2	GEN 1:2	Wedad pa bawa te tanà, aw wedad pa awop niyan, aw tomalag mengitngit se kebelad te dagat. Gayed miniwal se Espiritu Santo diyà te lanto te wayeg.
88	GEN 4:8	Wedà kenamay, minikagi si Cain diyà te kedowa din si Abel, “Taking ka kanak doton te pawà.” Pegdateng dan doton te pawà, inimetayan i Cain se kedowa din.
123	GEN 5:17	Walo gatos kesyaman teg lima se omay i Mahalaleel te pegkematay din.
185	GEN 8:1	Wedà kelibeli te Timanem si Noe aw kedita te menenanap aw ayam-ayam doma kandin simakay te arka. Impekedog te Timanem se kelamag, aw migtebò den se wayeg minuyud.
191	GEN 8:7	aw binoloyan din se sebad owak. Wedà iyan likò doton te arka meneng gayed miglegeb-legeb lamig migkepangkag se tanà.
229	GEN 9:23	Penga niyan, nengabat si Sem aw si Japet te penenaktun itaklub kandin. Inewidan dan se taklub diyà te getan dan, aw minipanaw dan te getan te peg-awop dan diyà te tambì din, aw tinekluban dan sikandin. Wedà dan lingì amon eked dan kitai se lawa te amay dan migpetabeg-tabeg.
297	GEN 11:30	Wedad batà i Sarai, so eked sikandin pegbatà.
360	GEN 14:23	Megpakang a den te wedad palos kedònan no eked ko olii diyà kamno, pengkey sebad sinolib, aw pengkey sebad liston te sepatos. Wedad eked ko olii, so eked a keibeg aw mikagi ka te migkeyaman a pineokit kamno.
361	GEN 14:24	Wedad palos ebaten ko, meneng se kinaen te menge sineligan ko, yan olò se eked ko olii. Keilangan doen heman talad te menge otaw dimapit kanak, si Aner, si Escol, aw si Mamre.”
384	GEN 16:2	Yan minikagi si Sarai diyà ki Abram, “Wedad batà imbegay te Timanem diyà kanak. Yan mèpiya aw lomayok ka den diyà te allang ko amon doen pa peden batà ko pineokit kandin.” Timandù si Abram diyà te inikagi i Sarai,
436	GEN 18:11	Ontò den temoay si Abraham, aw ontò den lokes si Sara. Wedad bayi tebawan aw mapet se omay din iling te omay i Sara.
439	GEN 18:14	Wedad palos eked kebatog te Timanem. Doen inangen ko metolos te modi omay, so doen batà meama tomebaw diyà ki Sara.”
440	GEN 18:15	Nelemitan si Sara, aw yan migkebolalaw sikandin aw minikagi, “Wedà a kebebayat.” Meneng minikagi se Pengolo, “Benal ka nebebayat.”
493	GEN 19:35	Pegkedelem niyan, linasing dan heman se amay dan, aw limayok se adi diyà kandin. Wedà heman sikandin peg-aneng-aneng kenyan, so ontò sikandin nelasing.
500	GEN 20:4	Meneng so wedà pa pegpedapag si Abimelec diyà ki Sara, minikagi sikandin diyà te Timanem, “Wedad palos salà ko diyà kandin. Eked kepakay aw imetayan a no sipat te menge sakop ko.
540	GEN 21:26	Meneng minikagi si Abimelec, “Wedà ko ketegahi aw sinu se mig-agaw kenyan. Wedà a no indani, aw wedà ko iyan ketegahi lamig seini.”
608	GEN 24:16	Laga pa si Rebecca, aw ontò mèpiya se bawa din. Wedà palos sikandin leyoki te meama. Dimoton sikandin te sokian, aw simalok, aw limikò sikandin.
613	GEN 24:21	Wedà ikagi se sineligan, meneng timengteng olò sikandin diyà te terbaho te laga amon metaga-taga sikandin aw tinoman te Timanem se tod din.
677	GEN 25:18	Mig-ogpà se menge bowad-bowad i Ismael doton te tanà diyà te tengà-tengà te lonsod te Habila aw Sur lenged te eglibtakan te Ehipto pesalo te Asirya. Wedà dan peg-ogpà doma te menge doma bowad-bowad i Abraham.
700	GEN 26:7	Peg-insà te menge meama kidoen tepad te esawa din, minikagi sikandin, “Etebay ko sikandin.” Wedà sikandin ikagi te teleesawa dan, so nelemitan sikandin. Mig-aneng-aneng sikandin te imetayan sikandin te menge meama kidoen amon egawen dan si Rebecca, so ontò mèpiya se bawa din.
715	GEN 26:22	Minalin sikandin lekat kidoen, aw migpebangbang sikandin te sokian doton. Wedad migbolaw tepad kenyan, aw yan iningedanan din iyan Rehobut (kelebadan niyan, keombaan), so minikagi sikandin, “Doen den keombaan imbegay te Timanem diyà kenitadon, aw mèpiya den se peg-ogpà tadon dini.”
751	GEN 27:23	Wedà din kilelai si Jacob so bolbolen se bebenayen din iling te bebenayen i Esau. Yan se doun te timetoo si Isaac migpeketagad te pegtawal-tawal din tepad kandin.
803	GEN 29:7	Minikagi si Jacob, “Melangkaw pa se aldaw. Wedà pa dateng se oras te pegpeawop te menge karniro doton te kelokob. Mèpiya aw ipeinem niyo dan aw todà niyo dan ipeloyaw.”
853	GEN 30:22	Wedà kelibeli te Timanem si Raquel, so nenenalan se Timanem te pinemoyò din, aw impebatà din sikandin.
862	GEN 30:31	Mig-insà si Laban, “Eden lay se itandan ko diyà kamno?” Timaba si Jacob, “Wedad itandan no diyà kanak. Meneng aw meibeg ka te megtonggò a pa te kamno menge ayam-ayam, keilangan tomandù ka te sebad olò ikegiyen ko kamno seini.
873	GEN 30:42	Meneng aw megasà se menge ayam-ayam, wedà din soli se menge panga binetekan. Wedà kenamay, si Laban se neketig-apò te kedita te ayam-ayam megasà, aw si Jacob se neketig-apò te kedita te melambò.
888	GEN 31:14	Minikagi si Raquel aw si Lea, “Wedad den palos nesamà ibegay diyà kenami aw matay se amay day.
902	GEN 31:28	Wedà a no peedeki te menge apò ko aw batà ko te pegkesayo niyo. Medaet se ininang no sìyan.
912	GEN 31:38	“Migterbaho a den diyà kamno te kelowan se omay. Dalem te pegtonggò ko te kamno menge ayam-ayam, wedà palos keogali se menge karniro aw kambing nikaw. Wedad karniro no kinaen ko.
1006	GEN 34:25	Pegkepenga te telo se aldaw, dalem te ineleg se kedita dan tandà te pegpemetolì dan, dimoton se dowa batà i Jacob si Simeon aw si Levi ontò meama i Dina. Nengibing dan te sondang, aw miglompak dan te lonsod sìyan. Wedad palos otaw minato kandan, aw yan inigelà dan se kedita te meama.
1136	GEN 38:16	Yan migpedapag si Juda diyà kandin doton te kilid te dalan, aw minikagi sikandin, “Aw mepakay, lomayok a den diyà kamno.” Wedà din kilelai se ogangan din. Mig-insà si Tamar, “Eden lay se ibayad no aw lomayok ka kanak?”
1141	GEN 38:21	Mig-insà si Hiras diyà te menge otaw mig-ogpà kidoen te Enaim, “Kenan lay den se kepoyun nenenoo gina dini medapag te dalan?” Timaba dan, “Wedad palos kepoyun dini.”
1142	GEN 38:22	Penga niyan, limikò si Hiras doton ki Juda, aw minikagi, “Wedà ko kitai. Inikegiyan a te menge otaw eg-ogpà kidoen te wedad palos kepoyun kidoen.”
1143	GEN 38:23	Minikagi si Juda, “Wedad beloyan. Kandin den se impondo ko amon eked ki den keyàyà. So pengkey begayan ko peden sikandin te kambing, meneng wedà no sikandin kitai.”
1157	GEN 39:7	Wedà kenamay, neibeg se esawa i Potifar ki Jose aw minikagi sikandin, “Layok ka den kanak.”
1158	GEN 39:8	Meneng mig-eked si Jose, aw timaba sikandin, “Wedad palos keilangan eneng-enengen te amo ko so sineligan a din. Insalig din se kedakel te kedònan din diyà kanak.
1159	GEN 39:9	Iling te onawa se kelangkaw ko diyà te kelangkaw din dini te balay seini. Wedad palos wedà din seligi diyà kanak olò sikona, so esawa ka din. Eked kepakay aw meg-inang a te medaet iling kenyan. Eked kepakay aw meg-inang a te salà diyà te Timanem.”
1173	GEN 39:23	Wedad palos keilangan eneng-enengen te otaw egbantay te keleboso tepad te eg-inangen i Jose, so tinebangan te Timanem si Jose, aw yan mèpiya se kedita te eg-inangen din.
1215	GEN 41:19	Tigkan ko heman kinità se doma pito baka minanggin lekat te wayeg, meneng ontò dan megasà aw medaet se bawa. Wedad palos baka kinità ko dini te Ehipto labi pa megasà.
1234	GEN 41:38	Minikagi se selotan diyà kandan, “Wedad doma otaw ketelaan tadon labi pa mèpiya ki Jose, so egdomaan sikandin te Timanem.”
1289	GEN 42:36	Minikagi se amay dan diyà kandan, “Pineokit kenyo, eg-ebaten se kedita te batà ko lekat kanak. Wedad den si Jose, wedad den heman si Simeon, aw ibeg niyo ebaten heman si Benjamin lekat kanak. Ontò a egdetengan te kelimahan.”
1298	GEN 43:7	Timaba dan, “Gayed sikandin mig-insà tepad kenitadon aw tepad te pamilya tadon. Mig-insà sikandin, ‘Wedà lay pa kematay se amay niyo? Doen lay pa doma kedowa niyo?’ Olò kay timaba te menge insà din. Wedà kay palos peg-aneng-aneng te tomogon sikandin te keilangan ibingen day doton se kedowa day.”
1313	GEN 43:22	Inibing day den heman se doma kwarta ibayad te kànen. Wedà day ketegahi aw sinu se migsawol te kwarta diyà te sako day kedengan.”
1318	GEN 43:27	Mig-insà sikandin tepad te pegkesawol dan. Mig-insà heman sikandin, “Mèpiya lay se pegkesawol te amay niyo, sìyan temoay in-indan niyo kanak kedengan? Wedà lay pa sikandin kematay?”
1340	GEN 44:15	Minikagi si Jose, “Nengà lay mig-inang kaw te medaet seini? Wedà kaw besi ketaga-taga te mebatog ko kitaen se ininang niyo pineokit te peg-etok.”
1360	GEN 45:1	Nayan, wedà ketemengi i Jose se pedowan din, aw yan impekesayo din se kedita te sineligan din amon eked dan kità kandin. Wedad doma otaw kidoen dalem te pegpekilala i Jose diyà te menge kedowa din.
1387	GEN 45:28	Minikagi sikandin, “Nemenal a den te neantay pa se batà ko si Jose. Wedad den doma ibeg ko. Keilangan domoton a den amon komità a kandin te eked a pa kematay.”
1413	GEN 46:26	Keneman teg enem se kedita te menge bowad-bowad i Jacob dimoton te Ehipto. Wedà pesipati diyà te bilang se menge esawa te batà din.
1430	GEN 47:9	Timaba si Jacob, “Sebad gatos ketlowan se omay ko. Pilabok olò se omay sìyan, aw melima se neokitan ko. Wedà pa apet se omay ko te omay te menge kemonaan ko.”
1439	GEN 47:18	Pegkepenga te omay sìyan, limikò dan doton ki Jose aw minikagi dan, “Sir, benal se kagi day kamno te neamin se kwarta day, aw tinig-apò no den se kedita te ayam-ayam day. Wedad den ibegay day kamno, olò pawà day aw lawa day se nesamà.
1443	GEN 47:22	Meneng wedà din beyadi se tanà tinig-apò te menge egpengibing te menge otaw egsimba te aldaw doton te Ehipto. Wedà dan beligyai se tanà dan so egtogpoan dan te selotan.
1483	GEN 49:9	Juda, iling ka te menenanap iningedanan liyon egsagok te kànen din, aw eg-olì doton te salag din aw eg-ibat. Wedad otaw mekeotik kamno.
23280	MAT 4:2	Wedad palos kinaen i Jesus dalem te kepatan se aldaw, aw penga niyan binallos sikandin.
23353	MAT 6:2	“Yan aw megtabang kaw te otaw sagkep, ikà niyo eg-indan diyà te kedita te otaw amon iduyun kaw dan, so iling kenyan se eg-inangen te otaw eden dan aw egpenimanem dan. Yan se eg-inangen dan doton te simbahan te Judiyo aw kidoen te dalan, amon iduyun dan te menge doma otaw. Meneng eneng-enengi niyo se kagi ko seini. Wedad palos ontong ibegay te Timanem kandan.
23356	MAT 6:5	“Aw megtawal-tawal kaw diyà te Timanem, ikà niyo eg-iling te otaw eden dan aw egpenimanem dan, so egkeibeg dan egtawal-tawal doton te simbahan aw doton heman te dalan amon kitaen dan te menge doma otaw. Meneng eneng-enengi niyo se kagi ko seini. Wedad palos ontong ibegay te Timanem kandan.
23367	MAT 6:16	“Aw megpowasa kaw, ikà niyo egpetaga-taga kenyan diyà te doma otaw pineokit te bawa niyo. Ikà niyo eg-iling te menge otaw eden dan aw egpenimanem dan, so eg-inangen dan medaet se bawa dan amon metaga-taga se doma otaw te kenà dan egpengaen. Eneng-enengi niyo se kagi ko seini. Wedad den palos ontong ibegay te Timanem kandan.
23375	MAT 6:24	“Wedad otaw meketolò te dowa amo din. Aw megpelenged sikandin diyà te sebad, eked sikandin tolò te sebad. Sebad olò se tekingan din, aw eked din segmani se sebad. Iling heman kenyan, eked pegsebad se pegpenimanem niyo aw pegpengewarta niyo.
23401	MAT 7:16	Aw kitaen niyo se eg-inangen dan, ketegahan niyo aw olò dan egpelingo-lingo. Wedad palos pongo te paras geniyen lekat te ligem. Wedad heman pongo igira ipoen lekat te telayid.
23408	MAT 7:23	Meneng mikagi a diyà kandan, ‘Wedà a palos ketaga-taga kenyo. Kesayo kaw, kedita niyo eg-inang te medaet.’”
23438	MAT 8:24	Wedà kenamay, dinetengan dan te kelamag ontò mebandes, aw agpet neteled se belangay, so dakel se wayeg nekeawop. Meneng timedogi si Jesus.
23440	MAT 8:26	Minikagi si Jesus, “Wedà pa kedì kelobos se pegsalig niyo kanak. Ikà niyo egkelemitan.” Penga niyan, timindeg si Jesus aw sinagda din se kelamag aw balud, aw migkelinaw se lanaw.
23450	MAT 9:2	Wedà kenamay, dimateng se otaw neningga te otaw kenà egpekeiwal. Pegkità i Jesus te ontò dan simalig diyà kandin, minikagi sikandin diyà te otaw kenà egpekeiwal, “Elew, peseligi se pedowan no, so pigwedad den se salà nikaw.”
23481	MAT 9:33	Penga te pegpelowà i Jesus te bosaw lekat te otaw sìyan, nekeikagi den sikandin. Ontò nepela se kedita te otaw kimità kandin, aw minikagi dan, “Wedad palos kinità tadon iling kenyan dini kenitadon menge bowad-bowad i Israel.”
23510	MAT 10:24	“Wedad meiskwilahay labi pa melangkaw diyà te meistro migtoladà kandin. Wedad heman sineligan labi pa melangkaw diyà te amo din.
23536	MAT 11:8	Wedà kaw heman doton amon tomengteng te otaw nenaol te ontò meelagà, so se menge otaw egpenaol te ontò meelagà, yan se eg-ogpà doton te balay te selotan.
23539	MAT 11:11	Minikagi heman si Jesus, “Eneng-enengi niyo se kagi ko kenyo seini. Wedad palos otaw dini lanto te tanà labi pa melangkaw diyà ki Juan Memonyagay. Meneng labi pa melangkaw diyà ki Juan se kedita te otaw megpesakop diyà te peglowan te Timanem.
23592	MAT 12:34	Iling kaw te memokan so medaet se eglowà lekat te bahà niyo. Wedad palos mèpiya ikegiyen niyo, so medaet se pedowan niyo. Aw mikagi se otaw, yan ipetaga-taga din aw eden se awop te pedowan din.
23697	MAT 14:31	Mig-ayas si Jesus minawid kandin, aw minikagi, “Wedà pa kedì kelobos se pegsalig no kanak. Nepela a so migdowa-dowa ka.”
23711	MAT 15:9	Wedad ontong te pegsimba dan kanak, so se ketanem te otaw ipegtoladà dan, yan se ininang dan punù te Timanem.’”
23749	MAT 16:8	Meneng netegahan i Jesus aw eden se aneng-aneng dan, aw minikagi sikandin, “Tay law. Wedà pa kedì kelobos se pegsalig niyo kanak. Ikà niyo egkepela so wedad pan inibing niyo.
23789	MAT 17:20	Minikagi si Jesus, “Wedà niyo iyan kebatog so wedà pa kelobos se pegsalig niyo diyà kanak. Mikagi a den diyà kenyo te pengkey deitek pa se pegsalig niyo diyà kanak iling te kedeitek te benì te mostasa, mekebatog kaw mikagi diyà te bontod seini te malin iyan, aw tomolò iyan kenyo, so wedad palos eked niyo kebatog. [
23835	MAT 19:4	Timaba si Jesus, “Wedà niyo besi besahi se kagi te Timanem insolat. Peg-inang din te otaw gebii, sebad olò se meama ininang din aw sebad olò heman se bayi.
23876	MAT 20:15	Wedad besi mekesagda kanak aw meibeg a memegay te kanak kwarta diyà te otaw pemellien ko. Miningà ka besi so neido a kandan.’”
23883	MAT 20:22	Minikagi si Jesus, “Wedà niyo ketegahi aw eden se kebegat te pinemoyò niyo. Meketayod kaw lay heman te kelimahan agpet den domateng kanak?” Timaba dan, “Ee, meketayod kay heman kenyan.”
23911	MAT 21:16	Yan se doun te minikagi dan diyà ki Jesus, “Tay law. Aw dinineg no se kagi dan, nengà lay wedà no dan segdahi?” Timaba si Jesus, “Dinineg ko dan, meneng mepakay iyan diyà kanak. Wedà niyo besi besahi se kagi te Timanem seini, ‘Isogò te Timanem se mengisù domuyun kandin.’”
23914	MAT 21:19	Kinità din se kayo igira medapag te dalan, aw dimoton sikandin amon mahà te pongo niyan. Meneng wedad palos pongo kinità din, olò menge dawen. Minikagi sikandin diyà te kayo, “Eked den palos pongo se kayo seini.” Wedà kenamay, nelanes se kayo sìyan.
23918	MAT 21:23	Nayan, limikò si Jesus doton te dakel simbahan te Jerusalem aw migtoladà. Wedà kenamay, doen menge pengolo te simbahan aw menge obanen te Judiyo dimoton kandin, aw mig-insà dan, “Nengà lay eg-inang ka te kedita nini? Sinu lay se simogò kamno?”
23922	MAT 21:27	Yan se doun te minikagi dan, “Inday. Wedà day ketegahi aw sinu.” Minikagi si Jesus, “So wedà kaw taba te insà ko, eked a peg-indan diyà kenyo aw sinu se simogò kanak.”
23964	MAT 22:23	Wedà kenamay, doen menge Sadusiyo dimoton ki Jesus. Yan se menge otaw egtoladà te eked palos keantay se otaw lekat te nematay. Mig-insà dan diyà ki Jesus, kagi dan,
23972	MAT 22:31	Wedà kaw ketaga-taga te metoman meantay se otaw lekat te nematay so wedà kaw besi pegbasa te kagi te Timanem seini,
24004	MAT 23:17	Iling kaw te otaw bota so eked niyo kitai se kebenalan. Wedad inenengen niyo, so pengkey melangkaw se bolawan impalas te dakel simbahan, meneng labi pa melangkaw se simbahan diyà te bolawan.
24029	MAT 24:3	Wedà kenamay, dimoton si Jesus te bontod te Olibo aw nenenoo kidoen. Dimoton se menge tinoledaan din kandin te wedad doma dan, aw mig-insà dan, kagi dan, “Indani kay. Kano lay ketoman se in-indan nikaw? Eden lay se pengilala kitaen day amon ketegahan day te agpet ka lomikò aw agpet heman se temanan te keneyonan?”
24047	MAT 24:21	Ontò medaet se kelimahan domateng diyà te keneyonan. Wedad palos kelimahan labi pa medaet diyà kenyan lekat te keteboan te keneyonan lamig seini, aw wedad palos heman kelimahan domateng labi pa medaet diyà kenyan.
24062	MAT 24:36	“Meneng eked ko indani aw eden eldawi aw orasi se peglikò ko. Wedad palos netaga-taga aw kano a likò, pengkey menge anghil doton te langit, so olò Amay ko se netaga-taga kenyan.
24089	MAT 25:12	Meneng minikagi sikandin, ‘Wedà ko sikiyo kilelai.’
24176	MAT 26:53	Wedà no besi ketegahi ini. Aw mengenganay a diyà te Amay ko, isogò din se minelalan anghil din amon megtabang dan kanak.
24188	MAT 26:65	Penga niyan, miglisì se ontò pengolo te simbahan te saol din tandà te keopal din, aw minikagi sikandin, “Migtompuyus sikandin te Timanem, so migpelingo-lingo sikandin Batà te Timanem. Wedad den kekemowan te peg-indan te doma otaw diyà kenitadon tepad kandin, so dinineg tadon den se pegtompuyus din te Timanem.
24193	MAT 26:70	Meneng migbolon si Pedro, aw dinineg te kedita dan se kagi din, “Wedà ko ketegahi aw eden se eg-ikegiyen nikaw.”
24195	MAT 26:72	Todà migbolon si Pedro. Migsapà sikandin aw minikagi, “Wedà ko sikandin kilelai.”
24196	MAT 26:73	Wedà kenamay, doen menge doma otaw dimoton ki Pedro, aw minikagi dan, “Benal sikona se sebad egdoma te otaw sida dinakep. Netegahan day te sikona se tege probinsya te Galiliya, so dinineg day se litok te kagi nikaw.”
24197	MAT 26:74	Penga niyan, ontò migsapà si Pedro aw minikagi, “Wedà a palos kilala te otaw sida.” Pegketà, migkolaak se manok.
24202	MAT 27:4	aw minikagi sikandin diyà kandan, “Doen salà ininang ko, so migtolok a te otaw wedad palos salà din aw imetayan den sikandin.” Meneng minikagi dan, “Wedad labut day te salà nikaw. Inday den kamno.”
24219	MAT 27:21	Wedà kenamay, todà mig-insà se gobirnador, kagi din, “Sinu lay se pinemallì niyo ipelowà ko?” Timaba dan, “Si Barabas.”
24312	MRK 1:28	Wedà kenamay, ontò nedengeg si Jesus kidoen te kedita te ogpeanan medapag doton te probinsya te Galiliya.
24313	MRK 1:29	Wedà kenamay, nesayo si Jesus lekat te simbahan te Judiyo aw dimoton te balay i Simon aw si Andres. Timaking heman si Santiago aw si Juan.
24333	MRK 2:4	Wedà dan pekedapag diyà ki Jesus so ontò medita se otaw netipon. Yan nenayit dan doton te atep te balay sìyan, so pantal se atep niyan. Inowang dan se atep kidoen diatas i Jesus, aw intonton dan se otaw kenà egpekeiwal sipat inibatan din.
24341	MRK 2:12	Yan minenaw sikandin, aw inibing din se inibatan din, aw tinengtengan sikandin te menge otaw se minolì. Yan se doun te nepela se kedita dan, aw induyun dan se Timanem. Migpebelaw-belaway dan, “Wedad palos kinità tadon iling kenyan.”
24414	MRK 4:22	Iling heman kenyan, wedad in-eles songkani eked kitai te modi aldaw. Wedad heman imbolon songkani eked keindan te modi aldaw.
24429	MRK 4:37	Wedà kenamay, dinetengan dan te kelamag ontò mebandes, aw nekeawop se wayeg diyà te belangay, aw agpet dan neteled.
24432	MRK 4:40	Minikagi si Jesus, “Wedà pa kedì kelobos se pegsalig niyo kanak. Ikà niyo egkelemitan.”