1	GEN 1:1	Diyà te puunà midlimbag te Megbevayà is langit wey is kelibutan.
35	GEN 2:4	Iyan heini sikan is keguǥuza te kedlimbaǥa zengan te langit wey kelibutan. Dengan hein midlimbag te Nengazen he Megbevayà is langit wey kelibutan,
37	GEN 2:6	Dutun he timpu zuen gapun he ebpuun te tanà ne pinaaǥi zutun egkahames is tivuuk he tanà.
44	GEN 2:13	Is ngazan dutun te ikezuwa he wahig ne Gihon. Diyà heini edtudà te tivuuk he tanà he Cush.
45	GEN 2:14	Is ngazan dutun te iketelu he wahig ne Tigris. Diyà heini edtudà te edsilaan te Asiria. Ne is ikeepat he wahig iyan is Eufrates.
54	GEN 2:23	Ne zutun migkaǥi kes maama te, “Duen ku en human duma! Is menge tulan din, ne zini ebpuun te tulan ku wey is sapù din daan, ne zini ebpuun te sapù ku. Egngezanan ku sikandin he ‘vahi’ su zini sikandin ebpuun te kedì te maama,” ke sikandin.
99	GEN 4:19	Dezuwa is esawa ni Lamec, is sevaha, ne iyan si Ada, ne is sevaha, ne iyan si Zila.
101	GEN 4:21	Duen hazi ni Jabal he maama ne iyan ngazan din si Jubal, he nehuna te langun he metau he ebpen alpa wey ebpemulalà.
107	GEN 5:1	Iyan heini keguǥuza te menge kevuwazan ni Adan. Dutun te kedlimbaǥa te Megbevayà te menusiyà, midhimu zin is etew iring te kandin he zagwey.
128	GEN 5:22	Ne puun dutun te ked-enaka ki Metusela, 300 pa he tuig is keluǥayad te untung ni Enoc, ne zuen duma pa zaan he menge anak din he vahi wey maama. Dutun he timpu utew meupiya is kedepità ni Enoc wey Megbevayà, umbe nekeuma te 365 is keluǥayad te untung din ne nahanew sikandin, su midtulus sikandin te Megbevayà.
147	GEN 6:9	Iyan heini guǥud mehitenged te pemilya ni Noe. Metazeng he etew si Noe. Dutun he timpu iyan dà sikandin etew he wazà igkesawey zuen; utew sikandin mibpekid-emiǥu te Megbevayà.
200	GEN 8:16	“Liǥawang kew en keniyan te arka. Dumaha nu is esawa nu, is menge anak nu, wey is menge ambey nu.
218	GEN 9:12	Ne migkaǥi zaan is Megbevayà te, “Duen ibpeehè ku keniyu he egkehimu he tuus te wazà pidtemanan he kebpekid-uyun ku keniyu wey te langun he menge linimbag ku he egeǥehinawa he zuma niw he midlawang keniyan te arka. Ne iyan is:
239	GEN 10:4	Is menge anak ni Javan ne iyan si Elisha, Tarshish, Kitim, wey si Dodanim.
242	GEN 10:7	Si Cush ne zuen din menge anak he iyan heini si Sheba, Havila, Sabta, Raama, wey si Sabteca. Ne iyan heini menge anak ni Raama, si Sheba wey si Dedan.
243	GEN 10:8	Duen pa sevaha he anak ni Cush he iyan ngazan din si Nimrod. Si Nimrod nehimu he gemhanan he etew kayi te kelibutan.
260	GEN 10:25	Dezuwa is menge anak ni Eber. Is sevaha, ne migngezanan ki Peleg, he ke và dà egkeǥiya, “kebpekedsusuwey”, su zutun he timpu nekedsusuwey is menge etew zini te lumpad. Is hazi zin ne migngezanan ki Joktan.
262	GEN 10:27	Hadoram, Uzal, Dikla,
307	GEN 12:8	Ne midlaus pa ensi Abram pehendiyà te vuvungan he ziyà te zapit te edsilaan te inged he Betel ne zutun din ipehitindeg is tulda zin. Diyà te zapit din te edsenlepan is inged he Betel wey ziyà te zapit te edsilaan is inged he Ai. Ne zutun mid-uman si Abram mebaal te pemuhatà ne mibpengumew-umew zin is Nengazen.
340	GEN 14:3	Heini is lelima he hadì, ne midsevaha zan is menge sundaru zan diyà te Suǥud he Sidim he iyan guntaan sikan is Daǥat he Minatey.
350	GEN 14:13	Duen sevaha he tig-Sodom he nekepelaǥuy, ne midhendiyà sikandin te Hebriyuhanen he si Abram ne impenudtul zin haazà is langun he neulaula. Dutun he timpu, ziyà si Abram med-ubpà te uvey te menge kayu he ulayan ni Mamre te Amorihanen. Heini si Mamre wey is menge suled din he si Iskul wey si Aner ne neupakat sikandan engki Abram.
351	GEN 14:14	Ne hein nezineg ni Abram he nevihag is enaken din, midtiǥum din is 318 he sakup din he egkeseriǥan din. Heini sikandan, menge sakup din puun pa te ked-enaka kandan, ne miduma zin sikandan, ne midal-as dan sikan is heepat he hadì taman te inged he Dan.
352	GEN 14:15	Ne hein mezukilem, mibahin ni Abram te dezuwa he grupu is menge sundaru zin. Ne zutun midsurung dan is menge kuntada zan, ne nezaag dan heini. Ne haazà is menge kuntada zan ne mibpemelaǥuy midal-as eni Abram taman te inged he Hoba, he ziyà te zapit te egkezizaya te inged he Damascus.
354	GEN 14:17	Ne zutun te ed-ulì en si Abram he ebpuun te kedeeǥa zin ki Kedorlaomer wey is menge zuma he hadì, midsinuǥung sikandin te hadì te inged he Sodom. Diyè din sinuǥunga te Suǥud he Shave he egngezanan daan te Suǥud te Hadì.
357	GEN 14:20	Deliǥa is Utew Lavew he Megbevayà, su midhimu zin he mekezaag ka te menge kuntada nu.” Ne zutun, imbeǥey kandin ni Abram is ikepulù he vahin te langun he netavan din.
363	GEN 15:2	Ne midtavak dutun si Abram te, “Sikew is Nengazen he Megbevayà, wazà igkeveǥey nu kediey he ibmeupiya te ǥehinawa ku su kenè bes egkehimu he egkevuwad a, ne iyan ebpekepengevilin te menge azen ku si Eliezer he tig-Damascus.”
383	GEN 16:1	Ne si Sarai, sikan is esawa ni Abram, kenà ed-anak. Duen uripen din he Ehiptohanen he egngezanan ki Hagar.
424	GEN 17:26	Dutun he andew nesirkunsidar si Abraham, is anak din he si Ishmael,
428	GEN 18:3	Ke sikandin te, “Datù, emun meupiya zà te ǥehinawa niw, ne tuluy kew zèpa kayi te kenami.
434	GEN 18:9	Ne zutun mid-insaan dan si Abraham te, “Hendei is esawa nu he si Sara?” Ne midtavak sikandin te, “Diyè ded te seled te tulda.”
439	GEN 18:14	Ne mid-uman megkaǥi is Nengazen te, “Duen be minsan hengkey he kenà egkehimu te Nengazen? Sumalà is migkaǥi ku, edlikuan ku sikiyu seled te senge tuig ne ed-anak iyan dutun si Sara te maama.”
475	GEN 19:17	Ne hein diyè dan en te ǥawas, migkaǥi is sevaha he velinsuǥuen diyà te ki Lot te, “Pelaǥuy kew en! Kenè kew lilingey wey kenè kew teren kayi te menge suǥud. Diyè kew petandang te menge vuvungan para kenè kew meragkes mepatey.”
480	GEN 19:22	Sigi, pelaǥuy kew. Hendiyan kew en, su wazà egkehimu ku taman te kenè kew pa ebpekeuma zutun.” Ne tenged dutun, egngezanan haazà is inged te Zoar, he ke và dà egkeǥiya, “Deisek.”
489	GEN 19:31	Dutun he timpu, migkaǥi is kakey he anak din diyà te hazi zin te, “Utew en meǥurang is amey ta ne wazà kayi zuma pa he maama he ebpekeesawa kenita wey edhulid kenita sumalà is betasan te tivuuk he menusiyà.
530	GEN 21:16	Ne mid-awà sikandin, he menge 100 he mitrus is keziyù puun dutun te vatà. Dutun sikandin mebpinuu he edsineǥew, ne egkeisip din is, “Kenè ku egkaantus te ed-ahà is anak ku he ebpatey.”
552	GEN 22:4	Dutun te iketelu he andew te kedhipanew zan, nepantew ni Abraham haazà is buvungan he malù pa meziyùdiyù.
553	GEN 22:5	Migkeǥiyan din is menge suluǥuen din te, “Dini kew zà dèpa taǥad duma is asnu, su edlaus key pa ziyà su ed-azap key te Megbevayà. Edlikù key zè kan dini.”
555	GEN 22:7	Dutun te kemulu zan en edhipanew, migkaǥi si Isaac diyà te amey zin he si Abraham te, “Amà!” Ne midtavak si Abraham te, “Hengkey, Mama?” Mid-insà si Isaac te, “Duen ta tigtiǥen wey kayu, piru hendei ta egkekuwa is nati he kerehidu he ibpemuhat he edtutungen?”
561	GEN 22:13	Dutun te nekelilingey si Abraham, ne neehè din is kerehidu he meemahan he nekesanggat is sungey zin diyà te dezeisey he kayu. Ne migkuwa ni Abraham haazà ne impemuhat din he pemuhat he edtutungen ilis te anak din.
562	GEN 22:14	Migngezanan ni Abraham haazà te, “Iyan Ebeǥey is Nengazen.” Ne zuen pa erubasa ǥuntaan he edhenduen te, “Diyà te Buvungan te Nengazen egkeveǥayan kiw te tavang.”
572	GEN 22:24	Duen pa menge anak ni Nahor ziyà te sevaha he esawa zin he si Reuma. Iyan ensi Tiba, Gaham, Tahash wey si Maaca.
574	GEN 23:2	Diyà sikandin mebpatey te inged he Kiriat Arba (he iyan en guntaan inged he Hebron) diyà te tanà he Canaan. Utew inlalew ni Abraham is kebpatey ni Sara.
578	GEN 23:6	“Datù, pemineǥa nu is egkeǥiyen dey. Migkilala zey sikew he telehuzen he etew, umbe egkehimu he minsan hendei nu idleveng is esawa nu kayi te pinekemeupiya he penlevengè dey. Wazà minsan hentei kenami he kenà ebeǥey kenikew te edlevengan te esawa nu.”
585	GEN 23:13	ne migkaǥi sikandin diyà te ki Efron he nezineg te langun te, “Pemineǥa a. Egkesuatan ku he ebeyazan ku haazà is bevesukà. Dewata nu en is ibayad ku, su wey zutun ku en ikeleveng is esawa ku.”
587	GEN 23:15	“Datù, pemineǥa a zep-a. Is bali zuen te tanà, ne 400 he vuuk he pelata, piru kenà haazà ebpekesamuk kenita te teleemiǥu. Kuwaa nu en is tanà ne igkeleveng nu zutun is esawa nu.”
617	GEN 24:25	Duen egkehizeǥaan niw ziyà te kenami, wey zekelà daan is menge reǥami he idsamak para te menge kemilyu niw.”
621	GEN 24:29	Is suled din he si Laban dutun daan is ebpemineg te edtudtulen din, he ebpengeǥiyen duen te etew mehitenged kandin. Naahà ni Laban is galunggalung wey sikan is menge rintì diyà te velad te etevey zin he si Rebeka. Umbe mibpelelaǥuy sikandin pehendiyà te kalut ne midhendiyà te etew he migkaǥi ni Rebeka. Diyè ded haazà is etew medhithitindeg te uvey te kalut, duma te menge kemilyu.
647	GEN 24:55	Ne midtavak dutun is iney wey is meemahan ni Rebeka te, “Deyzey ke kenè nu zèpa zumaha si Rebeka minsan taman dà te sepulù he andew, ne egkeiwas haazà ne human kew ebpekeǥenat.”
655	GEN 24:63	Duen timpu zutun ne malù en merusirem, migawas sikandin te valey ne midriǥuriǥu. Duen nepantew zin he kemilyu he ebpelingguma.
662	GEN 25:3	Si Jokshan ne iyan anak din si Sheba wey si Dedan. Is menge kevuwazan ni Dedan ne iyan is menge Ashurnen, menge Litushnen, wey Liumnen.
669	GEN 25:10	Haazà is tanà, ne mibpemasa ni Abraham dutun te menge Hitihanen. Diyà si Abraham ileveng wey is esawa zin he si Sara.
673	GEN 25:14	Mishma, Duma, Masa,
677	GEN 25:18	Diyà med-ubpà is menge kevuwazan din te menge inged he ebpuun te Havila pehendiyà te Shur, he zapit te edsilaan te Ehipto pehendiyà te Asiria. Ne migkuntada zan is langun he menge kezuzumahi zan he kevuwazan ni Ishmael.
709	GEN 26:16	Ne zutun migkaǥi si Abimelec diyà te ki Isaac te, “Deyzey ke ed-awè kew kayi, su lavew en is keniyu he ǥehem te kenami.”
712	GEN 26:19	Diyà te zal-ug, mibangbang is menge suluǥuen ni Isaac te beǥu he kalut ne nekeehè dan te serebseb.
717	GEN 26:24	Dutun te haazà he kezukilemi te kebpekeuma zin diyà, mibpaahà kandin is Nengazen he egkaǥi te, “Iyan a kes Megbevayà te amey nu he si Abraham. Kenè ka mahandek su iyan a zuma nu. Edtuvazan ku sikew ne edhimuwen ku he utew medmezakel is menge kevuwazan nu tenged te suluǥuen ku he si Abraham.”
722	GEN 26:29	he kenè key keniyu pesipelahi, su wazè dey man daan sikew pesipelahi hein diyè ka te kenami. Mibpurungan dey sikew, impeǥenat dey sikew he melinawen. Deyzey pezem he tuvazi ke pa te Nengazen.”
767	GEN 27:39	Midtavak si Isaac te, “Diyè ka ebpekeubpà te tanà he kenà uuzaran, wey kenà heini lelayun egkahames te zehemug he tuvad te Megbevayà.
776	GEN 28:2	Penines ka, ne pehendiyè ka te Padan Aram, diyà te apù nu he si Betuel he amey te iney nu. Diyè ka pengesawa te sevaha te menge raǥa he anak ni Laban te meemahan te iney nu.
812	GEN 29:16	Duen dezuwa he anak ni Laban he raǥa. Iyan ngazan te kakey si Lea ne si Raquel is hazi.
815	GEN 29:19	Migkaǥi si Laban te, “Deyzey pa ke iyan ke zà ebpekeesawa kandin kenà te zuma he maama. Kayi ke zà ubpà.”
837	GEN 30:6	Ne migkaǥi si Raquel te, “In-awà human te Megbevayà is keelezan ku. Midtavak din is pengemuyù ku, su imbeǥey zin kedì is sevaha he anak he maama.” Umbe migngezanan din haazà is batà ki Dan.
852	GEN 30:21	Ne is huziyan he in-anak ni Lea vahi, ne migngezanan din ki Dina.
869	GEN 30:38	Diyè din haazà ipasek te uvey te peinumà te menge uyaǥen para maahà haazà dutun te menge uyaǥen emun ebpekeinum dan.
870	GEN 30:39	Dutun te egkesineruwan te subpang ebpepenpeniwelayà haazà is menge kambing emun edhendutun dan is ed-inum. Emun ed-anak dan, ne kevengan is anak dan.
884	GEN 31:10	Ne mid-uman megkaǥi si Jacob te, “Duen timpu he ebpemelelevag is menge uyaǥen, ne neketeǥeinep a. Neteǥeinep ku he is menge meemahan he kambing ne ebpemeniwaley te menge vehiyan he menge beverekà he kambing.
885	GEN 31:11	Dutun te teǥeinep ku, migkeǥiyan a te velinsuǥuen te Megbevayà. Ke sikandin te, ‘Jacob!’ Midtavak a te, ‘Heini e zed!’
887	GEN 31:13	Iyan a sikan is Megbevayà he mibpaahà kenikew ziyà te Betel kes lugar he zutun nu ipelastar kes tedeman nu he vatu he mid-itisan nu te lana. Dutun ka zaan mebpesarig kediey. Ne ǥuntaan, awè ka kayi te inged ne ulì ke en diyà te kenikew en he inged he zutun ka ianak.’ ”
903	GEN 31:29	Duen ku ketezengan pezem te kebpesipala kenikew, piru mibpaahà kedì is Megbevayà geina te mezukilem he ed-ezapen te amey nu, ke sikandin te, ‘Kenè nu pesipelahi si Jacob.’
907	GEN 31:33	Ne zutun, mibpen-ahà ni Laban haazà is menge ed-ezapen din dutun te tulda ni Jacob, diyà te ki Lea ragkes is menge tulda zuen te zezuwa he menge uripen he vahi te menge esawa ni Jacob. Piru wazè din maahà haazà is ed-ezapen din. Dutun te kedliǥawang din duen te tulda ni Lea, midseled sikandin daan diyà te tulda ni Raquel.
921	GEN 31:47	Migngezanan haazà ni Laban is intambù he menge vatu te Jegar Sahaduta. Piru migngezanan heini ni Jacob te Galeed. Diyà te Hebreo, he ke và dà egkeǥiya, “Intambù he Ebpeketistiǥus.”
935	GEN 32:7	Ne hein nekelikù is menge midsuǥù ni Jacob, ke sikandan te, “Midhendiyè key te ki Esau, ne migenat en su edsinuǥungen ke zin. Duen din duma he 400 he menge maama.”
939	GEN 32:11	Ne siak is suluǥuen nu, kenà a zait te zekelà he ǥaǥew nu kediey he kenà egkaamin. Dengan hein midrapas a kayi te wahig he Jordan su edhendiyà a te ki Laban ne iyan dà naazen ku zutun is tuked ku. Ne ǥuntaan utew mezakel is menge azen ku su egkehimu he ebehinen te zezuwa he vahin.
975	GEN 33:14	Deyzey ke edhuna ke en kenami. Ednaneynaney key en edsunud kenikew sumalà te kegaan kayi te menge vatà wey te menge uyaǥen he egketundug dey. Diyè kiw en ebpeked-uuma te Seir.”
982	GEN 34:1	Si Dina, sikan is anak ni Jacob he raǥa he anak ni Lea, mibpenumbaley ziyà te menge vahi he menge meǥinged dutun te inged.
983	GEN 34:2	Naahà sikandin ni Shekem he anak ni Hamor he Hivihanen, he pengulu zengan dutun he lugar. Mid-eǥen din si Dina ne midlayug din.
984	GEN 34:3	Utew zin nesuati si Dina, ne utew zin mibmahal ne midneyneyuan din.
986	GEN 34:5	Hein netuenan ni Jacob he midlayug ni Shekem si Dina, wazè din pa ul-ulaha is egkeisip din su wazè pa mekeulì is menge anak din he menge maama he ziyà te unayan su abantey te menge uyaǥen dan.
991	GEN 34:10	Egkehimu he ebpekeubpè kew kayi te kenami he tanà su kenè dey keniyu ibarew. Dini kew ubpà; dini kew petiǥayun minsan hendei ne ebpekaangken kew te tanà.”
992	GEN 34:11	Midhangyù daan si Shekem diyà te amey wey menge suled ni Dina te, “Emun egkehizuwan a keniyu ne ipeesawa niw en kedì si Dina, ne minsan hengkey he ebuyuen niw ibeǥey ku.
993	GEN 34:12	Minsan pira is ibpesunggud niw kediey wey is minsan hengkey he ebuyuen he igasa ku kandin ne ibeǥey ku asal ipeesawa niw kediey si Dina.”
994	GEN 34:13	Tenged te midèdeetan ni Shekem is dengeg ni Dina, mid-ekalan te menge anak ni Jacob si Shekem wey is amey zin he si Hamor.
1000	GEN 34:19	Umbe tenged te utew nesuati ni Shekem si Dina, wazè en sikandin medlanganlangan ne midtuman din is migkaǥi kandin te menge anak ni Jacob. Si Shekem utew midtahud kandin is pemilya te amey zin.
1006	GEN 34:25	Kedlevey zutun te tetelu he andew, zutun te kemulu pa egkesekiti is menge maama te kedsirkunsidara kandan, midseled dutun te inged kes dezuwa he menge anak ni Jacob, si Simeon wey si Levi, is menge kakey ni Dina. Wazà metueni te menge etew zutun he mezaat bes is tuyù dan. Mid-uwit dan te ispada ne mibpenhimetayan dan is langun he menge maama zutun.
1007	GEN 34:26	Midhimetayan dan si Hamor wey is anak din he si Shekem, ne migkuwa zan dutun si Dina te valey ni Shekem ne migenat dan.
1008	GEN 34:27	Ne zutun, nekeuma zaan is duma pa he menge anak ni Jacob dutun te inged ne mibpenavan dan is menge azen dutun te inged. Mid-ulaula zan haazà tenged te midèdeetan is dengeg te etevey zan he si Dina.
1020	GEN 35:8	Ne zutun, minatey si Debora he mid-uyamu zengan ki Rebeka. Ne ziyà ileveng sikandin te sihung te kayu he ulayan he ziyà te alug te Betel. Egngezanan haazà he kayu he Alon Bacut, he ke và egkeǥiya, “kayu he midsineǥawan.”
1034	GEN 35:22	Ne zutun te timpu he kemulu pa ed-ubpà ensi Jacob dutun, midhulizan ni Reuben is esawa te amey zin he si Bilha. Hein netuenan haazà ni Jacob, utew sikandin nepauk. Duen 12 he menge anak ni Jacob.
1037	GEN 35:25	Is menge anak din diyà te ki Bilha, sikan is suluǥuen ni Raquel he vahi, ne iyan si Dan wey si Naftali.
1062	GEN 36:21	Dishon, Ezer, wey Dishan. Nehimu sikandan he menge pengulu te menge Hurhanen he meǥinged diyà te Edom.
1066	GEN 36:25	Is menge anak ni Ana iyan si Dishon wey si Oholibama.
1067	GEN 36:26	Is menge anak ni Dishon he menge maama, iyan si Hemdan, Eshban, Itran, wey si Keran.
1069	GEN 36:28	Is menge anak ni Dishan iyan si Uz wey si Aran.
1070	GEN 36:29	Iyan heini sikandan menge pengulu te menge Hurhanen he midumala te menge lugar ziyà te Seir: Si Lotan, si Shobal, si Zibeon, si Ana, si Dishon, si Ezer, wey si Dishan.
1073	GEN 36:32	Si Bela he tig-Dinhaba he anak ni Beor nehimu he hadì te Edom.