3	GEN 1:3	Ne migkaǥi zutun is Megbevayà te, “Mehimu is kerayag!” Ne nehimu en dutun is kerayag.
318	GEN 12:19	Migkaǥi nu he etevey nu, ne migkuwa ku sikandin, su mid-esawa ku. Heini zed is esawa nu. Kuwaa nu ne awè kew kayi!”
387	GEN 16:5	Ne migkaǥi zutun si Sarai ziyà te ki Abram te, “Kenikew he salà heini is kebpelevawi kediey ni Hagar. Minsan pa te iyan a mibeǥey kandin diyan te kenikew, ebpelevawan e zin gihapun hein netuenan din he meǥingey en su kenè nu edewayen. Nesayud is Nengazen ke hentei kenita is ebpekevenar!”
559	GEN 22:11	Mid-umew si Abraham te velinsuǥuen te Nengazen he ebpuun te langit te, “Abraham! Abraham!” Ne midtavak sikandin te, “Hengkey.”
762	GEN 27:34	Hein nezineg haazà ni Esau, nekelelendag is edsineǥew ne migkeǥiyan din is amey zin te, “Amà, penubtuvazi a zaan!”
791	GEN 28:17	Ne nahandek sikandin, ke sikandin te, “Utew a ebpendeǥubduva kayi he lugar! Ubpeey heini te Megbevayà ne kayi ves is gemawan pehendiyà te langit!”
832	GEN 30:1	Hein naahà ni Raquel he kenà sikandin ed-anak, neima sikandin ki Lea. Migkeǥiyan din si Jacob te, “Beǥayi a te anak su emun kenà a kenikew ebeǥayan te vatà ne ebpatey e en!”
833	GEN 30:2	Ne nepeukan sikandin ni Jacob he egkaǥi te, “Maan, Megbevayè e ve? Kandin he ketau is kenè nu kebpekaanak!”
842	GEN 30:11	Migkaǥi si Lea te, “Utew meupiya is palad ku!” Umbe migngezanan din haazà is batà ki Gad.
931	GEN 32:3	Ne hein naahà sikandan ni Jacob, ke sikandin te, “Menge sundaru heini te Megbevayà!” Ne migngezanan din haazà is tanà te Mahanaim.
1239	GEN 41:43	Ne insuǥù din he ibpeuntud si Jose te ikezuwa he lavew he kerwahi zin, ne insuǥù din daan he zuen menge etew he edhuna ki Jose wey zan mekevensag te, “Luhud kew!” Ne iyan haazà neulaula hein insarig duen te hadì te Ehipto ki Jose is kebayàbayà te tivuuk he ǥinhedian din he Ehipto.
1260	GEN 42:7	Ne zutun te naahà sikandan ni Jose, nekilala zin sikandan, piru henduen be te kenè din uvag egkengekilala ne midhenggeran din sikandan ne ke sikandin te, “Hendei kew ebpuun?” Ne midtavak dan te, “Diyè key ebpuun te Canaan, ne midhengkayi key su ebpemasa key te egkeenen.” Ne netenuzan din is menge teǥeinep din mehitenged kandan ne ke sikandin diyà te kandan te, “Teruen kew! Umbe midhendini kew su ed-ahaan niw is kebpekesavuk dey wey niw metueni ke egkezaag key keniyu!”
1264	GEN 42:11	Su menge anak key pudu te sevaha zà he etew. Kenè key teruen su sikami is menge suluǥuen nu, kenà iyan dey inhendini is kebpeniid!”
1387	GEN 45:28	Ne migkaǥi si Jacob te, “Nevenaran a human! Uuyag pe bes iyan is anak ku he si Jose! Edhendiyà a te kandin wey ku sikandin maahà te kenè e pa ebpatey!”
1584	EXO 3:4	Ne hein naahà sikandin te Nengazen is malù ed-uvey te kedsusi, nezineg din is ked-umew te Megbevayà he ebpuun dutun te teliwazà te egkeregreg he egkaǥi te, “Moises! Moises!” Ne midtavak si Moises te, “Heini e zed.”
1668	EXO 6:12	Iyan, migkaǥi si Moises diyà te Nengazen te, “Emun wazà mebpemineg kedì is menge Israilihanen, iyan pe be is hadì? Su kenà a metau he ebpengaǥikaǥi!”
1730	EXO 8:15	Ne migkaǥi sikan is menge selemengkiru ziyà te hadì te, “Baal heini te Megbevayà!” Piru mezesen gihapun is gehinawa zuen te hadì, ne wazà sikandin mebpezumazuma ki Moises wey ki Aaron, su iyan heini migkaǥi te Nengazen.
1849	EXO 12:32	Elin niw en tundana is menge uyaǥen niw su iyan heeyan migkaǥi niw. Ne hengyui niw is Megbevayà he kehizuwi e zin!”
1850	EXO 12:33	Dutun he timpu edeǥusuwen en te menge Ehiptohanen is menge Israilihanen te ked-awà diyà te kandan. Su ke sikandan te, “Egkaamin key en ebpematey emun kenè kew pa egenat!”
1902	EXO 14:12	Minsan pa te migkeǥiyan dey en sikew hein diyè kiw pa te Ehipto te, bey-ani key en kenikew is ebpenilbi te menge Ehiptohanen su meupiya pa is kebpenilbi kandan kenà is kebpatey ziyà te sibsivayan!”
1988	EXO 17:4	Ne zutun mibuyù te tavang si Moises diyà te Nengazen, “He Nengazen, hengkey is ebeelan ku kayi te menge etew? Samè dà kenè e zan penulenga te vatu!”
2465	EXO 32:26	Umbe, midhitindeg sikandin diyà te pultahan duen te kampu zan, ne midhabet megkaǥi te, “Is minsan hentei keniyu he ebpesakup mulà te Nengazen, medhengkayi te kediey!” Ne midhendiyà te kandin is langun he menge Levihanen.
3098	LEV 13:45	Is etew he zuen din daru te lundis kinahanglan he mebivisti te vindas he visti, kenà mebpenuwat te vulvul zin, ne tembuni zin is dizalem he vahin te zagwey zin ne mebensag sikandin te, “Meremerik a! Meremerik a!”
4040	NUM 11:15	Emun iyan heini ebeelan nu kediey ne himetayi ad nasì kenikew ǥuntaan. Emun nekepenunuat a kenikew, ne kenà a kenikew vey-ani he egkerasey!”
4149	NUM 14:40	Ne hein sunud he andew midsayu sikandan med-enew su edtekezeg sikandan diyà te menge vuvungan te Canaan. Ke sikandan te, “Netuenan dey he nekesalè key, ne ǥuntaan andam key en he edhendiyà te lugar he insaad te Nengazen!”
4202	NUM 16:7	ne sevuki niw heini te vaǥa wey beyewà, ne uwita niw ziyà te etuvangan te Nengazen. Ne egkeehè tew ke hentei is mibpilì te Nengazen he ebpenilbi kandin. Iyan kew is menge Levihanen, mibpesubra te ebeelan niw!”
4209	NUM 16:14	Ne liyu keniyan, wazè key kenikew dumaha ziyà te tanà he meupiya wey selebpeten wey wazè key kenikew veǥayi te menge vevesukà etawa pemuleey te paras he egkaangken dey. Ne ǥuntaan, egkesuat ke pa he edtuntu kenami? Kenè key edhendiyan te kenikew!”
4258	NUM 17:28	Su ebpatey man is minsan ed-uvey zà diyà te Tulda te Nengazen. Ne ebpatey key ves is langun pinaaǥi kayi!”
4317	NUM 20:5	Maan is impeǥawas key pa kenikew ziyà te Ehipto ne kayi key kenikew dumaha te wazè din pulus he lugar he wazà duen minsan trigu, higus, paras, etawa pumigranata? Ne wazè pa wahig he egkeinum!”
4428	NUM 23:11	Migkaǥi si Balak diyà te ki Balaam te, “Hengkey heini is mibeelan nu kayi te kediey? Mibpeveyaan ku sikew wey nu merewaki is menge kuntada ku, piru mibpenubtuvazan nu hinuun!”
4442	NUM 23:25	Ne migkaǥi si Balak diyà te ki Balaam te, “Emun kenè nu sikandan edrewakan ne kenè nu zaan tuvazi!”
4696	NUM 31:30	Ne zutun te menge vahin te menge Israilihanen he wazà mebpekidtebek, is kada 50 terini nu te sevaha is binihag he menge etew, menge vaka, menge asnu, menge kerehidu, wey menge kambing etawa zuma he kelasi te menge uyaǥen. Ne iveǥey nu heini ziyà te menge Levihanen he ketengdanan dan is ked-atur zuen te Tulda te Nengazen!”
5871	JOS 1:18	Edhimetayan is minsan hentei he edsupak kenikew wey kenà edtuman te mandù nu. Mebpekelig-en ke zà wey mebpekevurut!”
6793	JDG 9:37	Migkaǥi si Gaal te, “Kela man ahaa nu! Duen menge etew he ebpuun diyà te mid-elangan keniyan te zezuwa he vuvungan, ne zuen pa ziyà te zalan he uvey te ulayan te menge meneglagnà!”
6866	JDG 11:35	Ne hein naahà sikandin ni Jefta, mibindas din is bisti zin tenged te kegkeseeng din, ne ke sikandin te, “Anak ku, midhimu nu he utew a meseeng! Su nekepenangdù a ziyà te Nengazen he ibpemuhat ku ziyà te kandin is egkehuna he edsinuǥung kedì, ne kenè ku en heini egkevelvelewanan!”
6963	JDG 16:12	Umbe, migkuwa si Delila te veǥu he pisì he wazè pa meǥamit ne mibakus din si Samson. Ne zuen nepipira he menge Filistihanen he mid-eles diyà te zivaluy he ruǥu. Ne mibensag si Delila te, “Samson, duen nekeuma he menge Filistihanen su edekepen ke zan!” Piru mibpemidtew ni Samson haazà is pisì he henduen dà te tanur.
6981	JDG 16:30	Nengulahì sikandin te, “Ituǥut nu he mebpatey a zuma te menge Filistihanen!” Ne intukù din haazà is dezuwa he tukud he mid-amin din is desen din, ne nerundusan dutun te simbahan is menge pengulu wey is langun he menge etew zutun. Edhuna pa he mahabet is nepatey zin dutun he timpu kenà te nepatey zin hein uuyag pa sikandin.
7170	RUT 2:19	Ne zutun mid-insà kandin si Naomi te, “Hendei ka mebpekirarew ǥeina? Hentei ki perayan is mibpekirerawan nu? Berakat he tuvazi te Megbevayà haazà is etew he nehizu kenikew!” Ne zutun migkaǥi si Ruth he ziyà sikandin mebpekirarew te perayan te etew he migngezanan ki Boaz.
7228	1SA 1:14	Ne zutun migkeǥiyan din te, “Keenu ke en bes ed-engked te kebpelelangut? Engkezi nu en is ked-inum nu!”
7284	1SA 3:6	Mid-uman en maan umawa sikandin te Nengazen, “Samuel! Samuel!” Mid-enew si Samuel ne midhendiyà te ki Eli, ke sikandin te, “Hengkey, datù, maan is ed-umawen a kenikew?” Midtavak si Eli te, “Mama, wazè ku sikew umawa, likù ke en wey med-uman medlipezeng.”
7308	1SA 4:9	Piru, ebpekevurut kiw, ne kenè kiw egkahandek para kenè kiw meuripen te menge Hebriyuhanen iring te kegkeuripena tew kandan dengan. Umbe ebpekidtebek kiw kandan!”
7319	1SA 4:20	Ne hein nekaanak en sikandin ne edluwèluwà sikandin te gehinawa, migkeǥiyan sikandin te menge mengunguyamu te, “Pekevurut ka! Su maama is anak nu!” Piru wazè en sikandin medtavak.
7444	1SA 10:24	Umbe, migkeǥiyan ni Samuel is langun he menge etew te, “Iyan heini kes etew he mibpilì te Nengazen he iyan hadì niw. Wazà minsan sevaha kenitew he nekeiring kandin.” Ne zutun nemengulahì is menge etew he egkaǥi te, “Mebmeluǥayad is untung te hadì!”
7522	1SA 14:12	Ne zutun migkulahì dan si Jonatan wey kes sineriǥan din te gumaan, “Tekezeg kew kayi te kenami, su zuen ibpenurù dey keniyu!” Migkeǥiyan ni Jonatan kes tig-uwit te gumaan din te, “Sunud ka kedì su siguradu he ibpezaag en te Nengazen sikandan te Israel.”
7649	1SA 17:29	Midtavak si David te, “Hengkey ves daan is mibeelan ku? Mid-insè e zè man!”
7664	1SA 17:44	Ne migkaǥi sikandin te “Uvey ka kayi, su ibpekaan ku is lawa nu he minatey te menge tagbis wey memevurut he langgam!”
7802	1SA 22:12	Hein nekeuma zan, migkaǥi si Saul te, “Pemineg ka, Ahimelec!” Midtavak te, “Uya, Mahal he Hadì.”
7816	1SA 23:3	Migkaǥi is menge sakup ni David te, “Minsan te kayi zà te Juda ne egkahandek key wey pe be ke edhendiyè kiw te Keila te kebpekidtebek te menge Filistihanen!”
7850	1SA 24:9	Ne migawas si David dutun te surung ne mid-umew zin si Saul, “Mahal he Hadì!” Midlilingey si Saul, ne midluhud si David su edtahud kandin.
7877	1SA 25:13	Migkeǥiyan ni David is menge sakup din te, “Endama niw is menge ispada niw!” Ne zutun nengandam dan ne migkuwa zan is ispada zan, ne iyan daan haazà mibeelan ni David. Menge 400 he etew is miduma ki David. Ne 200 is mibpelintetaǥak su ebantey te menge gamit dan.
7957	1SA 28:12	Ne mid-umew zutun te vahi si Samuel, ne hein naahà dutun te vahi si Samuel ne nekekulahì sikandin te mezaǥing is egkaǥi ki Saul te, “Maan is midlimbungan a kenikew? Iyan ke ves si Saul!”
8040	2SA 1:15	Migkeǥiyan ni David haazà is Amalikanhen te, “Iyan ke zà hinungdan te kemetayen nu. Iyan ka nenistiǥus te keugelingen nu he iyan ka iyan midhimatey te pinilì te Nengazen he hadì.” Ne migkeǥiyan ni David is sevaha te menge sakup din te, “Hengkayi ka, himetayi nu heini!” Ne zutun midhimetayan din.
8143	2SA 5:8	Hein wazè pa meselezi ni David is Jerusalem, ne migkeǥiyan din is menge sakup din te, “Diyè kew vayà te ebeyaan te wahig para mekeseled kew ziyà te Jerusalem, ne egkezaag niw is menge Jebusihanen he iring te menge pigket wey menge lakap. Utew ku en sikandan kuntada!” Iyan heini erubasa he nehimu tenged dutun, “Kenà ebpekeseled is lakap wey pigket dutun te valey te Nengazen.”
8307	2SA 12:18	Hein ikepitu en he andew, minatey haazà is batà. Nengahandek haazà is menge suluǥuen ni David he edtazem kandin he minatey en kes batà. Migkaǥi sikandan te, “Ebmenmenuwen tew en be he mekeǥiyi tew te minatey en kes batà? Wazè kiw zin man ganì pemineǥa te kedlelaǥi tew kandin hein uuyag pa haazà is batà, wey pe be ǥuntaan he minatey en haazà is batà. Kela ke zuen mezaat he ebeelan din diyà te lawa zin!”
8310	2SA 12:21	Migkeǥiyan sikandin te menge suluǥuen din te, “Kenè dey egkesavut heini is mid-ulaula nu. Hein uuyag pa kes batà, ne wazè ka megkaan is edsineǥew, guntaan te minatey en kes batà, ne mid-enew ka ne migkaan ka!”
8329	2SA 13:9	Hein nelutù en haazà, ne migkuwa zin heini su ibpekaan din ki Amnon, piru kenà egkaan si Amnon. Migkaǥi si Amnon te, “Ipeǥawas is langun he menge etew kayi!” Dutun nenggawas is menge etew.
8335	2SA 13:15	Ne zutun, utew nepauk si Amnon kandin, su is utew zin kegkepauk kandin lavew pa te kebmahala zin kandin dutun te nehuna he timpu. Migkeǥiyan ni Amnon sikandin te, “Enew ka wey megawas!”
8363	2SA 14:4	Hein nekeuma haazà is bahi ziyà te hadì, midluhud sikandin tuus te kedtahud he egkaǥi te, “Tevangi a, Mahal he Hadì!”
8445	2SA 16:16	Nekeuma zaan diyà si Hushai he Arkanhen, he emiǥu ni David, ne midhendiyà sikandin te ki Absalom ne migkeǥiyan din te, “Mebmeluǥayad is untung te hadì! Mebmeluǥayad is untung te hadì!”
8465	2SA 17:13	Emun ebpelaǥuy sikandin diyà te zuma he inged, ne edhiketan tew is menge verengbeng ne eguyuzen tew pehendiyà te wahig taman te egkerundus heini ne wazà dutun egkesamà he vatu!”
8495	2SA 18:14	Migkaǥi si Joab te, “Kenà a egkeuǥet kayi te kenikew!” Migkuwa si Joab te vangkew he tetelu ne mibeyaan din si Absalom he nevivitey zutun te kayu he ulayan he uuyag pa. Ne mibpilak din diyà te kumeng si Absalom.
8504	2SA 18:23	Migkaǥi sikandin te, “Minsan hengkey is egkeulaula ne edhipanew a.” Ne migkeǥiyan ni Joab sikandin te, “Uya, genat ke en!” Ne zutun mibpelelaǥuy si Ahimaaz, ne nememantek dà sikandin diyà te menge suǥud te Jordan, ne nehunaan din pa haazà is etew he tig-Etiopia.
8514	2SA 19:1	Migkerker si David. Ne nemenahik diyà te ruǥu zin diyà te divavew te pultahan dutun te inged ne midsineǥew. Dutun te kebpemenahik din, ke sikandin te, “He Absalom, anak ku, iyan e en pezem nepatey he elili kenikew. He Absalom, anak ku!”
8518	2SA 19:5	Mid-elangan ni David is dagwey zin ne nenderawit sikandin, “He Absalom, anak ku, anak ku!”
8558	2SA 20:1	Duen sevaha he etew he tig-Benjamin he layun dà ebpen-ahà te samuk. Iyan ngazan din si Sheba, he anak ni Bicri. Impezaǥing din is budyung ne ebpengulahì te, “Menge tig-Israel, wazè tew lavet ki David he anak ni Jesse! Ebpen-ulì kiw is langun!”
8568	2SA 20:11	Duen sevaha he sakup ni Joab ne midhitindeg dutun te minatey he lawa ni Amasa, he migkaǥi ziyà te menge sakup ni Amasa te, “Emun diyè kew edapig te ki Joab wey ki David, ne sunud kew en ki Joab!”
8751	1KI 1:31	Ne zutun segugunà midluhud si Batsheba te kedtahud dutun te hadì, ke sikandin te, “Mahal he Hadì David, berakat he mebmeluǥayad is untung nu!”
8759	1KI 1:39	Kebpekeuma zan diyà te Gihon, migkuwa ni Zadok diyà te segradu he tulda is lana he intaǥù diyà te teleǥuey he sungey, ne midheplasan din si Solomon diyà te ulu. Impezaǥing dan is budyung ne ingkulahì dan is lalag te, “Mebmeluǥayad is untung ni Hadì Solomon!”
8795	1KI 2:22	Migkaǥi si Hadì Solomon te, “Maan is edhengyuen nu he ipeesawa si Abishag ki Adonia? Kela ke edhengyuen nu zaan he iveǥey ku ziyà te kandin is ginhedian ku, su kakey ku sikandin ne edlavan kandin si Abiatar he memumuhat wey si Joab he anak ni Zeruya!”
8803	1KI 2:30	Umbe, midhendutun te tulda te Nengazen si Benaya, ne migkeǥiyan din si Joab te, “Gawas ka keniyan su ibpeǥawas ka zuen te hadì!” Piru midtavak si Joab te, “Kayi e zà ebpatey su kenà a egawas!” Midlikù si Benaya zuen te hadì su midtudtul zin is tavak ni Joab,
8811	1KI 2:38	Midtavak si Shimei te, “Meupiya is migkaǥi nu, edtumanen ku heini!” Umbe malù meluǥayad he timpu is ked-ubpà ni Shimei ziyà te Jerusalem.
8888	1KI 5:21	Utew nelipey si Hiram hein nezawat din haazà is lalag he impeuwit ni Solomon. Ke sikandin te, “Ereg he edeliǥen is Nengazen guntaan he andew, su mibeǥayan din si David te anak he metau he edumala te mekeǥeǥehem he nasyun!”
9170	1KI 12:16	Hein neisip-isip te menge Israilihanen he wazè dan pemineǥa te hadì, ne migkeǥiyan dan is hadì te, “Wazè dey lavet kenikew te kevuwazan ni David! Belaǥad ka keniyan te ginhedian nu! Hengkayi kew en is menge Israilihanen, su ebpemen-ulì kiw!” Ne nemen-ulì is menge Israilihanen.
9191	1KI 13:4	Ne kegkezineǥa zutun ni Hadì Jeroboam, ne intezù din haazà is etew he ke sikandin te, “Dekepa niw sikandin!” Ne midtinderan is belad duen te hadì, umbe kenè din en igkehendiyà te zizalem is belad din.
9341	1KI 17:21	Ketetelu lengkevi ni Elias haazà is batà ne nengumew-umew sikandin te Nengazen he ke sikandin te, “He Nengazen he Megbevayè ku, uyaǥa nu heini is batà!”
9343	1KI 17:23	Ne impenaug ni Elias haazà is batà ne imbeǥey zin diyà te iney zin. Ke si Elias te, “Ahaa nu man is anak nu, uuyag sikandin!”
9358	1KI 18:14	Ne ǥuntaan edsuǥuen a kenikew te kedhendiyà te egalen ku te kegkaǥi he kayi ka? Siguradu edhimetayan e zin!”
9370	1KI 18:26	Umbe, migkuwa zuen te menge ebpeneuven ni Baal is tudu he vaka he mid-uwit diyà te kandan, ne mid-andam dan heini. Ne nengemuyù dan diyà te ki Baal puun te meselem taman te meudtu. Igkulahì dan en is lalag te, “He Baal, tevaka key kenikew!” Edsayewsayew en sikandan is edlingutlingut duen te pemuhatà he mibeelan dan. Piru wazà mibeǥey te hangyù dan.
9383	1KI 18:39	Ne hein naahà haazà te langun he menge etew zutun, midlangkeb dan is egkaǥi te, “Is Nengazen, iyan Megbevayà! Is Nengazen iyan Megbevayà!”
9384	1KI 18:40	Ne segugunà midsuǥù ni Elias is menge etew te, “Dekepa niw is menge ebpeneuven ni Baal. Kinahanglan he wazà ebpekepelaǥuy kandan!” Umbe midakep dan ne mid-uwit sikandan ni Elias diyà te zal-ug he Kishon ne zutun din penhimetayi.
9474	1KI 21:20	Ne hein naahà ni Ahab si Elias ke sikandin te, “Neehè e ves te kuntada ku!” Midtavak si Elias te, “Uya, midhengkayi a te kenikew su geina te iyan nu zà layun egkesuatan is kebaal te mezaat diyà te etuvangan te Nengazen!
9489	1KI 22:6	Umbe, impetawag ni Ahab is menge ebpeneuven–400 sikandan langun, ne mid-insà te, “Egenat e ve te kebpekidtebek diyà te Ramot Gilead etawa kenà?” Midtavak dan te, “Genat kad, su ebpengelinteuwan te Nengazen he mekezaag ka!”
9511	1KI 22:28	Migkaǥi si Micaya te, “Emun ebpekelikù ka he kenà egkekeizan, ne wazà heeyan keǥiya te Nengazen pinaaǥi kedì.” Ne zutun migkeǥiyan ni Micaya is langun he menge etew zutun te, “Tentenuzi niw heini is migkaǥi ku!”
9513	1KI 22:30	Migkaǥi si Ahab diyà te ki Jehoshafat te, “Emun timpu en te tebek kenà a ebpekilala he iyan a hadì, piru sikew mulà bivisti ka te visti te hadì!” Umbe mibpeuvag-uvag si Ahab, ne mibpekidtebek sikandan.
9547	2KI 1:10	Ne midtavak ni Elias haazà is upisyal te, “Geina te suluǥuen a te Megbevayà ne meulug guntaan is hapuy he ebpuun te langit he edezaat kenikew wey te 50 he menge etew nu!” Ne neulug is hapuy he ebpuun te langit he nekepatey zuen te kepitan wey te 50 he menge etew zin.
9548	2KI 1:11	Ne mid-uman medsuǥù is hadì te sevaha he pa upisyal duma te 50 he menge etew te kedakep ki Elias. Migkeǥiyan duen te upisyal si Elias te, “Sikew is suluǥuen te Megbevayà, migkaǥi is hadì te kinahanglan he pehendiyà guntaan te kandin!”
9549	2KI 1:12	Ne midtavak si Elias te, “Geina te suluǥuen a te Megbevayà ne meulug guntaan is hapuy he ebpuun te langit he edezaat kenikew wey te 50 he menge etew nu!” Ne neulug en maan is hapuy te Megbevayà he ebpuun te langit he nekepatey kandan.
9551	2KI 1:14	Su emun kenà, ne egkeiring key zuen te zezuwa he grupu he nezeetan pinaaǥi te hapuy he ebpuun diyà te langit. Piru sikami mulà, ne ikehizu key!”
9567	2KI 2:12	Ne naahà heini ni Elisha ne nekevensag sikandin te, “Amey ku! Amey ku! Is menge kerwahi wey is ebpen-untud te menge kerwahi te Israel!” Ne hein wazè din en maahà si Elias, midliwazè din bindasa is kumbalè din su ibpeehè din he neseeng sikandin.
9570	2KI 2:15	Ne hein naahà haazà te grupu te menge ebpeneuven he ebpuun diyà te Jerico is nehitavù, ke sikandan te, “Diyà en bes te kandin is gehem ni Elias!” Umbe midsinuǥung dan sikandin ne midluhud dan su ibpeehè dan is kedtahud dan kandin.
9578	2KI 2:23	Mid-awà si Elisha ziyà te Jerico ne midhendiyà te Betel. Ne zutun te kedhipanew zin diyà te zalan, duen menge vetan-en he menge maama he ebpuun diyà te sevaha he inged he ed-undaunda kandin. Ke sikandan te, “Awè ka kayi is bengulan! Awè ka kayi is bengulan!”
9593	2KI 3:13	Ne migkeǥiyan ni Elisha haazà is hadì te Israel te, “Hengkey is lavet ku kenikew? Diyè ka pevayà te menge ebpeneuven he midseriǥan te amey nu wey iney nu!” Migkaǥi haazà is hadì te Israel te, “Kenà, su iyan is Nengazen mid-uwit kenami te tetelu kayi he lugar su wey key zin ikeveǥey ziyà te hadì te Moab.”
9603	2KI 3:23	Ke sikandan te, “Lengesa heeyan! Siguradu he mibpetebekà is tetelu he hadì ne mibpehimhimetayà sikandan. Ne egkuwaan tew is menge azen dan!”
9626	2KI 4:19	Netekewtekew is amey zin te midhabet sikandin megkaǥi te, “Amà, mesakit is ulu ku! Mesakit is ulu ku!” Ne migkeǥiyan te amey zin is suluǥuen din te, “Uwita nu ziyà te iney zin.”
9647	2KI 4:40	Ne hein nelutù en haazà is supas impemeǥey en diyà te menge etew. Ne zutun te kegkaan dan, nekevensag sikandan te, “Suluǥuen te Megbevayà, kela ke ebpekehilu heini!” Ne kenè dan haazà egkehimu te egkaan.
9658	2KI 5:7	Ne hein nevasa zuen te hadì te Israel haazà is surat, mibindas din is bisti zin su mibmezaat is gehinawa zin he ke sikandin te, “Maan is kayi zin te kediey suǥùa heini is etew he zuen daru te lundis din? Hengkey e ves, Megbevayà a? Duen ku ve gehem te kedhimatey wey ked-uyag te etew? Ebpen-ehè dà sikandin te hinungdan wey key mekedtebek!”
9683	2KI 6:5	Ne is sevaha kandan he ebpiley te kayu, nepul-ut is wasey zin ne neulug diyà te wahig, ne nekevensag sikandin te, “Datù, sinembayan ku zà sikan!”
9704	2KI 6:26	Duen timpu, he mibayà is hadì te Israel ziyà te zivavew te verengbeng, duen sevaha he vahi he midhabet megkaǥi ziyà te kandin te, “Tevangi a, Mahal he Hadì!”
9709	2KI 6:31	Ke sikandin te, “Berakat he zekelà is silut kedì te Nengazen ke kenè ku igkepetamped is lieg ni Elisha he anak ni Shafat guntaan he andew!”
9773	2KI 9:13	Mid-awà dutun te menge upisyal is samput dan ne indempas dan diyà te heǥezan he edhitindeǥan ni Jehu. Mibpezaǥing dan te vudyung ne ingkulahì dan is lalag he edhenduen te, “Si Jehu en is hadì!”