23233	MAT 1:20	Cuatjin catsingatahacacun me xi sahmi me peru hora hya ne, cafehetsejen ngu ángel rë Nina ngajñi chini rë me, hane cuitjin cachja ángel: ―‍José, ngaye quihndi tjë rë David, ximacjintacuin xi chjehentse María cuma chjuun riji na ta, sacuaha quihndi xi yaha na ne, ngatsë rë Hasen rë Nina, camá xi casacu rë na.
23251	MAT 2:13	Hya xi quiji cha xi vechu cjuatacun rë jan ne, cafehetsejen ngu ángel rë Nina ngajñi chini rë José, hane cachja cuitjin: ―‍Tisatjinhngue, tihincueje quihndi cojo naa rë. Tiyun hiscan nangui Egipto. Hane ngajan cuinechun hisca xi tsingátju cjua xi cuyun. Cuatjin nihñu ta tsëhë xi Herodes ne, cuanguise me quihndi xi tsiquehen me.
23276	MAT 3:15	Ngajan xi cafayangui Jesús cuitjin: ―‍Jéya, cuatjin ndatjin xi cuma quihndë ta mameje rë xi cumachihin yëjë xcusun xi cavitexa Nina. Hane catsingatihin Juan ne, cavitenda me Jesús.
23446	MAT 8:32	Hane cachja Jesús ta: ―‍Joho, tangun. Hya xi camá ne, cavetjuxin xitsehen tsëhë cahntsua xahasen rë cha jan, hane cavisehen cahntsua xahasen rë chu chinga jan. Hya xi camá ne, yëjë ni chu chinga jan ne, cavanga chu quijijne chu taha rcu ndetjún, hane ngajan cavixuya chu ngajñi nandá tsëhë laguna, hane ngajan cafë chu, cahme chu.
23457	MAT 9:9	Xi quiji sa xu Jesús ne, cavechu me hiscan cavëë me ngu xihin xi tacun cahndë́ hiscan xi faha tujúnsa. Mateo hmí rë me. Ngajan xi cachja Jesús cojo me cuitjin: ―‍Nduvun, cuanguen cona. Hane Mateo jan ne, cavetju me quiji me cojo Jesús.
23561	MAT 12:3	Hane cafayangui Jesús cuitjin: ―‍Ngayun, ha cachutayun xcusun xi casahmi xutachanga naja David hatsëë nixtin hya xi jercu camá vojo rë me cojo xuta xi siu cojo me.
23596	MAT 12:38	Ngajan xi ngujo cha xi vicuya cjuachacun cojo ngujo cha partidu fariseo catsicuya cha tsëhë me, cuitjin cachja cha: ―‍Maestro, ningacun niji ngu cjuarcun xi sua seña yo ngayun.
23659	MAT 13:51	Hya xi camá ne, Jesús ne, cavinenguise me xicjin me: ―‍¿Há cavijne rcu cjua vi? Ngajan cafayangui me: ―‍Juun, cavijnircuin.
23694	MAT 14:28	Hya xi camá ne, cafayangui Pedru tsëhë Jesús cuitjin: ―‍Nai, sá xi quixi xi ngayun ne, tuhun ná cahndë́ nduvá tjenguë nuju.
23727	MAT 15:25	Hya xi camá ne, cafehetiña na tsëhë Jesús cavixcuhnchi na xcun Jesús xi cafaharcun na me. Cachja nga na cuitjin: ―‍Tatá, nihñu favor tisecun ná.
23763	MAT 16:22	Ngajan xi Pedru ne, quijixin me cojo Jesús. Sehe cavetsihin cachjataha me Jesús cuitjin: ―‍Tatá, ¡catamamiji rë Nina! ¡Hatuxa cumaji cuatjun cuatjin!
23773	MAT 17:4	Sehe cachja Pedru cojo Jesús cuitjin: ―‍Nai, tu ma rë xi nguehe nechin ne, sá xi meje nuju ne, sahme jyan puestu; ngu cuma tsujun ne, ngu cuma tsëhë Moisés, hane cojo ngu cuma tsëhë Elías. ―‍Cuatjin cachja me.
23794	MAT 17:25	Ngajan cafayangui Pedru cuitjin: ―‍Juun, vechjitje me. Hya xi camá ne, xi cavisehen Pedru ndihya ne, peru chajasa xi cuichja me ne, ngajan xi cachja Jesús cojo me cuitjin: ―‍Simón, ¿mé nújun? Sacuaha me xi matitjun tsëhë nandya ngasunhndë ne, ¿yo vitexa me xi satë rë xi cuechjitje tujúnsa? ¿Há quihndi rë me? ¿Há xutaxín?
23817	MAT 18:21	Sehe cafehe Pedru cachja cojo me cuitjin: ―‍Nai, ¿há cjín ndiya sahmi ngujyë xi tsinchátaha xingueen sá xi choho sahmi me cojo ná? ¿Há ndatjin xi yatu ndiya?
23883	MAT 20:22	Ngajan cachja Jesús cojo cha cuitjin: ―‍Ngayun ne, hyuun mé xi chjayun. ¿Há scaa nuju cuatjun cjuañihi xi cuátju ngahan ni? Sehe cafayangui catsijo cha: ―‍Juun, scaa niji.
23894	MAT 20:33	Ngajan xi cachja cha rcá jan ta: ―‍Tatá, xi meje niji ne, xi cuma tsejen niji.
23911	MAT 21:16	Cachja me cojo Jesús cuitjin: ―‍¿Há nuhyun cjua xi tichja me? Ngajan xi cafayangui Jesús cuitjin: ―‍Juun, vihndë. Hane ngayun ne, ¿há cjëë chutahanyun cjua rë Nina xi chja tsëhë? Chja cjua ta: Hisca cjua rë nixti hisca cjua rë quihndinda ne canihñu xi cuetju xi sahmi hnga nuju.
23957	MAT 22:16	Hya xi camá ne, catsingatju cha ngujo cha ladu jan, cojo cha ladu rë Herodes ne, cachja cha cojo Jesús cuitjin: ―‍Maestro, ngayin ne, hyin ta ngayun ne xuta ndaja ngayun. Vicuyun ndiya rë Nina cojo cjuaquixi. Ha tuxa cjuaquixindaja xi nújun, ha ndasa cojo xuta nchina visiajmu o sá cojo xuta yuma.
23965	MAT 22:24	―‍Maestro, Moisés ne cachja me ta: “Sá xi ngu xihin cueya, hane tsajin rë chjuun rë hisca ngu quihndi ne, hntsë nima vëhë ne, meje rë xi cjuaha rë chjuun cahan vëhë, cojo sa xi sacú rë na quihndi xi cuma sacuaha quihndi rë nima vëhë.”
23977	MAT 22:36	―‍Maestro, tsëhë yëjë ni cjua xi cavitexa Nina naja xcun xujun ley ne, ¿jarë artículo xi hitsë sa matitjun?
24145	MAT 26:22	Ngajan xi jemu choho camá rë cha, cavetsihin cha cachja chuva ngu chuva ngu cha cojo rë me cuitjin: ―‍Nai, ¿há cumácacun xi ngahan sahme?
24148	MAT 26:25	Sehe Judas, cha xi sahmi rë me entregadu cachja cha ta: ―‍Maestro, ¿há cumácacun xi ngahan sahme? Ngajan xi cafayangui Jesús tsëhë cha cuitjin: ―‍Juun, quixi.
24172	MAT 26:49	Xi tu cavechu cha hiscan nduva Jesús ne, ngutjen quiji casahmitiña cha tsëhë me hacuaha casua cha me nina cachja cha cuitjin: ―‍Cuhndanu, maestro ―‍chja cha. Hane quiji cavitatsuha cha me.
24173	MAT 26:50	Ngajan xi cachja Jesús cojo cha cuitjin: ―‍Tai, Nihñichihin xa vëhë xi candove. Hya xi camá ne, quiji xuta jan ne, cafaha me Jesús.
24191	MAT 26:68	Cachja me cuitjin: ―‍Tinoje, ngaye Cristu, ¿yo xi cavaja ri?
24244	MAT 27:46	Hya xi camá ne, jercu hñu camahani cachja Jesús cuitjin: ―‍Elí, Elí, ¿lama sabactani? -cjua vëhë meje cuichja ta: Ngayun Nina naha, mé má canismutacun ná.
24261	MAT 27:63	Cuitjin cachja cha tsëhë Jesús: ―‍Nai, ngayin ne vitsjen niji xi hya xi chaja sa cueya cha cachja cha ndacha vë cuitjin: “Cahntsua jyan nixtin ne, cuya cjuahñu naha.”
24612	MRK 9:5	Ngajan xi cachja cha Pedru cojo Jesús ta: ―‍Maestro, tu ma rë xi nguehe nechin cojo nuju ne, nihñi jyan puestu: ngu tsujun ne, cojo ngu ngu tsëhë Moisés cojo Elías.
24624	MRK 9:17	Hane ngajan ngajñi rë xutacjín xi siu jan ne, cavetjujñi ngu me xi cachja me cuitjin: ―‍Maestro, canduvá cojo quihndi naha, tsëhë xi jiya xitsehen cahntsua xahasen rë cha. Hane tsëhë vëhë xi sahmi lihmi rë cha.
24645	MRK 9:38	Ngajan xi cachja cha Juan cojo Jesús cuitjin: ―‍Maestro, cahyin ngu cha xi tijima tivaxëxin xitsehen tsëhë xahasen rë xuta, hane xi sahmi cha ne, cojo ñihi nuju veyanangui cha. Peru tsëhë xi hacuiin cha ladu naja cha ne, canújin cojo cha ta ha quihndë sahmii cha cuitjin.
24677	MRK 10:20	Ngajan xi cachaja cha cojo Jesús ta: ―‍Maestro, yëjë cjua vëhë ne, hisca cjuanixti naha ne, ha cahndë.
24681	MRK 10:24	Ngajan xi cha ladu rë me ne, jemu quijircun rë cha xi cuatjin cachja me. Ngajan xi cachja nga Jesús cojo cha cuitjin: ―‍Compañeru, jercu chja tsëhë xuta xi cuisehen me ladu rë Nina.
24704	MRK 10:47	Xi cahndë cha rcá jan xi Jesús tsëhë nandya Nasaret hacui me xi nduva me, jercu cachja cha: ―‍Jesús, quihndindaicjin rë David, catamayuma nuju ngahan.
24708	MRK 10:51	Hane xi cavechutaha cha me ne, ngajan xi cachja me cojo cha cuitjin: ―‍¿Mé xi meje ri xi sahmi cojo ri? Ngajan xi cachja cha rcá jan ta: ―‍Maestro, xi meje ná ne, xi cuma tsejen ná.
24770	MRK 12:28	Hacuaha cafehe ngu cha maestru tsëhë ley hiscan tacun Jesús. Hane xi cahndë́ cha cjuavisiajmi rë me ne, xi ndaja cama catsicuya Jesús, ngajan xi cavinenguise cha me cuitjin: ―‍Maestro, tsëhë yëjë ni cjua xi cavitexa Nina naja xcun xujun ley ne, ¿jarë artículo xi hitsë sa matitjun?
24787	MRK 13:1	Hya xi camá ne, hora xi tivetju Jesús tsëhë ndatsen yungun xi matitjun jan cojo cha ladu rë me ne, ngajan xi chja nga cha ladu rë me jan cojo rë me cuitjin: ―‍Maestro, chutsujun ndyojo xi texo yungun vihi ta tjercu tu ndacun camahani. Hacuaha ndihya tsëhë ne, jercu tu cun camahani.
24860	MRK 14:37	Hya xi camá ne, cavuya cafehe nga me hiscan siu cha ladu rë me xi quijicojo me jan. Hane xi vutsejen me ne, siufë cha. Ngajan xi chja me cojo cha Pedru cuitjin: ―‍Simón, ¿mé má tsjuñife? ¿Há camaji cavacun ngayun cojo ná hisca ngu hora?
24868	MRK 14:45	Xi tu cavechu cha hiscan nduva Jesús cojo cha ladu rë me xi yahnga jan ne, ngutjen quiji casahmi tiña cha tsëhë me, hacuaha casua cha me nina cuitjin: ―‍Cuhndanu, Maestro. ―‍Cuatjin cachja cha. Cafë cachja cha cuitjin ne, sehe cavitatsuha cha Jesús.
24885	MRK 14:62	Ngajan xi cafayangui Jesús cuitjin: ―‍Juun, ngahan. Hacuaha cjuehe nixtin xi chutsujun ná xi tejña ladu quixi tsëhë Nina. Hacuaha chutsujun ná xi cuinduva ngajñi rë yufí, xi cúya nga tsëhë Nina.
24990	LUK 1:28	Hane xi cavisehen ángel ndava María jan ne, sehe cachja xu cuitjin: ―‍Cuhndari, tsan. Nina ne, catsinchacun me ngaye, hacuaha tacun me cojo ri. Ngajñi rë yëjë ni yachjin ne, ngaye xi jercu catsinchacun ri Nina. ―‍Cuatjin xu cachja ángel.
25106	LUK 3:12	Hacuaha canduva sa xu ngujo cha xi faha tujúnsa xi meje rë cha xi xtenda cha, hane cuitjin xu cavinenguise cha: ―‍Tatá, ¿mé xi ndatjin nihñi ngayin? ―‍Cuatjin xu cavinenguise cha.
25153	LUK 4:21	Sehe ngajan xi Jesús ne, cavetsihin cachja me cuitjin cojo xuta: ―‍Quihndë, jinguyëjë rë xi cavinuhyun cjua xi camahindu xcun xujun rë Nina xi cavutaya jan ne, ngajan cavetjucaa cjua vëhë. ―‍Cuatjin xu cachja Jesús.
25181	LUK 5:5	Sehe ngajan xi cafayangui xu Simón tsëhë Jesús cuitjin: ―‍Tatá, cuaha nixten tinihñí xá vëhë ne, ndastu mé sacu niji. Peru sá xi cuatjin nújun ne, cuichjá cojo compañeru naha ne, ningatjinyin nahya. ―‍Cuatjin cafayangui xu Simón.
25203	LUK 5:27	Hya xi camá xu ne, xi cavetju Jesús jan ne, cavechú me ngu cahndë́ hiscan xi tacun ngu me xi faha tujúnsa, me xi hmí rë Leví. Sehe cachja xu me cojo me cuitjin: ―‍Nduvun, cuanguen cona. ―‍Cuatjin xu cachja me.
25223	LUK 6:8	Peru Jesús ne, ha vëë me mé xi tsingataha cacun cha xi cuacun jan. Sehe cachja xu me cojo cha xi quixíhñu tsja jan cuitjin: ―‍Tisatjunhngun, hane tisechun nguehe cavasencja. ―‍Cuatjin xu cachja Jesús. Hane sehe cavisatjenhnga xu cha cavisecun cha.
25304	LUK 7:40	Sehe ngajan xi Jesús ne, catsicuya xu me cjua tsëhë cjuatacun xi catsingataha cacun cha fariseo jan, cuitjin xu cachja me: ―‍Simón, tjin ná ngujo cjua xi cuichjá cojo nuju. ―‍Cuatjin xu cachja me. Ngajan xi cha Simón jan ne, cuitjin xu cafayangui cha tsëhë me: ―‍Maestro, tinújun. ―‍Cuatjin xu cachja cha.
25359	LUK 8:45	Ngajan xi Jesús ne, cachja xu me cuitjin: ―‍¿Yo xi casatëtsja ná? ―‍Cuatjin xu cachja me. Hane xi cachja yëjë xuta xi hacuiin me casatëtsja me ne, sehe cachja xu Pedru cuitjin: ―‍Tatá, xutacjín ne, tivehnchun nuju me, hacuaha hisca titsivaha nuju me. ―‍Cuatjin xu cachja Pedru.
25408	LUK 9:38	Hane ngajñi rë xutacjín jan ne, cavetjujñi ngu xihin xi jercu cajindaya xu cachja cojo Jesús cuitjin: ―‍Maestro, nihñu favor ne, nduvun chutsujun cha lihndi naha ta ngu tutu má cha vi xi tacun ná cha.
25419	LUK 9:49	Ngajan xi Juan ne, cachja xu me cojo Jesús cuitjin: ―‍Tatá, cahyin ngu me xi tivaxëxin xitsehen sacuaha xi suvun catuhun rë me xá. Hane canújin cojo rë me xi ha quihndë sahmii me cuatjin ta, tsëhë xi me vëhë ne, tsujyihintjenguiin me ngayun sacuatjin niji ngayin. ―‍Cuatjin xu cachja me.
25429	LUK 9:59	Cachja sa xu me cuitjin cojo ngu nga xuta jan: ―‍Nduvun, cuanguen cojo ná. ―‍Cuatjin xu cachja me. Peru xuta jan ne, cuitjin xu cachja me: ―‍Tatá. Tuhun ná cahndë́, titjun cjuë́ xi seyaniji nahmi naha. ―‍Cuatjin xu cachja ngu nga xuta jan.
25473	LUK 10:41	Ngajan xi Jesús ne, cuitjin xu cafayangui me tsëhë na: ―‍Marta, jercu marcun nuju tsëhë jemu cjín xcusun.
25489	LUK 11:15	Hya xi camá ne, ngujo xuta jan ne, cuitjin xu cachja me: ―‍Beelzebú, xitsehen xi matitjun ne, vëhë casua rë cha xá xi vaxëxin cha xitsehen. ―‍Cuatjin xu cachja xuta jan.
25502	LUK 11:28	Peru Jesús ne, cuitjin xu cafayangui me tsëhë na: ―‍Quixi, peru hitsë sa ndaja tsëhë xuta xi visiñuju me cjua rë Nina hacuaha vihndë me tsëhë. ―‍Cuatjin xu cafayangui Jesús.
25519	LUK 11:45	Ngajan xi ngu cha xi vicuya cjuachacun ne, cachja xu cha cuitjin cojo Jesús: ―‍Maestro, hya xi nújun cjua vëhë ne, hacuaha cojo ngayin choho nújun tsijin. ―‍Cuatjin xu cachja cha.
25541	LUK 12:13	Hya xi camá ne, ngu xuta tsëhë ngajñi rë xutacjín jan ne, cachja xu me cojo Jesús cuitjin: ―‍Maestro, tinújun cojo cha vëhë xingueen, catisua cha ngahan xcusun xi satë ná xi cavejña nahmi niji hya xi cahme me. ―‍Cuatjin xu cachja me.
25739	LUK 17:19	Sehe cachja xu me cojo cha xi camandaja jan cuitjin: ―‍Tisatjunhngun, hane tjangun. Ngatsë rë xi camangutacún cojo ná ne, vëhë xi camandaja ngayun. ―‍Cuatjin xu cachja Jesús.
25805	LUK 19:5	Hane xi cafehe xu Jesús jan ne, sehe cavuya cavutsejenniji me rcu ya hiscan quisun cha ne, sehe cachja xu me cojo cha cuitjin: ―‍Zaqueo, nduvunjnu sanii ta, tsëhë xi sahmi ná ngujyë xi ndya nuju cuitejña quihndë. ―‍Cuatjin xu cachja me.
25839	LUK 19:39	Hane ngujo cha fariseo xi hinchajñi ngajñi rë xutacjín jan ne, cachja xu cha cojo Jesús cuitjin: ―‍Maestro, tichuncjun cjua xi tichja xuta ladu nuju vë. ―‍Cuatjin xu cachja cha.
25869	LUK 20:21	Hane cha xi cuacun jan ne, cuitjin xu cachja cha cojo Jesús. ―‍Maestro, ngayin ne, hyin ta ngayun ne, vicuyun rë xuta cojo cjuaquixi. Hacuaha tangun ni nújun cojo yëjë xuta ta, tsëhë xi ngayun ne, hatuxa vicuyun ndiya rë Nina cojo cjuaquixi.
25876	LUK 20:28	―‍Maestro, Moisés ne, catsihindu me xcun xujun rë Nina xi sá xi ngu xihin cueya, hane tsajin rë chjuun rë hisca ngu quihndi ne, hntsë nima vëhë ne, meje rë xi cjuaha rë chjuun cahan vëhë, cojo sa xi sacú rë na quihndi xi cuma sacuaha quihndi rë nima vëhë.
25887	LUK 20:39	Ngajan xi ngujo cha vicuya cjuachacun ne, cuitjin xu cachja cha: ―‍Maestro, ndatjin cjua xi canújun.
25902	LUK 21:7	Ngajan xi xuta jan ne, cavinenguise xu me cojo Jesús cuitjin: ―‍Maestro, hane ¿janihya cuetjucaa xcusun vëhë ni? ¿Hacutjin cuma sacú niji cjuaquixi xi xcusun vëhë ne, ha tivechú nixtin xi cuetjucaa ni? ―‍Cuatjin xu cavinenguise me.
25968	LUK 22:35	Hacuaha cachja me cojo xuta ladu rë me cuitjin: ―‍Hya xi catsingátju nuju xi cachjá cojo nuju xi chuun tujún, chuun changa hacuaha chuun chuxinxtë ne, ¿há quixi xi tsajin mé camachaja nuju? ―‍Cuatjin xu cachja Jesús. Hane xuta ladu rë me jan ne, cuitjin xu cachja me: ―‍Juun, tsajin mé. ―‍Cuatjin xu cachja me.
25981	LUK 22:48	Ngajan xi Jesús ne, cuitjin xu cachja me cojo cha: ―‍Judas, ¿há cuatjin cuitatsuhun ná xi nihñu ná entregadu, ngahan xi Quihndi rë Xuta Jain ngahan? ―‍Cuatjin xu cachja me.
26046	LUK 23:42	Sehe cachja xu cha cojo Jesús cuitjin: ―‍Jesús, ninguitsjun ná hya xi cuinduvun nihñu gubiernu. ―‍Cuatjin xu cachja cha.
26151	JHN 1:38	Xi cavuya Jesús cavutsejen me xi cjuitjengui xuta jan me ne, sehe cavinenguise Jesús me cuitjin: ―‍¿Mé meje nuju ngayun? ―‍Cuatjin cavinenguise me. Ngajan xi xuta jan ne, cuitjin cafayangui me: ―‍Maestro, ¿jani nechun? ―‍Cuatjin cavinenguise me.
26156	JHN 1:43	Hane xi camá nchujun jan ne, cavejña cacun Jesús xi cjue me ngu nandya tsëhë distritu Galilea. Chaja sa xi cjue me ne, cavechútáha me Felipe, hane cachja me cojo cuitjin: ―‍Nduvun, cuanguen cojo ná. ―‍Cuatjin cachja me.
26162	JHN 1:49	Hane Natanael ne, cuitjin cachja me: ―‍Maestro, Ngayun xi Quihndi rë Nina ngayun, ngayun xi matitjun ngayun tsajan ngayaan xuta tjë rë Israel. ―‍Cuatjin cachja Natanael.
26191	JHN 3:2	Ngundiya jan ne, nguixun quiji cavisiajmi me cojo Jesús, hane cuitjin cachja me: ―‍Maestro, ngayin ne, hyin ta ngayun ne, ngu maestru xi Nina catsingatju rë. Cuatjin hyin ta, tsëhë xi tsajin yo xi cuma sahmi cjuarcun xi nihñu ngayun sa xi hacuiin Nina visecoo rë. ―‍Cuatjin cachja Nicodemo cojo Jesús.
26215	JHN 3:26	Hya xi camá ne, quiji cachja me cojo Juan cuitjin: ―‍Maestro, ¿Há vitsjen nuju me xi casetaha cojo nuju ngunda vëhë tsëhë ndajyë Jordán, me xi canújun cojo niji tsëhë jan? ¡Chutsujun ta hacuaha cojo me vëhë tivitenda me, hane yëjë ni xuta cjuitjengui rë me! ―‍Cuatjin cachja xuta xi cuacun jan.
26236	JHN 4:11	Hane na vëhë ne, cuitjin cachja na: ―‍Tatá, peru ndava nandá vi ne, jemu nungun, hane tsajin quichuhun mé xi naxun cojo nandá. ¿Jani naxun nandá xi sua cjuahñu vë ni?
26240	JHN 4:15	Ngajan xi na vëhë ne, cuitjin cachja na cojo Jesús: ―‍Tatá, tuhun ná hitsë nandá xi nújun vë, cojo sa xi cumaxindaain ná hacuaha ha quihndë cuinduvaan jaha nandá. ―‍Cuatjin cachja na.
26256	JHN 4:31	Jinguyëjë rë ne, xuta ladu rë Jesús jan ne, cuitjin cachja me: ―‍Maestro, xinu niñu. ―‍Cuatjin cachja me.
26274	JHN 4:49	Ngajan xi xutaxa rë jan ne, cuitjin cafayangui me: ―‍Tatá, cuanguen sanii, chaja sa xi cueya quihndi naha. ―‍Cuatjin cafayangui me.
26286	JHN 5:7	Hane cha hmu rë jan ne, cuitjin cafayangui cha: ―‍Tatá, tsajin yo xi tsinguisehen ná ndava nandá hora xi finiya nandá. Jinguyëjë rë xi tifë́ tiña ne, hacjahi me xi ha cavisehen. ―‍Cuatjin cafayangui cha.
26287	JHN 5:8	Ngajan xi Jesús ne, cuitjin cachja me cojo cha: ―‍Tisatjunhngun, chjuhun nijña nuju, sehe tujyuhunyun. ―‍Cuatjin cachja Jesús.
26351	JHN 6:25	Hane xi casacu rë xuta xi cuacun jan Jesús ngunda vihi tsëhë laguna jan ne, cavinenguise me cuitjin: ―‍Maestro, ¿janihya canduvun nguehe ni? ―‍Cuatjin cavinenguise xuta xi cuacun jan.
26360	JHN 6:34	Hane xuta xi cuacun jan ne, cuitjin cafehya me cojo Jesús: ―‍Tatá, tuhun niji niñu vëhë nchunchujun ni. ―‍Cuatjin cafehya xuta jan.
26454	JHN 8:4	sehe cachja cha cojo Jesús cuitjin: ―‍Maestro, chjuun vihi ne, cachjahá rë na xcun cjuatsehen xi tisahmi na cojo ngu xihin xi hacuiin xihin rë na.
26511	JHN 9:2	Hane xuta ladu rë me jan ne, cuitjin cavinenguise me: ―‍Maestro, ¿yo casahmi cjuatsehen xi cuatjin rcá cha xi catsin cha? ¿Há suvá cha vihi ne?, o há tsajin ne, ¿há xutacha rë cha? ―‍Cuatjin cavinenguise me.
26518	JHN 9:9	Ngujo me jan ne, cuitjin cachja me: ―‍Juun, hacui cha vë. ―‍Cuatjin cachja me. Hane ngujo nga me ne, cuitjin cachja me: ―‍Cuatjin tsejen, peru hacuiin cha. ―‍Cuatjin cachja me. Hane suvá cha ne, cuitjin cachja cha: ―‍Ngahan vi. ―‍Cuatjin cachja cha.
26545	JHN 9:36	Hane cha vëhë ne, cuitjin cafayangui cha: ―‍Tatá, tinújun cojo ná yo me vë ne, cojo sa xi cumangu cácun cojo rë me. ―‍Cuatjin cafayangui cha.
26547	JHN 9:38	Hane cha vëhë ne, cuitjin cachja cha: ―‍Mangucácun, Tatá. ―‍Cuatjin cachja cha, sehe cafaharcun cha me.
26595	JHN 11:3	Ngajan xi catsijo na vëhë ne, catsingatju na cjua vihi tsëhë Jesús: ―‍Tatá, chutsujun ni, cha xi jemu vinga nuju jan ne, jemu hmu rë cha. ―‍Vëhë cjua xi catsingatju na.
26600	JHN 11:8	Ngajan xi xuta ladu rë me jan ne, cuitjin cachja me: ―‍Maestro, xutaxa rë yungun jan ne, ¡sehe tiña nixtin xi casahmi me cjuandya xi tsiquehen nuju me cojo ndyojo! ¡Xi meje rë ne, cuanguun ngajan! ―‍Cuatjin cachja me.
26604	JHN 11:12	Ngajan xi xuta ladu rë me jan ne, cuitjin cachja me: ―‍Tatá, sa xi cafañafë jain cha ne, vëhë tsejen xi cumandaja cha. ―‍Cuatjin cachja xuta ladu rë me jan.
26613	JHN 11:21	Hya xi camá ne, xi casacu xicjin na Marta cojo Jesús ne, cuitjin cachja na cojo rë me: ―‍Tatá, sa ngayun nechun nguehe ne, cahmii nima xingueen.
26619	JHN 11:27	Ngajan xi na vëhë ne, cuitjin cafayangui na: ―‍Juun, macjain ná, Tatá. Macjain ná xi ngayun xi catsingatju nuju Nina, ngayun xi Quihndi rë Nina ngayun. Hacuaha ngayun xi jemu cavinechinyin nuju xi cuinduvun ngasunhndë. ―‍Cuatjin cafayangui na Marta.
26624	JHN 11:32	Hane xi cafehe na María hiscan secun Jesús ne, xi cavëë na me ne, quiji caticjaxcun na xcun me, sehe cachja na cuitjin: ―‍Tatá, sa xi ngayun nechun nguehe ne, cahmii nima xingueen. ―‍Cuatjin cachja na.
26626	JHN 11:34	Hane cuitjin cavinenguise me: ―‍¿Jani tacun tsjun xi caveyun nima? ―‍Cuatjin cavinenguise me. Hane xuta jan ne, cuitjin cafayangui me: ―‍Tatá, nduvun chutsujun. ―‍Cuatjin cafayangui me.
26631	JHN 11:39	Ngajan xi Jesús ne, cuitjin cachja me: ―‍Chjuhunxun ndyojo vë. ―‍Cuatjin cachja me. Ngajan xi na Marta, tíchja nima ne, cuitjin cachja na: ―‍Tatá, ha choho jne vë ta, ha tjin rë ñuju nixtin. ―‍Cuatjin cachja na.
26670	JHN 12:21	Hane me xi cuacun vëhë ne, quijitjengui me Felipe, xuta Betsaida, ngu nandya tsëhë distritu Galilea, hane cuitjin cachja me: ―‍Tatá, ngayin ne, meje cuisiajmí cojo Jesús. ―‍Cuatjin cachja me.
26705	JHN 13:6	Hane xi cafehe me xcun Simón Pedru ne, cachja Pedru cuitjin: ―‍Tatá, ¿há xi ngayun cuanu ntsacú? ―‍Cuatjin cachja Pedru.
26708	JHN 13:9	Ngajan xi Simón Pedru ne, cuitjin cachja me cojo Jesús: ―‍Tatá, sa cuatjin ne, ¡hacuiin suvá ni ntsacú ta hacuaha cojo ntsa cojo rcú tanu! ―‍Cuatjin cachja me.
26724	JHN 13:25	Hane xi catsicuya cha vëhë xcun cha tiña xcun Jesús ne, sehe cavinenguise cha me cuitjin: ―‍Tatá, ¿yo xi nújun vë? ―‍Cuatjin cavinenguise cha.
26735	JHN 13:36	Ngajan xi Simón Pedru ne, cuitjin cavinenguise me: ―‍Tatá, ¿jani cuangun ni? ―‍Cuatjin cavinenguise me. Ngajan xi Jesús ne, cuitjin cafayangui me: ―‍Hiscan xi cjuë́ ne, quihndë ne, cumaji cuanguntjengun ná. Peru xi cuma ngascan ne, cuanguntjengun ná. ―‍Cuatjin cafayangui Jesús.
26736	JHN 13:37	Hane Pedru ne, cuitjin cachja me cojo Jesús: ―‍Tatá, tsajin mé má cumaji cjuë́ tjënguë nuju quihndë. Hisca yojo naha suá ngatsë nuju. ―‍Cuatjin cachja Pedru.
26742	JHN 14:5	Hane Tomás ne, cuitjin cachja me cojo Jesús: ―‍Tatá, hyíín jani cuangun. ¿Hacutjin má xi nújun xi ha hyin ndiya ni? ―‍Cuatjin cachja me.
26745	JHN 14:8	Ngajan xi Felipe ne, cuitjin cachja me cojo Jesús: ―‍Tatá, ningacun niji Nina Nahmi naja, hane cojo vëhë cumangu tacuín. ―‍Cuatjin cachja Felipe.
26759	JHN 14:22	Judas, me xi hacuiin cha Judas Iscariote jan ne, cavinenguise me cuitjin: ―‍Tatá, ¿hacutjin má xi tuhun cumachaya niji yo ngayun, hane hacuiin cojo yëjë sa xuta ni? ―‍Cuatjin cavinenguise me.