382	GEN 15:21	menge Amorihanen, menge tig-Canaan, menge Girgasihanen, wey menge Jebusihanen.”
408	GEN 17:10	Ne mehitenged keniyan he kebpekid-uyun, kinahanglan he ebpesirkunsidar is langun he menge maama ziyan te keniyu.
488	GEN 19:30	Ne mid-awà dutun si Lot wey is menge anak din he raǥa te inged he Zoar su egkahandek sikandin dutun he ed-ubpà, ne ziyè dan medhalin te vuntud, ne ziyè dan med-ubpà te surung.
503	GEN 20:7	Kinahanglan he ilikù nu sikandin diyà te ki Abraham, su ebpeneuven sikandin, ne id-ampù ke zin su wey ka kenà mebpatey. Piru emun kenè nu id-ulì, ebpetizeenan ku sikew he kenè en ebperis ne ebpatey ke en iyan ragkes is langun he menge sakup nu.”
607	GEN 24:15	Wazè pa zutun sikandin mekepasad he ed-ampù, ne nekeuma si Rebeka he edtiang te umuy. Anak si Rebeka ni Betuel, ne si Betuel anak ni Nahor wey ni Milca. Si Nahor suled ni Abraham.
637	GEN 24:45	“Ne te wazè e pa mekeipus he ed-ampù, nekeuma si Rebeka he edtiang te idsekezu zin he umuy. Midtupang sikandin pehendiyà te kalut su edsekezu. Migkeǥiyan ku sikandin te, ‘Ipeinum e kun.’
693	GEN 25:34	Ne zutun mibeǥayan sikandin ni Jacob te sinevawan he tilas. Nekepasad sikandin he egkaan wey ed-inum, ne zutun migenat sikandin. Ne pinaaǥi zutun mid-engkezan ni Esau is ketenged din, he kegkekakey.
712	GEN 26:19	Diyà te zal-ug, mibangbang is menge suluǥuen ni Isaac te beǥu he kalut ne nekeehè dan te serebseb.
832	GEN 30:1	Hein naahà ni Raquel he kenà sikandin ed-anak, neima sikandin ki Lea. Migkeǥiyan din si Jacob te, “Beǥayi a te anak su emun kenà a kenikew ebeǥayan te vatà ne ebpatey e en!”
868	GEN 30:37	Ne zutun, migkuwa si Jacob te menge subpang te kayu he alamu, ebilyanu wey platanu ne mibpenluk-itan din. Piru wazè din emini penluk-iti, umbe mibpemelvel-etan din te wazà luk-iti su wey mebeverekà he ed-ehaan haazà is subpang.
1112	GEN 37:28	Hein midsaǥad haazà is menge nigusyanti he tig-Midian, mibatun dan si Jose puun dutun te vudsi, ne imbelegyè dan sikandin te 20 he vuuk he pelata. Ne mid-uwit dan si Jose ziyà te Ehipto.
1220	GEN 41:24	Ne haazà is menge pungu he mid-ukap, ne mid-eveleng dan is pitu he pungu he memeupiya. Ne impenudtul ku heini ziyà te menge selemengkiru, iyan, wazà minsan hentei kandan he nekeseysey kediey te kehuluǥan din.”
1436	GEN 47:15	Ne hein naamin en is selapì te menge tig-Ehipto wey menge tig-Canaan, midhendiyà te ki Jose is langun he menge tig-Ehipto. Ke sikandan te, “Wazè dey en selapì. Beǥayi key te keuyaǥan su henduen be te ebpatey key en te kegkevitil.”
1439	GEN 47:18	Kedlavey te senge-tuig, midhendiyè en maan is menge etew te ki Jose, ke sikandan te, “Wazà mekeeles kenikew he wazè dey en selapì, ne is menge uyaǥen dey diyan en te kenikew. Wazè en nesamà kenami, gawas te lawa zey wey tanà.
1588	EXO 3:8	Ne umbe mibulus a su edlibriyen ku sikandan te menge pesipala kandan te menge tig-Ehipto, wey ibpaawè ku sikandan diyà te Ehipto ne ziyè ku sikandan ibpeubpà te tanà he meupiya wey meluag, tanà he egkeerubasa he ebpuunan te edtudà he ǥatas wey teneb he iyan ed-ubpaan te menge Canaanhen, Hitihanen, Amorihanen, Pirisihanen, Hivihanen wey Jebusihanen.
1817	EXO 11:10	Nemetmetahan te hadì te Ehipto is kebpaahà ni Moises wey ni Aaron duen te langun he egkengein-inuwan, iyan, midhimu te Nengazen is gehinawa zin he mezesen he kenà edtuǥut he mekeǥenat is menge Israilihanen puun te Ehipto.
1909	EXO 14:19	Ne zutun is belinsuǥuen te Megbevayà he ziyà edhipanew te egkesineruwan te menge Israilihanen, mid-awà, ne ziyà medliling te egkeiniyuǥan dan. Ne sikan is mekepal he ǥapun he iring te tukud, mid-awà daan su midliling daan diyà te egkeiniyuǥan dan,
1958	EXO 16:10	Ne zutun te kedlelaǥi ni Aaron te tivuuk he keet-etawan, midtengteng sikandan diyà te sibsivayan ne netik-ew zan maahà dutun is mekeǥeǥehem he kebpekiduma te Nengazen diyà te ǥapun.
2011	EXO 18:11	Guntaan, netuenan ku en he utew lavew he gemhanan is Nengazen kenà te langun he ed-ezapen, su midlibri zin is menge Israilihanen te kedèdaaǥa kandan te menge Ehiptohanen.”
2076	EXO 20:24	“Baal kew te tanà he pemuhatà he iyan ebpemuhatan niw kediey, ne zutun niw ipemuhat is menge kerehidu niw, menge kambing, wey menge vaka he pemuhat he edtutungen wey pemuhat he para te meupiya he kedepità. Ne veeli niw heini ziyà te lugar he mibpilì ku he zutun a ed-ezapa, ne edhendutun a is ebpenuvadtuvad keniyu.
2080	EXO 21:2	“Emun duen ebpemasa te uripen he Hebriyuhanen, kinahanglan he seled dà te heenem he tuig is kebpesilbiya zin dutun diyà te kandin. Ne zutun te ikepitu he tuig, kinahanglan he ed-engkezan din en te ed-uripen, ne kenè en ibpevayad te minsan hengkey.
2134	EXO 22:19	“Is minsan hentei he kenè din iyan ebpemuhaten is Nengazen su iyan din ebpemuhaten is duma he ed-ezapen, kinahanglan he ebpurungan edèdeeti.
2158	EXO 23:13	Purungi niw tumana heini is langun he migkaǥi ku keniyu. Kenè kew ampù diyà te zuma he menge ed-ezapen, ne kenè niw hisguti is ngazan dan.”
2169	EXO 23:24	Kenè niw ezapa wey silbiyi is kandan he ebpen-ezapen, ne kenè niw iringi is menge vaal zan. Purungi niw zèdeeti is menge ed-ezapen dan wey is menge vatu he tedeman dan.
2204	EXO 25:8	Ipevaal nu sikandan te tulda he zutun a ed-ezapa, ne edlumun a ziyà te kandan.
2251	EXO 26:15	Is kayu he egkeǥamit niw he menge tabla zuen te Tulda he ed-ezapan, iyan is; metulid he marku he ekasya.
2264	EXO 26:28	Ne sikan is marku he ibpeteliwazà, kinahanglan he ebpekepangkus duen te Tulda he ed-ezapan, ne ziyà haazà idtaud te teliwazà he pid-elangan duen te menge tabla.
2282	EXO 27:9	“Kinahanglan he zuen lama zutun te Tulda he Ed-ezapan, elaza niw haazà pinaaǥi te kegkurtinahi zuen te linu. Is keluǥayad te kurtina he impelingut diyà te zivavà he kilid ne 150 he ǥiek.
2511	EXO 34:14	Kenè kew med-azap te zuma he ed-ezapen, su siak is Nengazen, utew a egkeepes emun duen duma he ed-ezapen niw.
2543	EXO 35:11	Beeli zan is Tulda he Ed-ezapan, is menge tambun dutun, is menge edsenggatan, is menge elavat he tabla, menge marku, menge tukud dutun, wey is menge pundasyun.
2573	EXO 36:6	Ne tenged dutun mibpekeǥiyan ni Moises is menge etew zuen te tivuuk he kampu he med-engked dan en he ed-amut te para te kebeeli zuen te Tulda he Ed-ezapan, umbe wazè en human med-uwit diyà te kandin te menge halad sikan is menge etew.
2604	EXO 36:37	Ne sikan is gemawan duen te Tulda he Ed-ezapan, mibeelan dan te kurtina he linu he miburdahan te welin he meitem is kaavuavu zin, merudtem wey kanggan. Ne utew heini mibpurungi burdahi.
2605	EXO 36:38	Mibaal zaan sikandan te lelima he tukud he zuen duen menge kaw-it, ne impikit dan dutun sikan is kurtina. Heini he menge tukud, mid-epizan te vulawan ragkes is menge in-ulu zuen wey menge kebilya, ne impehulma heini ziyà te lelima he peuntuzà he brunsi.
2656	EXO 38:22	Is midumala te kebenguna zuen te Tulda he Ed-ezapan, iyan si Bezalel he anak ni Uri he apù ni Hur, he ebpuun diyà te tribu ni Juda. Mibeelan din is langun he insuǥù te Nengazen ki Moises.
2657	EXO 38:23	Is umuuǥup din, iyan si Oholiab he anak ni Ahisamac, he ebpuun diyà te tribu ni Dan. Metau sikandin he edterebahu wey metau he ebpurma te meupiya he ed-ahaan, wey eburda te linu te meitem is kaavuavu zin, merudtem wey kanggan.
2658	EXO 38:24	Is keveǥat te langun he vulawan he inhalad para egemiten te kebeeli zuen te Tulda he Ed-ezapan, menge 1,000 he kilu ziyà te timbangan te menge memumuhat.
2697	EXO 39:32	Nepasad is langun he terebahu zuen te Tulda he Ed-zapan, he egngezanan daan he Tulda he Edtelevukaayan. Mibeelan te menge Israilihanen is langun he insuǥù te Nengazen diyà te ki Moises.
2698	EXO 39:33	Ne impeehè dan diyà te ki Moises haazà is Tulda he Ed-ezapan wey is langun he menge gelemiten dutun: is menge kaw-it, menge elavat, menge marku, menge tukud, menge pundasyun,
2705	EXO 39:40	is menge kurtina he ibpeliǥuy zuen te lama wey is menge tukud kayi wey menge pundasyun; is kurtina te pultahan dutun te lama; is menge hiket wey menge palpal para te kurtina te lama; is langun he gelemiten dutun te Tulda he Ed-ezapan, he migngezanan daan te Tulda he Edtelevukaayan;
2710	EXO 40:2	“Dutun te egkehuna he andew te egkehuna he vulan te tuig, ne ipelastar niw en heeyan is Tulda he Ed-ezapan, he egngezanan daan he Tulda he Edtelevukaayan.
2711	EXO 40:3	Iseled niw zutun sikan is Kavan te Kebpekid-uyun, ne elangi niw te kurtina.
2713	EXO 40:5	Isavuk niw sikan is pemuhatà he vulawan he edtutungan te veyewà diyà te etuvangan duen te Kavan te Kebpekid-uyun, ne itaud niw is kurtina ziyà te gemawan duen te Tulda he Ed-ezapan.
2729	EXO 40:21	Ne inseled din sikan is Kavan duen te Tulda he Ed-ezapan, ne intaud din sikan is kurtina su wey mezilungi haazà is Kavan te Kebpekid-uyun.
2906	LEV 7:26	Minsan hendei kew ed-ubpà, ne kenè kew megkaan te lengesa te langgam ragkes en is lengesa te tagbis.
3007	LEV 11:9	Egkehimu he egkeenen niw is minsan hengkey he neuyag diyà te wahig he zuen din kapey wey hun-ap. Piru kenè niw keena is wazè din kapey wey hun-ap, wey kenè niw zaan gewezi is minatey kandan. Isipa niw he meremerik heini.
3108	LEV 13:55	Ne kegketapus dutun ne ed-umanan heini edsusiya te memumuhat. Ne emun wazà medheva haazà is hab-ung, ed-isipen heini he meremerik minsan wazà medelandap haazà is hab-ung. Umbe kinahanglan he ebinsulan heini minsan divaluy zà is midhab-ung.
3109	LEV 13:56	Iyan, emun egkesusi zuen te memumuhat he midheva haazà is hab-ung, ne iawè din sikan is bahin he nepikitan te hab-ung duen te manggad etawa lundis.
3148	LEV 14:36	Ne emun kenè pa edseled is memumuhat dutun te valey te kedsusi ke zuen be zutun hab-ung, medsuǥù sikandin he iǥawas is langun he vutang diyà te seled, su para kenà heini meragkes te ed-isipen he meremerik. Ne kegkepasad, human pa edseled dutun te valey is memumuhat
3156	LEV 14:44	ne ed-umanan heini ebeyai te memumuhat su wey zin mesusi. Ne emun midelandap is hab-ung, ne ed-isipen en he meremerik haazà is baley, su heini he kelasi te hab-ung ne ebpenhalin.
3215	LEV 16:13	Ne ziyà te etuvangan te Nengazen, idsavuk din haazà is beyewà duen te hapuy, ne is evel kayi ebpekeeneb duen te tambun te Kavan te Kebpekid-uyun, umbe kenà sikandin ebpatey.
3217	LEV 16:15	Edlepaan din daan sikan is kambing he pemuhat he para idlumpiyu te menge etew. Ed-uwiten din is lengesa kayi ziyà te Utew Segradu he Lugar ne ibpirik din duen te tambun te Kavan te Kebpekid-uyun, iring duen te mibeelan din duen te lengesa te vaka.
3406	LEV 23:3	Duen heenem he andew te kedterebahu niw, piru himeley kew ziyà te ikepitu he andew su iyan heeyan Andew te Kedhimeley. Kenè kew terebahu keniyan he andew, kekena, tiǥum kew para te ked-azap, su andew heeyan he ebeǥayan niw te zengeg is Nengazen.
3481	LEV 25:11	Kayi he Tuig te Kebeǥey te Bayàbayà wey Ked-ulì, kenè kew pemula wey kenè kew zaan raǥun; kenè kew penrupù te menge veǥas te ulì, piru egkehimu he ebpenguwa kew para te egkeenen niw. Segradu heini he tuig para keniyu.
3499	LEV 25:29	Emun is sevaha he etew ebelegyà te valey zin he ziyà te inged he neliǥuy te verengbeng, egkehimu pa ke edlekaten din heini seled te senge-tuig, puun te timpu te kebelegyè din.
3500	LEV 25:30	Piru emun kenè din heini egkelekat seled te senge-tuig, ne haazà he valey egkehimu en he ǥaked te nekepemasa zuen wey te menge kevuwazan din taman te taman. Kenè en heini egkahawì te teǥiǥaked dutun te Tuig te Kebeǥey te Bayàbayà wey Ked-ulì.
3555	LEV 26:30	Edrundusen ku is menge simbahan niw ziyà te metikang he menge lugar ragkes is menge pemuhatà he tutungà te veyewà. Ne idtimbag ku sikiyu is ebpematey ziyà te zivavew te kenà egeǥehinawa he menge ed-ezapen, ne idselikwey ku sikiyu.
3588	LEV 27:17	Emun inhalad din is bevesukè din dutun te sikan pa meipus is Tuig te Kebeǥey te Bayàbayà wey Ked-ulì, is bali kayi ne iyan ded.
3592	LEV 27:21	Ne emun egkeume en maan is Tuig te Kebeǥey te Bayàbayà wey Ked-ulì, ne ǥaked en heini te Nengazen ne kenè en heini egkahawì, egkehimu en heini he azen te menge memumuhat.
3595	LEV 27:24	Dutun he Tuig te Kebeǥey te Bayàbayà wey Ked-ulì, haazà he tanà id-ulì diyà te teǥiǥaked he mibelegyà duen.
3716	NUM 3:23	Is lugar he egkempuwan dan ne ziyà dapit te egkeiniyuǥan duen te Tulda he Ed-ezapan, he ziyà te zapit te edsenlepan duen te tulda.
3724	NUM 3:31	Iyan sikandan daan midseriǥan te ked-atur te menge himan duen te Tulda he Edtelevukaayan he iyan is: Kavan te Kebpekid-uyun, lemisahan, selevukà te sulù, menge pemuhatà, menge gelemiten he egemiten te menge memumuhat emun ebaal zan te vuluhaten dan, wey zuen te kurtina ziyà te seled te Tulda. Kandan he ketengdanan is langun he vuluhaten he egkeǥemitan kayi he menge gelemiten.
3769	NUM 4:25	menge kurtina zuen te Tulda he Ed-ezapan, (egngezanan daan te Tulda he Edtelevukaayan), is langun he menge tambun he para idtambun kayi, wey is menge kurtina te ǥemawan,
3852	NUM 7:1	Hein ingkepelastar en ni Moises sikan is Tulda he Ed-ezapan, mibpirikan din heini te lana, ne impehinungud din ragkes en is langun he menge gelemiten kayi. Iyan daan heini mibeelan din duen te tulda he iring ded te mibeelan din duen te pemuhatà wey is langun he ǥelemiten kayi.
4006	NUM 10:17	Hein netines en sikan is Tulda he Ed-ezapan, midtival en heini te menge kevuwazan ni Gershon wey menge kevuwazan ni Merari. Ne midtinundug sikandan medhipanew.
4018	NUM 10:29	Ne migkaǥi si Moises diyà te ki Hobab he uyang din he anak ni Reuel he Midianhen te, “Edhendiyè key en te lugar he migkaǥi te Nengazen he ibeǥey zin kenami. Umbe zuma ka kenami ne kenè dey sikew ebey-anan, su midsaad is Nengazen he edtuvazan din is Israel.”
4024	NUM 10:35	Kada ed-uwita sikan is Kavan te Kebpekid-uyun, egkaǥi si Moises te, “Sigi en, Nengazen, gurigawa nu en is menge kuntada nu. Berakat he mebpemelaǥuy sikandan.”
4025	NUM 10:36	Ne kada idsavuk sikan is Kavan te Kebpekid-uyun, egkaǥi si Moises te, “Nengazen, likù ke en kayi, te utew mezakel he menge etew te Israel.”
4176	NUM 15:22	“Ne penenglitan, sikiyu is menge keet-etawan, nekerapas kew he wazè niw tivevaa zuen te sevaha te menge suǥù he imbeǥey ku ki Moises. (Ne heini he menge suǥù imbeǥey ku keniyu pinaaǥi ki Moises kinahanglan he edtumanen niw heini puun te andew te kebeǥaya ku kayi taman te taman.)
4225	NUM 16:30	Iyan, emun edhimu is Nengazen te egkein-inuwan, ne ebeka is tanà he ed-eveleng kandan he uuyag duma te langun he menge azen dan pehendiyà te kelibutan te menge minatey, ne egketuenan niw he heini he menge etew inselikwey zan is Nengazen.”
4574	NUM 27:18	Umbe, migkaǥi is Nengazen diyà te ki Moises te, “Pesuǥui nu si Josue he anak ni Nun, is sevaha he etew he ed-ulinan te Mulin-ulin, ne izampè nu is palad nu ziyà te ulu zin te ked-urdina kandin he pengulu.
4658	NUM 30:9	Piru emun ebelavag is esawa zin dutun te kegketueni zin duen, ne kenè en kinahanglan he edtumanen din haazà, minsan pa ke tekew en sikandin nenaad he wazè din mepurung meisip etawa nepurung din meisip-isip, ne ebpeseyluwen sikandin te Nengazen.
5102	DEU 6:14	Kenè kew medsunud te zuma he menge ed-ezapen, he menge ed-ezapen te menge etew he nekeelingkus keniyu;
5177	DEU 9:18	“Ne midlangkeb a ziyà te etuvangan te Nengazen seled te 40 he andew wey 40 he kezukileman he wazà kaankaan wey wazà inum-inum, tenged te langun he menge salà he mibeelan niw. Utew mezaat diyà te etuvangan te Nengazen is mibeelan niw ne ingkepauk din heini.
5232	DEU 11:22	“Emun ebpurungan niw edtumana heini is langun he ibeǥey ku keniyu he menge suǥù, he ebmahalen niw is Nengazen he Megbevayè niw, wey ebpengungubpaan kew te sungkad te menge paaǥi zin, wey kenè niw sikandin ed-iniyuǥan,
5366	DEU 16:22	wey kenè kew vangun te tedeman he vatu he para te ked-azap, su egkeepesan heini te Nengazen he Megbevayè niw.”
5397	DEU 18:11	etawa mememarang, etawa ebaal te ebeelan te menge etew he edsarig te menge mulin-ulin, etawa ebpekidlalag te ǥimukud te nemematey en.
5447	DEU 20:18	Su emun kenè niw sikandan pudu egeraa, ne ibpenurù dan keniyu is langun he utew mezaat he menge vaal zan he ebeelan dan ke ed-ezapen dan is kandan he ebpen-ezapen, ne tenged kayi ebpekesalè kew ziyà te Nengazen he Megbevayè niw.
5495	DEU 22:23	“Emun edhilavet is sevaha he etew te vahi he hapit en ed-esewaa, ne ziyà haazà mehitavù te sevaha he inged,
5500	DEU 22:28	“Emun egkezekepan is sevaha he maama he midlayug din is raǥa he kenè pa ed-esewaan,
5532	DEU 24:5	“Emun beǥu he ebpekeesawa is etew, kinahanglan he kenà sikandin ibpetampu te tebek etawa kenà sikandin ebeǥayan te minsan hengkey he vuluhaten diyà te inged seled te senge-tuig, su para ziyè dà sikandin mekeubpàubpà te valey zin su wey zin meveǥayi te kelipey is esawa zin.
5602	DEU 27:15	“Rinewakan is etew he ebaal te minsan hengkey he ledawan he ed-ezapen, batu etawa kayu etawa brunsi minsan meeles dà is ked-ezapa zin kayi. Su heini he menge ed-ezapen is bineelan dà te etew, utew egkeepesi te Nengazen.” Ne edtavak is langun te, “Amen!”
5693	DEU 29:11	Midhitindeg kew ǥuntaan kayi te kebpekid-uyun te Nengazen he Megbevayè niw. Heini he kebpekid-uyun, ebeelan te Nengazen diyà te keniyu ǥuntaan he andew duma is kepenangdù din,
5727	DEU 30:17	“Piru emun kenè kew ebpezumazuma wey edsunud kandin, ne ed-azap kew wey ebpenilbi te selakew en he menge ed-ezapen,
5740	DEU 31:10	Ne mibmenduan sikandan ni Moises te, “Dutun te kegketapus te kada pitu he tuig he iyan kes tuig te Kebeǥey te Bayàbayà wey Ked-ulì, ne zutun te timpu te Pista te Kebaal te menge Lawig,
5785	DEU 32:25	Egkehitavù is kebpemematey te tebek diyà te ǥawas te valey zan, ne zutun utew egkeherati is diyà te seled. Ebpemematey is menge meǥurang, menge vetan-en, wey menge vatà.
6024	JOS 8:20	Ne kedlilingey te menge tig-Ai, neehè dan is evel he ebpuun dutun te inged. Wazè dan en egkepeleǥuyan su mid-etuvang en man sikandan duen te menge Israilihanen he edel-asen dan pehendiyà te sibsivayan.
6287	JOS 17:10	Is tanà he ziyà te zivavà duen te zal-ug, ne gaked te tribu ni Efraim, ne is tanà he ziyà te zizaya zuen te zal-ug ne ǥaked te tribu ni Manase. Is dulunà te tribu ni Manase ziyà te edsenlepan iyan is Daǥat he Mediteraneo. Ne ziyà te zizaya he zapit te edsenlepan te tribu ni Manase dutun is tribu ni Asher, ne ziyà te zizaya he zapit te edsilaan dutun is tribu ni Isachar.
6447	JOS 22:19	Umbe, emun egkinahanglan kew te pemuhatà su is tanà niw, kenè dait he zutun kew ed-azap, layun kew ziyà te kenami, diyà te tanà te Nengazen he zutun sikan is Tulda he ed-ezapan kandin, ne ziyè kew en ubpà te kenami. Piru kenè kew vaal te selakew en he pemuhatà gawas duen te pemuhatà he para te Nengazen he Megbevayè tew, su kedsupak heeyan kandin ne supak daan kenami.
6489	JOS 24:11	“Ne midlayun kew te Wahig he Jordan ne nekeuma kew ziyà te Jerico. Nekidtebek keniyu is menge tig-Jerico, wey is menge Amorihanen, menge Pirisihanen, menge Canaanhen, menge Hitihanen, menge Girgasihanen, menge Hivihanen, wey menge Jebusihanen. Piru nezaag niw sikandan pinaaǥi kedì.
6498	JOS 24:20	Emun ed-engkezan niw is Nengazen ne ebpenilbi kew te zuma he menge ed-ezapen, egkepeukan kew zin ne edsilutan kew zin. Edèdeetan kew zin minsan pa te mibpurungan kew zin dutun te nehuna he timpu.”
6633	JDG 5:8	Hein mid-azap sikandan te veǥu he menge ed-ezapen, nehitavù is tebek diyà te tivuuk he Israel. Piru te 40,000 he menge Israilihanen ne wazà minsan sevaha kandan he zuen din kelasag etawa vangkew.
6669	JDG 6:13	Midtavak si Gideon te, “Datù, emun duma zey is Nengazen ne maan is iring kayi is kebpekesavuk dey? Maan is wazà sikandin mebaal te egkengein-inuwan, iring te mibeelan din dengan hein impeǥawas din puun te Ehipto is menge kepuun dey, sumalà is netudtul zan kenami? Iyan, guntaan mibey-anan key en te Nengazen ne imbeǥey key zin diyà te menge Midianhen.”
6735	JDG 8:14	Ne nekezakep sikandan te vetan-en he maama he tig-Sucot, ne mid-insaan dan haazà ke hentei is menge upisyal ziyà te Sucot. Ne inlista zin is menge ngazan te 77 he menge upisyal he edumala te Sucot.
6763	JDG 9:7	Ne hein nezineg haazà ni Jotam, midtekezeg sikandin diyà te puntur te Buntud he Gerizim ne imbensag din diyà te kandan is menge lalag he edhenduen te, “Menge tig-Shekem, pemineg kew kedì emun egkesuat kew he ebpemineg keniyu is Megbevayà.
6799	JDG 9:43	Umbe, mibahin din te tetelu he grupu is menge etew zin. Ne midhendiyà sikandan te menge vevesukà ne zutun dan med-ayan su ebpekidtebek dan. Ne hein neehè dan he nenggawas en puun dutun te inged is menge tig-Shekem, mibpuun en sikandan med-etaki.
6877	JDG 12:6	ne ibpekaǥi zan sikandin te lalag he “Shibolit,” su is menge tig-Efraim, kenè dan metau he egkagi zuen. Ne zutun egketuusan ke hustu ve he kenà sikandin tig-Efraim. Ne emun kenà utew egkeuntul is kegkaǥi zin te “Shibolit,” edekepen dan ne edhimetayan dan dutun mismu te repasan diyà te Wahig he Jordan. Ne zutun he timpu 42,000 is nepatey he tig-Efraim.
7015	JDG 18:20	Ingkesuat dutun te memumuhat haazà is migkaǥi zan kandin, umbe mid-uǥup en sikandin te kebpenguwa zuen te ipud, menge ledawan he mid-epizan te pelata, wey zuma pa he menge ed-ezapen, ne miduma sikandin kandan.
7089	JDG 20:33	Ne hein nekeuma is menge Israilihanen diyà te Baal-Tamar, ne mibpelastar zan dutun ne sikan mulà is nemen-eles he mid-ayan nemenggawas dan ne mibpelastar zan diyà te zapit te edsenlepan he vahin te Gibea.
7145	RUT 1:16	Piru midtavak si Ruth te, “Kenà a kenikew teǥela te ked-ulì. Su ke hendei ka ebpevayà, eduma a kenikew ke hendei ka ed-ubpà, dutun a zaan ebpekeubpà. Is menge minahal nu he etew, ebmahalen ku zaan. Is ed-ezapen nu he Megbevayà, ed-ezapen ku zaan.
7202	RUT 4:10	Ed-esewaan ku en daan si Ruth, is tig-Moab, sikan is esawa ni Mahlon. Pinaaǥi kayi kemulu pa egkaǥaked te pemilya te minatey haazà is tanà. Ne pinaaǥi kayi zaan duen pa menge kevuwazan din he zuma te menge kezuzumahi zin wey zini te inged din. Ebpekepenistiǥus kew en kayi ǥuntaan.”