1	GEN 1:1	Diyà te keteboan te kedita, mig-inang se Timanem te langit aw keneyonan.
16	GEN 1:16	Dowa se dakel lowa ininang te Timanem. Se aldaw, yan se egsenang dalem te aldaw. Se bolan, yan se egsenang dalem te delem. Ininang din heman se menge bitoen.
40	GEN 2:9	Impetilles te Timanem se medita kemolò te kayo kidoen. Mèpiya iyan tengtengen, aw mèpiya heman se pongo niyan. Dowa se kayo intanem din diyà te tengà-tengà te kekeyowan, aw yan se kayo egpemegay te pedowan wedad temanan aw kayo egpemegay te kebiyasa tepad te mèpiya aw medaet.
41	GEN 2:10	Doen heman wayeg kidoen te Eden gayed eg-elem te tanà te kekeyowan. Doton dibabà te Eden, migsoway-soway se wayeg sìyan, aw neinang iyan olo te epat dakel wayeg.
62	GEN 3:6	Penga niyan, kimità se bayi te mèpiya kànen se pongo te kayo sìyan, aw mèpiya se bawa niyan, aw mig-aneng-aneng sikandin te mèpiya aw megkebiyasa sikandin. Yan se doun te inabat din se pongo niyan aw kinaen din iyan. Doen heman imbegay din diyà te esawa din, aw kinaen din heman iyan.
66	GEN 3:10	Timaba sikandin, “Dinineg ko sikona doton te kekeyowan, meneng nelemitan a so migpetabeg-tabeg a, aw yan mineles a.”
70	GEN 3:14	Penga niyan, minikagi se Timanem diyà te memokan, “Ipelumun ka tandà te medaet ininang no seini. Diyà te kedita te menge ayam-ayam aw menenanap, olò sikona se ipelumun iling kani. Lekat seini, keilangan domelog se getek nikaw diyà te tanà, aw gayed ka komaen te kepong-kepong te tanà taman te pegkematay nikaw.
77	GEN 3:21	Doen penenaktun ininang te Timanem lekat te kindal te menge ayam-ayam, aw imbegay din iyan diyà ki Adam aw esawa din amon doen penenaktun dan.
83	GEN 4:3	Doen sebad aldaw, nengibing si Cain te menge pongo te tinanem din amon ibegay din iyan diyà te Timanem.
87	GEN 4:7	Aw metòlid se inangen nikaw, yan meluba a kamno. Meneng aw eked ka peg-inang te metòlid, delisegen ka den i Satanas amon meg-inang ka te salà. Dàgen ka peden te peg-inang no te salà, meneng keilangan domaeg ka kenyan.”
97	GEN 4:17	Nayan, migpeleyokay si Cain aw esawa din, aw doen batà dan timebaw si Enok. Dalem niyan, mig-inang si Cain te lonsod, aw yan heman se iningedanan din Enok, onawa te ngadan te batà din.
101	GEN 4:21	Doen adi i Jabal si Jubal, aw sikandin se neinang kemonaan te kedita te otaw biyasa egpengablit te sista aw egpengedop te seluli.
102	GEN 4:22	Si Sela se inay i Tubal Cain, aw sikandin se menenayab te tebaga aw kinis. Doen heman etebay i Tubal Cain si Naama.
106	GEN 4:26	Doen batà meama timebaw diyà te esawa i Set, aw iningedanan din se batà din ki Enos. Nayan, lekat te aldaw sìyan, migtebò se menge otaw migsimba aw migtawal-tawal diyà te Timanem.
110	GEN 5:4	Penga te pegtebaw i Set, walo gatos se omay minokit te wedà pa kematay si Adam. Dalem niyan, doen pa menge doma batà din timebaw.
113	GEN 5:7	Penga te pegtebaw i Enos, walo gatos aw pito se omay minokit te wedà pa kematay si Set. Dalem niyan, doen pa menge doma batà din timebaw.
116	GEN 5:10	Penga niyan, walo gatos sempolò teg lima se omay minokit te wedà pa kematay si Enos. Dalem niyan, doen pa menge doma batà din timebaw.
119	GEN 5:13	Penga niyan, walo gatos kepatan se omay minokit te wedà pa kematay si Cainan. Dalem niyan, doen pa menge doma batà din timebaw.
122	GEN 5:16	Penga niyan, walo gatos ketlowan se omay minokit te wedà pa kematay si Mahalaleel. Dalem niyan, doen pa menge doma batà din timebaw.
125	GEN 5:19	Penga niyan, walo gatos se omay minokit te wedà pa kematay si Jared. Dalem niyan, doen pa menge doma batà din timebaw.
128	GEN 5:22	Penga niyan, dalem te telo gatos se omay, migpedomaay si Enok aw Timanem. Dalem niyan, doen pa menge doma batà din timebaw.
132	GEN 5:26	Penga niyan, pito gatos kewelowan teg dowa se omay minokit te wedà pa kematay si Matusalem. Dalem niyan, doen pa menge doma batà din timebaw.
136	GEN 5:30	Penga te pegtebaw i Noe, lima gatos kesyaman teg lima se omay minokit te wedà pa kematay si Lamek. Dalem niyan, doen pa menge doma batà din timebaw.
142	GEN 6:4	Dalem te aldaw sìyan te pegpengognan te menge sakop te Timanem diyà te menge bayi aw pegbatà dan, aw pengkey pa te pegkepenga niyan, doen menge telandig iningedanan Nefilim. Ontò dan nedengeg gebii, so dakel se nebatog dan.
147	GEN 6:9	Seini se indan tepad ki Noe. Diyà te kedita te otaw, olò si Noe se eg-inang te metòlid, aw wedad palos isila kandin. Migpedomaay si Noe aw Timanem.
168	GEN 7:8	Netipon se sebad meama aw sebad bayi lekat te tegsebad-sebad kemolò te menge ayam-ayam, menenanap, aw manok pengkey mepakay sonogen aw eked kepakay sonogen. Dimoton se kedita niyan ki Noe, aw minawop dan diyà te arka, iling te impunù te Timanem diyà ki Noe.
175	GEN 7:15	Doen meama aw bayi diyà te tegsebad-sebad kemolò doen pedowan dimoton ki Noe, aw minawop dan diyà te arka, iling te impunù te Timanem diyà ki Noe. Penga niyan, tinakep te Timanem se lelebangan te arka.
195	GEN 8:11	Pegkemeapon niyan, limikò iyan doton ki Noe, aw doen tobed te kayo olibo inibing diyà te toktokay din. Doun niyan, netegahan i Noe te tabag minuyud se wayeg diyà te tanà.
206	GEN 8:22	Dalem te doen pa keneyonan, gayed doen pegtanem aw peglegani, pegkegenaw aw pegkeinit, pengaldaw aw pengodan, aldaw aw delem.”
215	GEN 9:9	“Doen ipakang ko diyà kenyo aw menge bowad-bowad niyo,
218	GEN 9:12	Doen pengilala inangen ko amon ketegahan niyo te gayed ko tomanen se pakang ko kenyo aw kedita doen pedowan dini te keneyonan te wedad temanan.
239	GEN 10:4	Se menge bowad-bowad i Jaban, yan si Elisa, si Tarsis, aw menge tege Kiti aw tege Dodani.
242	GEN 10:7	Se menge batà meama i Cus, yan si Seba, si Habila, si Sabata, si Raama, aw si Sabaca. Se menge batà meama i Raama, yan si Saba aw si Dadan.
243	GEN 10:8	Doen batà meama i Cus iningedanan ki Nimrod, aw sikandin se tagnà otaw neinang medengeg tandà te keyseg din.
260	GEN 10:25	Dowa se batà i Eber. Iningedanan se kakay ki Peleg (kelebadan niyan, netani), so pegtebaw din, netani-tani se kedita te otaw dini lanto te tanà. Iningedanan se adi din ki Joctan.
262	GEN 10:27	Hadoram, Usal, Dicla,
277	GEN 11:10	Seini se ngadan te menge bowad-bowad i Sem. Dowa se omay minokit penga te pegkelinep te tanà te wayeg, minapet te sebad gatos se omay i Sem, aw timebaw se batà din meama si Arfacsad.
278	GEN 11:11	Penga niyan, lima gatos se omay minokit te wedà pa kematay si Sem. Dalem niyan, doen pa menge doma batà din timebaw.
280	GEN 11:13	Penga niyan, epat gatos aw telo se omay minokit te wedà pa kematay si Arfacsad. Dalem niyan, doen pa menge doma batà din timebaw.
282	GEN 11:15	Penga niyan, epat gatos telo se omay minokit te wedà pa kematay si Sela. Dalem niyan, doen pa menge doma batà din timebaw.
284	GEN 11:17	Penga niyan, epat gatos ketlowan se omay minokit te wedà pa kematay si Eber. Dalem niyan, doen pa menge doma batà din timebaw.
286	GEN 11:19	Penga niyan, dowa gatos siyam se omay minokit te wedà pa kematay si Peleg. Dalem niyan, doen pa menge doma batà din timebaw.
288	GEN 11:21	Penga niyan, dowa gatos aw pito se omay minokit te wedà pa kematay si Reu. Dalem niyan, doen pa menge doma batà din timebaw.
290	GEN 11:23	Penga niyan, dowa gatos se omay minokit te wedà pa kematay si Serug. Dalem niyan, doen pa menge doma batà din timebaw.
292	GEN 11:25	Penga niyan, sebad gatos sempolò teg siyam se omay minokit te wedà pa kematay si Nahor. Dalem niyan, doen pa menge doma batà din timebaw.
296	GEN 11:29	Nengognan si Abram ki Sarai, aw nengognan si Nahor ki Melca, batà bayi te kedowa din nematay si Haran. Doen heman doma batà i Haran si Isca.
300	GEN 12:1	Nayan, minikagi se Timanem diyà ki Abram, “Tanan ka den te tanà inogpaan no seini. Tanan ka den heman te menge kedomaan nikaw aw pamilya te amay nikaw. Doton ka den te ogpeanan tedoan ko kamno.
326	GEN 13:7	Yan se doun te migbolaw se menge telediyaga i Abram aw menge telediyaga i Lot. (Doen heman menge tege Canaan aw tege Perisi mig-ogpà pa kidoen.)
338	GEN 14:1	Nayan, si Amrafel se selotan doton te Sinar, si Arioc se selotan doton te Elasar, si Cadorlahomor se selotan doton te Elam, aw si Tadal se selotan doton te Goyim. Dalem te pegkeselotan dan, migsebad se epat dan migbolaw diyà te doma lima selotan seini, si Bara selotan te Sodoma, si Birsa selotan te Gomora, si Sinab selotan te Adma, si Semeber selotan te Seboyim, aw sìyan selotan te Bela doma ngadan niyan Soar.
342	GEN 14:5	Pegdateng te ikesempolò teg epat te omay, limompak si Cadorlahomor aw menge doma selotan migsebad diyà kandin. Dinaeg dan se kedita te tege Repai doton te Astarot-carnaim. Dinaeg dan heman se menge tege Susi doton te Ham, aw menge tege Emi doton te kepetagan te Kiriataim.
343	GEN 14:6	Dinaeg dan heman se kedita te menge tege Hori doton te bontod inogpaan dan doton te Seir, aw pig-alaw dan taman te lonsod te Elparan medapag te kebigtilan.
344	GEN 14:7	Penga niyan, limikò dan doton te lonsod te Cades (Enmispat se doma ngadan niyan). Dinaeg dan heman se kedita te otaw mig-ogpà doton te tanà te menge Amalek, aw dinaeg dan se menge Amori mig-ogpà doton te Hasason Tamar.
345	GEN 14:8	Penga niyan, migpetagad se menge selotan te Sodoma, Gomora, Adma, Seboyim, aw Bela te menge sondalo dan. Dimoton dan te baog te Sidim amon mato dan
349	GEN 14:12	Dinakep dan heman se anak i Abram si Lot, aw inagaw dan se kedònan din, so mig-ogpà sikandin doton te Sodoma.
350	GEN 14:13	Doen sebad otaw nekelowà mig-indan te kedita niyan diyà ki Abram se Hebreo. Dalem niyan, mig-ogpà si Abram doton medapag te menge olayan i Mamre tege Amori. Gayed egpedepitay si Abram, si Mamre, aw menge kedowa i Mamre, si Escol aw si Aner.
351	GEN 14:14	Pegketaga-taga i Abram te nedakep se anak din, tinipon din se kedita te sineligan din biyasa eglegamit te kekamang, telo gatos sempolò teg walo se kedita dan, aw mig-alaw dan te epat selotan sìyan taman te lonsod te Dan.
352	GEN 14:15	Pegkedelem niyan, impeebong-ebong i Abram se menge sineligan din kidoen, aw limompak dan kandan, aw dimaeg dan kandan. Pig-alaw dan i Abram taman te lonsod te Hoba digsel te Damasko.
363	GEN 15:2	Meneng minikagi si Abram, “E Timanem eglowan diyà te kedita, wedad palos ibegay no diyà kanak mekebegay te keluba te pedowan ko dalem te wedad batà ko. Aw matay a, metig-apò i Elieser tege Damasko se kedita te kedònan ko.
372	GEN 15:11	Doen menge dakel manok te kebenesan minembong diyà te lawa niyan, meneng linalag iyan i Abram.
389	GEN 16:7	Doen anghil te Timanem migpekità diyà ki Agar kidoen te kebigtilan medapag te selep doton te dalan pesalo doton te lonsod te Sur.
393	GEN 16:11	Doen batà meama tomebaw diyà kamno, aw ingedanan no sikandin ki Ismael, so dimineg se Timanem te pegpengenganay no diyà kandin.
397	GEN 16:15	Doen batà meama timebaw diyà ki Agar aw si Abram. Iningedanan sikandin i Abram ki Ismael (kelebadan niyan, egpenenalan se Timanem).
407	GEN 17:9	Minikagi se Timanem diyà ki Abraham, “Doen pengilala tepad te pakang ko keilangan inangen no sipat te kedita te bowad-bowad nikaw te modi aldaw.
414	GEN 17:16	Mèpiya se ibegay ko diyà kandin, aw ibegay ko diyà kamno se batà meama tomebaw diyà kandin. Mèpiya se ibegay ko diyà te esawa nikaw, aw meinang sikandin kemonaan te medita pongan. Doen menge bowad-bowad din meinang selotan.”
418	GEN 17:20	Dinineg ko se pinemoyò no tepad ki Ismael, aw yan mèpiya heman se ibegay ko diyà kandin. Ibegay ko diyà kandin se medita batà din aw menge bowad-bowad din. Meinang sikandin kemonaan te sempolò teg dowa datò, aw inangen ko dakel pongan se menge bowad-bowad din.
421	GEN 17:23	Dalem te aldaw sìyan, timolò si Abraham te Timanem, aw nenolì sikandin te batà din si Ismael, aw kedita te doma sakop din meama, sipat te kedita te allang din, pengkey timebaw kidoen kandin, aw pengkey bineyadan din diyà te doma otaw.
424	GEN 17:26	Dalem te aldaw sìyan, tinolì se didowa dan,
433	GEN 18:8	Pegtegilan dan te kedita, inibing i Abraham se kisiyo, aw gatas, aw pengelapen tinoeg, aw imbayaw din iyan diyà kandan. Dalem te pegpengaen dan, timindeg sikandin medapag doton te siyong te kayo.
434	GEN 18:9	Mig-insà dan diyà kandin, “Kenan lay se esawa nikaw si Sara?” Timaba si Abraham, “Doton didalem.”
435	GEN 18:10	Minikagi se sebad, “Doen inangen ko metolos te modi omay, so doen batà meama tomebaw diyà te esawa no si Sara.” Nayan, kidoen si Sara te lelebangan lenged te getan din, aw dinineg din se inikagi dan.
439	GEN 18:14	Wedad palos eked kebatog te Timanem. Doen inangen ko metolos te modi omay, so doen batà meama tomebaw diyà ki Sara.”
471	GEN 19:13	so pegbàtan day den se lonsod seini. Dinineg te Timanem se insila kandan tepad te medaet eg-inangen dan, aw yan insogò kay din dini amon megbaet kay te kedita.”
489	GEN 19:31	Doen aldaw minikagi se batà din kakay diyà te adi din, “Migketemoay den se amay ta, aw wedad palos meama dini te keneyonan mengognan kenita amon megbatà ki.
495	GEN 19:37	Doen batà meama timebaw diyà te kakay, aw iningedanan din ki Moab (kelebadan niyan, lekat te amay). Neinang sikandin kemonaan te kedita te otaw diyà te pongan te Moab songkani.
496	GEN 19:38	Doen heman batà meama timebaw diyà te adi, aw iningedanan din ki Ben-ami (kelebadan niyan, batà te kemonaan). Neinang sikandin kemonaan te kedita te otaw diyà te pongan te Amoni songkani.
510	GEN 20:14	Penga niyan, in-olì i Abimelec si Sara diyà ki Abraham. Doen heman imbegay din diyà kandin, menge karniro, baka, aw allang.
522	GEN 21:8	Timilles si Isaac, aw biningà sikandin. Dakel se kànen ininang i Abraham te aldaw te pegbingà kandin.
528	GEN 21:14	Pegkeiselem niyan, limapos si Abraham nemegay te kànen aw sesalok nepenò te wayeg diyà ki Agar amon bebaen din, aw impekesayo din si Agar aw batà din. Dimoton dan te kebigtilan te Berseba, aw miglegeb-legeb dan kidoen.
530	GEN 21:16	Minalin sikandin te menge sebad pawà lekat te batà din aw nenenoo kidoen. Mig-aneng-aneng sikandin, “Eked a keibeg komità te pegkematay te batà ko.” Dalem te pegpenenoo din kidoen, migkelag sikandin.
531	GEN 21:17	Dinineg te Timanem se pegkelag te batà, aw minikagi se anghil te Timanem lekat te langit, “E Agar, nengà lay migkelag ka? Ikà egkelemitan. Dinineg te Timanem se pegkelag te batà no doton sida.
555	GEN 22:7	minikagi si Isaac, “Amà.” Timaba si Abraham, “Eden lay, Atò?” Minikagi si Isaac, “Doen tigtig bato aw itabon ta. Meneng kenan lay se nati te karniro sonogen aw ibegay diyà te Timanem?”
562	GEN 22:14	Penga niyan, iningedanan i Abraham se bontod sìyan “Timanem se Egpemegay.” Pengkey songkani, doen eg-ikegiyen seini, “Doton te bontod te Timanem, Timanem se egpemegay.”
572	GEN 22:24	Doen heman allang i Nahor pig-esawa din ngadan din si Roma tinebawan i Teba, si Gaam, si Taas, aw si Maaca.
574	GEN 23:2	Nematay sikandin doton te lonsod te Hebron sakop te Canaan. Dimoton si Abraham amon moloy kandin.
583	GEN 23:11	“Sir, penenalan ka den kanak. Tiblug ko ibowang diyà kamno se kedakel te pawà ko sìyan sipat te ilib kidoen. Dalem te pegbantay te kedita te doma ko, ibowang ko den iyan diyà kamno amon lebengan no te esawa nikaw.”
608	GEN 24:16	Laga pa si Rebecca, aw ontò mèpiya se bawa din. Wedà palos sikandin leyoki te meama. Dimoton sikandin te sokian, aw simalok, aw limikò sikandin.
615	GEN 24:23	Mig-insà sikandin, “Sinu lay se amay nikaw? Doen lay keombaan doton te balay din, amon midegà a sipat te menge doma otaw timaking kanak?”
617	GEN 24:25	Minikagi heman se bayi, “Dakel se legami ibatan te kamilo nikaw aw dakel heman se kànen dan doton kenami, aw doen heman keombaan niyo aw midegà kaw.”
621	GEN 24:29	Doen kedowa meama i Rebecca ngadan din si Laban. Pegkità i Laban te aritis aw taklay te etebay din, aw pegdineg din te kagi te etebay din tepad te inikagi te otaw dimateng, ayas sikandin simongon kandin doton te sokian. Pegdateng i Laban doton te sokian, kidoen pa se sineligan i Abraham sipat te menge kamilo din.
628	GEN 24:36	Doen batà din meama timebaw diyà te esawa din si Sara te pegkelokes din. Batà din sìyan se binegayan i Abraham te kedakel te keyemanan din.
632	GEN 24:40	“Timaba sikandin, ‘Doen anghil ipetaking kamno te Timanem gayed ko egtoloen, amon metoman se tod nikaw doton. Yan mekeabat ka te bayi pengognanen te batà ko doton te menge kedomaan ko, sìyan menge bowad-bowad te amay ko.
637	GEN 24:45	“Telobo a pa migtawal-tawal, dimateng si Rebecca neniang te tibod din. Dimoton sikandin te sokian aw simalok, aw minikagi a diyà kandin, ‘Atà, peinemi a bag.’
645	GEN 24:53	Penga niyan, inokal din se menge bowang, menge penenaktun, aw selapì aw bolawan, aw imbegay din iyan diyà ki Rebecca. Doen heman menge meelagà imbowang din diyà te kedowa din aw inay din.
662	GEN 25:3	Si Jocsan se amay i Seba aw si Dedan. Se menge bowad-bowad i Dedan, yan se neinang menge pongan te Asur, Letus, aw Leum.
673	GEN 25:14	si Misma, si Duma, si Masa,
681	GEN 25:22	Doen pingin diyà te belenakan din, aw iling te migbolaw dan te wedà dan pa tebaw. Minikagi si Rebecca, “Nengà lay neinang ini diyà kanak?” Penga niyan, mig-insà sikandin diyà te Timanem tepad kenyan.
688	GEN 25:29	Doen aldaw migpesebo si Jacob te sabaw te temboway melalag. Dimateng si Esau lekat te kebenesan, aw ontò sikandin binallos.