23243	MAT 2:5	Bix aj cytzak'be'nxin texin: —Tu'n titz'j tuj tnom te Belén tuj departamento te Judea, cuma e cyaj tz'i'bet tu'n jun tyolel Dios cyjulu:
23263	MAT 3:2	—Cyk'oncja cyila bix chi meltz'aja tuya Dios, cuma tzul lk'e tcawbil Dios kxol—tz̈i Juan Bautista.
23352	MAT 6:1	Bix e xi' tkba'ntl Jesús cye t-xnak'atz: —C'oquel cycwenta ti'j tu'n mi'n cybinchana ba'n nuk o'cx tu'n cyoc cye'yena cyu'n xjal. Ka ma cybinchaya nuk tu'n tchic'ajax cybinchbena cywitz xjal, mlay tzaj k'o'n cycotza tu'n Cymana Dios tuj cya'j.
23386	MAT 7:1	Bix e xi' tkba'ntl Jesús cye t-xnak'atz: —Mi'n tz'oc cycye'yena ke xjal tu'n t-xi' cykba'na ka ka'ke xjal, tu'ntzen mi'n cub castiwa tu'n Dios cyibaja,
23418	MAT 8:4	Bix e xi' tkba'n Jesús texin: —Mi'n txi' tkba'na cye xjal ti ma baj ti'ja, sino cutxena tey, bix yeec'anx tiiba twitzj xin pala tu'n tel tniy' ti'j ka ma tzul tnaabla. Bix k'oncx jtoybila texin tisen o tkba Moisés, tu'ntzen t-xi' tkba'n pala cywitz xjal ya ma cyaja ba'ntla—tz̈ixin.
23454	MAT 9:6	Te weya, junx ta'. Tu'n tel cyni'ya ti'j at wipemala tu'n tcub nnajsa'na cyil xjal, cwel nk'anena ja yaab lu—tz̈i Jesús cye tx'olbal ley. Bix e xi' tkba'nxin te yaab: —We'wetzen tey, k'inx twetbila, bix cutxetzen tjay—tz̈ixin.
23466	MAT 9:18	Mitkna'x tbaj yolen Jesús tej tpon twitz junxin xjal cawel cyxolj xjal e chmet tuj camon jaa' xnak'tzbil tyol Dios. E cub mejtz'ajxin twitz Jesús, bix e xi' tkba'nxin te: —Ja'lecuwe xcyim nmeela. Najsama, quixta wuyena bix k'a'c'a tk'aba tibajtxin tu'n titz'jtltxin—tz̈ixin.
23485	MAT 9:37	Bix e xi' tkba'nxin cye t-xnak'atzxin: —Jtaak'en Dios cyi' xjal tisen jun jaatx'en. Nimxsen jaatx'en, pero yaa'n nimxix ak'anal at te chmolte.
23491	MAT 10:5	Ejee' tzunj cablaaj xjal e xi' tchk'o'n Jesús te binchalte taak'en. Pero tneelxix, e xi' tkba'nxin cyexin: —Mi'n che'xa cyxol kej xjal yaa'n judío, bix mi'n chi ocxa tuj cytanem aj Samaria.
23682	MAT 14:16	Pero e xi' tkba'n Jesús cyexin: —Yaa'n il ti'j tu'n cyxi' xjal. Ejee'x cyey cyk'onx cywa xjal.
23684	MAT 14:18	—Cyii'ntza nwitza—tz̈ixin.
23697	MAT 14:31	Bix e xi' tnukpi'n naj Jesús tk'ab te tzyulte te Pedro, bix e xi' tkba'nxin: —Yaa'n nimxix ma tz'oc ke tc'u'ja wi'ja. ¿Tiken xbaj tc'u'ja wi'ja?—tz̈ixin.
23715	MAT 15:13	E xi' ttzak'be'nxin: —Mi'n baj cyc'u'ja cyi'j, cuma mi'n cyaj cybinchben cyu'n. Cykilca awal min ma cu'x tawa'n Nmana at tuj cya'j, cjawetz lequet cyloc'.
23728	MAT 15:26	Bix aj ttzak'be'nxin texuj: —Yaa'n tumel oj tel k'i'n cywa nee' tu'n t-xi' k'o'n cye txyan—tz̈ixin.
23747	MAT 16:6	Bix e xi' tkba'nxin cyexin: —Cyc'ojlam cyiiba tuyaj cypan aj fariseo bix xsunj cypan aj saduceo—tz̈ixin tuj ewjel ch'in ti'j cyxnak'tzbil fariseo bix saduceo.
23778	MAT 17:9	Cyajcatztzen meltz'ajkexin twi' witz, bix e xi' tkba'n Jesús cyexin: —Mi'n txi' cykba'na te jun xjal ti jilel ma cyila, ojxe tjatz itz'j tuj cyamecy jxjal Sma'n tu'n Dios tu'n ntena cyxol xjal—tz̈ixin.
23789	MAT 17:20	Bix aj ttzak'be'nxin cyexin: —Tu'nj yaa'n nimxix cyocslabla, mix s-etza biman cyu'na. Jaxxix cxe'l nkba'na cyey, nuket tz'oc ke cyc'u'ja ti' Dios, ikchetle ju' ch'in cyocslabla tisen jun twitz mostaza, jac'atzen txi' cyk'umena tej witz lu tu'n tjaw k'ukpaj tu'n t-xi' maa chix, ctcuyate witz. Ka min ma baj cyc'u'ja, cykilca ba'n tbint tu'n Dios cyey.
23839	MAT 19:8	Bixse aj ttzak'be'n Jesús cyexin: —Ju'tzen tcyajlen tkba'n Moisés tu'n tex cylojo'na cyxu'la, pero tu'n cyyuwinela. Pero tuj tneel yaa'n ju' tewa.
23845	MAT 19:14	Pero e xi' tkba'n Jesús: —Cytzakpi'nctz kej nee'wa tu'n cytzaj wi'ja, cuma nuk ka ju' tanem jun xjal tisen ejee' nee'wa, ba'ntzen tocx tuj tcawbil Dios—tz̈ixin.
23847	MAT 19:16	Ultzen junk'a xjal tuya Jesús, bix oc tkanenk'a te: —Xnak'tzal ba'n, ¿alcye ba'n cbinel wu'na tu'n ncamana nchunk'lala te junx maj?—tz̈ik'a.
23849	MAT 19:18	Bix e xi' tkanenk'a: —¿Alcyetzen ke mandamyent tu'n tbint wu'na? Bix e xi' tkba'n Jesús: —Mi'n chi byona xjal. Mi'n chi jyona juntl xuuj te pajbaj. Mi'n chi alk'ana. Mi'n chi ẍtak'ena.
23886	MAT 20:25	Pero e tzaj ttxco'n Jesús cykilcakexin, bix e xi' tkba'nxin cyexin: —Cytzki'ntl tzuna kej cawel te twitz tx'otx' nchi cawen tu'n t-xi' cyyeec'an nim cyajwalel cye xjal. Bix cyiw nchi oc cyi' xjal tjak' cycawbil.
23978	MAT 22:37	Bix aj ttzak'be'nxin: —C'oquelxix tak' Cyaawey Dios cyey tu'n cykil cyc'u'ja bix tu'n cykil cyanema bix tu'n cykil cynaabla.
24028	MAT 24:2	Bix e xi' tkba'nxin cyexin: —Cycye'yenx cykilcaj lu, cuma jaxxix cxe'l nkba'na cyey, mi nuket jun xak bix cyjel tibaj juntl. Cykilca pjel xitj—tz̈ixin.
24030	MAT 24:4	Bix aj ttzak'be'nxin: —Cyc'ojlam cyiiba cywitz kej xjal chi ul tzpetsal cyey.
24078	MAT 25:1	Bix e xi' tkba'ntl Jesús cye t-xnak'atz: —Yaa'n cykilca xjal binne cyten oj tul tcawbil Dios. Oj wul meltz'aja tuj cya'j, jpjel tisenj e baj tuj jun mejoblenel. Mitkna'x tul chmilbaj tuj mejoblenel. At laajtxin xuuj. E xi' cyii'ntxin cycantiltxin bix exketxin te clulte texin tuj be, tisenx tten.
24125	MAT 26:2	—Cytzki'na cabj tzul jnink'ij te Pascua bix ma pon tumel tu'n nk'oja tuj cyk'ab xjal tu'n nbyeta twitz cruz, inayena, jxjal Sma'n tu'n Dios tu'n ntena cyuya xjal—tz̈ixin.
24150	MAT 26:27	Bix e jaw tii'nxin jun vaso nojne tuya vino, bix e xi' tk'o'nxin chjonte te Dios ti'j, bix e xi' tk'o'nxin cye t-xnak'atzxin, bix e xi' tkba'nxin: —Cyc'anx cykilcakey ja vino lu,
24158	MAT 26:35	E xi' tkba'n Pedro texin: —Mi'n txi' nkba'na min ntzki'na twitza. Ka at il ti'j, chin cymela tu'n woc lpeya ti'ja. Mlay cyaj ncye'yena jay—tz̈i Pedro. Jax ju'x e xi' cykba'n cykilcatl t-xnak'atz Jesús.
24161	MAT 26:38	Bix e xi' tkba'nxin cyexin: —May'xsen tz'oc jun bis ti' wanema. Mlayxsen npawe. Chi tenc'atzen cyey tzalu. Cyimeltzen ch'in cywatla—tz̈ixin,
24186	MAT 26:63	Pero min ak' Jesús. Bix e xi' tkba'n tneel pala te: —Cxe'l ncubsa'na nwitza twitz Dios i'tz, kbantz keya ka jay jxjal Scy'o'n tu'n Dios te cawel, ka jay Tcwal Dios—tz̈ixin.
24202	MAT 27:4	E xi' tkba'nxin cyexin: —Ma chin binchana jun jawnex il, cuma ma txi' nk'o'na tuj cyk'aba jun xjal mintii' til—tz̈i Judas. Pero aj cytzak'be'nxin texin: —Mintii'ke kaj ti'j. Ti'j tey toca—tz̈ikexin.
24204	MAT 27:6	Jatzen cye nejenel cye pala, e jaw cyii'nxin pwak te plata, bix e xi' cykba'nxin: —Yaa'n k'o'n tu'n ley tu'n tcu'x kk'o'n tuj tcublel oybil tu'n tajben tuj tja Dios, cuma ja pwak lu ma tz'ajben te chojbil twi' tcyimlen jun xjal—tz̈ikexin.
24247	MAT 27:49	Pero e xi' cykba'n niy'tlkexin cyxol: —Kokcye'yectzen la'tzen ka tzul Elías k'ilcatz texin—tz̈i tzunkexin.
24269	MAT 28:5	Bix e xi' tkba'n tsanjel Dios cye xuuj: —Mi'n chi jaw sey'paj cyey. Ntzki'na nchi jyon cyey t-xumlal Jesús, jxin e jaw twitz cruz.
24274	MAT 28:10	Bix e xi' tkba'nxin cyexuj: —Mi'n tzaj ttz̈i cyi'ja. Cyucxa cykba'x xsuna cye nxnak'atza tu'n cyxi' tuj Galilea, jatztzen c'oquel cycye'yen inayena—tz̈i tzunxin.
24340	MRK 2:11	—We'wetzen tey, k'inx twetbila, bix cutxetzen tjay—tz̈i Jesús te yaab.
24456	MRK 5:23	bix nim oc tenxin cubsal twitzxin te Jesús. Tz̈i tzunxin cyjulu: —Ch'ix tel tanem jtxin nmeela te cablajaj jnabk'itxin. Quixta ch'in wuya, bix k'a'c'a ch'in tk'aba tibajtxin tu'n tul tnaabltxin bix tu'n titz'jtxin tu'n tipemala—tz̈itzen tawil c'ojlal camon jaa' te Jesús.
24469	MRK 5:36	Pero bix e tbi Jesús cyyolxin, bix e xi' tkba'nxin te tawil c'ojlal camon jaa': —Mi'n tzaj ttz̈i ti'ja. Kee'c tc'u'ja. Tzul tnaabl tmeela—tz̈i Jesús te Jairo.
24480	MRK 6:4	Pero bix aj ttzak'be'n Jesús cye xjal: —Jaa'xja tumel n-oc ocslette tyolel Dios. Pero yal jaa' najlaxin, mintii' tilelxin cye te tjaxin bix cye te ttanemxin—tz̈i Jesús.
24484	MRK 6:8	Bix e xi' tkba'nxin: —Mintii'xix cxe'l cyii'na tuj be, sino nuk juun cybardóna te juun, bix mintii' pwak bix cyway t-xi' cyii'na, bix mi'n txi' cyii'na cypay.
24493	MRK 6:17	Tz̈itzen Herodes ju'wa, cuma yaa'ntzen ti otk baj nejl. Otktzen tz'el tiken Herodes t-xu'l Felipe, titz'en Herodes, Herodías tbixuj. Pero tejtzen toc tbi'n Juan Bautista, bix e xi' tkba'nxin te Herodes: —Yaa'n tumel toc t-xu'lena t-xu'l titz'ena—tz̈i Juan te cawel. Ju' tzunj e tzyeta Juan tu'n Herodes tu'n tocxxin tuj tzee', bix ocx ẍpet-xin tuya cadena. Tu'n tzunj xuj Herodías ocxe Juan tuj tzee', cuma nk'ojlec tzunxuj ti' Juan.
24507	MRK 6:31	Bix e xi' tkba'n Jesús cyexin: —Ko'ke ajlal kjunalx tuj jun lugar tuj ttz̈yal—tz̈i Jesús, cuma txolen cypon xjal bix xi'nax cyxi' xjal. Mitetpe e binttl cywaa'nxin tu'n nimxse xjal.
24595	MRK 8:26	Bix e xi' tkba'n Jesús texin: —Ba'ntzen taja tjay. Pero cutxetzen jiquen tjay. Mi'ntzen tzi'ya tuj tnom bix min jaa' tz'oca tkba'na—tz̈i Jesús texin.
24608	MRK 9:1	Bix jax e xi' tkba'n Jesús: —Cxe'lxix nkba'n cyey ka at juun cyey tcub tzalu mi'n cyim ojxe toc cycye'yena techel ti tten tipemal tcawbil Dios—tz̈i Jesús cyexin.
24662	MRK 10:5	Bixse aj ttzak'be'n Jesús: —Ju'tzen tcyajlen tkba'n Moisés, pero tu'nj cyyuwinela.
24671	MRK 10:14	Toctzen tcye'yen Jesús, bix e tzaj tk'ojxin cyi' t-xnak'atzxin, bix e xi' tkba'nxin cyjulu: —Cytzakpi'nctz kej nee'wa tu'n cytzaj wi'j. Mi'n cysey tisenj tzin cyse'na, cuma nuktzen ejee' cyej xjal tisen kej nee'wa ba'n cyten tjak' tcawbil Dios, cuma tzin cybi'n bix min baj cyc'u'j.
24699	MRK 10:42	Toctzen tcye'yen Jesús tik'ch nbajcye t-xnak'atz, bix e tzaj ttxco'nxin cykilcakexin, bix e xi' tkba'n Jesús cyexin: —Cytzki'ntl tzuna cyxol kej xjal te Roma nchi cawen cyibaja at cawel nchi cawen tu'n t-xi' cyyeec'an nim cyajwalel cye xjal. Bix cyiw nchi oc cyi' xjal.
24709	MRK 10:52	Bix e xi' tkba'n Jesús texin: —Ba'n taja. Tu'n cykil tc'u'ja ma tzula tnaabla—tz̈i Jesús. Tujx naj tul tnaabl tbak' twitzxin, bix ak' xe'l lpexin ti' Jesús tuj be.
24738	MRK 11:29	Bix aj ttzak'be'n Jesús: —Ju'x we jax cxe'l nkanen cyey. Ka ma tzaj cykba'na we alcyej nkanbil cyey, jaxse jac'a t-xi' nkba'nwe cyey tuya alcye wajwalel ncwa' nbinche.
24780	MRK 12:38	Bix e xnak'tzanxxin mas cye xjal: —Cyc'ojlam cyiiba mi'n chi oc lpey cyi' tx'olbal ley, cuma cyachenxin chi iy' bet-xin tuya cu'j cyxbalenxin te yec'bilte ka nmak xjalkexin, cuma cyajxin chi oc k'olbet-xin tuya nim c'u'jbaj cyi'jxin oj nchi iy'xin tuj plasen.
24785	MRK 12:43	Bix e tzaj ttxco'n Jesús ke t-xnak'atz, bix e xi' tkba'nxin cyexin: —Cxe'lxix nkba'n cyey jxuj mebewa ma cu'x tk'o'nxuj mas nim twitzj cabtl xjal ncu'x k'onte nim,
24788	MRK 13:2	Pero bix aj ttzak'be'n Jesús: —Cye'ncxixseke ti'j lux ke jaa' ete'wa, cuma tzul jun k'ij oj cyiy' kuch'j jaa'wa. Mi nuket jun xak cyjel tibaj juntl—tz̈i Jesús.
24825	MRK 14:2	Pero at cab cyexin e kbante: —Mi'n jaw ktzyu'n Jesús tuj nink'ij, cuma ka ma jaw ktzyu'nxin tujc'a nink'ij, chi jawel meltz'aj xjal ki'j—tz̈i tzunkexin.
24829	MRK 14:6	Pero bix e xi' tkba'n Jesús cyexin: —Yaa'n ilj xuja. ¿Tikentzen ete'q'uey ya'l texuj? Jtexuj ma tz'oc tbinche wi'ja, ba'n teja.
24845	MRK 14:22	Maantktzen nchi waa'nxin, tej tjaw ttzyu'n Jesús jun pan, bix e xi' tkanenxin xtalbil te Dios ti' pan. Bix ak'xin piẍlcate, bix e xi' tk'o'nxin cye t-xnak'atzxin, bix e xi' tkba'nxin: —Cywaa'nx xsunj piẍen pana, cuma ja tzunj pana techlal nxumlala cwel yuchj—tz̈i Jesús.
24857	MRK 14:34	Bix e xi' tkba'nxin te cyoxel t-xnak'atzxin: —May'xsen tz'oc jun bis ti' wanem. Mlayxsen npawe. Chi tenc'atzen cyey tzalu. Cyimaltzen ch'in cywatla—tz̈i Jesús cye Pedro.
24897	MRK 15:2	Tejtzen tpon Jesús, bix e xi' tkanen Pilato texin: —¿Japa teja cawel cyibaj xjal judío?—tz̈i Pilato te Jesús. Bix aj ttzak'be'n Jesús: —Ju'tzen tisenj ma tkbay—tz̈i Jesús.
24908	MRK 15:13	Bix aj cytzak'be'n xjal cyiwx: —K'onwexin twitz cruz tu'n tcyimxin—tz̈i ke xjal.
24948	MRK 16:6	Pero bix etz yolenk'a cyi'jxuj: —Mi'n chi jaw sey'paj cyey. Nchi jyon cyey t-xumlal Jesús aj Nazaret, jxin e jaw twitz cruz. Pero ya min-altl texin tzalu, cuma ma jaw itz'jxin juntl maj. ¡Cycye'nc'a! Min-alxin jaa'j e cwa' tenxin.
24975	LUK 1:13	Bixsen e xi' tkba'n ángel te Zacarías: —Mi'n tzaj ttz̈i ti'ja. Dios tzul k'onte j-o txi' tkanena te Dios. Jxuj t-xu'la Elisabet tzul jun tcy'aala ti'jxuj, bix c'oquel tk'o'na tbi Juan.
24992	LUK 1:30	Pero e xi' tkba'n ángel tetxin: —Mi'n tzaj ttz̈i ti'ja, María, cuma o scy'eta tu'n Dios tu'n tk'onte jun xtalbil jawnex te tey.
25052	LUK 2:10	Bix e tkba ángel cye cylel: —Mi'n tzaj ttz̈i cyi'ja, cuma k'i'n jun tpocbalel jun tzalajebl wu'na te cykil xjal.
25057	LUK 2:15	Tej cyaaj meltz'aj ke tsanjel Dios tuj cya'j, bix ak' ke cylel yolel cyxolx: —Ko'ne cyey'lte jnee' ma tz'itz'j tuj Belén, jatzen nee'ja ma k'umj tu'n Dios—tz̈i ke cylel.
25076	LUK 2:34	Bix e xi' tkanen Simeón te Dios tu'n ttzaj tk'o'n Dios xtalbil te cye, bix e xi' tkba'nxin te María, ttxu nee': —Ebi'nc nyola. Ja tala lu c'oquel te kbalte ti'j ti pjel te jaca juun aj Israel, ka tu'n t-xi' tuj castiwa, bix ka tu'n tel ba'n. Nim cbinel tu'n, tu'ntzen tel cyniy' xjal ti'j ja Clol cye, pero nim xjal q'uelel iiq'uente.
25101	LUK 3:7	Nim xjal e pon ti' Juan ttzii' nima' tu'ntzen cycu'x tu'nxin tuj a'. Bix e xi' tkba'nxin cye: —Mina'x tcyaj cyk'o'na cyila. Ke cyey nuk tisen lbaj nchi el ok twitz k'ak'. Cyaj cyey tu'n cycu'xa wu'na tuj a' nuk tu'n mi'n cub castiwa cyibaja tu'n Dios.
25108	LUK 3:14	Bix at cabtl soldado ttzii' nima', bix e xi' cykanen te Juan: —Yajtzen keya, ¿titzen pjel keya tu'ntzen tchic'ajax tu'n kmeltz'aja tuya Dios?—tz̈ike. Bix e xi' ttzak'be'n Juan cye: —Mi'n tz'el cykanena cypwak xjal tu'n cyclet cywitza. Mi'n jaw cyxtz'imena cyi' xjal tu'n cycamana cyi'j. Mi'n nuk cub cytziy ti'j twi' cyc'u'ja—tz̈i Juan cye soldado.
25155	LUK 4:23	Bix e xi' tkba'n Jesús cye: —Ntzki'na mas yaj cykba'y weya cyjulu: “Yeec'amne ka jawnex tipemala. O kbiya e bint nim tu'na tuj tnom te Capernaum. Binchamtzen tzalu kxola, ejoo'ya xjal te ttanema, tu'ntzen kocslana ti'ja,” tz̈i cybela.
25167	LUK 4:35	Bix e xi' tkba'n Jesús: —C'ola bix texa tuj ja xjal lu—tz̈i Jesús. Tbinte biman tyol Jesús, bix e cub t-xoo'n jxjala twitz tx'otx' cywitz xjal tu'n tis̈j xjal, bix etz biman tuj. Pero min is̈j te xjal.
25186	LUK 5:10	Jax ju'x e jaw klee' kej xin Jacobo bix Juan, kej xin tcwal Zebedeo, bix tuya Simón ejee'tzen xinja cyaaw barc. Bix e xi' tkba'n Jesús te Simón: —Mi'n tzaj ntz̈iya ti'ja. Tetzen ja'lewe mi'ntzen tz'ak'anantl tey k'iljawtz quis̈, sino jatltzen teja taak'en tu'n t-xi' tk'umena cye xjal tu'n cyoc wuyena—tz̈i Jesús te Pedro.
25189	LUK 5:13	Bix e xi' tnukpa Jesús tk'ab tibaj yaab, bix oc tmoco'nxin, bix e xi' tkba'nxin: —Ba'n tuj nwitza. Tu'n tel yabel ti'ja—tz̈i Jesús. Bix tzinx yolen Jesús tej tel yabel ti' xjal.
25190	LUK 5:14	Bix e xi' tkba'n Jesús te: —Mi'n txi' tkba'na cye xjal ti ma baj ti'ja. Nuk o'cx tej xin pala cxe'la tyeec'a tiiba ka ba'ntla, bix k'oncx jtoybila texin tisen o tkba Moisés, tu'ntzen t-xi' tkba'n pala ya ma txjeta. Yeec'ax cyexin tu'n tel cyniy'xin ti'j at wipemala tu'n nk'anena xjal—tz̈i Jesús.
25224	LUK 6:9	Bix e xi' tkba'n Jesús cye fariseo: —Cxe'l nkanena cyey, ¿tzimpa tcuyan tley Moisés tu'n tbint jun ba'n tuj k'ij te ajlabl, bix ka tu'n tbint jun ka'? ¿Tzimpa tkba'n kley tu'n tk'anj xjal, bix ka tu'n tbyet xjal?—tz̈i Jesús, cuma el tniy'xin ti'j e cyajbe tu'n tbyet-xin.
25228	LUK 6:13	Tej tul k'ij, e tzaj ttxco'nxin kej xin oc lpe ti'jxin, bix etz tscy'o'nxin cablaaj t-xnak'atzxin cyxol, bix e xi' tkba'nxin cye: —Ejee'y chi oquel te nxela—tz̈ixin.
25235	LUK 6:20	Bix oc tcye'yen Jesús cywitz t-xnak'atzxin, bix e xi' tkba'nxin cye cyjulu: —Ejee'y mebe, at t-xtalbil Dios cyibaja, cuma ck'ojel cyey tu'n cycawena tuya Dios.
25273	LUK 7:9	Tej tbinte Jesús tyol capitán, e jaw klee' Jesús ti' capitán, bix e jaw sutpajxin te cyey'lte cyej xjal lepchec ti'jxin, bix e xi' tkba'nxin cye: —Cxe'l nkba'na cyey, bajxsen wila'ya jun aj Israel n-oc ke tc'u'j wi'ja tisen ja capitán lu yaa'n aj Israel ma tz'oc ke tc'u'j wi'ja—tz̈i Jesús.
25277	LUK 7:13	Tej toc tcye'yen Jesús ja xuuj, oc tk'o'nxin lastim te xuuj, bix e xi' tkba'nxin texuj: —Mi'n tz'ok'a, xuuj—tz̈i Jesús.
25278	LUK 7:14	Bix e pon lk'exin ti' tcajon cyimne, bix e cub tk'o'nxin tk'abxin tibaj, bix e we' ke xjal k'ilte. Bix e xi' tkba'nxin: —K'a cwal, we'wey—tz̈i Jesús.
25314	LUK 7:50	Pero bix e xi' tkba'n Jesús te xuuj: —Tu'nj ma tz'oc ke tc'u'ja wi'ja, ma cleta. Cutxa tzuna. Tujtzen ttz̈yal ta'y ja'lewe tuya Dios—tz̈i Jesús te xuuj cywitz xjal.
25342	LUK 8:28	Tej t-xi' tcye'yenxin Jesús, e jawxsen s̈-inxin, bix e cub majexin twitz Jesús, bix e xi' ts̈i'nxin: —Mi'n tzaj yolena wuyena, Jesús. Ja tey Tcwal jawnex Dios, bix mintii' tajbila waja. Cxe'l ncubsa'na nwitza tey mi'n ko tak'a tuj q'uixc'aj—tz̈i xjal at tjak' cycawbil biman.
25344	LUK 8:30	Bix e xi' tkanen Jesús texin: —¿Ti tbiy?—tz̈i Jesús texin. Bix e xi' tkba'nxin: —Nimc'a tajlal nbi'ya—tz̈ixin, cuma otk chi oc nim biman ti'jxin.
25364	LUK 8:50	Bix e tbi Jesús tyol sanjel, bix e xi' tkba'nxin te Jairo: —Mi'n baj tc'u'ja. Keec tc'u'ja wi'ja, tu'n tk'anj tmeela—tz̈i Jesús texin.
25366	LUK 8:52	Nim xjal tocx tunwen, bix nim ok'el nbaj tu'n cybis. Bixsen e xi' tkba'n Jesús cye xjal: —Mi'n chi ook'a mas. Jnee' lu min ma cyim. Nuk nwutan—tz̈i Jesús.
25379	LUK 9:9	Tej toc tbi'n Herodes cyyol xjal, e xi' tkba'nxin: —Yaa'n te Juan, cuma inayena e k'umente tu'n tel tx'omet twi' Juan. ¿Pero alcyenexin? cuma nim tzin nbi'na ti'j nbint tu'nj xin xjal—tz̈i Herodes ti' Jesús. Bix nim e tajbe Herodes tu'n toc tcye'yen jaxin.
25382	LUK 9:12	Tejtzen ch'itk tex k'ij, bix e xi' lk'ej cablaaj t-xnak'atz Jesús tuyaxin, bix e xi' cykba'nxin texin: —K'umenx cye xjal lu tu'n cyxi' jyol cywa bix cyposada tiy' cyuj tnom nka tzalu bix tuj cojbil, cuma ja lu tuj tzkij tx'otx', bix mintii' te cye at tuj—tz̈ikexin.
25383	LUK 9:13	Pero aj ttzak'be'n Jesús cyexin: —Ejee'x cyey cxe'l k'onte cywa xjal—tz̈ixin. Bix e xi' cykba'nxin texin: —Nuk jwe' pan tuya ca'ba quis̈ at kuyena. ¿Tajpey tu'n kxi'ya lok'ol cywa xjal?—tz̈i ke t-xnak'atzxin,
25414	LUK 9:44	—Cyk'onc cyc'u'ja ti'j cxe'l nkba'na cyey. Inayena, Jsma'n tu'n Dios tu'n ntena cyuya xjal, chin k'ojela tuj cyk'ab xjal tu'n nbyeta—tz̈i Jesús.
25420	LUK 9:50	Aj ttzak'be'n Jesús: —Mi'n txi' cymayo'na. Alj xjal min k'ojl ki'j, kuya ta'—tz̈i Jesús.
25434	LUK 10:2	Bix e xi' tkba'n Jesús cyexin: —Ak'untl cyi' xjal tisen jun jaatx'en. Nimxsen jaatx'en, pero yaa'n nimxix ak'anal at te chmolte. Ju' tzunj cykanenx te Kaaw ti' ak'untl tu'n t-xi' tsma'nxin ak'anal te chmolte twitz awal.
25459	LUK 10:27	Aj ttzak'be'n tx'olbal ley: —C'oquel tak' Cyaawey Dios cyey tuya cykil cyc'u'ja, bix tuya cykil cyanema, bix tuya cykil cyipena, bix tuya cykil cynaabla. Bix c'oquel cyak' ke cyuyey cyey tisenj n-oc cyak' cyiiba cyey—tz̈i tx'olbal ley.
25462	LUK 10:30	E xi' tkba'n Jesús texin: —Cxe'l nk'o'na jun tumel tey alcyej tuyey. At junxin xjal e tzaj tuj tnom te Jerusalén tu'n tponxin tuj tnom te Jericó. Pero e cub tzyu'nxin tuj be cyu'n alak'. El baj tik'ch texin, tuyax ke ti'jxin toc. Bix e baj pju'nxin hasta ch'itk tcyimxin, bix el ke alak' ti'jxin.
25513	LUK 11:39	Bix e xi' tkba'n Kaaw texin: —Ejee'y fariseo nimel xsunkey tuj cyleya. Lepchkey ti' cyleya ti'j ti tten tu'n tel cytxjo'na ti'jxe cyvasey bix cylaka, peroj tuj cyanema yaa'n sak. Nuk nchi bisena ti'j tu'n cyelk'ana bix nuk n-oc cyk'on cyiiba te cykilca cyaja.
25543	LUK 12:15	Bix e xi' tkba'n Jesús cye cykilcaj xjal: —C'oquel cycwenta ti'j tu'n mi'n txi' cyii'na jun cynaabla tu'n tten mas cyuyey, cuma yaa'n tu'nj nim tk'inemal nojne tchunk'lal jun xjal tuya tzalajebl.
25659	LUK 15:2	Yal tzunkej xin te cloj fariseo cyxol judío bix ke tx'olbal ley cye judío, e jaw yolenke ti'j lu. E xi' cykba'nxin: —Ju'x tej xin Jesús, jaan tej xina cyuyaj kej aj ila, hasta nwaa'n xina cyuya—tz̈ikexin.
25690	LUK 16:1	Bix e xi' tkba'n Jesús cye t-xnak'atzxin: —Cxe'l nkba'na jun tumel cyey. At junxin ak'anal tuya jun patrón k'ina, bix e k'oj texin tu'n t-xi' tcye'yenxin cykilca tk'inemal tpatrónxin. At jun k'ij oc cykba'n cab xjal te tpatrónxin: “Jtey tmayordomo min tz'ajben ba'n. Nuk nbaj tyaa'n tpwaka,” tz̈ike.
25727	LUK 17:7	E xi' tkba'n juntl yol cye t-xnak'atz: —C'oquel cyc'u'ja ti'j ja tumel lu ti'j junxin xjal tuya t-ak'analxin. Jaxin cxe'l tchk'onte t-ak'analxin te cjol ttx'otx'xin bix ka te cylel ke tcarnelxin. Oj tpon meltz'aj t-ak'analxin tuj taak'en tja tpatrónxin, ¿cxe'lpa tkba'n tpatrónxin texin: “Ctoctz tey, bix kequey te waa'l. Ja'lex txi' nk'o'na tway,” tz̈ipa tbel tpatrónxin?
25739	LUK 17:19	Bix e xi' tkba'n Jesús tej xin e cub mutzk'aj: —We'wey bix cutxey. Tu'nj s-oc ke tc'u'ja wi'ja, ma cleta—tz̈i Jesús.
25773	LUK 18:16	Pero e xi' tkba'n Jesús cye t-xnak'atzxin: —Mi'n tz'oc cymayo'na tu'n mi'n chi tzaj ke nee' wuyena, cuma kej nee'wa jun cyanem te cmolte alcye cxe'l k'o'n cye, bix nuk ka ju' tanem jun xjal tisen ja nee'wa, ba'ntzen tocx tuj tcawbil Dios.
25775	LUK 18:18	At junxin xjal crinsipal cyxol judío oc tkanenxin te Jesús: —Xnak'tzal ba'n, ¿alcye cbinel wu'na tu'n ncamana nchunk'lala te junx maj?—tz̈ixin.
25799	LUK 18:42	E xi' tkba'n Jesús texin: —Cxe'l nk'o'na tey tu'n cyjket tbak' twitza. Tu'nj n-oc ke tc'u'ja wi'ja, ba'n tcye'yena—tz̈i Jesús.