23459	MAT 9:11	Tej toc cycye'yen fariseo nwaa'ncx Jesús cyuya kej xjal yuwin tuj cywitz fariseo, e xi' cykanenxin cye t-xnak'atzxin: —¿Tikentzen nwaa'ncx jxin xnak'tzal cyey cyuyaj chmol alcabala bix tuya mastl aj il?—tz̈ikexin.
23462	MAT 9:14	Yajc'atl, bix e pon tuya Jesús cab xjal lepchec ti'j Juan Bautista, bix e xi' cykba'nxin texin: —Ncub kpa'na weyaj bix ncub cypa'n aj fariseo weyaj. Pero kej tey t-xnak'atza, ¿tikentzen min ncub cypa'n weyaj?—tz̈ikexin.
23531	MAT 11:3	Bix e xi' cykanenxin te Jesús: —¿Japa tey Jscy'o'n tu'n Dios tu'n tul te cawel, bix ka at juntl ko ayola ti'j tu'n tul?—tz̈ikexin.
23568	MAT 12:10	Bix at junxin xjal otk tz'el tanem tk'abxin. Bix ete'c xsunj xjal fariseo tuj camon jaa', bix e xi' cykanenxin te Jesús: —¿K'o'npa tu'n ley tu'n tcub tk'anj jun xjal tuj k'ij te ajlabl?—tz̈ikexin. E xi' cykanenxin texin ju'wa tu'n tcub tz'akxin tuj cyexin cyley.
23788	MAT 17:19	Yajc'atltzen tej cycyajxin cyjunalxxin, e xi' cykanen t-xnak'atzxin texin: —¿Tikentzen min xko xcyeya tu'n tel klojo'na biman?—tz̈ikexin.
23793	MAT 17:24	Tejtzen cyponxin tuj Capernaum, ul kej xin chmol chojentj te nin tja Dios tuya Pedro, bix e xi' cykanenxin texin: —Yajtzen cyey Cyxnak'tzal, ¿mi'mpale tzaj tk'o'nxin jchojbil tu'n tajben tuj tja Dios?—tz̈ikexin.
23797	MAT 18:1	Cyuj ja k'ij lu, e pon lk'e ke t-xnak'atz Jesús ti'jxin, bix e xi' cykanenxin texin: —Oj tul tcawbil Dios tzul tuj cya'j, ¿alcye xjal mas jawnex tuj?—tz̈ikexin.
23838	MAT 19:7	E xi' cykba'nxin texin: —¿Tikentzen e tcuya te Moisés tu'n t-xi' tk'o'n xinak jun u'j te xuuj tzin tkba'n otk chi cub pax?—tz̈ikexin.
23856	MAT 19:25	Toctzen cybi'n t-xnak'atzxin jlu, e jaw klee'kexin, bix e xi' cykanenxin: —Ka ju' ttena, ¿titzen tten tu'n tclet jun xjal?—tz̈ikexin.
23911	MAT 21:16	Bix e xi' cykba'nxin texin: —¿Tzimpa tbi'na jnxi' cykba'n kej nee' lu?—tz̈ikexin. Bix aj ttzak'be'nxin: —Tzin. Yajtzen cyey, ¿bajxpa jaw cys̈i'na tuj tyol Dios ti toc tu'n ti'j lu? Tzin tkba'n cyjulu: “Te cyej nee' bix ẍlak nchi ch'u'n, o txi' tk'o'na tu'n tjaw cynimsa'n tbi'ya,” tz̈i jun xjal te Dios—tz̈i Jesús.
23915	MAT 21:20	Tej cylonte t-xnak'atzxin ti otk baj, e jaw klee'kexin, bix e xi' cykanenxin: —¿Titzen tten xtzkij tken higuero tujx naj?—tz̈ikexin.
23918	MAT 21:23	Tej tocx Jesús tuj nin tja Dios, ak'xin xnak'tzal. Bix e pon lk'e kej nejenel cye pala bix kej nejenel cye xjal ti'jxin, bix e xi' cykba'nxin texin: —¿Titzen jilel toclena tu'n tbinchantiya cykilcaj lu? ¿Bix al ma tz'oc k'onte tajwalela tu'n tex tlojo'na ke q'ueyel tuj tja Dios ewe?—tz̈ikexin.
23920	MAT 21:25	Tej cybautizarj xjal tuj a' tu'n Juan Bautista tu'n binne cyten xjal tej tul jxjal Scy'o'n tu'n Dios, ¿jaa' e tzaa' tajwalelxin, tu'npa Dios tuj cya'j, ma tu'npa xjalj?—tz̈ixin. Bix ak' kej xin pala bix kej tx'olbal ley yolel cyxolx ti tten tu'n taj cytzak'be'nxin: —Katzen ma txi' kkba'n ka ja Dios e tzaj k'onte taak'en Juan, bixse c'aaltz tkba'nxin ka tu'n tiken min oc kbi'na tyol Juan.
23958	MAT 22:17	Ju' tzunj, kbantz keya, ¿tajpa Dios tu'n t-xi' kk'o'n te cawel te Roma jchojentj tzin tkanen ke, bix ka min?—tz̈ikexin.
23961	MAT 22:20	Bix e xi' tkanenxin cyexin: —¿Ale jwitzbaj bix ale jbiybaj tcub twitzj pwaka?—tz̈ixin.
24177	MAT 26:54	Pero nuket ma txi' nkanena tu'n mi'n chin cyima, ¿titzen tten tu'n tel jax jtyol Dios e tkba il ti'j tu'n ntzyeta?—tz̈ixin.
24185	MAT 26:62	Ju' tzunj, e jaw we' tneel pala, bix e xi' tkanen te Jesús: —¿Mimpatii' ctzaal ttzak'be'na cyi'j yola? ¿Ti toc cyu'na ti'j cyyol jxjal lu?—tz̈ixin.
24191	MAT 26:68	Bix e xi' cykba'nxin: —Jay Scy'o'n tu'n Dios, kbantz keya, ¿alj xjal kxola s-oc pjunte tey?—tz̈ikexin.
24220	MAT 27:22	E xi' tkba'n Pilato cyexin: —Jey', ¿tine cyaja tz'oc nbincha'na ti'j Jesús, ja xjal Scy'o'n Tu'n Dios tbi?—tz̈ixin. E cykba cykilca xjal: —¡K'onwexin twitz cruz tu'n tcyimxin!—tz̈ikexin.
24221	MAT 27:23	Bix e xi' tkba'n Pilato: —¿Tiken? ¿Tine jilel ka' ma cub tbinchexin?—tz̈ixin. Pero bix aj cytzak'be'n xjal juntl maj mas cyiw: —¡E tjaw twitz cruz!—tz̈ikexin.
25106	LUK 3:12	E pon cab chmol alcabala tu'n cycu'x tu'n Juan tuj a', bix e xi' cykanen te Juan: —¿Titzen pjel keya tu'n tchic'ajax ka otk ko meltz'aja tuya Dios?—tz̈ike.
25108	LUK 3:14	Bix at cabtl soldado ttzii' nima', bix e xi' cykanen te Juan: —Yajtzen keya, ¿titzen pjel keya tu'ntzen tchic'ajax tu'n kmeltz'aja tuya Dios?—tz̈ike. Bix e xi' ttzak'be'n Juan cye: —Mi'n tz'el cykanena cypwak xjal tu'n cyclet cywitza. Mi'n jaw cyxtz'imena cyi' xjal tu'n cycamana cyi'j. Mi'n nuk cub cytziy ti'j twi' cyc'u'ja—tz̈i Juan cye soldado.
25154	LUK 4:22	Cykil xjal el cyniy' ti'j ti e tkba Jesús, bix e jaw klee'ke ti'j otk tkbaxin jax xinj xjal at tulel, bix ak' ke xjal yolel cyxolx: —¿Pero yaa'mpatzen jxjal lu nuk tcwal José?—tz̈ike.
25206	LUK 5:30	Kej xjal fariseo bix ke tx'olbal ley oc cycye'yenxin jlu, bix el ka' tuj cywitzxin, bix e xi' cykba'nxin cye t-xnak'atz Jesús: —¿Tikentzen nchi waa'ncxey cyuya chmol alcabala bix tuya mastl aj il?—tz̈ikexin.
25388	LUK 9:18	At juntl k'ij e ten Jesús tjunalxin cyuya ke t-xnak'atzxin. Bix e na'n Jesús Dios tjunalxin. Tej tbaj na'nxin Dios, e xi' tkanenxin cye: —Tuj cywitz xjal, ¿al-le kena?—tz̈ixin.
25390	LUK 9:20	Bix e xi' tkba'n Jesús cye: —Yajtzen cyey, ¿al kena tuj cywitza?—tz̈ixin. Aj ttzak'be'n Pedro: —Jay jxjal o tscy'o Dios te cawel tibaj cykilca—tz̈i Pedro.
25424	LUK 9:54	Tej cybinte ke t-xnak'atzxin Jacobo bix Juan otk tz'el cyxoo'n kej xjal tej tnoma ja Jesús, e xi' cykba'nxin texin: —Taat, ¿yaa'mpaxsele ba'n tuj twitza tu'n t-xi' kkanen k'ak' twitz cya'j tu'n cynaj xjal lu?—tz̈ikexin.
25457	LUK 10:25	At jun maj e pon lk'e jun tx'olbal ley ti' Jesús te kanlecte ka n-el tniy' Jesús ti'j ley. E xi' tkba'nxin: —Taat Xnak'tzal, ¿alcyej il ti'j tu'n tbint wu'na tu'n ncamana nchunk'lala te junx maj?—tz̈ixin.
25461	LUK 10:29	Pero tcy'i jxin xjal lu tz'oc cyak' ke tuyaxin texin. Ju' tzunj e xa' tkba'nxin te Jesús: —¿Alcyetzen ke wuyena?—tz̈ixin.
25775	LUK 18:18	At junxin xjal crinsipal cyxol judío oc tkanenxin te Jesús: —Xnak'tzal ba'n, ¿alcye cbinel wu'na tu'n ncamana nchunk'lala te junx maj?—tz̈ixin.
25783	LUK 18:26	Toc cybi'n jlu, e xi' cykba'n t-xnak'atzxin: —Ka ju' ttena, ¿titzen tten tu'n tclet jun xjal?—tz̈ikexin.
25793	LUK 18:36	Tej toc tbi'n mos̈ nim xjal nlabt tuj be, e xi' tkanen: —¿Tiken at nim xjal ja'lewe? ¿Ti nbaj?—tz̈ixin.
25833	LUK 19:33	Tej tel cypju'nxin, bix oc noj ke taaw bur cyi'jxin, bix e xi' cykanen cyexin: —¿Titzen n-ela cypju'na jjil bur?—tz̈ike.
25870	LUK 20:22	Ju' tzunj, kbantz keya, ¿tajpa Dios tu'n t-xi' kk'o'n te cawel te Roma jchojentj tzin tkanen ke, bix ka min?—tz̈ikexin.
25872	LUK 20:24	—Cyyeec'atz jun pwak weya. ¿Ale tzunj witzbaj tcub twitz ja pwaka, bix ale biybaj toc tjak' witzbaja?—tz̈ixin. Aj cytzak'be'nxin: —Te cawel te Roma—tz̈ikexin.
25902	LUK 21:7	Bix e xi' cykanenxin te Jesús: —Taat Xnak'tzal, cykilca kej lu ma tkbay keya ti'j ti pjel jun k'ij, ¿jtojtzen pjel? ¿Bix alcye techel tzul te yec'bil oj ch'itk tu'n tbaj?—tz̈ikexin.
25982	LUK 22:49	Tejtzen tel cyniy' t-xnak'atz Jesús ti'j at tu'n ttzyet Jesús cyu'n xjal, e xi'tzen cykba'nxin te Jesús. —Taat, ¿tajpey tu'n kk'ojla cyi'j xjal lu tuya kspadiya?—tz̈ikexin.
26003	LUK 22:70	Bix e xi' cykba'nxin cykilcakexin: —¿Tzimpa tkba'na ka jay mero Tcwal Dios?—tz̈ikexin. Bix e xi' tkba'n Jesús cyexin: —Ja tzunj yol lu, ma scy'et cyu'na wi'ja, pero mi'n tz'oc nkba'na cyey ka ma chi tzpeta—tz̈i Jesús.
26007	LUK 23:3	Bix e xi' tkanen Pilato te Jesús: —¿Japa tey rey cye xjal judío?—tz̈ixin. Bix aj ttzak'be'n Jesús texin: —Jay ma scy'onte ja yol rey cye judío, yaa'n inayena—tz̈i Jesús.
26092	LUK 24:32	Bix ak'ke cyca'bel yolel cyxolx: —Jaxte ja xjal lu ja Jesús. ¿Ti min s-el kniy' ti'j ka ju'wa tej tcub ttx'olba'nxin tyol Dios ke tuj be, cuma xjawxsen noj kc'u'j tuya nim tzalajebl ti'j tyolxin?—tz̈ikexin.
26101	LUK 24:41	Nim e jaw klee'kexin, bix e xi' cykanenxin cyxolx: —¿Jaxpate ka ja xjal jlu Jesús?—tz̈ikexin, bix e jaw tzalajkexin cuma kape jaxin. Bix e xi' tkba'n Jesús cyexin: —¿Atpa ch'in waabj tzalu?—tz̈ixin.
26132	JHN 1:19	At junxin xjal e k'umen cye xjal: “Ma pon tumel tu'n tul jxin Sma'n tu'n Dios, ja Cristo,” tz̈ixin. Jatzen Juan Bautista e k'umente. At jun k'ij e pon juun pala bix juun xjal cyxol Leví tuya Juan Bautista. Otk chi tzaj cysma'n judío tuj Jerusalén. Bix e xi' cykanen te Juan: —¿Alcye tzuna?—tz̈ikexin.
26134	JHN 1:21	Bix e xi' cykanenxin texin juntl maj: —Ka yaa'n jay Jscy'o'n tu'n Dios, ¿japatzen tey ktzan tyolel Dios Elías?—tz̈ikexin. Aj ttzak'be'n Juan cyexin: —Yaa'n inayen wej tyolel Dios Elías—tz̈ixin. Bix e xi' cykanenxin: —¿Japa tey jjawnex tyolel Dios e tkba Moisés at tulel?—tz̈ikexin. —Min—tz̈i Juan.
26135	JHN 1:22	Bix e xi' cykba'nxin texin: —Kbantz keya alcye tzuna, tu'ntzen t-xi' ktx'olba'na cyej xjal e tzaj cysma'n ejoo'ya tuyey. ¿Alcyey cxe'l kkba'na? ¿Alcye tzuna tuj twitza?—tz̈ikexin.
26151	JHN 1:38	Bix aj tcye'yen Jesús, bix tej tlontexin oc lpekexin ti'jxin, e xi' tkba'nxin cyexin: —¿Ti cyaja?—tz̈ixin. —Taat Xnak'tzal, ¿jaa' najley?—tz̈ikexin.
26237	JHN 4:12	J-a' tuj ja pozo lu ajben te Jacob cyuya tcwalxin, bix nimte te cyc'a' cywacẍ. Bix o cyaj tk'o'nxin ja pozowe te keya. ¿Japa tey mas jawnex twitzxin, tu'n ttzaj tk'o'na jun a' mas ba'n weya?—tz̈ixuj.
26245	JHN 4:20	At jun nkanbila tey. Ke kiy'jila e na'nke Dios tzalu twi' ja witz lu. Pero ejee'y judío tzin cykba'na il ti'j tu'n tjaw knimsa'na ejoo'ya aj Samaria tbi Dios nuk tuj Jerusalén. ¿Ti toc tu'na ti'j ti taj Dios?—tz̈ixuj.
26254	JHN 4:29	—¡Ko'tzen! Ti'jxe tnom at jun xjal ma tzaj tkba'n weya cykilcaj o nbinchaya witz'jlena. ¿Ti toc cyu'na? ¿Yaa'mpale xjalja lu Jscy'o'n tu'n Dios?—tz̈ixuj.
26258	JHN 4:33	Ju' tzunj ak' ke t-xnak'atzxin kanlte cyxolx: —¿Atpale jun xjal ma tzul k'olte twa?—tz̈ikexin.
26277	JHN 4:52	Bix e xi' tkanenxin cyexin: —¿Ni' hora tk'anj ncwala?—tz̈ixin. —E k'anj ewe jun hora tibaj chil k'ij—tz̈ikexin.
26285	JHN 5:6	Tej tlonte Jesús ja yaab, el tniy'xin ti'j otk tz'el nim k'ij tyabtlenxin. Bix e xi' tkba'nxin te yaab: —¿Tajpey tu'n tco'pja tuj tyabela?—tz̈ixin.
26351	JHN 6:25	Tejtzen tcnet-xin cyu'nxin jlajxe a', e xi' cykanenxin texin: —Taat Xnak'tzal, ¿jtoo tzula tzalu?—tz̈ikexin.
26408	JHN 7:11	Tejtzen cypon aj Galilea tuj Jerusalén pero min-al Jesús cyxolxin, e jyon ke judío ti'jxin, bix e xi' cykanenxin: —¿Jaa' ta' jxjal Jesús?—tz̈ikexin.
26439	JHN 7:42	¿Yaa'mpatzen tzin tkba'n tyol Dios ka ti'j tiy'jil David tuj ttanem David, jtnom te Belén, q'uitz'jel Jscy'o'n tu'n Dios?—tz̈ikexin.
26507	JHN 8:57	Ju' tzunj, e xi' cykba'n judío texin: —¿Tzimpa tkba'na e tena junx tuya Abraham twitz tx'otx' kaape ootxa? At-x nim jnabk'i tu'n tpona cya'wnak tuya laaj jnabk'i. ¿Ti tten nxi' tkba'na o tila Abraham?—tz̈ikexin.
26511	JHN 9:2	Bix e xi' cykanen t-xnak'atz Jesús te: —Taat Xnak'tzal, ¿alcye e binchan il, ti'j itz'j ja xjal lu mos̈? ¿Japa mos̈, bix ka ejee' tmanxin?—tz̈ikexin.
26517	JHN 9:8	Bix e xi' cykba'n ke tvesint-xin bix kej xjal otk cyil jaxin tej tkanenxin pwak: —¿Yaa'mpa ja xjal jlu mos̈ ncub ke twitz tja Dios te kanl pwak?—tz̈ikexin.
26521	JHN 9:12	Bix e xi' cykba'nxin texin: —¿Jaa'tzen ta' jxjal xk'anente tey?—tz̈ikexin. —Mintii' tumel wuyena jaa' ta'—tz̈ixin.
26524	JHN 9:15	Ju' tzunj e xi' cykanen fariseo te mos̈: —¿Ti tten xk'anja, tu'n tcye'yena? ¿Ti xbaj tey?—tz̈ikexin. Bix e xi' tkba'nxin cye fariseo: —S-oc tsu'n Jesús xook'l ti' nwitza, bix s-el ntxjo'na nwitza, bix ncyajtltzen ba'n—tz̈ixin.
26525	JHN 9:16	Ju' tzunj, e xi' cykba'n juun fariseo cyxolx: —Yaa'n sma'n tu'n Dios ja xjal lu, cuma ma binchanxin xook'l tuj k'ij yaa'n ba'n te ak'untl. Min tniman jley tej k'ij te ajlabl—tz̈ikexin. Pero at juuntl cyxolxin e xi' cykba'nxin: —Yaa'n tumel cyyola. ¿Ti tten ba'n tk'ane jun aj il mos̈?—tz̈ikexin. Bix ju' tzunj e tzaj jun k'oj cyxolxin.
26528	JHN 9:19	Bix e xi' cykanenxin cye tmanxin: —¿Japa tzunj xjal lu cycwala? ¿Jaxpa mos̈pa tej titz'j? Katzen mos̈xin, ¿titzen tten sul tnaabl twitzxin?—tz̈ikexin.
26544	JHN 9:35	Tejtzen tbinte Jesús otk tz'etz cylojo'n fariseo ja mos̈ tuj tja Dios bix tuj camon jaa', e jyonxin ti'j mos̈, bix e xi' tkba'nxin te: —¿Mapa tz'ocslaney ti'j ma tzul jxjal Sma'n tu'n Dios kxol?—tz̈ixin.
26549	JHN 9:40	Cyxoltzen xjal at cab fariseo. Tej cybinte fariseo tyol Jesús cyi'j mos̈, e xi' cykanenxin texin: —¿Jaxpa ju'x ko'ya, mos̈pa ko'ya tuj twitza?—tẍikexin.
26570	JHN 10:20	At nim xjal e xi' cykba'n: —Ma tz'oc jun biman ti'j, bix njaw tuj twi'xin. ¿Tiken nxi' cybi'na tyolxin?—tz̈ikexin.
26574	JHN 10:24	Tej t-xi' cycye'yen judío e ten Jesús tuj tja Dios, e jaw cychmon cyiibxin ti'jxin, bix e xi' cykba'nxin texin: —¿Jtojtzen tkbay tuj tzinen ka jay jxjal Scy'o'n tu'n Dios?—tz̈ikexin.
26600	JHN 11:8	Bix aj cytzak'be'n t-xnak'atzxin: —Taat Xnak'tzal, ma bint ca'ba oxe k'ij oc cyipen judío jatzewe ti'j tu'n tcub cybyo'n jay tuya xak. ¿Tikentzen taja t-xi'y juntl maj tuj ja tnoma?—tz̈ikexin.
26618	JHN 11:26	Cykilca kej xjal i'tz, ka ma chi ocslan wi'ja, mlay chi cyaj tuj jcyamecy te junx maj. ¿Tocsla'pa te ja lu?—tz̈ixin.
26629	JHN 11:37	Pero at juun cyxol e xi' cykba'n: —Jxin lu e xi' tk'anen jun xjal mos̈. ¿Titzen tten min oc tipenxin ti'j tu'n mint e cyim ja tuyaxin lu?—tz̈ikexin.
26632	JHN 11:40	Bix e xi' tkba'n Jesús texuj: —¿Tikentzen mintii' n-oc ke tc'u'ja wi'ja? ¿Mimpa txi' nkba'na tey, ka ma tz'ocslana wi'ja, tla'y tipemal Dios?—tz̈ixin.
26648	JHN 11:56	Bix tuj Jerusalén e jyonkexin ti' Jesús. Bix tej cychmonte cyiibxin tuj nintzaj tja Dios, e xi' cykanenxin cyxolxxin: —¿Titzen toc cyu'na? ¿Tzulpale Jesús tuj nink'ij tuj ja jnabk'i lu?—tz̈ikexin.
26813	JHN 16:18	¿Ti japenina ja yol “nuk ch'intl chin temela cyuyey”? ¿Ti tten tu'n tel kniy' ti'j tyolxin?—tz̈ikexin.
26871	JHN 18:17	Bix e xi' tkanen jtxin c'ojlal ttzii' jaa' te Pedro: —¿Yaa'mpatey juntl cyxol t-xnak'atz ja xjal at tunwen?—tz̈itxin. —Yaa'n t-xnak'atzxin kenwa—tz̈i Pedro.
26877	JHN 18:23	Aj ttzak'be'n Jesús te c'ojlal: —Ka min ma chin yolena tuj tumel, kbantz weya ti tten ma chin tzpeta. Pero ka tuj tumel nyola, ¿tikentzen n-oc tloka nwitza?—tz̈ixin.
26879	JHN 18:25	Jatzen Simón Pedro, luxxin wa'lecx ti' k'ak' tu'n tmek't-xin. Bix e xi' cykba'n niy'tl xjal toc ti' k'ak' texin: —¿Jaanpatey lepchec ti' ja xjal lu?—tz̈ikexin. Pero tcy'i Pedro jcyyolxin ju'wa, bix e xi' tkba'nxin: —Yaa'n jaan kenwa—tz̈ixin.
26880	JHN 18:26	Attzen cyxol xjal junxin t-ak'anal tneel pala, titz'en jxin xjal otk tz'el ttx'oman Pedro tẍquin. E xi' tkba'n tzunxin te Pedro: —¿Yaa'mpa ja tey xwila t-xol tken awal tuya Jesús?—tz̈ixin.
26893	JHN 18:39	Pero at jun costumbre cyxola. Tzin tkba'n costumbre tu'n tel ntzakpi'na jun aj judío tuj tzee' jaca nink'ij te Pascua. ¿Cyajpey tu'n tex ntzakpi'na jxin xjal lu Cycawel ejee'y judío?—tz̈ixin.
26903	JHN 19:9	Bix ocxxin juntl maj tuj tjaxin, bix e xi' tkanenxin te Jesús: —¿Japa tey te twitz tx'otx', bix ka ma tzaja te juntl lugar?—tz̈ixin. Pero mintii' ak' Jesús.
26904	JHN 19:10	Ju' tzunj e xi' tkba'n Pilato te Jesús: —¿Mimpa tzaj ttzak'be'na inayena? ¿Mimpa tz'el tni'ya ti'j at wipemala tu'n t-xi' ntzakpi'na jay, bix at wipemala tu'n tcyima twitz cruz?—tz̈ixin.
26909	JHN 19:15	Bix e jaw cys̈i'nxin: —¡Byo'nc'axin! ¡Byo'nc'axin! ¡K'onwexin twitz cruz!—tz̈ikexin. Bix e xi' tkba'n Pilato cyexin: —¿Jaxpa cyu'na? ¿Cyajpey tu'n tjaw nk'o'na cycawela twitz cruz?—tz̈ixin. Bix aj cytzak'be'n nejenel cye pala texin: —Nuk rey te Roma ncawen kibaja. Min-al juntl—tz̈ikexin.
26982	JHN 21:15	Tejtzen cybaj waa'nxin, e xi' tkba'n Jesús te Simón Pedro: —Simón, tcwal Jonás, ¿n-ocpa wak'a tey mas twitzj taak'ena te tzyul quis̈?—tz̈ixin. —Tzin, taat. Tzki'n tu'na n-oc tak'a weya—tz̈i Pedro. E xi' tkba'nxin te Pedro: —Ka ju' tten, c'ojlanx kej xjal lepchec wi'ja, tisenj jun cylel nc'ojlan ke tal carnel—tz̈ixin.
26983	JHN 21:16	Juntl maj e xi' tkanenxin te Pedro: —Simón, tcwal Jonás, ¿n-ocpa wak'a tey?—tz̈ixin. Aj ttzak'be'n Pedro: —Tzin, taat. Tzki'n tu'na n-oc tak'a weya—tz̈i Pedro. —C'ojlanx kej xjal lepchec wi'ja—tz̈i Jesús.
26984	JHN 21:17	Bix te toxen maj e xi' tkanenxin te Pedro: —Simón, tcwal Jonás, ¿n-ocpa wak'a tey?—tz̈ixin. Cuma otk tzaj tkanenxin toxen maj: “¿N-ocpa wak'a tey?” ju' tzunj e tzaj tbis Pedro, bix e xi' tkba'n te Jesús: —Taat, tzki'n tu'na cykilca. Tzki'n tu'na n-oc tak'a weya—tz̈i Pedro. Bix e xi' tkba'n Jesús te Pedro: —C'ojlanx kej xjal lepchec wi'ja.