23225	MAT 1:12	Chipofin Babilonia anoashu futsafori cainni. Jeconías facu Salatiel ini. Salatiel facu Zorobabel ini.
23229	MAT 1:16	Jacob facu José ini. José ahuin María nan Jesús ahua ini. Jesús Upa Diosin catonni nocon Numamisi inon. Nan non Cristoran huamisi.
23230	MAT 1:17	Abraham ahuun funafo catorce ahuun unutani David ini. David ahuun funafori catorce ahuun unutani Babilonia anoshon ato achinifo ato mai ano inonfo. Nanfoan ahuun funafori catorce ahuun unutani Cristo cainni.
23236	MAT 1:23	Nanfoan cunuquin isca huani, “Nicapon. Ainfo funuoma tsoa afu iyamafiamisi facu nanushquin. Caianno furonanfacu iishquin. Ahuun anufin Emanuel (Onicoinnin tsainman Diosin nofu icaran) ishquiquin,” ishon Dioshuunshon inon pacoai yoimisi cununi.
23242	MAT 2:4	Ascacun ahuun yorafohuunshon Diosin cufimisifoan niaifofo yafi Moisés cununi cuscan tapimamisifo Herodes ato yoimaquin isca huani, —Uqui fucahuun, —ishon ato yoimanano aqui fuaifoan ato yocaquin —¿Raniashumun Cristo cainshquiquin? —ishon Herodes ato yocani.
23260	MAT 2:22	Caaquin nica Herodes man naano ahuun facu Arquelao Judea murannoa niaifo nicai José musuni. Ascaiton Diosin oinmati afu nai muran imisiton afanan ahuun namapan yoini, —Judea muran caquima futsanori catahuun, —huani. Ascano Judea muran catama Galilea anori fonifo.
23261	MAT 2:23	Ascashu Nazaret pushurasi muran fonifo. Diosihuunshon inon pacoai yoimisiton nannori cunuquin isca huani, “Cristofin Nazarenon ishquiquin,” ishon cununi.
23291	MAT 4:13	Nan Nazaret anoashu pushconi. Nannoashu Capernaum ano cani atofu iyoicai. Nan Galilea ian cusumunri Capernaum ini. Nannori mani rafutan ato mai Zabulonfo yafi Neftalifo icafo.
23292	MAT 4:14	Jesús nanno inon pacoai cuscan nan Isaías inon pacoai yoimisiton ahuunoa cunuquin isca huani, “Zabulonfo yafi Neftalifo Galilea ian ano icafo. Nanno aton mai. Unu Jordán ocuma futsa. Nannori Dios icoinra huamafo atofu icafo. Ascashu nanfo faquish muran ica shinantsafo. Ascafia samamashta oianfo shafariscatani cafiscashqui. Nanscarifiai numamisimaisi omitsiscapanacafo muran focuanafo. Ascacun Cristo atoqui nocorisca ato numashquiran,” icashu atohuunoa cununi.
23295	MAT 4:17	Nannoshon Jesús ato yosiquin tau huaquin isca huani, —Nocon Ifo Diosin matoqui samamashta nocoyoi. Ascacun maton chaca shatucahuun. Chaca huatamarocon Diosin tsain nicacoincahuun, —ishon Jesús ato yoini.
23296	MAT 4:18	Ascano ato yoitan Jesús ianmanhuan cusumun cani. Caquin Simón chipocu Andrés futan nushutinin nushuaifoan ato ointoshini. Nan Simón ahuun anu futsa Pedro. Nan rafutafin nushumisicoin inifoquin.
23308	MAT 5:5	Cacapaimisi itamarocon futsa ahua huamisima. Mato ahuun nomuran shinanquin isca huai, “Ufi apaiyai cuscan atama Diosin ua amapaiyai cuscan fusti un atiroran,” ishon shinanfafainaiton Diosin ato unimamatiro. Nan cuscarafo Diosin yoiyotiani cuscan ato inanshquin. Diosin icano arifi afu inonfo. Ascashu nantifi ahuunari atonari iishquin.
23325	MAT 5:22	Cayacafi anori yonofianicun un mato tsain futsa cayacafiri yoinon. Oinfain. Tsoa futsaqui sinaiton a niaifo ari iyotiro a onaintimanon. Ascan tsoan futsaqui tsain chaca huaiton isca huaquin, “Mincai ahuama. Min ahua tapiamaran,” ishon yoiaiton niaifofo ari iyotiro a onaintimanonfo. Ascafia tsoan futsa chaca huai isca huaquin, “Minfin mapo chacaquin. Min nisoncoinran,” huaiton Diosin a omitsiscapanacafo muran nan chi muran potatiro anoashu capashononma.
23379	MAT 6:28	Ascashon shinanquiri isca huayamacahuun, “¡Ohuashta! Raniamun un sahuuti fii nan sahuushqui,” ishon shinanyamacahuun. ¡Shinancapon! Charofocai yonoyamafain sahuuti icushumisifoma.
23408	MAT 7:23	Ascaifoan un ato cayacafi cumaqui isca huashquin, “Mancai uhuun yorafo imisima. Manfin paramisifoquin. Chaca fustisi man huamisi. Ascacun umaquinoashu fotacahuun,” un ato huashquin.
23418	MAT 8:4	Cayacun Jesús yoini isca huaquin, —Un mia caya huaa cuscan tsoa yoiyamahuu. Nocon caifohuunshon Dios cufimisi ismatahuun. Ascashon Moisés noco yononi cuscan chashoanun facu a inantahuun mia rutushonon. Min chaca soafain min caya cuscan ato ismashquin. Ascano tapitirofo Moisés noco yononi cuscacoin min aiton, —ishon Jesús yoini.
23419	MAT 8:5	Asca huafaini Capernaum ano cani. Ascaino nanno ranushumua niaifo noconi ahuunshon ahuun oinmati caya huamapai.
23423	MAT 8:9	Ascan uarifi uhuun niaifoan ua yonomisi. Ascacun urifi ranushumuafo un yonotiro. Ascan un futsa, “Catahuun,” huaino cariscatiro. Un futsa, “Ohuu,” huaino uqui oriscatiro. Uhuun oinmatiri, “Ua ashohuun,” un huaiton ua ashoriscatiro. Ascan minfin ahuamamishti huatiroquin. Ascacun min tsainmansi yoihuu uhuun oinmati cayanon, —ishon yoini.
23431	MAT 8:17	Jesús nantifi ato caya huani cuscan nannori ahuunoa Diosin tsain yoimisi Isaías inon pacoai cuscan cunuqui isca huani, —Cristofin ahuara isin futsafoan noco isininmai cuscan noco caya huaquin. Nocon isinfori nocomaquinoa potaran, —ishon Isaías cununi cuscan Jesús huani.
23453	MAT 9:5	Unfi Cristoquin yorafoan aton chaca un soashotiro. ¿Ascan ahuuscacaimun un huaicai? Un chaca soashoyamaraquin un cayahuai. Ascacun un mato ismai Upa Diosin ua catoan. Ahuunshofin un chaca soafain un yorafo caya huacointiroquin, —ishon ato yoini. Ascatan Jesús nan nocofunu afi raqui cayamacai afiri ahua huatiroma yoini, —Min pushu ano min shuhua ya funicaitahuun, —ishon Jesús yoiaino.
23460	MAT 9:12	Ascaifoan nicaquin Jesús ato cumani, —A isinincaifoma cayahuamamitsamisi yopacanima. Ascan nan isinincaifoti fasi cayahuamamitsamisi yopacani. Ascarifi aquin, “Uncai ahua chaca huamisima. Un Numamisi yopaimaran,” icaifocai un aton chaca soashotiroma. Ascan tsoan yoiqui isca huai, “Un fasi chaca huamisi. Un numamisi yopacoinran,” icaifoan un ato chaca soashotiro. Ascacun Diosin tsain cununi cuscan tapitacahuun. Cunuqui isca huani, “Ua man ina fushomisi un mato chaca soashonon. Nan fusticai un fuchipaima. Ascatamarocon man futsafohuun ramapaiyai nancaifin un fasi fuchipaiquin,” ishon Diospan tsain cununi. —Jesús ato huani.
23472	MAT 9:24	Ascaifoan Jesús ato yoini, —Chifi caintacahuun. Na facucai naama. Oshafinquin, —ato huaiton osanifo.
23484	MAT 9:36	Yorahuanrasi aqui fuainfoan oin atohuun ramapaini. Aton nomuran omitsiscaifoan. Ascan Jesús shinanquin isca huani, —Chashohuan cushumisioma nanscarifiai na yorafo cushumisiomaforan, —ishon shinanniquin.
23502	MAT 10:16	Chashoanfo masharonun pipaitiro. Nanscarifiai nan icoinra huamafoan mato chaca huapaitirofo. Ascafia nanfo muran un mato nichi. Ascacun nan rono onanya cuscara marifi icahuun. Ruhuincai ahua shinanchacamisima cuscan marifi nanscarifi isharacahuun.
23517	MAT 10:31	Ascashon Upa Diosin tsitsipiofo shinanmisi cuscan fasi mimacai mato shinanfafainiquin. Ascacun ratuyamacahuun. Matocaifin tsitsipio aca finonmafain Diosin matohuun noiquin. Cushushon mima huaquin mato cushusharamisiquin.
23546	MAT 11:18	Nanscarifi aquin nanfoanri Juan yafi uqui tsain chipufafaini. Ascafia Juanpacai piqui tunufain fimi unu pau ayamisima. Ascacun ahuunoa yoiqui man isca huamisi, “Juan nisocoin. Yoshin chaca ahuun nuaran,” ishon yoimisifo. Asca unfin pii sharafain un aya sharamisiquin. Ascafia uhuunoari yoiqui isca huamisifo, “¡Cuu! Jesús pitsicoin fasi ichapari ayatiroran huafain Roma anoa niaifo puifishomisifo yafi yora chacafo furi rafuiran,” ishon uhuunoa chaca yoimisifo. Ascafia nanfoanri yoiqui isca huamisifo, “Tsoamain shinansharafain icaquin non onantiro. Nan yorafin isharacoianquin shinansharamain huaifin,” ishon nannori yoimisifo. Nannori yoifiaquicai uhuunoa ascara yoipaimisifoma. Ascatamarocon uqui tsain chaca fusti huamisiforan, —ishon Jesús ato yoini.
23548	MAT 11:20	Ascano ato yoiqui anaititan Jesús nan pushurasi anoafo ato yoiqui isca huani, —¡Ohua! Man Corazín anoafo yafi Betsaida anoafoan man chipo fasi omitsiscai. Tsoan oinyomisima cuscara shara un mato ismafiano mancai chaca shatupaima. Ascan nan Tiro anoafo yafi Sidón anofori un mato isma cuscan un ato ismaiton nanfoan aton chaca shatucuanafo. Ascasho yoicuanafo isca huaqui “¡Ohua! Non fasi chaca huamisi. Ascacun natian Diosiqui nasoshon non nicasharanoncahuun,” ishon yoicuanafo.
23551	MAT 11:23	¿Ascan man Capernaum anoafoan man shinanmun man nai muran Dios ari foicai? Ma. Omitsiscapanacafo muranrocon mato potai. Tsoan oiyomisima cuscara shara un mato ismafiaitocai maton chaca man shatupaima. Ascan nan un mato isma cuscan Sodoma anoafo un ato ismaiton aton chaca shatu cuanifo. Tsoaricai cuyocuanama. Nantianri aton pushurasi icuana.
23563	MAT 12:5	¿Ascashon Moisés cununi cuscari man man oinmisimun? Cunuqui isca huani, “Dios fu tsainti pushu muranshon tunutitian ahuun tsain yoimisifoan yonotirofo. Nanfoan yonofiaquicai ahua chaca huacanimaran,” ishon Moisés cununi.
23634	MAT 13:26	Chipofin nan ushu shara foaicaino tashafori foaini.
23638	MAT 13:30	Nanscanonquin. Chitunmisitian tashafo yafi fana sharafori foaitiro. Nantian un mau yonomisifo yoishquin isca huaquin, ‘Iquisi nan tashafo tsucacahuun. Nantifi nushasharahuu coashquinon. Asca huatanfin nan fanasharafori uhuun tapasi muran ua fushotacahuun,’ ” mau ifoan yoiaran, —ishon Jesús ato yoini.
23724	MAT 15:22	Nannoashu Cananea anoa ainfo Jesusqui noconi. Nocoshon yoini, —Ifon, minfin David ahuun funaquin. Uhuun ramapaihuu. Uhuun facu ainfoshta fasi omitsiscai. Yoshin chaca ahuun nuushon omitsisca huamisi. Uhuun facu ua caya huashopun, —ishon yoiriani.
23754	MAT 16:13	Ascatan Jesús no fu mai futsari cani. Nan mai ahuun anu Cesarea Filipo. Nanno nocoshon Jesús noco yoini, —Unfin Diospan Facufiashu un nocofunucoinquin, —ishon yoitan afanan noco yocani, —¿Yorafoan shinanmun un tsoaquin? —ishon noco yocaiton.
23757	MAT 16:16	Ascaiton Pedronun cumani, —Minfin Cristoquin. Nan Diosin nipanacaton mia catonni min ahuun facuran, —ishon yoaiton.
23761	MAT 16:20	Ascatan non afu rafuafo futsafori noco yoiqui isca huani, —Unfin Cristoquin tsoa yoiyamacahuun, —noco huani.
23779	MAT 17:10	Ascaiton nicacaquin afu rafuafo yocanifo, —¿Ascan ahuuscaquimun Moisés cununi cuscan tapimamisifoan noco yoimisifo isca huaquin, “Nocon Numamisi Cristo nan Diosin catoan nocoqui oataima rufofo Elías oshquiran,” ishon noco yoimisiforan? —huaifoan.
23784	MAT 17:15	—Ifon, uhuun facuhuun ramapaihuu. Yoshin chaca ahuun nuushon fasi omitsiscamai. Chii muran potafain unu muranri potatiro.
23793	MAT 17:24	Ascatan nannoashu non cai Capernaum pushurasi ano non noconi. Nanno non nococun nan Dios fu tsainti pushu murannoa pui fimisifoan Pedro yocanifo. —Man min tapia nocon caifoan faritifi pui inanfo Dios fu tsainti pushu muran yonoafoan nan yopaifo cuscan ahuun finonfo. ¿Ascan mato Ifo Jesús arifi man inanmisimun? —ishon Pedro yocaifoan.
23802	MAT 18:6	Ascafia ratoranfoan ua icoinra huafuna futsan chaca huamai nancaifin fasi onaintimaquin finacoinquin. Chaca huamataima toquiriya tunushushon unu noacoin muran potafin shara icuanaquin.
23849	MAT 19:18	—¿Rato noco yononicaimun un nicacoinfain nan yoia cuscan un huaiiqui? —ishon yocaiton. Jesús yoini, —Futsa rutuyamahuu. Min ahuinma fu iyamahuu. Ahuara onuyamahuu. Chaniri yoiyamahuu.
23868	MAT 20:7	Cumanifo, “Tsoan ahuashta noco yonoamaran,” huaifoan. “Ascacun marifi uhuun mau ari ua yonoshotacahuun,” ato huani.
23883	MAT 20:22	—Man ua yocai cuscacai man tapiama. ¿Un omitsiscashquiain cuscan man ufu omitsiscatiromun? —ishon Jesús ato yocaiton. Cumanifo, —Ai. Non mifu itiroran, —huaifoan.
23911	MAT 21:16	Ascashon nanfoan Jesús yoinifo, —¿Nan facufoan yoiaifo cuscan min nicaimamun? —ishon yocaifoan ato cumani, —Aifain. Munfin nicaiquin. ¿Ascan marifi nan Diosin tsain cununi cuscan man man nicamisimun? Cunuqui isca huani, “Mihuunshon facufoan mihuunoa tsain shara yoicaniran,” —ishon cununi.
23936	MAT 21:41	Cumanifo, —Nan yora chacafo rutui atohuun ramapaitama nanonfo. Ascashon ahuun mau futsafo cushumani cushusharashononfo. Nanfoan man fimicun cashcu futsa mau ifo inanonfo, —ishon yoiaifoan.
23958	MAT 22:17	Ascacufin min shinain cuscari noco tapimahuu. ¿Nan Romanonfoan aton niaifo Cesari pui inanfo cuscan norifi non inantiromun? —huaifoan.
23962	MAT 22:21	—Niaifo Cesarinnaran, —huaifoan. —Ascan Cesarinacun nan inancahuun. Ascan Diosinacun Diosiri inancahuun, —ishon ato yoiaiton.
23983	MAT 22:42	—¿Nan Diosin catonni Cristohuunoa ahuu cuscara man shinanmun? ¿Tsoan funacaimun? —ishon ato yocaiton. —David ahuun funaran, —huaifoan.
23985	MAT 22:44	“Upa Diosin uhuun Ifo Cristo yoini isca huaquin, ‘Minfin ufu niaifocoinquin. Mia noicasmaifoan min ato finoncoian. Un ato shatumashquin mia afanan ahuusca huatiroma. Min ato iquiniran,’ ” ishon Diosin yoini cuscan David cununi.
23986	MAT 22:45	¿Criston David Ifono ahuuscashucon ahuun funa itiromun? —ishon Jesús ato yoiaiton.
24031	MAT 24:5	Yora ichapafoan “Un Cristoran,” ishon mato parapaishcani. Ascashon yora ichapafori parashcani.
24049	MAT 24:23	Ascacun ua nicasharacahuun. Omitsiscaifotiancai icataima iquisi un mato yoiyoi. Nan omitsiscaifotianri nan fuparamitsamisifo fucani. Fucashon yoiqui isca huacani, “Un Cristoran,” ishon yoi yamarai “Un Diospan tsain yoimisiran,” ishon nanfoan yoishcani. Ascashon nanfoanri Satanashuunshon tsoan atiroma cuscara mato ismaquin mato parapaishcani. Ascan Diosin nan catoanfo ato cushuyamaino nanfoanri nan fuparamitsamisifo icoinra huaacuana. Ascaino nantian mato yoishcani, “¡Oincapon! Nanfin nocon Cristoqui,” ishon yoi iyamarai, “Nanno chaimashta Cristo nocoqui oaran,” ishon yoiaifoan ato icoinra huayamacahuun.
24052	MAT 24:26	Ascashon nanfoanri yoicani, “Cristo tsoan istaipama ano nocoaran,” ishon mato yoiaifoanno ari foyamacahuun. Nanscarifi aquin mato yoishcani, “Criston nan pushu cunu muran iquiaran,” ishon mato yoiaifoan ato icoinra huayamacahuun.
24053	MAT 24:27	Uficoin un oaiton man ua shafacafi oinshquin. Canan facaicaiton shafacafi nantio non oinriscatatiro. Nanscarifiai unfin Diospan Facuquin un afanan oaiton nantifi yorafoan ua shafacafi oinshcani.
24109	MAT 25:32	Ascashu nantifi manifotifi uqui fushcani. Chashoan cushumisiton ahuun chashoanfo yafi nan chashoan ointsafo aton anu cabra aton ichanan huai. Nan chashoanfosi tiri futsa huafain nan cabrafori tiri futsa huai.
24126	MAT 26:3	Ascan nantianri nocon yorafohuunshon Dios cufimisi niaifofo futan Moisés cununi cuscan tapimamisifo non Dios fu tsainti pushu cushumisifo Caifás pushu ano ichanancani. Nan Caifás nocon yorafohuunshon Dios cufimisi niaifocoin ini.
24129	MAT 26:6	Ascatan non Jesús fu Betania ano cani. Caashu Simón pushu muran non iquini. Nan Simón nami tocoi futsua ini.
24138	MAT 26:15	Ascacaini cashon ato yoiqui isca huani, —¿Un mato Jesús achimacun ahuuti pui man ua inantiromun? —ishon ato yocaiton. Cumanifo, —Non mia treinta toro oshopafo inantiroran, —ishon yoinifo. Asca huatan inannifo.
24165	MAT 26:42	Ato asca huatan afanan apa Dios cuficaicani. Cashon apa yoini, —Upa, min ahuara futsa yorafo numashqui atiromamainquin nan min apaiyai cuscan huahuu. Unfi man itisharaqui atohuunoashu omitsiscacaini naashqui, —ishon Jesús apa cufini.
24180	MAT 26:57	Ascano achicashon nocon yorafohuunshon Dios cufimisi niaifocoinin ahuun pushu ano iyonifo. Nan niaifoan ahuun anu Caifás. Nannori niaifofo ichanannifo.
24185	MAT 26:62	Ascano yorafohuunshon Dios cufimisifo aton niaifocoin nan Caifás Jesús yocani, —¿Miqui tsain chaca huafo cuscan icon iyamarai iconmamun? —ishon yocaino.
24191	MAT 26:68	Yoinifo, —Min Cristomainquin min nantifi tapicoian. Asca tsoan mia acamainquin noco yoihuu, —ishon cashu mutsama huanifo.
24202	MAT 27:4	—Unfin chaca huaquin. Jesuscai ahua chaca huayamafiamisicun un ato parashon achimanaran, —ishon ato yoiaiton. Cumanifo, —Ahuuscaquitsi min noco anori yoiyoa. Noncai ascara tapipaima. Mififin min shinanquin, —huaifoan.
24215	MAT 27:17	Jesús ahua chaca huaiyamafiacun. A icai cuscan apaicaquin nocon niaifofo Jesusqui sinacaquin Pilato ano iyonifo. Nan acaifo cuscan Pilato man tapian ini. Ascacun Pilato nanno yora ichananfo yocani, —¿Ratocaimun un mato cainmashotioquin? ¿Barrabás iyamarai Jesús nan Cristo Diosin catoanran man huamisi? —ishon ato yocaiton.
24217	MAT 27:19	Ato yocatan tsaoshon manani cumaifoan nicapaiquin. Ascaino ahuinin cunu fuma aqui noconi. Cunun yoiqui isca huani, —Nan nocofunu Jesús shara. Ahua chaca huamaquin. Ahuusca huayamahuu. Uhuun namapan un oian ahua chaca huayamafiashu omitsiscaiton oin urifi uhuun nomuran ahuunoashu un omitsiscacoinna. Ascacun ahuusca huayamahuu, —ishon Pilato ahuinin cunushoni.
24220	MAT 27:22	—¿Un Barrabás caimashomun un Jesús nan Cristo Diosin catoan un ahuusca huaicai? —ishon ato yocaiton. Afanan nantifiton yoinifo, —Mastahuun, nanon, —huaifoan.
24230	MAT 27:32	Focani nan nocofunu Simonqui noconifo. Nan Simonfin Cirene anoashu cainniquin. Ascan nan ranushumuaton yononi. —Ihui coyan iquinan noco foshoicahuun, —ishon iyamafainifo.
24235	MAT 27:37	Ascano man ihui coyan iquinanqui mastacashon amanaonri cununifo isca huaquin, NAN JESUSFIN ISRAELIFOAN ATON NIAIFOCOINQUIN ishon cununifo. Nannori Jesús icaran ishon mastanifo.
24237	MAT 27:39	Ascashon camacaquin isca huanifo, —¡Cuu! Minfin yoimisiquin nocon Dios fu tsainti pushu min choquiacai. Ascatan osha rafu non fustitan min afanan futsa huairan min imisi. Mifin numatan ihui coyan iquinanmaquinoashu fotohuu. Min Diospan facumainquin, —ishon roanifo.
24286	MRK 1:2	Cainyataima fari ichapa inonpacoai cuscan ahuunoa nocon shuni Isaías cununi. Chipo inaca cuscan yoiyomisi. Upa Diosin Furun yoiyoni cuscan Isaías aqui cununi isca huaquin, “Upashtan, min yorafoan mia onantaima uhuun tsain yoimisi un atoqui nichicain mihuunoa ato yoinon. Itisharanonfo mia nicashquin,” ishon Upa Diosin Furun yoini cuscan aqui cununi.
24290	MRK 1:6	Camello inapan rani ahuun camisa huashon Juanpan sahuua ini. Ascashon yoinaton fichi aqui nanushumuni. Ascashori ocutsuru pifain afuchi fona ayani.
24299	MRK 1:15	Ato yoiqui isca huani, —Nocon Ifo Diosin matoqui oshquiquin. Maton chaca shatucahuun. Chaca huaquima Diosin tsain shara icoinra huacahuun, —ishon Jesús ato yoini.
24300	MRK 1:16	Ato yoitan ianmanhuan Galilea cusumun cani. Caquin Simón chipocun Andrés futan nushutinin nushuaifoan ointoshini. Nan rafutanfin nushumisi inifoquin.
24305	MRK 1:21	Ascano Capernaum mai ano fonifo. Judiofoan aton tunutitian ichananti pushu muran atofu ichanannifo. Ichananfoan Jesús ato yosiniquin.
24320	MRK 1:36	Caano Simón non afu rafuafoan Jesús funai focani fonifo.
24327	MRK 1:43	Cayacun yoini, —Un mia caya huaa tsoa yoiyoyamahuu. Nocon caifohuunshon Dios cufimisi a ismatahuun. Moisés mato yononi cuscan chashoanun facu a inanhuun mia rutushonon. Min chaca soafain min caya ato oinmashquin. Ascano tapinonfo Moisés noco yononi cuscan min aiton, —ishon Jesús yoifia.
24330	MRK 2:1	Ascano osha ranantan afanan funifo. Capernaum ano nasofuracani. Nanno pushu muran iquicun nicanifo.
24338	MRK 2:9	Unfin Cristoquin un yorafo aton chaca soashotiroquin. Un chaca soafain un ahuamamishti huatiro un mato oinmanicain. Upa Diosin ua catoan. Ahuunshonfin un yorafo aton chaca soashotiroquin, —ishon ato yoini. Asca huatan nocofunu yoratishon charishi futsua yoini,
24350	MRK 2:21	Tsain futsari ato yoini isca huaquin, —Camisa shunishta fashnucun funa potonun icushumua poto funa chopi futsuashu camisa fasi uhuai finacointiro. Tsoancai afanan ascara icushpaitiroma. Nanscarifi aqui un mato tsain funa yosian cuscan nicacoinshon man apaoni cuscan man afanan apaitiroma. Tsoan ua tanacoinshocai apaoni cuscan huatiroma. Ascashu funa cuscara shara itiro.
24356	MRK 2:27	Ascan un mato yoinon. Upa Diosincai nunori shinannima. Isca huaquin, “Un tunutitian yonoyonon. Chipo un yorafo onihuai tunutitian yonononfomaran,” ishon anori shinannima. Ascatama Upa Diosin yorafo shara huapaiquin Moisés yoini isca huaquin, “Ato yonohuun semanantifi shafa fusti yonononfoma. Tunuyononfo ua shinancaquin,” ishon Upa Diosin yoini.
24381	MRK 3:24	Caifofo afi ranan rutunain cuyotirofo.
24385	MRK 3:28	—Jesuscai Diospan Yoshin Sharahuunshon yorafo caya huamama yoshin chacahuunshon ato caya huamaran, —ishon yoinifo. Ascafiaifoan Jesús ato yoini, —Icon un mato yoinon. Ua nicacahuun. Ratoran futsan futsafo tsain chaca huafain Diosquiri chaca huacun Upa Diosin nantifi chaca huaa cuscan rau huashotiro. Ascafia tsoan Dios nicacasmaiton yoiquin isca huatiro, “Naton aca cuscan Satanashuunshon acaran,” huafiaino Diospan Yoshin Sharahuunshon atiro. Nanton Diospan Yoshin Sharahuunoa tsain chaca huacun Upa Diosin ahuun chaca rau huanacama. Chaca huaa cuscan ahuun nuupacunacaran, —ishon Jesús ato yoini.
24424	MRK 4:32	Ascafia yosiashu fasi uhuapacoin itiro. Rato ihuicai mostazatioma. Ahuun tushpafori fasi uhuapacoin. Ahuun tushpahuu puiya futsa futsatapafo tsaotiro. Nanno mostaza ahuun puifoan ahuun tushpafo ihuaquin futsa fari tsacanonma. Nanscarifiai Diosin icoinra huaafo tau huaquin ichapamaton nicayotirofo. Chipo fasi ichapafain tanacointirofo Diosqui nocosharashcaquin, —ishon Jesús ato yoini.
24428	MRK 4:36	Ascaino yorafomaquishon afu rafumisifoan Jesús ianmanhuan oquiri iyonifo. Chipo atirifiton mufainifo.
24479	MRK 6:3	Nanfin ihui yonomisiquin. María facu. Chipocufo Santiago non José non Judas non Simón. Ahuun poifori nuno no fu imisifo. Nonfin Jesús onanquin. Aacai ahuama. ¿Ahuuscashomun ahuamamishti huatiroquin? —icashu yoinannifo. Nannori shinancashon aqui shinanchacanifo. Acai cuscarocon huacani. Afanan Jesús nicapainifoma.
24497	MRK 6:21	Funun cushusharafiaino ahuinin ahuuscashoma Juan rutupaini. Funun cainnitian Juan rututiro punin shararan. Isca huaquin. Cainnitian ahuun niaifofo patashari non ranushumua niaifofo non niaifofo Galilea mai anoafori ichanannifo fuusishoshcaquin.
24509	MRK 6:33	Ascaiton yorafoan ato oinnifo. Ascatan Jesús yafi afu rafuafo nocoataima ian cusumunri yorahuanrasi atoqui fuainfoan oin Jesús atohuun ramapaini. Ascashon Jesús shinanquin isca huani, —Chashohuanfo cushumisioma nanscarifiai na yorafo cushumisiomaforan, —ishon shinanniquin. Ascashon ato ichapa yosini.
24551	MRK 7:19	Maton nomurancai tushu nitutiroma. Maton shaqui muranfin itiroquin. Chipo man aya poitiroran. Nantifi tushu sharafin non pisharatiroquin, —ishon ato tapimani.
24556	MRK 7:24	Ascatan Jesús nannoashu pushurasi ahuun anu Tiro chaimashta caani. Caashu pushu futsa muran iquini tsoa tapimapaima. Ascafiaiton samamashta nanno icafoan nicanifo pushu muran icun.
24563	MRK 7:31	Ascano Jesús Tiro anoashu cai Sidón finonfaini ianmanhuan Galilea cusumunri cani. Cai pushurasi anoafo aton anu Decápolis ano noconi.
24566	MRK 7:34	Ascashon nai ari foisinifoantan fasi shacaitan yoini, “Efata,” Onicoinnin tsainmanfin: “Cayasharahuu,” huani.
24578	MRK 8:9	Cuatro mil yora icuanafo nanno inifo. Piafono Jesús aton pushu ari ato nichini.
24596	MRK 8:27	Ascatan Jesús yafi afu rafuafo anoashu focani Cesarea de Filipo pasoato pushurasifo ano fonifo. Foaifoan Jesús ato yocani, —¿Yorafoan man shinanmun un tsoaquin? —ishon ato yocaiton.
24597	MRK 8:28	Cumanifo, —Futsafoan yoiafin min Juanquin. Nan ato unu muran iquimapacumisi. Asca futsafoanri yoiafofin minfin Eliasquin. Asca futsafoanri yoiafin minfin nocon shunicaifoan Diosin tsain yoimisiquin. Man min afanan funiaran, —huaifoan.
24598	MRK 8:29	—¿Anori uhuunoa shinanfiafonomun manri shinanmun un tsoaquin? —huaiton. Ascaiton Pedronun cumaquin, —Minfin Cristoquin. Upa Diosin mia catonni nocoqui nichishquiran, —ishon yoiaiton.
24599	MRK 8:30	—Un Cristoqui tsoa yoiyamacahuun, —ato huani.