2	GEN 1:2	Wedad pa bawa te tanà, aw wedad pa awop niyan, aw tomalag mengitngit se kebelad te dagat. Gayed miniwal se Espiritu Santo diyà te lanto te wayeg.
44	GEN 2:13	Gihon se ngadan te ikedowa te wayeg, aw minokit iyan te tanà iningedanan Cus.
74	GEN 3:18	Gayed tomilles se sagbet aw tigis kidoen te tanà, aw keilangan mahà ka heman te kànen egtobò doton te kebenesan tandà te kelimahan nikaw.
130	GEN 5:24	Gayed migpedomaay si Enok aw Timanem lamig te aldaw te pegkewedad din, so binaloy sikandin te Timanem.
177	GEN 7:17	Gayed minodan te kepatan se aldaw aw kepatan se delem. Gayed migkedalem se wayeg lamig limepaw se arka.
178	GEN 7:18	Gayed timilles se wayeg diyà te lanto te tanà, aw miglepaw-lepaw se arka diyà te lanto te wayeg.
179	GEN 7:19	Gayed timilles se wayeg diyà te lanto te tanà lamig nelinep te wayeg se kedita te melangkaw bontod.
189	GEN 8:5	Gayed minuyud se wayeg, aw kinità se toktok te menge bontod te pitsa ono te ikesempolò te bolan.
237	GEN 10:2	Se menge batà meama i Japet, yan si Gomer, si Magog, si Madai, si Jaban, si Tubal, si Mesec, aw si Tiras.
238	GEN 10:3	Se menge batà i Gomer, yan si Askenas, si Rifat, aw si Togarma.
251	GEN 10:16	Si Canaan heman se kemonaan te menge pongan te otaw iningedanan Jebusi, Amori, Girgasi,
254	GEN 10:19	lamig nesakop dan se kebelad te tanà lekat te lonsod te Sidon taman te lonsod te Gerara medapag te Gasa, aw nesakop heman se menge lonsod te Sodoma, Gomora, Adma, aw Seboim medapag te Lasa.
258	GEN 10:23	Se menge batà i Aram, yan si Us, si Hul, si Geter, aw si Mes.
268	GEN 11:1	Gebii, sebad olò se kemolò te kagi eg-ikegiyen te kedita te otaw dini te keneyonan.
329	GEN 13:10	Migpeatap-atap si Lot, aw kinità din te mèpiya se kebelad te tanà medapag te wayeg te Jordan taman te lonsod te Soar, so dakel se wayeg kidoen iling te kekeyowan intanem te Timanem, aw iling te Ehipto. (Neinang iyan te wedà pa bàti te Timanem se lonsod te Sodoma aw Gomora kidoen medapag te wayeg te Jordan.)
338	GEN 14:1	Nayan, si Amrafel se selotan doton te Sinar, si Arioc se selotan doton te Elasar, si Cadorlahomor se selotan doton te Elam, aw si Tadal se selotan doton te Goyim. Dalem te pegkeselotan dan, migsebad se epat dan migbolaw diyà te doma lima selotan seini, si Bara selotan te Sodoma, si Birsa selotan te Gomora, si Sinab selotan te Adma, si Semeber selotan te Seboyim, aw sìyan selotan te Bela doma ngadan niyan Soar.
345	GEN 14:8	Penga niyan, migpetagad se menge selotan te Sodoma, Gomora, Adma, Seboyim, aw Bela te menge sondalo dan. Dimoton dan te baog te Sidim amon mato dan
346	GEN 14:9	te menge sondalo te epat selotan kidoen, si Cadorlahomor selotan te Elam, si Tadal selotan te Goyim, si Amrafel selotan te Sinar, aw si Arioc selotan te Elasar. Lima se selotan migbolaw te epat selotan.
347	GEN 14:10	Medita se baog-baog kidoen doen koliko te aspalto ontò melemiket. Pegkedaeg te selotan te Sodoma aw selotan te Gomora, kimadas se menge sondalo dan, aw doen nepolotan kandan kidoen te menge baog-baog sìyan, aw kimadas se menge doma sondalo doton te menge bontod.
348	GEN 14:11	Penga niyan, mig-agaw se epat selotan te kedakel te kedònan aw kànen kidoen te lonsod te Sodoma aw Gomora, aw nesayo dan.
350	GEN 14:13	Doen sebad otaw nekelowà mig-indan te kedita niyan diyà ki Abram se Hebreo. Dalem niyan, mig-ogpà si Abram doton medapag te menge olayan i Mamre tege Amori. Gayed egpedepitay si Abram, si Mamre, aw menge kedowa i Mamre, si Escol aw si Aner.
382	GEN 15:21	Amori, Canaan, Girgasi, aw Jebusi.”
431	GEN 18:6	Ayas minawop si Abraham aw minikagi sikandin diyà ki Sara, “Kegaen ka. Gemiti se sebad sako ontò mèpiya arina, aw inangi se pan ipekaen kandan.”
445	GEN 18:20	Penga niyan, minikagi se Pengolo diyà ki Abraham, “Medita se minikagi diyà kanak te medaet se eg-inangen te menge tege Sodoma aw tege Gomora. Ontò ekon mebegat se salà dan.
482	GEN 19:24	Tigkan indagdag te Timanem se esopri limegdeg lekat te langit doton te lonsod te Sodoma aw Gomora.
486	GEN 19:28	Migpeatap-atap sikandin doton te Sodoma aw Gomora, aw doton te kebelad te baog sìyan, aw kinità din se ebel minolbo lekat te tanà, iling te ebel te dakel pogon.
497	GEN 20:1	Nayan, minalin si Abraham lekat te Mamre doton te Negeb, aw mig-ogpà dan doton te tengà-tengà te lonsod te Cades aw Sur. Peglegeb din doton te lonsod te Gerara,
498	GEN 20:2	minikagi si Abraham diyà te menge tege Gerara te etebay din se esawa din si Sara. Yan se doun te impeangay si Sara te selotan te Gerara si Abimelec amon inangen din esawa din.
537	GEN 21:23	Yan ibeg ko megsapà ka den diyà te Timanem te eked ka palos peg-akal kanak, menge batà ko, aw menge bowad-bowad ko. Gayed mèpiya se ininang ko diyà kamno, aw yan pegpakang ka den te gayed mèpiya se inangen no diyà kanak aw menge doma otaw eg-ogpà dini te tanà inogpaan nikaw.”
572	GEN 22:24	Doen heman allang i Nahor pig-esawa din ngadan din si Roma tinebawan i Teba, si Gaam, si Taas, aw si Maaca.
694	GEN 26:1	Nayan, doen todà bitil doton te Canaan. Kenà iyan onawa te bitil neokitan i Abraham. Dimoton si Isaac te tanà i Abimelec, selotan te menge tege Filisti doton te lonsod te Gerara.
699	GEN 26:6	Yan mig-ogpà si Isaac doton te Gerara.
701	GEN 26:8	Pegkenamay-namay te peg-ogpà i Isaac kidoen te Gerara, dimelowang si Abimelec selotan te menge tege Filisti, aw kinità din si Isaac aw si Rebecca migpekelesay.
706	GEN 26:13	Gayed nedogangan se keyemanan din lamig ontò sikandin migkeyaman.
710	GEN 26:17	Yan nesayo si Isaac, aw minalin doton te baog te Gerara, aw mig-ogpà sikandin kidoen.
713	GEN 26:20	Meneng migpedindilay se menge telediyaga tege Gerara aw menge telediyaga i Isaac, aw minikagi se menge tege Gerara, “Kenami se wayeg sìyan.” Yan se doun te iningedanan i Isaac se sokian sìyan Esek (kelebadan niyan, dindil), so migpedindilay dan kidoen.
714	GEN 26:21	Penga niyan, nemangbang heman se menge sineligan din te doma sokian. Meneng migbolaw heman se tege Gerara tepad kenyan, aw yan iningedanan din se sokian sìyan Sitna (kelebadan niyan, keopal).
719	GEN 26:26	Nayan, limaoy si Abimelec ki Isaac. Dimateng sikandin lekat te Gerara sipat te teleglawong din si Ahusa aw pengolo te menge sondalo din si Picol.
769	GEN 27:41	Gayed nebensi si Esau ki Jacob so migtawal-tawal se amay dan amon si Jacob se begayan te Timanem te ontò mèpiya. Minikagi si Esau, “Eked den kenamay matay si Amà, aw penga niyan imetayan ko si Jacob.”
789	GEN 28:15	Na, domoma a kamno aw meg-ipat a kamno pengkey kenan ka pesalo. Siak se megpeolì kamno dini te tanà seini. Gayed a domoma kamno lamig tomanen ko se kedita te impakang ko diyà kamno.”
842	GEN 30:11	Minikagi si Lea, “Neidowan a te Timanem!” Yan iningedanan din se batà din ki Gad (kelebadan niyan, neidowan).
895	GEN 31:21	Inibing i Jacob se kedakel te kedònan din aw kimadas sikandin. Minatas dan te wayeg te Yofritis, aw migpesalo dan doton te bontod te Galaad.
897	GEN 31:23	Yan impetaking din se menge kedomaan din, aw mig-alaw dan kandin. Penga te pito se aldaw, nekesaeb dan kandin doton te bontod te Galaad.
899	GEN 31:25	Mig-ogpà si Jacob doton te bontod te Galaad. Pegpekesaeb i Laban aw menge kedomaan din ki Jacob, mig-ogpà dan heman kidoen.
914	GEN 31:40	Melima se terbaho ko. Melikit a egkeilad te aldaw, aw egkegenawan a te delem. Gayed a egkepolaw.
921	GEN 31:47	Iningedanan iyan i Laban Jegar Sahaduta diyà te kagi te Aramea (kelebadan niyan, peg-imon te kekitaan), aw iningedanan iyan i Jacob Galeed diyà te kagi te Hebreo (onawa se kelebadan niyan).
922	GEN 31:48	Minikagi si Laban, “Se menge bato binonton seini, yan se kekitaan ta amon eked ta kelibeli se pakang ta.” Yan se doun te iningedanan se tanà sìyan Galeed.
972	GEN 33:11	Kinewai bag se bowang seini impeibing ko diyà kamno, so mèpiya se tabang te Timanem diyà kanak, aw botong se kedònan ko.” Gayed migleges si Jacob kandin, aw yan kiminawà si Esau kenyan.
1038	GEN 35:26	Se menge batà i Jacob timebaw diyà te allang i Lea si Zilfa, yan si Gad aw si Aser. Yan se menge batà meama i Jacob timebaw doton te Mesopotamya.
1052	GEN 36:11	Se menge batà meama i Elifas, yan si Teman, si Omar, si Sefo, si Gatam, aw si Kenas.
1057	GEN 36:16	si Coras, si Gatam, aw si Amalec. Yan se menge batà i Elifas tege Edumea neinang datò, aw si Ada se apò bayi te kedita dan.
1095	GEN 37:11	Gayed miningà se menge kedowa i Jose kandin, meneng gayed mig-aneng-aneng se amay din tepad te kedegdagan niyan.
1109	GEN 37:25	Penga niyan, dalem te pegpengaen dan, tigkan dan kinità se menge bowad-bowad i Ismael aw menge ayam-ayam dan kamilo minokit kidoen lekat te Galaad. Doen inlolan diyà te menge kamilo dan menge enagay aw bebolong te saka ibingen dan doton te Ehipto.
1119	GEN 37:35	Netipon se kedita te batà din amon megsinalay dan kandin, meneng kimulu sikandin, kagi din, “Gayed a moloy tandà te pegkematay te batà ko lamig komità a kandin doton te ogpeanan te otaw nematay.” Yan gayed sikandin minoloy te batà din si Jose.
1298	GEN 43:7	Timaba dan, “Gayed sikandin mig-insà tepad kenitadon aw tepad te pamilya tadon. Mig-insà sikandin, ‘Wedà lay pa kematay se amay niyo? Doen lay pa doma kedowa niyo?’ Olò kay timaba te menge insà din. Wedà kay palos peg-aneng-aneng te tomogon sikandin te keilangan ibingen day doton se kedowa day.”
1369	GEN 45:10	Ipeogpà ta sikiyo dini te Gosen, amon medapag se kedita niyo diyà kanak, pengkey sikona, aw menge batà nikaw, menge apò nikaw, aw menge karniro aw menge kambing, aw menge baka, aw kedita te kedònan nikaw.
1370	GEN 45:11	Aw meg-ogpà kaw dini te Gosen, ipaten ta sikiyo. Lima mendad se omay te bitil, aw eked a keibeg aw kelimahan ka, aw menge batà nikaw, aw menge ayam-ayam nikaw.’”
1398	GEN 46:11	Si Levi aw menge batà din meama si Gerson, si Cohat, aw si Merari.
1403	GEN 46:16	Timaking heman si Gad aw menge batà din meama si Sifeon, si Hagi, si Suni, si Esbon, si Eri, si Arod, aw si Areli.
1408	GEN 46:21	Doen menge batà meama i Benjamin si Belas, si Betser, si Asbel, si Geras, si Naaman, si Ehi, si Ros, si Mufim, si Hufim, aw si Ared.
1411	GEN 46:24	Si Neftali aw menge batà din meama si Jaseel, si Guni, si Jeser, aw si Selem.
1415	GEN 46:28	Nayan, insogò i Jacob si Juda monà kandin domoton ki Jose, so ibeg din songonen dan i Jose doton te Gosen. Pegdateng dan doton,
1416	GEN 46:29	simakay si Jose te kelisa din, aw dimoton sikandin te Gosen amon somongon te amay din. Pegdateng din, kinelesan din se amay din, aw migkelag te ontò nenamay.
1421	GEN 46:34	keilangan meg-indan kaw kandin te telediyaga kaw lekat te pegkemengisù niyo, iling te eg-inangen te menge kemonaan niyo gebii. Doun niyan, ipeogpà kaw din doton te Gosen.” Yan se inikagi i Jose diyà kandan, so eglindoan te menge tege Ehipto se telediyaga.
1422	GEN 47:1	Penga niyan, impetaking i Jose se lima kedowa din, aw dimoton dan te selotan. Minikagi si Jose, “Dimateng den se amay ko aw menge kedowa ko lekat te Canaan, sipat te kedita te karniro aw doma ayam-ayam dan aw kedakel te kedònan dan. Kidoen den dan te Gosen.” Penga niyan, impekilala din se lima kedowa din diyà te selotan.
1425	GEN 47:4	Dimini kay so ontò medaet se bitil doton te Canaan igsà wedad palos mekaen te menge ayam-ayam day. Aw mepakay diyà kamno, peogpai kay doton te Gosen.”
1427	GEN 47:6	Sikona se eglowan diyà te kebelad te Ehipto. Peogpai dan doton te Gosen, so yan se ontò mèpiya tanà. Aw doen otaw diyà kandan ontò biyasa egdiyaga, petonggoi kandan se kenaken menge ayam-ayam.”
1448	GEN 47:27	Mig-ogpà se menge bowad-bowad i Jacob (doma ngadan din si Israel) kidoen te Gosen doton te Ehipto, aw yan neinang dakel se kedònan dan kidoen, aw ontò migkedita se mengisù dan.
1493	GEN 49:19	“Doen menge mengengayaw meglompak ki Gad, meneng etowan din dan, aw elawen din dan.
1515	GEN 50:8	Timaking heman se kedita te pamilya i Jose, aw menge kedowa din, aw kedita te otaw diyà te pamilya te amay din. Olò menge deitek mengisù, aw karniro, kambing, aw baka se wedà dan petekingi, meneng mig-ogpà dan doton te Gosen.
23260	MAT 2:22	Meneng wedà dan deleg doton te probinsya te Judiya, so nelemitan si Jose te pegdineg din te limowan den si Arkelao simelilin te amay din si Herod nematay. Yan insogò te Timanem si Jose pineokit te tegeinep, aw simoway dan doton te probinsya te Galiliya.
23274	MAT 3:13	Nayan, dimateng si Jesus lekat te probinsya te Galiliya aw dimoton te wayeg te Jordan amon megpebonyag ki Juan.
23290	MAT 4:12	Nayan, impedakep i Herod si Juan Memonyagay aw impekeleboso din. Pegketaga-taga i Jesus kenyan, minolì sikandin doton te probinsya te Galiliya.
23293	MAT 4:15	“Se kedita te otaw eg-ogpà doton te tanà te Sabulon aw Neftali, aw doton dapag te kilid te lanaw, aw doton dipag te wayeg te Jordan, aw doton te Galiliya eg-ogpaan te menge otaw kenà Judiyo,
23296	MAT 4:18	Doen sebad aldaw, minipanaw si Jesus doton te kilid te lanaw te Galiliya. Kinità din se didowa memokotay si Simon iningedanan din ki Pedro, aw adi din si Andres nemokot.
23301	MAT 4:23	Nayan, timeped si Jesus te kedita te lonsod doton te probinsya te Galiliya, aw migtoladà doton te menge simbahan te Judiyo. Migtoladà sikandin te Mèpiya Indan tepad te peglowan te Timanem, aw pinegolian din se kedita te otaw doen mesakit.
23303	MAT 4:25	Ontò medita se otaw timaking ki Jesus. Tikedo dan te probinsya te Galiliya, aw lekat te Dikapolis, aw Jerusalem, aw probinsya te Judiya, aw lekat dipag te wayeg te Jordan.
23348	MAT 5:45	Aw iling kenyan se eg-inangen niyo, yan ipetaga-taga niyo te batà kaw te Timanem doton te langit, so gayed sikandin egpesenang te aldaw diyà te kedita te otaw pengkey medaet aw mèpiya se pedowan dan. Gayed heman sikandin egpetedak te odan diyà te pawà te kedita te otaw pengkey metòlid aw kenà metòlid se eg-inangen dan.
23379	MAT 6:28	Ikà niyo heman egketetana tepad te ekasan niyo. Eneng-enengi niyo se bolak te kebenesan. Gayed dan egtilles pengkey kenà dan egterbaho, aw kenà dan heman egpengabel te penenaktun.
23423	MAT 8:9	Gayed a egtolò te otaw egsogò kanak, aw doen heman menge sondalo nesakop diyà kanak. Aw doen sondalo isogò ko, tomolò sikandin. Aw doen doma ipeangay ko, tomolò heman. Aw doen ipeinang ko te sineligan, yan se inangen din.”
23442	MAT 8:28	Nayan, dimeleg dan doton dipag te lanaw medapag te Gadara. Doen dowa otaw dinetengan te bosaw simongon kandin lekat te menge lebenganan. Ontò dan mebolot, aw yan wedad otaw eg-okit kidoen.
23501	MAT 10:15	Eneng-enengi niyo se kagi ko kenyo seini. Pengkey ipelumun te Timanem se tege Sodoma aw tege Gomora te modi aldaw tepad te salà dan ontò medaet, meneng labi pa ipelumun te Timanem se otaw eked pegsagman kenyo.”
23642	MAT 13:34	Gayed migtoladà si Jesus te otaw netipon pineokit te tegdeyanan tepad te peglowan te Timanem, so impeokit din te tegdeyanan se kedita te intoladà din kandan.
23665	MAT 13:57	Yan nebensi dan kandin. Meneng minikagi si Jesus, “Gayed egsegmanen te doma otaw se telekeliwat te kagi te Timanem, meneng kenà sikandin egsegmanen te otaw te kandin lonsod aw menge kedowa din.”
23667	MAT 14:1	Nayan, si Herod se otaw limowan doton te Galiliya, aw doen dinineg din tepad te eg-inangen i Jesus.
23700	MAT 14:34	Nayan, penga te pegbatas dan te lanaw, dimateng dan doton te Genesarit.
23701	MAT 14:35	Kimilala se tege Genesarit ki Jesus, aw impeangay dan se kedita te otaw doen mesakit lekat te kedepagan niyan.
23731	MAT 15:29	Nayan, nesayo si Jesus lekat kidoen, aw minokit te kilid te lanaw te Galiliya. Timikedeg sikandin te bontod medapag, aw nenenoo kidoen.
23791	MAT 17:22	Nayan, pegketipon te menge tinoledaan i Jesus doton te probinsya te Galiliya, minikagi si Jesus, “Seini se metoman domateng diyà kanak Timanem Migpekeotaw. Metoman a itolok aw ibegay a diyà te belad te doma otaw.
23832	MAT 19:1	Nayan, penga te pegtoladà i Jesus te kedita niyan, nesayo sikandin lekat te probinsya te Galiliya aw minokit doton dipag te wayeg te Jordan taman te probinsya te Judiya.
23851	MAT 19:20	Minikagi se otaw, “Gayed ko egtoloen se kedita niyan. Eden lay se wedà ko pa inangi?”
23886	MAT 20:25	Meneng tinawal dan i Jesus aw minikagi sikandin, “Netegahan niyo den aw eden se eg-inangen te menge otaw eglowan. Gayed dan egleges te menge sakop dan. Gayed heman egsogò-sogò se melangkaw otaw te menge sakop dan.
23906	MAT 21:11	Timaba se otaw timaking ki Jesus, “Sikandin se telekeliwat te kagi te Timanem si Jesus. Lekat sikandin te lonsod te Nasarit sakop te probinsya te Galiliya.”
23954	MAT 22:13	Penga niyan, minikagi se selotan diyà te menge sineligan din, ‘Geposi niyo se belad din aw benis, aw ibingi niyo sikandin doton te lowà kidoen te kengitngitan amon ipelumun. Ontò megkelag se otaw doton, aw megyangget-yangget se ngipen dan tandà te kegemakan dan.’
23991	MAT 23:4	Gayed dan egdogangan se punù ontò melima toloen te otaw. Meneng kenà dan egtelaban te otaw meibeg tomolò kenyan. Iling dan te otaw megleges te doma otaw memaba te pelaban mebegat, aw wedad palos tabang dan kandan amon meinang iyan meagka.
23992	MAT 23:5	Gayed dan ipekità diyà te doma otaw se pegtolò dan te menge punù amon iduyun dan. Eg-inangen dan pelaban dakel se solanan te kagi te Timanem egpengibingen dan, aw egpelasan dan se saol dan melayat amon meg-aneng-aneng se doma otaw te ontò melobos se pedowan dan diyà te Timanem.
24024	MAT 23:37	“Mekelelayò kaw tege Jerusalem. Gayed niyo eg-imetayan se kedita te telekeliwat te kagi te Timanem, aw egbontogan niyo te bato se kedita te otaw insogò te Timanem dini kenyo amon matay dan. Melikit a peden megtipon kenyo amon meg-ipat a kenyo, iling te omagak lomemlem diyà te menge onsoy din. Meneng wedà kaw keibeg.