224	GEN 9:18	Noh ana nala fo mana kalua leme ofak ndia mai, fo sila: Sem, Yafet ma Ham. (Ham ndia, na, Kanaꞌan aman).
339	GEN 14:2	Faik ndia, hambu mane feꞌek lima lakabubua boe, fo ndia: Bera, mane nusa Sodom; Birsa, mane nusa Gomora; Sinab, mane nusa Adema; Semeber, mane nusa Seboim; ma mane nusa Bela (hatematak ia, nade nusa Soar). Boe ma, mane kahaa kala ala latati lo mane feꞌek kalima kala sila.
340	GEN 14:3	Manek kalima kala sila, ala lakabubua lo soldadu nala, lai Sidim bafan (fo hatematak ia lae Tasi Kamates).
344	GEN 14:7	Basa de, ala fali tungga dala feꞌek losa En Mispat, (fo hatematak ia, nade Kades). Basa ndia, boe ma ala tao lakalulutu hataholi Amalek nusan, ma hataholi Amori mana leo nai nusa Haseson-Tamar.
354	GEN 14:17	Faik fo Abram senggi mane kahaa kala sila, de ana fali, boe ma mane Sodom ana mai soluk Abram, neme Sawe bafan (fo hataholi la lateme lae, Manek Bafan).
569	GEN 22:21	Ana kaꞌak, nade Us. Fadi nala, nade Bus ma Kemuel (fo Aran aman).
1031	GEN 35:19	Basa boe ma, ala latoi Rahel neu dalak bifin, fo mana sangga neni Efrata neu (fo hatematak ia, naden Betlehem).
1039	GEN 35:27	Basa ndia, boe ma Yakob neu tilo aman Isak neme Mamre dekak no nggolo Kiriat Arba (ndia hatematak ia, nade Hebron). Makahulun, baꞌin Abraham leo neme ndia boe.
1063	GEN 36:22	Lotan ana nala, sila, Hori no Heman (Lotan feton, nade Timna).
23220	MAT 1:7	Neme Dauk mai, losa faik ndia, hataholi nusa Israel nana fua henik leni Babel leu, hambu dope sanahulu haa bali, fo ndia: Dauk bonggi Soleman (inan ndia makahulun Uria saon). Soleman bonggi Rehabeam, Rehabeam bonggi Abia, Abia bonggi Asaf, Asaf bonggi Yosafat, Yosafat bonggi Yoram, Yoram bonggi Usia, Usia bonggi Yotam, Yotam bonggi Ahas, Ahas bonggi Heskia, Heskia bonggi Manase, Manase bonggi Amos, Amos bonggi Yosias, Yosias bonggi Yekonya, ma ndia fadi nala, fo neu faik ala fua sala leni Babel leu.
23488	MAT 10:2	Ana mana tungga kasanahulu dua nala fo Ana nadenu sala sila, nade nala ndia: Kaesan, nade Simon (fo hataholi lateme loken lae, ‘Petrus’), boe ma fadin, nade Anderias, basa de, Yakobis, ma fadin, nade Yohanis (dua sala Sabadeus ana nala).
23490	MAT 10:4	Boe ma Simon (mana tungga partei politik Selot), ma Yudas Iskariot (fo dei fo ana seꞌo heni Yesus).
24254	MAT 27:56	Neme ina kala sila, hambu Maria neme Magdala mai, Maria esa bali, (fo ndia Yakobis no Yusuf inan), ma Sabadeus saon (fo ndia Yakobis no Yohanis inan).
24373	MRK 3:16	Hataholi kasanahulu dua kala sila nade nala sila ia: Simon (fo Yesus foin nade Petrus boe), Yakobis, Yohanis, (Yakobis no faꞌdin Yohanis ia, na Sabadius anan dua sala. Yesus foi dua sala nade ‘Boanerges’, fo sosoan ‘sama leo tatas’), Anderias, Filipus, Bartolomeos, Mateos, Tomas, Yakobis (fo Alpius anan), Tadius, Simon (fo mana masok partei politik Selot), ma Yudas Iskariot (fo mana seꞌo heni Yesus).
24559	MRK 7:27	Tehuu Yesus nggali kokolak nae, “Kakana-kala musi laꞌa lakahuluk bei fo nanaꞌa elak nggali feen neu busa la.” (No maksud nafufunik nae, Yesus tulu-fali nakahuluk ndia hataholi Yahudi nala dei, bei fo bisa tulu-fali hataholi feꞌe kala).
24560	MRK 7:28	Tehuu inak ndia bala nae, “Tetebes, Ama! Tehuu busa ndia, nai mei sosolon. De ndia boe oo, naꞌa nanaꞌak fo mana tuda neme kakanak ndia pinggan dale mai.” (No maksud, nae, ledoeik fo kakana kala laꞌa, na, busa boe oo, hambu naꞌa. Leomae Yesus tulu-fali Ndia hataholi nala, tehuu Ana musi mbali hataholi feꞌek boe).
26722	JHN 13:23	Nai ndia boe hambu esa neme sila mai, fo Yesus suen (fo ndia au, Yohanis, mana sulak susulak ia). Au anggatuuk nai Yesus boboan.
27005	ACT 1:13	Losa kota, boe ma ala maso leni uma esa leu, fo ala leo tataak. De ala hene leni kama manai lain leu. Yesus hataholi nadedenu nala sila naꞌde nala ndia: Petrus, Yohanis Yakobis, Anderias, Filipus, Tomas, Bertolomeos, Mateos, Yakobis (Alfeus anan), Simon (hataholi partei Selot); ma Yudas (Yakobis anan).
27015	ACT 1:23	Leꞌdoeik fo Petrus nakokola nateꞌe, boe ma hataholi mana makabubua tungga lai ndia, ala fee naꞌdek dua. Esa naꞌde Matias, ma esa seluk naꞌde Yusuf (fo ala lateme loke lae Barsabas, neme Yustus bobongi nala mai).
27533	ACT 15:22	Basa ndia, boe ma Lamatuak hataholi nadedenu nala, ma lasi-lasi selu kala, lala halak, fo sangga haitua hataholi neu nafaꞌda sila nakeketun ndia, neu hataholi salani kala, suꞌdi nai bee. Boe ma ala sangga hataholi fo salani kala ala fee haꞌda kana, fo nandaa no ues ndia. De ala hele lala hataholi dua. Esa naꞌde Silas, ma esa bali naꞌde Yudas (fo loke na lae, Barsabas). Boe ma ladenu dua sala, leu noꞌu lo Paulus ma Barnabas.
27772	ACT 21:40	Malangga soldadu ndia nakaheik. Boe ma Paulus nambadeik neu eꞌdak lain, de ana soꞌuk liman, fo noke sala nee-nee, suek ana nakokola. Basa ndia, boe ma nakokola nenik sila dedeꞌa Aram. (Te nai ndia, hataholi Ibrani la lakokola pake dedeꞌa Aram).
28228	ROM 9:5	Ala konda mai, leme ai bei-baꞌi nala, fo ndia: baꞌi Abraham, baꞌi Isak, ma baꞌi Yakob (hataholi la pake nade ‘Israel’ neme ndia naden mai). Ma Karistus, fo Manetualain helu memak neme makahulun mai so, fo sangga haituan mai ndia, fo konda neme ita hataholi nusa Yahudi bei-baꞌi nala mai. Karistus ndia boe, na ndia Manetualain, fo mana palenda basa-basan. De, nandaa, mete ma hataholi la soꞌuk koa-kiok neu Ndia, losa dodoon neu. Tetebes!
28262	ROM 10:6	Tehuu Manetualain Susula Malalaon natudu dala feꞌek boe, nae, hataholi bisa malole lo Manetualain, sadi ala lamahele neu Karistus. Nana sulak nae, “Boso matane mae, ‘See bisa hene neni nusa-sodak neu?” (Ndia nonook leo hataholi sangga hene neu nafada Karistus, nae, ita hataholi tahiik Ana konda mai, fo fee sodak neu ita).
28263	ROM 10:7	Susula Malalaok boe, nana sulak, nae, “Hahae matane, mae, ‘See nau konda neni Bolo Naraka neu nai mamana hataholi mana mate kala?’ ” (Ndia nonook leo hataholi sangga konda neu, fo noo falik Karistus neni lain mai, neme Ndia mamaten mai, fo Ana fee sodak neu ita).
28426	ROM 16:22	(Au ia, Tertius, fo sulak susulak ia tungga hata fo kaꞌa Pau nadenu au sula kana. Soda-molek neme au mai boe, te au ia, boe ita Manetualain hataholin).
28628	1CO 9:20	De, mete ma au akabubua ua hataholi Yahudi, na, au tao aok leo hataholi Yahudi, fo tulun hataholi Yahudi mana malelak Lamatuak. Mete ma au akabubua ua hataholi mana toꞌu tingga-tingga Lamatuak Heti-heun, na, au tao tungga Lamatuak Heti-heun, suek au boe, tulu-fali sala, fo lalelak Lamatuak, (mae au bubuluk so, ae, tao tungga Heti-heuk ndia, taa bisa tao nala au malole ua Lamatuak).
29589	COL 3:5	Huu ndia de, ei musi nggali heni ei hihii tao manggalau mala. Natutuduk leo: mahiik tao naeok no hataholi fo ta o sao toum, do o sao inam; mahiik tao dedeꞌa manggenggeo kala; mahiik tao tungga o aombaa nasuun; mahiik tao dedeꞌa manggalauk mata-mata kala; ma manamasetik, fo kada o nau basan dadik neu o enam (naa te ndia sama leo o songgo tanggu, huu o soꞌuk mamadedema dedeꞌa feꞌek fo seti heni Manetualain).
30982	REV 13:5	Manetualain natanggodo banda manggalauk ndia, fo ana kokolak koaok, ma nakadadaek Manetualain. Banda ndia hambu nakamboꞌik, fo ana toꞌu palenda teuk telu seselik (bulak haa hulu dua).