885	GEN 31:11	Boe ma, Manetualain ata nala leme nusa-sodak mai, loke au nai meꞌis dale, lae, ‘Wei! Yakob!’ Boe ma au ataa, ae, ‘Hata, Manetualain?’
23264	MAT 3:3	Makahulun Manetualain mana kokolan esa, nade Yesaya sulak so, laꞌeneu Yohanis, nae, “Dei fo hambu hataholi mana manggouk nai mamana nes, nae, ‘Basa hataholi mahehele, fo tao neulalau dalak, fo soluk Manetualain mamain! Tao mandoo dalak soaneu Ndia!’ ”
23319	MAT 5:16	Ei boe musi masoda leondiak. Ei musi masaꞌa, suek hataholi feꞌe kala bisa lita ei soda malole mala. De lita leondiak, na, dei fo ala koa-kio Manetualain, lae, ‘Wei! Ei Amam manai nusa-sodak ndia, ana seli, bae maa!’ ”
23322	MAT 5:19	Neme Manetualain hataholin basan, mete ma hambu mana laꞌo-lena Lamatuak heti-heun, huu ana duduꞌa nae, ‘Heh! Heti-heuk ia, kada kadiꞌik, de sosoan taa fa boe!’ Basa de, neu nanoli leondiak neu hataholi feꞌek, de dei fo Manetualain nai nusa-sodak tao ndia dadik hataholi kadiꞌi anak. Tehuu, hataholi mana tao tungga basa Manetualain heti-heun, boe ma neu nanoli leondiak neu hataholi feꞌek, na, dei fo Manetualain tao ndia dadik neu hataholi kasosoak.
23325	MAT 5:22	Tehuu Au sangga afada leoiak: boso mamananasa aok, huu see namanasa ndia tolanoon, na, dei fo ana hambu huhukuk. Hataholi mana manggalau neu ndia tolanoon, nae, ‘O langgaute kea!’ dei fo hataholi ndia nasale neu lasi anggama la. Ma hataholi mana masapalak ndia tolanoon, nae, ‘Nggoak aa!’, dei fo ana hambu huhukuk nai haꞌi naraka.
23356	MAT 6:5	“Ledoeik ei hule-haladoi, na, boso tao aok leo hataholi mana kokola feꞌek, tehuu tao feꞌek. Ala lahiik lalaꞌok leni dala hataholi noꞌuk leu, ma lambadeik lai uma huhule-haladoik dale, suek hataholi noꞌu kala lita sala ma koa sala, lae, ‘Wei! Sila ia, hataholi malalaok bou!’ Tehuu mamanene baa! No hambu kokoak leondiak, na, ala simbo lala sila nggadi nala so.
23367	MAT 6:16	“Mete ma ei hule-haladoi ma puasa, na, boso tao matak mamada ndoos, sama leo hataholi mana kokolak feꞌek, ma tao feꞌek. Huu ala tao leondiak fo suek hataholi koa sala, lae, ‘Wei! Sila ia, hataholi malalao kala bae!’ Tehuu mamanene baa! Hambu kokoak leondiak, na, ala simbo basa sila nggadi nala so.
23408	MAT 7:23	Mae ala lambue kokoe Au leondiak boe oo, tehuu dei fo Au afada sala, ae, ‘Ei ia, see? Au taa alelak ei, huu ei taa masoda tungga Lamatuak hihii-nanaun. De, malai heok ia leo!’ ”
23423	MAT 8:9	Au bubuluk dedeꞌak ia, huu au malangga nggala laena koasa fo palenda au. Ma au boe aena koasa fo palenda au ana palenda nggala. Mete ma au palenda au ana palendang, ae, ‘Muni ele muu’, na, neu ko ana neu. Mete ma au ae, ‘Muni ia mai!’ na, neu ko ana mai. Ma mete ma au adenu au hataholi mana tao ues, ae, ‘Tao ia!’ na, neu ko ana tao. De, sadi kada Lamatuak kokolak, na, neu ko au ana mana tao ues ndia, hai tutik.”
23511	MAT 10:25	Mete ma ana mana tunggan nala lanoli fo malelan leo sila mesen, na, dai ndia so. Ma mete ma ana mana tao ues nanoli fo malelan leo malanggan, na, ndia boe nameda dai so. De, masanenedak bou! Mete ma hataholi noke maumak nae, ‘O ia Balsebul, na ndia nitu la malanggan!’ na, neu ko ndia uma isi nala hambu nadek taa malole nalan seli.”
23546	MAT 11:18	Ei ia, sama leo kakana ana kala, fo taa lameda mana daik lalelak. Faik fo Yohanis mai, nateme puasa, ma taa ninu anggol. Boe ma hataholi la cap ndia, lae, ‘Ndia nitu nalak!’
23547	MAT 11:19	Tehuu hatematak ia, Au, Hataholi Isi-isik ia, mai so. Au taa puasa, ma Au inu anggol. Boe ma hataholi la cap Au, lae, ‘Ndia ndia, memak hataholi balenaꞌo! Mana mafu funak bali! Ana neu nanonoo no mana susu-bea la! Ana partei esa no hataholi papake taa kala! Taa nameda aon bali!’ Tehuu ei tanda Au kokolang ia leo baa! Lamatuak malelan nana nitak nai Ndia hataholin soda nala.”
23599	MAT 12:41	Dei fo neu faik fo daebafok babasan, mete ma Lamatuak dadik mana maketu, na, hataholi Niniwe la dadik neu sakasii fo kalaak ei lae, ‘Ei basa nggei ia, nggoak!’ Makahulun, hataholi Niniwe la lamanene neu Lamatuak mana kokolan Yunus, boe ma ala hondak ma laꞌo ela sila sala-singgon nala. Tehuu ei taa nau. Naa te, hatematak ia hambu Hataholi nai ei lalada mala fo ana seli lena heni Yunus, fo ndia Au ia. Tehuu ei taa nau mbali Au fa boe.
23600	MAT 12:42	Dei fo neu faik fo daebafok babasan, mete ma Lamatuak dadi mana maketu, na, ina mane Seba neme kona ele mai, de, nambadeik dadik sakasii. Ana tuduk lima kuꞌun fo kalaak ei basa nggei mana masodak hatematak ia, nae, ‘Ei basa nggei ia, nggoak!’ Makahulun, ina manek ndia neme dook ele mai, fo nita no mata deꞌe hehelin mane Soleman malelan. Naa te, hatematak ia hambu Hataholi nai ei lalada mala ana seli lena heni mane Soleman, fo ndia Au ia. Tehuu ei taa nau mbali Au fa boe.”
23789	MAT 17:20	Yesus nataa sala nae, “Ei taa bisa husi heni nitu ndia, huu ei taa mamahele tebe-tebe neu Au. Masanenedak baa! Mete ma ei mamahele tebe-tebe neu Au, na, mae kada fa anak boe oo, sama leo ai deꞌe kadiꞌi anak esa, tehuu ei bisa palenda letek esa, mae, ‘Heh letek! Lali muni ele muu!’ Neu ko ana lali. De, ei bisa tao sudi hata, sadi ei mamahele tebe-tebe neu Lamatuak.
23824	MAT 18:28	Tehuu ledoeik pagawe ndia kalua, de, natonggo no nonoon esa fo nahutan doik fa. Boe ma ana humu nala nonoon ndia, de ana kidu neu lesuhaꞌin ma nasapala kana, nae, ‘Weih! Hatematak ia bae o hutam leo!’
23826	MAT 18:30	Tehuu pegawe ndia nae, ‘Taa bisa! Mae leobee boe oo, o musi bae hatematak ia!’ Basa de nandee nonoon ndia neni bui dale neu, losa ana bae basa hutan ndia.
23868	MAT 20:7	Hataholi la sila lataa lae, ‘Ama aa! Taa hambu hataholi esa boe fo ana fee ai tao ues.’ Boe ma maosik ndia nae, ‘Mete ma leondiak, na, ei miu tao ues nai au osing leo!’
23937	MAT 21:42	Boe ma Yesus kokolak no sala nae, “Fama ei taa les mitak hata fo nana sulak nai Manetualain Susula Malalaon, nae, ‘Hambu batu esa tuka nala nggali henin, tehuu hatematak ia batu ndia dadik neu uma batu dii neten! Manetualain mesa kana hele nalan, fo nanggatutuu batu ndia. Huu ndia de ita titan, ndia neulaun ana seli!’ ”
23992	MAT 23:5	Basa hata fo ala taok ndia, ala tao, fo suek hataholi la koa sala. Conto leo: hata esa fo isin Manetualain Dedeꞌa-kokolan, de ala mbaꞌan neu langga nala, ma lima nala. Tehuu ala boe tao ina-huhuu sila ena nala, suek hataholi la koa sala lae, ‘Wei! Sila ndia, hataholi malalaok, bou!’
24049	MAT 24:23	Dei fo mete ma faik ndia losa so, na, ei mamanene hataholi nae, ‘Mita dei! Karistus nai ia!’ Ma hataholi feꞌek lae, ‘Karistus nai ele!’ Tehuu ei boso mamahele baa!
24050	MAT 24:24	Huu dei fo hambu hataholi kalua fo babamba kalak, nae, ‘Au ia, Karistus!’ Ma feꞌe kala bali lae, ‘Au ia, Manetualain mana kokolan.’ Dei fo ala tao tanda heran mata-mata kala pake nitu koasan, fo pepeko hataholi. Ala soba-soba fo suek Manetualain hataholi nala nana kedi nalak!
24052	MAT 24:26	Mete ma hataholi nafada ei, nae, ‘Karistus nai mook ele!’ na, ei boso mini ele miu. Ma mete ma hambu nae, ‘Karistus nai uma ia dalek!’, na, ei boso mamahele sila pepeko nala ndia.
24075	MAT 24:49	‘Malole! Malanggang laꞌo so, de see bubuluk nae fai hida ana fali bae!’ Ana duduꞌa leondiak, boe ma ana mulai mbomboko ndia nonoo mana tao ues feꞌe nala. Ma ana nanggatuuk naꞌa-ninu neulalau noꞌu no mana mafu kala.
24083	MAT 25:6	Naa te, neu fatilada, boe ma lamanene hataholi la eki, lae, ‘Wei! Tou mana kabin mai so! Mai teu solu kana leo!’
24085	MAT 25:8	Tehuu inana nggoa kala kokolak lo sila nonoo nala, lae, ‘Wei, tolanoo nggalei! Tulun baꞌe fee ai mina fa dei, huu ai bandu nala sangga mate sala ia so!’
24088	MAT 25:11	Basa de, inana nggoa kala sila mai. Ala langgou kokoe, lae, ‘Ama! Ama aa! Tulun soi lelesu dei!’
24089	MAT 25:12	Tehuu ana nataa nae, ‘Weih, taa bisa bou. Huu au taa alelak ei!’
24104	MAT 25:27	na, hatina de o taa muu mbeda au doing neu bank leo? Fo suek au fali, na, au hambu bunan, mae kada faak boe oo, malole ndia!’
24107	MAT 25:30	Humu mala nadedenuk fo sosoan taa hata esa boe ndia. Hela loloson fo mbia henin deak neu. Elan namatani ma doidoso nai mamana makiuk ele!’ ”
24117	MAT 25:40	Dei fo Au ataa sala, ae, ‘Mamahele neu Au! Huu ledoeik ei tao dedeꞌa leondiak neu Au hataholing nggala, mae tao neu hataholi papake taa kala boe oo, na, ndia ei tao neu Au ndia so!’
24487	MRK 6:11	Ma mete ma ei losa nai mamanak esa, boe ma hataholi malai sila kala, taa nau simbok, ma taa nau lamanene ei, na laꞌo ela mamanak ndia. Basa na, mafada sala, mae, ‘Ei taa nau mamanene, na, ela ei lemba aom ei natataam ndia!’
24726	MRK 11:17	Boe ma nanoli sala nae, “Ei bubuluk memak so, hata fo Manetualaian mana kokolan sulak basan so, nae, ‘Au ambadedei Au Umang ia, fo hataholi la leme basa hataholi nusa kala mai hule-haladoi lai ia!’ Tehuu ei tao uma ia dadik neu nakodaa la mamana nakabubuan so!”
24749	MRK 12:7	De, ana nadenu anan neni ele neu. Tehuu ledoeik hataholi mana tao osi la lita kakanak ndia mai, boe ma lakokola aok lae, ‘Wei! Ei suli sudik dei! Toulasik nadenu ana bonggin mesa kana mai so! Mete ma toulasik maten so, na, ndia ndia hambu basa pusaka la. Mai fo ita tao tisa kaknak ndia leo, fo suek ita hambu ndia pusakan ia!’
24753	MRK 12:11	Manetualain mesa kana ndia hele nalan, de nanggatutuu falik batu ndia. Huu ndia de, ita titan lolen seli!’ ”
24773	MRK 12:31	Ma palenda kadua nae leo ia: ‘O musi sue hataholi feꞌe kala sama leo o sue o aoina hehelim!’ Palenda kadua kala ia sosoan lena heni basan. Taa hambu palenda feꞌek soo, fo sosoan lena heni palenda kadua kala ia.”
24780	MRK 12:38	Basa boe ma nafada sala bali, nae, “Ei musi mata neuk neu mese anggama la. Ala lahiik leu kokook pake badu naluk mana mbembembek, ma, leu latonggo lo hataholi noꞌu kala, fo suek hataholi la lita sala, fo, lae, ‘Wei! Hataholi inahuu kala sila bou!’
24807	MRK 13:21	Mete ma faik ndia losa, na ei mamanene hataholi la lae, ‘Mita dei! Karistus nai ia!’ Tehuu hataholi feꞌek lae, ‘Karistus nai ele!’ Tehuu ei boso mamanene ndia baa!
24808	MRK 13:22	Huu neu ko hambu hataholi kalua fo ana babamba kalan nae, ‘Au ia Karistus!’ Nggelok bali, na, lae, ‘Au ia Manetualain hataholi mana kokolan.’ Dei fo ala tao tanda heran mata-mata kala, pake nitu koasan, fo ala pepeko hataholi la. Ala soba-soba fo kedi lala, Manetualain hataholi nala boe.
24823	MRK 13:37	De, hata fo Au afada ei ia, na, Au afadan neu basa hataholi feꞌe kala boe oo ae, ‘Ei musi manea matalolole fo simbok Au mamaing!’ ” (Losa ndia, boe ma Lamatuak Yesus kokolak nateꞌe kokolak no ana mana tungga nala leme lete Setun.)
25144	LUK 4:12	Tehuu Yesus nataa nae, “Boso babalik Au. Huu nana sulak nai Manetualain Susula Malalaon nae, ‘Boso soba-dou Manetualain!’
25155	LUK 4:23	Basa de Yesus nafada sala, nae, “Neu ko ei basa nggei bubuluk hambu dedeꞌa-kokolak, nae, ‘Wei! Tao neulalau o aoina hehelim dei!’ Ei sangga pake dedeꞌa-kokolak ndia fo tutu masafali Au, mae, ‘Hatina de O ta tao tanda heran esa fee ai nai ia, sama leo O taok so nai kota Kapernaum ele?’
25215	LUK 5:39	Hataholi fo ninu nitak anggol oek laak, na, ana taa hii ninu anggol oek beuk. Huu ana bubuluk, nae, ‘Anggol fo nana mbeda nala dook ndia, ladan nai lain seli!’ ”
25271	LUK 7:7	Ma au boe oo, taa andaa asale Lamatuak. Manggaledok so, fo au ae, Lamatuak naena koasa. De, sadi kada Lamatuak kokolak neme ia mai, na neu ko au ana mana tao ues ia, hai tutik. Au bubuluk dedeꞌak ia, huu au malangga nggala laena koasa, fo palenda au. Ma au boe oo, aena koasa fo palenda au soldadu nggala. Mete ma au palenda au ana palendang ae, ‘Muni ele muu!’ na neu ko ana neu. Mete ma au ae ‘Ia mai!’ na neu ko ana mai. Ma mete ma au adenu au hataholi mana tao ues, ae, ‘Tao ia!’ na neu ko ana tao leo ndiak. De, sadi kada Ama kokolak, na neu ko au ana mana tao ues ndia, hai tutik.”
25297	LUK 7:33	Huu Yohanis Mana Salanik taa ninu anggol, ma nahiik puasa, na, ei makasasaꞌek ndia mae, ‘Ndia nitu nalak!’
25298	LUK 7:34	Tehuu hatematak ia, Au, Hataholi Isi-isik ia, inu anggol ma uꞌa loti leo basa faik. Boe ma ei makasasaꞌek Au, mae, ‘Ndia ndia, memak hataholi balenaꞌo! Mana mafu funak bali! Neu nanonoo no mana susu bea la! Bubuak esa no hataholi papake taa kala! Ta nameda aon bali!’
25441	LUK 10:9	Tao mahai sila hataholi kamahedi nala. Ma mafada sala, mae, ‘Manetualain palendan nai ita matan so!’
25443	LUK 10:11	‘Mamanene neulalau! Ai mai mini Lamatuak Dedeꞌa-kokolan fee ei so, tehuu ei taa mbali sala fa boe. De, hatematak ia, ai sasambu heni nggolok ia afun neme ai ei nala mai, fo ana dadik tanda, nae, dei fo ei lemba aom ndia nenenin! Tehuu masaneda neulalau! Manetualain palendan nai ita matan so!’
25479	LUK 11:5	Basa boe ma Yesus nanoli nakadaik fee sala laꞌeneu huhule-haladoik. Ana pake nakandandaak, nae, “Leo fatilada neu dua, boe ma hambu ei nonoom esa neme dae dook mai, fo ana leo tataak nai o umam. Tehuu o taa maena hata-hata fo feen naꞌa. Basa de o muni o nonoo feꞌem esa uman muu, de o kokoen mbea-mbea neme uman deak mai, mae, ‘Kaꞌa ei! Fee tataak au loti balok telu dei! Huu au hambu hataholi mana maik nai uma, tehuu ai mada ndoos! Kaꞌa tulun dei! Kada balok telu! Dei fo au nggatin!’
25481	LUK 11:7	Meda dei fo o nonoom ndia nataa nasafali, nae, ‘Kaꞌa boe oo! Hataholi ana sunggu namanee, tehuu kaꞌa mai babalik bali! Lelesu nana nggoe nisak, so! Kakana kala sunggu lamanee so. De boso mamanasa baa! Tehuu fai seluk dei, kaꞌa baa!’
25505	LUK 11:31	Dei fo neu faik fo daebafok ia fai babasan, mete ma Lamatuak nambadeik dadik Mana Maketu, dei fo ina manek neme kona ele mai, nasoda fali, de nambadeik dadik neu sakasii. Ana tuduk liman, fo kalaak ei basa nggei fo bei kasoda kala hatematak ia, nae, ‘Ei basa nggei ia, nggoam ana seli, maa!’ Huu makahulun ina manek ndia neme dook ele mai, fo sangga nita no mata deꞌe hehelin, mane Soleman malelan. Naa te, hatematak ia, Hataholi esa nai ei lalada mala lena heni mane Soleman. Tehuu ei taa nau mbali Ndia fa boe!
25506	LUK 11:32	Ma taa kada Ndia mesakana! Dei fo hataholi la mana mai kala leme Niniwe mai, foꞌa lambadeik, de ala dedeu ei fo bei kasodak hatematak ia, lae, ‘Ei basa nggei nggoak!’ Ala kokolak lae leo ndia, na huu fain, fo neu faik Yunus neu nafada Lamatuak hihiin neu sala, boe ma ala hondak tutik. Naa te hatematak ia, Hataholi fo Ana seli lena heni Yunus ndia, nai ei basa nggei lalada mala, tehuu ei taa nau hondak fa boe!
25612	LUK 13:25	Mete ma maumak nggoe lelesun so, na, dei fo ei mambadeik nai deak, fo dedele lelesu, ma eki moke tulun, mae, ‘Ama! Soi lelesu dei!’ Tehuu dei fo Ana nataa, nae, ‘Ei ia, see? Au taa alelak ei maa!’
25631	LUK 14:9	Mete ma leo ndiak, na, mafetak mai nafada o, nae, ‘Boso mamanasa, baa! Ama hii, na, tulun lali muni dea muu dei, huu au sadia kadela ia, soaneu hataholi inahuuk!’ Boe ma o foꞌa laꞌo ela kadela ndia no mamaek, de o muu manggatuuk muu kadela manai dea.
25640	LUK 14:18	Tehuu basa sala latoꞌo mata-mata kala, fo suek taa bisa leu. Esa natoꞌo, nae, ‘Awii! Bei fo au hasa ala osi esa, de au musi uu ita sudi kana dei. Boso mamanasa baa!’
25641	LUK 14:19	Feꞌek natoꞌo, nae, ‘Bei fo au hasa ala sapi luku pasan lima. De au sangga uu soba sudi kasa ia, de boso mamanasa baa!’
25666	LUK 15:9	Faik fo ana hambu falik doik ndia, boe ma ana noke nala hataholi uma tia-tai nala, de nae ‘Wei! Ei mai fo mamahoko noꞌu mia au dei! Huu au hambu falik au doi mana mopong ndia so!’
25669	LUK 15:12	Laꞌi esa, kakana mateꞌa teisusuk, nafada aman, nae, ‘Ama aa! Baꞌe fee au hata pusaka hatematak ia leo!’ Boe ma aman baꞌe hata la sila neu anan dua sala.
25676	LUK 15:19	Au taa andaa dadik neu ama anan so bali. Ela ama simbok mala au, dadik neu mana tao ues nai ama uman boe oo, malole ndia!’ ”
25713	LUK 16:24	Boe ma ana nanggou, nae, ‘Baꞌi Abraham aa! Kasian neu au dei! Fee Lasarus dombe lima kuꞌu mbedan neu oe, fo ana mai nakadoen neu kada au maang mbedan boe oo, malole ndia. Huu au doidoso mamates nai haꞌi naraka ia!’
25726	LUK 17:6	Boe ma Yesus nataa, nae, “Mete ma ei namahehelem neu Manetualain koasan, na, mae kada fak boe oo, tehuu ei bisa palenda ai ina ndia, mae, ‘Feꞌa, fo lali muni tasi dale muu!’ Dei fo ai ndia tungga ei palendam tutik.”
25727	LUK 17:7	Basa boe ma Yesus kokolak bali, nae, “Haꞌi conto. Hambu ata esa, tati dae nai osi, ma nanea biꞌilombo nai mook. Ana tao ues nateꞌe boe ma ata ndia fali uma neu. Mae leobee boe oo, ndia malanggan taa kokolak nae, ‘Mai fo ita dua nggata tanggatuuk fo taꞌa noꞌu leo!’
25740	LUK 17:20	Faik esa, hataholi Farisi luma mai latane Yesus, lae, “Ama Mesen! Mafada sudik ai dei! Faik bee ndia Manetualain mulai nakalalaꞌok Ndia totoꞌu palendan?” Boe ma Yesus nataa, nae, “Leo iak! Lamatuak taa nakalalaꞌok Ndia totoꞌu palendan nenik tanda mata-mata kala nai daebafok ia, fo hataholi bisa nita no ndia matan. Hataholi la taa hambu buti, de lae, ‘Hena mete sudik ia! Huu Manetualain nakalalaꞌok Ndia totoꞌu palendan nai ia so!’, do ‘Nai ele!’ Taa! Huu Ana nakalalaꞌok Ndia totoꞌu palendan nai ei lalada mala, fo nai hataholi la dale nala.”
25743	LUK 17:23	Mete ma hataholi la mai lafada, lae, ‘Karistus nai ia!’ do, ‘Karistus nai ele!’ na, ei boso masambute masanggak miu-mai, huu hataholi la kokola nala sila pepekok ndia.
25760	LUK 18:3	Nai ndia boe oo, hambu ina falu esa nambue neni mana maketu dedeak ndia neu, fo noke nakandondoo henin, nae, ‘Ama mana maketu dedeꞌak! Maketu au dedeꞌang no ndoos, baa!’
25894	LUK 20:46	“Ei musi mata neuk neu mese anggama la. Huu ala lahiik lalaꞌok pake badu naluk mana mbembek, fo leu latonggo lo hataholi noꞌu kala, fo suek hataholi la lita sala, na lae, ‘Wei! Sila ndia, hataholi inahuuk, bou!’ Ala lahiik sangga mamanak nana hadak ana seli, nai uma huhule-haladoi kala, nai feta, ma nai mamanak fo hataholi la lateme lakabubua.
25903	LUK 21:8	Boe ma Yesus nataa, nae, “Sadi ei manea matalolole, fo boso ei nana kedi nalak. Huu dei fo hambu hataholi mata-mata kala mai, fo bamba kala nala, lae, ‘Au ia Karistus.’ Luma boe lae, ‘Fai daebafok babasan deka-deka mai so!’ Tehuu boso mamahele!
25970	LUK 22:37	Huu hataholi Yahudi la, tao Au leo hataholi manggalauk. De, baꞌianak bali, ala mai humu Au. Huu ndia ana laꞌe ndandaak no hata fo baꞌi Yesaya sulak mema kana so, nae: ‘Ala tao Ndia sama leo hataholi manggalauk!’ ”
26034	LUK 23:30	Faik ndia totoꞌa inahuuk ndia mai, de hataholi la doidoso lalan seli, losak ala loke, lae, ‘Malolenak lete kala ndefa mai, fo tuni lala ai leo!’ Sila boe kokolak, lae, ‘No doidosok leo iak, na, malolenak lete mbumbuku kala latoi lala ai leo!’
26128	JHN 1:15	Yohanis ndia, nafada dedeꞌak laꞌeneu Hataholi ia. Ana nanggou nae, “Mamanene bou! Ndia ia, fo au tuik so ae, ‘Dei fo Hataholi esa sangga mai. Ndia koasan lena heni au. Huu bei ta bonggi au, naa te Ana mana memak nakahuluk so!’ ”
26145	JHN 1:32	Manetualain nadenu au mai salani hataholi unik oe. Ana nafada au boe nae, ‘Neu ko Hataholi esa sangga neni o muu. Boe ma Au Dulang konda neu Ndia. Hataholi ndia, noo Au Dula Dale Malalaong, fo fee koasa neu Au hataholi nggala.’ Ledoeik Hataholi ndia mai, au bei taa alelak Ndia. Tehuu ledoeik au ita Lamatuak Dulan konda neme lalai mai, sama leo mbui lunda, de tena neu Ndia, bei fo au alelak Ndia ae, ‘Ndia ia, fo Hataholi ndia!’
26147	JHN 1:34	Au ita dedeꞌa kala sila unik au mata deꞌe heheling. Boe ma au afada ei ae, ‘Hataholi mana maik ndia, na, Manetualain Anan ndindia!’ ”
26217	JHN 3:28	Ei mesa nggei mamanene so, au afada manggaledok ae, ‘Au ia, taa ndia Karistus fo ita tahanin taa-taa. Tehuu Lamatuak nadenu au akahuluk, fo soi dalak fee Karistus. Kada leondiak leo!’
27187	ACT 7:2	Stefanus nataa bala nae, “Ama-ama ma basa tolanoo nggalei! Ei mamanene suꞌdik au dei. Lele uluk ele, ita baꞌin Abraham bei tana huꞌa neme ndia nggolo fuafuni-keꞌdihusen mai. Tehuu Manetualain manai lain seli ndia, Ana natuꞌdu mata-aon neun. Manetualain Ana palendan nae, ‘Laꞌo ela o nusam ia, ma laꞌo ela o kaꞌa-faꞌdi mala. O laꞌo leo, fo muni nusak esa fo neu ko Au atuꞌdun neu o!’ Basa boe ma, bei fo ana laꞌo neme dae Mesopotamia ndia mai, de ana huꞌa neni kota Haran neu.
27235	ACT 7:50	Huu lalai no basa daebafok isi nala, Au ndia tao sala!’ ”
27383	ACT 11:7	Boe ma au amanene halak esa nadenu nae, ‘Peꞌu! Foꞌa leo! Hala mala banda la sila fo muꞌa leo!’
27385	ACT 11:9	Tehuu halak ndia ana bala nae, ‘Mete ma Manetualain nae hata esa ta nalulik, na o boso mae nalulik bali!’
27528	ACT 15:17	Tao leondiak fo hataholi la leme leo feꞌek mai boe, fo sangga latonggo lo Au. Te Au boe oo hele ala sala so, fo daꞌdik neu Au hataholing. Te Manetualain nakokola basa leondiak neme makahulun mai so!’
27532	ACT 15:21	Naah, mete ma ata tao heti-heu leo iak, na ia dedeꞌa beuk taa ia. Te hataholi noꞌu kala bubuluk so, lae ita hataholi Yahudi la haꞌdan memak leondiak. Huu Baꞌi Musa heti-heun ndia, de ita lees ana nai basa uma huhule-haladoik, fo nai fai hahae ue-ledis, suꞌdi nai bee. De, hataholi nusa feꞌe kala noꞌu kala bubuluk so. De au kokolang baꞌu kaꞌda ndia. Makasi!’
27780	ACT 22:8	Memak, au amanene halak ndia, tehuu au taa ita hataholin. De au atane ae, ‘Te ama mana kokolak ia, see?’ Boe ma halak ndia nataa nae, ‘Au ia Yesus, hataholi Nasaret, fo o tao doidoso Au!’
27858	ACT 24:21	Fama hambu dedeꞌak esa, ama, fo ana tao ala lahuu, ma dale nala taa malole lo au. Leꞌdoeik au mboka ae, ‘Ei sangga huku au, huu au amahele ae, Manetualain bisa Ana tao nasoꞌda falik hataholi mana matek!’ ”
28249	ROM 9:26	Ndia boe sulak, nae, “Nai ndia, nai mamanak fo Lamatuak nafada sala, nae, ‘Ei ndia, ta dadi Au hataholing!’ Dei fo Manetualain Masodak, sangga nafada sala, nae, ‘Hatematak ia, ei dadik Au ana nggala so!’ ” Ana kokolak nae leondia, na, huu Ana kasian neu hataholi ta Yahudi la.
30071	HEB 3:9	Duduꞌa sudi kana dei! Teuk haa hulu Au tao tanda heran mata-matak nai sila mata deꞌe nala! Tehuu ala lambue soba Au nakandondoo henin. Huu ndia de Au boe luli sala, ae, ‘Ei ia, ana seli! Te ei heok masadea ela Au dalang, fo tungga ei dala mala, fo kada mana peko-pakik ndia!’
30170	HEB 8:11	De ei basa nggei malelak neulalau Au, mulai neme kadiꞌi anak nalan seli mai, losa inahuu nalan seli. De ei ta paluu manoli bali ei nonoo mala ma ei tolanoo mala lae, ‘Ei musi malelak Lamatuak!’
30831	REV 3:17	Ei kokolak koaok, mae, ‘Ai ia hataholi kamasuꞌik. Ai masoda neulalau, ta toꞌa-taa hata-hata bali!’ Naa te, ei dale mala sama leo mbokek, losa ei ta bubuluk bee ndia malole. Huu ndia de, ei dadik sama leo hataholi manggananalok, mana taik, ma makaholak.
31079	REV 18:17	Tehuu kada nai liꞌu esa dalen, o bua mala taa kasa so. Kada ta doo anak, o suꞌi mala mopo basa sala so!’ Makahulun boe, ofak kapatei nala, ma mataroo sala saꞌe ofak leu-mai lai kota ndia. Tehuu hatematak ia, kada lambalani see lai dook. Te hatematak ia, kada lambalani suli leme dook ele mai.
31095	REV 19:9	Boe ma ata neme nusa-sodak mai ndia, nafada au, nae, “Yohanis! O musi sulak leoiak: ‘Basa hataholi la fo mana hambu hohokak neni Biꞌilombo Ana feta kabin ndia, neu ko sila laua-lanale lalan seli!’ ” Basa de, ata ndia, tuti kokolan bali, nae, “Manetualain Dedeꞌa-kokolan ia, memak tetebes!”