23231	MAT 1:18	Jisas Krais ipopnga kene i velpol vene: Inina Maria o ateal i ve aro i ewoa a Josep, ave o ela pel rongan, na tokokoere o thepol ako Maria iopo lale. Ini Oni Riringa ile omaing a i nge ma iopo.
23243	MAT 2:5	Mako o olal ile riong ve, “Akola a rem a Betlehem a epee a Judia. Na i vene re ake, eneke God ile riong elnga i wat i nomenga vene:
23255	MAT 2:17	Mako riong ako God ile riong elnga a Jeremaia i ri nge, i velpol nunganga. Na ile riong vene:
23264	MAT 3:3	Na Jon ini toko ako God ile riong elnga a Aisaia i ri nge ve: “Toko e ako i presa pres a pen polpolnga ve, ‘Thomu o monsi a Toko Pomnga ile sovengalo, na thomu o pavengveng pen kerengare ako aro i es nge.’”
23360	MAT 6:9	“Naro thomu o nong vene ke: ‘Vovo a God, ong voth a Pen a Urvet, na iom i riri rintet.
23488	MAT 10:2	Ake ini pakeke or mule pa omole pothoi or aini aken oionre na i vene: Teltelnga ini a Saimon ako tokokoere o apeta mun i ve ini a Pita na itein a Andru, na Jems ako ini a Sebedi itun na itein a Jon,
23565	MAT 12:7	Na God ile erere i ri vene: ‘Nik plong nge lomu sungong, aveto tho sis inga ako ve, lemi moring aro i voth a thomu nge.’ Na aro ve lomumu mire senu nge a God ile riong ake, aro thomu o ri kerenga avele nge tokokoe areko ole vothung kerenga avele.
23575	MAT 12:17	Na i oma venen aken ma i pavelpol nunganga riong ako God ile riong elnga a Aisaia i ri nge. Na ile riong vene:
23621	MAT 13:13	Lek riong agelalnga a or nge itepun vene: “Aro o nak theu theaing, aveto aro o thepol senu i avele. Naro o ta senu otelnga, aveto aro olemi mire nge mirenga avele.
23622	MAT 13:14	I vene ako ma God ile riong elnga a Aisaia ile riong i velpol nunganga a or nge. Na ile riong i vene: “‘Aro thomu o nongpol vet inga, ave aro lomumu mire nge imirenga avele. Aro thomu o thepol vet inga, ave aro lomumu mire nge imirenga avele.
23653	MAT 13:45	“Na God ile menong e nepes a Pen a Urvet i vene ke: Toko e ako i ortet pengep otoli sivengare.
23920	MAT 21:25	Na lek ninong i vene: Jon ako i paninu tokokoere na ile omaing aken i es a pen kathnga me? I es a Pen a Urvet me, eve i es inga ake a tokokoere nge me?” Ma osivenga o leng lengtun pel nge riong aken ve, “Aro ve te ri ve, ‘I es a Pen a Urvet me,’ aro i nina it ve, ‘Na i vava ako lomumuo nge i avele?’
23923	MAT 21:28	Na Jisas i ria mun ve, “Na lomumu vava? Toko omole itun tomonnga or aini, ma i es a pomnga nge ma i ria i vene: ‘Tuk, wong es mo um a vain a ometa nge ponange ake.’
24373	MRK 3:16	Na or re ake ini toko mule pa omole pothoi or aini ma oion vene: I eksing a Saimon iion ve ini ol i a Pita.
24538	MRK 7:6	Lamako, Jisas i olal ole riong ve, “God ile pakeke nomenganga, ina Aisaia, ilemi mire senu nge thomu ve, thomu ini toko le apaltitetongare, ma i wat a God ile riong vene: ‘Tokokoe areke o risea tho nge ole riong, aveto a oopo lemi kene i melanga rintet nge tho.
24543	MRK 7:11	Aveto lomu pamirealing kene i venen aken avele, i rel. Lomumu kene i vene: Aro ve toko e i ri ve i opoal inina ome itema nge umtun tie ome aning, thomu o ri ve, i pavurvur aro toko aken aro i ria inina ome itema ve, ‘Lek opoaling posnga atike tho ri ve aro tho opoal thomu paini nge, aro tho sung ol i a thomu paini nge avele, eneke tho monsi nge ako aro tho sungu i a God nge mo i opoal ile lotu nge.’
24643	MRK 9:36	Lama Jisas i ti wain omole atiko me ma i pamitu i a oa lemimi ma i rekukalo i, Na i ria or vene:
24726	MRK 11:17	Na i pamireal or ve, “God ile erere i ri vene: ‘Lek lotuonga a vel aro ini nongonga a vel, nge tokokoere ako a pen elonga.’ Aveto thomu o oma i ranga ve ini toko kemongare ole vel.”
24740	MRK 11:31	Mako o nin werer pel osivenga vene: “Aro ve te olal i a i nge ve, ‘God i pake a Jon,’ mako aro i nin werer it ve, ‘Na i vova ake thomu o nongal nge i avele, e?’”
24752	MRK 12:10	Ma Jisas i ri riong agelalnga ve, “Lomumu rum senu nge riong ako a God ile erere i ri vene: ‘Um ako vel aringare o rivenga i kerenga ma o siv lelpot i, ake kene i velpol ini um a ur vet ako i paengeng vel ranga ve ini wovek sapatanga.
24768	MRK 12:26	Aveto lomu pamirealing nge areko o rin lale ve aro o mimi werer ol avele, aro tho ria mun tie nge aken. Thomu o tital erere nomenganga ako Moses i wat i, aveto lomumu mire senu nge avele. Nge tenesing ako e won pok a vutvutnga ako won sesenga i apola nge, ma God i ria Moses vene: ‘Tho ini a God ako ini a Abraham ile na Aisak ile na Jekop ile.’
24771	MRK 12:29	Ma Jisas i olal ile riong ve, “Patorong ako i mukal rintet kene i vene: ‘It toko na sengre a Israel, o nongpol me. God, ako ini ar Pomnga, ienga inga ako ini a God.
24773	MRK 12:31	Na God ile patorong aininga nge it, kene i vene: ‘Aro omu sagu thongongomuere ranga ve ako omu sagu sivengomu.’ Patorong ol e avele ol ako aro i mukal nge patorong or aini ake.”
25008	LUK 1:46	Ma Maria i ri vene: “Lemik i papomnga Toko Pomnga.
25065	LUK 2:23	Na or paini o panes a Toko Pomnga ile patorong ako i ri vene: “Na otun tomonnga elonga ako ini tengen aro o sungu i a Toko Pomnga nge mo ini ile.”
25098	LUK 3:4	Na Jon ile omaing aken i ranga ve ini wating ako i voth a God ile riong elnga a Aisaia ile erere nge, ma i ri vene: “Toko e ako i leng a leng a pen polpolnga ma i leng ve, ‘Monsi Toko Pomnga ile sovengalo, na pavengveng ile sovengalo mo aro i es nge.
25136	LUK 4:4	Ma Jisas i olal ile riong ve, “God ile erere i ri vene: ‘I pavurvur aro toko i mimi inga nge aning avele.’”
25140	LUK 4:8	Na Jisas i olal ile riong ve, “God ile erere i ri vene: ‘Aro ong lotual inga Toko Pomnga ako ini lom God, naro wong oma inga ile omaing.’”
25142	LUK 4:10	eneke God ile erere i ri vene: ‘God aro i ria ile enselre mo o theal senu wong.
25144	LUK 4:12	Na Jisas i olal ile riong ve, “God ile erere i ri vene: ‘Mothong tova tongporum Toko Pomnga ako ini lom God ile engenging.’”
25229	LUK 6:14	Ma oion vene: Na omole ini a Saimon, na Jisas i sungu mun iion aininga a Pita. Na Andru ako ini a Saimon itein. Na Jems na Jon na Pilip na Bartolomiu.
25242	LUK 6:27	Na Jisas i ria or vene: “Aveto tho ria thomu areko o nongpol lek riong. Aro omu sagu lomu ngarangre. Naro thomu o oma vothung sivenga nge areko oni silal thomu.
25291	LUK 7:27	Na Jon ini toko aton ru nomenga God ile erere i ri nge vene: ‘God i ri vene: Aro tho pake lek pakeke mo i mukal tel nge wong. Naro i monsi nge lom sovengalo.’
25324	LUK 8:10	Ma i ria or ve, “Na God i ri ve, i sivenga ako aro tho panine lomumu nge riong ako i ngo kine, nge a God ile menong e nepes, aveto tho panine toko na sengre olemi avele, mako tho ria or, nge riong ako i ngo kine, nge riong agelalnga inga mo aro Aisaia ile riong aro i velpol nunganga na ile riong i vene: ‘Aro o nak theu theaing, aveto aro o thepol senu i avele. Naro o ta senu otelnga, aveto aro olemi mire nge mirenga avele.’”
25325	LUK 8:11	Ma Jisas i ria ve, “Riong agelalnga aken mirenga i vene: Ine wit monnga ake i paateal ako ini a God ile riong.
25523	LUK 11:49	Mako God ile lemi rumong sivenga i ri vene: ‘Aro tho pake lek riong elngare tomo nge lek pakekere, a Israelre nge, mo o panongpol or nge lek riong, aveto aro o nongal or avele, mako aro o pun rin pelie na o pakerenga pelie.’
25777	LUK 18:20	Na lomum mire nge patorong alavusnga lale, ako ve: Thomu peangere o mothong tova o ngo tomo nge areko or ini ewomu avele. Na o mothong tova o so rin polpol toko. Na o mothong tova o kem. Na thomu o mothong tova lomu apaltet tova ve toko e i mit nge riong. Naro o papomnga titomomuere na ninomuere, naro o panes inga ole riong.”
25846	LUK 19:46	Ma i ria or ve, “Nge a God ile erere i ri vene: ‘Lek Lotuonga a Vel aro ini nongonga a vel.’ Aveto thomu oma i ranga ve ini toko kemongare ole pen.”
25865	LUK 20:17	Aveto Jisas i the a or nge, na i ria or ve, “Ta, thomu o ria tho nge riong ake mirenga ako o wat i a God ile erere nge ako i ri vene: “‘Um ako vel aringare o rivenga i kerenga ma o siv lelpot i, ake kene i velpol ini um a urvet ako i paengeng vel ranga ve ini wovek sapatanga.’
25870	LUK 20:22	Na lemem ninong i vene: Na nge ler patorong, i vengveng ako aro te ul takis a nepes a Sisar nge, eve avele?”
25881	LUK 20:33	Na lemem ninong i vene: Panen nge los wereraing, seng aken aro ini ol i kathnga iewo, eneke toko or alalimaipot o ewoa i?”
25885	LUK 20:37	Na tenesing nge a Moses i pathengal it nge areko o rin, ako aro o los werera mun. Na nge tenesing ako e won pok a vutvutnga ako won sesenga i apola nge, God i ria Moses vene: ‘Ponange tho ini a God ako ini a Abraham ile, na Aisak ile na Jekop ile.’
25890	LUK 20:42	Eneke Devit isivenga i watu riong ake a Buk Song nge, ma i ri vene: “‘God i ria ok Pomnga ve: “Ong meno a lok seik me, a menik sivenga nge anga,
25944	LUK 22:11	Mo o ria vel tokoninga ve, ‘Ler pamirealinga i nin ve: Wop kathnga ako aro them e lek wainlangaere, them an Punseleainga a Aning nge?’
26199	JHN 3:10	Ma Jisas i olal ile riong vene: “Ong ake ini Israelre ole pamirealinga e, na i vova ake lomum mire nge ur ake avele, e?
26208	JHN 3:19	Na paomelaling tepun kene i vene: Pen lalanga i esu a ulue me lale, aveto tokokoere o sis mideng na oni plong nge pen lalanga, eneke ole vothung i kerenga.
26259	JHN 4:34	Lama Jisas i ria or nge ve, “Ok aning kene i vene: Aro tho panes inga God ilemi ako i pakeu tho me, naro tho pavus ile omaing elonga ako i sungu i a tho nge.
26262	JHN 4:37	Na riong ake i nunganga na i vene: ‘Toko omole i o aning a ometa, na toko relnga e i lel i.’
26419	JHN 7:22	Na nomenga Moses i sung riong a thomu nge vene: Aro ve o pop tutumuere, na aro ve oa nang or limme lamo o is ole, aveto i patea nge a Moses avele, i patea vet ako nge titovumuere, na aro ve nang aken i vengtun nge nang rialonga, aro vava? Thomu o is ole nge nang rialonga.
26467	JHN 8:17	Na lomu patorong i ri vene: ‘Aro ve toko or aini o teltun toko ia na o ripot nge riong omole inga, aken kene ole riong aken i nunganga.’
26534	JHN 9:25	Na toko aken i olal ole riong ve, “Na eve ini toko ako ile vothung kerenga, eve avele, lemik mire nge avele. Ur omole inga ako lemik mire nge kene i vene: Nomenga thekik pros, aveto ponange tho thepolpot ol.”
26663	JHN 12:14	Lama Jisas i thopolo donki aponga ma i mena nge, ako ranga ve God ile erere i ritet nge nomenga na i ri vene:
26687	JHN 12:38	Mako ur ako God ile riong elnga a Aisaia i ri nge, i velpol nunganga. Ma Aisaia i ri vene: “Toko Pomnga, tho thopol toko e avele ako ilemio nge lemem panongpolong. Na ong pathengal lom engenging a or nge, ave olemio nge avele.”
26733	JHN 13:34	“Na ponange tho tor lomu nge vothung ponganga: Ako aro omu sagu pel ranga ve ako ok sagu thomu.
26780	JHN 15:12	Na lek riong engenga i vene: Thomu omole omole omu sagu pel ranga ve ako ok sagu thomu.
26781	JHN 15:13	Na asaguong ako i aolonga nge asaguong alavusnga i vene: Aro ve toko e i sungpot ile mimiong nge ithangangaere oopoalnga.
26793	JHN 15:25	Aveto ole vothung aken kene i panunganga riong ako nomenga i voth nge ole patorong, kene i ri vene: ‘Tokokoere oni silal polpol tho, na tepun e avele.’
26968	JHN 21:1	Lamako Jisas i velpoltun mun ile wainlangaere a thei a pamonlel a Galili ako iion aininga a Taiberias. Na ile velpoling i vene:
27005	ACT 1:13	Ma o eso a rem pomnga na o esa a vel lemi ronganga ako ini ole vothinga. Ma oionre vene: Pita, Jon na Jems na Andru na Pilip ome a Tomas na Bartolomiu na Matiu na Jems ako ini a Alpius itun na Saimon ako i voth tomo nge toko avlung ako o apet i ve ini Selot, na Judas ako ini a Jems itun.
27012	ACT 1:20	Lama Pita i ria mun ve, “Riong ako i voth a God ile erere ako ini a Buk Song, i vene: ‘Aro ile vel aro i ngo polpol ol inga, naro toko e avele ol aro i voth nge.’ Na ‘Aro toko relnga i tepolal ol i nge ile omaing aken.’ Na erere i ri venen aken.
27035	ACT 2:17	“‘God i ri vene: Toth nge nang patopalalnga aro tho paru Onik Riringa a toko na sengre nge. Mo aro tutumuere o ripot lek riong. Na lomu kulpopoere aro o thopol pathengaling rel relnga. Na lomu toloklokere aro o thopol oni theongre.
27087	ACT 3:22	Eneke Moses i ri nge i vene: ‘God ako ini omu Pomnga aro i pake ile riong elnga ranga ve ako i pake tho naro ini lomunga e. Mo thomu o nongal ile riong evelelnga.’ Na Moses i ria mun ve,
27115	ACT 4:24	Ma o nongpol i ma vus. Ma or alavusnga olemi omoletet na o nong a God nge vene: “Toko Pomnga, wong oma sepsa na ulue na rua na ur alavusnga ako ru o voth nge.
27191	ACT 7:6	Na God i ria i vene: ‘Naro titovumre aro o men ranga ve ini loomere a rem gatngare oa ulue. Aro o velpol ini toko omaingare. Naro tokokoe areken aro o oma vothung kerenga a or nge i pavurvur nge tovu po or 400.
27227	ACT 7:42	Taro ake God ikime lelalpot or. Mako o lotual ol sivemitre ako ro a sepsa, na i ranga ve ako God ile riong elnga nomengangare ole erere i ri nge ako i ri vene: “‘Thomu Israelre, nomenga thomu o voth a pen polpolnga nge, i pavurvur nge tovu po or mule pa penel. Ma thomu o so rin rin mekeremre. Ma thomu o oma lomu sungong nge. Aveto thomu o oma sungong areken a tho nge avele.
27277	ACT 8:32	Lamako Pilip i roa. Na erere epee aken Itiopia anga i tital i, i vene: “O ti toko aken la, ranga ve ini sipsip ako aro o so rin i, ma toko aken i pesa iwo avele ranga ve ini sipsip itun ako o soro ini thoing. Nako i mit poreng inga.
27358	ACT 10:30	Ma Kornilius i ri ve, “Ur e ako i velpol a tho nge, nge nang or me ako i vus lale, kene i vene: Tho voth a lek vel, ma tho nong nge ako nang meta i el or me. Na a ur e avele nako toko e i mitu a thekik lemi. Ma ia neong i tolilis.
27463	ACT 13:32	“Na them panongpol thomu nge Panongpolong Sivenga vene: Ur ake kene nomenga God i kin ile riong ve aro i sungu i a titevirre nge.
27471	ACT 13:40	Vene na thomu o nakalal thomu, eneke ur areko ine God ile riong elnga nomengangare o ri nge, aro vene mo i velpol a thomu nge. Na o ri vene:
27526	ACT 15:15	Na God ile riong elnga nomengangare ole riong i vene mun inga aken. Ma o wat vene:
27530	ACT 15:19	Lama Jems i ri mun ve, “Vene na lemik kene i vene: Te mothong tova te sungu matheong ako nge a Moses ile patorong panesnga nge tokokoe areko or ini Judare avele, nge areko o eksing olemi a God nge.
27534	ACT 15:23	Ma ine pakekere na mukalingare o wat malueng ma o sungu i a or nge mo o el i a Antiok la. Ma ole malueng i ri vene: Them pakekere na mukalingare, them ini titeumuere. Them wat malueng ake a thomu nge ini tokokoe areko or ini Judare avele ako ini toko lemioongare ako o voth a Antiok na Siria na Silisia. Them ri ve rulpo titeikre,
27539	ACT 15:28	God Ioni Riringa na them, lemimem omole ma them ri vene: I pavurvur aro them sungu ol matheong mun e avele a thomu nge. Ave aro thomu o panes inga patorong areke:
27569	ACT 16:17	Ma seng aken i panes a Pol tomo nge them. Ma i presa vene: “Ine tokokoe areke ini a God ako i pomnga rintet ile omaingare. Ma o panongpol thomu nge a God ile so ako aro i el werer it nge.”
27827	ACT 23:25	Na punongare oa pomnga i wat malueng ako ve:
27892	ACT 26:1	Mako Agripa i ria Pol ve, “Sivengom vengveng aro ong ripot lom riong.” Ma Pol i watha imeni ma i patea ile lelong vene:
27987	ACT 28:20	Na tepun ako tho leng thomu me kene i vene: Tho sis ve aro tho thopol thomu na tho ri tomo nge thomu. Na tho voth a mang a midenga, eneke lek lemioong i engeng nge ur ako it Israelre te men tetal nge.”
28006	ROM 1:8	Tho sis ve aro tho ri tel a thomu nge vene: Nge a Jisas Krais tho ri sivengaing a lek God nge, nge thomu alavusnga, eneke lomu lemioong i kima a pen elonga ake ru a ulue.
28015	ROM 1:17	Na lek riong aken i mirenga ve, nge Panongpolong Sivenga aken God i pathengal it nge sovengalo ako aro tokokoere o velpol ini toko vengvenga a itheki, ako nge ole lemioong inga. Na evelelnga God i oma venen aken, aro ve toko e ilemio nge a God ile riong, God aro i apet i ve ini toko vengvenga. Na i ranga ve ako ile erere i ri nge ako i ri vene: “God aro i apet toko ini toko vengvenga nge ile lemioong inga, maken aro i el mimiong sivenga.”
28054	ROM 2:24	Na lomu vothung aken i ranga ve ako God ile erere i ri nge ako i ri vene: “Areko or ini Judare avele o ri tangatun nge a God, eneke o thopol thomu Judare lomu vothung ako i kerenga.”
28061	ROM 3:2	O, na o mukal na ole opoaling pulua i voth. Tho ri tel vene a mukaling: God i sung isivenga ile riong nunganga a or nge, mo aro o watu i mo o theal senu i.
28063	ROM 3:4	Avele ako. Aveto aro ve toko alavusnga ake ru a ulue o velpol ini toko le apaltetonga, God kene aro i panes vengveng ile riong nunganga aken. Na i ranga ve ini a God ile erere ako i ri nge ve: “Toko alavusnga aro olemi mire ako, God, lom riong i vengveng rintet, na aro ve o pamit ong nge riong, aro lom mong riong aken.”
28081	ROM 3:22	Na sovengalo aken i vene: Tokokoere o velpol ini toko vengvengare a God itheki nge ole lemioong inga nge a Jisas Krais. Na toko alavusnga ako olemio nge a Krais aro o velpol ini toko vengvengare venen aken, eneke toko alavusnga o vur e pel inga a God itheki,
28093	ROM 4:3	eneke God ile erere i ri vava? I ri vene: “Abraham ilemio nge a God ile riong, mako God i apet i ve ini toko vengvenga a itheki.”
28096	ROM 4:6	Na i ranga ve nepes a Devit mun i ri nge, ako i ri nge areko olemi sivenga rintet, eneke God ilemi rum nge ole vothung avele, na i apet or ini toko vengvengare a itheki. Na i ri vene:
28180	ROM 7:21	Maken tho thopol vothung ake i voth a lemik ma i paketun tho vene ake: Aro ve tho sis ve aro tho oma vothung sivenga e, vothung kerenga i voth mun a lemik.
28184	ROM 7:25	Tho ri sivengaing a God nge ako i pavthopot it nge matheong aken, ako nge ar Pomnga a Jisas Krais ile omaing! Maken tho voth vene: Na nge sivengek lek lemi rumong, tho sis ve aro tho panes a God ile torong, aveto vothung kerenga a torong rongan i voth mun a lemik ako nge lek mimiong nomenganga, ma rongan tho panes i.
28240	ROM 9:17	Na aken i nunganga, eneke God ile erere i ri nge ile riong ako i sungu i a Isip angare ole nepes a Pero nge, ako i ri ve, “Tepun or aini i voth ako tho papompom vengveng ong nge, na i vene: Aro tho pathengal lek engenging a tokokoere nge, nge ako tho sung paomelaling a ong nge. Na e mun e, aro iok i kima a pen elonga ake ru a ulue.”
28248	ROM 9:25	Na i ranga ve ako God ile riong elnga a Hosea i ri nge, ako i ri vene: “Areko or ini lek tokokoere avele nomenga, aro tho apet ol or ini ‘Lek tokokoere.’ Na areko ok sagu or nomenga avele, aro tho apet ol or ini ‘Areko ok sagu or.’”
28250	ROM 9:27	Na i venen aken nge tokokoe areko or ini Judare avele, aveto God ile riong elnga a Aisaia ri engeng nge Israelre vene: “Na aro ve Israelre oa titaling i velpol ranga ve ini rua a wonwon a titaling, God kene aro i pamimi inga or posalngati.
28256	ROM 9:33	Na i ranga ve ako God ile erere i ri nge ako i ri vene: “Nongpol! Aro tho pamenu toko ako a tete a Saion ako a Jerusalem, na i ranga ve ini um ako tokokoere oeve tup nge na o matu nge. Aveto areko olemio nge i, aro o el le maraing nge i avele.”
28261	ROM 10:5	Na i venen aken, eneke Moses i ritet nge patorong panesnga a sovengalo, ako aro God i apet toko ve ini toko vengvenga nge, na i ri vene: “Toko e ako i avsa a Moses ile patorong e avele, aro i el mimiong ako aro ile vusonga avele ako nge ile vothung aken.”
28262	ROM 10:6	Na aken i klipalaltun, aveto aro ve God i apet it ini toko vengvenga ako nge ler lemioong inga, aken i semel na te nutuno nge riong ako i voth a God ile erere nge, ako i ri vene: “Mothong tova lomum ve, ‘E avele i pavurvur ako aro i esa roro a Pen a Urvet.’” (Aken i mirenga ve, i oma venen aken mo i elu a Krais nge me.) Na God ile erere i ri mun ve,
28264	ROM 10:8	Na mothong tova lomum venen aken, eneke Krais ile riong i voth mela venen aken avele, aveto God ile riong i ri vene: “God ile riong i semel nge elnga. I pavurvur ako aro ong ri nge na i pavurvur ako aro lomum rum nge.” Riong ako i ri ve, “God ile riong” i ri nge ile riong ako i ritet nge lemioong a sovengalo. Na riong aken ini ur ako them panongpol nge.
28265	ROM 10:9	Na lemem panongpolong i vene: Aro ve ong ri patpot ve, “Jisas ini Toko Pomnga” na aro ve lomumo ako a opom lemi ve, God i palos werera i nge rinong, na nge aken God aro i pamimi ong.
28267	ROM 10:11	Na i ranga ve ako God ile erere i ri nge ako i ri vene: “Neneanga kathnga ako ve, ilemio nge i, aro i el le maraing nge i avele.”
28269	ROM 10:13	Na riong aken i nunganga, eneke God ile erere i ri vene: “Toko na seng alavusnga ako o avav a Toko Pomnga mo i pamimi or, aro i oma venen aken a or nge.”
28271	ROM 10:15	Na aro ve o pake panongpolonga e a or nge avele, aro i panongpol or nge i vava, e? Na i ranga ve ako God ile erere i ri nge ako i ri vene: “Panongpolong Sivenga panongpolngare ole velpoling a tokokoere nge kene i sivenga rintet.”
28272	ROM 10:16	Na Panongpolong Sivenga nge a Jisas i velpol a Israelre nge, aveto pelie a or nge kene o nongal nge avele. Na i ranga ve ako God ile riong elnga a Aisaia i ri nge ako i ri vene: “Toko Pomnga, them panongpol nge lom riong, aveto anga e i nongal nge?”
28274	ROM 10:18	Na toko Israel alavusnga o nongal nge panongpolong aken avele. Na i vava, e? O nongpol i avele, e? Avele, o nongpol i lale, eneke God ile erere i ri vene: “Tokokoere a pen elonga ake ru a ulue o nongpol okei lale. Na ole riongre i velpol a rumrem elonga ake ru a ulue lale.”