| 23244 | MAT 2:6 | ‘यहुदिया थुम्मोबा बे़थलेहे़म्मे, खे़ने़ॽग यहुदियाबा पाङ्जुम्हाॽओ साॽरिक् के़ये़क्पा के़जोःक्लो, थेआङ्भे़ल्ले़ खे़ने़ॽ के़बाङ्जुम्लाम् हाङ्युक्पाधिक् ताःरो, खुने़ॽग मे़ल्लुक्कम्बा कुइसिःक् पोःङ्ङाङ् आमना इस्राइलिहाॽ कम्ब्राङ् के़मे़प्पा पोःङ्लो॥’” |
| 23288 | MAT 4:10 | ये़सुरे़ खे़न् मे़त्तु, “सैताने, कप्मोलाम् पेगे़ॽ, थेआङ्भे़ल्ले़ साम्योसाप्लाओ अक्खेलॽरिक् साप्ते़आङ् पत्, ‘खे़ने़ॽ दाङ्बा के़निङ्वाॽफुमाङ्ङिन्लक् सेवा मे़त्ते़ॽ हे़क्क्याङ् खुने़ॽइन्लक् कुसेवा चोगे़ॽओ॥’” |
| 23324 | MAT 5:21 | आल्ल, “उन्छेःन् मोसारे़ कुसाम्यो इङ्जाःङ्ङिल्ले़ अक्खे पाःत्तुबान् खिनिॽ के़घे़प्सुम्माङ् के़वयिॽ, ‘मना मे़से़रे़न्ने़ॽओ, थेआङ्भे़ल्ले़ मना के़से़प्पाल्ले़ खुम्दिङ् खोःसुॽरो,’ |
| 23330 | MAT 5:27 | आल्ल, “खिनिॽ मोसारे़ कुसाम्यो इङ्जाःङ्ङिल्ले़ अक्खे पाःत्तुबा के़घे़प्सुम्माङ् के़वयि, ‘खे़ने़ॽ चाराम्मा याःम्बक् मे़जोगे़न्ने़ॽओ’ |
| 23336 | MAT 5:33 | “याम्मो खिनिॽ मोसारे़ कुसाम्यो इङ्जाःङ्ङिल्ले़ अक्खे पाःत्तुबा के़घे़प्सुम्माङ् के़वयिॽ, ‘खिनिॽ के़जोगुम्बा माङ्हे़क्किन्मे़भेःन्दे़म्मे़न्ने़ॽ, कर यहवे दाङ्बान्नु के़जोगुम्बा माङ्हे़क्किन्के़गे़त्तुम्लए पोःङ्लो॥’ |
| 23408 | MAT 7:23 | कर खे़न् ये़म्मो खे़ङ्हाॽ इङ्गाॽ अक्खे मे़त्तुङ्सिङ्, ‘खिनिॽग आप्फाल्ले़आङ् कुसिङ् निःत्निङ्बा होःप्लो॥ खिनिॽ पानुदिङ् आम्बारे़ कुनिङ्वाॽ हे़क्के मे़न्जोःक्के फे़न् याःम्बक् के़जोःक्पासे, कप्मोलाम् पेगे़म्मे़ॽ!’” |
| 23423 | MAT 8:9 | थेआङ्भे़ल्ले़ इङ्गाॽआङ् आधुङ्धोबा सुहाङ्युक्पाहाॽरे़ खुनिॽ युक्को के़वाॽबा मनाआरो, हे़क्क्याङ् इङ्गाॽआङ् आयुक्को थक्सुबाहाॽ मे़वाॽरो॥ इङ्गाॽ थक्सुबान् ‘पेगे़ॽ’ मे़त्तुङ्ङिल्ले़ पेःक्, वेॽस्मान् ‘फे़रे़ॽ’ मे़त्तुङ्ङिल्ले़ फे़न्, हे़क्क्याङ् आसेवारोबान् ‘खे़न् चोगे़ॽ’ मे़त्तुङ्ङिल्ले़ खे़ल्ले़ चोगुॽरो॥” |
| 23453 | MAT 9:5 | ‘के़लायोहाॽ ले़प्मि पोःक्खे़’, मे़प्मा उसुरु चोःक्पि, इ ‘पोगे़ॽआङ् थासिङ्ङे़ॽ’ मे़प्मा उसुरु चोःक्पि? |
| 23498 | MAT 10:12 | खे़न् हिम्मो के़लाःस्सिल्ले़ मनाहाॽनु ‘सनारुङ् के़घोःसुम्निरो’ लॽरिक् सेवा मये़म्मे़ॽओ॥ |
| 23545 | MAT 11:17 | ‘खिनिॽ लागि आनिगे़ के हिप्मना, कर खिनिॽ के़न्लाःक्खिन्, हे़क्क्याङ् आनिगे़ मेरिङ् थक्मना, कर खिनिॽ के़न्हाबिन्॥’ |
| 23622 | MAT 13:14 | माङ्निङ्वाॽपाःन् के़बाःप्पा यसैयाःल्ले़ अक्खेलॽरिक् पाःत्तुबान् कन् मनाहाॽओ के़रे़बारो– ‘खिनिॽ के़घे़प्सुम्साङ् कुसिङ् के़न्निःत्तुम्मिन्, ओगे़मे़त्तुम्साङ् के़न्निःसुम्मिन्लो॥ |
| 23636 | MAT 13:28 | खुने़ॽ नोगप् पिरुसि, ‘खे़ङ्ग निङ्मिःल्ले़ हे़क्के चोगुबारो॥’ सेवारोबाहाॽरे़ खुने़ॽ याम्मो सेःन्मे़दोसु, ‘खे़न् माले़ःन्दोहाॽ आःक्खुम्देःसुम्बे़ लॽरिक् निङ्वाॽ के़इःत्तुबि?’ |
| 23710 | MAT 15:8 | ‘कन् मनाहाॽरे़ग खुनिॽ मुराःल्ले़रक् मिङ्सो इङ्धाःङ् मे़बिआरो, कर खुनिॽ निङ्वाॽइन्इङ्गाॽ ले़प्माङ् होःप्लो, |
| 23828 | MAT 18:32 | हाङ्ङिल्ले़आङ् खे़न् तगिस्मा सेवारोबान् उःत्तुआङ् मे़त्तु, ‘खे़ने़ॽग ताक्के़भे़ॽबा सेवारोबाने़रो! खे़ने़ॽ पेलि के़भाक्ताङ्बाल्ले़ के़रे़क् के़सिङ्नाःत्तिन् ले़प्मि पिने़आङ् वयाङ्लो॥ |
| 23865 | MAT 20:4 | मे़त्तुसि, ‘खिनिॽआङ् पेगे़म्मे़ॽआङ् आजे़ल्ले़क्सेॽ इक्को याःम्बक् चोगे़म्मे़ॽओ॥ खिनिॽ खोःमा के़याॽरिबा याङ्ङिन् पिनिङ्लो॥’ |
| 23867 | MAT 20:6 | याङ्सि कुमुक् ङासि (५) मुक्ते़र पत्छे़ल्ले़ खुने़ॽ पाङ्जुम्मो पेःल्ले़ मनाहाॽ थेआङ् मे़न्जोःक्के मे़वये़ मे़गत्ते़बा याम्मो निःसुसिआङ् सेःन्दोसुसि, ‘आइन् थेआङ् खिनिॽ नाम्धाधा याःम्बक् के़न्जोगिन्बाबे?’ |
| 23868 | MAT 20:7 | खे़ङ्हाॽरे़ नोगप् मे़बिरु, ‘थेःन् चोःक्माबे, आनिगे़ आत्तिल्ले़आङ् याःलिक् याप्मि मे़साङिगे़न्लो॥’ खे़ल्ले़ खे़ङ्हाॽ मे़त्तुसि, ‘हे़क्केने़ फाॽग्र खिनिॽआङ् पेगे़म्मे़ॽआङ् आजे़ल्ले़क्सेॽ इक्को याःम्बक् चोगे़म्मे़ॽओ॥’ |
| 23873 | MAT 20:12 | खे़न् मनाहाॽरे़ खुने़ॽ मे़मे़त्तु, ‘कन् एगाङ् के़साङुसिबाहाॽरे़ग कुमुक् थिक्लक् याःम्बक् मे़जोगु॥ आनिगे़ ले़न्दिक् खाराक् नाम्से़ःक्माओ याःम्बक् चोगुम्बे़साङ् खे़ङ्हाॽनु कुदङ्बा याप्मि के़जोगे़रो॥’ |
| 23916 | MAT 21:21 | ये़सुरे़ खे़ङ्हाॽ मे़त्तुसि, “खिनिॽ इङ्गाॽ से़क्खाए मे़त्निङ्, खिनिॽ चप्चि मे़न्जोःक्के नसाःन् के़जोगुम्ने़ फाॽग्र कन् पःत्छेॽबुङ्मान् इङ्गाॽ चोगुङ्बा कुइसिःक् खिनिॽआङ् चोःक्मा के़सुक्तुम्, हे़क्क्याङ् खे़म्म्याक्लक् मे़ःन्, कर ‘कन् कोःक्मान् हाॽयाक्आगे़ॽआङ् वाहङ्ङो लाप्फुसिङ्ङे़ॽ’ के़मे़त्तुम्मिल्ले़ खे़न् के़त्लो॥ |
| 23925 | MAT 21:30 | हे़क्क्याङ् कुम्बाःन् कुस्साः फोॽबाल्लो पेआङ् बा हे़क्केए मे़त्तु॥ खे़न् कुस्साः फोॽबाल्ले़आङ्, ‘पोःङ् आदाङ्बे, पेःक्कारो’ मे़त्तु, कर खे़न् याःम्बक्को मे़बेने़न्लो॥ |
| 23945 | MAT 22:4 | हे़क्केःल्ले़ खे़न् हाङ्ङिल्ले़ कुभा कुसेवारोबाहाॽ अक्खे मे़त्तुसिर पाङ्घुसि, ‘खे़न् उःत्छिङ् के़घोःबाहाॽ अक्खे मे़त्ते़म्सिम्मे़ॽ, इङ्गाॽ मेःक्खिम् साभाङ्जाःन्यारिप् चोगुङ्ङाङ् वाॽआ॥ लुप्मनाबा थक्साहाॽ से़रुङ्सिङ्ङाङ् के़रे़क् चामा थुङ्मान् यारिप् पोःक्खे़आङ् वाॽ, मेःक्खिम् साभाङ्जाओ त्ये़म्मे़ॽओ॥’ |
| 23954 | MAT 22:13 | हे़क्क्याङ् हाङ्ङिल्ले़ सेवारोबाहाॽ मे़त्तुसि, ‘कन् मनाःन् ते़म्से़म्मे़ॽआङ् कुलाङ् कुहुक्हाॽ इघेःक्खे़म्मे़ॽ हे़क्क्याङ् लाःक्कात् खादाम्मो लाप्फुःसे़म्मे़ॽओ॥ खे़प्मो हाःप्मान् नु साॽरिक् तुक्खेःल्ले़ हाबोॽ ये़ःङ्मान् पोःङ्लो॥’ |
| 23985 | MAT 22:44 | ‘यहवे दाङ्बाल्ले़ इङ्गाॽ आन्दाङ्बान् अक्खे मे़त्तु, के़निङ्मिहाॽ के़युक्को इङ्गाॽ मे़न्दाःत्छिङ्ङे थारिक् आजुप्साङ् ले़प्माङ् खे़ने़ॽ युङे़ॽओ॥’ |
| 24017 | MAT 23:30 | हे़क्क्याङ् के़बाःत्तुम्, ‘आनिगे़ सुधे़बा ताक्थे़बाहाॽरे़ खुनिॽ ये़म्मो आनिगे़ वयिगे़ल्ले़ग माङ्निङ्वाॽपाःन् के़बाःप्पाहाॽ से़प्मासि चुम् मे़मे़त्तुम्सिम्बे़म्बा वये़रो॥’ |
| 24049 | MAT 24:23 | हे़क्क्याङ् खे़न् ये़म्मो मनाहाॽरे़ ‘ओमे़त्ते़म्मे़ॽ, निङ्वाॽफुमाङ्ङिल्ले़ सेःन्दुबा ख्रिस्ते़न्कप्मो वाॽ’ इग्र ‘खुने़ॽ खे़प्मो वाॽ’ लॽरिक् मे़बाःत्तुर मे़दाःल्ले़ नसाःन् मे़जोगे़म्सिम्मिन्ने़ॽओ॥ |
| 24085 | MAT 25:8 | खे़न् कुनिसिःक् के़होःप्माहाॽरे़ सिक्कुम्सामा मे़न्छियाॽहाॽ मे़मे़त्तुसि, ‘आनिगे़आङ् कुभा निःङ्गेॽ आबिरे़ॽना, आनिगे़ सेमिःङ्ग सिःमा इःत्ते़रो॥’ |
| 24098 | MAT 25:21 | कुन्दाङ्बाल्ले़ खे़न् मे़त्तु, ‘नुःबा नु निङ्वाॽइरे़ खोःप्तुबा सेवारोबाए, नुःबा के़जोगुरो! खे़ने़ॽग मिसाक् याङ्ङो नसाःन्साबा के़बोःक्खे़, आल्ल यरिक् पाःन्नो युक् पिने़रो॥ आल्ल आनिॽ सोरिक् सःत्तिरो!’ |
| 24100 | MAT 25:23 | कुन्दाङ्बाल्ले़ खे़न् मे़त्तु, ‘नुःबा नु निङ्वाॽइरे़ खोःप्तुबा सेवारोबाए, नुःबा के़जोगुरो! खे़ने़ॽग मिसाक् याङ्ङो नसाःन्साबा के़बोःक्खे़, आल्ल यरिक् पाःन्नो युक् पिने़रो॥ आल्ल आनिॽ सोरिक् सःत्तिरो!’ |
| 24103 | MAT 25:26 | खे़ल्ले़ कुन्दाङ्बाल्ले़ खे़न् नोगप् पिरु, ‘खे़ने़ॽ ताक्के़भे़ॽबा नु कुले़म्गे़युबा सेवारोबाए! खे़ने़ॽग इङ्गाॽ आत्तो चा मे़देःआन् खे़प्मो चा सुप्सुङ्, आत्तो चा मे़से़ःसुङ्ङिन् खे़प्मो चा फुक्खुङ् फाॽआङ् के़निःसुआङ्ङे के़वये़रो॥ |
| 24111 | MAT 25:34 | हे़क्क्याङ् हाङ्ङिल्ले़ कुजुप्साङ् ले़प्माङ्बाहाॽ मे़त्तुसि, ‘पानुदिङ् आम्बारे़ मुॽइसाम् पिरुसिबासे, त्ये़म्मे़ॽओ, नावागे़न्चइःत् ने़स्से़आङ्धो खिनिॽ लागि यारिप् चोःक्मनाबा हाङ्जुम्मिन् युक्ते़म्मे़ॽओ॥ |
| 24118 | MAT 25:41 | हे़क्क्याङ् हाङ्ङिल्ले़ कुभे़न्छाङ् ले़प्माङ्बाहाॽ मे़त्तुसि, ‘खिनिॽ निङ्वाॽफु साक्मुराःल्ले़ के़दे़त्तिबासे, खिनिॽ इङ्गाॽओलाम् पेगे़म्मे़ॽओ॥ खिनिॽग माफे़न्साम्मिन् नु खुने़ॽ कुमाङ्लाइङ्बाहाॽ केःप्मासि फाॽआङ् यारिप् चोगुबा आप्फाल्ले़आङ् मे़न्छिःमना मि के़दिःप्पा खे़मायङ्सङ्ङो पेगे़म्मे़ॽओ॥ |
| 24271 | MAT 28:7 | हे़क्क्याङ् हारा पेगे़त्छे़ॽआङ् कुहुॽसाम्बाहाॽ अक्खे मे़त्ते़छे़ॽओ, ‘खुने़ॽग कुसिवे़त्लाम् कुहिङ्वे़त् पोःक्खे़आङ् वाॽरो, हे़क्क्याङ् खे़ङ्हाॽनुःल्ले़ तगि गालिलओ पेःक्ल पत्लो॥ खुने़ॽ खे़प्मोए खिनिॽ के़दुमुम्लो॥’ ओमे़त्ते़त्छे़ॽओ, कन् पाःन्निन् खिन्छिॽ मे़त्ने़त्छिङ्ङाङ् वाॽआरो॥” |
| 24286 | MRK 1:2 | माङ्निङ्वाॽपाःन् के़बाःप्पा यसैयाःल्ले़ अक्खेलॽरिक् साप्तुआङ् पत्, “निङ्वाॽफुमाङ्ङिल्ले़ पाःत्तु, ‘खे़ने़ॽ के़लाम्मिन् यारिप् चोगुर फाॽआङ् इङ्गाॽ आइङ्साबे़न् के़दगि पाङ्घुङ् युःसुङ्लो॥’ |
| 24338 | MRK 2:9 | कन् लङ्ले़ःङ्वाःन्‘के़लायोहाॽ ले़प्मि पोःक्खे़’ मे़प्मा उसुरु चोःक्पि? इ ‘पोगे़ॽआङ् के़ने़त्नाःन् खप्से़ॽआङ् थासिङ्ङे़ॽ’ मे़प्मा उसुरु चोःक्पि? |
| 24538 | MRK 7:6 | ये़सुरे़ खे़ङ्हाॽ नोगप् पिरुसि, “खिनिॽ निङ्वाॽ के़जिःप्पाहाॽरे़ खिनिॽ याःम्बेओ निङ्वाॽफुमाङ्ङिल्ले़ कुबाःन्निन् माङ्निङ्वाॽपाःन् के़बाःप्पा यसैयाःल्ले़ साप्तुबाङ्ग से़क्खाए लाॽरुरो, ‘कन् मनाहाॽरे़ग खुनिॽ मुराःल्ले़रक् मिङ्सो इङ्धाःङ् मे़बिआरो, कर खुनिॽ निङ्वाॽइन्इङ्गाॽ ले़प्माङ् होःप्लो॥ |
| 24625 | MRK 9:18 | फे़न्साम्मिल्ले़ फत्तुल्ले़ खे़न् खाम्मो थाम्सिङ्ङाङ् कुध्याःत्तिन् फुजुःक्-फुजुःक् लःन्नाङ् कुहाबोॽबान् इसिक्खुॽ, हे़क्क्याङ् खाक्तुॽरो॥ के़हुॽसाम्बाहाॽ ‘खे़न् फे़न्साम्मिन् आस्साःल्लोलाम् नाःत्ते़म् आबिरे़म्मे़ॽ’ मे़त्तुङ्सिङ्, कर मे़न्छुक्तुन्लो॥” |
| 24778 | MRK 12:36 | दाउद हाङ्ङिल्ले़ सेसेमाङ्लाम् अक्खे पाःत्तुआङ् वाॽ, ‘यहवे दाङ्बाल्ले़ इङ्गाॽ आन्दाङ्बान् अक्खे मे़त्तु, के़निङ्मिहाॽ के़युक्को इङ्गाॽ मे़न्दाःत्छिङ्ङे थारिक् आजुप्साङ् ले़प्माङ् खे़ने़ॽ युङे़ॽओ॥’ |
| 24836 | MRK 14:13 | हे़क्केःल्ले़ ये़सुरे़ ने़प्फु कुहुॽसाम्बाहाॽ अक्खे मे़त्तुसिर यरुसले़म्मो पाङ्घुसि, “खिन्छिॽ ये़क्यक्को के़लाःत्छिर के़बत्छिल्ले़ च्वाःत् कुःन्दा के़बङ्बा मनाधिक्ले़ के़दुम्सिॽ॥ खे़न् लाःप्पा हिम्मो थारिक् तिम्दे़त्छे़ॽ॥ हे़क्क्याङ् हिम्दाङ्बान् मे़त्ते़त्छे़ॽ, ‘आनिगे़ सिक्साम्बाल्ले़ खे़ने़ॽ अक्खे के़मे़त्ते़आङ् के़वाॽरो, तरे युङ्मा याक्फाङ्ङिन् आत्तो ने़बे? खे़प्मो इङ्गाॽ आहुॽसाम्बाहाॽनु यहुदि चोःक्युम्भो तङ्नाम्मिल्ले़न्साभाङ्जाःन्चाङ्लो॥’ |
| 24881 | MRK 14:58 | “आनिगे़ ये़सुरे़ अक्खे पाःत्तुबा खे़प्सुम्बे़रो, ‘कन् मनाहाॽरे़ मे़जोगुबा माङ्हिम्मिन् यस्सुङ्ङाङ् सुम्ये़न् एगाङ्, मनाहाॽरे़ मे़म्भाॽए, वेॽ माङ्हिम्मिन् चोगुङ्लो॥’” |
| 24949 | MRK 16:7 | खिनिॽ पेगे़म्मे़ॽआङ् कुहुॽसाम्बाहाॽ नु पत्रुसे़न् कन् इङ्घङ्ङिन् पिरे़म्सिम्मे़ॽ, ‘खुने़ॽ तगि के़मे़त्तिबा हे़क्केए खिनिॽनुःल्ले़ तगि गालिलओ पेःक्लो, हे़क्क्याङ् खे़त्थोए खुने़ॽ के़दुमुम्लो॥’” |
| 25140 | LUK 4:8 | ये़सुरे़ खुने़ॽ मे़त्तु, “साम्योसाप्लाओ अक्खेलॽरिक् साप्ते़आङ् पत्, ‘खे़ने़ॽ दाङ्बा के़निङ्वाॽफुमाङ्ङिन्लक् सेवा चोगे़ॽ हे़क्क्याङ् खुने़ॽइन्लक् माङ्सेवा याःम्बक् चोगे़ॽओ॥’” |
| 25199 | LUK 5:23 | कन् लङ्ले़ःङ्वाःन् ‘के़लायोहाॽ ले़प्मि पोःक्खे़’ मे़प्मा उसुरु चोःक्पि? इ ‘पोगे़ॽआङ् के़ने़त्नाःन् खप्से़ॽआङ् थासिङ्ङे़ॽ’ मे़प्मा उसुरु चोःक्? |
| 25272 | LUK 7:8 | थेआङ्भे़ल्ले़ इङ्गाॽआङ् आधुङ्धोबा सुहाङ्युक्पाहाॽरे़ खुनिॽ युक्को के़वाॽबा मनाआरो, हे़क्क्याङ् इङ्गाॽआङ् आयुक्को थक्सुबाहाॽ मे़वाॽरो॥ इङ्गाॽ थक्सुबाधिक्किन्‘पेगे़ॽ’ मे़त्तुङ्ङिल्ले़ पेःक्, हे़क्क्याङ् वेॽ थक्सुबान् ‘फे़रे़ॽ’ मे़त्तुङ्ङिल्ले़ फे़न्॥ हे़क्केलॽरिक्के आयोःक्पे़न् ‘कन् चोगे़ॽ’ मे़त्तुङ्ङिल्ले़ चोगुॽरो॥” |
| 25296 | LUK 7:32 | खे़ङ्हाॽग पाङ्जुम्मो के़वाॽबा हिन्जाॽबित्छा कुइसिःक् मे़जोःक्लो॥ खे़ङ्हाॽ अक्खेलॽरिक् मे़मे़त्छिङ्, ‘आनिगे़ मुॽफ्रामा हिप्मना, कर खिनिॽ के़न्लाःक्खिन्॥ आनिगे़ मेरिङ् थक्मना, कर खिनिॽ के़न्हाबिन्॥’ |
| 25298 | LUK 7:34 | मे़न्छाम्साःन् चर थुङुर त्ये़, हे़क्क्याङ् ‘खे़न् तःक्थे़ःक्के़हाॽ, थिःमसाङ्हाॽ, एःङ्याङ् के़भोःङ्बाहाॽ नु लायोबाहाॽरे़ खुनिॽ तेःङ्बारो’ के़मे़त्तुम्लो॥ |
| 25443 | LUK 10:11 | ‘आनिगे़ लाङ्ङो खिप्तुआङ्के़बप्पा खिनिॽ पाङ्जुम्मोबा खाम्हिःक्हाॽ खिनिॽ तक्ले़ङ्वाओ आनिगे़ थाप्सुम्बे़रो॥ हे़क्केसाङ् निङ्वाॽफुहाङ्जुम्मिन् खिनिॽ निःत्ताङ् त्ये़आङ् वाॽ के़लॽबा कुसिङ् निःत्ते़म्मे़ॽओ॥ |
| 25467 | LUK 10:35 | कुदाःन्दिक्मा खे़न् सामारिःल्ले़ चे़याङ्धोःक् दाङ्बान् ने़त्छि युप्पायाङ् पिरुआङ् मे़त्तु, ‘कन् मनाःन् नुःरिक्काङ् कम्ब्राङ् मे़त्ते़ॽओ, इङ्गाॽ नुःङ्ङा ताआल्ले़ कन्नाङ्धो के़लाःप्पा याङ्ङिन् हुङुङ् पिने़रो॥’” |
| 25523 | LUK 11:49 | खे़ल्ले़ चोगुल्ले़ निङ्वाॽफुमाङ्ङिल्ले़न् सिक्कुम्दिङ् कुनिङ्वाॽइल्ले़ अक्खे पाःत्तुआङ् पत्, ‘खिनिॽओ इङ्गाॽ माङ्निङ्वाॽपाःन् के़बाःप्पाहाॽ नु सेःक्युक्मिबाहाॽ पाङ्घुङ्सिङ्, कर खिनिॽ कुभा के़से़रुम्सिम्, कुभा निङ्घुम् के़मे़त्तुम्सिम्॥’ |
| 25612 | LUK 13:25 | हे़क्क्याङ् हिम्दाङ्बाल्ले़ लाम्धेःप्पे़न्सुबुॽ॥ हे़क्केःल्ले़ खिनिॽ लाःक्कात्लाम् लाम्धेःप्पे़न्के़हिप्तुम्ल के़मे़त्तुम्, ‘आनिगे़ लागिआङ् लाम्धेःप्पे़न्हन्दे़ आबिरे़ना!’ कर खुने़ॽ अक्खेलॽरिक् नोगप् के़बिरिॽ, ‘खिनिॽ आत्तोलाम् के़द्ये़ॽइबे? इङ्गाॽ कुसिङ् मे़निःत्निङ्ङिन्लो॥’” |
| 25631 | LUK 14:9 | खे़न् हिम्दाङ्बान् ताआङ् ‘खे़ने़ॽ कन् युक्नाःन् खुने़ॽ ले़रे़बिरे़ॽआङ् यो खाम्लोओ युङे़ॽओ’ के़मे़त्ने़ फाॽग्र के़नाधारो॥ |
| 25632 | LUK 14:10 | खे़ल्ले़ कुले़क्वा तरे के़म्उःत्ने़ फाॽग्र खे़ने़ॽ यो खाम्लोओ युङ्सिङ्ङे़ॽओ॥ हे़क्केलॽरिक् हिम्दाङ्बे़न् ताआङ् ‘मे़ःन् आदाङ्बे, खे़ने़ॽ थो तुम्म्याङ्हाङ् युक्नाओ युङे़ॽओ’ के़मे़त्ने़ फाॽग्र खे़ॽयो खिरि के़वाॽबा तरेबाहाॽरे़ खुनिॽ तगि खे़ने़ॽ के़मिङ्सो पोःरो॥ |
| 25643 | LUK 14:21 | हे़क्क्याङ् सेवारोबाल्ले़ पेआङ् कुन्दाङ्बान् बा हे़क्के खे़न् पाःन्निन् मे़त्तु॥ हे़क्केःल्ले़ खे़न् मनाःल्ले़ साॽरिक् कुसिक् पोगे़आङ् खे़न् कुसेवारोबान् मे़त्तु, ‘हारा पेगे़ॽआङ् पाङ्जुम्मोबा लाम् लाम् के़वाॽबा याङ्गे़साॽबाहाॽ, के़दुक्पाहाॽ, लाङ्सक्पाहाॽ नु मिक्फःम्बाहाॽ उःत्ते़ तारे़से़ॽ॥’ |
| 25651 | LUK 14:29 | मे़ःन्ने़ फाॽग्र हिम् पाङ्यक् ने़माग सुक्तु, कर खे़न् चोःक्मा सुःप्मा मे़सुक्तुन्लो॥ हे़क्क्याङ् कन् के़निःबा के़घे़म्बा मनाहाॽरे़ खे़न् अक्खे मे़मे़त्तुर किनाःन्दि मे़बिरुरो, ‘खे़ने़ॽ हेःक्माग के़हेःक्तु, कर सुःप्मा के़न्छुक्तुन्लो!’ |
| 25679 | LUK 15:22 | कर कुम्बारे़ खे़प्मो के़वाॽबा कुसेवारोबाहाॽ मे़त्तुसि, ‘हारा पेगे़म्मे़ॽआङ् कन् आस्साः फोॽबान् काक्नुःल्ले़ नुःबा तेःत्तिन् फे़त्ते़म्मे़ॽआङ् चाक्ते़म्मे़ॽ, कुहुक्चोओ स्वागे़प् वाःत्ते़म्मे़ॽ, हे़क्क्याङ् कुलाङ्ङो लाङ्सुःप् चाक्ते़म्मे़ॽओ॥ |
| 25684 | LUK 15:27 | हे़क्क्याङ् खे़न् सेवारोबाल्ले़आङ् नोगप् पिरु, ‘खे़ने़ॽ के़न्साॽ फोॽबे़न् थेआङ् मे़म्बोःङ्ङे नुःरिक्काङ्नुःक्खे़ त्ये़आङ्वाॽ, खे़ल्ले़ चोगुल्ले़ के़म्बारे़ चालुप्मनाबा थक्साधिक् से़प्मा पाङ्घुसिआङ् कप्मो चामुक् थिमुक् से़ःसुबारो॥’ |
| 25688 | LUK 15:31 | हे़क्केःल्ले़ कुम्बारे़ कुस्साःन् मे़त्तु, ‘आमिःम् आस्साःए, खे़ने़ॽग सदादिङ् इङ्गाॽनुए के़वाॽरो, हे़क्क्याङ् इङ्गाॽ कत्तुङ्बा काक् आयाङ्साकुन्धेहाॽ खे़ने़ॽइन्नेरो॥ |
| 25691 | LUK 16:2 | हे़क्क्याङ् कुन्दाङ्बाल्ले़ खे़न् खाराःत् के़युङ्बान् उःत्तुआङ् मे़त्तु, ‘खे़ने़ॽ के़याःम्बेओ फे़न् पाःन्हाॽ खे़प्सुङ्ल पत्तारो॥ खे़ने़ॽ के़युक्खुबा खाराःत्तिन् काक् ओसेःन्धाक्ताङ्ङे़ॽ, थेआङ्भे़ल्ले़ आल्लआङ्धो खे़ने़ॽ खाराःत् युङ्मा याःम्बक्किन् के़ङ्घोःसुन्लो॥’ |
| 25694 | LUK 16:5 | हे़क्केःल्ले़ खे़ल्ले़ कुन्दाङ्बे़ल्ले़ कुसिङ्नाःत् के़बप्पा मनाहाॽ थिक् थिक् लॽरिक् उःत्तुसि, हे़क्क्याङ् थिक्सिगेःक्पे़न्सेःन्दोसु, ‘खे़ने़ॽ आक्खे़म्म्याक् आन्दाङ्बाल्ले़ कुसिङ्नाःत् के़बप्पे?’ |
| 25696 | LUK 16:7 | खे़न् खाराःत् के़युङ्बाल्ले़ वेॽस्मा मनाःन् सेःन्दोसु, ‘खे़ने़ॽ आक्खे़म्म्याक् सिङ्नाःत् के़बत्?’ खे़ल्ले़ नोगप् पिरु, ‘इङ्गाॽग फोलक् हे़न्छिङ् (१०००) सिः सिङ्नाःत् हुङ्मा कत्तुङ्लो॥’ हे़क्क्याङ् खे़न् मनाःल्ले़ खे़न् मे़त्तु, ‘खे़ने़ॽ के़दे़म्सक्को हारा हे़न्छिङ्धिक्ले़ कुले़क्वा कुगिप् ये़त्छि (८००) साप्ते़ॽ॥’ |
| 25713 | LUK 16:24 | हे़क्क्याङ् खे़न् याङ्साकुन्धेसाबाल्ले़ अःक्ते़र मे़त्तु, ‘पानुदिङ् आम्बे, इङ्गाॽ लुङ्माॽ तुक्ताङ्ङे़ॽआङ् लाजरसे़न् कॽयो पाङ्घे़ युःसे़ॽओ॥ कुहुक्चोःन् च्वाःत्तो निःप्सुआङ् आल्सोःप्पाल्ले़ कुसम्मो थाःसु पिआनिरो, थेआङ्भे़ल्ले़ कन् मिराःक्को इङ्गाॽ साॽरिक् तुक्खे चाआर याःक्कारो॥’ |
| 25720 | LUK 16:31 | कर अब्राहामरे़ खे़न् नोगप् पिरु, ‘मोसा नु माङ्निङ्वाॽपाःन् के़बाःप्पाहाॽरे़ खुनिॽ साप्पन्हाॽ मे़घे़प्सुआङ् नसाःन् मे़न्जोगुन्ने़ फाॽग्र, कुभा मनाहाॽ के़सिःबोलाम् कुहिङ्वे़त् मे़बोःङ्ङाङ् मे़बेःक्साङ् नसाःन् मे़न्जोगुन्लो॥’” |
| 25727 | LUK 17:7 | “खिनिॽओ हाःत्ले़ के़क्चु के़धोःङ्बा सेवारोबान् इग्र मे़ल्लुक् चागे़राम्बे़न् याःम्बक्कोलाम् नुःङ् ताःल्ले़ ‘हाराॽ फे़रे़ॽआङ् चाजासे़ युङ्सिङ्ङे़ॽ’” के़मे़त्तुम्बे? |
| 25730 | LUK 17:10 | “खिनिॽआङ् मे़प्मनाबा याःम्बक् के़जोगुम् के़सुरुम्ने़ फाॽग्र अक्खे पाःत्ते़म्मे़ॽ, ‘आनिगे़ग कुसुम् मे़न्दम्मनाबा के़सेवारोबासिगे़रो॥ आनिगे़ग के़बाःत्तुबा हे़क्केरक् चोगुम्बे़आङ् वयिगे़रो॥’” |
| 25741 | LUK 17:21 | हाःत्ले़आङ् ‘खे़न् खे़त्ना वाॽ, कत्ना वाॽ’ फाॽआङ् पाःप्मा मे़सुक्तुन्॥ ओमे़त्ते़म्मे़ॽ, निङ्वाॽफुहाङ्जुम्मिङ्ग खिनिॽ लुम्मोए वाॽरो॥” |
| 25865 | LUK 20:17 | ये़सुरे़ खे़ङ्हाॽ अदक्तक्काङ् ओमे़त्तुसिर याम्मो सेःन्दोसुसि, “हे़क्केने़ फाॽग्र कन् साम्योसाप्लाओ साप्ते़बान् थे़माबे? ‘लुङ् के़गाम्बाहाॽरे़ मे़नाॽरुबा लुङ्ङिन् कुम्मालुङ् पोःक्खे़आङ् वाॽरो॥’ |
| 25944 | LUK 22:11 | हे़क्क्याङ् हिम्दाङ्बान् मे़त्ते़छे़ॽ, “आनिगे़ सिक्साम्बाल्ले़ खे़ने़ॽ अक्खे के़मे़त्ते़आङ् के़वाॽरो, ‘तरे युङ्मा याक्फाङ्ङिन् आत्तो ने़बे? खे़प्मो इङ्गाॽ आहुॽसाम्बाहाॽनु यहुदि चोःक्युम्भो तङ्नाम्रे़न्चामा थुङ्मान्चाङ्लो॥’ |
| 25970 | LUK 22:37 | अक्खेलॽरिक् साम्योसाप्लाओ साप्ते़आङ् पत्, ‘खुने़ॽग हाङ्बिफ्युङ्बाहाॽनु मे़दङ्घुरो॥’ कन् पाःन्निन् नु माङ्निङ्वाॽपाःन्नो इङ्गाॽ आमे़न्नो साप्ते़आङ् पप्पा पाःन्हाॽ के़रे़क् इङ्गाॽओ के़त्लो॥” |
| 26128 | JHN 1:15 | युहुन्नाःल्ले़ खुने़ॽ कुयाःम्बेओ मनाहाॽ यम्बा इक्लाःल्ले़ अक्खे मे़त्तुसि, “इङ्गाॽ खुने़ॽ कुयाःम्बेओ अक्खेलॽरिक् पाःत्तुङ्ङाङ् वये़, ‘आएगाङ् के़दाःबाङ्ग इङ्गाॽनुःल्ले़ पयम् यम्बारो, थेआङ्भे़ल्ले़ खुने़ॽ इङ्गाॽनुःल्ले़आङ् तगिसा वये़रो॥’” |
| 26196 | JHN 3:7 | हे़क्केःल्ले़ ‘खे़ने़ॽ याम्मो सागे़वाःन्छिङ्लए पोःङ्’ मे़त्ने़ल्ले़ के़निङ्वाॽ मे़मये़न्ने़ॽओ॥ |
| 26260 | JHN 4:35 | खिनिॽ अक्खेलॽरिक् के़बाःत्तुम्, ‘आल्ल ला लिसि एगाङ् चासुम्मा ये़म्मिन् ताःरो॥’ कर इङ्गाॽ मे़त्निङ्, ‘खिनिॽ मिक् हन्दे़म्मे़ॽआङ् ओमःये़म्मे़ॽ, काक् प्याङ्सिगे़न् इक्ताप्पो चा तुम्से़आङ् चासुम्मा ये़म्मिन् त्ये़ चुरे़आङ् वाॽरो॥’ |
| 26788 | JHN 15:20 | इङ्गाॽ मे़त्निङ्बा आबाःन्हाॽ निङ्वाॽ इःत्ते़म्मे़ॽओ ‘सेवारोबान् कुन्दाङ्बान्नुःल्ले़ यम्बा मे़ःन्लो॥’ खे़ङ्हाॽरे़ इङ्गाॽए तुक्खे मे़जाःत्ताङ्ङिल्ले़ खिनिॽआङ् तुक्खे के़म्जाःत्तिॽरो॥ खे़ङ्हाॽरे़ इङ्गाॽ आनिसाम्मिन् मे़इःत्तु मे़नाःत्तुआङ् वये़ल्ले़ग खिनिॽ निसाम्मिन्नाङ् मे़इःत्तु मे़नाःत्तुॽरो॥ |
| 27043 | ACT 2:25 | दाउद हाङ्ङिल्ले़ खुने़ॽ कुयाःम्बेओ अक्खेलॽरिक् साप्तुआङ् पत्, ‘सदादिङ् इङ्गाॽ आन्दाङ्बे़ङ्ग आदगाङ् निःसुङ्लो॥ खुने़ॽ आजुप्साङ् ले़प्माङ् वाॽबाल्ले़ चोगुल्ले़ इङ्गाॽ मे़गिआन्लो॥ |
| 27049 | ACT 2:31 | हे़क्क्याङ् दाउदरे़ तगिनुसा ताःन्दि थे पोःङ् के़लॽबान् निःसुआङ् निङ्वाॽफुमाङ्ङिल्ले़ सेःन्दुबा ख्रिस्तरे़ कुसिःमे़न्लाम्याम्मो हिङ्मारे़ कुयाःम्बेओ अक्खे पाःत्तुरो, ‘खुने़ॽग खे़मायङ्सङ्ङो पक्मे़धाने़न्, हे़क्क्याङ् खुने़ॽ नासिङ्गे़न् कुधक्किन्नाङ् मे़गिने़न्लो॥’ |
| 27052 | ACT 2:34 | दाउद हाङ्ङिङ्ग साङ्ग्राम्पेदाङ् थाःङ् मे़बेने़न्छाङ् खुने़ॽग आबाङे अक्खे पाःत्तु, यहवे दाङ्बाल्ले़ आन्दाङ्बान् अक्खे मे़त्तु, ‘खे़ने़ॽ के़निङ्मिहाॽ मे़नाःन्दुङ्सिङ्ङिल्ल थारिक् आजुप्साङ् ले़प्माङ् युङे़ॽओ॥’ |
| 27090 | ACT 3:25 | हे़क्क्याङ् निङ्वाॽफुमाङ्ङिल्ले़ खिनिॽ पाधे़बाहाॽनु चोगुबा माङ्हुप्पिन् खिनिॽआङ् के़घोःसुम्माङ् के़वयिॽरो॥ खुने़ॽ अब्राहाम्मिन्अक्खे मे़त्तु, ‘खे़ने़ॽ के़मुॽइदाङ्सालाम्मे इक्सादिङ् खाम्बेःक्मोबा काक् सुवाङ्गे़न्सयङ्हाॽरे़ मुॽइसाम् मे़घोःसुॽरो॥’ |
| 27102 | ACT 4:11 | खुने़ॽ कुमे़न्नो साम्योसाप्लाःल्ले़ अक्खेलॽरिक्पाःत्तुआङ् वाॽ, ‘खिनिॽ लुङ् के़गाम्बाहाॽरे़ के़नाॽरुम्बा लुङ्ङिन् खुने़ॽएरो, कर आल्लो मालुङ् पोःक्खे़रो॥’ |
| 27116 | ACT 4:25 | उन्छेःन् खे़ने़ॽग आनिगे़ ताक्थे़बा दाउदरे़ कुमुराओलाम् खे़ने़ॽ के़सेवारोबाल्ले़ कुमे़न्नो सेसेमाङ्लाम् अक्खे के़बाःत्तुरो– ‘थेआङ् थिम्मे़न्दङ् सुवाङ्हाॽरे़ खुनिॽ सिक्किन् आदक्ले़ङ्वाओ पोःक्पे? हे़क्क्याङ् थेआङ् मे़न्छाम्गे़न् याप्मिहाॽरे़ हने़बा निङ्सेःक् मे़जोगुबे? |
| 27188 | ACT 7:3 | अक्खे मे़त्तुरो, ‘कन् लाजेॽ नु के़गाॽइ सोॽधोःक्हाॽ ले़रे़ध्ये़से़ॽआङ् खे़ने़ॽ ओसेःन्धाक्ने़बा लाजेॽओ पेगे़ॽओ॥’ |
| 27191 | ACT 7:6 | याङ्सि निङ्वाॽफुमाङ्ङिल्ले़ खुने़ॽ अक्खे मे़त्तु, ‘खे़ने़ॽ के़मुॽइदाङ्साहाॽ माःङ्घाबा वेॽ लाजेॽओ मे़युङ्लो॥ खे़प्मोबा लाजेॽसाबाहाॽरे़ ताप्फे़ःल्लिक् मे़मे़त्तुसिआङ् कुगिप् लिसि तङ्बे (४००) थारिक् खुनिॽ साक्के़ल्ले़क्काङ् योःक् मे़जोगुसिॽरो॥ |
| 27212 | ACT 7:27 | कर खे़न् निङ्घुम् के़मे़प्पे़ल्ले़ मोसाःन् थिक्ले़प्माङ् चन्दुर सेःन्दोसु, ‘खे़ने़ॽ हाःत्ले़ आनिगे़ सम्दाङ् हाङ् के़जोःक्पा नु खासे़न्लोःम्बा के़जोगे़आङ् के़वाॽबे? |
| 27218 | ACT 7:33 | हे़क्क्याङ् दाङ्बाल्ले़ मे़त्तु, ‘खे़ने़ॽ के़लाङ्सुःप्हाॽ फे़न्दे़ॽ, थेआङ्भे़ल्ले़ खे़ने़ॽ के़ये़प्पा दे़न्निन् सेसे चोःक्॥’ |
| 27220 | ACT 7:35 | बा कन् मोसाःन् इस्राइलिहाॽरे़ ‘खे़ने़ॽ आनिगे़ सम्दाङ् हाःत्ले़ हाङ् नु खासे़न्लोःम्बा के़सेगे़आङ् के़वाॽबे?’ मे़मे़त्तुर मे़नाॽरुआङ् मे़वये़, कर पोःक्लाओ ओसेःन्गे़धाक्सिङ्बा माङ्लाइङ्बाल्लोलाम् निङ्वाॽफुमाङ्ङिल्ले़ खुने़ॽए हाङ् के़जोःक्पा नु ताङ्गे़से़ःप्पा चोगुआङ् पाङ्घुरो॥ |
| 27225 | ACT 7:40 | हे़क्केःल्ले़ मोसारे़ कुम्भुॽ हारुन्निन् खे़ङ्हाॽरे़ अक्खे मे़मे़त्तु, ‘आनिगे़ लागि याप्मि लाम् के़लोःबा माङ्हाॽ चोगे़ आबिरे़ॽ॥ मिस्रलाम् याप्मि के़लःप्पा कन् मोसाःन् थे पोःक्खे़ फाॽआङ् आनिगे़ मे़निःसुम्बे़न्लो॥’ |
| 27389 | ACT 11:13 | खुने़ॽआङ् आक्खेलॽरिक् माङ्लाइङ्बान् कुहिम्मो त्ये़आङ् खुने़ॽ मे़त्तुबान् याप्मि चे़क्ते़, ‘कुभा मनाहाॽ जोप्पाओ सिमोन पत्रुसरे़ कुलाःसे़ पाङ्से़से़ॽओ॥ |
| 27453 | ACT 13:22 | हे़क्क्याङ् निङ्वाॽफुमाङ्ङिल्ले़ खुने़ॽ हाङ्युक्लाम् खे़त्तुआङ् दाउदे़न् हाङ् चोगुरो॥ हे़क्क्याङ् निङ्वाॽफुमाङ्ङिल्ले़ पाःत्तु, ‘यिसैरे़ कुस्साः दाउदे़ङ्ग आनिङ्वाॽ हे़क्के याःम्बक् के़जोःक्पा आसिराॽ के़धाङ्बा मनारो॥’ |
| 27464 | ACT 13:33 | निङ्वाॽफुमाङ्ङिल्ले़ ये़सुःन् सिःमे़न्लाम् याम्मो हिङ्घुआङ् माङ्हे़क्किन्आनिॽ कुमुॽइदाङ्साहाॽरो के़त्तुरो॥ कन् निसिगेःक्पा निङ्वाॽफुसाम्लो सुम्मो निङ्वाॽफुमाङ्ङिल्ले़ ये़सुःन् अक्खे मे़त्तुआङ् वाॽरो, ‘खे़ने़ॽग आस्साःने़रो, इङ्गाॽ से़क्खाए के़म्बाआ फाॽआङ् ओसेःन्दाङ्चोगुङ्ङाङ् वाॽरो॥’ |
| 27465 | ACT 13:34 | निङ्वाॽफुमाङ्ङिल्ले़ खुने़ॽ सिःमे़न्लाम् फोःक्खुल्ले़ याम्मो आप्फाल्ले़आङ् सिःमा मे़बोःङ्ने़न्ल फाॽआङ् साम्योसाप्लाओ अक्खेलॽरिक् पाःत्तुआङ् वाॽ– ‘आइन् खिनिॽग इङ्गाॽ सेसे नु निस्सेए दाउदे़न्नु माङ्हुप् चोगुङ्बा मुॽइसाम्मिन् पिनिङ्ङाङ् वाॽआरो॥’ |
| 27466 | ACT 13:35 | हे़क्क्याङ् वेॽस्मा ते़न्नोआङ् खुने़ॽ पाःत्तुआङ् वाॽ, ‘खे़ने़ॽग सेसे के़सेवारोबाल्ले़ कुधक्किन् किःमा यःप्मा के़म्बाङ्घुन्लो॥’ |
| 27478 | ACT 13:47 | थेआङ्भे़ल्ले़ दाङ्बाल्ले़ अक्खेलॽरिक् साम्योसाप्लाओ इङ्जाःङ् याप्मि पिरिगे़आङ् वाॽरो, ‘खिनिॽग इक्सादिङ् खाम्बेःक्माल्ले़ कुनुप्मो थारिक् से़न्लप्पिल्ले़न्सुनाइङ्ङिन् तेॽमा फाॽआङ् इङ्गाॽ थिम्मे़न्दङ् सुवाङ्हाॽरे़ लागि ओःत्ति कुइसिःक् चोःक्निङ्ङाङ् वाॽआरो॥’” |
| 27527 | ACT 15:16 | ‘कन् एगाङ् इङ्गाॽ नुःङ्ङारो, हे़क्क्याङ् नुबे़बा दाउदरे़ कुहाङ्जुम्मिन् इङ्गाॽ याम्मो चोगुङ्लो॥ इङ्गाॽ के़यःबा लुङ्धाक्हाॽ से़त्तुङ्लो॥ याम्मो चोगुङ्ङाङ् ये़प्सुङ्लो॥ |
| 27599 | ACT 17:7 | ये़सोनरे़ खे़ङ्हाॽ कुहिम्मो लाङ्दाःक्मा पिरुसिआङ् वाॽ॥ खे़ङ्हाॽरे़ग ‘ये़सु मे़प्मनाबा आनिॽ वेॽ हाङ् वाॽ’ मे़बाःत्तुर रोमि पयम् हाङ्ङिल्ले़ कुइङ्जाःङ्ङिल्ले़ कुदक्ले़ङ्वाओ याःम्बक् मे़जोःक्लो॥” |
| 27620 | ACT 17:28 | मनाधिक्ले़ अक्खे पाःत्तुआङ् वाॽ, ‘खुने़ॽ चोगुल्ले़ए आनिॽ आहिङ्, लाङ्आघेःक्काङ् हिङ्मन्नो आवाॽरो॥’ खिनिॽ कुभा साम्मिला साम्बाहाॽरे़आङ् अक्खे मे़बाःत्तुआङ् वाॽ, ‘आनिॽआङ् खुने़ॽ कुमुॽइदाङ्सासिरो॥’ |
| 27743 | ACT 21:11 | खे़न् आनिगे़ वयिगे़बाओ त्ये़आङ् पावलरे़ कुभॽइःन् फाःक्खुआङ् आबाङे कुलाङ् कुहुक्को इघेःङ्सिङ्ल अक्खेलॽरिक् पाःत्तु, “सेसेमाङ्ङिल्ले़ अक्खे पाःत्तुॽ, ‘कन् फॽइ दाङ्बान् यरुसले़म्मो यहुदि लाम्लोःबाहाॽरे़ मे़दे़म्सुआङ् अक्खेलॽरिक् इमे़घेःक्खु, हे़क्क्याङ् थिम्मे़न्दङ् सुवाङ्हाॽरे़ खुनिॽ हुक्को हुक्मे़सुप्तुॽ॥’” |
| 27780 | ACT 22:8 | हे़क्क्याङ् इङ्गाॽआङ् सेःन्दोसुङ् ‘खे़ने़ॽग हाःत्ने़बे, आदाङ्बे?’ हे़क्केःल्ले़ खुने़ॽ नोगप् पिराङ्, ‘इङ्गाॽग तुक्खे के़जाःत्तुर के़वाॽबा नासरतबा ये़सुआरो॥’ |
| 27782 | ACT 22:10 | इङ्गाॽ याम्मो सेःन्दोसुङ्, ‘आदाङ्बे, आल्ल इङ्गाॽ थे चोगुङ्बाबे?’ हे़क्क्याङ् दाङ्बाल्ले़ मे़त्ताङ्, ‘पोगे़ॽआङ् दमस्कसओ पेगे़ॽ॥ खे़प्मो खे़ने़ॽ चोःक्मा के़बोःङ्बा पाःन्हाॽ कुभारे़ के़म्मे़त्लो॥’ |
| 27785 | ACT 22:13 | खुने़ॽ इङ्गाॽ वयाङ्बा ते़न्नो त्ये़आङ् अक्खे मे़त्ताङ्, ‘नुसाॽ सावलए, आल्लो खे़ने़ॽ याम्मो निःमा के़सुक्पा पोःक्खे़ॽओ,’ हे़क्क्याङ् इङ्गाॽ खिमो खुने़ॽ निःमा सुक्तुङ्लो॥ |
| 27786 | ACT 22:14 | खे़ल्ले़ मे़त्ताङ्, ‘खे़ने़ॽग आनिॽ सुधे़बा ताक्थे़बाहाॽरे़ खुनिॽ निङ्वाॽफुमाङ्ङिल्ले़ कुनिङ्वाॽ कुसिङ्निःप्मा, साम्योनिबा कुमना ये़सुःन् निःमा हे़क्क्याङ् खुने़ॽ पाःत्तुबा पाःन् खे़म्मा फाॽआङ् के़सेगे़आङ् के़वाॽरो॥ |
| 27790 | ACT 22:18 | खे़प्मो दाङ्बाल्ले़ इङ्गाॽ अक्खे मे़त्ताङ्लो, ‘यरुसले़मलाम् हारा लाःक्कात् लःन्दे़ पेगे़ॽ, थेआङ्भे़ल्ले़ कप्मोबा मनाहाॽरे़ इङ्गाॽ आयाःम्बेओ खे़ने़ॽ के़बिरुबा तोःन्दिन् मे़न्दाःक्तुन्लो॥’ |
| 27807 | ACT 23:5 | पावलरे़ नोगप् पिरु, “आम्भुॽ आन्साॽसे, खुने़ॽग मानिङ्वाॽफुसाम्बा फाॽआङ् इङ्गाॽ मे़न्निःबे़न्लो॥ साम्योसाप्लाओग अक्खे साप्ते़आङ् पत्, ‘खिनिॽ लाम्लोःबाल्ले़ कुदक्ले़ङ्वाओ फे़न् पाःन् मे़बारे़म्मिन्ने़ॽओ॥’” |
| 27817 | ACT 23:15 | खे़ल्ले़ चोगुल्ले़ आल्ल खिनिॽ नु ये़जुम्भोःन् तङ्ङासिम्मे़ॽआङ् रोमि थक्तुम्बे़ल्लो पेगे़म्मे़ॽ, हे़क्क्याङ् ‘खे़न् पावले़न् चुम्लुङ्ङो युरे़ॽ’ मे़त्ते़म्मे़ॽ फाॽआङ् पेलि फाक्कासिगे़रो॥ खे़ल्ले़ कुयाःम्बेओ चुम्लुङ्ङिल्ले़ यरिक् पाःन्हाॽ कुसिङ् निःप्मा वाॽरो लॽरिक् पाःन् चोगे़म्मे़ॽओ॥ कर खुने़ॽ कप्मो मे़युरुर मे़बत्तिल्ले़ लाम्मोसा आनिगे़ से़रुम्बे़ॽरो॥” |