| 23356 | MAT 6:5 | “हे़क्क्याङ् खिनिॽ तुवा के़जोगुम्मिल्ले़ कुनिङ्वाॽ के़जिःप्पाहाॽ कुइसिःक् मे़जोगे़म्मिन्ने़ॽओ॥ खे़ङ्हाॽरे़ग मनाहाॽरे़ मे़निःसुर फाॽआङ् यहुदि चुम्लुङ्हिम्मो नु लाम्लाम्मो ये़प्माआङ् तुवा चोःक्मा खुनिॽ सिराॽ थाङ्लो॥ इङ्गाॽ से़क्खाए मे़त्निङ्, खे़ङ्हाॽरे़ खुनिॽ याःम्बक्किल्ले़न् हाङ्से़म्मिन् तगिए मे़घोःसु मे़सुरुआङ् मे़वाॽरो॥ |
| 23367 | MAT 6:16 | “हे़क्क्याङ् खिनिॽ चाःने़त् के़युङ्ङिल्ले़ निङ्वाॽ के़जिःप्पाहाॽ कुइसिःक् खिनिॽ ना मे़माक्ते़म्मिन्ने़ॽओ, थेआङ्भे़ल्ले़ खे़ङ्हाॽ चाःने़त् मे़युङ्ङिल्ले़ वेॽ मनाहाॽरे़ निङ्वाॽ मे़घोःसुर फाॽआङ् खुनिॽ नाराःन् मे़गिःन्दुर मे़युङ्लो॥ इङ्गाॽ से़क्खाए मे़त्निङ्, खे़ङ्हाॽरे़ग खुनिॽ हाङ्से़म्मिन् के़रे़क् मे़घोःसु मे़सुरुआङ् मे़वाॽरो॥ |
| 23398 | MAT 7:13 | “चिभिःप्फिःप्पा लाःप्मादे़न्नोलाम् निङ्वाॽफुहाङ्जुम्मो लाःसे़म्मे़ॽओ, थेआङ्भे़ल्ले़ यम्बा लाःप्मादे़न् नु ताम्दाम्बा लाम्मिल्ले़ग मे़क्माओ के़देॽरिॽरो॥ खे़न्लाम्बा यरिक् मनाहाॽ मे़लाःत्लो॥ |
| 23463 | MAT 9:15 | ये़सुरे़ खे़ङ्हाॽ नोगप् पिरुसि, “मेःक्खिम्साबे़न् कुन्जुम्हाॽनु वाॽर थारिक् खुने़ॽ कुन्जुम्हाॽ चाःने़त्तो मे़युङ्ङाङ् मेरिङ् मे़धक्पि? कर खे़ङ्हाॽलाम् मेःक्खिम्साबे़न् साक्के़ल्ले़क् मे़दे़म्सुआङ् मे़देॽरुल्ले़रक्खे़ङ्हाॽ चाःने़त्तो मे़युङ्लो॥ |
| 23491 | MAT 10:5 | ये़सुरे़ कन् थिक्-ने़त् सेःक्युक्मिबाहाॽ अक्खे मे़त्तुसिर पाङ्घुसिरो– “थिम्मे़न्दङ् सुवाङ्हाॽरो मे़बेगे़म्मिन्ने़ॽओ, हे़क्क्याङ् सामरिहाॽरे़ खुनिॽ पाङ्जुम्हाॽओ मे़बेगे़म्मिन्ने़ॽओ, |
| 23582 | MAT 12:24 | कर फरिसिहाॽरे़ खे़न् मे़घे़प्सुल्ले़ अक्खे मे़बाःत्तु, “फे़न्साम्हाॽरे़ खुनिॽ हाङ् बालजिबुलरे़ कुमुक्साम्लाम्रक्कन् मनाःल्ले़ फे़न्साम्हाॽ नाःत्तु लःत्तुसिबारो॥” |
| 23601 | MAT 12:43 | “फे़न्साम्मिन् मनाओलाम् लःन् पेःक्किल्ले़ नाःम्सिङ्ते़न् कोःत्छे़ से़ङ्से़ङ्बा ते़न् हे़ङ्घाःत्ति पेःक्लो, कर खे़ल्ले़ आत्तान्नाङ् मे़घोःसुन्नाङ् |
| 23648 | MAT 13:40 | “हे़क्क्याङ् खे़न् माले़ःन्दोहाॽ मे़सुप्सुआङ् मिओ लाप्मे़भुसुबा कुइसिःक्के इक्सादिङ् खाम्बेःक्माल्ले़ कुनुप्मान् पोःङ्लो॥ |
| 23674 | MAT 14:8 | कुम्मारे़ हुःस्सुआङ् खे़न् चुक्मे़ल्ले़ अक्खे पाःत्तु, “बप्तिस्मा के़बिबा युहुन्नाःल्ले़ कुधे़गेःक्पे़न्चे़त्थ्याओ पिराङ्ङे़ॽओ॥” |
| 23728 | MAT 15:26 | ये़सुरे़ मे़त्तु, “हिन्जाॽबित्छाहाॽरे़ खुनिॽ खरे़ःङ्ङिन् नाप्मासिआङ्कोःत्चोहाॽ पिमासि नुःबा मे़ःन्लो॥” |
| 23845 | MAT 19:14 | कर ये़सुरे़ खे़ङ्हाॽ मे़त्तुसि, “हिन्जाॽबित्छाहाॽ इङ्गाॽओ ताःमा फाःक्ते़म्सिम्मे़ॽओ, खे़ङ्हाॽ मे़साक्ते़म्सिम्मिन्ने़ॽओ, थेआङ्भे़ल्ले़ साङ्ग्राम्पेदाङ्बा हाङ्जुम्मिङ्ग कन् हिन्जाॽबित्छा हे़क्तङ्बाहाॽरे़न्नेरो॥” |
| 23856 | MAT 19:25 | हे़क्क्याङ् हुॽसाम्बाहाॽरे़ कन् मे़घे़प्सुआङ् साॽरिक् खुनिॽ निङ्वाॽ मये़र सेःन्मे़दोसु, “हे़क्केःल्ले़ हाःत् ताङ्से़ःप्मा सुक्पाबे?” |
| 23886 | MAT 20:25 | कर ये़सुरे़ खे़ङ्हाॽ उःत्तुसिआङ् मे़त्तुसि, “थिम्मे़न्दङ् सुवाङ्हाॽरे़ खुनिॽ हाङ्हाॽरे़ग मनाहाॽ खुनिॽ निङ्वाॽ पाःप्पाःत्मे़मे़त्तुसिॽ, हे़क्क्याङ् सुहाङ्युक्पाहाॽरे़आङ् खुनिॽ फोःसाङ्बाहाॽ साक्के़ले़क्काङ्युक् मे़जोगुसिबाग खिनिॽ के़निःसुम्माङ् के़वयिॽरो॥ |
| 24108 | MAT 25:31 | “मे़न्छाम्साःन् कुमिमिदिङ्ङो के़रे़क् कुमाङ्लाइङ्बाहाॽनु युःल्ले़ खुने़ॽ मिमिदिङ्गे़न् कुहाङ्युक्नाओ युङ्सिङ्लो॥ |
| 24220 | MAT 27:22 | पिलातसरे़ सेःन्दोसुसि, “हे़क्केने़ फाॽग्र निङ्वाॽफुमाङ्ङिल्ले़ सेःन्दुबा ख्रिस्त मे़प्मनाबा ये़सुःन् थे मे़त्तुङ्बाबे?” खे़ङ्हाॽरे़ नोगप् मे़बिरु, “सिलाम्साक्मा सिङ्सम्दाङ् फोःन्दे़ॽओ!” |
| 24348 | MRK 2:19 | ये़सुरे़ खे़ङ्हाॽ मे़त्तुसि, “मेःक्खिम्साबे़न् कुन्जुम्हाॽनु वाॽर थारिक् खे़ङ्हाॽ चाःने़त्तो मे़युङ् फाॽआङ् के़इःत्तुम्बि? मे़ःन्लो, मेःक्खिम्साबे़न् वाॽर थारिक् खे़ङ्हाॽ आप्फाल्ले़आङ् चाःने़त्तो मे़न्युङ्ने़न्, |
| 24427 | MRK 4:35 | खे़न् से़न्दिक् ये़सुरे़ कुहुॽसाम्बाहाॽ मे़त्तुसि, “वरक्किल्ले़ नाहाङ्दाङ् पेगि॥” |
| 24440 | MRK 5:7 | खे़ल्ले़ यम्बा इक्लाओ अःक्ते़र ये़सुःन् मे़त्तु, “के़रे़क्नुःल्ले़ पयम् यम्बा निङ्वाॽफुमाङ्ङिल्ले़ कुस्साः ये़सुए, खे़ने़ॽ इङ्गाॽनु थे के़गोःत्तुबाबे? इङ्गाॽ तुक्खे मे़जाःत्ताङ्ङिन्ने़ॽ फाॽआङ् निङ्वाॽफुमाङ्ङिल्ले़ कुमिङ्ङो पेलि फाक्ने़ॽरो॥” |
| 24490 | MRK 6:14 | आल्ल ये़सुरे़ कुमिङ्सो-कुधाःङ्सो के़रे़क् पिसाङ् से़ःरे़, हे़क्क्याङ् ये़सुरे़ कुयाःम्बेओ हे़रोद हाङ्ङिल्ले़आङ् खे़प्सुरो॥ कुभारे़ मे़बाःत्तु, “बप्तिस्मा के़बिबा युहुन्नाःन् याम्मो हिङे़बाल्ले़ चोगुल्ले़ खुने़ॽ मुक्साम्लाम्बा निङ्वाॽ के़माबा याःम्बक् चोगुर वाॽरो॥” |
| 24491 | MRK 6:15 | कर वेॽहाॽरे़ मे़बाःत्तु, “कङ्ग माङ्निङ्वाॽपाःन् के़बाःप्पा एलियाःन्लो॥” वेॽहाॽरे़ मे़बाःत्तु, “उन्छोःन्बा माङ्निङ्वाॽपाःन् के़बाःप्पाहाॽओ खुने़ॽआङ् थिक्लो॥” |
| 24500 | MRK 6:24 | खे़न् चुक्मे़न् कुम्मारो पेआङ् सेःन्दोसु, “आल्ल थे नाःक्तुङ्बाबे?” हे़क्केःल्ले़ कुम्मारे़ मे़त्तु, “बप्तिस्मा के़बिबा युहुन्नाःल्ले़ कुधे़गेःक्किन्नाःक्ते़ॽ॥” |
| 24501 | MRK 6:25 | खिमो खे़न् चुक्मे़न्नाङ् पेआङ् मे़त्तु, “बप्तिस्मा के़बिबा युहुन्नाःल्ले़ कुधे़गेःक्किन्आल्लोसा चे़त्थ्याओ पिराङ्ङे़ॽओ॥” |
| 24559 | MRK 7:27 | ये़सुरे़ खे़न् मे़न्छुमाॽइन् मे़त्तु, “हिन्जाॽबित्छाहाॽरे़ खरे़ःङ्ङिन् खाघा मे़जर पोःङ्॥ हिन्जाॽबित्छाहाॽरे़ खुनिॽ खरे़ःङ्ङिन् नाप्मासिआङ्कोःत्चोहाॽ पिमासि नुःबा मे़ःन्लो॥” |
| 24589 | MRK 8:20 | “हे़क्क्याङ् नुसि खरे़ःङ्ङिल्ले़ हे़न्छिङ् लिसि (४०००) मनाहाॽ चाःत्तुङ्सिङ्ङिल्ले़ आक्खे़न् नइमा कुजि के़नम्बाहाॽ के़भुक्खुम्बे?” खे़ङ्हाॽरे़ नोगप् मे़बिरु, “नुसि” (७)॥ |
| 24649 | MRK 9:42 | “हे़क्क्याङ् आत्तिल्ले़ इङ्गाॽ याप्मि नसाःन् के़जोःक्पा चुक्सा हिन्जाॽधिक् लायो चोःक्मा पाङ्घुॽ, खे़ल्ले़ कुनिःङ्मो लुम्सुम्मिन् फोःम्माआङ् वरक्को लाप्फुमाल्ले़ए नुःबा पोःङ्लो॥ |
| 24683 | MRK 10:26 | हे़क्क्याङ् कुहुॽसाम्बाहाॽ साॽरिक् खुनिॽ निङ्वाॽ मये़आङ् अक्खे मे़मे़त्छिङ्, “हे़क्केःल्ले़ हाःत् ताङ्से़ःप्मा सुक्पाबे?” |
| 24699 | MRK 10:42 | हे़क्केःल्ले़ ये़सुरे़ काक् उःत्तुसिआङ् मे़त्तुसि, “थिम्मे़न्दङ् सुवाङ्हाॽरे़ खुनिॽ हाङ्हाॽरे़ग मनाहाॽ पाःप्पाःत्मे़मे़त्तुसिबा हे़क्क्याङ् खुनिॽ सुहाङ्युक्पाहाॽरे़आङ् खुनिॽ फोःसाङ्बाहाॽ मे़युक्तुसिबाग खिनिॽ के़निःसुम्माङ् के़वयिॽरो॥ |
| 24759 | MRK 12:17 | हे़क्क्याङ् ये़सुरे़ खे़ङ्हाॽ मे़त्तुसि, “हे़क्केःल्ले़ सिजरले़ कुबाःन्हाॽ सिजरे़न् पिरे़म्मे़ॽ, हे़क्क्याङ् निङ्वाॽफुमाङ्ङिल्ले़ कुबाःन्हाॽ निङ्वाॽफुमाङ्ङिन्ने पिरे़म्मे़ॽओ॥” हे़क्केःल्ले़ खे़ङ्हाॽरे़ साॽरिक् खुनिॽ निङ्वाॽ मये़॥ |
| 24771 | MRK 12:29 | ये़सुरे़ नोगप् पिरु, “के़रे़क्नुःल्ले़ यम्बा नाःप्माए के़बोःङ्बा इङ्जाःङ्ङिन् कन्लो–‘इस्राइलिसे, खे़प्से़म्मे़ॽओ! आनिॽ दाङ्बा निङ्वाॽफुमाङ्ङिन्, थिक्लक् वाॽरो॥ |
| 24774 | MRK 12:32 | खे़न् मनाःल्ले़ ये़सुःन् नोगप् पिरु, “सिक्साम्बे से़क्खाए के़बाःत्तुरो॥ आनिॽ दाङ्बा निङ्वाॽफुमाङ्ङिन्लक् दाङ्बारो॥ वेॽ माङ् मे़होःप्लो फाॽआङ् साॽरिक् के़दङ्बा के़बाःत्तुरो॥ |
| 25210 | LUK 5:34 | ये़सुरे़ खे़ङ्हाॽ मे़त्तुसि, “मेःक्खिम्साबे़न् कुन्जुम्हाॽनु वाॽर थारिक् खे़ङ्हाॽ चाःने़त्तो मे़युङ्बि? |
| 25284 | LUK 7:20 | हे़क्क्याङ् खे़न् इङ्साबाहाॽआङ् ये़सुरो पेसे़त्छिआङ् मे़त्ते़छु, “बप्तिस्मा के़बिबा युहुन्नाःल्ले़ अक्खे पाःत्तुआङ् याप्मि पाङ्घे़त्छिगे़आङ् वाॽसिगे़रो, ‘आल्ल के़दाःबा ख्रिस्ते़न्बा खे़ने़ॽएबि, इ आनिगे़ वेॽस्मान् हाङ्घुम्बे़बाबि?’” |
| 25342 | LUK 8:28 | खे़ल्ले़ ये़सुःन् निःसुआङ् ये़सुरे़ कुलाङ्जक्को पिर्धाप् थाम्सिङ्ल यम्बा इक्लाओ अःक्ते़र अक्खे मे़त्तु, “के़रे़क्नुःल्ले़ पयम् यम्बा निङ्वाॽफुमाङ्ङिल्ले़ कुस्साः ये़सुए, खे़ने़ॽ इङ्गाॽनु थे के़गोःत्तुबाबे? इङ्गाॽ तुक्खे मे़जाःत्ताङ्ङिन्ने़ॽ फाॽआङ् पेलि फाक्ने़ॽरो॥” |
| 25377 | LUK 9:7 | आल्ल गालिल थुम्मोबा सुहाङ्गे़म्बा हे़रोद एन्तिपासरे़ कन् के़रे़क् पोःक्खे़बा पाःन्हाॽ खे़प्सुआङ् खुने़ॽ कुनिङ्वाॽ मये़, थेआङ्भे़ल्ले़ कुभारे़ “बप्तिस्मा के़बिबा युहुन्नाःन् याम्मो हिङे़आङ् वाॽरो” मे़बाःत्तु॥ |
| 25378 | LUK 9:8 | वेॽहाॽरे़ “माङ्निङ्वाॽपाःन् के़बाःप्पा एलियाःन् याम्मो लःन्दे़आङ् वाॽ” मे़बाःत्तु, हे़क्क्याङ् आल्लसाङ् वेॽ मनाहाॽरे़ “उन्छोःन्बा माङ्निङ्वाॽपाःन् के़बाःप्पाधिक्याम्मो हिङे़आङ् वाॽ” मे़बाःत्तुरो॥ |
| 25379 | LUK 9:9 | हे़क्केःल्ले़ हे़रोदरे़ पाःत्तु, “बप्तिस्मा के़बिबा युहुन्नाःङ्ग कुनिःङ्मान्खक् पाङ्घुङ्सिङ्ङाङ् वये़, कर आक्खेलॽरिक् याम्मो हिङे़बे? इङ्गाॽ कन् थेःन्ने़ खे़प्सुङ्बे?” हे़क्क्याङ् खुने़ॽए ओमे़प्मा निङ्वाॽ चोगु॥ |
| 25450 | LUK 10:18 | ये़सुरे़ खे़ङ्हाॽ नोगप् पिरुसि, “माफे़न्साम्मिन् साःम्भे ले़क्ते़बा कुइसिःक् साङ्ग्राम्पेदाङ्लाम् मक्थ्ये़र पत्छे़बा इङ्गाॽ निःसुङ्॥ |
| 25498 | LUK 11:24 | “फे़न्साम्मिन् मनाओलाम् लःन् पेःक्किल्ले़ नाःम्सिङ्ते़न् कोःत्छे़ से़ङ्से़ङ्बा ते़न् हे़ङ्घाःत्ति पेःक्लो, कर खे़ल्ले़ आत्तान्नाङ् मे़घोःसुन्नाङ्अक्खे मे़त्छिङ्, ‘इङ्गाॽ ले़रुङ्बा मनाःल्लोए नुःङ्ङा पेःक्कारो॥’ |
| 25550 | LUK 12:22 | हे़क्क्याङ् ये़सुरे़ कुहुॽसाम्बाहाॽ मे़त्तुसि, “हे़क्केःल्ले़ खे़प्से़म्मे़ॽओ, खिनिॽ हिङ्मन्नो थे चामा नु नासिङ्गे़न् थक्को थे चाङ्मा वाःप्मा फाॽआङ् निङ्साम् मे़जोगे़म्मिन्ने़ॽओ॥ |
| 25575 | LUK 12:47 | “हे़क्क्याङ् आत्तिन् सेवारोबाल्ले़ खुने़ॽ कुन्दाङ्बाल्ले़ कुनिङ्वाॽइन्निःसुसाङ् खे़न् कुइसिःक् यारिप् मे़म्बोःङ्ङे कुन्दाङ्बाल्ले़ कुनिङ्वाॽ हे़क्के मे़जोगुन्निल्ले़ खे़ल्ले़ साॽरिक् ते़ःम्भुक् खोःसुॽरो॥ |
| 25611 | LUK 13:24 | “चिभिःत्फिःप्पा लाम्धेःप्पोलाम् निङ्वाॽफुहाङ्जुम्मो लाःप्मा तम्सिन् चोगे़म्मे़ॽओ॥ यरिक् मनाहाॽरे़ तम्सिन् मे़जोगुॽ, कर लाःप्मा मे़न्छुक्तुन्लो॥ |
| 25783 | LUK 18:26 | कन् पाःन् के़घे़म्बाहाॽरे़ खुने़ॽ सेःन्मे़दोसु, “हे़क्केःल्ले़ हाःत् ताङ्से़ःप्मा सुक्पाबे?” |
| 25864 | LUK 20:16 | खुने़ॽ ताआङ् खे़ङ्हाॽ के़रे़क् से़रुसिआङ् खे़न् चे़ल्ले़क्सेॽ इक्किन् वेॽ मनाहाॽ पिरुसिॽरो॥” मनाहाॽरे़ खे़न् मे़घे़प्सुआङ् मे़बाःत्तु, “आप्फाल्ले़आङ् अक्खे मे़बोःङ्ङिल्लरो॥” |
| 25920 | LUK 21:25 | “हे़क्क्याङ् नाम्, लाबा नु खेःम्सिक्हाॽओ यम्बा मिक्सेःन्हाॽ मे़धाःप्लो॥ हे़क्क्याङ् वाहङ्ङिल्ले़ कुसःक्मान् नु यम्ब्यम्बा वाभे़ल्ले़ङ्ङिल्ले़ चोगुल्ले़ इक्सादिङ् खाम्बेःक्मोबा मे़न्छाम् सुवाङ्हाॽ साॽरिक् किःमाओ नु निङ्साम्मो मे़धाःरो॥ |
| 25942 | LUK 22:9 | हे़क्क्याङ् खे़ङ्हाॽरे़ सेःन्दोःसे़त्छु, “हे़क्केःल्ले़ आत्तान् पेःक्माआङ् यारिप् चोःक्माबे?” |
| 26027 | LUK 23:23 | कर खे़ङ्हाॽ अयाक् मे़ल्लॽए यम्बा इक्लाओ मे़अःक्ते़, “सिलाम्साक्मा सिङ्सम्दाङ् फोःन्दे़ॽ॥” खे़ङ्हाॽ थिक्हुप् मे़बोःक्खे़आङ् साॽरिक् मे़अःक्ते़बाल्ले़ खुनिॽ पाःन्निन् के़रे़रो॥ |
| 26032 | LUK 23:28 | कर ये़सुरे़ खिरि हिसिङ्ङाङ् खे़ङ्हाॽ मे़त्तुसि, “यरुसले़म्मिल्ले़ कुस्साः मे़न्छुमाॽसे, खिनिॽ आलागि मे़हाबे़म्मिन्ने़ॽ, कर खिनिॽ आबाङे लागि नु खिनिॽ साःहाॽरे़ लागि हाबे़म्मे़ॽओ, |
| 26232 | JHN 4:7 | सप्फाआङ् सामरियाबा मे़न्छुमाॽधिक् च्वाःत् फाःत्छे़ खे़प्मो त्ये़ःल्ले़ ये़सुरे़ खे़न् मे़त्तु, “च्वाःत्छिक् थुङ्मा पिराङ्ङे़ना॥” |
| 26475 | JHN 8:25 | खे़ङ्हाॽरे़ सेःन्मे़दोसु, “हे़क्केःल्ले़ खे़ने़ॽ हाःत्ने़बे?” ये़सुरे़ खे़ङ्हाॽ नोगप् पिरुसि, “इङ्गाॽ हाःत्आ फाॽआङ् तगिनुए मे़त्निङ्ल वाॽआबान्ने खुने़ॽआरो॥ |
| 26508 | JHN 8:58 | ये़सुरे़ खे़ङ्हाॽ मे़त्तुसि, “हे़क्केःल्ले़ इङ्गाॽ से़क्खाए मे़त्निङ्लो, अब्राहाम्मिन् सावाःन्छिङ्मानुःल्ले़ तगिआङ्धोए इङ्गाॽ वाॽआरो॥” |
| 26525 | JHN 9:16 | कुभा फरिसिहाॽरे़ अक्खे मे़बाःत्तु, “कन् ये़सु मे़प्मनाबाङ्ग निङ्वाॽफुमाङ्लाम् त्ये़बा मे़ःन्लो, थेआङ्भे़ल्ले़ खुने़ॽ नाःम्सिङ्ये़न्नो याःम्बक् चोःक्॥” कर वेॽहाॽरे़ मे़बाःत्तु, “हे़क्केःल्ले़ लायोबा मनाःल्ले़ आक्खेलॽरिक् निङ्वाॽ के़माबा याःम्बक् चोःक्मा सुक्तुबे?” हे़क्केलॽरिक् खे़ङ्हाॽरे़ खुनिॽ निङ्वाॽ मे़दङे़न्नाङ्मे़से़रे़रो॥ |
| 26548 | JHN 9:39 | ये़सुरे़ पाःत्तु, “मिक्फःम्बाहाॽ निःमा के़सुक्पा मे़बोःङ्ल हे़क्क्याङ् आनिगे़ निःसुम्बे़ के़लॽबा मनाहाॽ मिक्फःम्बा मे़बोःङ्ल फाॽआङ् इक्सा खाम्बेःक्मो खासे़न् चोःक्से़ इङ्गाॽ त्याङ्बारो॥” |
| 26900 | JHN 19:6 | तुम्निङ्वाॽफुसाम्बाहाॽ नु माङ्हिम् के़गोःबा तिलिङ्गाहाॽरे़ खुने़ॽ मे़निःसुनामे़ःन्ने “सिलाम्साक्मा सिङ्सम्दाङ् खे़न् फोःन्दे़ॽओ, सिलाम्साक्मा सिङ्सम्दाङ् खे़न् फोःन्दे़ॽओ” लॽरिक् अःक्मा मे़हेःक्ते़रो॥ हे़क्केःल्ले़ पिलातसरे़ खे़ङ्हाॽ मे़त्तुसि, “खिनिॽए कन् मनाःन् तेॽरे़म्मे़ॽआङ् सिलाम्साक्मा सिङ्सम्दाङ् फोःन्दे़म्मे़ॽओ, कर इङ्गाॽग खे़ल्ले़ कुदक्ले़ङ्वाओ थेआङ् आप्तिक् मे़ङ्घोःबान्लो॥” |
| 26982 | JHN 21:15 | खे़ङ्हाॽरे़ मे़ज मे़सुरुआङ् सिमोन पत्रुसे़न् ये़सुरे़ मे़त्तु “युहुन्नारे़ कुस्साः सिमोने, कङ्हाॽरे़ मिःम्जि मे़मे़त्ताबानुःल्ले़आङ् यरिक् खे़ने़ॽ मिःम्जि के़मे़त्ताबि?” खे़ल्ले़ नोगप् पिरु, “ओरो, आदाङ्बे, इङ्गाॽ से़क्खाए मिःम्जि मे़त्ने़ॽबान् खे़ने़ॽ के़निःसुॽरो॥” ये़सुरे़ मे़त्तु, “आमे़ल्लुक्साःहाॽ चालाम्से़से़ॽओ॥” |
| 26983 | JHN 21:16 | ये़सुरे़ पत्रुसे़न् याम्मो सेःन्दोसु, “युहुन्नारे़ कुस्साः सिमोने, इङ्गाॽ मिःम्जि के़मे़त्ताबि?” खे़ल्ले़ नोगप् पिरु, “ओरो, आदाङ्बे, इङ्गाॽ से़क्खाए मिःम्जि मे़त्ने़ॽबान् खे़ने़ॽ के़निःसुॽरो॥” ये़सुरे़ मे़त्तु, “आमे़ल्लुक्हाॽ कमे़से़ॽओ॥” |
| 26984 | JHN 21:17 | हे़क्क्याङ् याम्मो ये़सुरे़ सुम्ले़ङ्ङो पत्रुसे़न् सेःन्दोसु, “युहुन्नारे़ कुस्साः सिमोने, इङ्गाॽ मिःम्जि के़मे़त्ताबि?” अक्खेलॽरिक् ये़सुरे़ सुम्ले़ङ् थारिक् “इङ्गाॽ मिःम्जि के़मे़त्ताबि” लॽरिक् सेःन्दोसुबाओ पत्रुसरे़ कुनिङ्वाॽ तुगे़र मे़त्तु, “ओरो, आदाङ्बे, खे़ने़ॽग काक् पाःन्हाॽ के़निःसुॽरो॥ इङ्गाॽ से़क्खाए खे़ने़ॽ मिःम्जि मे़त्ने़बान् खे़ने़ॽ के़निःसुॽरो॥” ये़सुरे़ खे़न् मे़त्तु, “आमे़ल्लुक्हाॽ चालाम्से़से़ॽओ॥ |
| 26999 | ACT 1:7 | ये़सुरे़ खे़ङ्हाॽ मे़त्तुसि, “आप्फाल्ले़ कन् पाःन्हाॽ के़त् के़लॽबान् निःमा थाःमा खिनिॽ याःम्बक् मे़ःन्लो॥ खे़ङ्ग पानुदिङ् पाःल्ले़ आबाङे कुनिङ्वाॽओ निःन्धो चोगुॽरो॥ |
| 27274 | ACT 8:29 | सेसेमाङ्ङिल्ले़ फिलिप्पे़न् मे़त्तु, “अन्लाःल्ले़ कुबेसाङ् पेगे़ॽ॥” |
| 27356 | ACT 10:28 | हे़क्क्याङ् पत्रुसरे़ खे़ङ्हाॽ मे़त्तुसि, “थिम्मे़न्दङ् सुवाङ्हाॽनु सोरिक् वाॽमा, खुनिॽ हिम्मो पेःक्मा आनिगे़ यहुदि साम्योथिम्मिल्ले़ मे़बिरिगे़न् के़लॽबा खिनिॽ नुःरिक्काङ् के़निःसुम्लो॥ कर निङ्वाॽफुमाङ्ङिल्ले़ आत्तिन् मनाहाॽआङ् आजिःन्जिःम्बा मे़प्मासि मे़नुॽने़न्लो लॽरिक् ओसेःन्धाक्ताङ्लो॥ |
| 27516 | ACT 15:5 | हे़क्क्याङ् खे़प्मो के़वाॽबा फरिसि लक्कोबा नसानिबाहाॽरे़ मे़बोगे़आङ् खे़ङ्हाॽ अक्खे मे़मे़त्तुसि, “थिम्मे़न्दङ् नसानिबाहाॽरे़ मोसारे़ साप्तुबा साम्योथिम् साप्लाओबा साक्थिम् इःप्मा नाःप्मार हर्दोआङ् हे़क्माए पोःङ्लो॥” |
| 28054 | ROM 2:24 | साम्योसाप्लाओ खिनिॽ याःम्बेओ अक्खेलॽरिक् साप्ते़आङ् पत्, “थिम्मे़न्दङ् सुवाङ्लुम्मो खिनिॽ के़जोगुम्मिल्ले़ए निङ्वाॽफुमाङ्ङिल्ले़ कुजाःत्थि पेआङ् वाॽरो॥” |
| 28077 | ROM 3:18 | “हे़क्क्याङ् खे़ङ्हाॽरे़ निङ्वाॽफुमाङ्ङिन् मे़ङ्गिःरुन्लो॥” |
| 28232 | ROM 9:9 | खे़न् माङ्हे़क्किल्ले़ अक्खे पाःत्तुरो, “आन्ने़म्माॽ बा कन् ये़म्मो इङ्गाॽ नुःङ्ङा ताआरो, हे़क्क्याङ् के़मेःत् साराःल्ले़ लत्छा ये़म्बित्छाॽसा कत्तुॽरो॥” |
| 28234 | ROM 9:11 | कर खे़न् काप्साबासाःहाॽ सावाःन्छिङ्मानुःल्ले़ तगिए, खे़ङ्हाॽरे़ नुःबा नु ताप्फे़ःम्बा याःम्बक् थेआङ् मे़न्जोःक्के, निङ्वाॽफुमाङ्ङिल्ले़ रिबेक्काःन् अक्खे मे़त्तुआङ् वये़रो, “तुम्बाल्ले़ फोॽबान् सेवा चोगुॽरो॥” निङ्वाॽफुमाङ्ङिल्ले़ पाःत्तुबा कुइसिःक् साम्योसाप्लाओ अक्खेलॽरिक् साप्ते़आङ् पत्, “इङ्गाॽ याकुबे़न् लुङ्माॽ तुक्तुङ्, कर ए़साउःन् चिःत्तुङ्लो॥” अक्खेलॽरिक् निङ्वाॽफुमाङ्ङिल्ले़ मनाहाॽरे़ खुनिॽ याःम्बक्किन् ओमे़त्तुआङ् मे़ःन्, कर खुने़ॽ आबाङे कुनिङ्वाॽसोःक् कुइसिःक् सेगुॽ के़लॽबा पाःन्निन् निःन्धो चोगुरो॥ |
| 28275 | ROM 10:19 | इङ्गाॽ याम्मो सेःन्दोःनिङ्, से़क्खाए इस्राइलिहाॽरे़ सुनाइङ्ङिन् कुसिङ् मे़न्निःत्तुम्बि? खे़ङ्हाॽरे़ कुसिङ् मे़निःत्तुएरो, थेआङ्भे़ल्ले़ मोसारे़ कुये़म्मोआङ् निङ्वाॽफुमाङ्ङिल्ले़ अक्खे पाःत्तुआङ् वये़, “थिम्मे़न्दङ् सुवाङ्हाॽ मुॽइसाम् पिरुङ्सिङ्ङाङ् खिनिॽ नाहे़न्ल चोगुङ्लो, खासिङ् मे़न्निःप्मनाबा सुवाङ्हाॽलाम् खिनिॽ सिक् पोःक्ल याःन्दुङ्लो॥” |
| 28332 | ROM 12:19 | आमिःम् आन्जुम्से, फे़न् पाःन्निल्ले़ कुले़क्वा आप्फाल्ले़आङ् ताप्फे़ःम्बा मे़जोगे़म्मिन्ने़ॽओ, कर निङ्वाॽफुमाङ्ङिल्ले़ कुसाक्के़न्नो ले़रे़म्मे़ॽओ, थेआङ्भे़ल्ले़ साम्योसाप्लाओ अक्खे साप्ते़आङ् पत्, “ताप्फे़ःम्बा याःम्बक्के़जोःक्पे़न्खुम्दिङ् पिमाग आलक्लो॥ इङ्गाॽए कुले़क्वा नुःक्तुङ् पिरुङ्लॽरिक् यहवे दाङ्बाल्ले़ पाःत्तुरो॥” |
| 28381 | ROM 15:10 | याम्मो अक्खेआङ् साप्ते़आङ् पत्, “थिम्मे़न्दङ् सुवाङ्से, निङ्वाॽफुमाङ्ङिल्ले़ कुमनाहाॽनु ओमु लॽरे़म्मे़ॽओ॥” |
| 28498 | 1CO 3:20 | हे़क्क्याङ् याम्मो, “सिक्कुम्साबाहाॽरे़ निङ्वाॽ मे़इःत्तुबा पाःन्निन् हने़बा चोःक् फाॽआङ् यहवे दाङ्बाल्ले़ निःसुरो॥” |
| 28535 | 1CO 5:13 | निङ्वाॽफुमाङ्ङिल्ले़ लाःक्कात्पा मनाहाॽ खासे़न् चोगुसिॽरो, कर साम्योसाप्लाःल्ले़ पाःत्तुबा कुइसिःक् “ताप्फे़ःम्बा लायो के़जोःक्पा मनाहाॽ खिनिॽ लुम्मोलाम् लःत्ते़म्देःसे़म्सिम्मे़ॽओ॥” |
| 28819 | 1CO 15:33 | खिनिॽ पिर्बेःम्बो मे़ध्ये़म्मिन्ने़ॽओ, थेआङ्भे़ल्ले़ “ताप्फे़ःम्बा तेःङ्जुम्हाॽरे़ मे़जोगुल्ले़ नुःबा ये़प्ले़क्किन् फे़त्लाॽरो॥” |
| 30401 | JAS 3:15 | अक्तङ्बा “सिक्कुम्दिङ् निङ्वाॽइङ्ग” थाःङ् साङ्ग्राम्पेदाङ्लाम् मे़ःन्, कर इक्साबा नु याम्निङ्वाॽबा चोःक्, हे़क्क्याङ् खे़ङ्ग माफे़न्साम्लाम् ताःरो॥ |
| 30589 | 2PE 2:22 | खे़ङ्हाॽग सिवादिङ् खाहुन्निल्ले़ अक्खेलॽरिक् पाःत्तुबा कुइसिःक्के मे़जोःक्लो, “कोःत्चोःल्ले़ पे़स्सुआङ् कुबे़ॽमाःत्तिन् आबाङे चरो,” हे़क्क्याङ् “फाक्किन् वारुःम्मासाङ् याम्मो खःङ्वा ने़ःन्छिङ्लो॥” |
| 30821 | REV 3:7 | “हे़क्क्याङ् फिलादेल्फियाबा सेसेहुप्लक्कोबा माङ्लाइङ्बान् कन् इङ्घङ्ङिन् साप्ते़ॽओ॥ कन् इङ्घङ्ङिन् सेसे नु से़क्खाबा हे़क्क्याङ् दाउद हाङ्ङिल्ले़ कुदिमिक् के़गप्पे़ल्ले़ पाःत्तुबारो॥ खुने़ॽ हन्दुबान् हाःत्ले़आङ् सुप्मा मे़सुक्तुन्, हे़क्क्याङ् खुने़ॽ सुबुबान् हाःत्ले़आङ् हम्मा मे़सुक्तुन्लो॥ |
| 31010 | REV 14:15 | हे़क्क्याङ् निङ्वाॽफु माङ्हिम्मोलाम् वेॽस्मा माङ्लाइङ्बान् लःन्दे़आङ् खे़ल्ले़ यम्बा इक्लाओ खे़न् खाप्मिःत्तो के़युङ्बान् मे़त्तु, “के़गात्च्याःन् याङ्सिङ्ङे़ॽआङ् चा सुप्से़ॽओ, थेआङ्भे़ल्ले़ चा सुम्मा ये़म्मिन् त्ये़आङ् वाॽ हे़क्क्याङ् पोगुगे़न् कुजाःन् इक्सादिङ् खाम्बेःक्मो तुम्से़आङ् ने़रो॥” |