76	GEN 3:20	Iningedanan i Adam (kelebadan niyan, otaw) se esawa din ki Eva (kelebadan niyan, pegkeotaw), so sikandin se neinang inay te kedita te otaw.
81	GEN 4:1	Nayan, migpeleyokay si Adam aw esawa din, aw miglaman si Eva. Pegtebaw te batà din, minikagi si Eva, “Pineokit te tabang te Timanem, doen den batà ko meama.” Iningedanan din se batà din ki Cain (kelebadan niyan, doen den).
105	GEN 4:25	Nayan, penga te pegkematay i Abel, migpeleyokay si Adam aw esawa din, aw doen batà meama timebaw diyà ki Eva. Iningedanan din se batà din ki Set (kelebadan niyan, imbegay), so minikagi sikandin, “Binegayan a te Timanem te sebad batà inselilin ki Abel, so inimetayan sikandin i Cain.”
135	GEN 5:29	Iningedanan din se batà din ki Noe (kelebadan niyan, peg-etod), so minikagi sikandin, “Seini se otaw megpeetod kenitadon lekat te kelimahan te terbaho tadon dini te tanà seini ininang te Timanem medaet.”
224	GEN 9:18	Se menge batà i Noe timenà lekat te arka, yan si Sem, si Ham (amay i Canaan), aw si Japet.
233	GEN 9:27	Inangen te Timanem medita se menge bowad-bowad i Japet (kelebadan niyan, pegkedita). Ipeogpà dan te Timanem doma te menge bowad-bowad i Sem. Meneng meinang se menge bowad-bowad i Canaan allang te menge bowad-bowad i Japet.”
260	GEN 10:25	Dowa se batà i Eber. Iningedanan se kakay ki Peleg (kelebadan niyan, netani), so pegtebaw din, netani-tani se kedita te otaw dini lanto te tanà. Iningedanan se adi din ki Joctan.
276	GEN 11:9	Iningedanan se lonsod sìyan Babel (kelebadan niyan, migkebulung), so ininang te Timanem medita kemolò se kagi te otaw kidoen, aw lekat kidoen binilit-bilit te Timanem se kedita dan doton te kebelad te keneyonan.
326	GEN 13:7	Yan se doun te migbolaw se menge telediyaga i Abram aw menge telediyaga i Lot. (Doen heman menge tege Canaan aw tege Perisi mig-ogpà pa kidoen.)
329	GEN 13:10	Migpeatap-atap si Lot, aw kinità din te mèpiya se kebelad te tanà medapag te wayeg te Jordan taman te lonsod te Soar, so dakel se wayeg kidoen iling te kekeyowan intanem te Timanem, aw iling te Ehipto. (Neinang iyan te wedà pa bàti te Timanem se lonsod te Sodoma aw Gomora kidoen medapag te wayeg te Jordan.)
344	GEN 14:7	Penga niyan, limikò dan doton te lonsod te Cades (Enmispat se doma ngadan niyan). Dinaeg dan heman se kedita te otaw mig-ogpà doton te tanà te menge Amalek, aw dinaeg dan se menge Amori mig-ogpà doton te Hasason Tamar.
354	GEN 14:17	Peg-olì i Abram lekat te pegdaeg din ki Cadorlahomor aw menge doma selotan, simongon se selotan te Sodoma kandin doton te Baog te Sabec (iningedanan heman iyan Baog te Selotan).
396	GEN 16:14	Yan se doun te iningedanan se selep sìyan Beer Lahai Roi (kelebadan niyan, selep te Timanem doen pedowan egpengità kanak). Kidoen pa songkani se selep sìyan doton te tengà-tengà te lonsod te Cades aw Bered.
397	GEN 16:15	Doen batà meama timebaw diyà ki Agar aw si Abram. Iningedanan sikandin i Abram ki Ismael (kelebadan niyan, egpenenalan se Timanem).
403	GEN 17:5	Lekat seini, eked ka den ingedani ki Abram (kelebadan niyan, melangkaw amay), meneng ingedanan ka den ki Abraham (kelebadan niyan, amay te medita pongan), so inangen ko sikona kemonaan te medita pongan.
413	GEN 17:15	Minikagi se Timanem diyà ki Abraham, “Lekat seini, eked den kepakay aw si Sarai se ngadan te esawa nikaw. Keilangan ingedanan no sikandin ki Sara (kelebadan niyan, batà bayi te selotan).
417	GEN 17:19	Meneng minikagi se Timanem, “Esawa no si Sara se tebawan te batà no meama, aw ingedanan no se batà no sìyan ki Isaac (kelebadan niyan, nebebayat). Sikandin aw menge bowad-bowad din se ketomanan te pakang ko te wedad temanan.
480	GEN 19:22	Meneng kegaen kaw den kadas, so wedad meinang ko singed aw domateng kaw doton.” Iningedanan se lonsod sìyan Soar (kelebadan niyan, deitek), so minikagi si Lot te deitek iyan.
495	GEN 19:37	Doen batà meama timebaw diyà te kakay, aw iningedanan din ki Moab (kelebadan niyan, lekat te amay). Neinang sikandin kemonaan te kedita te otaw diyà te pongan te Moab songkani.
496	GEN 19:38	Doen heman batà meama timebaw diyà te adi, aw iningedanan din ki Ben-ami (kelebadan niyan, batà te kemonaan). Neinang sikandin kemonaan te kedita te otaw diyà te pongan te Amoni songkani.
517	GEN 21:3	Iningedanan i Abraham se batà din ki Isaac (kelebadan niyan, nebebayat).
545	GEN 21:31	Yan se doun te iningedanan se ogpeanan sìyan Berseba (kelebadan niyan, sokian te pakang), so migpepekangay dan kidoen.
571	GEN 22:23	(Si Betuel se amay i Rebecca.) Yan se ngadan te walo batà i Nahor timebaw diyà ki Melca nayi i Abraham.
684	GEN 25:25	Melalag se tagnà timebaw, aw bolbolen se lawa din, aw yan iningedanan dan sikandin ki Esau (kelebadan niyan, bolbolen).
685	GEN 25:26	Pegtebaw te adi din, minawid sikandin te palo te kakay din, aw yan iningedanan dan sikandin ki Jacob (kelebadan niyan, nengawid te palo, aw doen heman kelebadan niyan, eg-akal). Keneman se omay i Isaac te pegtebaw te didowa dan.
689	GEN 25:30	Minikagi sikandin diyà ki Jacob, “Begayi a den te melalag sabaw sìyan, so ontò a binallos.” (Yan se doun te doen doma ngadan i Esau si Edom, kelebadan niyan, melalag.)
713	GEN 26:20	Meneng migpedindilay se menge telediyaga tege Gerara aw menge telediyaga i Isaac, aw minikagi se menge tege Gerara, “Kenami se wayeg sìyan.” Yan se doun te iningedanan i Isaac se sokian sìyan Esek (kelebadan niyan, dindil), so migpedindilay dan kidoen.
714	GEN 26:21	Penga niyan, nemangbang heman se menge sineligan din te doma sokian. Meneng migbolaw heman se tege Gerara tepad kenyan, aw yan iningedanan din se sokian sìyan Sitna (kelebadan niyan, keopal).
715	GEN 26:22	Minalin sikandin lekat kidoen, aw migpebangbang sikandin te sokian doton. Wedad migbolaw tepad kenyan, aw yan iningedanan din iyan Rehobut (kelebadan niyan, keombaan), so minikagi sikandin, “Doen den keombaan imbegay te Timanem diyà kenitadon, aw mèpiya den se peg-ogpà tadon dini.”
726	GEN 26:33	Iningedanan i Isaac se sokian sìyan Seba, aw lamig songkani iningedanan se lonsod kidoen Berseba (kelebadan niyan, sokian te pakang).
764	GEN 27:36	Minikagi si Esau, “Neketepad se ngadan din si Jacob (kelebadan niyan, eg-akal), so mekedowa den sikandin peg-akal diyà kanak. Kedengan nengagaw sikandin te ontong kinewaen te penganay batà no aw matay ka, aw nengagaw den heman sikandin te mèpiya ibegay peden te Timanem diyà kanak. Doen lay peden mèpiya wedà no pa pemoyoi ibegay te Timanem diyà kandin?”
793	GEN 28:19	Iningedanan din se tanà sìyan Betel (kelebadan niyan, balay te Timanem). Meneng iningedanan Luz se lonsod kidoen kedengan.
828	GEN 29:32	Miglaman si Lea aw tinebawan sikandin te batà meama. Iningedanan din se batà din ki Ruben (kelebadan niyan, kinità se kelimahan), so minikagi sikandin, “Kinità te Timanem se kelimahan ko. Kedekelan a den besi te esawa ko te pedowan.”
829	GEN 29:33	Todà sikandin miglaman, aw tinebawan heman sikandin te batà meama. Minikagi sikandin, “Binegayan a heman te Timanem te batà seini, so dinineg din te deitek se pedowan te esawa ko diyà kanak.” Yan iningedanan din se batà din ki Simeon (kelebadan niyan, egdineg).
830	GEN 29:34	Todà miglaman si Lea, aw tinebawan heman sikandin te batà meama. Penga niyan, minikagi sikandin, “Kedekelan a den besi te pedowan te esawa ko, so tinebawan a den te telo batà din meama.” Yan iningedanan din se batà din ki Levi (kelebadan niyan, kedekelan).
831	GEN 29:35	Todà miglaman si Lea, aw tinebawan heman sikandin te batà meama. Penga niyan, minikagi sikandin, “Iduyun ko den se Timanem.” Yan iningedanan din se batà din ki Juda (kelebadan niyan, pegduyun). Penga niyan, wedà den sikandin todà pegbatà.
837	GEN 30:6	Penga niyan, minikagi si Raquel, “Impelangkaw a den te Timanem. Nenenalan sikandin te pinemoyò ko, aw binegayan a din te batà meama.” Yan se doun te iningedanan din se batà din ki Dan (kelebadan niyan, impelangkaw).
839	GEN 30:8	Minikagi si Raquel, “Kedengan dinaeg a te kakay ko, meneng songkani dinaeg ko heman sikandin.” Yan iningedanan din se batà din ki Neftali (kelebadan niyan, bolaw).
842	GEN 30:11	Minikagi si Lea, “Neidowan a te Timanem!” Yan iningedanan din se batà din ki Gad (kelebadan niyan, neidowan).
844	GEN 30:13	Minikagi si Lea, “Ontò neluba se pedowan ko! Mikagi se menge doma bayi te ontò a neluba.” Yan iningedanan din se batà din ki Aser (kelebadan niyan, keluba).
849	GEN 30:18	Minikagi si Lea, “Mèpiya se ontong imbegay te Timanem diyà kanak, so imbegay ko se allang ko diyà ki Jacob.” Yan iningedanan din se batà din ki Isacar (kelebadan niyan, ontong).
851	GEN 30:20	Minikagi si Lea, “Ontò meelagà se imbegay te Timanem diyà kanak. Na, segmanen a den besi te esawa ko, so enem den se batà din meama timebaw diyà kanak.” Yan iningedanan din se batà din ki Sabulon (kelebadan niyan, sagman).
855	GEN 30:24	Iningedanan i Raquel se batà din ki Jose (kelebadan niyan, dogangan), so minikagi sikandin, “Ibeg ko begayan a pa te Timanem te doma batà meama.”
921	GEN 31:47	Iningedanan iyan i Laban Jegar Sahaduta diyà te kagi te Aramea (kelebadan niyan, peg-imon te kekitaan), aw iningedanan iyan i Jacob Galeed diyà te kagi te Hebreo (onawa se kelebadan niyan).
923	GEN 31:49	Iningedanan heman iyan Mispa (kelebadan niyan, benteyanan), so minikagi heman si Laban diyà ki Jacob, “Penga te pegsoway ta kwani, Timanem se megbantay diyà te tengà-tengà ta amon eked ki pegbolaw.
931	GEN 32:3	Pegkità din kandan, minikagi sikandin, “Seini se eg-ogpaan te Timanem.” Yan iningedanan iyan Mahanaim (kelebadan niyan, dowa ogpeanan).
957	GEN 32:29	Minikagi se otaw sìyan, “Lekat seini, eked ka den ingedani ki Jacob, meneng ingedanan ka beling ki Israel (kelebadan niyan, minato diyà te Timanem). So migpeliyangay ka aw Timanem, domaeg ka heman te menge otaw.”
959	GEN 32:31	Iningedanan i Jacob se tanà sìyan Peniel (kelebadan niyan, bawa te Timanem), so minikagi sikandin, “Kinità ko den se bawa te Timanem, meneng wedà a kedì kematay.”
978	GEN 33:17	Meneng dimeleg beling si Jacob doton te Sucot, aw mig-inang sikandin te menge layag ogpaan dan aw menge kelokob te ayam-ayam. Doun niyan, iningedanan se lonsod sìyan Sucot (kelebadan niyan, menge kelokob).
981	GEN 33:20	Mig-inang si Jacob te sonoganan te ayam-ayam ibegay diyà te Timanem, aw iningedanan din iyan El Elohe Israel (kelebadan niyan, magsen se Timanem egseligan i Israel).
1018	GEN 35:6	Dimoton si Jacob te Luz (doma ngadan niyan Betel) kidoen te Canaan sipat te kedita te doma otaw timaking kandin.
1022	GEN 35:10	Minikagi se Timanem, “Iningedanan ka ki Jacob, meneng lekat seini, eked ka den ingedani ki Jacob, so ingedanan ka den beling ki Israel.” Yan iningedanan te Timanem sikandin ki Israel (kelebadan niyan, minato diyà te Timanem).
1027	GEN 35:15	Iningedanan din se tanà sìyan Betel (kelebadan niyan, balay te Timanem).
1030	GEN 35:18	Penga niyan, nebogtò se pedowan din aw nematay sikandin. Te wedà pa sikandin kematay, iningedanan din se batà din ki Ben-oni (kelebadan niyan, batà te kelimahan). Meneng iningedanan sikandin i Jacob ki Benjamin (kelebadan niyan, batà melangkaw).
1031	GEN 35:19	Pegkematay i Raquel, inlebeng dan se lawa din medapag te dalan pesalo doton te lonsod te Efrata. (Se lonsod te Efrata, yan se iningedanan Bitlihim songkani.)
1072	GEN 36:31	Seini se ngadan te menge selotan migpetibos-tibosay te peglowan dan doton te Edumea te wedad pa selotan limowan diyà te menge bowad-bowad i Israel. Si Bela batà i Beor tege Dinhaba. Si Jobab batà i Sera tege Bosra. Si Husan tege Teman. Si Hadad batà i Bedad tege Abit. (Si Bedad se nekedaeg te menge tege Midian doton te tanà te Moab.) Si Samla tege Masreca. Si Saul tege Rehobot te Yofritis. Si Baal Hanan batà i Acbor. Si Hadad tege Pau. (Se esawa din, yan si Mehetabel batà bayi i Matred aw apò i Mesahab.)
1084	GEN 36:43	si Magdiel, aw si Iram. Yan se menge datò te tegsebad-sebad ogpeanan kidoen te Edumea. Si Edom (doma ngadan din si Esau) se kemonaan te kedita te tege Edumea.
1149	GEN 38:29	Meneng linenek te batà se belad din. Kedowa din beling se tagnà timebaw, aw yan minikagi se menegemunay, “Magsen ka limowà.” Yan iningedanan sikandin ki Pares (kelebadan niyan, magsen limowà).
1150	GEN 38:30	Penga niyan, timebaw se kedowa din binagkes se lelengoan te sinolib melalag. Iningedanan sikandin ki Seras (kelebadan niyan, ontò melalag).
1247	GEN 41:51	Iningedanan din se kakay ki Manases (kelebadan niyan, nelibelan), so minikagi si Jose, “Tinebangan a te Timanem aw yan nelibelan ko den se kedakel te kelimahan ko aw tepad te dela ko te amay aw menge gaked ko.”
1248	GEN 41:52	Iningedanan din se adi ki Efraim (kelebadan niyan, migmengisù), so minikagi si Jose, “Tinebangan a te Timanem aw yan migmengisù a den dini te tanà te kelimahan ko.”
1399	GEN 46:12	Si Juda aw menge batà din meama si Selas, si Peres, aw si Seras. (Nematay doton te Canaan se doma batà i Juda si Er aw si Onan.) Doen batà meama i Peres si Hesron aw si Hamul.
1448	GEN 47:27	Mig-ogpà se menge bowad-bowad i Jacob (doma ngadan din si Israel) kidoen te Gosen doton te Ehipto, aw yan neinang dakel se kedònan dan kidoen, aw ontò migkedita se mengisù dan.
1459	GEN 48:7	Keidowan ko se didowa batà no sìyan tandà te dakel se pedowan ko diyà te inay no si Raquel. Ontò nepuluk se pedowan ko te pegkematay din doton te Canaan medapag te Efrata te peg-olì ko lekat te Mesopotamya. Inlebeng ko se lawa din medapag te dalan pesalo te Efrata.” (Se lonsod te Efrata, yan se iningedanan Bitlihim songkani.)
1518	GEN 50:11	Pegkità te menge tege Canaan te peg-oloy dan doton te Atad, minikagi dan, “Ontò minoloy se menge tege Ehipto.” Yan se doun te iningedanan se ogpeanan sìyan Abel Misraim (kelebadan niyan, oloyanan te tege Ehipto). Yan se neinang doton dipag te Jordan.
23236	MAT 1:23	“Na, meglaman se laga aw tomebaw se batà meama ingedanan ki Emmanuel.” (Se kelebadan niyan, “Dini den se Timanem doma kenitadon.”)
24041	MAT 24:15	“Na, minikagi se telekeliwat te kagi te Timanem gebii si Daniel te doen domateng meg-inang te medaet doton te dakel simbahan te Jerusalem aw ontò mekelamit te otaw. (Keilangan kelebetan iyan te kedita te otaw megbasa te kagi din sìyan insolat.) Aw kitaen niyo iyan doton te dakel simbahan,
24374	MRK 3:17	aw didowa batà i Sebedeo si Santiago aw adi din si Juan. Yan se telekedowa iningedanan i Jesus ki Boanerges. (Se kelebadan niyan, “kenà telawun.”)
24474	MRK 5:41	Pinemàdan din se belad te batà, aw minikagi te kagi te Hebreo, “Talita kumi.” (Se kelebadan niyan, “Atà, enaw ka.”)
24566	MRK 7:34	Penga niyan, limengag sikandin doton te langit aw migpedo-pedo tandà te keido din, aw minikagi, “Efata.” (Se kelebadan niyan, “Keowang ka den.”)
24800	MRK 13:14	“Doen pa domateng meg-inang te medaet doton te dakel simbahan te Jerusalem, pengkey eked iyan kepakay, aw ontò mekelamit te otaw. (Keilangan kelebetan iyan te kedita te otaw megbasa te kagi din sìyan insolat.) Aw kitaen niyo iyan doton te dakel simbahan, keilangan komadas se kedita te otaw lekat te Judiya pesalo doton te bontod.
24917	MRK 15:22	Inibing te menge sondalo si Jesus doton te bontod iningedanan Golgota. (Se kelebadan niyan, “Tòlan te Olo.”)
26151	JHN 1:38	Pegbiling i Jesus, kinità din te timaking dan kandin, aw mig-insà, “Eden lay se pinengemahà niyo?” Timaba dan, “Rabi.” (Se kelebadan niyan, “Menenoladà.”) “Kenan ka lay peg-ogpà?”
26154	JHN 1:41	Pegketà nengemahà si Andres te kakay din si Simon, aw minikagi sikandin, “Kinità day se Misiyas.” (Se kedegdagan niyan, “Cristo.”)
26155	JHN 1:42	Impetaking din se kakay din doton ki Jesus. Pegkità i Jesus kandin, minikagi, “Sikona si Simon, batà i Juan. Meneng ingedanan ka ki Cefas.” (Onawa se kelebadan te ngadan Cefas aw Pedro, yan se kagi “Bato.”)
26516	JHN 9:7	Minikagi sikandin, “Doton ka te lanaw iningedanan Siloam, aw onawi se bawa no kidoen.” (Se kelebadan te Siloam, yan se kagi “impeibing.”) Penga niyan, dimoton se otaw bota aw migdàpog. Peg-olì din, kimità den.
26894	JHN 18:40	Migbelobansag dan, “Kenà otaw seini se ipelowà no, meneng ibeg day si Barabas.” (Na, si Barabas se megdedempasay.)
26952	JHN 20:16	Minikagi si Jesus, “Maria.” Yan siminalo si Maria diyà kandin aw minikagi te kagi te Hebreo, “Raboni.” (Se kelebadan niyan, “Menenoladà.”)
27011	ACT 1:19	Netegahan iyan te kedita te otaw dini te Jerusalem. Iningedanan se pawà sìyan Akeldama. Se kelebadan niyan, “Pawà te Dipanog.”)
27127	ACT 4:36	Doen sebad otaw tege Sipro, bowad-bowad i Levi, ngadan din si Jose. Iningedanan sikandin te menge sogounun i Cristo ki Bernabe. (Se kelebadan niyan, “Egpenabang.”)
28447	1CO 1:16	(Nekeaneng-aneng a den te binonyagan ko heman si Estepanos aw pamilya din. Wedad den doma neeneng-enengan ko.)
30773	REV 1:8	Eglowan se Pengolo tadon Timanem diyà te kedita, aw doen sikandin seini, aw gebii, aw modi heman aldaw. Yan se doun te minikagi sikandin, “Siaken se Alpa aw Omiga.” (Se kelebadan niyan, “Siaken se keteboan aw temanan te kedita.”)
30919	REV 9:11	Doen selotan te dolon nengibing kandan. Sikandin se anghil i Satanas aw pengolo te kedita dan kidoen te awang te tanà wedad temanan te kedalem. Ngadan din diyà te kagi te Hebreo si Abbadon. Ngadan din diyà te kagi te Griego si Apolyon. (Se kelebadan niyan, “Metibaet.”)