635	GEN 24:43	Na, dini a den te sokian seini. Aw domini se laga amon somalok, aw mikagi a diyà kandin, “Peinemi a bag diyà te tibod nikaw,”
636	GEN 24:44	aw tomaba sikandin, “Inem ka, aw somalok a heman te wayeg inemen te menge kamilo nikaw,” mèpiya aw sikandin se bayi pinemallì no Timanem, amon doen pengognanen te batà te amo ko.’
27179	ACT 6:9	Doen menge otaw migdindil kandin. Sikandan se menge tege Sirene aw tege Alejandriya egsimba doton te simbahan iningedanan “Tengke Otaw Nekelowà,” aw menge doma dan tege Silisya, aw tege Asya.
29348	EPH 4:9	Na, pineokit te kagi “pegpeengat din,” netegahan tadon te tapay sikandin timenà dini te tanà.
30174	HEB 9:2	Peg-inang dan te simbahan, ininang dan se balay inetepan aw inebengan te penenaktun, aw dowa se tambì niyan. Iningedanan se sebad tambì “Tambì te Timanem,” aw yan se sinolan dan te solò aw lemisa egsolan te pan ipegpemegay diyà te Timanem.
31102	REV 19:16	Doen gulal din insolat kidoen te saol din aw bobon din, “Selotan eglowan diyà te kedita te selotan,” aw “Pengolo te kedita te pengolo.”