606	GEN 24:14	Mikagi a kwani diyà te sebad bayi, ‘Peinemi a bag diyà te tibod nikaw.’ Aw tomaba sikandin, ‘Inem ka, aw somalok a heman te wayeg inemen te menge kamilo nikaw,’ mèpiya aw sikandin se bayi pinemallì no pengognanen i Isaac. Aw meinang iyan, ketegahan ko te netoman den se pakang no diyà te amo ko.”
629	GEN 24:37	Impesapà a te amo ko te tomanen ko se impunù din kanak. Minikagi sikandin, ‘Keilangan eked no pemellii se bayi pengognanen te batà ko lekat te menge otaw eg-ogpà doton te Canaan.
631	GEN 24:39	“Penga niyan, mig-insà a kandin, ‘Megmeno a aw eked keibeg se bayi tomaking kanak aw molì a?’
632	GEN 24:40	“Timaba sikandin, ‘Doen anghil ipetaking kamno te Timanem gayed ko egtoloen, amon metoman se tod nikaw doton. Yan mekeabat ka te bayi pengognanen te batà ko doton te menge kedomaan ko, sìyan menge bowad-bowad te amay ko.
634	GEN 24:42	“Nayan, pegdateng ko gina seini doton te sokian, migtawal-tawal a, ‘E Timanem egseligan te amo ko si Abraham, aw mepakay diyà kamno, tomani bag se tod ko dini.
637	GEN 24:45	“Telobo a pa migtawal-tawal, dimateng si Rebecca neniang te tibod din. Dimoton sikandin te sokian aw simalok, aw minikagi a diyà kandin, ‘Atà, peinemi a bag.’
638	GEN 24:46	“Ayas din insawol se tibod tiniang din, aw minikagi sikandin, ‘Inem ka den, aw somalok a heman te wayeg inemen te menge kamilo nikaw.’ “Yan mininem a, aw impeinem din heman se menge kamilo ko.
639	GEN 24:47	Mig-insà a diyà kandin aw sinu se amay din, aw minikagi sikandin, ‘Si Betuel se amay ko. Si Nahor se amay din, aw si Melca se inay din.’ “Penga niyan, insawol ko se aritis diyà te idong din, aw didowa taklay diyà te bebenayen din.
735	GEN 27:7	Minikagi sikandin, ‘Pegdansal ka aw peg-elomo ka te pengelapen mèpiya se nanam amon kànen ko, aw penga niyan te eked a pa kematay, megtawal-tawal a amon mèpiya se ibegay te Timanem diyà kamno.’
882	GEN 31:8	Te kelikit te pegpakang te amay niyo diyà kanak, ‘Kedita te kambing boling se itandan ko diyà kamno,’ yan tomalag boling se timebaw. Aw te kelikit te pegpakang din diyà kanak, ‘Kedita te kambing beteken se itandan ko diyà kamno,’ yan tomalag beteken se timebaw.
885	GEN 31:11	Dalem te pegtegeinep ko, minikagi se anghil te Timanem diyà kanak, ‘E Jacob.’ Timaba a, ‘Seini a.’
886	GEN 31:12	Minikagi se anghil, ‘Tengtengi iyan. Beteken aw boling olò se kedita te kambing meama migbalag. Inangen ko medita se ayam-ayam nikaw, so kinità ko se kedita te medaet eg-inangen i Laban diyà kamno.
933	GEN 32:5	Migpunù si Jacob diyà kandan, “Keliwati niyo se kagi ko seini diyà te kakay ko si Esau egsegmanen ko. ‘Siaken se sineligan no si Jacob. Mig-ogpà a doton ki Tiyò Laban lamig te peg-olì ko seini.
947	GEN 32:19	keilangan tomaba ka diyà kandin, ‘Seini se menge ayam-ayam te sineligan no si Jacob. Impeibing din iyan amon ibowang diyà kamno. Doton pa sikandin te modi.’”
949	GEN 32:21	Keilangan mikagi kaw diyà kandin, ‘Doton pa te modi se sineligan no si Jacob.’” Yan se impunù din diyà kandan, so mig-aneng-aneng sikandin, “Pineokit te ibowang ko diyà kandin, megkèpiya se pedowan din diyà kanak. Yan aw megkità kay, pegwedaden din besi se salà ininang ko diyà kandin.”
1286	GEN 42:33	Meneng minikagi se gobirnador diyà kenami, ‘Seini se inangen ko amon ketegahan ko aw metinuud kaw. Sebad kenyo se kelebosowen pa dini, dalem te peg-olì te menge doma niyo amon mengibing te kànen doton te menge pamilya niyo nebitilan.
1298	GEN 43:7	Timaba dan, “Gayed sikandin mig-insà tepad kenitadon aw tepad te pamilya tadon. Mig-insà sikandin, ‘Wedà lay pa kematay se amay niyo? Doen lay pa doma kedowa niyo?’ Olò kay timaba te menge insà din. Wedà kay palos peg-aneng-aneng te tomogon sikandin te keilangan ibingen day doton se kedowa day.”
1329	GEN 44:4	Te wedà dan pa pekeipanaw te mediyò lekat te lonsod, minikagi si Jose diyà te sineligan din, “Ayas ka peg-alaw kandan. Aw mekesaeb ka kandan, peg-insà ka, ‘Nengà lay mig-inang kaw te medaet diyà te otaw mig-inang te mèpiya diyà kenyo?
1352	GEN 44:27	Penga niyan, minikagi se amay day diyà kenami, ‘Netegahan niyo,’ son din, ‘te olò dowa se batà ko timebaw diyà te esawa ko si Raquel.
1368	GEN 45:9	“Kegaen kaw den olì doton te amay tadon, aw peg-indan kaw kandin, ‘Seini se inikagi te batà no si Jose. Impelowan a den te Timanem dini te kebelad te Ehipto. Keilangan meg-ayas kaw dini kanak.
1456	GEN 48:4	Minikagi sikandin, ‘Medita se batà ibegay ko kamno amon meinang medita pongan se menge bowad-bowad nikaw. Ibegay ko se tanà dini te Canaan diyà te menge bowad-bowad nikaw amon tig-epoen dan ini te wedad temanan.’”
1472	GEN 48:20	Yan mèpiya se intawal-tawal din diyà te Timanem tepad kandan te aldaw sìyan te peg-ikagi din kani, “Kenyo ngadan se gemiten te menge bowad-bowad ko te peg-ikagi dan te mèpiya diyà te menge doma otaw, so mikagi dan, ‘Ibeg day, mèpiya se ibegay te Timanem kenyo, iling te ipegbegay din diyà ki Efraim aw si Manases.’” Pineokit kenyan, ininang i Jacob si Efraim labi pa melangkaw diyà ki Manases.
1512	GEN 50:5	‘Te wedà pa kematay se amay ko, migpakang a kandin te ilebeng ko se lawa din kidoen te lebenganan tapay din impetagad doton te Canaan. Yan aw mepakay diyà kamno, domoton a amon ilebeng ko, aw penga niyan molì a dini.’”
1524	GEN 50:17	migpunù sikandin te ikeliwat day diyà kamno se kagi din seini, ‘Pegwedadi bag se salà te menge kedowa no kedengan te peg-inang dan kamno te medaet.’ Yan, pegwedadi bag se salà ininang day menge sineligan te Timanem egpemenalen te amay tadon.” Pegdineg i Jose te kagi dan sìyan, migkelag sikandin.
23244	MAT 2:6	‘Sikiyo menge tege Bitlihim, pengkey nedengeg se menge doma lonsod doton te probinsya niyo te Judiya, meneng labi pa medengeg se lonsod niyo, so lekat kenyo se Pengolo lomowan diyà te menge bowad-bowad i Israel pinemallì ko.’”
23264	MAT 3:3	Si Juan se tinedoan te inikagi te telekeliwat te kagi te Timanem gebii si Isaias, “Dinegen niyo se otaw doton te kebigtilan aw dakel se kagi din, ‘Peketagad kaw te pegdateng te Pengolo. Peg-inang kaw te metòlid, so domateng sikandin.’”
23282	MAT 4:4	Meneng minikagi si Jesus, “Eked a, so doen kagi te Timanem insolat, ‘Kenà olò kànen se keilangan te otaw amon eked kematay, meneng keilangan kominawà se otaw te kedita te impunù te Timanem.’”
23284	MAT 4:6	Minikagi si Satanas, “Nayan, aw ontò ka Batà te Timanem, kahang ka. Eked ka elegi, so doen kagi te Timanem insolat, ‘Isogò te Timanem se menge anghil amon meg-ipat dan kamno.’ Doen heman kagi te Timanem insolat, ‘Ewidan ka te menge anghil, aw engaten ka dan amon eked ka kesongkol te bato.’”
23285	MAT 4:7	Meneng minikagi si Jesus, “Eked a, so doen heman kagi te Timanem insolat, ‘Ikà niyo egtandà te Pengolo niyo Timanem.’”
23288	MAT 4:10	Meneng minikagi si Jesus, “Satanas, kesayo ka. Eked a pegsimba kamno, so doen kagi te Timanem insolat, ‘Timanem se Pengolo niyo aw sikandin se keilangan simbahen niyo, so sikandin olò se mepakay tekingan niyo.’”
23325	MAT 5:22	Meneng mikagi a den diyà kenyo te pengkey olò meopal se otaw diyà te doma, ibingen sikandin doton te otaw eg-osay. Aw mikagi se otaw te medaet diyà te doma, ibingen sikandin doton te kelengkawan te oseyanan. Aw mikagi se otaw diyà te doma, ‘Book ka,’ ibingen sikandin doton te apoy te kilot.
23340	MAT 5:37	Aw keseligan se kagi niyo, botong aw olò kaw tomaba, ‘Ee,’ aw ‘Eked.’ Aw keilangan isogpat niyo se sapà diyà te kebenalan, medaet iyan, so lekat iyan ki Satanas.”
23360	MAT 6:9	Pegtawal-tawal kaw diyà te Timanem iling kani. ‘Amà kidoen te langit, ibeg day iduyun ka te kedita te otaw.
23407	MAT 7:22	Aw domateng se aldaw te peg-okom, medita se otaw mikagi diyà kanak, ‘Pengolo, peopi kay bag, so migkeliwat kay te kagi te Timanem tandà te pegtaking day kamno, aw migpelowà kay te bosaw lekat te otaw pineokit te ngadan nikaw, aw doen heman menge kepelahan ininang day pineokit te ngadan nikaw.’
23408	MAT 7:23	Meneng mikagi a diyà kandan, ‘Wedà a palos ketaga-taga kenyo. Kesayo kaw, kedita niyo eg-inang te medaet.’”
23461	MAT 9:13	Keilangan eneng-enengen niyo aw eden se kedegdagan te kagi te Timanem seini, ‘Pengkey measeb kaw egpemegay te bowang diyà kanak, meneng labi a pa meluba aw megpeidoway kaw.’ Insogò a dini kenà amon tewalen ko se otaw eg-aneng-aneng te metòlid se eg-inangen dan, meneng insogò a dini amon tewalen ko se otaw mekesesalà.”
23538	MAT 11:10	Sikandin se migtoladà tepad kanak, aw tinoman din se pakang seini tapay insolat kidoen te kagi te Timanem, ‘Na, doen otaw isogò ko megpetaga-taga te agpet ka den domateng, amon megpeketagad se kedita te otaw te pegdateng nikaw.’”
23545	MAT 11:17	‘Pengkey mig-edop kay te seluli amon somayaw kaw, meneng wedà kaw sayaw. Pengkey migdelangan kay tepad te pegkematay, meneng wedà kaw heman kelano.’
23565	MAT 12:7	Doen kagi te Timanem insolat, ‘Pengkey measeb kaw egpemegay te bowang diyà kanak, meneng labi a pa meluba aw megpeidoway kaw.’ Simpana mig-aneng-aneng kaw den aw eden se kedegdagan te kagi te Timanem sìyan, eked kaw sila te otaw wedà peg-inang te salà.
23602	MAT 12:44	mikagi sikandin, ‘Mèpiya pa aw lomikò a doton te otaw tapay ko eg-ogpaan.’ Lomikò se bosaw doton kandin, aw kitaen din se otaw tapay din inogpaan te mèpiya den, iling te balay melinis aw mèpiya pegkesawol.
23622	MAT 13:14	Pineokit kandan, netoman se inikagi te telekeliwat te kagi te Timanem gebii si Isaias, ‘Pengkey domineg kaw, meneng eked kaw pekelabet te dinegen niyo. Pengkey tomengteng kaw, meneng eked kaw ketaga-taga aw eden se kitaen niyo.
23635	MAT 13:27	Dimoton se menge sineligan te amo dan, aw mig-insà dan, ‘Ontò mèpiya se benì intanem tadon doton te pawà nikaw. Meneng kenan lekat se sagbet?’
23636	MAT 13:28	Timaba se tig-apò, ‘Yan se intanem te otaw neopal kanak.’ Penga niyan, mig-insà dan, ‘Meibeg ka lay aw pispisen day se sagbet?’
23637	MAT 13:29	Meneng minikagi sikandin, ‘Ikà niyo pa egpemispis te sagbet so mepispis heman se trigo intanem tadon.
23706	MAT 15:4	Migpunù se Timanem, ‘Keilangan segmanen no se amay aw inay nikaw.’ Migpunù heman sikandin, ‘Keilangan imetayan se otaw megtindaet te amay aw inay din.’
23707	MAT 15:5	Meneng egtoladà kaw te mepakay aw eked pegsagman se otaw te amay aw inay din aw olò mikagi diyà kandan, ‘Se itabang ko peden kenyo, yan se tapay ko imbegay diyà te Timanem.’
23710	MAT 15:8	‘Pengkey eg-ikagi se otaw sìyan te egtaking dan kanak, meneng wedà kelobos se pedowan dan diyà kanak.
23822	MAT 18:26	Meneng limongken se otaw sìyan aw migpeido-ido, kagi din, ‘Sir, pegtagad ka bag te eked kenamay, so impasen ko se kedakel te salà ko kamno.’
23824	MAT 18:28	Meneng pegkesayo te otaw sìyan, kinità din se doma otaw doton te dalan doen ontò deitek salà diyà kandin. Pegketà, pineleng din se lieg te otaw sìyan aw minikagi, ‘Impasi den se salà no kanak.’
23825	MAT 18:29	Penga niyan, limongken se otaw aw migpeido-ido, kagi din, ‘Pegtagad ka bag te eked kenamay, so impasen ko se kedakel te salà ko kamno.’
23828	MAT 18:32	Penga niyan, impeangay te selotan se otaw sìyan aw minikagi, ‘Medaet ka otaw. Pegpeido-ido no diyà kanak, pigwedad ko se kedakel te salà nikaw.
23836	MAT 19:5	Minikagi heman se Timanem, ‘Yan se doun te tomanan se meama te amay aw inay din, aw megsebad diyà te esawa din. Se didowa dan meinang sebad.’
23865	MAT 20:4	Minikagi sikandin, ‘Aw megterbaho kaw doton te pawà ko, tendanan ko sikiyo te mèpiya.’ Yan nesayo dan aw miglegani.
23867	MAT 20:6	Sagwa agpet alas singko te meapon, kinità din heman se doma otaw wedad terbaho dan. Mig-insà sikandin, ‘Nengà lay wedad palos terbaho niyo te aldaw seini?’
23868	MAT 20:7	Timaba dan, ‘So wedad megtandan kenami.’ Minikagi sikandin, ‘Pegterbaho kaw heman doton te pawà ko.’
23869	MAT 20:8	“Nayan, pegkedelem niyan, minikagi se otaw diyà te otaw sineligan din, ‘Tewali se kedita te otaw migterbaho, aw begayi kandan se tandan dan. Onai se otaw kaling migterbaho, aw modihi se otaw tapay migterbaho.’
23873	MAT 20:12	Minikagi dan, ‘Olò sebad oras se pegterbaho te otaw sida, meneng lekat te iselem se kenami pegterbaho, aw neilad kay te aldaw, meneng onawa se intandan no te kedita day.’
23874	MAT 20:13	Meneng minikagi se tig-apò diyà te sebad kandan, ‘Elew, wedà a peglegawa kamno, so sebad dinaryo se kwarta impakang ko kamno.
23908	MAT 21:13	Minikagi sikandin, “Doen kagi te Timanem impesolat din gebii, ‘Se balay te Timanem, yan se ingedanan balay te pegtawal-tawal.’ Meneng ininang niyo den ini iling te ogpeanan te megdedempasay.”
23911	MAT 21:16	Yan se doun te minikagi dan diyà ki Jesus, “Tay law. Aw dinineg no se kagi dan, nengà lay wedà no dan segdahi?” Timaba si Jesus, “Dinineg ko dan, meneng mepakay iyan diyà kanak. Wedà niyo besi besahi se kagi te Timanem seini, ‘Isogò te Timanem se mengisù domuyun kandin.’”
23923	MAT 21:28	“Eneng-enengi niyo ini. Doen otaw dowa se batà din. Minikagi sikandin diyà te batà din kakay, ‘Atò, pegterbaho ka den doton te pawà te aldaw seini.’
23924	MAT 21:29	Minikagi se batà din, ‘Eked a.’ Meneng wedà kenamay, netodà se aneng-aneng din aw timolò.
23925	MAT 21:30	Penga niyan, dimoton se otaw te batà din adi, aw onawa se inikagi din diyà kandin. Minikagi se batà din sìyan, ‘Ee, amà. Domoton a.’ Meneng penga niyan, wedà deleg.
23933	MAT 21:38	Meneng pegdateng te batà din doton, migpebelaw-belaway dan, ‘Seini se meketig-apò te tanà seini aw matay se amay din. Mèpiya aw imetayan tadon sikandin amon sikitadon se meketig-apò te tanà seini.’
23937	MAT 21:42	Minikagi si Jesus, “Iling te wedà kaw palos pegbasa te kagi te Timanem seini, ‘Doen bato in-agbel te menge otaw mig-inang te balay, so eden dan aw wedad kekemowan niyan. Meneng yan se bato ontò salig te balay. Mèpiya se ininang te Pengolo sìyan, aw yan se doun te iduyun tadon sikandin.’
23945	MAT 22:4	Doen heman menge doma sineligan insogò te selotan amon megkeliwat dan te kagi din, ‘Na, integilan ko den se kànen. Iniyaw day den se menge baka aw doma ayam-ayam melambò, aw nelegà den se kedita niyan. Ayas kaw den diyà te peipid.’
23949	MAT 22:8	Penga niyan, minikagi se selotan diyà te menge sineligan din, ‘Integilan den se kànen, meneng eked ko petenodi se otaw tapay impeangay ko, so kimulu dan.
23953	MAT 22:12	Minikagi se selotan, ‘Elew, nengà lay dimini ka te wedad saol no iling te keilangan gemiten te otaw tomanod te peipid?’ Meneng wedad palos intaba din.
23954	MAT 22:13	Penga niyan, minikagi se selotan diyà te menge sineligan din, ‘Geposi niyo se belad din aw benis, aw ibingi niyo sikandin doton te lowà kidoen te kengitngitan amon ipelumun. Ontò megkelag se otaw doton, aw megyangget-yangget se ngipen dan tandà te kegemakan dan.’
23973	MAT 22:32	‘Siak se Timanem gayed egseligan i Abraham, aw si Isaac, aw si Jacob.’ Kenà otaw wedad pedowan se egsalig te Timanem, meneng otaw doen pedowan se egsalig kandin.”
23985	MAT 22:44	‘Minikagi se Timanem diyà te Pengolo ko, Penenoo ka dini te tangkil ko lamig dàgen ko se menge poon no aw ipetolò ko dan kamno.’
24026	MAT 23:39	Penenalan kaw kanak. Aw mesayo a, eked kaw kità kanak singed aw mikagi kaw, ‘Iduyun se insogò te Pengolo tadon Timanem.’”
24049	MAT 24:23	“Aw domateng se aldaw sìyan, aw doen otaw mikagi, ‘Na, dini den se Misiyas,’ aw doen otaw mikagi, ‘Doton se Misiyas,’ ikà niyo egpemenal kandan.
24052	MAT 24:26	“Aw doen otaw mikagi diyà kenyo, ‘Na, doton den se Misiyas te kebigtilan,’ ikà niyo egdoton. Aw doen doma otaw mikagi, ‘Na, mineles den sikandin doton didalem te balay,’ ikà niyo egpemenal kenyan,
24083	MAT 25:6	“Pegketengà te delem, dinineg dan se otaw minikagi, ‘Na, dimateng den se peipiden. Ayas kaw den songon kandin.’
24085	MAT 25:8	Minikagi se lima laga kolang se aneng-aneng dan diyà te lima laga doen mèpiya aneng-aneng, ‘Begayi kay bag te pitrolyo, so agpet den mepadeng se solò day.’
24086	MAT 25:9	Meneng minikagi se lima laga doen mèpiya aneng-aneng, ‘Eked kay pemegay, so eked kidon keteped te pitrolyo inibing day. Mèpiya aw domoton kaw te tinda amon mayad kaw.’
24088	MAT 25:11	“Pegkenamay-namay, dimateng se lima laga lekat te tinda. Timawal dan doton te lowà te balay, kagi dan, ‘Sir, owangi bag se tetakep.’
24089	MAT 25:12	Meneng minikagi sikandin, ‘Wedà ko sikiyo kilelai.’
24097	MAT 25:20	Pegdateng te sineligan binegayan din te lima melalan, inibing din iyan sipat gamad din lima melalan, aw minikagi sikandin, ‘Sir, lima melalan se imbegay no diyà kanak, aw doen den heman gamad ko lima melalan.’
24098	MAT 25:21	Minikagi se amo din, ‘Mèpiya se ininang nikaw. So keseligan ka, labi pa dakel se ibegay ko diyà kamno. Ibeg ko meluba ka heman onawa te kanak pegkeluba.’
24099	MAT 25:22	Penga niyan, dimateng se sineligan binegayan din te dowa melalan, aw minikagi sikandin, ‘Sir, dowa melalan se imbegay no diyà kanak, aw doen den heman gamad ko dowa melalan.’
24100	MAT 25:23	Minikagi se amo din, ‘Mèpiya se ininang nikaw. So keseligan ka, labi pa dakel se ibegay ko diyà kamno. Ibeg ko meluba ka heman onawa te kanak pegkeluba.’
24101	MAT 25:24	Penga niyan, dimateng heman se sineligan binegayan din te sebad melalan, aw minikagi sikandin, ‘Sir, netegahan ko te mebolot ka otaw, so eglegeniyen no se intanem te doma otaw, aw gayed no ipegsawol diyà te pol nikaw se omay trigo impepalid te doma otaw.
24103	MAT 25:26	Minikagi se amo din, ‘Tekahen ka aw ontò medaet se ininang nikaw. Minikagi ka den te eglegeniyen ko se intanem te doma otaw, aw ipegsawol ko diyà te pol ko se omay trigo impepalid te doma otaw. Aw netegahan no iyan,
24105	MAT 25:28	Penga niyan, minikagi sikandin diyà te menge doma sineligan, ‘Na, ebati niyo se sebad melalan imbegay ko diyà kandin, aw begayi niyo diyà te otaw doen sempolò melalan.
24111	MAT 25:34	so mikagi a diyà te menge otaw lenged te kowanan ko, ‘Taking kaw den kanak, so pinemallì kaw te Amay ko Timanem amon meluba kaw. Metoman den iyan so megtebò a den lomowan diyà kenyo iling te peglalang te Amay ko te wedà pa inangi se keneyonan.
24114	MAT 25:37	Penga niyan, meg-insà se otaw lenged te kowanan ko eg-inang te metòlid, kagi dan, ‘Sir, kano ka lay bellosi, penga niyan impekaen ka day? Kano ka lay kelao, penga niyan impeinem ka day?
24117	MAT 25:40	Tomaba a, ‘Eneng-enengi niyo se kagi ko seini. Pineokit te peg-inang niyo kenyan diyà te ontò medanà otaw egtaking kanak, ininang niyo iyan diyà kanak.’
24118	MAT 25:41	“Penga niyan, mikagi a heman diyà te menge otaw lenged te bibang ko, ‘Ontò kaw ipelumun. Kesayo kaw den lekat kanak. Doton kaw den te kilot doen apoy eked palos kepadeng, so yan se integilan te Timanem amon doen egbelan din ki Satanas aw kedita te anghil din.
24121	MAT 25:44	Meg-insà dan heman, ‘Sir, kano kay lay kità te binallos ka, aw nelao ka, aw wedad ogpeanan no, aw wedad penenaktun no, aw nesekitan ka, aw kineleboso ka, penga niyan wedà kay pegtabang kamno?’
24122	MAT 25:45	Tomaba a, ‘Eneng-enengi niyo se kagi ko seini. Pineokit te wedà kaw pegtabang te ontò medanà otaw egtaking kanak, wedà a niyo tebangi.’
24141	MAT 26:18	Minikagi si Jesus, “Doton kaw te otaw te Jerusalem, aw ikagi kaw diyà kandin, ‘Insogò kay te Pengolo day amon mikagi kay diyà kamno te agpet den se pegkematay din. Komaen sikandin te Pista te Pegpelowà dini te balay nikaw sipat sikami menge tinoledaan din.’”
24154	MAT 26:31	Penga niyan, minikagi si Jesus diyà te menge tinoledaan din, “Kwani seini, tomanan se kedita niyo kanak tandà te kelimahan domateng diyà kanak, so doen kagi te Timanem insolat gebii, ‘Ipeimatay ko se otaw egtonggò te ayam-ayam karniro, aw mebilit se kedita te karniro tinonggoan din.’
24241	MAT 27:43	Timanem ekon se egseligan din. Kitaen tadon den aw dakel se pedowan te Timanem kandin pineokit te pegtabang te Timanem kandin te aldaw seini, so minikagi sikandin, ‘Siaken se Batà te Timanem.’”
24287	MRK 1:3	Dinegen niyo se otaw doton te kebigtilan aw dakel se kagi din, ‘Pegpeketagad kaw te pegdateng te Pengolo. Peg-inang kaw te metòlid, so domateng sikandin.’”
24538	MRK 7:6	Minikagi si Jesus, “Eden niyo aw egpenimanem kaw. Sikiyo se tinedoan te kagi te Timanem ingkeliwat i Isaias gebii, ‘Pengkey eg-ikagi se otaw sìyan te egtaking dan kanak, meneng wedà kelobos se pedowan dan kanak.
24542	MRK 7:10	Migpunù si Moises, ‘Keilangan segmanen no se amay aw inay nikaw.’ Migpunù heman sikandin, ‘Keilangan imetayan se otaw megtindaet te amay aw inay din.’
24543	MRK 7:11	Meneng egtoladà kaw te mepakay aw eked pegsagman se otaw te amay aw inay din aw olò mikagi diyà kandan, ‘Se itabang ko peden kenyo, yan se ininang ko corban, so imbegay ko den iyan diyà te Timanem.’
24726	MRK 11:17	Penga niyan, migtoladà sikandin, kagi din, “Doen kagi te Timanem impesolat din gebii, ‘Se balay te Timanem, yan se ingedanan balay te pegtawal-tawal te kedita te otaw te keneyonan.’ Meneng ininang niyo den ini iling te ogpeanan te megdedempasay.”