11	GEN 1:11	Ne zutun migkaǥi is Megbevayà te, “Medtuvù diyà te tanà is migkelingulingu he menge pinemula: is menge pinemula he zuen menge lisu wey is minsan hengkey he kayu he ebpemeǥas sumalà te kelasi zan.” Ne nehimu haazà.
16	GEN 1:16	Su midlimbag dutun te Megbevayà sikan is dezuwa he utew mesiǥa: ne haazà is dekelà, ibpetayew zin te tanà emun maandew, ne haazà daan is sevaha, ne ibpetayew zin te tanà emun mezukilem. Ne midlimbag din daan is menge vituen.
148	GEN 6:10	Tetelu is anak din he maama: si Shem, si Ham, wey si Jafet.
153	GEN 6:15	Is paaǥi te kebeeli nu zuen, ne iyan heini: 450 he giek is belavag din, 75 he giek is keluaǥan din, ne 45 he giek is ketikang din.
174	GEN 7:14	Elin daan impeseled dutun is langun he kelasi te menge langgam: he edhipanew, ebpemenanap, wey is ebpemenlayang.
183	GEN 7:23	Midlimas te Megbevayà is minsan hengkey he egeǥehinawa he ed-ubpà dini te kelibutan: etew, langgam, keranapranap, wey is menge tagbis. Iyan dà nelibri si Noe wey is menge zuma zin diyà te seled te arka.
203	GEN 8:19	Ne migawas daan dutun is kada paris te langun he menge kelasi te egeǥehinawa sumalà is kelasi zan: menge langgam, menge keranapranap, wey menge tagbis.
208	GEN 9:2	Utew egkehandek keniyu is langun he menge langgam: is ebpemenhipanew, is ebpemenlayang, is ebpemenanap, wey is diyà ebpen-ubpà te wahig. Iyan kew ebayàbayà kandan te langun.
217	GEN 9:11	Ne iyan heini kebpekid-uyun ku keniyu: Kenè ku en maan edlimasen is langun he egeǥehinawa pinaaǥi te wahig. Kenè ku en maan edèdeetan is kelibutan pinaaǥi te wahig.”
218	GEN 9:12	Ne migkaǥi zaan is Megbevayà te, “Duen ibpeehè ku keniyu he egkehimu he tuus te wazà pidtemanan he kebpekid-uyun ku keniyu wey te langun he menge linimbag ku he egeǥehinawa he zuma niw he midlawang keniyan te arka. Ne iyan is:
237	GEN 10:2	Iyan heini menge anak ni Jafet he menge maama: si Gomer, Magog, Madai, Javan, Tubal, Meshec, wey si Tiras.
241	GEN 10:6	Is menge anak ni Ham he menge maama: si Cush, Mizraim, Put, wey si Canaan.
400	GEN 17:2	Edtukuzen ku is kebpekid-uyun ku kenikew: ne edhimuwen ku he utew medmezakel is menge kevuwazan nu.”
402	GEN 17:4	“Iyan kebpekid-uyun ku kenikew is: Egkehimu ka he amey te langun he menge nasyun.
413	GEN 17:15	Ne elin daan migkaǥi te Megbevayà diyà te ki Abraham is: “Ne haazà is esawa nu he si Sarai, kenè nu en ngezani ki Sarai, kekenà, iyan nu en ingazan kandin si Sara, he ke và dà egkeǥiya, ‘Bai’.
417	GEN 17:19	Ne midtavak is Megbevayà te, “Iyan heini tutuu: Si Sara is esawa nu, ed-anak te maama, ne iyan ingazan nu kandin si Isaac, he ke và dà egkeǥiya, ‘Ked-engit’. Ibpelaus ku ziyà te kandin wey ziyà te menge kevuwazan din te wazà pidtemanan sikan is kebpekid-uyun ku kenikew taman te taman.
421	GEN 17:23	Ne zutun dà he andew, midtuman ni Abraham is insuǥù kandin te Megbevayà. Midsirkunsidar zin is anak din he si Ishmael wey is langun he maama he ziyà te valey zin: is menge uripen he ziyà ianak te valey zin wey is menge uripen he mibpemasa zin.
564	GEN 22:16	ke sikandin te, “Iyan heini migkaǥi te Nengazen: Ibpenangdù ku kayi te gehinawa ku he edtuvazan ku iyan sikew tenged te wazè nu ikeleǥezi kedì is namànamà he anak nu. Edhimuwen ku he utew medmezakel is menge kevuwazan nu su iring te menge vituen diyà te langit wey iring te menge pantad diyà te veyvey te zaǥat. Egkeveyveyaan dan is menge inged te menge kuntada zan.
672	GEN 25:13	Iyan heini menge ngazan te menge anak ni Ishmael he maama, puun te kinikekayan: si Nebayot, Kedar, Adbeel, Mibsam,
736	GEN 27:8	Umbe mama, pemineg ka te idsuǥù ku kenikew:
771	GEN 27:43	Umbe, mama, pemineǥa nu is egkeǥiyen ku: Pelaǥuy ka ziyà te Haran, diyà te meemahan ku he si Laban.
863	GEN 30:32	Iyan heini: edsusiyen ku ǥuntaan is menge uyaǥen nu ne egkuwaan ku is meitem he menge kerehidu wey kevangan he menge kambing. Iyan dà haazà suhul ku.
871	GEN 30:40	Piru is ki Jacob he mibeelan te menge kerehidu: Zutun te kemulu en ebpepenpeniwelayà haazà is menge uyaǥen, ibpesinaru zin sikandan duen te kevangan he kambing wey zuen te menge meitem he kambing ni Laban. Ne pinaaǥi zutun te paaǥi ni Jacob, mibmezakel is kandin he menge uyaǥen, ne insivey zin te menge uyaǥen ni Laban.
914	GEN 31:40	Iyan heini egkeulaula ku: utew a egkeiniti emun maandew, utew a egkeǥenew emun mezukilem, ne layun a egkepurang.
942	GEN 32:14	Ne ziyà medhulavung ensi Jacob. Ne hein meselem, mibpilì si Jacob te menge uyaǥen he igasa zin ki Esau:
1056	GEN 36:15	Iyan heini nehimu he menge pengulu te menge kevuwazan ni Esau: si Teman, si Omar, si Zefo, si Kenaz,
1061	GEN 36:20	Iyan heini menge maama he kevuwazan ni Seir he Hurhanen he meǥinged diyà te Edom: Si Lotan, Shobal, Zibeon, Ana,
1070	GEN 36:29	Iyan heini sikandan menge pengulu te menge Hurhanen he midumala te menge lugar ziyà te Seir: Si Lotan, si Shobal, si Zibeon, si Ana, si Dishon, si Ezer, wey si Dishan.
1072	GEN 36:31	Iyan heini sikandan menge hadì diyà te Edom dutun te timpu he wazè pa menge hadì te menge Israilihanen:
1081	GEN 36:40	Si Esau (he migngezanan daan te Edom) iyan kepuun te menge Edomanhen. Ne iyan heini nehimu he menge pengulu te menge kevuwazan ni Esau he is menge tribu zan wey menge inged dan iyan inngazan kandan: Timna, Alva, Jetet, Oholibama, Elah, Pinon, Kenaz, Teman, Mibzar, Magdiel, wey Iram.
1086	GEN 37:2	Iyan heini guǥud mehitenged te pemilya ni Jacob: Hein 17 is penuiǥen ni Jose, mid-uǥup en sikandin te menge kakey zin te kebantey te menge uyaǥen. Haazà he menge kakey zin, ne menge anak ni Bilha wey ni Zilpa he menge esawa te amey zin. Ebpenudtulen ni Jose ziyà te amey zin mezaat he menge ulaula te menge kakey zin.
1185	GEN 40:12	Ne migkaǥi si Jose te, “Iyan heini kehuluǥan te teǥeinep nu: Sikan is tetelu he subpang ne iyan kehuluǥan din is tetelu he andew.
1191	GEN 40:18	Ne midtavak si Jose te, “Iyan heini kehuluǥan te teǥeinep nu: Sikan is tetelu he revan, ne tetelu zaan he andew.
1323	GEN 43:32	Impedsisivey zan is egkeenan: is egkeenan ni Jose, is egkeenan te menge suled din, wey is egkeenan te menge etew zutun he tig-Ehipto. Su is menge tig-Ehipto kenè dan ebpekidtuǥen te menge Hebriyuhanen su utew haazà supak te menge vetasan dan.
1348	GEN 44:23	Ne iyan migkaǥi nu is: ‘emun kenè dey edumahan dini is hazi zey ne kenè en egkehimu he ebpekeetuvang key maan kenikew.’
1376	GEN 45:17	Migkaǥi haazà is hadì diyà te ki Jose te, “Keǥiyi nu is menge suled nu he iyan ibpeulaula ku kandan is: ‘Kergahi zan is menge asnu zan ne med-ulì dan diyà te Canaan.
1393	GEN 46:6	Midtundan dan daan is langun he menge uyaǥen dan wey mid-uwit dan is menge ketiǥeyunan dan he nekuwa zan diyà te tanà he Canaan. Miduma ni Jacob pehendiyà te Ehipto is langun he menge kevuwazan din: is menge anak din wey menge apù din.
1395	GEN 46:8	Iyan heini menge ngazan te menge Israilihanen he menge kevuwazan ni Jacob he midhendiyà te Ehipto: si Reuben is kinekekayan he anak ni Jacob,
1524	GEN 50:17	he megkaǥi key ziyan te kenikew te egkeǥiyen din kenikew he iyan is: ‘Edhengyuan ku sikew, mama, he peseyluwa nu is salà wey mezaat he mid-ulaula kenikew te menge kakey nu su mibpesipelahan ke zan,’ ke sikandin. Ne sikami zaan is menge suluǥuen te Megbevayà te amey tew, edhengyuan dey sikew he peseyluwa nu is salè dey kenikew.” Ne hein nekeuma heini is surat diyà te ki Jose, mibpenluluhaan sikandin su nerurunù.
1534	EXO 1:1	Iyan heini menge ngazan te menge maama he anak ni Jacob he miduma kandin diyà te Ehipto, duma te menge pemilya zan:
1592	EXO 3:12	Ne migkaǥi is Megbevayà te, “Eduma a kenikew. Ne is egkehimu he singyal he iyan a midsuǥù kenikew iyan is: Emun igkepeǥawas nu en sikandan puun te Ehipto, ne kayi a keniyu ed-ezapa te vuvungan.”
1595	EXO 3:15	Migkaǥi zaan is Megbevayà diyà te ki Moises te, “Keǥiyi nu is menge Israilihanen: ‘Is Nengazen, is Megbevayà he ed-ezapen te menge kebpuun niw he si Abraham, si Isaac, wey si Jacob ne iyan midsuǥù kenikew.’ Kilelaà niw is ngazan ku he Nengazen te wazà pidtemanan.
1596	EXO 3:16	“Genat ke en ne tiǥuma nu is menge edumala te menge kevuwazan ni Israel ne keǥiyi nu sikandan te, ‘Is Nengazen, is Megbevayà he ed-ezapen te menge kebpuun niw he si Abraham, si Isaac, wey si Jacob mibpaahà kediey, ne migkeǥiyan e zin te: Ebpurungan kew zin ebentayi, ne egkeehè din is ed-ulaula keniyu te menge Ehiptohanen.
1624	EXO 4:22	Ne zutun keǥiyi nu haazà is hadì te, ‘Iyan heini lalag te Nengazen diyà te kenikew: Ed-isipen ku is menge Israilihanen he iring te kakey he anak ku,
1634	EXO 5:1	Ne midhendiyà si Moises wey si Aaron te hadì te Ehipto, ne migkeǥiyan dan te, “Iyan heini migkaǥi te Nengazen he Megbevayà te Israel: ‘Tuǥuti nu he mekeǥenat is menge etew ku, su wey zan mekesilibra te pista para kedì diyà te sibsivayan.’ ”
1639	EXO 5:6	Ne zutun daan he andew, migkeǥiyan te hadì te Ehipto is menge Ehiptohanen he edumala te ebpemenerebahu he menge Israilihanen wey is impepengulu zin kandan he menge Israilihanen te:
1662	EXO 6:6	Umbe, keǥiyi nu is menge Israilihanen: ‘Iyan a Nengazen. Ne ibpeǥawas ku sikiyu te kegkeuripena keniyu te menge Ehiptohanen. Pinaaǥi te ǥehem ku, ebpurungan ku edsiluti is menge Ehiptohanen, ne edlibriyen ku sikiyu.
1670	EXO 6:14	Iyan heini menge kepuun te nepipira he menge pemilya te tribu te Israel: Is menge anak ni Reuben he maama te kinekekayan he anak ni Israel iyan ensi Hanoc, Palu, Hezron wey si Carmi. Ne iyan sikandan wey is menge kevuwazan dan menge pemilya he ebpuun diyà te ki Reuben.
1672	EXO 6:16	Sumalà is insurat he keguǥuza iyan heini menge ngazan te menge maama he menge anak ni Levi: si Gershon, si Kohat, wey si Merari. Is keluǥayad te untung ni Levi 137 he tuig.
1702	EXO 7:16	Ne keǥiyi nu sikandin te, ‘Midsuǥù a te Nengazen he iyan Megbevayà te menge Hebriyuhanen, su ebpekeǥiyan ke zin he: Tuǥuti nu en is menge etew ku te kegenat su wey zan mekaazap kedì diyà te sibsivayan. Iyan, taman en guntaan ne wazè ka mebpezumazuma.
1705	EXO 7:19	Ne migkeǥiyan si Moises te Nengazen te, “Keǥiyi nu si Aaron te, ‘Kuwaa nu is tuked nu ne ivayew nu ziyà te menge wahig kayi te Ehipto: dezekelà he wahig he edtudà, beuǥan, kanal, wey menge wahig he mibpeneng, wey ziyà te langun he punduwà te wahig.’ Ne is langun dutun ebaluy he lengesa. Iyan heini egkeulaula ziyà te Ehipto. Minsan is wahig he ziyà te menge teleǥuey he kayu etawa vatu ne egkehimu he lengesa.”
1712	EXO 7:26	ne migkeǥiyan te Nengazen si Moises te, “Hendiyè ka te hadì te Ehipto ne keǥiyi nu sikandin te, ‘Iyan heini lalag te Nengazen diyà te kenikew: Tuǥuti nu is menge etew ku te kegenat su wey zan mekaazap kedì.
1731	EXO 8:16	Ne migkaǥi is Nengazen diyà te ki Moises te, “Sayu ka enew keeselem ne veyai nu kes hadì te kedhendiyà din te wahig. Ne keǥiyi nu sikandin he iyan heini migkaǥi ku: ‘Tuǥuti nu is menge etew ku te kegenat su wey zan mekaazap kedì.
1744	EXO 9:1	Ne migkeǥiyan te Nengazen si Moises te, “Hendiyè ka te hadì te Ehipto ne keǥiyi sikandin te, ‘Iyan heini migkaǥi te Nengazen, is Megbevayà te menge Hebriyuhanen: Tuǥuti nu is menge etew ku te kegenat su wey zan mekaazap kedì.
1749	EXO 9:6	Ne hein sunud en he andew mibeelan en te Nengazen haazà: mid-amin mebpematey is langun he uyaǥen te menge Ehiptohanen. Piru wazà mulà mepetayi te minsan sevaha is uyaǥen te menge Israilihanen.
1756	EXO 9:13	Migkaǥi is Nengazen diyà te ki Moises te, “Selemselem ka enew keeselem ne etuvanga nu is hadì, ne ke sikew ziyà te kandin te, ‘Iyan heini migkaǥi te Nengazen he iyan Megbevayà te menge Hebriyuhanen diyà te kenikew: Tuǥuti nu te kegenat is menge etew ku su wey zan mekaazap kedì.
1787	EXO 10:9	Midtavak si Moises te, “Egenat key langun: batà wey meǥurang. Edumahan dey is menge anak dey wey menge uyaǥen dey, su edsilibra key te pista para te Nengazen.”
1811	EXO 11:4	Ne zutun migkaǥi en maan si Moises diyà te hadì, “Iyan heini migkaǥi te Nengazen: ‘Kengkuwan te liwazà is kezukileman edhipenawen ku is tivuuk he Ehipto.
1832	EXO 12:15	Ne iyan heini ibpeulaula ku keniyu: Kinahanglan he kenè niw edtepayan is supas he egkeenen niw seled te pitu he andew. Umbe kinahanglan he id-awè niw is tapey ziyà te menge valey niw zutun te egkehuna he andew. Su is minsan hentei keniyu he egkaan te midtepayan puun dutun te egkehuna he andew pehendiyà te ikepitu he andew ne ed-isipen sikandin he kenà ragkes te kevuwazan ni Israel.
1834	EXO 12:17	“Silibraha niw is Pista te Supas he Wazè din Tapey, su wey niw kenà melipati haazà is andew te kebpeǥewasa ku keniyu te menge tribu ni Israel puun diyà te Ehipto. Ne iyan suǥù ku is: Kinahanglan he ibpezume en diyà te egketulung egkelapislapis he kevuwazan niw is kedsilibraha kayi.
1860	EXO 12:43	Migkaǥi is Nengazen diyà te ki Moises wey ki Aaron te, “Iyan heini menge sulunuzen mehitenged te Pista te Kedlavey te Belinsuǥuen: “Dutun te kedsilibra, kenè niw ipekaan is lumelengyawà.
1873	EXO 13:5	Is tanà te menge Canaanhen, menge Hitihanen, menge Amorihanen, menge Hivihanen wey menge Jebusihanen, iyan kes tanà he impenangdù te Nengazen diyà te menge kepuun niw he ibeǥey zin keniyu, su heini he tanà, ne meupiya wey uuzaran. Ne emun ibpeseled kew en te Nengazen dutun he tanà, tumana niw heini he sulunuzen kayi he vulan te egkehuna he vulan te tuig:
1922	EXO 15:1	Migkanta ni Moises wey is duma he menge Israilihanen diyà te Nengazen heini he kentahan: “Egkentahan ku is Nengazen, su mezeeǥen sikandin. Insinumag din diyà te zaǥat is menge kudà wey is ebpemen-untud duen.
1942	EXO 15:21	Ne migkentahan ni Miriam sikandan te heini he kanta: “Kentahi niw is Nengazen, su utew sikandin mezeeǥen. Insinumag din diyà te zaǥat is menge kudà wey is nemen-untud kayi.”
1964	EXO 16:16	Migkaǥi is Nengazen he is kada sevaha keniyu ne medtiǥum sumalà te egkinehenglanen din: senge-ǥantang kada andew is para te sevaha he etew.”
1980	EXO 16:32	Migkaǥi si Moises te, “Iyan heini suǥù te Nengazen: Taǥù kew te senge-ǥantang he ‘manna’, para te peleebuten he egkelapislapis he menge kevuwazan, para meehè dan is keenen he imbeǥey ku keniyu ziyà te sibsivayan hein impeǥawas ku sikiyu puun diyà te Ehipto.”
1998	EXO 17:14	Ne migkaǥi is Nengazen diyà te ki Moises te, “Isurat nu heini zuen te libru para kenà heini melipati ne ipehibelu nu heini ki Josue: Edezeetan ku is menge Amalikanhen.”
2030	EXO 19:3	Ne midtekezeg si Moises diyà te vuntud su ebpekidhinguma te Megbevayà. Mid-umew sikandin te Nengazen he edhenduen te, “Iyan heini keǥiya nu ziyà te menge Israilihanen he kevuwazan ni Jacob:
2074	EXO 20:22	Ne migkeǥiyan te Nengazen si Moises te, “Keǥiya nu ziyà te menge Israilihanen heini is lalag ku ziyà te kandan he edhenduen: Neehè niw is kebpekidlalag ku keniyu puun diyà te langit.
2079	EXO 21:1	Migkaǥi is Nengazen diyà te ki Moises, “Iyan heini menge sulunuzen he ibpetuman nu te menge Israilihanen:
2097	EXO 21:19	Ne emun ebpekeenew en wey ebpekehipanew en minsan pa ke edtutuked dà, ne iyan dà silut duen te etew he nekevaal zuen is: ebpeveyazan kandin is menge timpu te kegkeetresadu zutun te sevaha, ne etimana zin taman te egkepurung haazà egkeulii.
2101	EXO 21:23	Iyan, emun grabi is kegkesazir zin ne iyan heini kukuman he ikula niw: Is ebpekepatey edhimetayan daan.
2104	EXO 21:26	“Emun duen ebpekezezaat te mata te uripen din he maama etawa vahi, ne iyan bayad dutun is: ebpekeǥawas haazà is uripen te kegkeuripena kandin.
2199	EXO 25:3	Iyan heini menge halad he egkuwaan nu ziyà te kandan: vulawan, pelata, brunsi,
2276	EXO 27:3	Is langun he menge gelemiten dutun te pemuhatà ne brunsi, he iyan is: menge selevukà te avu, menge pala, menge yahung, menge dezekelà he tinidur he para te usa, wey is menge selevukà te vaǥa.
2298	EXO 28:4	Ne iyan heini menge visti he ebeelan para kandin: is teleǥuey ziyà te kumeng, ipud, pendivavew he visti, pendizalem he visti he binurdahan, tengkulu, wey vagkes. Kinahanglan he ebaal zan te menge visti he para ki Aaron wey para te menge anak din he maama, su para mekepenilbi sikandan kedì pinaaǥi te kebpemuhat.
2299	EXO 28:5	Is egkeǥamit iyan is: linu he eburdahan te vulawan he tanur, wey welin he meitem is kaavuavu zin, merudtem wey kanggan.
2309	EXO 28:15	“Pevaal kew te teleǥuey ziyà te kumeng he egemiten te kebpesavut te egkesuatan te Nengazen. Kinahanglan daan he utew metau is ebaal zuen, he utew meupiya is kegkeveeli kayi, ne is tila kayi ne kinahanglan he iring te tila he egemiten te kebaal te ipud: linu he miburdahan te vulawan he tanur wey welin he meitem is kaavuavu zin, merudtem wey kanggan.
2330	EXO 28:36	“Baal kew te midalya he lunsey he vulawan he ed-iringen te pelatu ne iukir niw zutun is menge lalag he: ‘Pehinungud te Nengazen.’
2365	EXO 29:28	Kenà egkahalin is paaǥi ku he iyan heini: Emun ebpemuhat is menge etew ku te menge pemuhat he para te meupiya he kedepità, ne sikan is kumeng wey buvun duen te ayam he ibpemuhat kinahanglan he ibeǥey ziyà te menge memumuhat.
2406	EXO 30:23	“Kuwa ka te kinemeupiyahan he pehemut: Heenem he kilu he wahig he mira, tetelu he kilu te mehemut he sinamun, wey tetelu zaan he kilu te mehemut he calamus,
2417	EXO 30:34	Ne migkaǥi en maan is Nengazen diyà te ki Moises te, “Kuwa kew te ibped-iiring is kezekelè din he menge pehemut he iyan heini: istakti, uniks, galbanum, wey lunsey he veyewà.
2427	EXO 31:6	Ne nepilì ku zaan he edterebahu duma kandin si Oholiab he anak he maama ni Ahisamac te ebpuun diyà te tribu ni Dan. Ne ebeǥayan ku zaan te ebilidad is langun he menge pandey su para mehimu zan is minsan hengkey he idsuǥù ku he ebeelan he iyan is:
2434	EXO 31:13	he keǥiyi zin is menge Israilihanen: “Kinahanglan he edtumanen niw is menge ebpeveelan ku zutun te Andew te Kedhimeley, su iyan heini taman te taman he tuus diyà te pid-elangan tew he ebpetanudtanud keniyu he siak is Nengazen midhimu ku sikiyu he menge etew ku.
2533	EXO 35:1	Midtiǥum ni Moises is tivuuk he keet-etawan te Israel ne migkeǥiyan din sikandan te, “Iyan heini ibpeulaula te Nengazen keniyu:
2536	EXO 35:4	Migkeǥiyan ni Moises is tivuuk he keet-etawan te Israel te, “Iyan heini insuǥù te Nengazen he veeli niw:
2567	EXO 35:35	Imbeǥey zin diyà te kandan is ketau te kebaal te langun he kelasi te terebahu: iring te kebpandey te vatu, kebaal te menge zayandayan, wey kedhavel te manggad, keburda te linu, welin he meitem is kaavuavu zin, merudtem wey kanggan. Egkehimu zan is langun he kelasi te terebahu, wey utew sikandan metau he ebaal.
2621	EXO 37:16	Ne mibaal sikandan te lunsey he vulawan he menge gelemiten dutun te lemisahan he iyan is: menge pinggan, menge tasa, menge yehung, wey menge tivud he egemiten para te menge pemuhat he inumen.
2637	EXO 38:3	Is langun he menge gelemiten dutun te pemuhatà ne brunsi, he iyan is: menge selevukà te avu, menge pala, menge yahung, menge zezekelà he tinidur he para te usa, wey is menge selevukà te vaǥa.
2673	EXO 39:8	Mibaal zaan sikandan te teleǥuey ziyà te kumeng, ne utew meupiya is kegkeveeli kayi. Is manggad he migamit para kayi, ne iring ded duen te migamit dan te kebaal te visti he ipud: linu he miburdahan te vulawan he tanur wey welin he meitem is kaavuavu zin, merudtem wey kanggan.
2695	EXO 39:30	Mibaal sikandan te midalya he lunsey he vulawan ne mibpe-ukiran dan heini te iring te ked-ukir te para te ibmarka. Ne iyan heini lalag he in-ukir zuen: “Insivey para te Nengazen.”
2698	EXO 39:33	Ne impeehè dan diyà te ki Moises haazà is Tulda he Ed-ezapan wey is langun he menge gelemiten dutun: is menge kaw-it, menge elavat, menge marku, menge tukud, menge pundasyun,
2726	EXO 40:18	Iyan heini kedtukuza ni Moises duen te Tulda: Intaud din is menge pundasyun kayi, is menge elavat, wey menge marku te elavat, wey menge tukud.
2747	LEV 1:1	Midtawag te Nengazen si Moises ne midlelaǥan din diyà te Tulda he Edtelevukaayan. Midsuǥù din si Moises te kegkaǥi kayi ziyà te menge Israilihanen: Emun duen keniyu ebpemuhat te uyaǥen diyà te Nengazen, ne mebpemuhat sikandin te vaka, kerehidu, etawa kambing.
2797	LEV 4:1	Midsuǥù daan te Nengazen si Moises he keǥiyi zin is menge Israilihanen he is minsan hentei he nekesupak te suǥù he wazè din tivevaa, ne iyan heini ereg he ebeelan din:
2815	LEV 4:19	Ne veeli zin daan kayi he vaka is iring te mibeelan din duen te vaka he pemuhat he para idlumpiyu: Kuwaa zin is langun he tavà duen te vaka, ne tutunga zin diyà te pemuhatà, ne tutunga zin mulà sikan is baka ziyà te ǥawas te kampu. Ne pinaaǥi te kebeeli kayi te lavew he memumuhat, ne egkevelukasan is menge Israilihanen puun te menge salè dan, ne ebpeseyluwen sikandan te Nengazen. Iyan heini pemuhat he para idlumpiyu te tivuuk he menge etew te Israel.
2838	LEV 5:7	Ne emun kenà sikandin ebpekeveleveg he ebpemuhat te kerehidu, mebpemuhat dà sikandin te zezuwa he merepatik etawa zezuwa he limuken he vayad te salè din: is sevaha pemuhat he para idlumpiyu ne is sevaha ne pemuhat he edtutungen.
2845	LEV 5:14	Insuǥù pa heini te Nengazen ki Moises:
2858	LEV 6:1	Midsuǥù te Nengazen si Moises he keǥiyi zin si Aaron wey sikan is menge anak din he menge maama, kayi he menge sulunuzen mehitenged te pemuhat he edtutungen: Heini he pemuhat kinahanglan he idtaǥak diyà te pemuhatà taman te egkepawà he kenà ed-ewaan te hapuy haazà is pemuhatà.
2864	LEV 6:7	Iyan heini menge sulunuzen mehitenged te pemuhat he para gasa: Is menge memumuhat he menge kevuwazan ni Aaron iyan ed-uwit kayi he pemuhat diyà te etuvangan te Nengazen diyà te egkesineruwan duen te pemuhatà.