4	GEN 1:4	Kinità te Timanem te mèpiya se kelowahan, aw tinani din se kelowahan aw kengitngitan.
10	GEN 1:10	Se mepangkag, yan se iningedanan te Timanem tanà. Se wayeg netipon, yan se iningedanan din dagat. Kinità te Timanem te mèpiya iyan.
12	GEN 1:12	Timobò se medita kemolò te tinemunun doen benì, aw medita kemolò te kayo doen pongo. Kinità te Timanem te mèpiya iyan.
18	GEN 1:18	Yan se egsenang te aldaw aw delem, amon doen elet diyà te kelowahan aw kengitngitan. Kinità te Timanem te mèpiya iyan.
21	GEN 1:21	Yan ininang te Timanem se kedita te menenanap te dagat, aw kedita te kinemoloan eg-ogpà doton te wayeg aw dagat, aw kedita te kinemoloan te manok. Kinità te Timanem te mèpiya iyan.
49	GEN 2:18	Minikagi heman se Timanem, “Kenà mèpiya aw sebad olò se otaw. Yan meg-inang a te doma din meketepad kandin amon doen megtelaban kandin.”
65	GEN 3:9	Meneng timawal se Timanem diyà te meama, “Kenan ka lay?”
67	GEN 3:11	Mig-insà se Timanem, “Sinu lay se mig-indan kamno te migpetabeg-tabeg ka? Kimaen ka lay te pongo te kayo impunù ko kamno?”
73	GEN 3:17	Minikagi se Timanem diyà te meama, “Nenenalan ka diyà te esawa nikaw, aw kimaen ka te pongo te kayo impunù ko kamno. Tandà te salà no sìyan, inangen ko heman medaet se tanà. Keilangan gayed ka megterbaho taman te pegkematay nikaw, amon botong se kànen nikaw.
75	GEN 3:19	Keilangan gayed ka megterbaho lamig peg-etingan ka amon doen tomilles kidoen te tanà lamig molì ka doton te tanà, so yan se linekatan nikaw. Ininang ka lekat te tanà, aw todà ka heman meinang tanà.”
86	GEN 4:6	Penga niyan, minikagi se Timanem diyà ki Cain, “Kenà mèpiya se pegkeopal nikaw. Kenà mèpiya se pegtàmod nikaw.
89	GEN 4:9	Mig-insà se Timanem diyà ki Cain, “Kenan lay se kedowa no si Abel?” Timaba sikandin, “Inday. Kenà a teletonggò te kedowa ko.”
92	GEN 4:12	Aw todà ka megpawà, eked pongo se tinanem nikaw. Keilangan gayed ka meglegeb dini lanto te tanà.”
94	GEN 4:14	Eked a no den pepewai, aw ipekesayo a no den lekat kamno. Keilangan gayed a meglegeb dini lanto te tanà. Aw ketelaan a te doma otaw, imetayan a din.”
143	GEN 6:5	Kinità te Timanem te ontò medaet se eg-inangen te kedita te otaw dini lanto te tanà, aw tomalag medaet se aneng-aneng aw ibeg dan te kelikit te aldaw.
186	GEN 8:2	Sinengseng din se menge selep doton didalem te dagat aw menge linekatan te odan doton te langit. Kimedit se odan.
197	GEN 8:13	Nayan, peg-apet te enem gatos aw sebad se omay i Noe, te pitsa ono te tagnà bolan te omay sìyan, minuyud se wayeg diyà te tanà. Inabat i Noe se atep te arka amon megpeatap-atap. Kinità din te tabag migkepangkag se tanà.
239	GEN 10:4	Se menge bowad-bowad i Jaban, yan si Elisa, si Tarsis, aw menge tege Kiti aw tege Dodani.
303	GEN 12:4	Yan timolò si Abram te punù te Timanem, aw nesayo sikandin tinekingan i Lot. Kepitowan teg lima se omay i Abram te pegkesayo din lekat te Haran.
342	GEN 14:5	Pegdateng te ikesempolò teg epat te omay, limompak si Cadorlahomor aw menge doma selotan migsebad diyà kandin. Dinaeg dan se kedita te tege Repai doton te Astarot-carnaim. Dinaeg dan heman se menge tege Susi doton te Ham, aw menge tege Emi doton te kepetagan te Kiriataim.
358	GEN 14:21	Minikagi se selotan te Sodoma diyà ki Abram, “Kamno den se kedakel te kedònan day neabat no lekat te epat selotan mig-agaw kenyan lekat kenami. Olò menge sakop ko se iolì no diyà kanak.”
361	GEN 14:24	Wedad palos ebaten ko, meneng se kinaen te menge sineligan ko, yan olò se eked ko olii. Keilangan doen heman talad te menge otaw dimapit kanak, si Aner, si Escol, aw si Mamre.”
365	GEN 15:4	Penga niyan, minikagi se Timanem diyà kandin, “Kenà si Elieser se meketig-apò te kedònan nikaw, so kamno batà meama se meketig-apò te kedònan nikaw.”
374	GEN 15:13	Minikagi se Timanem diyà kandin, “Metoman meg-ogpà se menge bowad-bowad no doton te tanà tinig-apò te menge doma otaw te sebad pongan. Kelimahan dan aw ellangen dan te doma otaw taman te epat gatos se omay.
380	GEN 15:19	Ibegay ko heman diyà kandan se tanà inogpaan te menge pongan te otaw iningedanan Keni, Kenisi, Cadmoni,
390	GEN 16:8	Minikagi se anghil, “E Agar, allang i Sarai, kenan ka lay lekat, aw kenan ka lay pesalo?” Timaba si Agar, “Kimadas a den lekat te amo ko si Sarai.”
396	GEN 16:14	Yan se doun te iningedanan se selep sìyan Beer Lahai Roi (kelebadan niyan, selep te Timanem doen pedowan egpengità kanak). Kidoen pa songkani se selep sìyan doton te tengà-tengà te lonsod te Cades aw Bered.
398	GEN 16:16	Kewelowan teg enem se omay i Abram te pegtebaw i Ismael.
399	GEN 17:1	Peg-apet te kesyaman teg siyam se omay i Abram, migpekità se Timanem diyà kandin, aw minikagi sikandin, “Siak se Timanem eglowan diyà te kedita. Tolò ka kanak. Keilangan gayed ka meg-inang te metòlid.
408	GEN 17:10	Seini se pengilala tepad te pakang ko keilangan inangen no sipat te kedita te bowad-bowad nikaw. Keilangan tolien se kedita te meama kidoen kamno.
409	GEN 17:11	Keilangan megpetolì ka, so yan se pengilala tepad te pakang ko kamno.
411	GEN 17:13	Keilangan tolien se kedita te meama, so pineokit te pengilala sìyan kidoen te lawa niyo, ketegahan niyo te wedad temanan te pakang ko kenyo.
413	GEN 17:15	Minikagi se Timanem diyà ki Abraham, “Lekat seini, eked den kepakay aw si Sarai se ngadan te esawa nikaw. Keilangan ingedanan no sikandin ki Sara (kelebadan niyan, batà bayi te selotan).
422	GEN 17:24	Kesyaman teg siyam se omay i Abraham te pegpetolì din,
431	GEN 18:6	Ayas minawop si Abraham aw minikagi sikandin diyà ki Sara, “Kegaen ka. Gemiti se sebad sako ontò mèpiya arina, aw inangi se pan ipekaen kandan.”
434	GEN 18:9	Mig-insà dan diyà kandin, “Kenan lay se esawa nikaw si Sara?” Timaba si Abraham, “Doton didalem.”
459	GEN 19:1	Sìyan didowa memanit nekeonà, yan se anghil. Pegkemeapon, dimateng dan doton te Sodoma. Kidoen si Lot nenenoo medapag te lelebangan diyà te melangkaw kotà nekelibed te lonsod sìyan. Pegkità din kandan, timindeg sikandin aw simongon kandan. Limongken sikandin lamig minapet se olo din diyà te tanà,
463	GEN 19:5	Timawal dan diyà ki Lot, kagi dan, “Kenan lay se didowa meama dimateng gina dini kamno te meapon? Pelowai dan diyà kenami amon lomayok kay diyà kandan.”
473	GEN 19:15	Pegkeiselem niyan, ginallat te anghil si Lot, kagi dan, “Kegaen ka den. Petekingi den se esawa no aw dowa batà no laga, aw kadas kaw den amon eked kaw kesàbi te pegbaet te Timanem te lonsod seini.”
475	GEN 19:17	Penga niyan, minikagi se anghil, “Kadas kaw den. Ikà niyo eglengag. Ikà niyo egsagked dini te baog. Meneng kadas kaw den doton te menge bontod amon eked kaw kegelà.”
509	GEN 20:13	Kedengan te pegpekesayo te Timanem kanak lekat te lonsod inogpaan te amay ko, minikagi a diyà te esawa ko aw ontò a din egkeidowan, yan keilangan mikagi sikandin diyà te kedita te otaw te telekedowa kay.”
521	GEN 21:7	Minikagi heman sikandin, “Kedengan, wedad palos otaw mekeikagi diyà ki Abraham te doen aldaw megpesoso a te batà. Meneng tinebawan a den beling te batà din, pengkey temoay den sikandin.”
544	GEN 21:30	Timaba si Abraham, “Kinewai se pito nati te karniro seini, aw yan doen pengilala te siak se migpebangbang te sokian seini.”
576	GEN 23:4	“Kenà a tege dini, so minalin a dini kenyo. Beyadan ko peden kenyo se tanà dini amon doen lebengan ko te esawa ko nematay.”
582	GEN 23:10	Kidoen heman si Efron doma te menge tege Heti netipon kidoen te lelebangan te lonsod sìyan, aw dinineg te kedita dan se intaba din diyà ki Abraham,
585	GEN 23:13	aw minikagi sikandin diyà ki Efron dinineg te kedita dan, “Penenalan ka den te kagi ko seini. Beyadan ko den se pawà no sìyan te kedakel te elagà niyan. Kinewai se ibayad ko, amon doen lebengan ko te esawa ko.”
599	GEN 24:7	Kedengan, inikegiyan a te Timanem eg-ogpà doton te langit te keilangan mesayo a lekat te menge kedomaan te amay ko aw tanà tinebawan ko, aw ontò a din pinekangan te ibegay din se tanà seini diyà te menge bowad-bowad ko. Isogò te Timanem se anghil monà diyà kamno aw megtabang kamno amon mekeabat ka te bayi pengognanen te batà ko.
607	GEN 24:15	Telobo pa sikandin migtawal-tawal, dimateng si Rebecca batà bayi i Betuel neniang te tibod. Kedowa i Abraham si Nahor se apò din meama, aw si Melca se apò din bayi.
620	GEN 24:28	Kimagnan se bayi minolì, aw mig-indan sikandin diyà te inay din aw menge kedomaan din tepad kenyan.
629	GEN 24:37	Impesapà a te amo ko te tomanen ko se impunù din kanak. Minikagi sikandin, ‘Keilangan eked no pemellii se bayi pengognanen te batà ko lekat te menge otaw eg-ogpà doton te Canaan.
654	GEN 24:62	Nayan, mig-ogpà si Isaac doton te Negeb. Kaling sikandin minolì lekat te kebigtilan te Beer Lahai Roi.
660	GEN 25:1	Nayan, todà nengognan si Abraham, aw si Ketura se ngadan te modi esawa din.
661	GEN 25:2	Se menge batà meama i Abraham timebaw diyà ki Ketura, yan si Simran, si Jocsan, si Medan, si Midian, si Isbac, aw si Sua.
663	GEN 25:4	Se menge batà meama i Midian, yan si Epa, si Eper, si Hanoc, si Abida, aw si Eldaa. Menge bowad-bowad i Ketura se kedita niyan.
672	GEN 25:13	Seini se ngadan te menge batà i Ismael egpetibos-tibosay dan lekat te penganay. Si Nebaiot se kakay, inolid din si Kedar, si Adbeel, si Mibsam,
674	GEN 25:15	si Hadad, si Tema, si Jetur, si Napis, aw si Kedema.
679	GEN 25:20	Kepatan se omay i Isaac te pegpengognan din ki Rebecca batà i Betuel tege Aramea te Mesopotamya. Si Rebecca se etebay i Laban tege Aramea heman.
685	GEN 25:26	Pegtebaw te adi din, minawid sikandin te palo te kakay din, aw yan iningedanan dan sikandin ki Jacob (kelebadan niyan, nengawid te palo, aw doen heman kelebadan niyan, eg-akal). Keneman se omay i Isaac te pegtebaw te didowa dan.
693	GEN 25:34	Penga niyan, nemegay si Jacob diyà ki Esau te pan aw sabaw te temboway melalag. Kimaen si Esau aw mininem. Penga niyan, nesayo sikandin. Yan mig-aneng-aneng sikandin te wedad elagà te ontong ibegay te amay din diyà te penganay batà din.
694	GEN 26:1	Nayan, doen todà bitil doton te Canaan. Kenà iyan onawa te bitil neokitan i Abraham. Dimoton si Isaac te tanà i Abimelec, selotan te menge tege Filisti doton te lonsod te Gerara.
709	GEN 26:16	Penga niyan, minikagi si Abimelec diyà ki Isaac, “Kesayo ka den lekat dini kenami, so neinang ka den beling labi magsen diyà kenami.”
713	GEN 26:20	Meneng migpedindilay se menge telediyaga tege Gerara aw menge telediyaga i Isaac, aw minikagi se menge tege Gerara, “Kenami se wayeg sìyan.” Yan se doun te iningedanan i Isaac se sokian sìyan Esek (kelebadan niyan, dindil), so migpedindilay dan kidoen.
720	GEN 26:27	Minikagi si Isaac, “Kedengan neopal kaw diyà kanak, aw impekesayo a niyo. Yan nengà lay dimini kaw den kanak?”
764	GEN 27:36	Minikagi si Esau, “Neketepad se ngadan din si Jacob (kelebadan niyan, eg-akal), so mekedowa den sikandin peg-akal diyà kanak. Kedengan nengagaw sikandin te ontong kinewaen te penganay batà no aw matay ka, aw nengagaw den heman sikandin te mèpiya ibegay peden te Timanem diyà kanak. Doen lay peden mèpiya wedà no pa pemoyoi ibegay te Timanem diyà kandin?”
768	GEN 27:40	Keilangan mengabat ka te kelidoan pineokit te pegbolaw nikaw. Meinang ka allang te kedowa nikaw. Meneng aw eked no iyan keteyodi, mekelowà ka lekat te peglowan din.”
771	GEN 27:43	Na Atò, tolò ka den kanak. Kadas ka den, aw doton ka te meama ko si Laban kidoen te Haran.
773	GEN 27:45	Aw kelibelan din se ininang no diyà kandin, ipeangay ta amon mekeolì ka dini. Keilangan komadas ka den, so eked a keibeg aw dowa kaw telekedowa se matay dalem te sebad se aldaw.”
786	GEN 28:12	Migtegeinep sikandin. Kinità din se lelebangan impetindeg diyà te tanà aw minapet iyan te langit, aw medita se anghil egpenayit aw egtenà kidoen.
787	GEN 28:13	Kinità din heman se Timanem timindeg kidoen, aw minikagi sikandin diyà ki Jacob, “Siak se Timanem gayed egseligan te apò no si Abraham, aw amay no si Isaac. Se tanà seini inibatan nikaw, yan se ibegay ko diyà kamno aw diyà te menge bowad-bowad nikaw.
791	GEN 28:17	Migpeso sikandin, aw minikagi, “Kelemitanan se ogpeanan seini. Balay ini te Timanem. Seini se tetakep te lelebangan te langit.”
798	GEN 29:2	Dimateng sikandin doton te balon te wayeg binengbangan kidoen mediyò te lonsod. Kinità din se telo ebong te menge karniro minibat medapag te balon. Netipon se karniro so eg-inem dan kidoen. Mebelad se bato insampeng diyà te balon sìyan.
801	GEN 29:5	Mig-insà si Jacob, “Kinilala niyo lay si Laban apò i Nahor?” Timaba dan, “Ee. Kinilala day sikandin.”
809	GEN 29:13	Pegketaga-taga i Laban te dimateng se anak din si Jacob, ayas sikandin simongon kandin. Kinelesan sikandin i Laban, aw inedekan din, aw inibing din doton te balay din. Pegdateng dan kidoen, mig-indan si Jacob diyà kandin tepad te kedita neinang diyà kandin.
828	GEN 29:32	Miglaman si Lea aw tinebawan sikandin te batà meama. Iningedanan din se batà din ki Ruben (kelebadan niyan, kinità se kelimahan), so minikagi sikandin, “Kinità te Timanem se kelimahan ko. Kedekelan a den besi te esawa ko te pedowan.”
830	GEN 29:34	Todà miglaman si Lea, aw tinebawan heman sikandin te batà meama. Penga niyan, minikagi sikandin, “Kedekelan a den besi te pedowan te esawa ko, so tinebawan a den te telo batà din meama.” Yan iningedanan din se batà din ki Levi (kelebadan niyan, kedekelan).
833	GEN 30:2	Neopal si Jacob diyà ki Raquel, aw minikagi sikandin, “Kenà a man Timanem! Sikandin se wedà pemebatà kamno.”
839	GEN 30:8	Minikagi si Raquel, “Kedengan dinaeg a te kakay ko, meneng songkani dinaeg ko heman sikandin.” Yan iningedanan din se batà din ki Neftali (kelebadan niyan, bolaw).
847	GEN 30:16	Peg-olì i Jacob lekat te pawà te meapon, simongon si Lea kandin, aw minikagi sikandin, “Keilangan lomayok ka diyà kanak kwani delem, so netelaan te batà ta se menge mandragora, aw yan se imbayad ko kamno diyà ki Raquel.” Yan se doun te si Lea se lineyokan i Jacob te delem sìyan.
861	GEN 30:30	Kedengan te wedà a pa dateng dini, olò deitek se keyemanan nikaw. Meneng ontò ka den migkeyaman, so mèpiya se imbegay te Timanem diyà kamno pineokit te kedita te ininang ko. Meneng songkani, keilangan doen ontong te kenaken pamilya pineokit te inangen ko.”
876	GEN 31:2	Kinità heman i Jacob te deitek den se pedowan i Laban diyà kandin, so kenà den iling te kedakel te pedowan din kedengan.
879	GEN 31:5	Pegdateng dan doton, minikagi si Jacob, “Kinità ko te deitek den se pedowan te amay niyo diyà kanak, so kenà den iling te kedakel te pedowan din kedengan. Meneng gayed a egdomaan te Timanem egseligan te amay ko.
882	GEN 31:8	Te kelikit te pegpakang te amay niyo diyà kanak, ‘Kedita te kambing boling se itandan ko diyà kamno,’ yan tomalag boling se timebaw. Aw te kelikit te pegpakang din diyà kanak, ‘Kedita te kambing beteken se itandan ko diyà kamno,’ yan tomalag beteken se timebaw.
884	GEN 31:10	“Kedengan dalem te pegpebelagay te kambing, migtegeinep a. Kinità ko te beteken aw boling se kedita te kambing meama migbalag.
887	GEN 31:13	Siaken se Timanem migpekità diyà kamno kedengan kidoen te Betel. Kidoen ininang no kekitaan se bato tinoyongan no te lana, aw migpakang ka heman kanak. Na, kesayo ka den lekat te ogpeanan seini, aw olì ka den doton te tanà tinebawan nikaw.’”
908	GEN 31:34	Tapay in-eles i Raquel se inotaw doton te siyà te kamilo din, aw nenenoo sikandin kidoen. Kinelokad i Laban se kedita te kedònan doton te tolda inogpaan din, meneng wedad palos kinità din.
911	GEN 31:37	Kinelokad no den se kedakel te kedònan ko. Eden lay se tinakaw lekat kamno? Aw doen kinità nikaw, soli den iyan dini te menge kedomaan ta amon meg-osay dan kenita.
917	GEN 31:43	Minikagi si Laban, “Kanak batà se menge esawa nikaw, aw kanak apò se menge batà dan. Kanak heman se menge ayam-ayam seini. Pengkey eden se kitaen no dini, tomalag iyan kanak. Meneng eked kepakay aw megpeeleg a te menge batà ko aw menge apò ko.
933	GEN 32:5	Migpunù si Jacob diyà kandan, “Keliwati niyo se kagi ko seini diyà te kakay ko si Esau egsegmanen ko. ‘Siaken se sineligan no si Jacob. Mig-ogpà a doton ki Tiyò Laban lamig te peg-olì ko seini.
939	GEN 32:11	Pelaban dakel se keido no diyà kanak wedad temanan niyan, so ontò a medanà diyà kamno. Kedengan te pegbatas ko te wayeg te Jordan pesalo doton ki Laban, wedad palos inibing ko olò bangkà. Meneng songkani doen den dowa dakel ebong ko seini.
945	GEN 32:17	Impeebong-ebong din se kedita dan, aw doen sineligan impetonggò din diyà te tegsebad-sebad ebong. Minikagi sikandin diyà te menge sineligan din, “Keilangan mengibing kaw te menge ayam-ayam doton te monà day, aw keilangan doen heman elet diyà te tegsebad-sebad ebong.”
949	GEN 32:21	Keilangan mikagi kaw diyà kandin, ‘Doton pa te modi se sineligan no si Jacob.’” Yan se impunù din diyà kandan, so mig-aneng-aneng sikandin, “Pineokit te ibowang ko diyà kandin, megkèpiya se pedowan din diyà kanak. Yan aw megkità kay, pegwedaden din besi se salà ininang ko diyà kandin.”
959	GEN 32:31	Iningedanan i Jacob se tanà sìyan Peniel (kelebadan niyan, bawa te Timanem), so minikagi sikandin, “Kinità ko den se bawa te Timanem, meneng wedà a kedì kematay.”
970	GEN 33:9	Meneng minikagi si Esau, “Botong den se kanak. Kamno den iyan.”
971	GEN 33:10	Minikagi si Jacob, “Kenà. Aw doen keido no diyà kanak, kinewai bag se ibowang ko diyà kamno. Pegliyag no kanak, iling te liniyagan a te Timanem, so mèpiya den beling se pedowan no diyà kanak.
972	GEN 33:11	Kinewai bag se bowang seini impeibing ko diyà kamno, so mèpiya se tabang te Timanem diyà kanak, aw botong se kedònan ko.” Gayed migleges si Jacob kandin, aw yan kiminawà si Esau kenyan.
983	GEN 34:2	Kinità sikandin i Sikem batà meama te datò kidoen si Hamor tege Hebi. Dinakep i Sikem si Dina, aw lineyokan din.