637	GEN 24:45	“Telobo a pa migtawal-tawal, dimateng si Rebecca neniang te tibod din. Dimoton sikandin te sokian aw simalok, aw minikagi a diyà kandin, ‘Atà, peinemi a bag.’
23407	MAT 7:22	Aw domateng se aldaw te peg-okom, medita se otaw mikagi diyà kanak, ‘Pengolo, peopi kay bag, so migkeliwat kay te kagi te Timanem tandà te pegtaking day kamno, aw migpelowà kay te bosaw lekat te otaw pineokit te ngadan nikaw, aw doen heman menge kepelahan ininang day pineokit te ngadan nikaw.’
23538	MAT 11:10	Sikandin se migtoladà tepad kanak, aw tinoman din se pakang seini tapay insolat kidoen te kagi te Timanem, ‘Na, doen otaw isogò ko megpetaga-taga te agpet ka den domateng, amon megpeketagad se kedita te otaw te pegdateng nikaw.’”
23822	MAT 18:26	Meneng limongken se otaw sìyan aw migpeido-ido, kagi din, ‘Sir, pegtagad ka bag te eked kenamay, so impasen ko se kedakel te salà ko kamno.’
23874	MAT 20:13	Meneng minikagi se tig-apò diyà te sebad kandan, ‘Elew, wedà a peglegawa kamno, so sebad dinaryo se kwarta impakang ko kamno.
23923	MAT 21:28	“Eneng-enengi niyo ini. Doen otaw dowa se batà din. Minikagi sikandin diyà te batà din kakay, ‘Atò, pegterbaho ka den doton te pawà te aldaw seini.’
23925	MAT 21:30	Penga niyan, dimoton se otaw te batà din adi, aw onawa se inikagi din diyà kandin. Minikagi se batà din sìyan, ‘Ee, amà. Domoton a.’ Meneng penga niyan, wedà deleg.
23945	MAT 22:4	Doen heman menge doma sineligan insogò te selotan amon megkeliwat dan te kagi din, ‘Na, integilan ko den se kànen. Iniyaw day den se menge baka aw doma ayam-ayam melambò, aw nelegà den se kedita niyan. Ayas kaw den diyà te peipid.’
23953	MAT 22:12	Minikagi se selotan, ‘Elew, nengà lay dimini ka te wedad saol no iling te keilangan gemiten te otaw tomanod te peipid?’ Meneng wedad palos intaba din.
24049	MAT 24:23	“Aw domateng se aldaw sìyan, aw doen otaw mikagi, ‘Na, dini den se Misiyas,’ aw doen otaw mikagi, ‘Doton se Misiyas,’ ikà niyo egpemenal kandan.
24052	MAT 24:26	“Aw doen otaw mikagi diyà kenyo, ‘Na, doton den se Misiyas te kebigtilan,’ ikà niyo egdoton. Aw doen doma otaw mikagi, ‘Na, mineles den sikandin doton didalem te balay,’ ikà niyo egpemenal kenyan,
24083	MAT 25:6	“Pegketengà te delem, dinineg dan se otaw minikagi, ‘Na, dimateng den se peipiden. Ayas kaw den songon kandin.’
24088	MAT 25:11	“Pegkenamay-namay, dimateng se lima laga lekat te tinda. Timawal dan doton te lowà te balay, kagi dan, ‘Sir, owangi bag se tetakep.’
24097	MAT 25:20	Pegdateng te sineligan binegayan din te lima melalan, inibing din iyan sipat gamad din lima melalan, aw minikagi sikandin, ‘Sir, lima melalan se imbegay no diyà kanak, aw doen den heman gamad ko lima melalan.’
24099	MAT 25:22	Penga niyan, dimateng se sineligan binegayan din te dowa melalan, aw minikagi sikandin, ‘Sir, dowa melalan se imbegay no diyà kanak, aw doen den heman gamad ko dowa melalan.’
24101	MAT 25:24	Penga niyan, dimateng heman se sineligan binegayan din te sebad melalan, aw minikagi sikandin, ‘Sir, netegahan ko te mebolot ka otaw, so eglegeniyen no se intanem te doma otaw, aw gayed no ipegsawol diyà te pol nikaw se omay trigo impepalid te doma otaw.
24105	MAT 25:28	Penga niyan, minikagi sikandin diyà te menge doma sineligan, ‘Na, ebati niyo se sebad melalan imbegay ko diyà kandin, aw begayi niyo diyà te otaw doen sempolò melalan.
24114	MAT 25:37	Penga niyan, meg-insà se otaw lenged te kowanan ko eg-inang te metòlid, kagi dan, ‘Sir, kano ka lay bellosi, penga niyan impekaen ka day? Kano ka lay kelao, penga niyan impeinem ka day?
24121	MAT 25:44	Meg-insà dan heman, ‘Sir, kano kay lay kità te binallos ka, aw nelao ka, aw wedad ogpeanan no, aw wedad penenaktun no, aw nesekitan ka, aw kineleboso ka, penga niyan wedà kay pegtabang kamno?’
24807	MRK 13:21	“Aw domateng se aldaw sìyan, aw doen otaw mikagi, ‘Na, dini den se Misiyas,’ aw doen otaw mikagi, ‘Na, doton se Misiyas,’ ikà niyo egpemenal kandan,
25291	LUK 7:27	Sikandin se migtoladà tepad kanak, aw tinoman din se pakang seini tapay insolat kidoen te kagi te Timanem, ‘Na, doen otaw isogò ko megpetaga-taga te agpet ka den domateng, amon megpeketagad se kedita te otaw te pegdateng nikaw.’”
25476	LUK 11:2	Minikagi si Jesus, “Iling kani se itawal-tawal niyo. ‘Amà, ibeg day iduyun ka te kedita te otaw. Ibeg day lomowan ka diyà te kedita te otaw.
25479	LUK 11:5	Migtoladà heman si Jesus kandan tepad te pegtawal-tawal, kagi din, “Simpana domateng se mepanaw diyà te balay te sigalak din, meneng wedad ipekaen te tig-apò te balay kandin. Seini se inangen din. Pengkey tengà te delem, domoton se otaw sìyan te simbalay, aw memoyò diyà te sigalak din, kagi din, ‘Elew, tebangi a bag, so doen sigalak ko dimateng lekat te mediyò, meneng wedad ipekaen ko kandin.’
25594	LUK 13:7	Penga niyan, minikagi sikandin diyà te otaw impetonggò te tanà din, ‘Na, telo pa se omay gayed a migpeliman te doen pongo te kayo seini, meneng wedad palos. Pilayi iyan, amon doen ontong ko te tanà seini.’
25595	LUK 13:8	Meneng timaba se teletonggò, ‘Sir, pebeyai pa iyan te sebad mendad se omay, so ebwaban ko pa aw solan ko te tai te baka.
25612	LUK 13:25	Aw megtakep se tig-apò te balay, pengkey tomawal kaw doton te lowà, eked kaw din peopi. Pengkey mikagi kaw, ‘Sir, owangi bag se tetakep nikaw.’ Meneng tomaba sikandin, ‘Wedà ko ketegahi aw kenan kaw lekat.’
25632	LUK 14:10	Meneng labi pa mèpiya aw seini se inangen niyo. Aw ipetanod kaw te peipid, ikà niyo egpenenoo diyà te bangkò impetagad te otaw melangkaw. Aw komità se tigbatà kenyo, mikagi peden sikandin, ‘Elew, penenoo kaw dini te onsedanan te otaw melangkaw.’ Yan kebegayan kaw te dengeg kidoen te kedita te doma niyo.
25644	LUK 14:22	Wedà kenamay, minikagi se sineligan, ‘Sir, timolò a den te impunù no kanak, meneng doen pa keombaan.’
25669	LUK 15:12	Minikagi se adi diyà te amay din, ‘Amà, ibeg ko ibegay no den kanak se ketengà te tanà aw kedònan tenanan no kenami aw matay ka.’ Penga niyan, tinengà te amay se tanà din, aw imbegay din iyan diyà te didowa batà din.
25678	LUK 15:21	Minikagi se batà din, ‘Amà, doen salà ininang ko diyà te Timanem aw diyà heman kamno. Eked a no peden tewali batà nikaw.’
25688	LUK 15:31	Minikagi se amay din, ‘Atò, gayed ki egpetekingay, aw pengkey eden se kanak, kamno heman iyan.
25714	LUK 16:25	Meneng minikagi si Abraham, ‘Atò, eneng-enengi ini. Te wedà ka pa kematay, wedad palos lidò no so dakel se kedònan no mèpiya, meneng gayed doen kelimahan i Lazaro. Nayan, ontò den sikandin neluba dini, aw sikona den se ineleg kidoen.
25716	LUK 16:27	Minikagi se otaw meyaman, ‘Apò, aw eked no sogoi si Lazaro dini, sogoi sikandin doton te balay te menge kedowa ko.
25719	LUK 16:30	Minikagi se otaw meyaman, ‘Apò, eked dan penenalan kenyan. Meneng aw doen otaw meantay lekat te nematay isogò no doton kandan, metoman dan megselsel te salà dan.’
25770	LUK 18:13	Meneng pegtawal-tawal te iskribinti, migpekediyò sikandin diyà te menge doma otaw so neyàyà. Wedà heman lengag doton te langit, meneng timikelong sikandin aw dinapì din se kagpa din tandà te pegselsel din, aw minikagi, ‘Timanem, keidowi a bag, so nelegeb a te salà.’
25816	LUK 19:16	Dimateng se tagnà aw minikagi, ‘Sir, se sebad gatos imbegay no diyà kanak, neinang iyan sebad melalan.’
25818	LUK 19:18	Dimateng se ikedowa sineligan aw minikagi, ‘Sir, se sebad gatos imbegay no diyà kanak, neinang iyan lima gatos.’
25820	LUK 19:20	Penga niyan, doen sineligan dimateng aw minikagi, ‘Sir, iolì ko den diyà kamno se sebad gatos imbegay no diyà kanak, so intagò ko iyan diyà te kelobaw aw in-eles ko.
25825	LUK 19:25	Meneng minikagi dan, ‘Pengolo, eked iyan kepakay, so tapay den doen sebad melalan diyà kandin.’
27211	ACT 7:26	Keeldawan niyan, netelaan din se didowa Judiyo migbolaw. Migtelaman si Moises mig-osay kandan. Minikagi sikandin, ‘Elew, telekedowa kaw. Ikà niyo egbolaw.’
27384	ACT 11:8	Meneng timaba a, ‘Pengolo, eked a kaen kenyan, so eked a làpang te punù ingkeliwat i Moises, sìyan gayed ko egtoloen.’
27780	ACT 22:8	Penga niyan, minikagi a, ‘Sir, sinu ka lay?’ Yan timaba se Pengolo, ‘Siaken si Jesus tege Nasarit se egpemilangen nikaw.’
27782	ACT 22:10	Mig-insà a, ‘Pengolo, eden lay se inangen ko?’ Yan minikagi se Pengolo, ‘Tindeg ka aw deleg ka doton te Damasko. Yan indanan ka aw eden se keilangan inangen nikaw.’
27906	ACT 26:15	Yan mig-insà a, ‘Sir, sinu ka lay?’ Yan timaba se Pengolo, ‘Siaken si Jesus se egpemilangen nikaw.