्नाङ् योःक्पा मे़बोःङ्ङान्लो॥ |
| 28573 | 1CO 7:18 | हे़क्केसाङ् हर्दो के़हे़क्पाल्ले़ नसाःन् चोगुने़ फाॽग्र, खे़न् हर्दो मे़न्हे़क्मना कुइसिःक् पोःङ्मा मे़नुॽने़न्लो॥ हे़क्क्याङ् हर्दो मे़न्हे़क्मनाबाल्ले़ नसाःन् चोगुने़ फाॽग्र, खे़ल्ले़ हर्दो हे़क्मा मे़बोःङ्ने़ल्लो॥ |
| 28583 | 1CO 7:28 | कर मेःक्खिम् के़जोगुॽने़ फाॽग्र लायो मे़बोःङ्ने़ल्लो॥ हे़क्क्याङ् मेःक्खिम् मे़न्जोःक्के के़वाॽमाल्ले़आङ् मेःक्खिम् चोगुॽने़ फाॽग्र लायो मे़जोगुन्लो॥ कर मेःक्खिम् के़जोःक्पाहाॽरे़ कन् हिङ्मन्नो इनोगे़न् तुक्खेःन् मे़दुमुॽरो॥ हे़क्क्याङ् इङ्गाॽग हे़क्तङ्बा तुक्खेओलाम्बा खिनिॽ ताङ्से़ःप्मानिङ्निङ्वाॽ चोगुङ्लो॥ |
| 28610 | 1CO 9:2 | वेॽहाॽरे़ इङ्गाॽ सेःक्युक्मिबा लॽरिक् मे़न्इःत्तान्छाङ् खिनिॽलागिग सेःक्युक्मिबाआएरो॥ इङ्गाॽ दाङ्बाल्ले़ कुसेःक्युक्मिबाआ फाॽआङ् खिनिॽए तसि-पर्माङ्गि के़वयिॽरो॥ |