57	GEN 3:1	Neme basa banda la, fo MANETUALAIN nakadadadi kala lai daebafok ia, mengge malela masapepeko ana seli. Laꞌi esa, mengge natane inak ndia, nae, “Teteꞌbes, do? Manetualain kaꞌi nae, ‘Ei taa bole miꞌa ai boak, neme ai la manai osi ia, hetu?’ ”
60	GEN 3:4	Tehuu, mengge ndia nataa, nae, “Wei, ndia taa tetebes! Ei taa mate!
86	GEN 4:6	De MANETUALAIN kokolak neu Kaen, nae, “Heeh, Kaen! Hatina de o mamanasa leondiak? Talobee, de o matam meluk leondiak?
89	GEN 4:9	Boe ma, MANETUALAIN natane Kaen, nae, “Heeh, Kaen! O fadim nai bee?” Kaen nataa nae, “Au taa bubuluk ndia nai bee! Maehetuk au ia, mana toꞌu ndia ein, do?”
363	GEN 15:2	Tehuu Abram nae, “Eeh, Manetualain. Mae Lamatuak fee au noꞌuk boe oo, sosoan taa. Huu au anang taa, fo ana fee au numbu-saꞌduk. De, hambu pusaka noꞌuk, fo tao neu hata? Mae leobee boe oo au atang, Eliasar neme Damsik mai, ana hambu basa sala.”
442	GEN 18:17	Boe ma, LAMATUAK kokolak nai dalen, nae, “Malolenak, Au tui Abraham, hata fo Au sangga tao.
452	GEN 18:27	Boe ma, Abraham kokolak seluk, nae, “Ama, au oke ambon, leo au bisa kokolak fa seluk bali. Au ia, kada hataholi nggoak, fo taa bubuluk hata esa boe.
455	GEN 18:30	Abraham kokoe nakandoo seluk nae, “Ama, boso mamanasa, tehuu, leo hambu hataholi ndoos kada telu huluk, na, leobee?” Ana nataa, nae, “Leo Au hambu telu hulu, na, Au taa huku sala.”
463	GEN 19:5	Ala eki taa no haꞌdak neu Lot, lae, “Heeh, Lot! Tou kadua kala isinaak sila lai bee? Tao sala deak mai, huu ai sangga saꞌe sala!”
476	GEN 19:18	Tehuu, Lot bala nae, “Awii, ama aa! Boso leondiak!
549	GEN 22:1	Taa dook bali, boe ma Manetualain uku-sudi Abraham, fo sangga nita ndia namanene neu Lamatuak, do taa. Boe ma, Manetualain noken nae, “Abraham!” Ana nataa, nae, “O, Manetualain.”
555	GEN 22:7	boe ma Isak noke aman, nae, “Ama aa!” Aman nataa, nae, “Hata, Isak?” Isak natane nae, “Ama aa. Ita sangga tao tunu-hotuk. Nai ia hambu ai, ma haꞌi. Tehuu biꞌilombo ana fo ata paken dadik neu tunu-hotuk ndia, nai bee?”
559	GEN 22:11	Tehuu nggengge neuk, LAMATUAK atan nanggou neme lalai mai, nae, “Wei! Bam! Mahani dei!” Ana nataa, nae, “Hatina, Manetualain?”
578	GEN 23:6	“Leoiak, Ama! Doo-doo basa ia, ai tao ama, leo ai aman fo ai fee hadak tebe-tebe. De, kada ama hele aom leo, dae bee ndia neulaun ana seli, fo nandaa no ama hihiin. Kada ai simbo kana no malole, tehuu taa hambu mana taa nau.”
597	GEN 24:5	Basa ndia, boe ma ata ndia natane Abraham, nae, “Hei, Ama! Tehuu leobee, mete ma inanak ndia taa nau tungga ia mai? Mete ma leondiak, na, au musi ua ama anan, fo neu sao nai ele, do leobee?”
604	GEN 24:12	Boe ma, ata ndia hule-haladoi, nae, “LAMATUAK, au malanggang Abraham Manetualain. Tulun soi dalak, fo ela au lalaꞌong ia, hambu buna-boa malole. Matudu Lamatuak dale malolen neu neu au malanggang, ma masaneda ndia hehelun neu au. De, ela au atonggo ua inanak, fo sangga mana dadik Isak saon.
690	GEN 25:31	Boe ma, Yakob nataa nae, “Hei, kaꞌa. Tehuu fee au, kaꞌa hak kaꞌan neu au dei!”
702	GEN 26:9	Boe ma, ana nadenu hataholi la leu loke lala Isak, de ana kasilanggan nae, “Isak! Au bubuluk no teteben so, huu inak ndia, memak o saom! Tehuu, hatina de o mae, o fetom ndia?” Boe ma, Isak nataa, nae, “Leoiak, ama! Au bii, naafo au ae, au saong ndia, boe ma dei fo hataholi la tao lisa au.”
713	GEN 26:20	Manahoo Gerar asa, ala latoka lo Isak manahoo nala, huu oe ndia. Ala lae, “Ia, ai oen!” Huu ndia, de Isak foi oe matak ndia, nade Esek, fo ndandaan nae, ‘latoka’.
729	GEN 27:1	Faik fo Isak namalasi, ma matan kelembuak nalan seli so, de noke ana kaꞌan, fo ana suen lena, nae, “Sau! O mai ia dei!” Esau nataa nae, “Hatina, ama?”
752	GEN 27:24	ana natane seluk bali, nae, “O ia, tetebes Esau, do?” Yakob nataa, nae, “Tetebes, ama!”
804	GEN 29:8	Tehuu lae, “Wei, taa bisa leondiak! Ai musi mahani basa manahoo la, lo sila banda nala lakabubua lai ia dei. Bei fo ai koꞌo heok batu ndia, fo fee banda la linu.”
811	GEN 29:15	boe ma Laban kokolak non, nae, “Leoiak, Ako! Au taa nau o tao ues hiak fee au, huu ita dua nggata bobonggik. O moke o nggadim baꞌu bee?”
846	GEN 30:15	Tehuu Lea nataa nae, “Weih! O ia, ana seli so! O mamoa mala au saong so. De hatematak ia, o nau mamoa mala akidook ndia, neme au anang mai bali? O ia, mamaem taa!” Tehuu Rahel kokolak, nae, “Leoiak, kaꞌa. Mete ma au hambu akidook ndia, na, leꞌodaen ia, o bole sunggu mua Yakob.” Boe ma, Lea nakaheik.
931	GEN 32:3	Ledoeik nita sala, boe ma ana kokolak, nae, “Ia, Manetualain soldadu nala mamana hahaen nai ia, maa!” Huu ndia, de ana foi mamanak ndia nade, Mahanaim (fo ndandaan nae, ‘mamana hahaek dua’).
969	GEN 33:8	Basa boe ma, Esau natane, nae, “Banda bubuak fo isinaak o haituak ndia, na, ndia ndandaan hata?” Boe ma, Yakob nataa nae, “Leoiak, kaꞌa! Au fee basa sala leu kaꞌa, fo ela kaꞌa simbok au no dale loak.”
974	GEN 33:13	Tehuu Yakob nataa, nae, “Bosok, kaꞌa! Kaꞌa mita matam, kakana kala bei kadiꞌik de tala bisa laꞌok lai-lai. Ma banda manabonggi beu kala, noꞌuk boe. Mete ma ita takaseti sala laꞌo lai-lai, na kada nai faik esa dalen, mate basa sala.
1097	GEN 37:13	Taa dook boe ma, aman nae, “Usu aa! Kaꞌam asa lanea biꞌiae-biꞌilombo la deka-deka nai Sikem. De, mahehele, fo muu tilo sala dei.” Boe ma, Yusuf nataa nae, “Hei, ama.”
1137	GEN 38:17	Yahuda kokoe nae, “Leo bee, mete ma au fee o biꞌiaek esa?” Boe ma, Tamar bala nae, “Hei, Ama. Sadi fee au toꞌu bua namahehelek esa dei. Losa sudi faik bee bei fo Ama haitua biꞌiaek ndia mai.”
1141	GEN 38:21	Boe ma, ana natane hataholi la malai ndia kala, nae, “Wei! Ei mita ina kalaꞌbik esa, ana nateme nanggatuuk nai lelesu ina ia, do? Ana nai bee bae?” Tehuu lataa lae, “Ama, ina kalabik taa nai ia.”
1145	GEN 38:25	Boe ma, leu hela lo Tamar mai, tehuu ana kalua heni cap no teteꞌe-aik. De nadenu ala leu lafaꞌda ndia aliaman lae, “Ama, tulun palisak bua sala ia dei. Hataholi maena cap ma teteꞌaik ia, ana tao nailu au.”
1149	GEN 38:29	Tehuu kakanak ndia ana hela falik liman. Boe ma, ndia nonoo kaduan kalua nakahuluk. Ina makabobonggik ndia nafada neu kakanak ndia, nae, “Wei, o ia balakain ana seli. Huu ndia de o makaseseti makahuluk deak mai.” De ala foi kakanak ndia, nade Peres (ndandaan nae, ‘nakaseseti deak mai’).
1263	GEN 42:10	Tehuu lataa lae, “Taa, ama! Ai ia, kada Ama ata mala. Tebe-tebe kada ai mai hasa nanaꞌak.
1266	GEN 42:13	Boe ma ala sapa lae, “Taa, ama! Ai kada ama ata mala, fo mima Kanaꞌan mai. Ai tolanoo kala sanahulu dua, ma ama esa. Ai fadi mulianan, nahani no ama, ma esa bali, taa kana so.”
1451	GEN 47:30	O musi mua falik au mbombolang neni o bei-baꞌi mala mamanan laten neu, fo matoi au nai ndia. Ndia ama hihiin ndindia.” Boe ma, Yusuf nataa nae, “Hei, ama! Mete ma ama nau leondiak, na, kada au tungga leo.”
23251	MAT 2:13	Ledoeik hataholi malela mete nduuk kala fali, boe ma Lamatuak atan esa neme nusa-sodak mai, nafada Yusuf nai meꞌis dale nae, “Wei, Usu aa! Foꞌa lai-lai leo! Koꞌo mala Kakanak ndia ma mua inan, fo malai mini Masir ele miu. Leo mahele mima ndia, losa Au afada fai hida ei bole fali, huu mane Herodes sanggan, fo sangga tao nisa Kakanak ndia!”
23258	MAT 2:20	Ata ndia nae, “Wei, Usu aa! Foꞌa leo! Mua falik Kakanak ndia no inan, mini Israel miu leo. Huu hataholi mana sangga tao nisa Kakanak ndia, maten so.”
23260	MAT 2:22	Tehuu ledoeik namanene nae, hatematak ia Herodes anan Arkalaus toꞌu palenda nai propinsi Yudea, boe ma ana bii fali neni ndia neu. De Manetualain palendan tungga meꞌis esa bali, nae, “Yusuf, o boso leo nai Yudea.” Huu ndia, de, neu leo nai propinsi Galelea,
23288	MAT 4:10	Tehuu Yesus nasapala kana, nae, “Heh, nitu! O malai heok ia! Huu Manetualain Susula Malalaon nafada nae, ‘O musi makaluku-makatele neu Manetualain, ma o musi kada tao ues fee Ndia.’ ”
23297	MAT 4:19	Boe ma Yesus noke sala, nae, “Wei, mai tungga Au leo! Ei mateme sangga iꞌak, tehuu hatematak ia, Au sangga anoli ei, fo dadik miu mana sangga samanek.”
23430	MAT 8:16	Ledoeik ledo mulai tesa, boe ma hataholi la mai leni sila hataholi nitu nala kala. Boe ma Yesus palenda nitu la sila, nae, “Heh, nitu! Malai heok ia!” Boe ma nitu la sila kalua tutik. Ndia boe oo, tao nahai basa hataholi kamahedi kala.
23440	MAT 8:26	Boe ma Yesus nataa sala nae, “Wei, hatina de ei bii leoiak!? Ei taa mamahele neu Au do?” Boe ma Ana foꞌa, de Ana kaꞌi ani no lii, nae, “Hahae leo!” Boe ma lii no ani linok tutik.
23443	MAT 8:29	ala langgou, lae, “Wei, Manetualain Anan aa! Hatina de O mai babalik ai? Mae fain bei taa losa fo sangga huku ai, tehuu O sangga tao doidoso ai.”
23512	MAT 10:26	“De, ei boso bii hataholi mana laban ei. Huu hata fo hataholi tao nafufunik, dei fo basa hataholi la litan.
23626	MAT 13:18	Kokolak basa leondiak, boe ma Yesus nafada sala nae, “De, hatematak ia ei mamanene nakandandaak ndia ndandaan.
23683	MAT 14:17	Tehuu lataa lae, “Awii, Ama aa! Ai taa hambu hata esa boe fo fee hataholi desi-desi ia, laꞌa. Ai taon leobee? Huu hambu kada loti lima, ma iꞌak boak dua, maa!”
23696	MAT 14:30	Tehuu ledoeik Petrus nameda ani belak, boe ma ana bii nalan seli de nanggou, nae, “Awii, Lamatuak aa! Masalaꞌe mala au dei!”
23697	MAT 14:31	Tutik Yesus solok liman lai-lai, de toꞌu nalan. Ana kokolak nae, “Awii, Peꞌu aa! Hatina de o dalem kabaꞌek? O taa mamahele tebe Au do?”
23717	MAT 15:15	Basa de Petrus kokolak nae, “Ama, tulun mafada ai nakandandaak isinaak ndia ndandaan dei!”
23758	MAT 16:17	Boe ma Yesus nae, “Simon, fo Yunus anan aa! O ia, maua-manalek bou! Huu hataholi taa nafada o dedeꞌak ia. Tehuu Au Amang nai nusa-sodak nafada o.
23817	MAT 18:21	Basa ndia, boe ma Petrus mai natane Yesus nae, “Lamatuak, au sangga atane fa. Mete ma au tolanoong hataholi kamahelek, tao salak taa-taa neu au, na, au musi feen ambon laꞌi hida? Losa laꞌi hitu do?”
23831	MAT 18:35	Boe ma Yesus nateꞌe tutuin, ma nafada nae, “Naa, Au Amang nai nusa-sodak boe oo, nahinggak leondiak. Dei fo Ana huku ei, mete ma ei taa mafalende heni tebe-tebe ei tolanoo kamahelem sala nala.”
23851	MAT 19:20	Hataholi ndia nataa nae, “Naa, basa palenda sila, au tao tungga sala so. Hata fo bei taa dai bali?”
23884	MAT 20:23	Basa de Ana nataa bali nae, “Memak, ei boe oo, dei fo lemba doidosok ndia sama leo Au. Tehuu dei fo see nanggatuuk nai Au kii-konang, na Au taa ndia aketun. Ndia Manetualain hak nakeketun ndia. Ana naketu mema kana so, see ma see ndia nanggatuuk nai mamanak ndia.”
23911	MAT 21:16	Basa de, malangga nala sila lafada Yesus lae, “Weih! O mamanene kakana kala sila kokolan? Ndia taa tetebes!” Tehuu Yesus nataa sala nae, “Hei, Au amanene. Tehuu hatina? Ei bei taa les mitak nai Manetualain Susula Malalaon laꞌeneu kakana kala mana koa-kio neu Manetualain do? Huu nai ndia nana sulak, nae, ‘Manetualain nahehele memak kakana mbimbilanak ma kakana kadiꞌik bafan nala, fo ala koa-kio Ndia.’ ”
23926	MAT 21:31	Tui basa leondiak, boe ma Yesus natane sala nae, “Naa, Au sangga atane leoiak: neme kakana kadua kala sila mai, see ndia tao tungga aman palendan ndia?” Boe ma lataa lae, “Kaꞌak!” Basa de Ana kokolak nae, “Hei. Tehuu mamanene neulalau, huu Au kokolak tetebes. Hataholi fo ei mae sila papake taa kala, sama leo mana susu-bea, ma ina kalabik, dei fo ala maso lakahuluk dadik Manetualain hataholin leme ei mai. Huu kada ei makaheik Lamatuak, tehuu taa tao tungga Ndia hihiin.
23935	MAT 21:40	Yesus tui nateꞌe, boe ma Ana natane sala nae, “Naa, Au sangga atane leoiak: mete ma maosik fali main, na, meda ana tao leobee neu hataholi mana tao osi la sila?”
23938	MAT 21:43	Basa de Yesus tuti Ndia kokolan bali, nae, “De, ei duduꞌa neulalaun dei baa! Makahulun, Lamatuak hele nala ita hataholi Yahudi ia, fo dadik Ndia hataholin. Tehuu ei taa nau mbali Au, de, neu ko Lamatuak hele nala hataholi feꞌek. Huu kada hataholi fo mana tungga Ndia hihii-nanaun, bisa maso dadik Ndia hataholin.
24000	MAT 23:13	Basa ndia, boe ma Yesus kokolak tuti bali, nae, “Heh, ei mese anggama ma hataholi Farisi la! Memak ei ia, hataholi mana dea-dalek! Dei fo ei hambu soe, huu ei taa mamahele Au, Hataholi fo Manetualain helu memak sangga haituan mai. Ma manggalaun lena bali, ei matabaa mala hataholi mana nau neni Lamatuak palendan mai, fo ala boso lamahele neu Au.
24131	MAT 26:8	Tehuu ledoeik Yesus ana mana tungga nala lita inak ndia tao leondiak, boe ma ala luli, de lakokola lae, “Leo, ana boso ngganggali heni mina mabeli nalan seli ndia no sosoa taak!
24163	MAT 26:40	Hule-haladoi nateꞌe, boe ma Ana fali neni Ndia ana mana tungga katelu nala sila neu. Tehuu ala sunggu lamanee. Boe ma Ana nafofoꞌa sala, de nafada Petrus nae, “Heh, Peꞌu! Hatina de ei sunggu? Au nai ele kada taa doo anak, tehuu ei taa bisa beꞌe fa boe!
24192	MAT 26:69	Faik ndia Petrus bei nanggatuuk nai uma ndia pasan. Basa de, ata inak esa mai kokolak non nae, “Isinaak, o boe oo sama-sama mua Yesus, fo hataholi Nasaret ndia, hetu?”
24194	MAT 26:71	Basa de, Petrus kalua fo nambadeik neu lelesu mbaꞌa matan. Boe ma, ina feꞌek esa nitan nai ndia. De, ana nafada hataholi malai ndia kala nae, “Wei, isinaak au ita hataholi ia sama-sama no Yesus, fo hataholi Nasaret ndia.”
24223	MAT 27:25	Boe ma hataholi noꞌu kala sila lataa lae, “Hei, neme naa! Ela ai umbu ana nala tanggon Ndia daan ndia!”
24321	MRK 1:37	Ledoeik ala latonggo lo Ndia, boe ma lafada lae, “Ama, hataholi noꞌu kala sangga Ama.”
24354	MRK 2:25	Boe ma Yesus nataa nae, “Leobee, bae? Ei taa masaneda Baꞌi Dauk tutuin ndia. Faik ndia, tou lasi Abiatar, dadik Anggama Yahudi malangga inahuun. Baꞌi Dauk no ana mana tungga nala, ndoe lalan seli. Boe ma ala leni Manetualain Tenda Hule-Haladoin dalek leu, de ala haꞌi lala loti, fo malangga anggama la feen neu Lamatuak, de laꞌa. Naa te kada malangga anggama la, bole laꞌa, tehuu hataholi feꞌek taa bole laꞌa. Boe ma Baꞌi Dauk asa laꞌa, tehuu taa hambu hataholi soli salak neu sala.”
24360	MRK 3:3	Boe ma Yesus noke hataholi lima kamate seselik ndia nae, “Mai, fo mambadeik muu mata ia.”
24468	MRK 5:35	Yesus bei kola-kola nae leo ndia, boe ma hataholi esa neme Yairus uman mai, de nafada nae, “Kasian, inanak maten so. De boso tao makasosotak Ama Mesen fo Ana boso neu bali.”
24560	MRK 7:28	Tehuu inak ndia bala nae, “Tetebes, Ama! Tehuu busa ndia, nai mei sosolon. De ndia boe oo, naꞌa nanaꞌak fo mana tuda neme kakanak ndia pinggan dale mai.” (No maksud, nae, ledoeik fo kakana kala laꞌa, na, busa boe oo, hambu naꞌa. Leomae Yesus tulu-fali Ndia hataholi nala, tehuu Ana musi mbali hataholi feꞌek boe).
24589	MRK 8:20	Yesus natane sala bali nae, “Ei bei masaneneꞌda fain Au bibiꞌi loti kahitu kala, de fee hataholi lifun kahaa kala sila laꞌa hetu? Ei makabubua mala nanaꞌa ela kala lembeneu hida?” Lataa lae, “Hitu, Ama!”
24624	MRK 9:17	Boe ma hataholi esa ana mai de, nae, “Ama, mamanene dei! Au ua au ana touanang mai, fo Ama tao mahai ndia dei. Ana taa bisa kokolak, huu nitu manggalauk nalan.
24675	MRK 10:18	Yesus nataa nae, “Hatina, de o mae Au ia nana ‘haꞌdak nala seli’? Taa hambu hataholi esa nana hadak nalan seli, tehuu kada Manetualain mesa kana.
24677	MRK 10:20	Boe ma hataholi ndia nataa, nae, “Tetebes, Ama Mesen! Au tungga basa hoholo-lalane kala sila so neme au bei taꞌeꞌanang mai.”
24737	MRK 11:28	de latane Yesus lae, “Afik, see nadenu o mai tao husanak nai ia. See ndia fee o hak!”
24921	MRK 15:26	Boe ma ala sulak neu papak esa nae, “Ia, hataholi Yahudi la Manen.” Ala pake toꞌok ndia, fo huku Yesus.
24953	MRK 16:11	Basa boe ma Maria nafada sala nae, “Talobee, de ei bei dale hedi? Boso dale hedi bali, huu Yesus nasoda fali so. Bei lai-laik ia, au atonggo ua Ndia so!” Tehuu sila basa sala lataa lae, “Wei, O pepeko ndia!”
24955	MRK 16:13	De dua sala fali leu lafada nonoo nala lae, “Wei, mamanene dei! Isinaak ai bei fo ai matonggo mia Yesus neme dala laladak!” Tehuu basa nonoo nala lataa lae, “Wei! Ei boso pepeko leo ndiak.”
25104	LUK 3:10	Basa de, hataholi noꞌu kala latane Yohanis, lae, “De, ai musi tao hata?”
25270	LUK 7:6	Boe ma Ana tungga no sala. Ala bei ta losa uma, tehuu malangga soldadu ndia haitua ndia nonoo nala mai lafada Yesus, lae, “Lamatuak, boso masotak muu bali, huu au taa andaa simbok Lamatuak nai au umang.
25273	LUK 7:9	Namanene leo ndia, boe ma Ana heok aon, de nasale hataholi noꞌuk fo mana tungga Ndia. Boe ma Ana nae, “Heran, oo! Doo basa ia so, tehuu Au bei ta atonggo itak ua hataholi Yahudi esa, fo namahehelen tean sama leo hataholi Roma ia!”
25307	LUK 7:43	Simon ndaso nenenik nae, “Neu ko mana mahuta noꞌuk, maa!” Yesus nataa, nae, “Tetebes, kaꞌa!”
25341	LUK 8:27	Nai ndia, hambu hataholi esa nitu nalak dook ia so. Uman taa, de kada ana leo nai late sala laladan. Tungga-tungga faik, ana laꞌok neu-mai, ma tao foli holi-holik. Huu nitu la palendan nakandondoo henin. Hataholi la henggen taa-taa lenik tali besi do liti besi so, tehuu ana tao naketu henin. Boe ma nitu la lambue lakasetin, fo nalai neni mamana nes neu. Ledoeik Yesus konda neme ofa baluk mai, boe ma hataholi kamuluk ndia, neni Ndia neu. Hataholi ndia nakadii-nakau, ma ana lololi neu Yesus ein. Basa de Ana palendan nae, “Heh, nitu! Kalua muma hataholi ndia mai!” Boe ma hataholi kamuluk ndia nakau, nae, “Wei! Boso babalik au! Huu au bubuluk O ia, na, Yesus, fo Manetualain manai lain seli Anan! O boso tao doidoso au!”
25344	LUK 8:30	Yesus natanen nae, “O nadem see?” Boe ma nitu ndia nataa nae, “Legion, huu ai noꞌuk, leo soldadu lifu-lifuk.” Ana nae leo ndia, huu hambu nitu mana maso fo leo lai ndia aon dale, noꞌuk.
25363	LUK 8:49	Ledoeik Yesus bei kola-kola no inak ndia, tehuu Yairus hataholin esa mai nafadan, nae, “Awii, Ama aa! Ama anan taa kana so! Ana mate so, de boso tao nasambutek neu Ama Mesen bali.”
25379	LUK 9:9	Tehuu Herodes nasaneda, nae, “Fain, fo au adenu tete ketu heni Yohanis langgan. De, Ana nasoda fali so, do leobee?” Boe ma ana nasusua fo sangga natonggo mata-matan no Yesus.
25383	LUK 9:13	Tehuu Yesus nataa nae, “Leo iak! Ela ei fee sala laꞌa!” Tehuu ala sapa, lae, “Awii, Ama bali! Neme bee mai bisa leo ndiak? Hataholi la ia, lifun lima lenak! Ndia bei kada tou kala, fo bei ta hingga ina kala ma kakana kala bali! Boe ma ita lotin kada limak, ma iꞌak kada boak duak. Mete ma Ama nau, fo ai ndia fee hataholi noꞌu kala ia laꞌa, na, bisa hasa nanaꞌak makadotok talobee fo fee sala?!” Boe ma Yesus nadenu sala, nae, “Heti hataholi la ia, langgatuk lakabubua lima hulu-lima huluk, bubuak esa.”
25405	LUK 9:35	De, ala lamanene halak neme koꞌas ndia dalek mai, nae, “Ia, Au Anang fo Au hele mema kana so! Ana kokolak, na, mamanene neulalau neu Ndia!”
25473	LUK 10:41	Tehuu Lamatuak Yesus nataa, nae, “Maꞌa, Maꞌa. O ia, masambute mua kada duduꞌa mata-mata kala.
25502	LUK 11:28	Yesus nataa, nae, “Tetebes, ina! Tehuu mana maua-manalek nalan seli, na, ndia hataholi mana pasa ndiꞌidoon, fo namanene Manetualain Dedeꞌa-kokolan, ma ana tao tunggan!”
25778	LUK 18:21	Hataholi ndia nataa, nae, “Tetebes, Ama! Au tungga basa heti-heu kala sila mulai neme au bei kadiꞌing mai.”
25842	LUK 19:42	nae, “Awii, hataholi Yerusalem aa! Au nau fo faik ia, ei simbok mole-dame, fo Au unik ia. Tehuu, ei taa mbali Lamatuak, de hatematak ia seli heni fain so. De, mole-dame ndia, dook no ei so.
25964	LUK 22:31	Basa boe ma Yesus nafada Petrus, nae, “Peꞌu, Peꞌu. Nitu la malanggan nau soba tao ei basa nggei fo maelak mia Au, sama leo hataholi daꞌi isik fo tao feꞌe taak neme isik mai.
25966	LUK 22:33	Boe ma Petrus nataa, nae, “Taa, Ama! Au ta laꞌo ela Ama. Huu au ahehele maso bui noꞌu ua Ama. Ela au mate noꞌu ua Ama boe oo, malole ndia.”
25968	LUK 22:35	Basa boe ma, Yesus kokolak no sala, nae, “Fain, faik fo Au adenu ei, miu mafada Au Hala Maloleng, sudi nai bee, na, Au ae ei ta bole mini doik, tas, ma tabueis. Faik ndia, ei toꞌa hata?” Boe ma ala lataa noꞌu, lae, “Fain ai ta toꞌa hata esa boe!”
25981	LUK 22:48	Tehuu Yesus nafadan, nae, “Wei, Yudas! O nau seꞌo heni Hataholi Isi-isik ia, munik iꞌiduk, bae?”
25990	LUK 22:57	Tehuu Petrus nalelesi, nae, “Ta, maa! Au ta alelak Hataholi ndia, maa. O bubuluk hata?”
26003	LUK 22:70	Lamanene leo ndia, boe ma basa sala latane, lae, “Mete ma leo ndiak, na O duduꞌa mae, O ia, Manetualain Anan do?” Boe ma Yesus nataa, nae, “Memak, ei kokolan leo ndiak, na tetebes.”
26007	LUK 23:3	Namanene leo ndia, boe ma gubenol natane Ndia, nae, “Tetebes, do? O ia, hataholi Yahudi la manen, do?” Boe ma Yesus nataa nae, “Tetebes. Sama leo ama kokolan ndia.”
26009	LUK 23:5	Tehuu ala lahele, lae, “Ta, ama gub. Hataholi ia, nanoli sudi nai bee, de ana mbauedo lau-inggu la, fo ala tao nahuuk. Ana tao naodek mulai neme propinsi Galelea losa Yerusalem ia.”
26010	LUK 23:6	Namanene leo ndia boe ma, gubenol natane sala, nae, “Mete ma leo ndiak, na ndia ia, hataholi Galelea, do?” Boe ma ala lataa lae, “Tetebes, Ama. Ndia neme Galelea mai!”