42	GEN 2:11	Ndia baꞌe kaesan, naꞌde Pison. Baꞌek ndia, ana eo ndule dae Hawila, fo hambu lilo-mbilas noꞌuk,
175	GEN 7:15	Pasan esa-esak neme basa mana masoda kala, ala leni ofak dale leu, lo Noh, sama leo Manetualain palendan neu ndia. Ledoeik basa sala, maso so, boe ma LAMATUAK nggoe ofak ndia lelesun.
241	GEN 10:6	Ham numbu-sadu nala, sila: Kus, Misram, Put, ma Kanaꞌan.
249	GEN 10:14	Patrusim, Kasluhim, ma Kaftorim. Hataholi Kasluhim ndia, na, sila hataholi Filistin asa bei-baꞌi nala.
260	GEN 10:25	Eber ana hambu ana tou-anak dua. Kaꞌak naꞌde Pelek, (fo ndandaan nae, ‘latanggenggelak’), huu faik ndia, hataholi la latanggelak nai daebafok. Faꞌdin, nade Yoktan.
283	GEN 11:16	Eber teun telu hulu haa, boe ma ana hambu ana touanak esa, nade Pelek.
285	GEN 11:18	Pelek teun telu hulu, boe ma ana hambu ana touanak esa, nade Rehu.
286	GEN 11:19	Basa ndia, de Pelek bei ana nasoda seluk teuk natun dua ma sio, ma ana hambu seluk, ana touanak, ma inanak.
343	GEN 14:6	ma hataholi Hori fo manai lete Seir, losa mamana nes El Paran bifin.
534	GEN 21:20	Boe ma, Ismael no inan leo lai mo salaek Paran. Ana inahuu mai, de ana dadik mana kou malelak nalan seli. Basa ndia, boe ma inan nakasasao kana no inana Masir esa. Basa ia la dadi, huu Manetualain no Ismael.
570	GEN 22:22	Boe ma, hambu Kesed, Haso, Pildas, Yidlas, ma Betuel.
679	GEN 25:20	Faik fo Isak ana sao Ribka, Isak teun haa hulu. Ribka aman, Betuel, ma naan, Laban. Sila ndia, hataholi Aram leme Padan Aram mai.
776	GEN 28:2	Tehuu o muni Padan Aram muu, nai baꞌim Betuel uman. O muu sao mala toꞌom Laban ana inanan esa.
779	GEN 28:5	Kokolak basa leo ndia, boe ma Isak mboꞌi Yakob neni Padan Aram neu, neni toꞌon Laban ma baꞌin Betuel uman neu.
780	GEN 28:6	Esau namanene lae Isak fee Yakob babaꞌe-babatik so, ma ana kaꞌin taa bole sao inana Kanaꞌan. Ndia boe oo namanene lae, ndia aman nadenu fadin neu sao toꞌon ana inanan esa, nai Padan Aram.
781	GEN 28:7	Basa de Yakob namanene aman ma inan palendan, de ana laꞌo neni Padan Aram neu.
891	GEN 31:17	Basa ndia, boe ma Yakob mulai nafafaꞌu ndia bua nala. Boe ma, ana nakahehenek ndia sao-ana nala leu basa banda onta la, de ana hoo no basa ndia banda nala, ma ana fua neni bua nala fo ana hambu sala leme Padan Aram, de ana fali neni dae Kanaꞌan neu.
906	GEN 31:32	Tehuu Yakob taa bubuluk, saon Rahel ndia namanaꞌo neni bua dodoki sosonggo kala sila. De, ana nae, “Toꞌo! Soaneu bua dodokik sosonggo kala sila, na, kada sangga sala leo! Mete ma, hambun nai see, na, huku nisan. Palisak basan leo! Mete ma hambu toꞌo bua pusaka feꞌen, na, haꞌi fali kana. Ela basa hataholi la ia, dadik sakasii.”
959	GEN 32:31	Boe ma, Yakob kokolak nae, “Au ita Manetualain matan no au mata heheling, tehuu au bei asoda.” Huu ndia, de ana foi mamanak ndia, nade Peniꞌel, fo ndandaan nae, ‘Manetualain matan’.
979	GEN 33:18	Babasan, de Yakob asa losa no sodak neme Padan Aram mai, leni nggolo Sikem leu, nai nusa Kanaꞌan. Boe ma, ala lambadedei uma temak, deka-deka no nggolok ndia.
1011	GEN 34:30	Ledoeik Yakob bubuluk dedeꞌak ndia, boe ma ana kokolak no Simeon ma Lewi, nae, “Ei tao tatao nggoak hata ia so? Kada tao makatotoꞌak au! Dei fo hataholi Kanaꞌan, hataholi Peris, ma basa hataholi manai dae babaꞌek ndia, ala lamanasa mate lo ita. Sila hataholi nala noꞌuk, tehuu ita hataholi nala kada lumak. Mete ma ala mai sambu ita, na, ita takalulutuk leo, maa.”
1021	GEN 35:9	Faik fo Yakob fali neme Padan Aram mai, Manetualain natudu Mataon bali, ma Ana feen babaꞌe-babatik.
1038	GEN 35:26	Boe ma, Lea atan Silpa ana nala, Gad, ma Aser. Bonggi kakana kala ia, leme Padan Aram.
1080	GEN 36:39	Baal Hanan maten, boe ma Hadar nggatin dadik manek. Hadar ndia, neme nggolo Pau mai. Saon, nade Mehetabel. Mehetabel aman, nade Matret. Ma ndia baꞌin, nade Mesahab.
1081	GEN 36:40	De, mane leo mane leo neme Esau mai, sila: Timna, Alwa, Yetet, Oholibama, Ela, Pinon, Kenas, Teman, Mibsar, Magdiel, ma Iram. Ala esa-esako foi sila nade hehelin, neu sila nusa nala. De, basa sila, Esau numbu-sadu nala, fo hataholi Edom asa tutuin.
1120	GEN 37:36	Faik fo Yakob bei dale hedi leondia, naa te hataholi manadanggan sila losa Masir so. Boe ma ala seꞌo Yusuf neu hataholi inahuuk esa, nade Potifar. Ndia ndia, mane Masir malangga mana manean.
1149	GEN 38:29	Tehuu kakanak ndia ana hela falik liman. Boe ma, ndia nonoo kaduan kalua nakahuluk. Ina makabobonggik ndia nafada neu kakanak ndia, nae, “Wei, o ia balakain ana seli. Huu ndia de o makaseseti makahuluk deak mai.” De ala foi kakanak ndia, nade Peres (ndandaan nae, ‘nakaseseti deak mai’).
1151	GEN 39:1	Fain hataholi Ismael asa, loo Yusuf neni Masir neu. Nai ndia, hambu hataholi inahuuk esa, nade Potifar. Ndia ndia, malanggan neme basa soldadu mana maneak nai mane Masir uma manen. Basa boe ma, Potifar hasa nala Yusuf neme hataholi manadangga nala mai, de ana dadik ata nai ndia uman. Nai ndia, LAMATUAK fali nala Yusuf, losa basa ndia ue-ledin dadik no malole.
1156	GEN 39:6	Boe ma, faik fo Potifar nita Yusuf nakaneni basa ue-ledin no malole, de ana taa duduꞌa hata-hata so bali, de, nalelak kada naꞌa. Faik ndia, Yusuf mataon lolen seli.
1157	GEN 39:7	Ana leo nai ele bei taa dook nalan seli, tehuu Potifar saon dalen tuda neun so. Boe ma, ana kokoe Yusuf fo sangga ana sunggu non.
1158	GEN 39:8	Tehuu Yusuf taa nau. De nataa nae, “Boso leondiak, Ina! Huu au malanggang Potifar, fee au koasa fo au akaneni basa ndia ue-ledin.
1163	GEN 39:13	Ledoeik Potifar saon nita Yusuf nalai deak neu, laꞌo ela badun,
1166	GEN 39:16	Boe ma Potifar saon toꞌu nahele badu ndia, losa saon fali.
1169	GEN 39:19	Potifar namanene saon tutuin leondia, boe ma ana luli nalan seli.
1195	GEN 40:22	Pegawe mana makaneni manek lotin ndia, ala londa lisan, sama leo Yusuf kokolan.
1241	GEN 41:45	Basa boe ma manek foi Yusuf nade, Safnat Panea, tungga hataholi Masir asa naden. Ndia boe oo ana nakasasaok Yusuf no inak esa, nade Asnat. Yusuf aliaman, nade Potifera. Ndia ndia, mana makaneni anggama nai Kota On. No leondiak, Yusuf dadik hataholi inahuuk nai Masir.
1396	GEN 46:9	Ndia ana nala: Henok, Palu, Heston, ma Karmi.
1399	GEN 46:12	Yahuda, ma ndia ana nala, sila: Sela, Peres, ma Sera. Yahuda ana feꞌen, Er ma Onan, tehuu mate sala so lai Kanaꞌan. Ndia boe oo, no Peres ana nala, ndia Hesron, ma Hamul.
1400	GEN 46:13	Isaskar, ma ndia ana nala, sila: Tola, Pua, Ayub, ma Simron.
1407	GEN 46:20	Faik ndia, Yusuf sao Asnat nai Masir so. Ndia aliaman ndia, malangga anggama nai kota On. Ndia naden Potifera. Boe ma, Yusuf no Asnat ana nala, Efraim ma Manase.
23216	MAT 1:3	Yahuda bonggi Peres no Sera (sila inan, nade Tamar), Peres bonggi Herson, Herson bonggi Ram,
23243	MAT 2:5	Boe ma lataa lae, “Papa manek, nai nggolo Betlehem, nai propinsi Yudea. Huu Lamatuak mana kokolan Mika sulak mema kana so, neme makahulun mai, leoiak:
23296	MAT 4:18	Faik esa, Yesus laꞌok tungga dano Galelea bifin. Ana natonggo no hataholi dua kaꞌa-fadi kala. Esak nade Simon, tehuu hataholi lateme loken lae, Petrus. Ma fadin nade Anderias. Ala dala iꞌak leme dano dale, huu dua sala sila mana tao tasi.
23428	MAT 8:14	Basa de laꞌi esa, Yesus neni Petrus uman neu. Ana nita Petrus alinan sunggu nai koi lain, huu ana sumai.
23488	MAT 10:2	Ana mana tungga kasanahulu dua nala fo Ana nadenu sala sila, nade nala ndia: Kaesan, nade Simon (fo hataholi lateme loken lae, ‘Petrus’), boe ma fadin, nade Anderias, basa de, Yakobis, ma fadin, nade Yohanis (dua sala Sabadeus ana nala).
23694	MAT 14:28	Lamanene leondiak, boe ma Petrus nataa nae, “Mete ma O ia memak Lamatuak, na, fee au laꞌok usik oe bafon, fo au uni Lamatuak uu.”
23695	MAT 14:29	Boe ma Yesus nataa nae, “Neu! Mai leo!” De Petrus kalua neme ofak dale mai, boe ma ana laꞌok nesik oe bafon neni Yesus neu.
23696	MAT 14:30	Tehuu ledoeik Petrus nameda ani belak, boe ma ana bii nalan seli de nanggou, nae, “Awii, Lamatuak aa! Masalaꞌe mala au dei!”
23697	MAT 14:31	Tutik Yesus solok liman lai-lai, de toꞌu nalan. Ana kokolak nae, “Awii, Peꞌu aa! Hatina de o dalem kabaꞌek? O taa mamahele tebe Au do?”
23712	MAT 15:10	Basa ndia, boe ma Yesus noke nala hataholi feꞌe kala lai ndia, de nanoli sala, nae, “Pasa ndiꞌidook neulalau, fo ei bisa bubuluk!
23717	MAT 15:15	Basa de Petrus kokolak nae, “Ama, tulun mafada ai nakandandaak isinaak ndia ndandaan dei!”
23757	MAT 16:16	Boe ma Simon Petrus nataa nae, “Ama ia, Karistus, fo ndia Hataholi fo makahulun ele Manetualain helu memak so, fo haituan mai! Ma Ama ia, Manetualain fo nasoda nakandondoo henin, Anan ndia!”
23759	MAT 16:18	Mamanene baa! Hatematak ia Au foi o nade ‘Petrus’. Huu nadek ndia ndandaan, fo ndia batu. Huu o namahehelem matea leo batu so, de dei fo o dadik fanderen neu Au hataholi kamahele nggala. Mae ala hambu doidosok losa mate boe oo, lahele lakandondoo henin.
23763	MAT 16:22	Yesus nafada leondiak, boe ma Petrus hela nalan neu dalak bifin, de kaꞌin, nae, “Ama boso kokolak leondiak! Taa bisa Manetualain elan leondiak!”
23764	MAT 16:23	Tehuu Petrus kokolan ndia, taa tungga Lamatuak hihii-nanaun. Huu ndia de Yesus kaꞌi nasa falin, nae, “Heh! Boke heok ia! Ndia ndia, nitu malanggan kokolan ndia! O boso matabaa mala Au! Kada o duduꞌa tungga hataholi hihiin, huu taa tungga Lamatuak hihii-nanaun!”
23770	MAT 17:1	Seli faik nee, boe ma Yesus noke nala Petrus, Yakobis no fadin Yohanis, de ala sama-sama ndaꞌe leni lete madema esa lain leu, fo kada mesa kasa lai ndia.
23773	MAT 17:4	Boe ma Petrus mopo duduꞌan, losa ana kokolak nadabak, nae, “Ama aa! Ita malole hiak nai ia, maa! De malolenak ai tao mala lak telu. Esa soaneu Ama, esa neu baꞌi Musa, ma esa bali neu baꞌi Elia.”
23774	MAT 17:5	Ledoeik Petrus kokolak leondiak, boe ma kada nggengge neuk koꞌas konda de mboti nala sala. Boe ma ala heran lalan seli lamanene halak esa kalua neme koꞌas ndia mai, nae, “Mamanene baa! Yesus ia Au Ana susueng. Ana tao namahoko Au daleng taa-taa. Mamanene neulalau neu Ndia baa!”
23793	MAT 17:24	Faik fo Yesus no Ndia ana mana tungga nala leni Kapernaum leu, boe ma mana susu-bea la, mai latane Petrus lae, “Ei Mesem bae Uma Ina Huhule-haladoik bean, do taa?”
23794	MAT 17:25	Boe ma Petrus nataa nae, “Bae maa!” Faik ana fali, boe ma Yesus nafada nakahuluk ndia nae, “Wei Simon! O duduꞌa sudik. Mane kala lai daebafok ia haꞌi bea neme see mai? Neme sila ana heheli nala, do neme hataholi feꞌek mai?”
23795	MAT 17:26	Petrus nataa, nae, “Neme hataholi feꞌek mai!” Yesus tuti bali, nae, “Mete ma leondiak, na, manek ana hehelin taa bae, hetu?
23817	MAT 18:21	Basa ndia, boe ma Petrus mai natane Yesus nae, “Lamatuak, au sangga atane fa. Mete ma au tolanoong hataholi kamahelek, tao salak taa-taa neu au, na, au musi feen ambon laꞌi hida? Losa laꞌi hitu do?”
23849	MAT 19:18	Hataholi ndia natane bali, nae, “Palenda beek ndia?” Boe ma Yesus nataa nae, “Boso makanisa; boso tao eok; boso mamanaꞌo; boso dadik sakasii pepekok;
23858	MAT 19:27	Boe ma Petrus tao nasanenedak nae, “Ama aa! Ai laꞌo ela basa ai hata nala, fo tungga Ama. Tehuu ai hambu hata?”
23978	MAT 22:37	Boe ma Ana nataa nae, “Palenda manai lain seli nai Manetualain Susula Malalaon ndia, leoiak: ‘Manetualain ndia na ei Manetualaim. De, ei musi sue Ndia lena heni basan. Huu ndia, de ei musi dokodoe Ndia taa-taa, malelak Ndia, ma tao ues mbilu mbuse fo tungga Ndia hihii-nanaun.’
23979	MAT 22:38	Palenda ndia, penting nalan seli ma ana seli!
23981	MAT 22:40	Palenda kadua kala ia, ndia huun neme basa baꞌi Musa heti-heun, ma basa Manetualain mana kokolan nala nanonolin basan. Hataholi taa bisa tungga palenda feꞌe kala, mete ma ndia taa tungga nakahuluk palenda kadua ina-huu kala ia.”
24125	MAT 26:2	“Ei bubuluk so, dei fo faik dua bali fo ita fai malolen, fo ndia Feta Paska. Faik ndia, dei fo hambu hataholi seꞌo heni Au, Hataholi Isi-isik ia. Basa de ala mbaku lisa Au, nai ai ngganggek.”
24140	MAT 26:17	Tungga-tungga teuk, hataholi Yahudi la fai-fai malole nala doon faik hitu. Ala loke lae fai malole ndia, nade ‘Feta Loti Lepa’. Faik ndia feta sangga mulai so, de Yesus ana mana tungga nala latane Ndia, lae, “Ama! Leꞌodaen ia ita mulai ita fai-fai malolen. De, Ama nau ai miu hala biꞌilombo, ma sadia mamanak feta Paska nai bee?”
24141	MAT 26:18	Boe ma Ana nataa, nae, “Ei maso kota miu, dei fo ei matonggo mia touk esa. Mafadan mae leoia: ‘Kaꞌa aa! Ama Mese nameda taa dook so bali Ana mate. De, Ana noke mamanak nai kaꞌa uman, fo Ana paken tao feta Paska no Ndia ana mana tungga nala.’ ”
24142	MAT 26:19	Lamanene leondiak, boe ma Ndia ana mana tungga nala leu tao tungga Ndia kokolan ndia. Boe ma ala sadia laꞌa feta Paska nai ndia.
24156	MAT 26:33	Tehuu Petrus sapa nae, “Ama! Mae basa hataholi feꞌe kala lalai laꞌo ela Ama, tehuu au taa!”
24157	MAT 26:34	Boe ma Yesus nataa nae, “Leondiak do Peꞌu? Mamahele Au! Leꞌodaen ia, manu bei taa kokoa, tehuu o malelesi Au laꞌi telu, mae, o taa malelak Au!”
24158	MAT 26:35	Tehuu Petrus nahele nae, “Taa Ama! Mete ma Ama mate, na, au boe oo, mate tungga noꞌu. Huu au taa bisa alai laꞌo ela Ama!” Petrus nonoo feꞌe nala boe oo, esa-esak lae leondia boe.
24160	MAT 26:37	Tehuu noke nala Petrus, Yakobis, ma Yohanis, de telu sala leu noꞌu loo Ndia. Mulai neme ledoeik ndia mai boe oo, Ndia dalen nameda hedis ma taa ndoo-ndoo.
24163	MAT 26:40	Hule-haladoi nateꞌe, boe ma Ana fali neni Ndia ana mana tungga katelu nala sila neu. Tehuu ala sunggu lamanee. Boe ma Ana nafofoꞌa sala, de nafada Petrus nae, “Heh, Peꞌu! Hatina de ei sunggu? Au nai ele kada taa doo anak, tehuu ei taa bisa beꞌe fa boe!
24181	MAT 26:58	Ledoeik ala toꞌu loo Ndia, naa te Petrus tungga nafufunik nai dea, losa malangga ina-huuk uman. Petrus boe, maso neni uma pasan neu, de nanggatuuk noꞌu no hataholi malai sila la. Huu ana nau bubuluk hata fo dei fo ana dadi.
24192	MAT 26:69	Faik ndia Petrus bei nanggatuuk nai uma ndia pasan. Basa de, ata inak esa mai kokolak non nae, “Isinaak, o boe oo sama-sama mua Yesus, fo hataholi Nasaret ndia, hetu?”
24194	MAT 26:71	Basa de, Petrus kalua fo nambadeik neu lelesu mbaꞌa matan. Boe ma, ina feꞌek esa nitan nai ndia. De, ana nafada hataholi malai ndia kala nae, “Wei, isinaak au ita hataholi ia sama-sama no Yesus, fo hataholi Nasaret ndia.”
24195	MAT 26:72	Boe ma Petrus sapan, nae, “Fama o kamuluk! Au taa alelak Hataholi ia maa! Au soo!”
24198	MAT 26:75	Namanene manu kokoan, boe ma Petrus nasaneda Yesus kokolan isinaak, nae, “Manu bei taa kokoa, tehuu o malelesi Au laꞌi telu so.” Nasaneda leondiak, boe ma ana neni deak neu de namatani nasakekedu.
24200	MAT 27:2	Huu ndia de, ala mbaꞌa leni Ndia neu nasale gubenol Pilatus. Huu ala nau fo gubenol huku nisa Ndia.
24213	MAT 27:15	Tungga-tungga teuk, mete ma hataholi la tao feta Paska, na, hataholi noꞌu kala lateme hele hataholi bui esa, fo gubenol mboꞌi henin.
24215	MAT 27:17	Faik ndia boe oo, hataholi noꞌuk leni gubenol Pilatus leu loke, fo ana mboꞌi heni hataholi bui esa leo natetemek. Boe ma Pilatus natane sala nae, “Malole! Tehuu au mboꞌi heni see? Nai ia hambu Barabas, ma Yesus boe, fo hataholi la lae, Karistus. De Au mboꞌi heni see? Kada ei hele leo.”
24256	MAT 27:58	Boe ma ana neni gubenol Pilatus neu, fo noke Yesus mbombolan. Basa de gubenol palenda fo ala fee mbombolak ndia neun.
24373	MRK 3:16	Hataholi kasanahulu dua kala sila nade nala sila ia: Simon (fo Yesus foin nade Petrus boe), Yakobis, Yohanis, (Yakobis no faꞌdin Yohanis ia, na Sabadius anan dua sala. Yesus foi dua sala nade ‘Boanerges’, fo sosoan ‘sama leo tatas’), Anderias, Filipus, Bartolomeos, Mateos, Tomas, Yakobis (fo Alpius anan), Tadius, Simon (fo mana masok partei politik Selot), ma Yudas Iskariot (fo mana seꞌo heni Yesus).
24470	MRK 5:37	Boe ma Yesus laꞌo ela ana mana tungga nala nggelok. Tehuu Ana noo Petrus, Yakobis ma fadin Yohanis, de ala laꞌok lakandoo.
24546	MRK 7:14	Basa boe ma, Yesus noke nala hataholi feꞌek kala malai ndia kala, de nafaꞌda nae, “Pasa ei ndiꞌidoo mala dei, fo ei bubuluk.
24598	MRK 8:29	Boe ma Yesus natane selu kasa nae, “Tehuu tungga ei na, Au ia see?” Petrus nataa nae, “Ama ia Karistus! Fo Manetualain tudu mema kana neme makahulun ele mai so.”
24601	MRK 8:32	Yesus nafada manggaledok leondiak, boe ma Petrus hela nalan neu dalak bifin de ana kaꞌin nae, “Ama boso mae leondia! Au taa nau sila lima nala laꞌe Ama.”
24602	MRK 8:33	Petrus nae leondia, na, taa tungga Lamatuak hihiin. Boe ma Yesus nasale de suli Ndia ana mana tungga feꞌe nala. Boe ma Ana mboka Petrus nae, “Wei! Ndia nitu la malanggan kokolan ndia. Boke malai heok ia! O duduꞌa tungga kada hataholi hihiin, tehuu taa Manetualain hihii-nanaun!”
24609	MRK 9:2	Basa faik nee dalen, boe ma Yesus noke Petrus, Yakobis, ma Yohanis fo basa sala ndaꞌe leni lete madema nes esa lain leu. Ledoeik ala losa lain, ala lita Yesus namata-ao feꞌe.
24612	MRK 9:5	Petrus asa bii lalan seli. Boe ma Petrus nakandaa losa kokolak nadabak leondiak so. Basa de nafada Yesus nae, “Ama aa! Ita neulau hiak nai ia, maa! De malolenak ai tao mala lalaa anak telu. Esa soeneu Ama, esa feen neu Baꞌi Musa, ma esa bali feen neu Baꞌi Elia.”
24615	MRK 9:8	Ledoeik Petrus asa lamanene halak ndia, boe ma ala suli lafeok, tehuu nggengge neuk ala taa bisa lita hataholi feꞌek so. Kada Yesus mesa kana.
24685	MRK 10:28	Basa boe ma, Petrus kokolak nae, “Ama aa! Ai lao ela basa ai hata nala, de ai tungga Ama. Tehuu ai hambu hata?”
24729	MRK 11:20	Nai foꞌa fafai anan, Yesus no ana mana tungga nala fali seluk leni Yerusalem leu. Nai dala laladak, ala laꞌo lesik seluk ai, fo afik Yesus Ana sumba-soon ndia. Ana mana tungga nala heran lalan seli, huu ai ndia namatuu losa oka nala. Boe ma Petrus nasaneda afik Yesus kokolan ndia. De, ana nafada, nae, “Ama aa! Mita sudik dei! Ai fo afik Ama sumba-soon ndia maten so!”
24771	MRK 12:29	Yesus nataa, nae, “Palenda kasosoak nalan seli fo nai Manetualain Susulan Malalaon dale nae leo ia: ‘Basa hataholi malai Israel! Mamanene neulalau! Manetualain ndia na memak ita Lamatuan, ma ita Mane Kisan! Taa hambu seluk so bali, kada Ndia mesa kana!
24773	MRK 12:31	Ma palenda kadua nae leo ia: ‘O musi sue hataholi feꞌe kala sama leo o sue o aoina hehelim!’ Palenda kadua kala ia sosoan lena heni basan. Taa hambu palenda feꞌek soo, fo sosoan lena heni palenda kadua kala ia.”