1569	EXO 2:14	Ne migkaǥi haazà is etew te, “Hentei is mibeǥey kenikew te ketenged te kedatùdatù kayi te kenami? Edhimetayan e ve kenikew iring te kedhimetayi nu zuen te tig-Ehipto?” Ne nahandek si Moises te kegkezineǥa zin dutun su netuenan din he zuen bes netau zuen te mibeelan din.
7576	1SA 15:14	Midtavak si Samuel te, “Emun tutuu he midtuman nu is suǥù te Nengazen, ne maan is duen ku egkezineg he menge vaka wey kerehidu he ed-engà?”
7675	1SA 17:55	Hein naahà ni Saul si David he ed-uvey ki Goliat he ebpekidtebek, mid-insaan din si Abner he peremandar te menge sundaru te, “Abner, hentei ves ki anak heeyan is betan-en?” Midtavak si Abner te, “Wazè ku metueni, Mahal he Hadì.”
8038	2SA 1:13	Ne mid-umanan insai ni David haazà is betan-en he mibpenudtul kandin te, “Hendei ka ed-ubpà?” Midtavak sikandin te, “Amalikanhen a he ziyà med-ubpà te tanè niw he Israel.”
9199	1KI 13:12	Ne mid-insà haazà is amey zan te, “Hendei sikandin mebayà hein mid-ulì?” Ne migkaǥi zan kandin ke hendei mebayà.
20699	EZK 9:8	Ne zutun te kebpenhimatey zan, netaǥak a is sebsevaha. Midlangkeb a is nengumew te Megbevayà, “He Nengazen he MEGBEVAYÀ, ed-eminen nu ve ebpenhimetayi is nengesamà kayi te Israel tenged te kegkepeuki nu te menge tig-Jerusalem?”