238	GEN 10:3	Se menge batà i Gomer, yan si Askenas, si Rifat, aw si Togarma.
242	GEN 10:7	Se menge batà meama i Cus, yan si Seba, si Habila, si Sabata, si Raama, aw si Sabaca. Se menge batà meama i Raama, yan si Saba aw si Dadan.
246	GEN 10:11	Lekat kidoen, dimoton sikandin te Asirya, aw mig-inang sikandin te menge lonsod te Niniba, Rehobot-Ir, Cala,
247	GEN 10:12	aw Resen diyà te tengà-tengà te Niniba aw dakel lonsod te Cala.
285	GEN 11:18	Peg-apet te ketlowan se omay i Peleg, timebaw se batà din meama si Reu.
287	GEN 11:20	Peg-apet te ketlowan teg dowa se omay i Reu, timebaw se batà din meama si Serug.
288	GEN 11:21	Penga niyan, dowa gatos aw pito se omay minokit te wedà pa kematay si Reu. Dalem niyan, doen pa menge doma batà din timebaw.
342	GEN 14:5	Pegdateng te ikesempolò teg epat te omay, limompak si Cadorlahomor aw menge doma selotan migsebad diyà kandin. Dinaeg dan se kedita te tege Repai doton te Astarot-carnaim. Dinaeg dan heman se menge tege Susi doton te Ham, aw menge tege Emi doton te kepetagan te Kiriataim.
381	GEN 15:20	Heti, Perisi, Repai,
396	GEN 16:14	Yan se doun te iningedanan se selep sìyan Beer Lahai Roi (kelebadan niyan, selep te Timanem doen pedowan egpengità kanak). Kidoen pa songkani se selep sìyan doton te tengà-tengà te lonsod te Cades aw Bered.
571	GEN 22:23	(Si Betuel se amay i Rebecca.) Yan se ngadan te walo batà i Nahor timebaw diyà ki Melca nayi i Abraham.
572	GEN 22:24	Doen heman allang i Nahor pig-esawa din ngadan din si Roma tinebawan i Teba, si Gaam, si Taas, aw si Maaca.
607	GEN 24:15	Telobo pa sikandin migtawal-tawal, dimateng si Rebecca batà bayi i Betuel neniang te tibod. Kedowa i Abraham si Nahor se apò din meama, aw si Melca se apò din bayi.
608	GEN 24:16	Laga pa si Rebecca, aw ontò mèpiya se bawa din. Wedà palos sikandin leyoki te meama. Dimoton sikandin te sokian, aw simalok, aw limikò sikandin.
621	GEN 24:29	Doen kedowa meama i Rebecca ngadan din si Laban. Pegkità i Laban te aritis aw taklay te etebay din, aw pegdineg din te kagi te etebay din tepad te inikagi te otaw dimateng, ayas sikandin simongon kandin doton te sokian. Pegdateng i Laban doton te sokian, kidoen pa se sineligan i Abraham sipat te menge kamilo din.
637	GEN 24:45	“Telobo a pa migtawal-tawal, dimateng si Rebecca neniang te tibod din. Dimoton sikandin te sokian aw simalok, aw minikagi a diyà kandin, ‘Atà, peinemi a bag.’
643	GEN 24:51	Mepakay diyà kenami aw ibingen no si Rebecca amon pengognanen te batà te amo nikaw, iling te impetaga-taga den te Timanem kenitadon.”
645	GEN 24:53	Penga niyan, inokal din se menge bowang, menge penenaktun, aw selapì aw bolawan, aw imbegay din iyan diyà ki Rebecca. Doen heman menge meelagà imbowang din diyà te kedowa din aw inay din.
647	GEN 24:55	Meneng timaba se kedowa aw inay i Rebecca, “Mèpiya aw eked no pa sikandin ibingi singed aw menge sempolò pa se aldaw. Penga niyan, mepakay aw mesayo kaw.”
649	GEN 24:57	Minikagi dan, “Tewalen day si Rebecca, aw insaen day sikandin aw eden se ibeg din.”
650	GEN 24:58	Penga niyan, tinawal dan si Rebecca, aw mig-insà dan diyà kandin, “Meibeg ka lay tomaking kandin seini?” Timaba sikandin, “Ee, tomaking a den kandin.”
651	GEN 24:59	Penga niyan, mepakay diyà kandan aw tomaking si Rebecca aw lokes tapay mig-ipat kandin. Impekesayo dan sipat te sineligan i Abraham aw menge doma din.
652	GEN 24:60	Te wedà dan pa kesayo, nemoyò se menge kedomaan i Rebecca te mèpiya se ibegay te Timanem kandin. Minikagi dan, “Etebay day, ibeg day meinang ka peden kemonaan te minelalan bowad-bowad nikaw. Ibeg day, mekedaeg peden se menge bowad-bowad no te lonsod te kedita te poon dan.”
653	GEN 24:61	Penga niyan, migtigmes si Rebecca aw menge doma bayi timaking kandin te karga ibingen dan, aw simakay dan te menge kamilo amon tomaking dan te sineligan i Abraham. Penga niyan, nesayo se kedita dan.
654	GEN 24:62	Nayan, mig-ogpà si Isaac doton te Negeb. Kaling sikandin minolì lekat te kebigtilan te Beer Lahai Roi.
656	GEN 24:64	Pegkità i Rebecca kandin, kimahang sikandin lekat te kamilo
657	GEN 24:65	aw mig-insà sikandin diyà te sineligan, “Sinu lay se otaw doton te pawà sida simongon kenitadon?” Timaba sikandin, “Amo ko sikandin.” Penga niyan, sinempengan i Rebecca se bawa din amon segmanen din si Isaac.
659	GEN 24:67	Inibing i Isaac si Rebecca doton didalem te tolda tapay inogpaan te inay din si Sara. Pinengognan din si Rebecca, aw ontò dakel se pedowan i Isaac diyà kandin. Yan nesinalay si Isaac tepad te pegkematay te inay din.
670	GEN 25:11	Penga te pegkematay i Abraham, mèpiya se imbegay te Timanem diyà te batà din si Isaac, aw mig-ogpà sikandin doton medapag te Beer Lahai Roi.
679	GEN 25:20	Kepatan se omay i Isaac te pegpengognan din ki Rebecca batà i Betuel tege Aramea te Mesopotamya. Si Rebecca se etebay i Laban tege Aramea heman.
680	GEN 25:21	Nayan, wedad palos batà i Rebecca, aw yan migtawal-tawal si Isaac diyà te Timanem tepad kenyan. Nenenalan se Timanem te pinemoyò din, aw yan miglaman si Rebecca.
681	GEN 25:22	Doen pingin diyà te belenakan din, aw iling te migbolaw dan te wedà dan pa tebaw. Minikagi si Rebecca, “Nengà lay neinang ini diyà kanak?” Penga niyan, mig-insà sikandin diyà te Timanem tepad kenyan.
687	GEN 25:28	Ontò dakel se pedowan i Isaac diyà ki Esau, so ibeg din egpengànen se menge menenanap te kebenesan egpenaen i Esau. Meneng ontò dakel beling se pedowan i Rebecca diyà ki Jacob.
700	GEN 26:7	Peg-insà te menge meama kidoen tepad te esawa din, minikagi sikandin, “Etebay ko sikandin.” Wedà sikandin ikagi te teleesawa dan, so nelemitan sikandin. Mig-aneng-aneng sikandin te imetayan sikandin te menge meama kidoen amon egawen dan si Rebecca, so ontò mèpiya se bawa din.
701	GEN 26:8	Pegkenamay-namay te peg-ogpà i Isaac kidoen te Gerara, dimelowang si Abimelec selotan te menge tege Filisti, aw kinità din si Isaac aw si Rebecca migpekelesay.
715	GEN 26:22	Minalin sikandin lekat kidoen, aw migpebangbang sikandin te sokian doton. Wedad migbolaw tepad kenyan, aw yan iningedanan din iyan Rehobut (kelebadan niyan, keombaan), so minikagi sikandin, “Doen den keombaan imbegay te Timanem diyà kenitadon, aw mèpiya den se peg-ogpà tadon dini.”
728	GEN 26:35	Medaet se peg-ogpà i Isaac aw si Rebecca tandà te eg-inangen te didowa ogangan dan sìyan.
733	GEN 27:5	Dalem te peg-ikagi i Isaac diyà ki Esau, dinineg i Rebecca se kagi din. Pegkesayo i Esau amon megdansal,
734	GEN 27:6	minikagi si Rebecca diyà te batà din si Jacob, “Na, dinineg ko gina se inikagi te amay no diyà te kakay no si Esau.
743	GEN 27:15	Penga niyan, inabat i Rebecca se mèpiya saol i Esau intagò kidoen te balay, aw impesaol din iyan ki Jacob.
770	GEN 27:42	Pegketaga-taga i Rebecca tepad te inikagi i Esau, impeangay din si Jacob, aw minikagi sikandin, “Miglalang den ekon si Esau mengimatay kamno amon meabat se kebensi din.
774	GEN 27:46	Minikagi heman si Rebecca diyà ki Isaac, “Ontò melima se peg-ogpà ko doma te menge ogangan ta tege Heti. Aw pengognanen i Jacob se tege Heti iling te didowa bayi pinengognan i Esau, labi pa mèpiya aw matay a.”
779	GEN 28:5	Penga niyan, impekesayo i Isaac si Jacob, aw dimoton sikandin te Mesopotamya taman ki Laban batà i Betuel tege Aramea. Si Laban se meama i Rebecca, aw emayen sikandin i Jacob aw si Esau.
802	GEN 29:6	Mig-insà heman si Jacob, “Mèpiya lay se pegkesawol din?” Timaba dan, “Mèpiya man. Na, doton sida se batà din bayi si Raquel nengibing te menge karniro din dini.”
805	GEN 29:9	Telobo pa minikagi si Jacob diyà kandan, dimateng si Raquel nengibing te karniro te amay din, so sikandin se migdiyaga kenyan.
806	GEN 29:10	Pegkità i Jacob ki Raquel nengibing te menge karniro te emayen din si Laban, dimoton sikandin te balon, aw nengelid sikandin te bato insampeng kenyan, aw simalok sikandin te wayeg inemen te karniro te emayen din.
807	GEN 29:11	Penga niyan, nengadek si Jacob ki Raquel, aw migkelag sikandin tandà te keluba din.
808	GEN 29:12	Minikagi sikandin diyà ki Raquel, “Anak a te amay nikaw, so etebay din si Rebecca se inay ko.” Penga niyan, kimagnan si Raquel minolì aw mig-indan sikandin te amay din.
812	GEN 29:16	Dowa se batà laga i Laban. Si Lea se kakay, aw si Raquel se adi din.
813	GEN 29:17	Mèpiya tengtengen se mata i Lea, meneng ontò beling mèpiya se bawa i Raquel egtengtengen.
814	GEN 29:18	Ontò dakel se pedowan i Jacob diyà ki Raquel, aw yan minikagi sikandin, “Aw mepakay pengognanen ko si Raquel, megterbaho a dini kamno te pito se omay.”
816	GEN 29:20	Penga niyan, migterbaho si Jacob te pito se omay amon pengognanen din si Raquel, meneng diyà te aneng-aneng i Jacob, iling te pilabok olò se aldaw sìyan so dakel se pedowan din diyà ki Raquel.
821	GEN 29:25	Pegkeiselem niyan, kinità i Jacob te si Lea se impeipid i Laban diyà kandin, aw yan mig-insà sikandin diyà ki Laban, “Nengà lay mig-inang ka te medaet diyà kanak? Si Raquel se impakang no diyà kanak tepad te terbaho ko. Nengà lay mig-akal ka kanak?”
823	GEN 29:27	Pegtagad ka den te sebad simana lamig mepenga se peipid no ki Lea. Penga niyan, aw megterbaho ka diyà kanak te pito mendad se omay, ibegay ko heman kamno se adi din si Raquel.”
824	GEN 29:28	Yan se ininang i Jacob. Penga te sebad simana te peipid sìyan, imbegay heman i Laban se batà din si Raquel diyà ki Jacob amon meinang heman esawa din.
825	GEN 29:29	Imbegay heman i Laban se allang din bayi si Bilha diyà ki Raquel amon megtelaban kandin.
826	GEN 29:30	Limayok heman si Jacob diyà ki Raquel. Deitek se pedowan i Jacob diyà ki Lea, meneng dakel se pedowan din diyà ki Raquel. Penga niyan, migterbaho si Jacob diyà ki Laban te pito mendad se omay.
827	GEN 29:31	Pegketaga-taga te Timanem te deitek se pedowan i Jacob diyà ki Lea, impebatà din si Lea. Meneng wedà beling peglaman si Raquel.
828	GEN 29:32	Miglaman si Lea aw tinebawan sikandin te batà meama. Iningedanan din se batà din ki Ruben (kelebadan niyan, kinità se kelimahan), so minikagi sikandin, “Kinità te Timanem se kelimahan ko. Kedekelan a den besi te esawa ko te pedowan.”
832	GEN 30:1	Pegketaga-taga i Raquel te wedad batà timebaw diyà kandin, miningà sikandin te kakay din. Minikagi sikandin diyà ki Jacob, “Aw eked a no pebetai, matay a.”
833	GEN 30:2	Neopal si Jacob diyà ki Raquel, aw minikagi sikandin, “Kenà a man Timanem! Sikandin se wedà pemebatà kamno.”
834	GEN 30:3	Minikagi si Raquel, “Ibegay ko diyà kamno se allang ko si Bilha. Layok ka den diyà kandin amon doen peden batà tomebaw diyà kandin pegbetaen ko. Yan doen peden menge batà ko pineokit kandin.”
835	GEN 30:4	Yan imbegay i Raquel se allang din si Bilha diyà ki Jacob amon inangen din esawa din. Pegpeleyokay dan,
837	GEN 30:6	Penga niyan, minikagi si Raquel, “Impelangkaw a den te Timanem. Nenenalan sikandin te pinemoyò ko, aw binegayan a din te batà meama.” Yan se doun te iningedanan din se batà din ki Dan (kelebadan niyan, impelangkaw).
839	GEN 30:8	Minikagi si Raquel, “Kedengan dinaeg a te kakay ko, meneng songkani dinaeg ko heman sikandin.” Yan iningedanan din se batà din ki Neftali (kelebadan niyan, bolaw).
845	GEN 30:14	Dalem te peglegani te trigo, dimoton si Ruben te pawà, aw neketalà sikandin te menge pongo te sagbet iningedanan mandragora egpengànen te bayi meibeg megbatà. Inibing din iyan doton te inay din si Lea. Minikagi si Raquel diyà ki Lea, “Begayi a heman te menge mandragora inibing te batà nikaw.”
846	GEN 30:15	Minikagi si Lea, “Pengkey inagaw no se esawa ko, meneng kenà besi botong se medaet ininang no sìyan, so egawen no den heman se menge mandragora inibing te batà ko diyà kanak!” Minikagi si Raquel, “Aw ibegay no den diyà kanak se menge mandragora netelaan te batà nikaw, mepakay diyà kanak aw sikona se leyokan i Jacob kwani delem.”
847	GEN 30:16	Peg-olì i Jacob lekat te pawà te meapon, simongon si Lea kandin, aw minikagi sikandin, “Keilangan lomayok ka diyà kanak kwani delem, so netelaan te batà ta se menge mandragora, aw yan se imbayad ko kamno diyà ki Raquel.” Yan se doun te si Lea se lineyokan i Jacob te delem sìyan.
853	GEN 30:22	Wedà kelibeli te Timanem si Raquel, so nenenalan se Timanem te pinemoyò din, aw impebatà din sikandin.
855	GEN 30:24	Iningedanan i Raquel se batà din ki Jose (kelebadan niyan, dogangan), so minikagi sikandin, “Ibeg ko begayan a pa te Timanem te doma batà meama.”
878	GEN 31:4	Yan intogon i Jacob si Raquel aw si Lea te megkità dan kandin doton te tanà tinonggoan din te menge ayam-ayam.
888	GEN 31:14	Minikagi si Raquel aw si Lea, “Wedad den palos nesamà ibegay diyà kenami aw matay se amay day.
893	GEN 31:19	Pegkesayo dan, wedad kidoen si Laban, so dimoton sikandin te menge karniro din impeloyaw amon meglegonting kenyan. Nengabat si Raquel te menge inotaw lekat te balay te amay din.
906	GEN 31:32	Meneng aw kitaen no se otaw dini nenakaw te inotaw nikaw, imetayan ko sikandin. Na, megsistigos se menge kedomaan ta. Pemahà ka den. Aw doen kedònan no kitaen no dini, ebati iyan.” Yan se inikagi i Jacob so wedà din ketegahi te si Raquel se nengabat te menge inotaw i Laban.
907	GEN 31:33	Penga niyan, nengemahà si Laban doton te tolda inogpaan i Jacob, aw tolda inogpaan i Lea, aw tolda te didowa allang bayi, meneng wedad palos kinità din kidoen. Penga niyan, minawop sikandin diyà te tolda inogpaan i Raquel.
908	GEN 31:34	Tapay in-eles i Raquel se inotaw doton te siyà te kamilo din, aw nenenoo sikandin kidoen. Kinelokad i Laban se kedita te kedònan doton te tolda inogpaan din, meneng wedad palos kinità din.
909	GEN 31:35	Minikagi si Raquel diyà te amay din, “Amà, ikà bag egkeopal diyà kanak, meneng eked a den peketindeg, so pigdònan a den.” Yan pengkey ontò kinelokad i Laban, meneng wedà din kitai se menge inotaw din.
962	GEN 33:1	Nayan, pegkità i Jacob ki Esau doton te mediyò sipat te epat gatos otaw timaking kandin, impetonggò din se menge batà din ki Lea aw si Raquel aw sìyan dowa allang dan.
963	GEN 33:2	Impeonà din se dowa allang aw menge batà dan, aw impetelokon din se Lea aw menge batà din, aw impemodi din si Raquel aw si Jose.
968	GEN 33:7	Penga niyan, migpedapag si Lea aw menge batà din, aw limongken dan. Penga niyan, migpedapag heman si Jose aw si Raquel, aw limongken dan.
1020	GEN 35:8	Nematay kidoen si Debora tapay migtonggò ki Rebecca te pegkemengisù din, aw inlebeng se lawa din doton te olayan medapag te Betel. Yan se doun te iningedanan iyan Olayan te Pegkelag.
1028	GEN 35:16	Nesayo si Jacob aw pamilya din, aw dimeleg dan. Te wedà dan pa dateng doton te Efrata, dimateng se aldaw te tebawan si Raquel, aw ontò sikandin nelimahan.
1031	GEN 35:19	Pegkematay i Raquel, inlebeng dan se lawa din medapag te dalan pesalo doton te lonsod te Efrata. (Se lonsod te Efrata, yan se iningedanan Bitlihim songkani.)
1034	GEN 35:22	Dalem te peg-ogpà i Jacob kidoen te tanà sìyan, limayok si Ruben diyà te sebad esawa te amay din si Bilha, aw dimineg si Jacob tepad kenyan. Sempolò teg dowa se batà meama i Jacob.
1035	GEN 35:23	Se menge batà din meama timebaw diyà ki Lea, yan si Ruben penganay batà i Jacob, si Simeon, si Levi, si Juda, si Isacar, aw si Sabulon.
1036	GEN 35:24	Se menge batà i Jacob timebaw diyà ki Raquel, yan si Jose aw si Benjamin.
1037	GEN 35:25	Se menge batà din timebaw diyà te allang i Raquel si Bilha, yan si Dan aw si Neftali.
1045	GEN 36:4	Si Elifas se batà i Esau timebaw diyà ki Ada. Si Reuel se batà din timebaw diyà ki Basimat.
1051	GEN 36:10	Doen batà din meama si Elifas timebaw diyà ki Ada, aw si Reuel timebaw diyà ki Basimat.
1054	GEN 36:13	Se menge batà meama i Reuel, yan si Nahat, si Seras, si Samas, aw si Misas. Esawa i Esau si Basimat se apò bayi te kedita dan.
1058	GEN 36:17	Se menge batà i Reuel batà i Esau neinang datò, yan si Nahat, si Seras, si Samas, aw si Misas. Yan se menge batà i Reuel tege Edumea neinang datò, aw si Basimat se apò bayi te kedita dan.
1072	GEN 36:31	Seini se ngadan te menge selotan migpetibos-tibosay te peglowan dan doton te Edumea te wedad pa selotan limowan diyà te menge bowad-bowad i Israel. Si Bela batà i Beor tege Dinhaba. Si Jobab batà i Sera tege Bosra. Si Husan tege Teman. Si Hadad batà i Bedad tege Abit. (Si Bedad se nekedaeg te menge tege Midian doton te tanà te Moab.) Si Samla tege Masreca. Si Saul tege Rehobot te Yofritis. Si Baal Hanan batà i Acbor. Si Hadad tege Pau. (Se esawa din, yan si Mehetabel batà bayi i Matred aw apò i Mesahab.)
1105	GEN 37:21	Meneng pegdineg i Ruben te inikagi te menge kedowa din, ibeg din eked dan peelegi se adi dan. Yan minikagi sikandin, “Mèpiya aw eked tadon imetayi.
1106	GEN 37:22	Ikà niyo egpeeleg kandin, meneng botong aw idagdag tadon sikandin doton te medalem sokian doton te kebigtilan amon matay sikandin te wedad megpeeleg kandin.” Yan se inikagi i Ruben so ibeg din ipelowà din si Jose amon ibingen din doton te amay din.
1113	GEN 37:29	Nayan, pegdoton i Ruben te sokian amon megpelowà ki Jose, kinità din te wedad den kidoen. Yan miglisì sikandin te saol din tandà te puluk din.
1275	GEN 42:22	Minikagi si Ruben, “Minikagi a diyà kenyo te eked niyo sikandin peelegi, meneng wedà a niyo penenelani. Yan se doun te nelimahan kidon seini tandà te pegkematay din.”
1290	GEN 42:37	Minikagi si Ruben diyà te amay din, “Seligi si Benjamin diyà kanak, aw iolì ko sikandin dini kamno. Aw eked ko sikandin keolì, imetayi se dowa batà ko meama.”
1352	GEN 44:27	Penga niyan, minikagi se amay day diyà kenami, ‘Netegahan niyo,’ son din, ‘te olò dowa se batà ko timebaw diyà te esawa ko si Raquel.