161	GEN 7:1	Ne zutun migkaǥi is Nengazen diyà te ki Noe te, “Sikew, wey is tivuuk he pemilya nu, seled kew en diyà te arka, su iyan ke zà neehè ku he metazeng he etew te langun he menge etew ǥuntaan.
310	GEN 12:11	Ne hein meǥaan dan en ebpekeuma ziyà te Ehipto, migkeǥiyan din is esawa zin te, “Sikew, utew ka mekempet he vahi.
356	GEN 14:19	Mibpenubtuvazan din si Abram te egkaǥi te, “Berakat, Abram, he tuvazi ka te Utew Lavew he Megbevayà he nenlimbag te langit wey tanà.
362	GEN 15:1	Ne hein neiwas haazà, mibpekidlalag ki Abram is Nengazen , ke sikandin te, “Abram, kenè ka mahandek, su edlevanan ku sikew wey ebeǥayan ku sikew te utew zekelà he suhul.”
399	GEN 17:1	Ne hein 99 en is penuiǥen ni Abram, mibpaahà kandin is Nengazen ne migkaǥi kandin te, “Siak, iyan a Megbevayà he Mekeǥeǥehem. Sunuza nu is menge penurù ku ne kinahanglan he wazà igkesewayi kenikew.
428	GEN 18:3	Ke sikandin te, “Datù, emun meupiya zà te ǥehinawa niw, ne tuluy kew zèpa kayi te kenami.
430	GEN 18:5	Ne ituǥut niw zaan he ibpekaan dey pa sikiyu te zeisek su wey kew meulii te zesen te kenè kew pa edlaus te hipenawan niw su iyan buwa heini ketezengan ke maan is imbanglis kediey is kedhendini niw te kediey te suluǥuen niw.” Ne zutun midtavak dan te, “Uya, meupiya iyan ke egkeulaula haazà is migkaǥi nu.”
456	GEN 18:31	Ne migkaǥi en maan si Abraham te, “Nengazen, ǥeina te mibpekevurut e pa maan he egkaǥi ziyan te kenikew te, ibpelaus ku pa is egkeǥiyen ku. Ne penenglitan, emun duen 20 he metazeng he egkeehè nu, edlimasen nu zed be?” Ne midtavak is Nengazen te, “Ke zuen minsan 20, kenè ku en edlimasen is inged.”
457	GEN 18:32	Ne migkaǥi pa maan si Abraham te, “Nengazen, Kenà a kenikew mepeuki, ketepusan en heini he id-insè ku. Penenglitan ke zuen 10 he menge metazeng he egkeehè nu zutun?” Ne midtavak is Nengazen te, “Ke zuen egkeehè ku ziyà he minsan 10 dà he menge metazeng, ne kenè kud edlimasen.”
479	GEN 19:21	Ne midtavak dutun is belinsuǥuen te, “Uya, egkehimu; idtuǥut ku heini is hangyù nu. Kenè ku en edèdeetan haazà is inged he egkeǥiyen nu.
500	GEN 20:4	Piru wazè pa uvayi ni Abimelec si Sara, ne tenged dutun migkaǥi sikandin te, “Nengazen, maan is edhimetayan nu is menge etew ku? Wazà a mekesalà?
502	GEN 20:6	Midtavak is Nengazen te, “Uya, netuenan ku he wazà mezaat he tuyù nu kandin, umbe mibpengelinteuwan ku he kenè ka mekeuvey kandin, su wey ka kenà mekesalà kedì.
531	GEN 21:17	Piru nezineg te Megbevayà is ked-erang te vatà. Umbe migkaǥi is belinsuǥuen te Megbevayà diyà te langit te, “Hagar, hengkey is idsineǥew nu? Kenè ka mahandek! Nezineg te Megbevayà is ked-erang keniyan te anak nu.
555	GEN 22:7	Dutun te kemulu zan en edhipanew, migkaǥi si Isaac diyà te amey zin he si Abraham te, “Amà!” Ne midtavak si Abraham te, “Hengkey, Mama?” Mid-insà si Isaac te, “Duen ta tigtiǥen wey kayu, piru hendei ta egkekuwa is nati he kerehidu he ibpemuhat he edtutungen?”
578	GEN 23:6	“Datù, pemineǥa nu is egkeǥiyen dey. Migkilala zey sikew he telehuzen he etew, umbe egkehimu he minsan hendei nu idleveng is esawa nu kayi te pinekemeupiya he penlevengè dey. Wazà minsan hentei kenami he kenà ebeǥey kenikew te edlevengan te esawa nu.”
587	GEN 23:15	“Datù, pemineǥa a zep-a. Is bali zuen te tanà, ne 400 he vuuk he pelata, piru kenà haazà ebpekesamuk kenita te teleemiǥu. Kuwaa nu en is tanà ne igkeleveng nu zutun is esawa nu.”
597	GEN 24:5	Piru mid-insaan dutun si Abraham te suluǥuen din te, “Na, hengkey ve is ed-ul-ulahan ku emun kenà egkesuat is bahi he eduma kediey ke ed-ulì a zini? Egkesuatan nu ve he edumahan ku ziyà is anak nu?”
634	GEN 24:42	“Umbe, geina te kebpekeuma ku ziyà te kalut, mid-ampù a. Ke siak te, ‘Nengazen, Megbevayà te egalen ku he si Abraham, berakat he ituǥut nu he mehimu is tuyù ku te kedhengkayi ku.
650	GEN 24:58	Umbe mid-umew zan si Rebeka ne mid-insaan te, “Egkesuat ke ve he eduma kandin guntaan?” Midtavak si Rebeka te, “Uya, egkesuat a he eduma.”
691	GEN 25:32	Ne midtavak si Esau te, “Uya, su hengkey is pulus te ketenged ku emun ebpatey a te kegkeumes.”
729	GEN 27:1	Utew en meǥurang si Isaac ne kenè en utew ebpekaahà. Ne mid-umew zin is anak din he kakey he si Esau. Ke sikandin te, “Mama.” Ne midtavak si Esau te, “Hengkey, amà?”
741	GEN 27:13	Midtavak si Rebeka te, “Mama, kediey en he televaken emun edrewakan ke zin. Beeli nu is ebpeelan ku kenikew. Genat ke en ne kuwai a te menge kambing.”
748	GEN 27:20	Ne mid-insà si Isaac te, “Mama, maan is utew ka meǥaan nekeutel?” Midtavak si Jacob te, “Mid-uǥupan a te Nengazen he Megbevayè nu.”
753	GEN 27:25	Migkaǥi zutun si Isaac te, “Na, uwita nu en kayi heeyan is midhilutù nu he netuǥesan nu, ne emun ebpekekaan ad ne epenubtuvazan ku sikew.” Ne zutun imbeǥey ni Jacob haazà is egkeenen wey vinu, ne migkaan sikandin wey mid-inum.
759	GEN 27:31	Midhilutù daan sikandin te metaam he idsezà ne mid-uwit din diyà te amey zin. Ke sikandin diyà te amey zin te, “Amà, enew ka wey ka mekekaan kayi te netuǥesan ku su wey a kenikew mepenubtuvazi.”
762	GEN 27:34	Hein nezineg haazà ni Esau, nekelelendag is edsineǥew ne migkeǥiyan din is amey zin te, “Amà, penubtuvazi a zaan!”
764	GEN 27:36	Ne migkaǥi si Esau te, “Ikezuwe en heini te kebinuangi zin kedì. Umba ves Jacob is inngazan kandin. Mid-eǥawan e zin te ketenged te kegkekakey ku, ne ǥuntaan migkuwa zin pa is kebpenubtuvad he para kedì.” Ne zutun mid-isaan din is amey zin te, “Ama, wazè nu en be igkepenuvadtuvad kediey?”
766	GEN 27:38	Ne mibpehizuhizu pa utew si Esau te amey zin te, “Amà, wazè en be iyan minsan sevaha zà he igkepenuvadtuvad nu? Penubtuvazi a zaan.” Ne zutun midsineǥew en maan sikandin.
800	GEN 29:4	Ne mid-insaan ni Jacob haazà is menge bekidu te kerehidu te, “Geli, hendei kew ebpuun?” Midtavak sikandan te, “Tig-Haran key.”
801	GEN 29:5	Ne mid-insè en maan si Jacob te, “Egkekilala niw ve si Laban he apù ni Nahor?” Midtavak dan te, “Uya, egkekilala zey.”
833	GEN 30:2	Ne nepeukan sikandin ni Jacob he egkaǥi te, “Maan, Megbevayè e ve? Kandin he ketau is kenè nu kebpekaanak!”
909	GEN 31:35	Ne migkaǥi si Raquel ziyà te amey zin te, “Amà, kenà a kenikew mepeuki te kenà a ebpekehitindeg su neumahan a te binulan he zaru te vahi.” Wazà mesanggen si Laban he ebpen-ahà piru wazè din iyan maahà sikan is menge ed-ezapen din.
1094	GEN 37:10	Midtudtul zaan ni Jose haazà is teǥeinep din diyà te amey zin piru midsawey sikandin te amey zin. Migkaǥi is amey zin te, “Hengkey, mama, is ibpesavut nu? Egkehimu ve he siak wey is iney nu wey is menge suled nu ne ebpekepevayàbayè key kenikew?”
1098	GEN 37:14	Hendiyè ka wey nu melauy ke meupiya ve is egkeulaula te menge kakey nu wey te menge uyaǥen, ne meǥaan ke zà likù kayi wey a metudtuli kenikew.” Midtavak si Jose te, “Uya, amà.” Umbe, puun dutun te Hebron, midhendiyà si Jose te Shekem.
1229	GEN 41:33	“Umbe, Mahal he Hadì, kinahanglan he ebpen-ahaan nu is sevaha he etew he uluwanen para egkehimu he iyan edumala te tanà te Ehipto.
1265	GEN 42:12	“A, teruen kew iyan,” ke si Jose, “su midhendini kew wey niw iyan maahà is kebpekesavuk dey wey niw metueni ke egkezaag key keniyu.”
1266	GEN 42:13	Ne midtavak dan te, “Sikami, datù, is menge suluǥuen nu, ne sepulù key wey zezuwa he menge anak te sevaha zà he etew. Diyè pa is amey zey te Canaan. Diyà daan te kandin is hazi zey. Duen pa sevaha he hazi zey he minatey en.”
1290	GEN 42:37	Ne migkaǥi si Reuben diyà te amey zin te, “Amà, iyan e en metau ki Benjamin. Himetayi nu is menge anak ku he zezuwa emun kenè ku sikandin egkezuma te ed-ulì dini te kenikew.”
1311	GEN 43:20	Ke sikandan te, “Datù, midhendini key zengan su mibpemasa key te egkeenen.
1320	GEN 43:29	Hein naahà ni Jose si Benjamin is lumunè din en te ǥetek, ke sikandan te, “Iyan be heini sikan is hazi niw he migkaǥi niw zengan kedì?” Ne migkeǥiyan din si Benjamin te, “Mama, berakat he tuvazi ka te Megbevayà.”
1332	GEN 44:7	Piru midtavak dan te, “Datù, maan is egkaǥi ka te iring keniyan? Kenà egkehimu he zuen ebeelan dey he iring te migkaǥi nu.
1335	GEN 44:10	Ne midtavak haazà is suluǥuen ni Jose te, “Uya, emun duen minsan hentei keniyu he egkaahaan ku kayi ne ed-uripenen ku sikandin, ne is duma keniyu ne wazè din mulà televaken.”
1341	GEN 44:16	Ne midtavak si Juda te, “Datù, wazè dey en igkepengetezengan kenikew, ne kenè dey zaan egkekaǥi he wazè dey salà. Iyan is Megbevayà mibpezayag te salè dey. Sikami is langun ne menge uripen key en kenikew wey kes naahaan nu zuen te tasa.”
1371	GEN 45:12	Ne impelaus ni Jose is menge lalag din te, “Guntaan, wazè en mekeeles keniyu, wey te suled ku he si Benjamin he tutuu iyan he iyan a si Jose is ebpekidlalag keniyu.
1429	GEN 47:8	Mid-insaan dutun te hadì si Jacob, ke sikandin te, “Pira, anggam, is penuiǥen nu?”
1446	GEN 47:25	Ne midtavak dan te, “Datù, utew meupiya is mibeelan nu kenami, su midlibri key kenikew. Ne ebpezumazuma key he egkehimu he menge uripen te hadì.”
1451	GEN 47:30	Emun ebpatey ad, ne ileveng a kenikew ziyà te penlevengà te menge kepuun ku.” Ne midtavak dutun si Jose te, “Uya, edtumanen ku is intelaan nu kediey.”
1470	GEN 48:18	Migkaǥi si Jose te, “Amà, kenà haazà hustu. Su iyan heini kakey; kinahanglan he iyan nu sikandin edempaan te kewanan.”
1471	GEN 48:19	Piru midtavak is amey zin te, “Uya, mama, netuenan ku. Is menge kevuwazan ni Manase egkehimu he egkevantug ded daan he menge etew. Piru egkelewanan sikandin ni Efraim su egkehimu he utew bentuǥan is menge kevuwazan din, ne egkehimu sikandan he mezakel he menge grupu te menge etew.”
1591	EXO 3:11	Iyan, migkaǥi si Moises diyà te Megbevayà te, “Siak, utew minus is pid-etawan ku; kenà a zait he edhendiyà te hadì wey ebpengulu te menge Israilihanen te kegawas puun te Ehipto.”
1620	EXO 4:18	Ne mid-ulì si Moises diyà te enuǥang din he si Jetro ne migkeǥiyan din te, “Tuǥuti a kenikew te kedlikù diyà te menge kezumahan ku ziyà te Ehipto te ked-ahà ke menge uuyag ded be sikandan.” Ne midtavak si Jetro te, “Uya, egkehimu he egenat ka, ne verakat he meupiya is hipanew nu.”
1685	EXO 6:29	migkeǥiyan din si Moises te, “Siak, is Nengazen, edsuǥuen ku sikew. Keǥiya nu ziyà te Faraon he hadì te Ehipto is langun he migkaǥi ku ziyà te kenikew.”
1721	EXO 8:6	Ne midtavak haazà is hadì te, “Keeselem iampù a kenikew.” Ne midtavak si Moises te, “Uya, edtumanen ku heeyan is nekaǥi nu, su wey nu metueni he wazà ebpekerepeng te Nengazen he iyan Megbevayè dey.
1807	EXO 10:29	Ne midtavak si Moises te, “Uya, kenà ad ed-uman ed-etuvang kenikew su iyan heeyan egkesuatan nu.”
1848	EXO 12:31	Dutun he kezukileman, mibpesuǥuan te hadì si Moises wey si Aaron ne ke sikandin diyà te kandan te, “Sigi, genat kew en! Ewai niw en heini is nasyun ku. Genat kew en wey niw maazap is Nengazen, su iyan heeyan edtulungan niw edhengyua.
1937	EXO 15:16	“Uya, utew sikandan egkulbai. Pinaaǥi te ǥehem nu ebpeketireneb sikandan iring te vatu, taman te nekesaǥad en is menge etew he midlibri nu.
2083	EXO 21:5	“Iyan, emun egkaǥi haazà is maama te, ‘Kenà a egawas te kegkeuripena kedì su mahal ziyà te ǥehinawa ku is egalen ku, esawa ku wey is menge anak ku.’
2291	EXO 27:18	“Umbe, haazà is lama, zuen din keleyatan he 150 he ǥiek wey 75 he ǥiek he keluaǥan. Ebpeliǥuyan heini te kurtina he linu he is kelayat din, pitu wey tengà he ǥiek. Is menge tukud kayi, ibpehulma ziyà te menge peuntuzà he brunsi.
2506	EXO 34:9	Ne ke sikandin te, “Nengazen, ke tutuu he nekepenunuat a kenikew, ne edhengyuan ku sikew he zumahi key kenikew. Utew mesinupaken haazà is menge etew piru peseyluwa nu is mezaat he menge ulaula zey wey menge salè dey, ne zewata key kenikew he menge etew nu.”
4025	NUM 10:36	Ne kada idsavuk sikan is Kavan te Kebpekid-uyun, egkaǥi si Moises te, “Nengazen, likù ke en kayi, te utew mezakel he menge etew te Israel.”
4053	NUM 11:28	Ne si Josue he anak ni Nun, he nehimu he timbang ni Moises puun te vetan-en pa sikandin, migkaǥi ziyà te ki Moises te, “Datù, ipeengked nu sikandan.”
4071	NUM 12:11	migkeǥiyan din si Moises te, “Datù, kenè key kenikew ipaantus tenged te salà he tinulebung is kegkeveeli zey zuen.
4126	NUM 14:17	“Umbe, ǥuntaan edhangyù a ziyà te kenikew, Nengazen, berakat he ipeehè nu is gehem nu sumalà te lalag nu he
4211	NUM 16:16	Migkeǥiyan ni Moises si Kora te, “Keeselem, sikew wey is menge sumusunud nu, hendiyè kew te etuvangan te Nengazen diyà te Tulda he Edtelevukaayan, su edhendiyà daan si Aaron.
4715	NUM 31:49	Ne migkaǥi sikandan te, “Datù, sikami is menge suluǥuen nu, mibilang dey is menge sundaru he sakup dey ne wazà minsan sevaha he netarin.
4743	NUM 32:23	“Iyan, emun kenè niw heini edtumanen, ne ebpekesalè kew ziyà te Nengazen, ne siguradu he ebeyazan niw is salè niw.
4745	NUM 32:25	Ne midtavak is tribu ni Gad wey ni Reuben te, “Datù, sikami is menge suluǥuen nu, edtumanen dey is menge suǥù nu.
4817	NUM 33:55	“Iyan, emun kenè niw edsegseǥen is menge meǥinged duen, is egkesamà kandan egkehimu he velavag diyà te egkehunaan niw; egkehimu sikandan he pesek te menge mata niw wey duǥi ziyà te tengkilizan niw. Ebpekeveǥey sikandan te kesamuk te ked-ubpè niw.
4863	NUM 35:16	“Iyan, emun edlegkuten te sevaha he etew is duma zin he etew te putew ne ebpatey heini, ne ed-isipen he meveǥat is salà dutun he etew, ne kinahanglan he edhimetayan daan.
4873	NUM 35:26	“Iyan, emun egawas dutun te inged he eputà haazà is nekepatey
4883	NUM 36:2	Ne ke sikandan te, “Datù, hein mibmandù kenikew is Nengazen te kebahin duen te tanà he egkepengevilin te menge Israilihanen pinaaǥi te ripa, mibmandù daan sikandin he iveǥey is bahin te suled dey he si Zelofehad diyà te menge anak din he vahi.
5413	DEU 19:5	“Penenglitan, mibpezumahà is dezuwa he telesiringan diyà te ketelunan su ebpengayu zan. Ne te kebpiley te kayu te sevaha kandan ne nepesuk is wasey zin, ne ziyà haazà meketimbag te zuma zin, ne impatey zin haazà. Ne egkehimu ke ebpelaǥuy sikandin diyà te sevaha kayi te menge inged he eputà ne wazà edhilavet kandin.
5485	DEU 22:13	“Penenglitan, mid-esawa te maama is bahi, ne kegkepasad te kebpeuvayè dan, ne nepeukan dutun te maama haazà is esawa zin
5528	DEU 24:1	“Penenglitan, ebpengesawa is sevaha he maama ne te huziyan he timpu naawà is suat din dutun te esawa zin su zuen nesusi zin dutun te esawa zin he wazè din mesuati. Ne tenged dutun mibaal sikandin te surat he para te kebpekidsuwey ne imbeǥey zin haazà dutun te esawa zin, ne impeǥenat din puun te valey zin.
5556	DEU 25:7	“Iyan, emun kenà egkesuatan te ed-esawa te suled duen te minatey haazà is balu, ne medhendiyà haazà is balu te ebpemendumala he ziyà te pultahan te inged ne megkaǥi te, ‘Kenà egkesuat is ipag ku he ebeǥey te kevuwazan he ebpekeuwit te ngazan te minatey he esawa ku kayi te Israel. Kenè din edtumanen is ketengdanan din kayi te kediey te ipag din.’
5711	DEU 30:1	“Penenglitan, egkehitavù diyà te keniyu heini is menge tuvad wey menge rawak he nekaǥi ku ziyà te keniyu ne egketenuzan niw heini ke ziyè kew en te menge nasyun he impevihag kew kandan te Nengazen he Megbevayè niw.
5892	JOS 2:21	Ne midtavak si Rahab te, “Uya, egketuman is migkaǥi niw.” Ne zutun impeǥenat din sikandan, ne inhiket din sikan is meriǥà he pisì diyà te sulawà.
5933	JOS 4:21	Migkeǥiyan ni Josue is menge Israilihanen te, “Keuzemà, emun ed-insaan kew te menge anak niw ke hengkey is kehuluǥan kayi te menge vatu,
5950	JOS 5:14	Ne midtavak haazà is etew te, “Kenà a keniyu sundaru he zumezapig keniyu ne kenà a zaan keniyu kuntada. Midhengkayi a he peremandar te menge sundaru te Nengazen.” Ne impaahà ni Josue is kedtahud din su midlangkeb sikandin, ne zutun mid-insà sikandin te, “Datù, hengkey is idsuǥù nu kediey te suluǥuen nu?”
5997	JOS 7:19	Ne migkaǥi si Josue ziyà te ki Acan te, “Mama, beǥayi nu te zengeg is Nengazen he Megbevayà te Israel; keǥiya nu is tutuu ziyà te etuvangan din. Keǥiya nu kayi te kediey ke hengkey is mibeelan nu? Kenè nu heini ieles kediey.”
6078	JOS 10:12	Dutun te andew he mibpengelinteuwan te Nengazen he mezaag te menge Israilihanen is menge Amorihanen, mid-ampù si Josue ziyà te Nengazen diyà te etuvangan te menge Israilihanen, ke sikandin te: “Nengazen, ipepundu nu is andew ziyà te zivavew te Gibeon, wey ipepundu nu is bulan diyà te Suǥud he Ayalon.”
6474	JOS 23:12	“Iyan, emun ed-iniyuǥan niw sikandin, wey ebpekidsevaha kew te menge etew kayi te menge nasyun he kemulu pa menge zuma niw, wey ebpekid-esawa kew kandan,
6500	JOS 24:22	Migkaǥi si Josue te, “Iyan kew en ebpeketistiǥus te keugelingen niw he penaad, nenaad kew he ebpenilbi kew te Nengazen.” Midtavak sikandan te, “Uya, iyan key en menge tistiǥus.”
6610	JDG 4:9	Midtavak si Debora te, “Uya, eduma a kenikew; iyan, kenà kenikew is dengeg su vahi is ebpengelinteuwan te Nengazen he ebpekezaag ki Sisera.” Ne miduma si Debora ki Barak ne midhendiyè dan te Kedesh.
6656	JDG 5:31	“Nengazen, berakat he mezeeti is langun he menge kuntada nu. Ne verakat mulà he meiring te andew he ebpurung edsiǥa is ebmahal kenikew.” Dutun he timpu melinawen is ked-ubpà diyà te Israel seled te 40 he tuig.
6669	JDG 6:13	Midtavak si Gideon te, “Datù, emun duma zey is Nengazen ne maan is iring kayi is kebpekesavuk dey? Maan is wazà sikandin mebaal te egkengein-inuwan, iring te mibeelan din dengan hein impeǥawas din puun te Ehipto is menge kepuun dey, sumalà is netudtul zan kenami? Iyan, guntaan mibey-anan key en te Nengazen ne imbeǥey key zin diyà te menge Midianhen.”
6671	JDG 6:15	Midtavak si Gideon te, “Nengazen, ebmenmenuwen ku te edlibri is menge Israilihanen te iyan kinemeluyahan he pemilya ziyà te tribu ni Manase is kenami he pemilya, ne iyan a kineminusan diyà te pemilya zey.”
6746	JDG 8:25	Midtavak is menge etew te, “Uya, ebeǥayan dey sikew.” Ne midempas sikandan te manggad ne is kada sevaha kandan midsavuk dutun te indempas te eritis he nekuwa zan diyà te menge Midianhen.
6841	JDG 11:10	Ne midtavak dan te, “Uya, iyan ka edhimuwen dey he pengulu. Ne iyan ebpeketistiǥus kayi is Nengazen.”
6867	JDG 11:36	Midtavak haazà is anak ni Jefta te, “Amà, nekepenangdù ka ziyà te Nengazen. Umbe, tumana nu is penangdù nu, su impezaag keniyu te Nengazen is menge kuntada niw he menge Amunihanen.
6894	JDG 13:8	Tenged dutun nengemuyù si Manoa ziyà te Nengazen. Ke sikandin te, “Nengazen, emun egkehimu, ipelikù nu is suluǥuen nu he midsuǥù nu su wey key zin mepenurù ke hengkey is ereg he ed-ul-ulahan dey zuen te vatà emun id-anak en sikandin.”
6896	JDG 13:10	Migègaanan peleleǥuya si Manoa te esawa zin ne migkeǥiyan din te, “Manoa, hengkayi ka! Su kayi sikan is etew he mibpaahà kedì hein sevaha he andew.”
6944	JDG 15:13	Migkaǥi zan te, “Uya, kenè dey sikew edhimetayan. Ebekusen dey zà sikew ne ibpalad dey sikew ziyà te kandan.” Umbe mibakus dan sikandin te zezuwa he veǥu he menge pisì ne mid-uwit dan diyà te ǥawas duen te surung.
6960	JDG 16:9	Dutun duen nepipira he menge Filistihanen he mid-eles diyà te zivaluy he ruǥu. Ne mibensag si Delila te, “Samson, duen menge Filistihanen he nekeuma su edekepen ke zan.” Piru mibpemidtew zà ni Samson is imbakus kandin he henduen dà te menge tanur he netutung te hapuy. Wazè dan pa metueni is hinungdan te kezesen din.
6963	JDG 16:12	Umbe, migkuwa si Delila te veǥu he pisì he wazè pa meǥamit ne mibakus din si Samson. Ne zuen nepipira he menge Filistihanen he mid-eles diyà te zivaluy he ruǥu. Ne mibensag si Delila te, “Samson, duen nekeuma he menge Filistihanen su edekepen ke zan!” Piru mibpemidtew ni Samson haazà is pisì he henduen dà te tanur.
6965	JDG 16:14	Umbe, hein nekelipezeng si Samson, inhiket ni Delila is pitu he selapid te vulvul ni Samson diyà te lilizen te hevelan, ne nemensag sikandin te, “Samson, duen nekeuma he menge Filistihanen su edekepen ke zan.” Ne mid-enew si Samson ne nelaglag is hevelan wey hinavel.
6971	JDG 16:20	Mibensag si Delila te, “Samson, duen menge Filistihanen he nekeuma su edekepen ke zan.” Ked-enew ni Samson kunaan din ke ebpekaawà sikandin pinaaǥi te kebeeli zin te iring duen te nehuna he mibeelan din. Wazè din metueni he mid-ewaan en sikandin te Nengazen.
6984	JDG 17:2	Sevaha he andew zutun, migkaǥi si Micas diyà te iney zin te, “Hein netazin is 1,100 he menge pelata nu, nezineg ku he midrewakan nu is migkuwa. Heini zed kes pelata. Iyan a midkuwa.” Migkaǥi is iney zin te, “Mama, berakat he tuvazi ka te Nengazen. Ne kenà med-uteng diyà te kenikew sikan is rawak.” In-ulì ni Micas haazà is 1,100 he menge pelata ziyà te iney zin. Migkaǥi is iney zin te, “Idhalad ku heini ziyà te Nengazen para te keupiyaanan nu te anak ku. Egemiten ku heini he apid te ledawan he kayu he ebpeveelan ku. Uya, idhalad ku heini su wey ka melibri te rawak.”
6995	JDG 17:13	Migkaǥi si Micas te, “Guntaan, siguradu he edtuvazan a te Nengazen su zuen ku en memumuhat he Levihanen.”
7110	JDG 21:6	Ingkeseeng te menge Israilihanen is nehitavù te kezumahan dan he menge Benjaminhen. Ke sikandan te, “Guntaan, neterinan en te sevaha he tribu is Israel.