45	GEN 2:14	Tigris se ngadan te iketelo te wayeg, aw minokit iyan lenged te eglibtakan te tanà iningedanan Asirya. Yofritis se ngadan te ikeepat te wayeg.
142	GEN 6:4	Dalem te aldaw sìyan te pegpengognan te menge sakop te Timanem diyà te menge bayi aw pegbatà dan, aw pengkey pa te pegkepenga niyan, doen menge telandig iningedanan Nefilim. Ontò dan nedengeg gebii, so dakel se nebatog dan.
238	GEN 10:3	Se menge batà i Gomer, yan si Askenas, si Rifat, aw si Togarma.
248	GEN 10:13	Si Ehipto se kemonaan te kedita te otaw mig-ogpà doton te Lud, Anam, Laab, Neftu,
249	GEN 10:14	Fetrusim, Casluim, aw Caftor linekatan te kedita te tege Filisti.
257	GEN 10:22	Se menge batà i Sem, yan si Elam, si Asur, si Arfacsad, si Lud, aw si Aram, aw yan heman se ngadan te menge bowad-bowad dan.
259	GEN 10:24	Si Arfacsad se amay i Sela, aw si Sela se amay i Eber.
277	GEN 11:10	Seini se ngadan te menge bowad-bowad i Sem. Dowa se omay minokit penga te pegkelinep te tanà te wayeg, minapet te sebad gatos se omay i Sem, aw timebaw se batà din meama si Arfacsad.
279	GEN 11:12	Peg-apet te ketlowan teg lima se omay i Arfacsad, timebaw se batà din meama si Sela.
280	GEN 11:13	Penga niyan, epat gatos aw telo se omay minokit te wedà pa kematay si Arfacsad. Dalem niyan, doen pa menge doma batà din timebaw.
338	GEN 14:1	Nayan, si Amrafel se selotan doton te Sinar, si Arioc se selotan doton te Elasar, si Cadorlahomor se selotan doton te Elam, aw si Tadal se selotan doton te Goyim. Dalem te pegkeselotan dan, migsebad se epat dan migbolaw diyà te doma lima selotan seini, si Bara selotan te Sodoma, si Birsa selotan te Gomora, si Sinab selotan te Adma, si Semeber selotan te Seboyim, aw sìyan selotan te Bela doma ngadan niyan Soar.
346	GEN 14:9	te menge sondalo te epat selotan kidoen, si Cadorlahomor selotan te Elam, si Tadal selotan te Goyim, si Amrafel selotan te Sinar, aw si Arioc selotan te Elasar. Lima se selotan migbolaw te epat selotan.
379	GEN 15:18	Te delem sìyan, migpakang se Timanem diyà ki Abram, kagi din, “Ibegay ko diyà te menge bowad-bowad nikaw se kebelad te tanà seini. Lekat te wayeg doton te Ehipto taman te dakel wayeg te Yofritis, yan se tanà ibegay ko diyà kandan.
570	GEN 22:22	si Cased, si Asau, si Feldas, si Jedaf, aw si Betuel.
580	GEN 23:8	aw minikagi sikandin, “Aw mepakay diyà kenyo se peglebeng ko te esawa ko dini, pemoyoi niyo si Efron batà i Sohar
582	GEN 23:10	Kidoen heman si Efron doma te menge tege Heti netipon kidoen te lelebangan te lonsod sìyan, aw dinineg te kedita dan se intaba din diyà ki Abraham,
585	GEN 23:13	aw minikagi sikandin diyà ki Efron dinineg te kedita dan, “Penenalan ka den te kagi ko seini. Beyadan ko den se pawà no sìyan te kedakel te elagà niyan. Kinewai se ibayad ko, amon doen lebengan ko te esawa ko.”
586	GEN 23:14	Minikagi si Efron,
588	GEN 23:16	Timandù si Abraham tepad te elagà inikagi i Efron dinineg te kedita te otaw netipon, aw yan pinisar din se epat gatos kwarta selapì, iling te pegpisar te menge tindiro, aw imbegay din iyan diyà ki Efron.
589	GEN 23:17	Pineokit kenyan, nenig-apò si Abraham te tanà i Efron doton te Macpela medapag te lonsod te Mamre. Bineyadan din se tanà sìyan sipat te ilib kidoen, aw kedita te kayo nesakop te tanà sìyan.
668	GEN 25:9	Inlebeng te batà din si Isaac aw si Ismael se lawa din diyà te ilib te Macpela kidoen te tanà lenged te eglibtakan te lonsod te Mamre tapay tinig-apò i Efron batà i Sohar tege Heti.
820	GEN 29:24	Imbegay i Laban se allang din bayi si Zilfa diyà ki Lea amon megtelaban kandin.
839	GEN 30:8	Minikagi si Raquel, “Kedengan dinaeg a te kakay ko, meneng songkani dinaeg ko heman sikandin.” Yan iningedanan din se batà din ki Neftali (kelebadan niyan, bolaw).
840	GEN 30:9	Na, pegketaga-taga i Lea te wedà todà sikandin pegbatà, imbegay din heman se allang din si Zilfa diyà ki Jacob amon meinang heman sikandin esawa din.
841	GEN 30:10	Penga niyan, doen batà meama timebaw diyà ki Zilfa.
843	GEN 30:12	Doen ikedowa batà meama i Jacob timebaw diyà ki Zilfa.
895	GEN 31:21	Inibing i Jacob se kedakel te kedònan din aw kimadas sikandin. Minatas dan te wayeg te Yofritis, aw migpesalo dan doton te bontod te Galaad.
1028	GEN 35:16	Nesayo si Jacob aw pamilya din, aw dimeleg dan. Te wedà dan pa dateng doton te Efrata, dimateng se aldaw te tebawan si Raquel, aw ontò sikandin nelimahan.
1031	GEN 35:19	Pegkematay i Raquel, inlebeng dan se lawa din medapag te dalan pesalo doton te lonsod te Efrata. (Se lonsod te Efrata, yan se iningedanan Bitlihim songkani.)
1037	GEN 35:25	Se menge batà din timebaw diyà te allang i Raquel si Bilha, yan si Dan aw si Neftali.
1038	GEN 35:26	Se menge batà i Jacob timebaw diyà te allang i Lea si Zilfa, yan si Gad aw si Aser. Yan se menge batà meama i Jacob timebaw doton te Mesopotamya.
1045	GEN 36:4	Si Elifas se batà i Esau timebaw diyà ki Ada. Si Reuel se batà din timebaw diyà ki Basimat.
1051	GEN 36:10	Doen batà din meama si Elifas timebaw diyà ki Ada, aw si Reuel timebaw diyà ki Basimat.
1052	GEN 36:11	Se menge batà meama i Elifas, yan si Teman, si Omar, si Sefo, si Gatam, aw si Kenas.
1053	GEN 36:12	Doen heman doma esawa i Elifas si Timna, aw tinebawan sikandin i Amalec. Esawa i Esau si Ada se apò bayi te kedita dan.
1056	GEN 36:15	Seini se ngadan te menge bowad-bowad i Esau neinang datò. Se menge batà i Elifas penganay batà i Esau neinang datò, yan si Teman, si Omar, si Sefo, si Kenas,
1057	GEN 36:16	si Coras, si Gatam, aw si Amalec. Yan se menge batà i Elifas tege Edumea neinang datò, aw si Ada se apò bayi te kedita dan.
1064	GEN 36:23	Se menge batà meama i Sobal, yan si Alban, si Manahat, si Ebal, si Sefo, aw si Onam.
1072	GEN 36:31	Seini se ngadan te menge selotan migpetibos-tibosay te peglowan dan doton te Edumea te wedad pa selotan limowan diyà te menge bowad-bowad i Israel. Si Bela batà i Beor tege Dinhaba. Si Jobab batà i Sera tege Bosra. Si Husan tege Teman. Si Hadad batà i Bedad tege Abit. (Si Bedad se nekedaeg te menge tege Midian doton te tanà te Moab.) Si Samla tege Masreca. Si Saul tege Rehobot te Yofritis. Si Baal Hanan batà i Acbor. Si Hadad tege Pau. (Se esawa din, yan si Mehetabel batà bayi i Matred aw apò i Mesahab.)
1086	GEN 37:2	Seini se indan-indan tepad te menge batà i Jacob. Nayan, sempolò teg pito se omay i Jose, aw migtelaban sikandin te menge kedowa din kakay migtonggò te menge ayam-ayam te amay dan. Se menge kedowa din, yan se menge batà meama te doma menge esawa te amay din si Bilha aw si Zilfa. Doen medaet eg-inangen te menge kedowa i Jose, aw dimoton sikandin te amay din aw mig-indan diyà kandin tepad kenyan.
1120	GEN 37:36	Meneng kenan si Jose? Doton sikandin te Ehipto, so inibing te menge tege Midian aw imbeligyà dan doton. Bineyadan sikandin i Potifar, sebad opisyal migtelaban te selotan te Ehipto si Paraon, aw sikandin se kapitan te menge sondalo din.
1151	GEN 39:1	Nayan, pegpengibing te menge bowad-bowad i Ismael ki Jose doton te Ehipto, imbeligyà dan sikandin diyà ki Potifar. Si Potifar se sebad opisyal migtelaban te selotan te Ehipto si Paraon, aw sikandin se kapitan te menge sondalo din.
1154	GEN 39:4	Yan neluba si Potifar kandin, aw ininang din sikandin sineligan egtelaban kandin. Ininang din sikandin egpengibing te kedita te otaw doton te balay din aw kedakel te kedònan din.
1155	GEN 39:5	Lekat niyan, so kidoen si Jose, tinebangan te Timanem si Potifar aw dakel se ontong din pengkey doton te balay din aw doton te pawà din.
1157	GEN 39:7	Wedà kenamay, neibeg se esawa i Potifar ki Jose aw minikagi sikandin, “Layok ka den kanak.”
1163	GEN 39:13	Pegkità te esawa i Potifar te netenanan i Jose se saol din aw kimadas sikandin lekat te balay,
1176	GEN 40:3	aw impekeleboso din dan doton te kinelebosowan ki Jose. Yan se keleboso egbentayan i Potifar, kapitan te menge sondalo te selotan.
1241	GEN 41:45	Sinelilinan te selotan se ngadan i Jose so iningedanan din sikandin ki Sapenat Panea. Pineipidan din ki Asenat, batà i Potiferas. Si Potiferas se egpengibing te menge otaw migsimba te aldaw doton te lonsod te On. Yan ininang si Jose melangkaw doton te kebelad te Ehipto.
1248	GEN 41:52	Iningedanan din se adi ki Efraim (kelebadan niyan, migmengisù), so minikagi si Jose, “Tinebangan a te Timanem aw yan migmengisù a den dini te tanà te kelimahan ko.”
1403	GEN 46:16	Timaking heman si Gad aw menge batà din meama si Sifeon, si Hagi, si Suni, si Esbon, si Eri, si Arod, aw si Areli.
1405	GEN 46:18	Sempolò teg enem se kedita dan menge bowad-bowad i Jacob aw si Zilfa, sìyan allang imbegay i Laban diyà te batà din si Lea.
1407	GEN 46:20	Dowa se batà meama i Jose timebaw doton te Ehipto, si Manases aw si Efraim. Yan se batà i Jose aw si Asenat, batà i Potiferas, sìyan egpengibing te menge otaw migsimba te aldaw doton te lonsod te On.
1408	GEN 46:21	Doen menge batà meama i Benjamin si Belas, si Betser, si Asbel, si Geras, si Naaman, si Ehi, si Ros, si Mufim, si Hufim, aw si Ared.
1411	GEN 46:24	Si Neftali aw menge batà din meama si Jaseel, si Guni, si Jeser, aw si Selem.
1453	GEN 48:1	Doen sebad aldaw, inindanan si Jose te nesekitan se amay din. Yan impetaking din se dowa batà din si Efraim aw si Manases, aw dimoton dan ki Jacob.
1457	GEN 48:5	Minikagi heman si Jacob, “Se didowa batà nikaw timebaw dini te Ehipto te wedà a pa alin dini, yan se sekopen ko diyà te menge batà ko. Inangen ko kanak batà si Efraim aw si Manases, onawa te ontò batà ko si Ruben aw si Simeon.
1458	GEN 48:6	Aw betaen no pa se doma, eked ko dan sekopi, meneng tepad te tanà kinewaen te menge bowad-bowad ko te pegkematay ko, mesakop dan diyà te pongan te kakay dan si Efraim aw si Manases.
1459	GEN 48:7	Keidowan ko se didowa batà no sìyan tandà te dakel se pedowan ko diyà te inay no si Raquel. Ontò nepuluk se pedowan ko te pegkematay din doton te Canaan medapag te Efrata te peg-olì ko lekat te Mesopotamya. Inlebeng ko se lawa din medapag te dalan pesalo te Efrata.” (Se lonsod te Efrata, yan se iningedanan Bitlihim songkani.)
1465	GEN 48:13	Impetindeg i Jose si Efraim lenged te bibang i Jacob, aw si Manases lenged te kowanan din.
1466	GEN 48:14	Meneng pig-ibelios i Jacob se belad din, so belad din lenged te kowanan se impemaed din te olo i Efraim, pengkey adi sikandin, aw bibang din se impemaed din te olo te kakay si Manases.
1469	GEN 48:17	Nayan, pegkità i Jose te si Efraim se pinemàdan te amay din te kowanan, wedà sikandin keibeg kenyan. Yan inabat din se belad te amay din amon elinen din lekat te olo i Efraim doton te olo i Manases.
1471	GEN 48:19	Meneng mig-eked si Jacob, aw minikagi sikandin, “Netegahan ko iyan Atò. Netegahan ko iyan. Meinang heman melangkaw se menge bowad-bowad i Manases, meneng labi pa melangkaw si Efraim, so meinang medita pongan se menge bowad-bowad din.”
1472	GEN 48:20	Yan mèpiya se intawal-tawal din diyà te Timanem tepad kandan te aldaw sìyan te peg-ikagi din kani, “Kenyo ngadan se gemiten te menge bowad-bowad ko te peg-ikagi dan te mèpiya diyà te menge doma otaw, so mikagi dan, ‘Ibeg day, mèpiya se ibegay te Timanem kenyo, iling te ipegbegay din diyà ki Efraim aw si Manases.’” Pineokit kenyan, ininang i Jacob si Efraim labi pa melangkaw diyà ki Manases.
1495	GEN 49:21	“Si Neftali se iling te seladeng eked kedakep. Mèpiya heman se bawa te menge batà din.
1503	GEN 49:29	Penga niyan, doen impunù i Jacob diyà te menge batà din, kagi din, “Agpet a den tomelokon te menge kemonaan ko nematay. Lebengi se lawa ko doton te linebengan te menge kemonaan ko doton te ilib kidoen te tanà tapay tinig-apò i Efron tege Heti
1504	GEN 49:30	doton te Makpela lenged te eglibtakan te lonsod te Mamre doton te Canaan. Yan se ilib aw tanà bineyadan i Abraham ki Efron amon inangen din lebenganan.
1520	GEN 50:13	Inibing dan se lawa din doton te Canaan, aw inlebeng dan iyan diyà te ilib kidoen te Makpela lenged te eglibtakan te lonsod te Mamre. Yan se ilib aw tanà bineyadan i Abraham ki Efron tege Heti amon inangen din lebenganan.
1530	GEN 50:23	Te wedà pa sikandin kematay, nesàban sikandin te menge apò din te boel, menge apò i Efraim. Nesàban heman sikandin te menge apò din te boel, menge batà i Makir batà i Manases, aw inelopop din dan.
23221	MAT 1:8	Si Asa se amay i Josafat. Si Josafat se amay i Joram. Si Joram se amay i Usias.
23291	MAT 4:13	Minokit sikandin doton te lonsod te Nasarit aw dimeleg doton te lonsod te Kapirnaom aw mig-ogpà kidoen dapag te kilid te lanaw digsel te tanà te Sabulon aw Neftali.
23293	MAT 4:15	“Se kedita te otaw eg-ogpà doton te tanà te Sabulon aw Neftali, aw doton dapag te kilid te lanaw, aw doton dipag te wayeg te Jordan, aw doton te Galiliya eg-ogpaan te menge otaw kenà Judiyo,
23489	MAT 10:3	aw si Felipe, si Bartolome, si Tomas, si Mateo sìyan iskribinti, aw si Santiago batà i Alfeo, si Tadeo,
24126	MAT 26:3	Dalem niyan, netipon se menge pengolo te simbahan aw menge obanen te Judiyo doton te balay te ontò pengolo dan si Caifas.
24180	MAT 26:57	Penga niyan, inibing si Jesus te otaw migdakep kandin doton te balay te ontò pengolo te simbahan si Caifas. Tapay netipon kidoen se menenoladà te punù ingkeliwat i Moises aw menge obanen te Judiyo.
24343	MRK 2:14	Pegkesayo i Jesus lekat kidoen, doen iskribinti si Levi batà i Alfeo nenenoo kidoen te opisina din. Pegkità i Jesus kandin, minikagi sikandin, “Taking ka kanak.” Yan timindeg si Levi, aw timaking sikandin ki Jesus.
24375	MRK 3:18	Pinemallì din heman si Andres, si Felipe, si Bartolome, si Mateo, si Tomas, si Santiago batà i Alfeo, si Tadeo, si Simon meyseg,
24566	MRK 7:34	Penga niyan, limengag sikandin doton te langit aw migpedo-pedo tandà te keido din, aw minikagi, “Efata.” (Se kelebadan niyan, “Keowang ka den.”)
24916	MRK 15:21	Nayan, kidoen te dalan, netelaan te menge sondalo se sebad tege Sirene kaling dimateng lekat te saka. Ngadan din si Simon, aw batà din si Alejandro aw si Rufo. Lineges dan sikandin neniang te kros.
24963	LUK 1:1	Elew Teofilo. Medita den se otaw simolat tepad te neinang dini kenami.
25096	LUK 3:2	Si Anas aw si Caifas se ontò pengolo te dakel simbahan te Jerusalem. Dalem te peg-ogpà i Juan batà i Zacarias kidoen te kebigtilan, insogò sikandin te Timanem megtoladà te kagi din.
25130	LUK 3:36	Si Sala se batà i Cainan. Si Cainan se batà i Arfaksad. Si Arfaksad se batà i Sem. Si Sem se batà i Noe. Si Noe se batà i Lamek.
25230	LUK 6:15	si Mateo, si Tomas, aw si Santiago batà i Alfeo, aw si Simon meyseg,
26155	JHN 1:42	Impetaking din se kakay din doton ki Jesus. Pegkità i Jesus kandin, minikagi, “Sikona si Simon, batà i Juan. Meneng ingedanan ka ki Cefas.” (Onawa se kelebadan te ngadan Cefas aw Pedro, yan se kagi “Bato.”)
26641	JHN 11:49	Meneng doen sebad otaw diyà kandan si Caifas. Sikandin se ininang ontò pengolo te simbahan dalem te omay sìyan. Minikagi sikandin, “Kolang se aneng-aneng niyo.
26867	JHN 18:13	Inibing dan onà doton ki Anas, so si Anas se ogangan i Caifas ininang ontò pengolo te simbahan dalem te omay sìyan.
26868	JHN 18:14	Si Caifas se tapay minikagi diyà te menge obanen te Judiyo te mèpiya aw olò sebad se otaw imetayan amon mekelowà se kedita te otaw.
26878	JHN 18:24	Penga niyan, todà ginapos se belad i Jesus, aw impeibing sikandin i Anas doton te ontò pengolo te simbahan si Caifas.
26882	JHN 18:28	Penga niyan, inibing dan si Jesus lekat te balay i Caifas pesalo doton te balay inogpaan te gobirnador insawol te gobirno te Roma. Ontò dan limapos se pegpesalo dan doton. Wedà awop se menge obanen te Judiyo diyà te balay te gobirnador amon eked dan pekelàpang te punù ingkeliwat i Moises kandan tepad te pegpelinis, so simpana mawop dan diyà te balay te otaw kenà Judiyo, eked kepakay aw makop dan komaen te Pista te Pegpelowà.
26993	ACT 1:1	Elew Teofilo. Tagnà pegsolat ko kamno kedengan, mig-indan a te kedita te ininang i Jesus aw intoladà din heman lekat te ketebò te pegtoladà din
27005	ACT 1:13	Pegdateng dan doton te Jerusalem, netipon dan doton te gibelayan te balay inogpaan dan. Seini se otaw netipon. Si Pedro aw si Juan aw si Santiago aw si Andres, si Felipe aw si Tomas, si Bartolome aw si Mateo, si Santiago batà i Alfeo, si Simon meyseg, aw si Judas batà te kesangay i Santiago.
27097	ACT 4:6	Netipon se ontò pengolo te simbahan si Anas, aw si Caifas, aw si Juan, aw si Alejandro, aw menge doma gaked i Anas eleg netipon kidoen.
27228	ACT 7:43	Meneng doen menge inotaw ininang niyo amon simbahen niyo dan. Inibing niyo se dogsoanan te sebad diwatà si Molok. Inibing niyo heman se egdogsoan niyo iling te bitoen iningedanan Refan. Yan ipelumun ko den sikiyo, so meibing kaw digsel doton te mediyò ogpeanan Babilonya.’ Yan se kagi te Timanem.
27645	ACT 18:19	Pegdateng dan doton te Efeso, tinenanan i Pablo si Akilas aw si Priscila, so dimoton si Pablo te simbahan te Judiyo aw migtoladà kidoen.
27647	ACT 18:21	Pegkesayo i Pablo kidoen, minikagi sikandin, “Aw meibeg se Timanem, lomikò a dini kenyo.” Penga niyan, simakay si Pablo te dakel belangay lekat te Efeso.
27650	ACT 18:24	Doen sebad Judiyo si Apolos lekat te Alejandriya dimateng doton te Efeso. Mèpiya se pegtoladà din aw biyasa sikandin te kagi te Timanem.
27653	ACT 18:27	Sagwa neibeg si Apolos domoton te Gresya, migtabang kandin se menge otaw nemenal doton te Efeso. Simolat dan doton te menge otaw dotonan din amon segmanen dan sikandin. Pegdateng din doton te Gresya, mèpiya se pegtabang din te menge otaw nemenal pineokit te tabang te Timanem kandin.