| 23380 | MAT 6:29 | कर इङ्गाॽ मे़त्निङ्, सोलोमन हाङ्ङिन् मिङ्सोधाःङ्सोओ मुक्ते़आङ् वये़साङ् खे़न् यारिक्काङ् नुःबा तेःत् मे़जाक्सिङ्ङिन्लो॥ |
| 23438 | MAT 8:24 | हक्चघत् वरक्को किप्मा के़घुःबा सुरित्के़जजङ्ङिन् हुःमा हेःक्ते़आङ् वाभे़ल्ले़ङ्ङिल्ले़ खःङ्बेन् वे़त्ले़क्तिम्से़रो॥ कर ये़सुःङ्ग इप्से़आङ् ने़स्से़रो॥ |
| 23509 | MAT 10:23 | खिनिॽ थिक्ते़न्नो तुक्खे के़म्जाःत्तिल्ले़ वेॽस्मा ते़न्नो खे़त्छिङ्ङे़म्मे़ॽओ॥ इङ्गाॽ से़क्खाए मे़त्निङ्, इङ्गाॽ मे़न्छाम्साःन् नुःङ्ङा युःआल्ले़ खिनिॽ कन् इस्राइलस्मा के़रे़क् ये़क्यक्हाॽओ सुनाइङ् से़ःमा याःम्बक् मे़न्छुःत्ते के़वयिॽरो॥ |
| 24034 | MAT 24:8 | कङ्ग के़दाःबार के़बप्पा किप्मा के़घुःबा तुक्खेहाॽरे़ कुहेःक्सिङ्मारक्लो॥ |
| 24105 | MAT 25:28 | कन् सेवारोबाल्ले़ कत्तुबा याङ्ङिन् नाप्ते़म्मे़ॽआङ् थिबोःङ् हे़न्छिङ् साम्म्याङ् याङ्इत्छि के़गप्पे़न्पिरे़म्मे़ॽओ॥ |
| 24173 | MAT 26:50 | हे़क्केःल्ले़ ये़सुरे़ खे़न् मे़त्तु, “चुम्मे, खे़ने़ॽ थे चोःक्से़ के़द्ये़बा खे़न् हारा चोगे़ॽओ॥” हे़क्क्याङ् वेॽ मनाहाॽरे़ ये़सुःन् हुक् मे़याक्तुआङ्मे़दे़म्सुरो॥ |
| 24671 | MRK 10:14 | हे़क्क्याङ् ये़सुरे़ खे़न् निःसुआङ् कुयाःक् ले़ॽरे़र खे़ङ्हाॽ मे़त्तुसि, “हाराॽ हिन्जाॽबित्छाहाॽ इङ्गाॽओ ताःमा फाःक्ते़म्सिम्मे़ॽओ, खे़ङ्हाॽ मे़साक्ते़म्सिम्मिन्ने़ॽ, थेआङ्भे़ल्ले़ निङ्वाॽफुहाङ्जुम्मिङ्ग कन् हिन्जाॽबित्छा हे़क्तङ्बाहाॽरे़न्नेरो॥ |
| 24794 | MRK 13:8 | मे़न्छाम् सुवाङ्हाॽ नु लाजेॽहाॽ लुम्मो थङ् पोःक्, यरिक् लाजेॽओ लुप्लि थाङ्, हे़क्क्याङ् साक् पोःक्लो॥ कङ्ग के़दाःबार के़बप्पा किप्मा के़घुःबा तुक्खेहाॽरे़न् कुहेःक्सिङ्मारक्लो॥ |
| 24869 | MRK 14:46 | हे़क्क्याङ् वेॽ मनाहाॽरे़ ये़सुःन् हुक् मे़याक्तुआङ्मे़दे़म्सुरो॥ |
| 24926 | MRK 15:31 | हे़क्केलॽरिक्के तुम्निङ्वाॽफुसाम्बाहाॽ नु साम्योथिम्साम्बाहाॽरे़आङ् खुने़ॽ किनाःन्दि मे़बिरुर अक्खे मे़बाःत्तु, “खे़ल्ले़ वेॽ मनाहाॽग ताङ्से़ःप्तुसि, कर खुने़ॽ आबाङेग से़ःप्सिङ्मा मे़सुक्सिङ्ङिन्लो॥ |
| 24960 | MRK 16:18 | हे़क्क्याङ् खे़ङ्हाॽरे़ असेःक्पाहाॽ मे़दे़म्सुसिॽ, निङ् के़याक्पा च्या मे़धुङुसाङ् थेआङ् हम् मे़म्बोःङ्ङिन्लो॥ हे़क्क्याङ् के़दुक्पा के़यॽबाहाॽ सम्दाङ् हुक् मे़ने़स्सु मे़बिरुसिल्ले़ खे़ङ्हाॽ मे़वेःत्लो॥” |
| 25686 | LUK 15:29 | हे़क्केःल्ले़ खे़न् कुस्साः तुम्बाल्ले़ कुम्बा अक्खे मे़त्तु, ‘ओमे़त्ते़ॽ, इङ्गाॽ कम्भे़रिक् तङ्बे थारिक् खे़ने़ॽ के़सेवा चोगुङ्, के़बाःत्तुबा पाःन् आप्फाल्ले़आङ् इङ्गाॽ मे़न्अप्पे़न्, हे़क्केसाङ् खे़ने़ॽ आन्देःङ् आन्जुम्हाॽनु चामुक् थिमुक् चोगुङ्नि फाॽआङ् मे़न्दाक्साधिक्काङ् के़म्बिराङ्ङिन्लो॥ |
| 25773 | LUK 18:16 | कर ये़सुरे़ खे़ङ्हाॽ उःत्तुसिआङ् मे़त्तुसि, “कन् हिन्जाॽबित्छाहाॽ इङ्गाॽओ ताःमा फाःक्ते़म्सिम्मे़ॽओ, खे़ङ्हाॽ मे़साक्ते़म्सिम्मिन्ने़ॽओ, थेआङ्भे़ल्ले़ निङ्वाॽफुहाङ्जुम्मिङ्ग कन् हिन्जाॽबित्छा हे़क्तङ्बाहाॽरे़न्नेरो॥ |
| 26116 | JHN 1:3 | खुने़ॽलाम्मे नावागे़न् चइःत्तोबा काक् पाःन्हाॽ पोःक्खे़बारो॥ हे़क्क्याङ् कन् के़बोःङ्बाहाॽओ खुने़ॽ मे़ःन्ने थेधिक्काङ्मे़बोःक्खे़न्॥ |
| 26438 | JHN 7:41 | वेॽहाॽरे़ मे़बाःत्तु “खुने़ॽग निङ्वाॽफुमाङ्ङिल्ले़ सेःन्दुबा ख्रिस्तरो॥” कर आल्लसाङ् वेॽहाॽरे़ अक्खेलॽरिक् मे़बाःत्तु, “कङ्ग पोःङ्माए मे़सुक्ने़न्लो, थेआङ्भे़ल्ले़ ख्रिस्ते़ङ्ग गालिल थुम्मोलाम्मे़दाने़न्लो॥ |
| 26755 | JHN 14:18 | इङ्गाॽग खिनिॽ ये़त्छाबा कुइसिःक् पक्मे़धानिङ्ङिन्लो॥ इङ्गाॽ खिनिॽओ युःआरो॥ |
| 26906 | JHN 19:12 | हे़क्केःल्ले़ग पिलातसरे़ ये़सुःन् ले़प्मादेःमा निङ्वाॽ चोगु, कर यहुदिहाॽरे़ चक्मे़ल्लॽए अक्खे मे़बाःत्तुर मे़अःक्ते़रो, “कन् मनाःन् के़ले़रु के़देःसुने़ फाॽग्र खे़ने़ॽग सिजरले़ कुन्देःङ्बा के़म्बोःङ्ने़न्लो॥ आत्तिल्ले़ आबाङे हाङ् पोःङ्मा निङ्वाॽ चोगुॽ खे़न् सिजरले़ कुदक्ले़ङ्वाओ पोःक्लो॥” |
| 26918 | JHN 19:24 | खे़ल्ले़ चोगुल्ले़ खे़ङ्हाॽ अक्खे मे़मे़त्छिङ्, “कङ्ग आनिॽ थे़ःक्खुम् मे़ःन्लो, कर तॽयाःन्सोःन्के़ःसुम्लो॥ आत्तिल्ले़ कुलक्को थाः, हाराॽ खे़ल्ले़ए खे़न् तेॽरुनिरो॥” कन् पाःन्निङ्ग साम्योसाप्लाओ अक्खेलॽरिक् खे़ङ्हाॽरे़ इङ्गाॽ आजाङ्हाॽ मे़हाःत्छिङ्लो, हे़क्क्याङ् आदेःत्तिन् तॽयानःन्सोःन् मे़गे़सुॽरो लॽरिक् साप्ते़आङ् के़बप्पे़न्के़रे़बारो॥ हे़क्केलॽरिक् थक्सुबाहाॽरे़आङ् बा हे़क्केए मे़जोगुरो॥ |
| 27045 | ACT 2:27 | थेआङ्भे़ल्ले़ निङ्वाॽफुमाङ्ङे, इङ्गाॽ आयाम्साम्मिन् खे़मायङ्सङ्ङो पक्के़न्धने़न्लो॥ हे़क्क्याङ् सेसे के़सेवारोबाल्ले़ कुधक्किन् इप्पुङ्ङो किःमा यःप्मा के़म्बाङ्घुन्लो॥ |
| 27537 | ACT 15:26 | खे़ङ्हाॽरे़ग आनिॽ दाङ्बा ये़सु ख्रिस्तरे़ कुसेवा चोःक्मो खुनिॽ हिङ्मन्निन् मे़न्दाङ्घुन्लो॥ |
| 27684 | ACT 19:30 | पावलरे़आङ् खे़प्मो पेःक्माआङ् पाःप्मा निङ्वाॽ चोगु, कर नसानिबाहाॽरे़ खुने़ॽ खे़प्मो पेःक्मा मे़म्बाङ्घुन्लो॥ |
| 27727 | ACT 20:33 | इङ्गाॽग आत्तिन्हाॽरे़न्नाङ् खुनिॽ साम्म्याङ् युप्पा नु नुःबा ते़ःत्फुङ्हाॽओ मिक्मे़ङ्गेःपान्लो॥ |
| 27742 | ACT 21:10 | आल्ल खे़प्मो वयिगे़बा कुभा ये़न् एगाङ् यहुदियालाम् अगाबस मे़प्मनाबा माङ्निङ्वाॽपाःन् के़बाःप्पाधिक्त्ये़॥ |
| 28079 | ROM 3:20 | खे़ल्ले़ चोगुल्ले़ साम्योथिम्मो के़बप्पा पाःन्हाॽ इःप्मा नाःप्माल्ले़ निङ्वाॽफुमाङ्ङिल्ले़ कुनिःमाओ आत्तिन्नाङ् आप्तिक् मे़ःन्नेबा आम्बोःङ्ने़न्लो॥ साम्योथिम्मिल्ले़ग आनिॽ लायो आजोगुम्माङ् आवाॽ के़लॽबान् ओसेःन् आधाक्लो॥ |
| 28121 | ROM 5:6 | आनिॽ लायोलाम् आबाङे ताङ्से़ःप्सिङ्मा मे़न्छुक्मनाबा आबोःक्खे़आङ् आवये़ल्ले़ सुये़म्मो लायोबाहाॽरे़ लागि ख्रिस्ते़न्स्ये़रो॥ |
| 28230 | ROM 9:7 | अब्राहामरे़ कुमुॽइदाङ्सा मे़बोःङ्ङिल्ले़सा के़रे़क् से़क्खाबा कुस्साः मे़म्बोःङ्ने़न्लो॥ कर साम्योसाप्लाओ अक्खेलॽरिक् साप्ते़आङ् पत्, “माङ्हे़क्चोगुङ्बा के़स्साः इसहाकलाम्मे के़मुॽइदाङ्साहाॽ मे़बोःङ्लो॥” |
| 28298 | ROM 11:21 | थेआङ्भे़ल्ले़ निङ्वाॽफुमाङ्ङिल्ले़ से़क्खाबा पोराःक्हाॽए मे़दाङ्घुन्छिन्निल्ले़ खिनिॽआङ् के़न्दाङ्घिन्लो॥ |
| 28355 | ROM 14:7 | थेआङ्भे़ल्ले़ आनिॽ आहिङ्साङ् आस्सिसाङ् आनिॽ आबाङे लागि आन्हिङ्ने़न्लो॥ |
| 28504 | 1CO 4:3 | खिनिॽ इग्र वेॽरे़ खासे़न् मे़लोःन्नाने़ फाॽग्र इङ्गाॽ आलागिग खे़न् यम्बा पाःन् मे़ःन्लो॥ से़क्खाःल्ले़ इङ्गाॽ आबाङेआङ् खासे़न् मे़लोःन्छिङ्ङान्लो॥ |
| 28648 | 1CO 10:13 | खिनिॽ हिङ्मन्नो के़दाःबा काक् हङ्साॽमाहाॽ मे़न्छाम् याप्मि लुम्मो के़दाःबा कुइसिःक् चोःक्लो॥ निङ्वाॽफुमाङ्ङिङ्ग नसाःन्साबा चोःक्लो॥ खुने़ॽग खिनिॽ थम्मा के़न्छुक्तुम्मिम्बा हङ्साॽमाओ थाःमा के़म्बाङ्घिन्लो॥ कर थम्मा के़सुक्तुम्ल फाॽआङ् खिनिॽ हङ्साॽमाओ के़ध्ये़ॽइल्ले़ खुने़ॽए खे़प्मोलाम् ताङ्से़ःप्सिङ्मा लाम्माङ् के़बिरिॽरो॥ |
| 28674 | 1CO 11:6 | कुधे़गेःक् मे़न्दे़प्मनामा मे़न्छुमाॽइल्ले़ कुधे़गेःक्पे़न्नःक्खुररो॥ हे़क्क्याङ् थे़गेःक्इःन् खक्मा इग्र नःङ्माङ्ग मे़न्छुमाॽइल्ले़ कुलागि कुजाःत्थि के़बेःक्पा पाःन्लो॥ खे़ल्ले़ चोगुल्ले़ खुने़ॽ कुधे़गेःक्पे़न्ते़प्मा पोःङ्लो॥ |
| 28948 | 2CO 5:3 | थेआङ्भे़ल्ले़ चाङ्ङिल्ले़ थक्किन् ते़प्तुबा हे़क्के खे़न् हिम्मिल्ले़ आदे़प्पाङ् आनिॽ ले़क्चाबे़धिःक् आम्बोःङ्ने़न्लो॥ |
| 29066 | 2CO 11:9 | हे़क्क्याङ् खिनिॽनु वयाङ्ङिल्ले़ इङ्गाॽ याप्मि चाहाबा के़जोःक्पा पाःन्हाॽरे़लागि खिनिॽ आत्तिन्नाङ् तुक्खे मे़जाःत्निङ्ङिन्लो॥ थेआङ्भे़ल्ले़ मे़सेदोनियालाम् के़दाःबा फुॽनुसाॽहाॽरे़ इङ्गाॽ याप्मि चाहाबा के़जोःक्पा पाःन्हाॽरे़न् तङ्गाम् मे़जोगाङ् मे़बिराङ्लो॥ हे़क्केलॽरिक् खिनिॽ आत्तिन्नाङ् आत्तिन्परिक्ले़आङ् तुक्खे मे़न्जाःत्निङ्ङिल्लो॥ हे़क्क्याङ् ताःन्दिआङ् हे़क्केए चोगुङ्लो॥ |
| 29084 | 2CO 11:27 | इङ्गाॽग याम्बुधिक्काङ् याःम्बक्चोगाङ्हे़क्क्याङ् यरिक्ले़ङ् से़न्दिक् मे़इप्साङ्ङिन्लो॥ से़त्लाःक्मा नु वामिःमाल्ले़ तराङ् हे़क्क्याङ् यरिक्ले़ङ् थेआङ् चामा थुङ्मा मे़ङ्घोःबान्लो॥ चुङ्ङिल्ले़ थत्ताङ् थेआङ्भे़ल्ले़ के़गोःबा चाङ्देःत् मे़ङ्गप्पे़न्लो॥ |
| 29095 | 2CO 12:5 | इङ्गाॽग अक्तङ्बा मनाःल्ले़ कुयाःम्बेओने़ चम्सिङ्ङारो, कर इङ्गाॽ के़धुम्बा मे़जोःक्कान् लॽरिक् ओसेःन्दाङ् के़जोःक्पा पाःन्नुःल्ले़ वेॽ आबाङे आयाःम्बेओ मे़जम्सिङ्ङान्लो॥ |
| 29417 | EPH 6:13 | खे़ल्ले़ चोगुल्ले़ फे़न् ये़म्हाॽ ताःल्ले़ से़ःप्सिङ्मा के़सुक्कासिर फाॽआङ् थक्सुबा चाङ्ङिल्ले़ थक्सुबान् काप्तुबा हे़क्के निङ्वाॽफुमाङ्ङिल्ले़ आबिबा काक् पाःन्निल्ले़ काप्सिङ्ङे़म्मे़ॽओ॥ हे़क्क्याङ् खे़न् थङ् एगाङ् खिनिॽ थधप् मे़ल्लॽए ये़प्मा के़सुक्तिॽरो॥ |
| 30295 | HEB 12:16 | हे़क्क्याङ् आत्तिन्नाङ् चागे़लाम्बा इग्र ए़साउ हे़क्तङ्बा निङ्वाॽफुमाङ्ङिन्मे़ङ्गोःप्मना मे़म्बोःङ्ने़न्लरो॥ खे़ल्ले़ग चामा थुङ्मारे़लागि तुम्बा कुयुक्किन् ले़क्तुरो॥ |
| 30304 | HEB 12:25 | खिनिॽनु के़बाःप्पा निङ्वाॽफुमाङ्ङिन् मे़न्नाॽमा फाॽआङ् सिङ्सिङ् लॽरे़म्मे़ॽओ॥ थेआङ्भे़ल्ले़ इक्साबा इङ्गे़साबा मोसाःल्ले़ कुसाम्दिङ्ङिन् खे़म्मा मे़न्दे़म्मनाबा इस्राइलिहाॽ ताङ्मे़न्छे़ःप्ते़न्निल्ले़ साङ्ग्राम्पेदाङ्लाम्बा निङ्वाॽफुमाङ्ङिल्ले़ साम्दिङ् आबिःल्ले़ आनिॽ आनाॽरुम्ने़ फाॽग्र आनिॽआङ् आन्दाङ्ने़न्लो॥ |
| 30396 | JAS 3:10 | हे़क्केलॽरिक् लत्छा मुराओलाम् मुॽइसाम् नु साक्मुराःन्लःन्लो॥ आमिःम् फुॽनुसाॽ नु ने़ॽनुसाॽसे, अक्खे पोःङ्माग मे़नुॽने़न्लो॥ |
| 30436 | JAS 5:15 | हे़क्क्याङ् नसाःन्लाम्बा चोःक्मनाबा तुवाःल्ले़ खे़न् के़दुक्पे़न्वेःत्लो॥ दाङ्बाल्ले़ खे़न् वेःन्दुॽरो॥ खे़ल्ले़ लायो चोगुआङ् वये़साङ्, दाङ्बाल्ले़ खे़न् ले़प्मि पिरुॽरो॥ |
| 30576 | 2PE 2:9 | हे़क्केलॽरिक् दाङ्बाल्ले़ साम्योनिबा मनाहाॽ इनोगे़न् तुक्खेहाॽलाम् से़ःप्मासिआङ्ले़स्सुॽरो॥ हे़क्क्याङ् लायोबा मनाहाॽ खुम्दिङ् पिरुसिर खासे़न् ये़न्नो थारिक् कप्मासिआङ्ले़स्सुरो॥ |
| 30707 | 1JN 5:16 | हाःत्ले़ नसानिबा फुॽनुसाॽ नु ने़ॽनुसाॽथिक्ले़ सिःमे़न् थारिक् मे़न्देॽमना लायो चोगुबा निःसुॽ, खे़न् लायोलाम् नुःङ्नि फाॽआङ् पेलिगे़न् तुवा चोगु पिरुररो॥ हे़क्क्याङ् निङ्वाॽफुमाङ्ङिल्ले़ खे़न् मे़न्नुप्मनाबा हिङ्मन् पिरुॽरो॥ कङ्ग सिःमे़न् थारिक् मे़न्देॽमना लायो के़जोःक्पाल्ले़ कुयाःम्बेओरक् पाःत्तुङ्बारो॥ कर सिःमे़न् थारिक् के़देॽबा लायोआङ् वाॽरो॥ हे़क्क्याङ् खे़ल्ले़ कुयाःम्बेओ निङ्वाॽफुमाङ्ङिन्पेलिगे़न् तुवा चोगे़म्मे़ॽ फाॽआङ् मे़मे़त्निङ्ङिन्लो॥ |
| 30826 | REV 3:12 | के़नाःम्बाङ्ग आनिङ्वाॽफुमाङ्ङिल्ले़ कुहिम्मो इङ्गाॽ सित्लाङ् चोगुङ्लो॥ खुने़ॽ खे़प्मोलाम् आप्फाल्ले़आङ् मे़जत्छिङ्ङिन्लो॥ आनिङ्वाॽफुमाङ्ङिल्ले़ कुमिङ्ङिन् खे़ल्लो इङ्गाॽ साप्तुङ्, हे़क्क्याङ् खे़ल्लो इङ्गाॽ कुसङ् आमिङ्ङिन्नाङ् साप्तुङ्लो॥ हे़क्क्याङ् आनिङ्वाॽफुमाङ्ङिल्ले़ कुसेसे ये़क्यक् कुसङ् यरुसले़मिल्ले़ कुमिङ्ङिन्नाङ् खे़ल्लो साप्तुङ्लो॥ खे़ङ्ग आनिङ्वाॽफुमाङ्ङिल्ले़ साङ्ग्राम्पेदाङ्लाम् पाङ्घु युःसुॽ॥ |
| 31106 | REV 19:20 | हे़क्क्याङ् खे़न् किप्मा के़घुःबा थक्साःन् नु खुने़ॽ कुदगि निङ्वाॽ के़माबा याःम्बक् के़जोःक्पा खे़न् इङ्ले़क्पा माङ्निङ्वाॽपाःन् के़बाःप्पे़न्मे़दे़म्सुसिरो॥ खे़ल्ले़ मुक्साम्रे़ कुधिम्बा निङ्वाॽ के़माबा याःम्बक्हाॽरे़ खे़न् किप्मा के़घुःबा थक्साःल्ले़ इबुगे़न् कुमिक्सेःन् के़लक्पा नु कुनावाइत्लाःन् सेवा के़जोःक्पाहाॽ इङ्ले़क्तुसिआङ् वये़रो॥ खे़ङ्हाॽ ने़प्माङ् कुहिङ्वे़त्ते कान्धाक् के़दिःप्पा मिराःक्लुम्बाःत्तो लाप्मे़भुसुसिरो॥ |