24345	MRK 2:16	Mi'i hawyi irania'in nagnia ehay enoi haria te'e­ra­ha'at ienuk hap kape i'ewyte miwan enoi haria te'e­ra­ha'at. Mi'i hawyi apo'i­'a­tu'e Iesui potmu­'eria pe — Kat poteĩ eimu'e hat yt nakuaria i iwywo sa'up pore­ra'at haria wywo tenuk i'atu'e.
24510	MRK 6:34	Mi'i hawyi Iesui tuwehik hawyi tuwẽtem yara pyi. Mi'i turan yahig note yẽpeke toi'a­tu­puẽti miit'in typy'i kahato yt tuweran hin i. Mi'i hawyi ma'ato toi'a­tu­ky'e kahato katu­pono toi'a­tu­puẽti aikotã hũria Uweuria ko'i ewy aikotã yt ika'iwat rakaria i ewy toi'a­tu­puẽti. Mi'i hawyi Iesui ti'a­tu­mu'e.
24613	MRK 9:6	Ma'ato ipoity'i tuete pono mio tã e ne'i. Ta'i token'ẽ pote. Yne ra'yn te'e­ro­ken'ẽ.
24959	MRK 16:17	Mi'i hawyi uimohey haria tomo­herep miit'in me wakuap kahato. Mi'i tã ta'a­tunug ahiag ko'i miit'in miat ta'a­tu­sopo uhesaika wo. Musu pakup ko'i ta'a­tu­su'at.
26127	JHN 1:14	Tupana Ehay Moherep hat tuwe­'amak ta'yn hawyi Miit no ra'yn topy­hu'at aipiit ewywuat tuwe­mo­herep. Miit'in pu'i wo topy­hu'at aipy­'a­setpe mesuwe. Waku Kahato Rakat Miit Sese wo toĩne'en yi tote. Miit Kahato Waku Sese Rakano toĩne'en. Miit Pywuat Sese Rakat iwese kahato hamo ai'a­tu­ky'e. Tuwe­kaipyi ai'a­tu­ky'e torania sio aito waku sio yt. Hegyi'at kahato sese aiky'e haype tuwe­mo­herep mesuwe hawyi. Yt kat i i'aparap hano topy­hu'at ahehamo. Tupana Mõtypot hat Sese topy­hu'at mesuwe — Uha'yru wẽtup ok takat Mi'i Miit e Tupana ahepe. Mi'i Miit Ywot sese areĩne'en e Tupana Iesui piat pe.
26410	JHN 7:13	Ma'ato — Atimohey uito Iesui yt i'atu'e i wuat'i ehamo katu­pono i'atu­'a­kagnia pupi te'e­ro­ken'ẽ.
26700	JHN 13:1	Mi'i totepyi ienuk koro e'at owakai te Iesui tikuap ta'yn topy'a pe ta'aipok To'ywot kapiat hamuat mesuwat yi tote­pywiat hamuat toikuap ta'yn. Iesui ti'a­tu­ky'e kahato temiit'in mesu­wa­ro­tiaria. Toi'a­tu­kaykay sa'a­wy'i mi'i hawyi toi'a­tu­mu'e kahato. Iesui toĩne'en mesuwat yi totiat turan toi'a­tu­ky'e kahato temiit'in hawyi toku­'uro hap kape i'ewyte toi'a­tu­ky'e.
27316	ACT 9:31	Mi'i hawyi Iesui mohey haria waku pe i ra'yn tukup­te'en tawa Ieru­sarẽi me katu­pono i'atu­sa­ty'i saty'i haria i'atu­'uka teran haria i'atu­pohep porap'i pote. Waku i'atu'e to'ope. Mi'i hawyi te'e­ru­we­moe­saika kahato ra'yn Iesui mohey hawe. I'atu­wepit ra'yn. Mi'i hawyi yt uwe pupi i te'e­ro­ken'ẽ.
27594	ACT 17:2	Mi'i pe Pauru teke towat teko ewy ra'yn nug hamuat. Mi'i tote miwan Tupana ehay kaipyi Pauru ti'a­tu­mu'e. Mi'i hawyi mye'ym Sapatu e'at to'o­wesat wesat Pauru wywo.
27663	ACT 19:9	Ma'ato irania'in itotiaria Pauru mienoi yt ta'a­tu­mõ­typot i. To'o­ky­ry'i kahato miit'in Iesui enoi hap ete. Yt ta'a­tu­mohey hin i. Mi'i pote Pauru hok'iwat ra'yn irania'in Iesui mohey haria wywo. Mi'i hawyi mehĩ Tiranu wo'o­mu'e hawe yne e'at pe Pauru ti'a­tu­mu'e.
28621	1CO 9:13	Sa'a­wy­'i­wuaria Tupana mõtypot yat piaria pa'i ko'i te'e­renuk miit'in miium kaipyi i'atuhũ Tupana kapiat i'atu­miwuk kapiat ete. Te'e­renuk ta'a­tuhep ipu'i kã'ã mekewat nu kawiat aihũ wuk hap eiam kaipyi te'e­renuk hamo. Pa'i ko'i mi'i tã sa'a­wy'i ta'a­tu­puẽti ta'a­tu­mi'u.
29435	PHP 1:7	Uiwa­nẽtup hawe i'ewyte uipy'a pe waku kahato eipe. Waku mi'i tã are'e katu­pono uikai kahato eipe Iesui potpap nug haria uito ewy eipe pote are. Eweimohey kahato Iesui ehay uito ewy pote uiwa­nẽtup hawe waku kahato eipe are. Karãpe irania'in ti'a­tu­mohit eipe Iesui ehay moherep ehepiat pote yt eiwe­mõti hin i. Yt eiwepyk hin i i'atu­mi­ky­ry'i kahato pytkai ma'ato po'og ewei'a­tu­mu'e. — Waku wato­mohey Iesui ehay pakup waku wato'e ahewa­nĩ­kaptia pe yt kat i aiwe­mõti hap wywo are. Waku wati­'a­tu­mu'e miit'in katu­pono Tupana ai'airo tehay moherep hamo. — Tupana urunug ehay Esa'yru etiat moherep haria are'e at ka'ap Tupana pe. Sa'a­wy'i Tupana ahytpok kahato tehay wakuat Iesui etiat hytpok hamo miit'in me. Ma'ato koran uipyhik ta'yn sura­ra'in wo'o­pyhyp hawe ma'ato mi'i pytkai ahytpok te sehay wakuat Iesui etiat meiũpe wo'o­pyhik hawe.
29843	1TI 5:13	Mi'i hawyi irania'in tuwe­mo­hapap kahato aiperup hap ete sat'i sat'i getap ko'i upi ne'i. Mi'i hap kaipyi tuwe­mo­hapap wo'o­kuasa kuasa i hap ete. Aiwu­'uka hap ne'i enoi enoi hap ete. Wo'o­ma­'at'i ma'at'i hap ete yn ihay. Wemõti hap sehay sa'ag yt watikuap teran i rakat ta'a­tu­hu'at.
30280	HEB 12:1	Aikotã wate­ha'at seput haria kape hap ewy ahe'yian­miaria Tupana mohey haria te'e­ra­ha'at ahowawi atipy kaipyi aikotã som wato­py­hu'at Tupana mohey hap ete hap kape te'e­ra­ha'at. I'atu kahato mi'iria ahowawiat seha'at haria. Atipy kape tuwat ra'yn ahe'yian­miaria sa'a­wy­'i­wuaria Tupana mohey sese haria seha'at ahowawiat haria. Ta'i ipotyi rakat yrysakag ai'akag etiat wywo pote yt aihyha hin i aiko­hyeput turan. Aiminug sa'ag yrysakag howapy kahato ai'ok pe tote hap ewy aiwa­nẽtup sa'ag hap ipotyi hap ewy. Ai'akit hamuat wateput turanuat hap ewy ma'ato yt kat i ipotyi hap pote wateput kuap aihyha kahato aiminug sa'ag watipun hawyi. Mi'i pote waku wati­'ok­hytpun aiminug yt naku i nug hap ko'i. Mi'i rẽ waku wato­mohey Tupana haty wo yne aipy'a pe. Mi'i watunug mote seput haria ikohyeput haty wo rakaria ewy wato­py­hu'at. Ma'ato ahepiat ai'a­parap kahato imohey hap etiat pote aikotã ipotyi hap ai'a­parap hap ewy. Aikotã seput hat teput hap ete yt waure i hatek pytkai ipy sero pytkai hap ewy waku wato­mohey — Put'ok­'are aru pãi an waku wato'e hap yn aiwa­nẽtup hap. Waku wato­mohey pot'i yt kat i iwaure wo wuat ne'i hap wywo aiwa­nẽtup hawiat hap wywo.
30577	2PE 2:10	Tupana timoma yne ra'yn tawa Sutuma tawa Kumura piaria. Katu­pono Tupana yt tiky­'esat hin i i'atuwat i'atuieĩ­ne'en hap. Wuat'i yne ta'a­tu­pu'i miky­'esat ewy yn ta'a­tunug wuat'i hary­po­ria'in wywo wuat'i ihainia'in wywo. Ta'a­tupiit miky­'esat hap ko'i yn ta'a­tunug to'ope to'ope. — Yt kan hamo i Tupana miky­'esat hap ko'i ta'a­tu'e haype. Ta'a­tu­mi­ky­'esat ewy yn ta'a­tunug. Yt ta'a­tu­mõ­typot hin i Tupana wãi'e hap i'ewyte miit'in wãi'e hap yt ta'a­tu­mõ­typot i. Yt te'e­ru­we­mõti hin i ta'a­tu­minug sa'ag hap ko'i ete. — Atunug mote atunug e haria yn. Ta'i mi'iria ti to'o­ky­ry'i kahato ne'i wakuaria ete. I'ewyte atipy piaria ete to'o­ky­ry'i. Ta'i atipy piaria ti sakpo'e ikahuria i'ewyte po'og hesaika rakaria. Mi'i pytkai wemu'e haria yt pywuat i enoi haria — Uruto po'og irania'in kai i'atu'e yn i'ewyte mio tã i'atu'e atipy piaria pe.
30876	REV 6:15	Mi'i hawyi yi totiaria te'e­ro­ken'ẽ kahato te'e­ra­ha'at hamo. Miit'in porekuat ko'i te'e­ro­ken'ẽ kahato. I'ewyte hekat rakaria te'e­ro­ken'ẽ kahato. Miit iwato'in nakaria te'e­ro­ken'ẽ i'ewyte Tupana pupi. I'ewyte sura­ra'in akag ko'i te'e­ro­ken'ẽ kahato. Miit'in ipiit hesaika rakaria te'e­ro­ken'ẽ. I'ewyte miit eropat haria i'ewyte te'e­ro­ken'ẽ kahato Tupana owa kapiat te'e­ra­ha'at hamo. Ga'apy pe mi'at ka'a pe te'e­ru­wemig gen'ẽ pono yity'ok ka'a pe Tupana Hũ Kuteiru pupi te'e­ro­ken'ẽ kahato.