67	GEN 3:11	Ne migkaǥi is Nengazen he Megbevayà te, “Hentei is migkaǥi kenikew he lelevas ka? Migkaan ke ve zuen te veǥas te kayu he indawey ku keniyu?”
86	GEN 4:6	Ne migkaǥi zutun is Nengazen diyà te ki Cain te, “Maan is utew ka egkepauk wey maan is mibmerembunut is dagwey nu?
317	GEN 12:18	Ne netuenan duen te hadì te Ehipto, is hinungdan dutun te neulaula kandan, mid-umew zin si Abram ne ke sikandin te, “Utew mezaat is mid-ulaula nu kedì! Maan is wazè nu keǥiya he esawa nu si Sarai?
415	GEN 17:17	Ne zutun midlangkeb en maan si Abraham diyà te tanà, ne mid-engit su ke sikandin diyà te ǥehinawa zin te, “Egkehimu ves he egkevuwad a, is maama he 100 en is penuiǥen din? Ne egkehimu ves daan he ed-anak si Sara is 90 en is penuiǥen din?”
439	GEN 18:14	Ne mid-uman megkaǥi is Nengazen te, “Duen be minsan hengkey he kenà egkehimu te Nengazen? Sumalà is migkaǥi ku, edlikuan ku sikiyu seled te senge tuig ne ed-anak iyan dutun si Sara te maama.”
448	GEN 18:23	Ne mid-uvayan ni Abraham is Nengazen ne nenginginsà te, “Tutuu ve he idragkes nu is menge metazeng dutun te kedlimasa nu te utew menge mekesesalà he etew?
449	GEN 18:24	Penenglitan ke zuen 50 he menge metazeng he etew ziyà te inged, tutuu ve he edlimasen nu? Ne kenè nu egkehizuwan haazà is menge meǥinged minsan pa te zuen 50 he menge metazeng dutun?
463	GEN 19:5	Mid-umew zan si Lot, ne mid-insaan dan te, “Hendei sikan is menge maama he meǥeliyug nu he nekeuma ǥeina te mahapun? Ipeǥawas nu su egkesuat key he ebpekidhilavet kandan.”
478	GEN 19:20	Neehè nu ve heeyan is deisey he inged keniyan te egkehunaan? Egkesiguru ku he egkeuma ku heeyan su uvey zà. Egkehimu ve he keniyan e zà ebpevayà te zeisey he inged su wey a meluwas?”
500	GEN 20:4	Piru wazè pa uvayi ni Abimelec si Sara, ne tenged dutun migkaǥi sikandin te, “Nengazen, maan is edhimetayan nu is menge etew ku? Wazà a mekesalà?
505	GEN 20:9	Ne zutun mid-umew ni Abimelec si Abraham ne mid-insaan din te, “Hengkey ves heini is mid-ulaula nu kenami? Hengkey is salè ku kenikew he iyan inhimuwa nu he mekesalà a wey is tivuuk he ginhedian ku? Kenà hustu heini is mid-ulaula nu.”
521	GEN 21:7	Hentei vuwa is ebpekekaǥi ki Abraham he ebpekepesusu e pa te vatà? Piru nekaanak e pa minsan meǥurang en sikandin.”
531	GEN 21:17	Piru nezineg te Megbevayà is ked-erang te vatà. Umbe migkaǥi is belinsuǥuen te Megbevayà diyà te langit te, “Hagar, hengkey is idsineǥew nu? Kenè ka mahandek! Nezineg te Megbevayà is ked-erang keniyan te anak nu.
597	GEN 24:5	Piru mid-insaan dutun si Abraham te suluǥuen din te, “Na, hengkey ve is ed-ul-ulahan ku emun kenà egkesuat is bahi he eduma kediey ke ed-ulì a zini? Egkesuatan nu ve he edumahan ku ziyà is anak nu?”
615	GEN 24:23	Ne mid-insaan din si Rebeka te, “Hentei ka ki anak? Egkehimu ve he ziyan key edhizeǥà guntaan te valey niw?”
623	GEN 24:31	Migkeǥiyan sikandin ni Laban te, “Iyan ke ves is midtuvazan te Nengazen. Maan is kayi ke zà edhithitindeg? Laus ka ziyà te valey zey, su mid-endaman dey en sikew te edhizeǥaan nu wey lugar para te menge kemilyu nu.”
702	GEN 26:9	Ne zutun impetawag din si Isaac, ke sikandin te, “Esawa nu ves sikandin? Maan is migkaǥi nu he etevey nu sikandin?” Ne midtavak si Isaac te, “Nahandek a, kela ke himetayi a tenged kandin.”
720	GEN 26:27	Mid-insaan ni Isaac sikandan te, “Maan is midhengkayi kew te kedì? Egkepeukan e man keniyu, umbe impaawà a keniyu ziyan te lugar niw?”
761	GEN 27:33	Hein nezineg haazà ni Isaac, migkerker sikandin ne nemensag, “Hentei ves haazà is neketuǥes duen te mid-uwit kayi te kedì he keenen? Beǥu e pa nekepasad he egkaan kayi te kebpekeuma nu. Mibpenubtuvazan ku en sikandin ne kenè ku en egkehimu te edhawì.”
766	GEN 27:38	Ne mibpehizuhizu pa utew si Esau te amey zin te, “Amà, wazè en be iyan minsan sevaha zà he igkepenuvadtuvad nu? Penubtuvazi a zaan.” Ne zutun midsineǥew en maan sikandin.
821	GEN 29:25	Hein nepawà, netuenan ni Jacob he si Lea ves is hulid din. Ne zutun mibeyaan din si Laban he egkaǥi te, “Maan is mid-ulaula nu heini kediey? Mibpeniwakà a kenikew para meesawa ku si Raquel. Maan is mid-ekalan a kenikew?”
833	GEN 30:2	Ne nepeukan sikandin ni Jacob he egkaǥi te, “Maan, Megbevayè e ve? Kandin he ketau is kenè nu kebpekaanak!”
846	GEN 30:15	Ne midtavak si Lea te, “Wazè nu pe bes ikesuat is ked-eǥawa nu te esawa ku? Egkuwaan nu pa zaan is mandragura te anak ku?” Migkaǥi si Raquel te, “Emun ebeǥayan a kenikew te mandragura ne ibpehulid ku si Jacob kenikew kengkuwan ke mezukilem.”
900	GEN 31:26	Ne migkeǥiyan ni Laban si Jacob te, “Maan is mid-ulaula nu heini kedì! Maan is mid-ekalan a kenikew? Mid-uwit nu pa is menge anak ku, he henduen be te nengevihag te tebek.
901	GEN 31:27	Maan is mid-ekalan a kenikew ne migenat kew he wazà mebpenanghid kedì? Angin pezem ke migkaǥi kew kedì, minsan pezem mekeǥenat kew ne edlipeylipey kiw he edsunetahan te tamburin wey alpa.
910	GEN 31:36	Wazà meeǥen ni Jacob is kegkepauk din, umbe migkeǥiyan din si Laban te, “Hengkey ves is mezaat he neveelan ku? Hengkey utew is salè ku maan is midtelukunan e pa kenikew?
915	GEN 31:41	Menge 20 en he tuig is ked-ubpè ku ziyan te keniyu, 14 he tuig is kebpenilbi ku kenikew para kayi te zezuwa he anak nu he menge vahi. Ne mid-uman e pa medterebahu te heenem he tuig te kebekidu te menge uyaǥen nu. Piru hengkey heini is mibeelan nu? Ne kesepulù nu en helhelina is suhul ku.
917	GEN 31:43	Midtavak si Laban te, “Heini is menge vahi he esawa nu ne menge anak ku, is menge anak dan ne menge apù ku. Heeyan is menge uyaǥen nu ne kediey zaan. Langun he egkeehè nu kayi ne kediey. Piru ǥuntaan, kenè ku en egkahawì is menge anak ku wey menge apù ku?
1094	GEN 37:10	Midtudtul zaan ni Jose haazà is teǥeinep din diyà te amey zin piru midsawey sikandin te amey zin. Migkaǥi is amey zin te, “Hengkey, mama, is ibpesavut nu? Egkehimu ve he siak wey is iney nu wey is menge suled nu ne ebpekepevayàbayè key kenikew?”
1110	GEN 37:26	Migkeǥiyan ni Juda haazà is menge suled din te, “Hengkey is egkepupulus tew ke edhimetayan tew is hazi tew he id-eles tew is kedhimetayi tew kandin?
1206	GEN 41:10	Netenuzan ku is kegkepeuki nu zengan kedì wey zuen te egalen te mememaal te supas, ne impepirisu key kenikew ziyà te valey te kepitan te menge vantey te turuǥan?
1254	GEN 42:1	Hein nezineg ni Jacob he zuen belegyà he egkeenen diyà te Ehipto, migkeǥiyan din is menge anak din he maama te, “Hengkey pa is edteǥazan niw?
1275	GEN 42:22	Ne migkaǥi zutun si Reuben te, “Migkeǥiyan ku zengan sikiyu te, ‘Kenè niw pesipelahi is hazi tew? Piru wazè kew mebpemineg kedì. Umbe edsilutan kiw en guntaan tenged te kemetayen din.’ ”
1289	GEN 42:36	Ne migkaǥi si Jacob diyà te kandan te, “Pinaaǥi keniyu egkeewaan a te menge anak ku. Su minatey en si Jose, neewaan a ni Simeon, ne egkuwaan niw pe bes si Benjamin? Utew e en nerasey.”
1297	GEN 43:6	Ne migkaǥi si Jacob te, “Maan is midhimu niw he utew a meseeng? Maan is migkaǥi niw kandin he zuen niw pa hazi?”
1298	GEN 43:7	Ne midtavak dan te, “Geina te mibpeniguduwan key zin insai mehitenged te pemilya tew. Ke sikandin te, ‘Uuyag pe be is amey niw? Duen niw pe be hazi?’ Umbe intug-an dey su wazè dey isipa he egkeǥiyen din he kinahanglan he edumahan dey pa is hazi zey ziyà te Ehipto.”
1318	GEN 43:27	Ne nenginginsà si Jose kandan ke egkemenumenu zan en. Ne nenginginsè en maan sikandin te, “Egkemenumenu en is amey niw he meǥurang en he midtudtul niw zengan kedì? Uuyag pe be sikandin?”
1329	GEN 44:4	Ne hein kenè pa utew meziyù is imbayè dan migkaǥi si Jose ziyà te suluǥuen din te, “Gègaani nu telukuni haazà is menge etew ne emun egkesaut nu, keǥiyi nu sikandan te, ‘Maan is utew mezaat is imbales niw te ǥaǥew te egalen ku?
1330	GEN 44:5	Maan is migkuwa niw kes tasa he inumà te egalen ku he egemiten din te kebpenagnà? Kenà meupiya hini is mid-ulaula niw.’ ”
1332	GEN 44:7	Piru midtavak dan te, “Datù, maan is egkaǥi ka te iring keniyan? Kenà egkehimu he zuen ebeelan dey he iring te migkaǥi nu.
1333	GEN 44:8	Netuenan nu en man he puun pa te Canaan, inlikù dey is neehè dey he selapì duen te saku zey ziyan te kenikew. Maan is egkinahanglan key pa te kebpenakew te selapì wey vulawan diyà te valey te egalen nu?
1340	GEN 44:15	Migkeǥiyan ni Jose sikandan te, “Hengkey heini is mid-ulaula niw? Wazè niw ves metueni he metau a he edtagnà?”
1551	EXO 1:18	Ne impetawag duen te hadì diyà te Ehipto sikan is menge mengunguyamu ne migkeǥiyan din te, “Maan is midsupak niw is insuǥù ku keniyu? Maan is wazè niw penhimetayi is menge vatà he maama he neuyemuwan niw?”
1569	EXO 2:14	Ne migkaǥi haazà is etew te, “Hentei is mibeǥey kenikew te ketenged te kedatùdatù kayi te kenami? Edhimetayan e ve kenikew iring te kedhimetayi nu zuen te tig-Ehipto?” Ne nahandek si Moises te kegkezineǥa zin dutun su netuenan din he zuen bes netau zuen te mibeelan din.
1575	EXO 2:20	Ne migkeǥiyan din haazà is menge anak din te, “Hendei sikandin? Maan is wazè niw zumaha? Ipehendini niw su wey mekekaan.”
1603	EXO 4:1	Ne midtavak si Moises te, “Hengkey is ebeelan ku emun kenà sikandan edtuu kediey etawa kenà sikandan ebpemineg kediey? Su và dan dà egkaǥi te, kenà tutuu he mibpaahà kenikew is Megbevayà.”
1613	EXO 4:11	Ne migkaǥi is Nengazen diyà te kandin te, “Hentei ves is mibaal te vèbà te etew? Hentei is midhimu kandin he vengel etawa emew? Hentei is midhimu kandin he ebpekaahà etawa midhimu kandin he lakap? Kenè be iyan a, is Nengazen?
1635	EXO 5:2	Ne migkaǥi is hadì te, “Hentei is Nengazen he ebpepezumdumahan niw kedì is lalag din he tuǥuti ku is menge kevuwazan ni Israel te kegenat? Wazè ku mekilala is Nengazen ne kenè ku edtuǥutan is menge kevuwazan ni Israel te kegenat.”
1637	EXO 5:4	Iyan, migkaǥi haazà is hadì te Ehipto te, “Moises wey Aaron, maan is ibpeengked niw is menge etew te terebahu zan? Likui niw is keniyu he menge terebahu.”
1648	EXO 5:15	Ne midhendiyà sikandan te hadì ne ke sikandan te, “Maan is ed-iringen key kenikew kayi is menge suluǥuen nu?
1655	EXO 5:22	Ne mid-uman mebpekidlalag si Moises te Nengazen ke sikandin te, “He Nengazen, maan is ed-uwitan nu te samuk heini is menge etew? Iyan be insuǥua nu kediey is kebeǥey kandan te samuk?
1668	EXO 6:12	Iyan, migkaǥi si Moises diyà te Nengazen te, “Emun wazà mebpemineg kedì is menge Israilihanen, iyan pe be is hadì? Su kenà a metau he ebpengaǥikaǥi!”
1781	EXO 10:3	Ne midhendiyà si Moises wey si Aaron te hadì ne migkeǥiyan dan sikandin te, “Iyan heini migkaǥi te Nengazen he iyan Megbevayà te menge Hebriyuhanen, ‘Sengemenu kun is keluǥayad te kebpelavew nu ziyà te etuvangan ku? Tuǥuti nu te kegenat is menge etew ku su wey zan mekaazap kedì.
1901	EXO 14:11	Ne migkeǥiyan dan si Moises te, “Maan is kayi key pa kenikew zumaha te sibsivayan para mebpatey? Wazè en be penlevengà diyà te Ehipto? Maan is impaawè key pa kenikew ziyà te Ehipto?
1955	EXO 16:7	ne zutun te meselem egkeehè niw is mekeǥeǥehem he kebpekiduma te Nengazen. Su nezineg din en is menge riklamu niw. Hentei key is edriklemuwan niw? Is tutuu, is Nengazen, iyan edriklemuwan niw.”
1976	EXO 16:28	Ne migkaǥi is Nengazen diyà te ki Moises te, “Sengemenu keluǥayad is kedsupaka kayi te menge etew te menge suǥù ku wey menge penurù ku?
1986	EXO 17:2	Umbe midtebek dan si Moises ke sikandan te, “Beǥayi key te wahig he egkeinum dey.” Ne midtavak si Moises te, “Maan is edtebeken a keniyu? Maan is egezaman niw is Nengazen?”
1987	EXO 17:3	Piru egkengemezahan utew haazà is menge etew zutun, umbe mibpedayun is kedriklamu zan diyà te ki Moises. Ke sikandan te, “Maan is impeǥawas key pa kenikew ziyà te Ehipto? Ebpematey key zè bes te kegkemezahi kayi duma te menge anak dey wey menge uyaǥen dey.”
1988	EXO 17:4	Ne zutun mibuyù te tavang si Moises diyà te Nengazen, “He Nengazen, hengkey is ebeelan ku kayi te menge etew? Samè dà kenè e zan penulenga te vatu!”
2014	EXO 18:14	Ne hein naahà ni Jetro is langun he mibeelan ni Moises dutun te menge etew, migkeǥiyan din si Moises te, “Maan is ebeelan nu heini kayi te menge etew? Maan is sebsevaha nu is ebaal kayi? Edlinya is menge etew kayi te etuvangan nu puun pa te meselem taman en te ebmerusrusirem en.”
2450	EXO 32:11	Iyan, midhangyù si Moises diyà te Nengazen he iyan Megbevayè din he ke sikandin te, “He Nengazen, maan is utew nu egkepeuki is menge etew nu he impeǥawas nu ziyà te Ehipto pinaaǥi te zekelà he ǥehem nu?
2451	EXO 32:12	Emun egeraan nu is menge etew nu kenè be ebpekekaǥi is menge Ehiptohanen te iyan nu zà impeǥewasa kandan diyà te Ehipto su egeraan nu sikandan kayi te vuntud su wey maawà sikandan kayi te kelibutan? Umbe deyzey ke id-awè nu is pauk nu kandan; deyzey ke edhelinen nu is isip nu ne kenè nu zed sikandan edèdeetan.
2460	EXO 32:21	Ne migkaǥi sikandin diyà te ki Aaron te, “Hengkey is mibeelan kayi te menge etew ziyà te kenikew? Su maan is midtuǥutan nu sikandan te kebaal te zekelà he salà?”
2995	LEV 10:17	Ke sikandin te, “Maan is wazè niw keena ziyà te segradu he lugar sikan is pemuhat he para idlumpiyu? Heini he pemuhat utew segradu, ne imbeǥey heini te Nengazen keniyu su wey mevelukasi is menge etew puun te menge salè dan diyà te etuvangan te Nengazen.
4036	NUM 11:11	Mid-insà sikandin diyà te Nengazen te, “Maan is mibeǥayan a kenikew is suluǥuen nu te zekelà he prublima? Hengkey is neveelan ku he wazè nu ikesuat he iyan imbeǥayi nu kediey te prublima kayi te menge etew?
4037	NUM 11:12	Menge anak ku ve sikandan? Iyan e ve mid-anak kandan? Maan is egkeǥiyan a kenikew he ed-eturen ku sikandan iring te ked-atur te perevantey te vatà he edsepipiyen din wey ibpesusu zin. Ne ibpezuma nu sikandan kedì diyà te tanà he insaad nu ziyà te menge kepuun dan?
4038	NUM 11:13	Hendei a egkuwa te usa he para kayi he menge etew? Edtulung dan edriklamu kayi te kedì he veǥayi ku sikandan te usa he egkekaan dan.
4046	NUM 11:21	Piru migkaǥi si Moises te, “600,000 langun is menge etew he zuma ku, ne ǥuntaan migkaǥi ka he ebeǥayan nu sikandan te usa he egkekaan dan seled te senge vulan?
4048	NUM 11:23	Migkaǥi is Nengazen diyà te ki Moises te, “Duen be edtemanan te ǥehem ku? Egkeehè nu ǥuntaan ke egkeulaula ve is migkaǥi ku etawa kenà.”
4054	NUM 11:29	Piru midtavak si Moises te, “Ingkeipeng nu ve he ebpekezezaat heini te kegkepengulu ku? Emun iyan e zà ebpekevayàbayà, egkesuat a he pudu veǥayi te keǥehem te Nengazen is menge etew zin su para pudu zan mekepenagnà iring te menge ebpeneuven.”
4062	NUM 12:2	Ke sikandan te, “Pinaaǥi zè be ki Moises is kebpekidlalag te Nengazen? Kenè be ebpekidlalag daan sikandin pinaaǥi kenami.” Piru nezineg haazà te Nengazen.
4074	NUM 12:14	Midtavak te Nengazen si Moises te, “Kenè be ke ed-ilevan sikandin te amey zin diyà te zagwey zin tenged te kedsewaya zin kandin, ed-entusen din is keelezan seled te pitu he andew? Umbe ipeǥawas sikandin keniyan te kampu seled te pitu he andew, ne emun egkepasad haazà is pitu he andew ne egkehimu en he edlikù sikandin.”
4112	NUM 14:3	Maan is ed-uwiten kiw pa te Nengazen dutun he tanà? Para zè be mebpematey kiw te tebek wey ebihaǥen is menge esawa tew wey menge anak tew? Deyzey pa vuwa ke edlikù kiw ziyà te Ehipto.”
4120	NUM 14:11	Migkaǥi is Nengazen diyà te ki Moises te, “Keenu ves buwa ed-engked heini is menge etew te kedselikwey kedì? Keenu zan buwa ed-engkezi is kenè dan kedtuuwi kedì minsan neehè dan is egkengein-inuwan he mibeelan ku ziyà te kandan?
4122	NUM 14:13	Ne migkeǥiyan ni Moises is Nengazen te, “Hengkey is egkekaǥi te menge Ehiptohanen emun egketudtulan sikandan mehitenged kayi? Kenè be netuenan dan he pinaaǥi te ǥehem nu migkuwa nu is menge Israilihanen puun diyà te kandan?
4136	NUM 14:27	“Keenu en buwa ed-engked he edriklamu kuntra kedì heini is lalung he menge etew? Nezineg ku is menge riklamu kayi te menge Israilihanen he menge riklemedur.
4150	NUM 14:41	Piru migkaǥi si Moises te, “Maan is edsupaken niw en maan guntaan is insuǥù te Nengazen he medlikù kew zèpa ziyà te sibsivayan? Kenè kew ebmezeeǥen!
4204	NUM 16:9	Kenè pe be ereg para keniyu he ziyà te tivuuk he keet-etawan te Israel iyan kew mibpilì te Megbevayà te Israel he ebpekeuvey ziyà te etuvangan din pinaaǥi te kebpenilbi niw ziyà te Tulda zin wey kebpenilbi niw te kezekelan?
4205	NUM 16:10	Mibpilì kew zin he ebpenilbi kandin, ne ǥuntaan egkesuat kew pa he egkehimu he memumuhat?
4208	NUM 16:13	Kenè pe be ereg is kegkuwaa nu kenami ziyà te Ehipto he meupiya wey uuzaran is tanà duen su wey key kenikew mehimetayi kayi te sibsivayan? Ne ǥuntaan egkesuat ke pa he edhadìhadì kenami.
4209	NUM 16:14	Ne liyu keniyan, wazè key kenikew dumaha ziyà te tanà he meupiya wey selebpeten wey wazè key kenikew veǥayi te menge vevesukà etawa pemuleey te paras he egkaangken dey. Ne ǥuntaan, egkesuat ke pa he edtuntu kenami? Kenè key edhendiyan te kenikew!”
4317	NUM 20:5	Maan is impeǥawas key pa kenikew ziyà te Ehipto ne kayi key kenikew dumaha te wazè din pulus he lugar he wazà duen minsan trigu, higus, paras, etawa pumigranata? Ne wazè pa wahig he egkeinum!”
4346	NUM 21:5	umbe, midriklamu sikandan diyà te Megbevayà wey ziyà te ki Moises. Ke sikandan te, “Maan is impeǥawas key pa kenikew ziyà te Ehipto su wey key kayi mebpematey te sibsivayan? Wazà keenen wey wahig kayi! Neperahan key en kayi te mesemu he ‘manna’.”
4408	NUM 22:32	Mid-insà kandin haazà is belinsuǥuen te Nengazen, “Maan is ketetelu nu en penlegkuta is asnu nu? Midhengkayi a te ked-alang kenikew su mezaat diyà te etuvangan ku is baal nu.
4413	NUM 22:37	Migkaǥi si Balak diyà te ki Balaam te, “Kenè be migkaǥi a he ibpeǥaanggaan ka? Maan is wazè ka mediritsu medhendini? Egkeisip nu ve he kenè ku sikew edsuhulan?”
4425	NUM 23:8	Ebmenmenuwen ku te edezaat is menge etew he wazà dezeeti te Megbevayà? Ebmenmenuwen ku te edrawak is menge etew he wazà rewaki te Nengazen?
4428	NUM 23:11	Migkaǥi si Balak diyà te ki Balaam te, “Hengkey heini is mibeelan nu kayi te kediey? Mibpeveyaan ku sikew wey nu merewaki is menge kuntada ku, piru mibpenubtuvazan nu hinuun!”
4436	NUM 23:19	Is Megbevayà kenà iring te etew he edtarùtarù; kenà egkahalin is isip din. Duen be nekaǥi zin he ebeelan din he wazè din beeli? Duen be saad din he wazè din tumana?
4470	NUM 24:23	Migkaǥi pa ni Balaam heini he menge lalag: “Hentei vuwa is egkesamà he uuyag emun ebeelan en heini te Megbevayà?
4560	NUM 27:4	Id-awè en be is ngazan din diyà te pemilya te Israel tenged te wazè din anak he maama? Beǥayi key zaan te tanà iring te nezawat te menge kezuzumahi zey.”
4681	NUM 31:15	Migkaǥi si Moises diyà te kandan te, “Maan is wazè niw penhimetayi is menge vahi?
4726	NUM 32:6	Ne migkaǥi si Moises diyà te tribu ni Gad wey ni Reuben te, “Iyan be ibpesavut niw he kayi kew zà mulà minsan ebpekidtebek is duma niw he menge Israilihanen?
4727	NUM 32:7	Maan is id-awè niw is kezasig te menge Israilihanen te kedhendiyà te tanà he imbeǥey kandan te Nengazen?
4922	DEU 1:28	Ebmenumenu kiw te kedlaus? Hein mibpelihandek kiw zuen te nemeniid duen te tanà. Migkaǥi sikandan he is menge etew ziyà memezesen wey memelangkew pa kenitew, ne dezekelà is menge inged dan he nengeliǥuy te verengbeng he henduen be te ebpekeume en diyà te langit is ketikang din. Ne neehè dan pa zutun is menge kevuwazan te eregasi he si Anak.’
5039	DEU 4:33	Duen be zuma he menge etew he iring keniyu te neuyag pa, minsan nezineg niw is laǥeng te Megbevayà he ebpuun diyà te hapuy? Wazà!
5040	DEU 4:34	Duen be selakew en he Megbevayà he migkuwa zin is grupu te menge etew puun te sevaha he nasyun pinaaǥi te penggezam, egkengein-inuwan he menge hitavù, tebek, dekelà he ǥehem, wey mekeǥeǥehem he menge vaal para maangken din? Wazà! Piru iyan heeyan mibeelan te Nengazen he Megbevayè niw ziyà te Ehipto, ne neseksiyan niw heeyan.
5081	DEU 5:26	Duen be etew he egkeuyag minsan nezineg din is laǥeng te uuyag he Megbevayà he ebpuun te hapuy iring te nezineg tew?
5272	DEU 12:30	Emun egkezezeetan niw en sikandan, mebantey kew he kenè kew mepekeizi pinaaǥi te ked-iring kandan. Kenè kew en mebpenginginsà bahin te menge ed-ezapen dan. Kenè kew kaǥi te, ‘Ebmenumenu zan is ebpenilbi te kandan he megbevayà? Ed-iringan tew is ebpen-ul-ulahan dan.’
5705	DEU 29:23	Ne ed-insà is menge etew ziyà te langun he menge nasyun te, ‘Maan is midhimu heeyan te Nengazen diyà te nasyun dan? Maan is utew sikandin nepauk?’
5766	DEU 32:6	Iyan en be heeyan ibales niw te keupiya te Nengazen? Menge tulebung kew en iyan wey kurang te kedsavut. Kenè be iyan sikandin Amey niw he midlimbag keniyu?