| 23493 | MAT 10:7 | खिनिॽ के़बेगिल्ले़ कन् सुनाइङ्ङिन् से़ःसे़म्मे़ॽओ–‘साङ्ग्राम्पेदाङ्बा हाङ्जुम्मिन् निःत्ताङ्ङे वाॽ॥’ |
| 23623 | MAT 13:15 | थेआङ्भे़ल्ले़ कन् मनाहाॽरे़ खुनिॽ खासिङ्ङिन्के़धुङ्बा पोःक्खे़आङ् वाॽ॥ खे़ङ्हाॽरे़ खुनिॽ ने़क्खोॽबान् थाक्ते़आङ् वाॽ, हे़क्क्याङ् खुनिॽ मिक्किन् इम्मे़मे़त्तुआङ् वाॽ॥ मे़ःन्ने़ फाॽग्र खे़ङ्हाॽरे़ खुनिॽ ने़क्खोॽबाल्ले़ मे़घे़प्सुबा नु मिक्किल्ले़ मे़निःसुबामे़न्, हे़क्क्याङ् खुनिॽ सिक्लुङ्माओ कुसिङ् मे़निःत्तुआङ् इङ्गाॽ ले़प्माङ् मे़नुःक्खे़बामे़न्, हे़क्क्याङ् इङ्गाॽ खे़ङ्हाॽ वेःन्दुङ्सिङ्मे़न्फाॽआङ् निङ्वाॽफुमाङ्ङिल्ले़ पाःत्तुरो॥’ |
| 23636 | MAT 13:28 | खुने़ॽ नोगप् पिरुसि, ‘खे़ङ्ग निङ्मिःल्ले़ हे़क्के चोगुबारो॥’ सेवारोबाहाॽरे़ खुने़ॽ याम्मो सेःन्मे़दोसु, ‘खे़न् माले़ःन्दोहाॽ आःक्खुम्देःसुम्बे़ लॽरिक् निङ्वाॽ के़इःत्तुबि?’ |
| 23822 | MAT 18:26 | कर खे़न् सेवारोबान् हाङ्ङिल्ले़ कुदगि थुङ्बोहजॽ युङ्सिङ्ङाङ् पेलि फाक्तु, ‘आदाङ्बे, इङ्गाॽ नासि थःत्ताङ्ङे़ॽआङ्कुभा ये़म् थारिक् हाङ्घाङ्ङे़ॽओ! इङ्गाॽ के़याङ्ङिन् के़रे़क् हुङुङ् पिने़रो॥’ |
| 23824 | MAT 18:28 | हे़क्क्याङ् खे़न् सेवारोबान् लाःक्कात् लःन्दे़ल्ले़ किप्थिक् युप्पा याङ्इत्छि कुसिङ्नाःत् के़बप्पा कुन्जुम् सेवारोबान् तुमु॥ हे़क्क्याङ् खे़ल्ले़ खे़न् कुन्जुम् सेवारोबान् फत्तुर कुसित्लाःन् यॽरुआङ् अक्खे मे़त्तु, ‘इङ्गाॽओनु के़देॽरुबा सिङ्नाःत्तिन् आल्लोसा हुङे़ॽ॥’ |
| 23835 | MAT 19:4 | ये़सुरे़ मे़त्तुसि, “मे़ःम्बे़! साम्योसाप्लाओ के़बप्पा पाःन्निन् खिनिॽ मे़न्निःत्ते के़वयिॽबि? चइःत्दाङ्बाल्ले़ कुहेःक्सिङ्मोए ‘खे़ङ्हाॽ ये़म्बित्छाॽ नु मे़न्छुमाॽ चोगुसिरो॥’ |
| 23869 | MAT 20:8 | हे़क्क्याङ् युःन्छिक् पोःक्खे़ल्ले़ खे़न् चे़ल्ले़क्सेॽ इक्दाङ्बाल्ले़ खे़न् याःलिक् के़भम्बान् उःत्तुआङ् मे़त्तु, ‘के़रे़क्याःलिक्हाॽ उःत्ते़से़ॽआङ् के़रे़क्नुःल्ले़ एगाङ् याःम्बक्को के़भन्छिङ्बाहाॽओलाम् के़रे़क्नुःल्ले़ तगि याःम्बक्को के़भन्छिङ्बाहाॽरे़ खुनिॽ नाम्याक्किन् हाःत्ते़से़ॽओ॥’ |
| 23873 | MAT 20:12 | खे़न् मनाहाॽरे़ खुने़ॽ मे़मे़त्तु, ‘कन् एगाङ् के़साङुसिबाहाॽरे़ग कुमुक् थिक्लक् याःम्बक् मे़जोगु॥ आनिगे़ ले़न्दिक् खाराक् नाम्से़ःक्माओ याःम्बक् चोगुम्बे़साङ् खे़ङ्हाॽनु कुदङ्बा याप्मि के़जोगे़रो॥’ |
| 23923 | MAT 21:28 | याम्मो ये़सुरे़ खे़न् तुम्निङ्वाॽफुसाम्बाहाॽ नु यहुदि लाम्लोःबाहाॽ मे़त्तुसि, “खिनिॽ खे़दाॽधिक् मे़त्निङ्, हे़क्क्याङ् खे़ल्ले़ कुयाःम्बेओ थे के़इःत्तुम् आमे़त्ते़म्मे़ॽओ॥ लत्छा मनाधिक् वये़, खे़ल्ले़ ने़प्फु कुस्साः ये़म्बित्छाॽहाॽ वये़त्छि॥ खे़न् मनाःन् कुस्साः तुम्बाल्लो पेआङ् मे़त्तु, ‘आस्साःए, पेगे़ॽआङ् चे़ल्ले़क्सेॽ इक्को याःम्बक् चोगे़ॽओ॥’ |
| 23978 | MAT 22:37 | ये़सुरे़ नोगप् पिरु, “‘के़न्दाङ्बा निङ्वाॽफुमाङ्ङिन् के़रे़क् के़सिक्लुङ्माल्ले़, के़रे़क् के़सक्मासाम्मिल्ले़, हे़क्क्याङ् के़रे़क् के़निङ्वाॽइल्ले़ मिःम्जि मे़त्ते़ॽओ॥’ |
| 23985 | MAT 22:44 | ‘यहवे दाङ्बाल्ले़ इङ्गाॽ आन्दाङ्बान् अक्खे मे़त्तु, के़निङ्मिहाॽ के़युक्को इङ्गाॽ मे़न्दाःत्छिङ्ङे थारिक् आजुप्साङ् ले़प्माङ् खे़ने़ॽ युङे़ॽओ॥’ |
| 24017 | MAT 23:30 | हे़क्क्याङ् के़बाःत्तुम्, ‘आनिगे़ सुधे़बा ताक्थे़बाहाॽरे़ खुनिॽ ये़म्मो आनिगे़ वयिगे़ल्ले़ग माङ्निङ्वाॽपाःन् के़बाःप्पाहाॽ से़प्मासि चुम् मे़मे़त्तुम्सिम्बे़म्बा वये़रो॥’ |
| 24085 | MAT 25:8 | खे़न् कुनिसिःक् के़होःप्माहाॽरे़ सिक्कुम्सामा मे़न्छियाॽहाॽ मे़मे़त्तुसि, ‘आनिगे़आङ् कुभा निःङ्गेॽ आबिरे़ॽना, आनिगे़ सेमिःङ्ग सिःमा इःत्ते़रो॥’ |
| 24097 | MAT 25:20 | खे़न् हे़न्छिङ् ङासि साम्म्याङ् याङ्इत्छि के़घोःबा सेवारोबे़ल्ले़ वेॽ हे़न्छिङ् ङासि साम्म्याङ् याङ्इत्छि तारुआङ् अक्खे मे़त्तु, ‘आदाङ्बे, हे़न्छिङ् ङासि साम्म्याङ् याङ्इत्छि के़बिराङ्ङाङ् वये़, कर ओमे़त्ते़ॽओ, इङ्गाॽ वेॽ हे़न्छिङ् ङासि थगुङ् पिने़आङ् वाॽरो॥’ |
| 24099 | MAT 25:22 | हे़क्क्याङ् हे़न्छिङ् ने़त्छि साम्म्याङ् याङ्इत्छि के़घोःबा कुसेवारोबाल्ले़ मे़त्तु, ‘आदाङ्बे, खे़ने़ॽग इङ्गाॽ हे़न्छिङ् ने़त्छि साम्म्याङ् याङ्इत्छि के़बिराङ्ङाङ् वये़, कर ओमे़त्ते़ॽओ, इङ्गाॽ वेॽ हे़न्छिङ् ने़त्छि थगुङ् पिने़आङ् वाॽरो॥’ |
| 24102 | MAT 25:25 | खे़ल्ले़ चोगुल्ले़ इङ्गाॽ किःसाङ्ङाङ् के़याङ्ङिन् तेॽरुङ्ङाङ् खाम्मो चिक्खुङ्॥ ओमे़त्ते़ॽ, खे़ने़ॽ के़याङ्ङिन् खा कप्मो वाॽरो॥’ |
| 24113 | MAT 25:36 | हे़क्क्याङ् इङ्गाॽ तेःप्फुङ् मे़ःन्ने वयाङ्ङिल्ले़ तेःत् याप्मि आगे़बिरि, इङ्गाॽ तुगाङ्ङाङ् वयाङ्ङिल्ले़ याप्मि कम्ब्राङ् आगे़मे़त्ति, हे़क्क्याङ् पुङ्लाहिम्मो मे़साक्ताङ्ङाङ् यागाङ्ङिल्ले़ याप्मि आगे़साॽरिरो॥’ |
| 24117 | MAT 25:40 | हे़क्क्याङ् हाङ्ङिल्ले़ खे़ङ्हाॽ मे़त्तुसि ‘इङ्गाॽ से़क्खाए मे़त्निङ्, कङ्हाॽओ के़वाॽबा आम्भुॽ आन्साॽसिओ लत्छा चुक्पाधिक् च्या के़मे़त्तुम्, खे़न् इङ्गाॽए याप्मि आगे़मे़त्तिबारो॥’ |
| 24154 | MAT 26:31 | खे़प्मो ये़सुरे़ खे़ङ्हाॽ मे़त्तुसि, “आइन् से़न्दिक्सा खिनिॽ के़रे़क्ले़ इङ्गाॽ याप्मि के़ले़रिॽआङ् के़बिगिॽरो॥ थेआङ्भे़ल्ले़ निङ्वाॽफुमाङ्ङिल्ले़ साम्योसाप्लाओ अक्खे पाःत्तुआङ् पत्, ‘इङ्गाॽ मे़ल्लुक्कम्बान् हिप्तुङ्, हे़क्क्याङ् के़रे़क् मे़ल्लुक्हाॽ के़रे़क् पिसाङ् मे़से़रो॥’ |
| 24663 | MRK 10:6 | कर कुहेःक्सिङ्मोए निङ्वाॽफुमाङ्ङिल्ले़ नावागे़न् चइःत् ने़स्सुल्ले़ ‘ये़म्बित्छाॽ नु मे़न्छुमाॽ चोगुसिरो॥’ |
| 24772 | MRK 12:30 | के़न्दाङ्बा निङ्वाॽफुमाङ्ङिन् खे़ने़ॽ के़रे़क् के़सिक्लुङ्माल्ले़ के़रे़क् के़सक्मासाम्मिल्ले़, के़रे़क् के़निङ्वाॽइल्ले़, के़रे़क् के़धुम्मिल्ले़ मिःम्जि मे़त्ते़ॽओ॥’ |
| 24778 | MRK 12:36 | दाउद हाङ्ङिल्ले़ सेसेमाङ्लाम् अक्खे पाःत्तुआङ् वाॽ, ‘यहवे दाङ्बाल्ले़ इङ्गाॽ आन्दाङ्बान् अक्खे मे़त्तु, के़निङ्मिहाॽ के़युक्को इङ्गाॽ मे़न्दाःत्छिङ्ङे थारिक् आजुप्साङ् ले़प्माङ् खे़ने़ॽ युङे़ॽओ॥’ |
| 24850 | MRK 14:27 | खे़प्मो ये़सुरे़ खे़ङ्हाॽ मे़त्तुसि, “खिनिॽ के़रे़क्ले़ इङ्गाॽ याप्मि के़ले़रिॽआङ् के़बिगिॽ, थेआङ्भे़ल्ले़ निङ्वाॽफुमाङ्ङिल्ले़ साम्योसाप्लाओ अक्खे पाःत्तुआङ् पत्, ‘इङ्गाॽ मे़ल्लुक्कम्बान् हिप्तुङ्, हे़क्क्याङ् के़रे़क् मे़ल्लुक्हाॽ के़रे़क् पिसाङ् मे़से़रो॥’ |
| 25441 | LUK 10:9 | के़दुक्पा के़यॽबाहाॽ वेःन्दे़म्सिम्मे़ॽआङ् अक्खे मे़त्ते़म्सिम्मे़ॽ, ‘निङ्वाॽफुहाङ्जुम्मिन् खिनिॽ निःत्ताङ् त्ये़आङ् वाॽरो॥’ |
| 25643 | LUK 14:21 | हे़क्क्याङ् सेवारोबाल्ले़ पेआङ् कुन्दाङ्बान् बा हे़क्के खे़न् पाःन्निन् मे़त्तु॥ हे़क्केःल्ले़ खे़न् मनाःल्ले़ साॽरिक् कुसिक् पोगे़आङ् खे़न् कुसेवारोबान् मे़त्तु, ‘हारा पेगे़ॽआङ् पाङ्जुम्मोबा लाम् लाम् के़वाॽबा याङ्गे़साॽबाहाॽ, के़दुक्पाहाॽ, लाङ्सक्पाहाॽ नु मिक्फःम्बाहाॽ उःत्ते़ तारे़से़ॽ॥’ |
| 25644 | LUK 14:22 | हे़क्क्याङ् खे़न् सेवारोबान्नाङ् पेआङ् बा हे़क्के चोगुआङ् नुःक्खे़ त्ये़आङ् मे़त्तु, ‘आदाङ्बे, खे़ने़ॽ के़बाःत्तुबा हे़क्केए इङ्गाॽ चोगुङ्, आल्लसाङ् यरिक् युङ्मा ते़न्हाॽ ने़रो॥’ |
| 25662 | LUK 15:5 | खुने़ॽ खे़न् के़माबा मे़ल्लुक्किन् खोःसुआङ् कुभक्ताङ्ङो पक्खुर सःत्ल नुःङ् ताःरो॥ हे़क्क्याङ् कुन्देःङ् कुन्जुम्हाॽ नु कुबाङ्भेॽसाबाहाॽ अक्खे मे़त्तुसिरो, ‘हौ! आल्ल आनिॽ सःत्तिरो, थेआङ्भे़ल्ले़ के़माबा आमे़ल्लुक्किन् याम्मो खोःसुङ्ङाङ् वाॽआरो॥’ |
| 25666 | LUK 15:9 | हे़क्क्याङ् खे़ल्ले़ खोःसुआङ् कुन्देःङ् कुन्जुम्हाॽ, कुबाङ्भेॽसाबाहाॽ उःत्तुसिआङ् अक्खे मे़त्तुसि, ‘आल्ल आनिॽ सःत्तिरो, थेआङ्भे़ल्ले़ इङ्गाॽ मासुङ्बा आयाङ्इत्छिःन्इङ्गाॽ खोःसुङ्ङाङ् वाॽआरो॥’ |
| 25681 | LUK 15:24 | थेआङ्भे़ल्ले़ कन् आस्साःन् स्ये़आङ् वये़, कर याम्मो हिङे़॥ खुने़ॽ मये़आङ् वये़, कर याम्मो इङ्गाॽ खोःसुङ्ङाङ् वाॽआरो॥’ हे़क्क्याङ् खे़ङ्हाॽरे़ यम्बा साभाङ्जा से़ःमा मे़हेःक्तुरो॥ |
| 25684 | LUK 15:27 | हे़क्क्याङ् खे़न् सेवारोबाल्ले़आङ् नोगप् पिरु, ‘खे़ने़ॽ के़न्साॽ फोॽबे़न् थेआङ् मे़म्बोःङ्ङे नुःरिक्काङ्नुःक्खे़ त्ये़आङ्वाॽ, खे़ल्ले़ चोगुल्ले़ के़म्बारे़ चालुप्मनाबा थक्साधिक् से़प्मा पाङ्घुसिआङ् कप्मो चामुक् थिमुक् से़ःसुबारो॥’ |
| 25687 | LUK 15:30 | कर कन् के़स्साःल्ले़ खे़ने़ॽ के़याङ्साकुन्धेहाॽ के़त्निमाहाॽनु ए़ःत्ले़ले़ लॽमाओ के़रे़क् माःन्दु॥ कर खुने़ॽ नुःक्खे़ त्ये़ःल्ले़ खे़ने़ॽ चालुप्मनाबा थक्साधिक् के़से़रुआङ् चामुक् थिमुक् के़से़ःसुरो॥’ |
| 25693 | LUK 16:4 | कर कन् खाराःत् युङ्मा याःम्बक्कोलाम् लःत्ताल्ले़ आक्खेलॽरिक् मनाहाॽरे़ खुनिॽ हिम्मो मे़उःत्ता मे़दाःक्कार फाॽआङ् चोःक्मासि के़लॽबा पाःन्निन् इङ्गाॽ निःन्धो चोगुङ्ङाङ् वाॽआ॥’ |
| 25715 | LUK 16:26 | खे़न्नुःल्ले़आङ् खिनिॽ के़वयिबादे़न्नो आनिगे़ युःमा मे़सुक्तुम्बान्, हे़क्क्याङ् खिनिॽआङ् आनिगे़ वयिगे़बादे़न्नो थाङ्मा के़न्छुक्तुम्मिन्ल फाॽआङ् आनिॽ लुम्मो कुद्रोःम् मे़ःन्नेबा लुम्बाःत् ने़रो॥’ |
| 25717 | LUK 16:28 | खे़प्मो ङासि आम्भुॽ आन्साॽसि मे़वाॽ, हाराॽ खे़ङ्हाॽ कन् तुक्खेवादे़न्नो मे़न्दाःने़न्ल फाॽआङ् साम्दिङ् पिरुसिनिरो॥’ |
| 25769 | LUK 18:12 | इङ्गाॽ ये़त्नाम्ले़ निले़ङ् चाःने़त्तो युङ्ङाॽ, हे़क्क्याङ् इङ्गाॽ खोःसुङ्बा थगुङ्बा के़रे़क्ले़न् थिबोःङ्लक् पिने़रो॥’ |
| 25770 | LUK 18:13 | कर खे़न् एःङ्याङ् के़भोःङ्बे़ङ्ग माःङ्घा ये़म्सिङ्ङाङ् साङ्ग्राम्पेदाङ् ले़प्माङ्ङाङ् ओमे़म्मए कुसङ्बे़न् हिप्तुर हाबे़र अक्खे पाःत्तु, ‘निङ्वाॽफुमाङ्ङे, इङ्गाॽ लुङ्माॽ तुक्ताङ्ङे़ॽओ, इङ्गाॽग लायोबाआरो॥’ |
| 25861 | LUK 20:13 | आल्ल चे़ल्ले़क्सेॽ इक्के़ल्ले़ कुन्दाङ्बान् निङ्वाॽ इःत्छिङ्, ‘इङ्गाॽ थे चोगुङ्बाबे? आल्ल इङ्गाॽ लुङ्माॽ तुक्तुङ्बा आस्साःन् पाङ्घुङ्॥ खुने़ॽ मे़निःसुआङ्ग कुना मे़साॽरुबिला॥’ |
| 25865 | LUK 20:17 | ये़सुरे़ खे़ङ्हाॽ अदक्तक्काङ् ओमे़त्तुसिर याम्मो सेःन्दोसुसि, “हे़क्केने़ फाॽग्र कन् साम्योसाप्लाओ साप्ते़बान् थे़माबे? ‘लुङ् के़गाम्बाहाॽरे़ मे़नाॽरुबा लुङ्ङिन् कुम्मालुङ् पोःक्खे़आङ् वाॽरो॥’ |
| 25890 | LUK 20:42 | थेआङ्भे़ल्ले़ निङ्वाॽफुसाम्लो सुम्मो दाउदरे़ आबाङे अक्खे पाःत्तुआङ् पत्, “यहवे दाङ्बाल्ले़ इङ्गाॽ आदाङ्बान् अक्खे मे़त्तु, ‘के़निङ्मिहाॽ के़युक्को इङ्गाॽ मे़न्दाःत्छिङ्ङे थारिक् आजुप्साङ् ले़प्माङ् खे़ने़ॽ युङे़ॽओ॥’ |
| 26260 | JHN 4:35 | खिनिॽ अक्खेलॽरिक् के़बाःत्तुम्, ‘आल्ल ला लिसि एगाङ् चासुम्मा ये़म्मिन् ताःरो॥’ कर इङ्गाॽ मे़त्निङ्, ‘खिनिॽ मिक् हन्दे़म्मे़ॽआङ् ओमःये़म्मे़ॽ, काक् प्याङ्सिगे़न् इक्ताप्पो चा तुम्से़आङ् चासुम्मा ये़म्मिन् त्ये़ चुरे़आङ् वाॽरो॥’ |
| 27012 | ACT 1:20 | पत्रुसरे़ पाःत्तु, “अक्खेलॽरिक् कन् पाःन्निन् साप्पन्नो साप्ते़आङ् पत्, ‘खे़ल्ले़ कुहिम्धाःङ्हाॽ कुघाले़म् पोःङ्लरो॥’ हे़क्क्याङ् ‘खे़प्मो के़युङ्बा हाःत्ताङ् मे़होःप्लरो॥’ हे़क्क्याङ् ‘माङ्सेवा चोःक्मा कुलक्किन्वेॽ मनाःल्ले़ खोःसुररो॥’ |
| 27052 | ACT 2:34 | दाउद हाङ्ङिङ्ग साङ्ग्राम्पेदाङ् थाःङ् मे़बेने़न्छाङ् खुने़ॽग आबाङे अक्खे पाःत्तु, यहवे दाङ्बाल्ले़ आन्दाङ्बान् अक्खे मे़त्तु, ‘खे़ने़ॽ के़निङ्मिहाॽ मे़नाःन्दुङ्सिङ्ङिल्ल थारिक् आजुप्साङ् ले़प्माङ् युङे़ॽओ॥’ |
| 27090 | ACT 3:25 | हे़क्क्याङ् निङ्वाॽफुमाङ्ङिल्ले़ खिनिॽ पाधे़बाहाॽनु चोगुबा माङ्हुप्पिन् खिनिॽआङ् के़घोःसुम्माङ् के़वयिॽरो॥ खुने़ॽ अब्राहाम्मिन्अक्खे मे़त्तु, ‘खे़ने़ॽ के़मुॽइदाङ्सालाम्मे इक्सादिङ् खाम्बेःक्मोबा काक् सुवाङ्गे़न्सयङ्हाॽरे़ मुॽइसाम् मे़घोःसुॽरो॥’ |
| 27188 | ACT 7:3 | अक्खे मे़त्तुरो, ‘कन् लाजेॽ नु के़गाॽइ सोॽधोःक्हाॽ ले़रे़ध्ये़से़ॽआङ् खे़ने़ॽ ओसेःन्धाक्ने़बा लाजेॽओ पेगे़ॽओ॥’ |
| 27218 | ACT 7:33 | हे़क्क्याङ् दाङ्बाल्ले़ मे़त्तु, ‘खे़ने़ॽ के़लाङ्सुःप्हाॽ फे़न्दे़ॽ, थेआङ्भे़ल्ले़ खे़ने़ॽ के़ये़प्पा दे़न्निन् सेसे चोःक्॥’ |
| 27360 | ACT 10:32 | हे़क्केःल्ले़ जोप्पाओ सिमोन पत्रुस मे़प्मनाबा मनाःल्ले़ कुलाःसे़ मनाहाॽ पाङ्घे़से़ॽओ॥ खुने़ॽग से़होबा याःम्बक् के़जोःक्पा सिमोनरे़ कुहिम्मो याःक्ते़आङ् वाॽ॥ खे़न् हिम्मिन् वाहङ्ङिल्ले़ कुयाओ ने़रो॥’ |
| 27383 | ACT 11:7 | ताङ्साक्पोलाम् इक्लाधिक् खे़प्सुङ्, ‘पत्रुसे, पोगे़ॽ! से़रे़से़ॽआङ् चे़ॽओ॥’ |
| 27384 | ACT 11:8 | कर इङ्गाॽ नोगप् पिरुङ्, ‘से़क्खासाङ् अक्तङ्बाग इङ्गाॽ मे़जाआन्लो॥ आल्लो थारिक् निङ्वाॽफुमाङ्ङिल्ले़ मे़दाःक्तुम्बा चा थेआङ् मे़न्जाए वाॽआरो॥’ |
| 27388 | ACT 11:12 | सेसेमाङ्ङिल्ले़आङ् मे़त्ताङ्, ‘थिम्मे़न्दङ् सुवाङ्सिसाङ् चप्चि मे़न्जोःक्के खे़ङ्हाॽनु पेगे़ॽओ॥’ खे़प्मो तुक्सि नसानिबा फुॽनुसाॽहाॽआङ् इङ्गाॽनु सिजरियाओ मे़बे, हे़क्क्याङ् सोरिक् कर्नालियसरे़ कुहिम्मो पेःक्मनारो॥ |
| 27453 | ACT 13:22 | हे़क्क्याङ् निङ्वाॽफुमाङ्ङिल्ले़ खुने़ॽ हाङ्युक्लाम् खे़त्तुआङ् दाउदे़न् हाङ् चोगुरो॥ हे़क्क्याङ् निङ्वाॽफुमाङ्ङिल्ले़ पाःत्तु, ‘यिसैरे़ कुस्साः दाउदे़ङ्ग आनिङ्वाॽ हे़क्के याःम्बक् के़जोःक्पा आसिराॽ के़धाङ्बा मनारो॥’ |
| 27464 | ACT 13:33 | निङ्वाॽफुमाङ्ङिल्ले़ ये़सुःन् सिःमे़न्लाम् याम्मो हिङ्घुआङ् माङ्हे़क्किन्आनिॽ कुमुॽइदाङ्साहाॽरो के़त्तुरो॥ कन् निसिगेःक्पा निङ्वाॽफुसाम्लो सुम्मो निङ्वाॽफुमाङ्ङिल्ले़ ये़सुःन् अक्खे मे़त्तुआङ् वाॽरो, ‘खे़ने़ॽग आस्साःने़रो, इङ्गाॽ से़क्खाए के़म्बाआ फाॽआङ् ओसेःन्दाङ्चोगुङ्ङाङ् वाॽरो॥’ |
| 27465 | ACT 13:34 | निङ्वाॽफुमाङ्ङिल्ले़ खुने़ॽ सिःमे़न्लाम् फोःक्खुल्ले़ याम्मो आप्फाल्ले़आङ् सिःमा मे़बोःङ्ने़न्ल फाॽआङ् साम्योसाप्लाओ अक्खेलॽरिक् पाःत्तुआङ् वाॽ– ‘आइन् खिनिॽग इङ्गाॽ सेसे नु निस्सेए दाउदे़न्नु माङ्हुप् चोगुङ्बा मुॽइसाम्मिन् पिनिङ्ङाङ् वाॽआरो॥’ |
| 27620 | ACT 17:28 | मनाधिक्ले़ अक्खे पाःत्तुआङ् वाॽ, ‘खुने़ॽ चोगुल्ले़ए आनिॽ आहिङ्, लाङ्आघेःक्काङ् हिङ्मन्नो आवाॽरो॥’ खिनिॽ कुभा साम्मिला साम्बाहाॽरे़आङ् अक्खे मे़बाःत्तुआङ् वाॽ, ‘आनिॽआङ् खुने़ॽ कुमुॽइदाङ्सासिरो॥’ |
| 27780 | ACT 22:8 | हे़क्क्याङ् इङ्गाॽआङ् सेःन्दोसुङ् ‘खे़ने़ॽग हाःत्ने़बे, आदाङ्बे?’ हे़क्केःल्ले़ खुने़ॽ नोगप् पिराङ्, ‘इङ्गाॽग तुक्खे के़जाःत्तुर के़वाॽबा नासरतबा ये़सुआरो॥’ |
| 27908 | ACT 26:17 | इङ्गाॽ खे़ने़ॽ के़मनाहाॽ नु थिम्मे़न्दङ् सुवाङ्हाॽ ने़प्जाङ्लाम् ताङ्से़ःप्ने़ॽरो॥ हे़क्क्याङ् खुनिॽ मिक्हाॽ हन्छे़, माक्चिगे़न् खादाम्मोलाम् से़न्दाङ्गे़न् ओःत्तिओ ताःत्छे़ हे़क्क्याङ् माफे़न्साम्मिल्ले़ कुयुक्कोलाम् निङ्वाॽफुमाङ्ङिल्ले़ कुयुक्को ताःत्छे़ खे़ङ्हाॽरो पाङ्ने़ॽरो॥ हे़क्केलॽरिक् खे़ङ्हाॽरे़ इङ्गाॽ नसाःन् मे़जोगाङ्बाल्ले़ चोगुल्ले़ खुनिॽ लायोलाम् ले़प्मि मे़घोःसुॽ, हे़क्क्याङ् निङ्वाॽफुमाङ्ङिल्ले़ आबाङे सेसे चोगुसिबा कुमनाहाॽनु खुनिॽ युङ्दे़न् मे़घोःसुॽरो॥’ |
| 30072 | HEB 3:10 | खे़ल्ले़ चोगुल्ले़ खे़न् थाःक्हाॽनु इङ्गाॽ आसिक् पोगे़आङ् पाःत्तुङ्, ‘खे़ङ्हाॽरे़ खुनिॽ सिक्लुङ्मान् सदादिङ् ताप्पे़ॽरो, हे़क्क्याङ् खे़ङ्हाॽरे़ आलाम्मिन् कुसिङ्मे़न्निःत्ते मे़वाॽरो॥’ |