| 23367 | MAT 6:16 | “हे़क्क्याङ् खिनिॽ चाःने़त् के़युङ्ङिल्ले़ निङ्वाॽ के़जिःप्पाहाॽ कुइसिःक् खिनिॽ ना मे़माक्ते़म्मिन्ने़ॽओ, थेआङ्भे़ल्ले़ खे़ङ्हाॽ चाःने़त् मे़युङ्ङिल्ले़ वेॽ मनाहाॽरे़ निङ्वाॽ मे़घोःसुर फाॽआङ् खुनिॽ नाराःन् मे़गिःन्दुर मे़युङ्लो॥ इङ्गाॽ से़क्खाए मे़त्निङ्, खे़ङ्हाॽरे़ग खुनिॽ हाङ्से़म्मिन् के़रे़क् मे़घोःसु मे़सुरुआङ् मे़वाॽरो॥ |
| 23376 | MAT 6:25 | “खे़ल्ले़ चोगुल्ले़ इङ्गाॽ खिनिॽ मे़त्निङ्, कन् ने़त्तिगे़न् हिङ्मन्नो थेःन् चामा थुङ्माबे फाॽआङ् निङ्वाॽ इःत्छिङ्मो मे़ध्ये़म्मिन्ने़ॽओ, हे़क्केलॽरिक्के कन् नासिङ्गे़न् थक्कोआङ् थेःन् चाङ्मा वाःप्माबे फाॽआङ् निङ्वाॽ इःत्छिङ्मो मे़ध्ये़म्मिन्ने़ॽओ॥ ने़त्तिगे़न् हिङ्मन्निन् चामा थुङ्मानुःल्ले़ हे़क्क्याङ् नासिङ्गे़न् थक्किन् चाङ्मा वाःप्मानुःल्ले़ नुःबा मे़जोःक्ने़न्बि? |
| 23385 | MAT 6:34 | खे़ल्ले़ चोगुल्ले़ ताःन्दिक् थे पोःङ् फाॽआङ् निङ्वाॽ इःत्छिङ्मो मे़ध्ये़म्मिन्ने़ॽओ, थेआङ्भे़ल्ले़ ताःन्दिक्पा तुक्खेःन् ताःन्दिक्के पोःङ्, हे़क्क्याङ् आइन्बा तुक्खेःन् आइन्छा यरिक् पोःक्खे़आङ् वाॽरो॥” |
| 23391 | MAT 7:6 | सेसे चिगःक्वाःन् ख्याबाहाॽ मे़बिरे़म्सिम्मिन्ने़ॽ, मे़ःन्ने़ फाॽग्र खे़ङ्हाॽ हिल्लिक्मे़हिसिङ् हे़क्क्याङ् के़म्भत्तिॽआङ् के़म्हाॽरिरो॥ हे़क्क्याङ् फाक्हाॽरे़ खुनिॽ तगि ते़क्सेःक्किन् मे़से़से़म्मिन्ने़ॽओ, खे़ङ्हाॽरे़ मे़दोॽरु मे़लाःक्तुॽरो॥” |
| 23406 | MAT 7:21 | आल्ल “‘आदाङ्बे, आदाङ्बे’, लॽरिक् याप्मि के़मे़प्पाहाॽ के़रे़क् साङ्ग्राम्पेदाङ्बा हाङ्जुम्मो मे़न्लाःत्ने़न्लो, कर साङ्ग्राम्पेदाङ्ङो के़वाॽबा पानुदिङ् आम्बारे़ कुनिङ्वाॽ हे़क्के के़जोःक्पाहाॽरक् मे़लाःत्लो॥ |
| 23646 | MAT 13:38 | प्याङ्सिगे़न् इःक्ताप्पिङ्ग इक्सादिङ् खाम्बेःक्मान्लो, हे़क्क्याङ् खे़न् नुःबा याॽरिःम्बाहाॽग निङ्वाॽफु हाङ्जुम्बा मनासिरो॥ माले़ःन्दोहाॽग माफे़न्साम्मिल्ले़ कुमनासिरो, |
| 23799 | MAT 18:3 | मे़त्तुसि, “इङ्गाॽ से़क्खाए मे़त्निङ्, खिनिॽ निङ्वाॽइन्के़ले़क्खुम्माङ् कन् हिन्जाॽइन् कुइसिःक् खिनिॽ के़म्बोःक्खिन्ने़ फाॽग्र आप्फाल्ले़आङ् साङ्ग्राम्पेदाङ्बा हाङ्जुम्मो लाःप्मा के़न्छुक्तिन्लो, |
| 23845 | MAT 19:14 | कर ये़सुरे़ खे़ङ्हाॽ मे़त्तुसि, “हिन्जाॽबित्छाहाॽ इङ्गाॽओ ताःमा फाःक्ते़म्सिम्मे़ॽओ, खे़ङ्हाॽ मे़साक्ते़म्सिम्मिन्ने़ॽओ, थेआङ्भे़ल्ले़ साङ्ग्राम्पेदाङ्बा हाङ्जुम्मिङ्ग कन् हिन्जाॽबित्छा हे़क्तङ्बाहाॽरे़न्नेरो॥” |
| 23971 | MAT 22:30 | थेआङ्भे़ल्ले़ सिःमे़न्लाम् याम्मो मे़हिङ्ङिल्ले़ग मनाहाॽ मेःक्खिम् मे़न्जोःक्ने़न्लो, कर खे़ङ्हाॽग साङ्ग्राम्पेदाङ्ङोबा माङ्लाइङ्बा कुइसिःक्ने़ मे़बोःङ्लो॥ |
| 23978 | MAT 22:37 | ये़सुरे़ नोगप् पिरु, “‘के़न्दाङ्बा निङ्वाॽफुमाङ्ङिन् के़रे़क् के़सिक्लुङ्माल्ले़, के़रे़क् के़सक्मासाम्मिल्ले़, हे़क्क्याङ् के़रे़क् के़निङ्वाॽइल्ले़ मिःम्जि मे़त्ते़ॽओ॥’ |
| 23996 | MAT 23:9 | इक्सादिङ् खाम्बेःक्मो ‘पाःए’ लॽरिक् वेॽ आत्तिन्हाॽआङ् मे़मे़त्ते़म्सिम्मिन्ने़ॽओ, थेआङ्भे़ल्ले़ खिनिॽग थिक्लक् निङ्वाॽफुपाः के़गत्तुम्लो, खुने़ॽग साङ्ग्राम्पेदाङ्ङो वाॽरो॥ |
| 24010 | MAT 23:23 | खिनिॽ कुनिङ्वाॽ के़जिःप्पा साम्योथिम्साम्बाहाॽ नु फरिसिसे, के़जिःत्ति के़स्ये़ॽइरो! खिनिॽ इक्ताप्पोलाम् नाम्सुना, सःप्फा नु हिम्चे़म्भे़न् हे़क्तङ्बा मारुक्हाॽरे़न्नाङ् थिबोःङ्लक् निङ्वाॽफुमाङ्ङिन् के़बिरुम्, कर नुःरिक्काङ् खासे़न् के़न्जोगुम्सिम्मिन्, वेॽ मनाहाॽ लुङ्माॽ के़न्दुक्तुम्सिम्मिन्, हे़क्क्याङ् नसाःन् के़न्जोगुम्मिन्लो॥ कन् नाःप्माए के़बोःङ्बा साम्योथिम्बा पाःन्हाॽ के़न्नाःत्तुम्मिन्लो॥ खिनिॽग थिबोःङ्लक् निङ्वाॽफुमाङ्ङिन् के़बिरुम्मिल्ले़ कन् नुःरिक्काङ् खासे़न् चोःक्मा, वेॽ मनाहाॽ लुङ्माॽ तुक्मासि नु नसाःन् चोःक्मा के़लॽबा साम्योथिम्मोबा नाःप्माए के़बोःङ्बा पाःन्हाॽआङ् चोगे़म्मे़ॽओ॥ |
| 24646 | MRK 9:39 | ये़सुरे़ खे़ङ्हाॽ मे़त्तुसि, “खे़न् हे़क्के चोःक्मा मे़साक्ते़म्मिन्ने़ॽओ, थेआङ्भे़ल्ले़ हाःत्ले़ इङ्गाॽ आमिङ्ङो निङ्वाॽ के़माबा याःम्बक् चोगुॽ, खे़न् आदक्ले़ङ्वाओ हारा मे़बोःक्ने़न्लो॥ |
| 24671 | MRK 10:14 | हे़क्क्याङ् ये़सुरे़ खे़न् निःसुआङ् कुयाःक् ले़ॽरे़र खे़ङ्हाॽ मे़त्तुसि, “हाराॽ हिन्जाॽबित्छाहाॽ इङ्गाॽओ ताःमा फाःक्ते़म्सिम्मे़ॽओ, खे़ङ्हाॽ मे़साक्ते़म्सिम्मिन्ने़ॽ, थेआङ्भे़ल्ले़ निङ्वाॽफुहाङ्जुम्मिङ्ग कन् हिन्जाॽबित्छा हे़क्तङ्बाहाॽरे़न्नेरो॥ |
| 24767 | MRK 12:25 | थेआङ्भे़ल्ले़ सिःमे़न्लाम् याम्मो मे़हिङ्ङिल्ले़ग मनाहाॽ मेःक्खिम् मे़न्जोःक्ने़न्लो, कर खे़ङ्हाॽग साङ्ग्राम्पेदाङ्ङोबा माङ्लाइङ्बा कुइसिःक्ने़ मे़बोःङ्लो॥ |
| 24772 | MRK 12:30 | के़न्दाङ्बा निङ्वाॽफुमाङ्ङिन् खे़ने़ॽ के़रे़क् के़सिक्लुङ्माल्ले़ के़रे़क् के़सक्मासाम्मिल्ले़, के़रे़क् के़निङ्वाॽइल्ले़, के़रे़क् के़धुम्मिल्ले़ मिःम्जि मे़त्ते़ॽओ॥’ |
| 24830 | MRK 14:7 | याङ्गे़साॽबाहाॽग खिनिॽनुए सदादिङ् मे़वाॽरो॥ हे़क्क्याङ् आप्फाल्ले़साङ् कम्ब्राङ् मे़प्मा के़सुक्तुम्सिम्लो, कर इङ्गाॽग सदादिङ् खिनिॽनु मे़वाॽआन्लो॥ |
| 25108 | LUK 3:14 | हे़क्क्याङ् थक्सुबाहाॽआङ् खे़ॽयो मे़द्ये़आङ् “आनिगे़ग?” फाॽआङ् सेःन्मे़दोसुरो॥ खे़ङ्हाॽ युहुन्नारे़ अक्खे मे़त्तुसि, “खिनिॽआङ् वेॽ मनाहाॽलाम् साक्के़ल्ले़क् नु इङ्ले़क्लाम्याङ् मे़भोःक्खे़म्मिन्ने़ॽ, कर के़घोःसुम्बा फाॽयाङ्ङो खिनिॽ निङ्वाॽ तासे़म्मे़ॽ॥” |
| 25250 | LUK 6:35 | कर खिनिॽ निङ्मिहाॽ लुङ्माॽ तुक्ते़म्सिम्मे़ॽ, खे़ङ्हाॽ नुःरिक् मे़त्ते़म्सिम्मे़ॽ, हे़क्क्याङ् मे़नुःक्तुर फाॽआङ् मे़न्इःत्ते थे़ॽला पिरे़म्सिम्मे़ॽ, हे़क्केःल्ले़ खिनिॽ थुम्घोःन् यरिक् पोःङ्लो॥ हे़क्क्याङ् खिनिॽ के़रे़क्नुःल्ले़ पयम् यम्बा निङ्वाॽफुमाङ्ङिल्ले़ कुस्साः के़बोःक्खिॽरो, थेआङ्भे़ल्ले़ खुने़ॽग ताप्फे़ःम्बा मनाहाॽ नु फोत्याबा मनाहाॽआङ् लुङ्माॽ तुक्तुसिॽरो॥ |
| 25252 | LUK 6:37 | “मनाहाॽ पाःन् मे़धिक्ते़म्सिम्मे़न्ने़ॽ, हे़क्केलॽरिक् निङ्वाॽफुमाङ्ङिल्ले़ खिनिॽआङ् पाःन् के़न्धिक्तिन्लो॥ मनाहाॽ चे़ॽया इङ्दो मे़मे़त्ते़म्सिम्मे़न्ने़ॽओ, हे़क्केलॽरिक् खिनिॽआङ् चे़ॽया इङ्दो के़मे़म्मे़त्तिन्लरो॥ मनाहाॽ ले़प्मि पिरे़म्सिम्मे़ॽओ, हे़क्केलॽरिक् खिनिॽआङ् निङ्वाॽफुमाङ्ङिल्ले़ ले़प्मि के़बिरिॽरो॥ |
| 25420 | LUK 9:50 | ये़सुरे़ खे़न् नोगप् पिरु, “खे़न् हे़क्के चोःक्मा मे़साक्ते़म्मिन्ने़ॽओ, थेआङ्भे़ल्ले़ हाःत् खिनिॽ तक्ले़ङ्वाओ होःप्, खे़न् खिनिॽ ले़प्माङ् वाॽरो॥” |
| 25459 | LUK 10:27 | खे़ल्ले़ नोगप् पिरु, “‘खे़ने़ॽ के़न्दाङ्बा निङ्वाॽफुमाङ्ङिन् के़रे़क् के़सिक्लुङ्माल्ले़, के़रे़क् के़सक्मासाम्मिल्ले़, के़रे़क् के़धुम्मिल्ले़ हे़क्क्याङ् के़रे़क् के़निङ्वाॽइल्ले़, मिःम्जि मे़त्ते़ॽ,’ हे़क्क्याङ् ‘आप्फेःक्लुङ्माॽ के़दुक्सिङ्बा कुइसिःक्के के़हिम्बेसाङ्बाहाॽआङ्लुङ्माॽ तुक्ते़से़ॽओ॥’” |
| 25487 | LUK 11:13 | खिनिॽ फे़न् निङ्वाॽ के़गत्तुम्साङ् आबाङे साःहाॽ नुःबा चिगःक्वाहाॽ पिमासि के़ले़स्सुम्मिल्ले़, खिनिॽ साङ्ग्राम्पेदाङ्ङोबा पाःल्ले़आङ् सेसेमाङ्ङिन् खिनिॽ के़नाःक्तुम्मिल्ले़ से़क्खासाङ् के़बिरिॽएरो॥” |
| 25515 | LUK 11:41 | कर के़घिःप्सिर के़गत्तुम्बा पाःन्हाॽ याङ्गे़साॽबाहाॽ पिरे़म्देःसे़म्सिम्मे़ॽ, हे़क्केःल्ले़ खिनिॽ सुत्थोए के़बोःक्खिॽरो॥ |
| 25557 | LUK 12:29 | चामा थुङ्माओरक् खिनिॽ निङ्वाॽ मे़बिरे़म्मिन्ने़ॽओ! खे़ल्ले़ लागिग निङ्साम्मोआङ् मे़ध्ये़म्मिन्ने़ॽओ, |
| 25773 | LUK 18:16 | कर ये़सुरे़ खे़ङ्हाॽ उःत्तुसिआङ् मे़त्तुसि, “कन् हिन्जाॽबित्छाहाॽ इङ्गाॽओ ताःमा फाःक्ते़म्सिम्मे़ॽओ, खे़ङ्हाॽ मे़साक्ते़म्सिम्मिन्ने़ॽओ, थेआङ्भे़ल्ले़ निङ्वाॽफुहाङ्जुम्मिङ्ग कन् हिन्जाॽबित्छा हे़क्तङ्बाहाॽरे़न्नेरो॥ |
| 25869 | LUK 20:21 | खे़ङ्हाॽरे़ ये़सुःन् कुबाःन्नो थाःमा फाॽआङ् सेःन्मे़दोसु, “सिक्साम्बे, से़क्खासाङ् खे़ने़ॽग कुदोःप्मा पाःन्लक् के़बाःत्तुॽ, हे़क्क्याङ् कुदोःप्मारक्के़हुॽरुसिॽ॥ खे़ने़ॽग आत्तिन् मनाहाॽआङ् के़न्छे़न्दुन्छिन्, हे़क्क्याङ् निङ्वाॽफुमाङ्ङिल्ले़ कुलाम्मिन् से़क्खाए के़हुॽरुसिरो॥ |
| 26146 | JHN 1:33 | खुने़ॽए ख्रिस्तरो फाॽआङ् कुसिङ् मे़न्निःप्पे़न्लो, कर च्वाःत्तो बप्तिस्मा पिसे़ याप्मि के़बाङ्बा निङ्वाॽफुमाङ्ङिल्ले़ आत्तिन् सम्दाङ् सेसेमाङ्ङिन् युःआङ् चुक्पा के़निःसुॽ, खे़ने़ॽ के़हाङ्घुबाङ्ग खुने़ॽएरो, हे़क्क्याङ् खुने़ॽए सेसेमाङ्ङिल्ले़ बप्तिस्मा पिरुसिॽ फाॽआङ् मे़त्ताङ्लो॥ |
| 26404 | JHN 7:7 | इक्सादिङ् खाम्बेःक्मोबाहाॽरे़ खिनिॽ चिःप्मा के़मे़न्छुक्तिन्लो, कर खे़ङ्हाॽरे़ मे़जोगुबा याःम्बक्हाॽ ताप्फे़ःम्बा चोःक् मे़त्तुङ्सिङ्बाल्ले़ चोगुल्ले़ इङ्गाॽ मे़जिःत्तारो॥ |
| 26425 | JHN 7:28 | ये़सुरे़ माङ्हिम्मो हुॽरुसिर पत्छे़ल्ले़ यम्बा इक्लाओ अक्खेलॽरिक् पारे़, “ओरो, खिनिॽ इङ्गाॽ कुसिङ् याप्मि के़निःत्तिॽ हे़क्क्याङ् आत्तोलाम् त्याङ्बा खे़न्नाङ् खिनिॽ के़निःसुम्, कर इङ्गाॽ आबाङे त्याङ्बा मे़ःन्लो॥ इङ्गाॽ याप्मि के़बाङ्बाङ्ग से़क्खाए चोःक् हे़क्क्याङ् खुने़ॽग खिनिॽ कुसिङ् के़न्निःत्तुम्मिन्लो, |
| 26427 | JHN 7:30 | ये़सुरे़ अक्खेलॽरिक् पाःत्तुल्ले़ मनाहाॽरे़ खुने़ॽ ते़म्मा मे़गोःत्तु, कर आत्तिन्हाॽरे़आङ् खुने़ॽ मे़न्छुस्सुन्लो, थेआङ्भे़ल्ले़ खुने़ॽ कुये़म्मिन् मे़ङ्गे़त्ते वये़रो॥ |
| 26539 | JHN 9:30 | खे़न् मनाःल्ले़ नोगप् पिरुसि, “कङ्ग साॽरिक्के निङ्वाॽ के़माबा पाःन् पोःक्खे़रो! खुने़ॽ आत्तोलाम् त्ये़बा फाॽआङ् खिनिॽ के़न्निःसुम्मिन्लो, कर कन् मनाःल्ले़ इङ्गाॽ खानिःमा के़सुक्पा चोगाङ्लो॥ |
| 26691 | JHN 12:42 | हे़क्केसाङ् खे़न् ये़म्मो यरिक् यहुदि लाम्लोःबाहाॽरे़ ये़सुःन् नसाःन् मे़जोगु॥ करसाङ् खे़ङ्हाॽरे़ मना तगि कन् पाःन्निन् पाःप्मा मे़न्दे़न्दे़न्लो, थेआङ्भे़ल्ले़ फरिसिहाॽरे़ यहुदि चुम्लुङ्हिम्लाम् लाःक्कात् आम्लःत् आम्दे फाॽआङ् खे़ङ्हाॽ मे़गिसे़रो॥ |
| 26698 | JHN 12:49 | थेआङ्भे़ल्ले़ इङ्गाॽग आबाङे थेआङ् मे़म्बाःप्पे़न्लो, कर याप्मि के़बाङ्बा पानुदिङ् पाःल्ले़ पाःप्मा पाङ्घाङ्बा पाःन्हाॽए इङ्गाॽ पाःत्तुङ्ङाङ् वाॽआरो॥ |
| 26735 | JHN 13:36 | सिमोन पत्रुसरे़ खुने़ॽ सेःन्दोसु, “दाङ्बे, खे़ने़ॽ आत्तान् के़बेःक्पाबे?” ये़सुरे़ नोगप् पिरु, “इङ्गाॽ आत्तान् पेःक्कार पत्ता आल्लो तिम्मा के़न्छुक्कान्लो, कर याङ्सिग इङ्गाॽ के़दिम्माॽरो॥” |
| 26738 | JHN 14:1 | ये़सुरे़ याम्मो कुहुॽसाम्बाहाॽ मे़त्तुसि, “खिनिॽ निङ्साम्मो मे़ध्ये़म्मिन्ने़ॽओ, कर निङ्वाॽफुमाङ्ङिन् नसाःन् चोगे़म्मे़ॽओ, हे़क्केलॽरिक् इङ्गाॽआङ् याप्मि नसाःन् आजोगे़म्मे़ॽओ॥ |
| 26754 | JHN 14:17 | खुने़ॽग काक् से़क्खाओ लाम्गे़लोःबा सेसेमाङ्लो॥ कन् इक्सादिङ् खाम्बेःक्मोबा मनाहाॽरे़ खुने़ॽ खोःमा मे़न्छुक्तुन्लो, थेआङ्भे़ल्ले़ खे़ङ्हाॽरे़ खुने़ॽ मे़न्निःसुन्नाङ् कुसिङ्ङाङ् मे़न्निःत्तुन्लो॥ कर खिनिॽग खुने़ॽ कुसिङ् के़निःत्तुम्लो, थेआङ्भे़ल्ले़ आल्लो खुने़ॽ खिनिॽनु सोरिक् वाॽ हे़क्क्याङ् के़दाःबा ये़म्मोआङ् खिनिॽ हिङ्मन्नो वाॽरो॥ |
| 27266 | ACT 8:21 | खे़ने़ॽग कन् सेवाओ लक् खोःमा नु कप्मा थेआङ् के़न्छुक्तुन्लो, थेआङ्भे़ल्ले़ खे़ने़ॽ के़सिक्लुङ्मान् निङ्वाॽफुमाङ्ङिल्ले़ कुनिःमाओ नुःबा होःप्लो॥ |
| 27433 | ACT 13:2 | थिक्ये़न् खे़ङ्हाॽरे़ चाःने़त्तो मे़युङे़र दाङ्बाल्ले़न् सेवा मे़जोगुर मे़वये़ल्ले़ सेसेमाङ्ङिन् खे़ङ्हाॽओ अक्खेलॽरिक् पारे़, “बरनाबास नु सावले़न् इङ्गाॽ आलागि से़न्दे़म्सिम्मे़ॽओ, खे़ङ्हाॽग इङ्गाॽ आयाःम्बक् चोःक्से़ उःत्तुङ्सिङ्ङाङ् वाॽसिरो॥” |
| 27520 | ACT 15:9 | आल्ल खुने़ॽ थिम्मे़न्दङ् सुवाङ् नु आनिॽ आन्छे़न्ने़न्लो, थेआङ्भे़ल्ले़ आनिॽ हे़क्के दाङ्बाओबा नसाःन्लाम् खुनिॽ सिक्लुङ्मान् सेसे चोगु पिरुसिआङ् वाॽरो॥ |
| 27531 | ACT 15:20 | कर थिम्मे़न्दङ् सुवाङ्हाॽ अक्तङ्बा सक्इङ्घङ् हाक्तुम्सिम्लो, ‘नावाइत्लाओ तोःम्नाबा चाहाॽ चामा मे़नुॽने़न्॥ हे़क्क्याङ् चाराम्मा मे़नुॽने़न्॥ कुसित्ला यॽमना से़प्मनाबा साः नु सामाक्खिॽआङ् चामा मे़नुॽने़न्लो॥’ |
| 27636 | ACT 18:10 | इङ्गाॽग खे़ने़ॽनुए वाॽआरो, हे़क्क्याङ् हाःत्ले़आङ् थेआङ् के़म्मे़त्ने़ल्लो, थेआङ्भे़ल्ले़ कन् ये़क्यक्को चक्मे़ल्लॽए सुनाइङ् इङ्गे़भोःसुने़ फाॽग्र नसाःन्नो ताःमा यरिक् आमनाहाॽ मे़वाॽरो॥” |
| 27984 | ACT 28:17 | सुम्ये़न् एगाङ् पावलरे़ यहुदि लाम्लोःबाहाॽ चुम्लुङ्ङो उःत्तुसिआङ् खे़ङ्हाॽ मे़जुप्से़ल्ले़ अक्खे मे़त्तुसिरो, “आम्भुॽ आन्साॽसे, इङ्गाॽग आनिॽ मनाहाॽ नु आनिॽ सुधे़बाहाॽरे़ आम्बिरे़ आम्युसे़बा साक्थिम्मिल्ले़ कुदक्ले़ङ्वाओ थेआङ् मे़म्बाःप्पे़न्लो, हे़क्केसाङ् इङ्गाॽग यरुसले़म्मो मे़दे़म्साङ्ङाङ् रोमि सुहाङ्युक्पाहाॽरो हुक्मे़सुप्ताङ्लो॥ |
| 28029 | ROM 1:31 | खे़ङ्हाॽ अदङ् मे़जोःक्, मे़जोगुबा माङ्हे़क्हाॽ मे़ङ्गे़त्तुन्, मनाहाॽ लुङ्माॽ मे़न्दुक्तुन्छिन्, हे़क्क्याङ् खुनिॽ लुङ्माॽ स्याःत् मे़लॽने़न्लो॥ |
| 28081 | ROM 3:22 | निङ्वाॽफुमाङ्ङिल्ले़ मनाहाॽ आप्तिक् मे़ःन्नेबा चोगुसिबा कन् लाम्मिङ्ग ये़सु ख्रिस्ते़न्नसाःन् के़जोःक्पा के़रे़क्ले़ नसाःन्लाम्मे खोःदे़त्लो॥ निङ्वाॽफुमाङ्ङिल्ले़ यहुदि नु थिम्मे़न्दङ् सुवाङ् लॽरिक् मे़से़न्दुन्छिन्लो, |
| 28210 | ROM 8:26 | सेसेमाङ्ङिल्ले़आङ् आनिॽ के़साक्पाओ आधाआङ् आवाॽइल्ले़ कुभाॽ आबिॽरो॥ खे़न् ये़म्मो आक्खेलॽरिक् तुवा चोःक्मा आनिॽ आल्ले़स्सुम्मिन्, कर आनिॽ पाःप्माए सुक्मे़न्दे़प्मनाबा पाःन्सुत्लाहाॽरे़न् आनिॽ याःप्मान्नु सेसेमाङ्ङिल्ले़ आनिॽ ले़क्वा पेलिगे़न् तुवा चोगुॽरो॥ |
| 28218 | ROM 8:34 | आनिॽ हाःत्ले़ पाःन् थिक्मा आसुक्पे? हाःत्ले़आङ् आन्छुक्ने़न्लो, थेआङ्भे़ल्ले़ ख्रिस्त ये़सुःन् स्ये़आङ् आल्ल खुने़ॽग सिःमे़न्लाम् कुहिङ्वे़त् पोःक्खे़, हे़क्क्याङ् खुने़ॽ निङ्वाॽफुमाङ्ङिल्ले़ कुजुप्साङ्ले़प्माङ् युङ्लो, हे़क्क्याङ् आनिॽ लागि पेलिगे़न् तुवाआङ् चोगुर युङ्लो॥ |
| 28327 | ROM 12:14 | खिनिॽ तुक्खे के़जाःप्पाहाॽ साङ्ग्रा मे़मे़त्ते़म्सिम्मे़न्ने़ॽओ, कर मुॽइसाम् पिरे़म्सिम्मे़ॽओ॥ |
| 28334 | ROM 12:21 | ताप्फे़ःम्बा पाःन्निल्ले़ के़न्नाःन्ने़न्ल, कर नुःबा याःम्बक्किल्ले़ ताप्फे़ःम्बा पाःन्निन् नाःन्दे़ॽओ॥ |
| 28342 | ROM 13:8 | हाराॽ खिनिॽ लुम्मो लुङ्माॽ तुक्सिङ्माआङ्धो वेॽ पाःन्निल्ले़न् सिङ्नाःत्तो मे़बत्छे़म्मिन्ने़ॽओ, थेआङ्भे़ल्ले़ वेॽ मनाहाॽ लुङ्माॽ के़दुक्तुम्सिम्ने़ फाॽग्र साम्योथिम्मिल्ले़ पाःत्तुबा पाःन्निन् के़गे़त्तुम्लो॥ |
| 28363 | ROM 14:15 | खे़ने़ॽ के़जबा कुजाःल्ले़ वेॽ नसानिबान् चप्चि के़जोःक्पा चोगुॽने़ फाॽग्र खे़ने़ॽ वेॽहाॽ लुङ्माॽ के़दुक्तुसिबा मे़बोःङ्ने़ल्लो॥ खे़ने़ॽ के़जबा कुजाःल्ले़ वेॽ नसानिबान् फे़त्मे़लाःन्दुन्लरो, थेआङ्भे़ल्ले़ खे़ल्ले़ कुलागि ख्रिस्ते़न्स्ये़आङ् वाॽरो॥ |
| 28819 | 1CO 15:33 | खिनिॽ पिर्बेःम्बो मे़ध्ये़म्मिन्ने़ॽओ, थेआङ्भे़ल्ले़ “ताप्फे़ःम्बा तेःङ्जुम्हाॽरे़ मे़जोगुल्ले़ नुःबा ये़प्ले़क्किन् फे़त्लाॽरो॥” |
| 28945 | 2CO 4:18 | आल्लो आनिःसुम्बा इनोगे़न् तुक्खेहाॽग ओआम्मे़त्तुम्मिन्लो, कर निमे़न्दे़प्मना पाःन्नो ओआमे़त्तुम्लो॥ थेआङ्भे़ल्ले़ आनिॽ आनिःसुम्बा पाःन्हाॽ सप्फाधिक्पारो, कर निमे़न्दे़त्मनाबा पाःन्हाॽग आप्फाल्ले़साङ् वाॽरो॥ |
| 28980 | 2CO 6:14 | ख्रिस्ते़न्नसाःन् मे़न्जोःक्मनाबाहाॽनु सोरिक् मे़घे़ःप्पासिम्मिन्ने़ॽओ, थेआङ्भे़ल्ले़ साम्योनिबा नु लायोबा पाःन्हाॽ मे़दङ्ने़न्लो! से़न्दाङ्गे़न् ओःत्तिःन् नु माक्चिगे़न् खादाम्मान् मे़दङ्ने़न्लो॥ |
| 29119 | 2CO 13:8 | थेआङ्भे़ल्ले़ आनिगे़ग से़क्खाःल्ले़ कुदक्ले़ङ्ङो थेआङ् चोःक्मा मे़सुक्तुम्बे़न्लो, कर से़क्खाःल्ले़ लागिरक् याःम्बक् चोःक्मा सुक्तुम्बे़रो॥ |
| 29369 | EPH 4:30 | हे़क्क्याङ् के़जोगुम्बा पाःन्लाम् निङ्वाॽफुमाङ्ङिल्ले़ कुसेसेमाङ्ङिल्ले़ कुनिङ्वाॽ मे़दुक्खे़म्मिन्ने़ॽ, थेआङ्भे़ल्ले़ काक् चोःक्युम्भो खोःमा ये़न् थारिक् खिनिॽ आमनानिङ् फाॽआङ् ओसेःन्दाङ् चोःक्से़ निङ्वाॽफुमाङ्ङिल्ले़ सेसेमाङ्ङिन् के़बिरिआङ् वाॽरो॥ |
| 29377 | EPH 5:6 | खे़न् हे़क्तङ्बा पाःन्नो हाःत्ले़आङ् खिनिॽ हने़बा पाःन्लाम् इङ्ले़क्मा के़न्छुक्तिन्लरो, थेआङ्भे़ल्ले़ खे़न् हने़बा पाःन्निल्ले़ चोगुल्ले़ निङ्वाॽफुमाङ्ङिल्ले़ कुसाक्के़न् खुने़ॽ मे़न्इःप्मना मे़न्नाःप्मनाबाहाॽओ थाःरो॥ |
| 29382 | EPH 5:11 | खादाम्मालुम्मोबा कुसुम्मे़न्दम्मनाबा याःम्बक् के़जोःक्पाहाॽनु मे़गाम्मासिम्मे़न्ने़ॽ, कर खे़न् हे़क्तङ्बा याःम्बक्हाॽ नुःबा मे़ःन् फाॽआङ् ओसेःन्धाक्ते़म्सिम्मे़ॽ॥ |
| 29388 | EPH 5:17 | खे़ल्ले़ चोगुल्ले़ अदङ् मे़बोःक्खे़म्मिन्ने़ॽ, कर दाङ्बाल्ले़ कुनिङ्वाॽइन्कुसिङ् निःत्ते़म्मे़ॽआङ् चोगे़म्मे़ॽ॥ |
| 29404 | EPH 5:33 | कर खिनिॽआङ् के़इःत्तुम्ल पोःङ्लो, खिनिॽ के़रे़क् आबाङे लुङ्माॽ के़दुक्कासिबा कुइसिःक्के खिनिॽ मेःत्हाॽ लुङ्माॽ तुक्ते़म्सिम्मे़ॽ, हे़क्क्याङ् मेःत्हाॽरे़आङ् खिनिॽ ये़म्बाहाॽ मिङ्सो इङ्धाःङ् पिरे़म्सिम्मे़ॽओ॥ |
| 29497 | PHP 3:9 | हे़क्केलॽरिक् इङ्गाॽ खुने़ॽइन् पोःङ्ङानि फाॽआङ् हे़क्के इःत्तुङ्लो॥ इङ्गाॽ साम्योथिम्मिन् इःत्तुङ् नाःत्तुङ्ङाङ् इङ्गाॽ निङ्वाॽफुमाङ्ङिल्ले़ कुनिःमाओ साम्योनिबा पोःङ्मा मे़न्छुक्पे़न्लो, कर ख्रिस्ते़न्नसाःन् चोगुङ्बाल्ले़ए निङ्वाॽफुमाङ्ङिल्ले़ साम्योनिबा चोःक्कारो॥ |
| 29515 | PHP 4:6 | आत्तिन् पाःन्नोआङ् निङ्साम्मो मे़ध्ये़म्मिन्ने़ॽओ, कर के़रे़क् पाःन्हाॽरे़ लागि निङ्वाॽफुमाङ्ङिन् नोगे़न् पिरे़म्मे़ॽर तुवा नु ये़क्पेलिलाम्बा निङ्वाॽफुमाङ्ङो खिनिॽ पेलिहाॽ तोःन्दे़म्मे़ॽओ॥ |
| 29605 | COL 3:21 | पानुदिङ् पाःसे, खिनिॽ हिन्जाॽबित्छाहाॽरे़ खुनिॽ निङ्वाॽ मे़दुक्खे़म् मे़बिरे़म्सिम्मिन्ने़ॽओ, मे़ःन्ने़ फाॽग्र खुनिॽ निङ्वाॽ पङ्सिङ्लो॥ |
| 29826 | 1TI 4:12 | खे़ने़ॽ नालिङ्गे़न् थाङ्बे़न् के़वाॽबाल्ले़ आत्तिल्ले़आङ् खे़ने़ॽ कुनामे़न्छाॽ के़म्मे़त्ने़न्लरो, कर नसानिबाहाॽरे़ खुनिॽ तगि के़बाःन् सुत्लाओ, ये़प्ले़क्को, मिःम्जिओ, नसाःन्नो, हे़क्क्याङ् सेसेबा हिङ्मन्नो कुबि पोःक्खे़ॽओ॥ |
| 29923 | 2TI 3:3 | खे़ङ्हाॽरे़ आत्तिन्हाॽआङ् लुङ्माॽ मे़न्दुक्तुन्सिन्, वेॽहाॽ ले़प्मि मे़म्बिरुन्छिन्, हे़क्क्याङ् चे़ॽया के़मःबा, हे़ॽले़ॽले़बा, किप्मा के़घुःबा, नुःबा पाःन् सिराॽ मे़न्धाङ्मनाबा मे़बोःङ्लो॥ |
| 30245 | HEB 11:6 | हे़क्क्याङ् नसाःन् मे़ःन्ने निङ्वाॽफुमाङ्ङिल्ले़ कुनिङ्वाॽ ताःमा सुक्मे़दे़त्ने़न्लो, थेआङ्भे़ल्ले़ खुने़ॽओ के़दाःबाल्ले़ निङ्वाॽफुमाङ्ङिन् से़क्खाए वाॽ हे़क्क्याङ् निङ्वाॽ इगेःक्काङ् खुने़ॽ के़गोःप्पाहाॽ हाङ्से़म् पिरुसिॽरो लॽरिक् नसाःन् चोःक्माए पोःङ्लो॥ |
| 30282 | HEB 12:3 | लायोबा मनाहाॽरे़ खुने़ॽ कुदक्ले़ङ्ङो मे़दारुबा अक्तङ्बा पाःन्हाॽ के़धम्बा ये़सुःन् निङ्वाॽ इःत्ते़म्मे़ॽओ, हे़क्केःल्ले़ खिनिॽ निङ्वाॽबो नायो के़म्बोःक्खिन्लो, हे़क्क्याङ् खिनिॽ सक्माआङ् मे़बुॽने़न्लो॥ |
| 30313 | HEB 13:5 | याङ्साकुन्धे थक्माओ स्याङ्पे़न्दाङ् मे़बत्छे़म्मिन्ने़ॽओ, कर के़गत्तुम्बा पाःन्हाॽओए खिनिॽ निङ्वाॽ तासे़म्मे़ॽओ, थेआङ्भे़ल्ले़ निङ्वाॽफुमाङ्ङिल्ले़ पाःत्तुआङ् वाॽ, “इङ्गाॽ आप्फाल्ले़आङ् मे़ले़त्निङ्ङिन्, आप्फाल्ले़आङ् मे़नाॽनिङ्ङिन्लो॥” |
| 30324 | HEB 13:16 | आल्ल नुःबा याःम्बक् चोःक्मा नु कम्ब्राङ् मे़त्छिङ्मा कुभाॽ पिसिङ्मा निङ्वाॽ मे़भेःत्छे़म्मिन्ने़ॽओ, थेआङ्भे़ल्ले़ अक्तङ्बा सिदुङ्जभाःल्ले़ निङ्वाॽफुमाङ्ङिल्ले़ कुनिङ्वाॽ तासुरो॥ |
| 30483 | 1PE 2:17 | काक् मनाहाॽ मिङ्सो इङ्धाःङ् पिरे़म्सिम्मे़ॽ, वेॽ नसानिबा फुॽनुसाॽ नु ने़ॽनुसाॽहाॽ लुङ्माॽ तुक्ते़म्सिम्मे़ॽ, किःसे़म्मे़ॽर निङ्वाॽफुमाङ्ङिन् इङ्धाःङ् पिरे़म्मे़ॽ हे़क्क्याङ् हाङ् के़जोःक्पे़न्मिङ्सो इङ्धाःङ् पिरे़म्मे़ॽओ॥ |
| 30500 | 1PE 3:9 | फे़न् पाःन्निल्ले़ कुले़क्वा फे़न् पाःन् मे़जोगे़म्मिन्ने़ॽ, किनाःन्दिःल्ले़ कुले़क्वा किनाःन्दि मे़बिरे़म्सिम्मिन्ने़ॽ, कर खे़ल्ले़ कुले़क्वाग मुॽइसाम् पिरे़म्सिम्मे़ॽ॥ थेआङ्भे़ल्ले़ निङ्वाॽफुमाङ्ङिल्ले़ खिनिॽ मुॽइसाम् पिसे़ के़उःत्तिआङ् वाॽरो॥ |
| 30671 | 1JN 4:1 | आमिःम् आन्जुम्से, यरिक् इङ्ले़क्पा माङ्निङ्वाॽपाःन् के़बाःप्पाहाॽ इक्सादिङ् खाम्बेःक्मो के़रे़क् पिसाङ् मे़लःन्दे़आङ् मे़वाॽरो॥ खे़ल्ले़ चोगुल्ले़ इङ्गाॽ सेसेमाङ्लाम् पाःत्ता के़लॽबाहाॽ काक् नसाःन् मे़जोगे़म्सिम्मिन्ने़ॽओ, कर खे़ङ्हाॽ निङ्वाॽफुमाङ्लाम् के़दाःबासिबि मे़ःम्बि फाॽआङ् साॽरे़म्सिम्मे़ॽओ॥ |
| 30762 | JUD 1:22 | ये़सु ख्रिस्ते़न्नसाःन् चोःक्मो चप्चि के़जोःक्पाहाॽ लुङ्माॽ तुक्ते़म्सिम्मे़ॽ, |
| 30795 | REV 2:10 | आल्ल खे़ने़ॽओ के़दाःबार के़बप्पा इनोगे़न् तुक्खेहाॽनु मे़गिसे़न्ने़ॽओ॥ खे़प्से़ॽओ, के़नसाःन्निन् हङ्साॽमारे़ लागि माफे़न्साम्मिल्ले़ कुभा खिनिॽ पुङ्लाहिम्मो के़धे़क्तिॽसाङ् थिबोःङ् ये़न् थारिक्लक् इनोगे़न् तुक्खे के़ज्ये़ॽइरो॥ सिःमालिङ्धोओ के़गे़रिसाङ् इङ्गाॽ नसाःन् चोःक्मा याप्मि आल्ले़रे़म्मिन्ने़ॽओ, हे़क्क्याङ् के़नाःन्दुम्माङ् के़घोःसुम्बा थुम्घोःल्ले़ लागि मे़न्नुप्मनाबा हिङ्मन् पिनिङ्लो॥ |
| 30829 | REV 3:15 | ‘खे़ने़ॽ के़जोगुबा याःम्बक्किन् इङ्गाॽ निःसुङ्लो॥ खे़ने़ॽग के़न्छे़ःम्ने़न्नाङ्, के़ङ्गोःने़न्नाङ्॥ खे़ने़ॽग के़गोःबा मे़ःङ्ग्र के़से़ःम्बा के़बोःक्खे़ल्ले़ नुःरे़बामे़न्! |
| 30830 | REV 3:16 | खे़ने़ॽग के़न्छे़ःम्ने़न्नाङ्, के़ङ्गोःने़न्नाङ् कर मक्कोगोरक् के़लॽबाल्ले़ चोगुल्ले़ इङ्गाॽ लाःक्कात् अःने़ लःत्ने़ॽरो॥ |
| 31058 | REV 17:14 | हे़क्क्याङ् खे़ङ्हाॽरे़ मे़ल्लुक्साःल्ले़ कुदक्ले़ङ्वाओ थङ् मे़जोगुॽ, कर मे़ल्लुक्साःल्ले़, खुने़ॽ उःत्तुसिबा सेगुसिबा नसाःन्साबाहाॽनु सोरिक्, खे़ङ्हाॽ नाःन्दुसिॽरो, थेआङ्भे़ल्ले़ मे़ल्लुक्साःङ्ग दाङ्बाहाॽरे़ खुनिॽ दाङ्बा नु हाङ्हाॽरे़ खुनिॽ हाङ्लो॥” |