23218	MAT 1:5	Salmón facu Booz ini. Ahuun ahuari Rahab ini. Boozpan facu Obed ini. Ahuun ahuari Rut. Obed facu Isaí ini.
23221	MAT 1:8	Asa facu Josafat ini. Josafat facu Joram ini. Joram facu Uzías ini.
23222	MAT 1:9	Uzías facu Jotam ini. Jotam facu Acaz ini. Acaz facu Ezequías ini.
23223	MAT 1:10	Ezequías facu Manasés ini. Manasés facu Amón ini. Amón facu Josías ini.
23226	MAT 1:13	Zorobabel facu Abiud ini. Abiud facu Eliaquim ini. Eliaquim facu Azor ini.
23227	MAT 1:14	Azor facu Sadoc ini. Sadoc facu Aquim ini. Aquim facu Eliud ini.
23228	MAT 1:15	Eliud facu Eleazar ini. Eleazar facu Matán ini. Matán facu Jacob ini.
23261	MAT 2:23	Ascashu Nazaret pushurasi muran fonifo. Diosihuunshon inon pacoai yoimisiton nannori cunuquin isca huani, “Cristofin Nazarenon ishquiquin,” ishon cununi.
23291	MAT 4:13	Nan Nazaret anoashu pushconi. Nannoashu Capernaum ano cani atofu iyoicai. Nan Galilea ian cusumunri Capernaum ini. Nannori mani rafutan ato mai Zabulonfo yafi Neftalifo icafo.
23548	MAT 11:20	Ascano ato yoiqui anaititan Jesús nan pushurasi anoafo ato yoiqui isca huani, —¡Ohua! Man Corazín anoafo yafi Betsaida anoafoan man chipo fasi omitsiscai. Tsoan oinyomisima cuscara shara un mato ismafiano mancai chaca shatupaima. Ascan nan Tiro anoafo yafi Sidón anofori un mato isma cuscan un ato ismaiton nanfoan aton chaca shatucuanafo. Ascasho yoicuanafo isca huaqui “¡Ohua! Non fasi chaca huamisi. Ascacun natian Diosiqui nasoshon non nicasharanoncahuun,” ishon yoicuanafo.
23639	MAT 13:31	Ascasho Jesús mostaza ushuhuunoa ato yoini ahuara futsa ato tapimashquin. Ato yoiqui isca huani, —Nocofunun ahuun mau ano mostaza ushu fanani. Rato fimi ushu futsacai mostaza ahuun ushu uhuapamashtatioma. Ascafia foaica fasi cuya itiro. Rato pushu umainti fimi charo fanacai mostazatioma. Ihui noconan rafutiro. Ascatan yosiano puiyafo ahuun tushpahuu tsaotiro. Nanscarifiai Diosin ahuun yorafo iquisi fustirasi ifiashu chipo paratama caitioran, —ishon ato yoini.
23789	MAT 17:20	Noco afanan yoini. —Manfin ichapama ua icoinra huaaquin. Ascacun un mato icon yoinon. Nan mostaza ushu uhuapamashtacoinfia foaicashu yosia uhuapacoin itiro. Nanscarifiai man ua ichapama icoinra huaquin tau huatiro. Ascan chipo uhuun tsain maton nomuran nanucoinshon man ua fasi icoinra huaqui finacointiro. Ascashon man machi yoitiro shucucaitahuun man huaino shucucaini futsa ano catio. Ascaino ua icoinra huacoinshon nan man apaiyai cuscacoin man huatiroquin.
23864	MAT 20:3	Ascatan man fari cuyainano mau ifoan caaquin oian plaza ano nocofunufo nia ini tsoa yonoima.
23906	MAT 21:11	Ascaifoan nan Jesús fu foafoan yoinifo, —Nanfin Jesusquin. Diosin tsain yoimisi. Nanrifi pushurasi Nazaret nan Galilea anoaquin, —ishon yoinifo.
24078	MAT 25:1	Ascatan diez shomayafohuunoa un mato yoi un oaitian ahuu cuscaramainquin un mato tapimashquin. Ascatan nan diez nan nocofunun rama ainfo fiai manafo atofu fuusishcaquin. Ascafia nan nocofunun ahuun ahuin fiicashu nasoataimacai tsoa afi ranan fuusi tauafoma. Nan diez shomayafoan iquisi lamparina foafo. Nocofunu manai focani.
24093	MAT 25:16	Niaifoan caquin nan cinco mil inan cuscahuunshon samamashta ahuarafo fiashu afanan inanmitsashon ahuun rafanan cinco mil fia. Asca huaquin diez mil man fia.
24192	MAT 26:69	Ascaino Pedro pushu umainti caashu tsaoni. Ascano nocohuunshon Dios cufimisi niaifoan ahuun oinmati shomayaton Pedro fuchishon yoini, —Jesús Nazaret anoa fu mirifi min afu oaquin, —huaiton.
24194	MAT 26:71	Asca huafaini caincaiti ano caacun nannoshori shomaya futsanri Pedro fuchishon ato yoini, —Na nocofunufin Jesús Nazaret anoa fu imisiquin, —ishon yoiaiton.
24308	MRK 1:24	Fiisimaino, Jesús fuchini. Fuchishon yoiquin, —¿Ahuuscain min noco fucash huai oamun, Jesús Nazaret anoaton? ¿Min noco omitsiscapanacafo muran min noco potai oamun? Man non mia onan. Diosin mia catonni. Mincai chaca huamisima, —ishon yoshin chacapan yoini.
24423	MRK 4:31	Mostaza ushu uhuapamashta.
24424	MRK 4:32	Ascafia yosiashu fasi uhuapacoin itiro. Rato ihuicai mostazatioma. Ahuun tushpafori fasi uhuapacoin. Ahuun tushpahuu puiya futsa futsatapafo tsaotiro. Nanno mostaza ahuun puifoan ahuun tushpafo ihuaquin futsa fari tsacanonma. Nanscarifiai Diosin icoinra huaafo tau huaquin ichapamaton nicayotirofo. Chipo fasi ichapafain tanacointirofo Diosqui nocosharashcaquin, —ishon Jesús ato yoini.
24698	MRK 10:41	Santiago futan Juanpan ato finonpaiyaiton Jesús naqui huashu tsaopainifo afu rafumisi diez futsafoan nicacanashu atoqui sinanifo.
24704	MRK 10:47	Jesús nan pushurasi Nazaret pushconi fain caiton nicai oi ashcafinin cunani, —Jesús, minfin David funaquin. Uhuun ramapaihuu, —huani.
24890	MRK 14:67	Fuchishon yoini, —Na nocofunufin Jesús Nazaret anoa min afu rafumisiquin, —huani.
24988	LUK 1:26	Ascano seis oshu Isabelqui man caano Diosin nai oinmati Gabriel Mariaqui niriscatani. Nan María funuoma ini. José fu fiananfotaima afu iyopaonima. Tsoaricai afu imisima. Ascan José ahuun shunifin David iniquin. Nan Israelifoan ato niaifo ipaoni. Ascacun Diosin ahuun oinmati afu nai muran icaton yoini isca huaquin, —Galilea mai Nazaret pushurasi muran Mariaqui catahuun, —ishon ahuun oinmati Gabriel nichini.
25046	LUK 2:4	Ascacun José yafi María Nazaret pushurasi Galilea murannoashu focani Belén pushurasi Judea mai ano noconifo. Nan Belén David ahuun mai ini. José David ahuun funa. Ascacun arifi Belén ano cani.
25081	LUK 2:39	Ascano José fu María Diosin tsain yononi cuscain aton mai Nazaret ano nasonifo. Nan Nazaret Galilea muran.
25093	LUK 2:51	Ascashu ahua yafi apa fu Nazaret ano nasoni. Ascashon nantifi apa futan ahuan yonoaifo cuscan yafi yoiaifo cuscan nicacoinni. Ascatan furunmun yoia cuscan ahuan ahuun nomuran shinanfafaini.
25123	LUK 3:29	Er ahuun apa Josué. Josué ahuun apa Eliezer. Eliezer ahuun apa Jorim. Jorim ahuun apa Matat.
25126	LUK 3:32	Natán ahuun apa David. David ahuun apa Isaí. Isaí ahuun apa Obed. Obed ahuun apa Booz. Booz ahuun apa Sala. Sala ahuun apa Naasón.
25148	LUK 4:16	Ascacaini cai nan pushconi Nazaret ano cani. Nannoashu Israelifoan aton tunutitian nan imisi cuscan ato ichananti pushu muran iquishon ninacahuan Diosin tsain Jesús ato yoini.
25161	LUK 4:29	Achicashon Nazaret pasoato iyonifo. Nanno mahua cuyacoin anoshon potapaicaquin.
25166	LUK 4:34	Asca huatan nan yoshin chacanun Jesús yoini, —Minfin Jesús Nazaret anoaquin. ¿Min noco fucash huai oamun? Noncai mi futan ahua huatiroma. ¿Omitsiscapanacafo muranri min noco potai oamun? Unfin mia onanquin. ¡Ohua! Noncai mia ahuusca huatiroma. Miamain Diosin catoancun, —ishon yoshin chacanun yoini.
25317	LUK 8:3	Futsan ahuun anu Juana nan Cuzapan ahuin ini. Nan Cuza niaifo Herodes ahuun niaifo patashari ini. Ainfon futsan ahuun anu Susana. Ascashu ainfo futsaforifi Jesús yafi afu rafuafo fu fonifo. Nan ainfofoan Jesús yafi afu rafuafo pui inannifo ahuun rafanan tushu finonfo.
25445	LUK 10:13	¡Ohua! Man Corazín anoafo yafi Betsaida anoafoan man chipo fasi omitsiscai. Tsoan oinyomisima cuscara shara un mato ismafiano mancai chaca shatupaima. Ascan nan Tiro anoafo yafi Sidón anoafo un mato isma cuscan un ato ismaiton nanfoan ato chaca shatucuanafo. Ascashon yoicuanafo isca huaquin “¡Ohua! Non fasi chaca huamisi. Ascacun natian Diosiqui nasoshon non nicasharanoncahuun,” ishon yoicuanafo.
25606	LUK 13:19	Nocofunun ahuun pushu umainti mostaza ushu fanani. Asca foaica ihui tio ica. Puiyafo ahuun tushpahuu tsaoafo. Nanscarifiai Diosin ahuun yorafo taui fustirasi ifiashu chipo paratama caitioran, —ishon ato yoini.
25653	LUK 14:31	Nanscarifiai niaifo rafu noconain aton ranushumuafo rutunanonfo. Futsa diez mil ranushumuafo aya icaino futsa veinte mil ahuun ranushumuafo ya. Ascacun nan diez mil ranushumua ayaton iquisi fasi shinainyotiro ahuuscamain acanicain.
25709	LUK 16:20	Asca futsan ahuun anu Lázaro nocofunu mafo ichapayaton ahuun cunu caincaiti ano tsaoni. Yoratishon coyoashu tsaocun pashnan aqui oshon ahuun coyo ano tashoni. Ascaino Lázaro ahuuomaton shinanni, “Na nocofunu mafo ichapayatomain nan tushu huaa ua inanpainonrati,” ishon shinanni.
25711	LUK 16:22	Ascashu Lázaro naani. Naacun Diosin oinmati afu nai muran icafoan ahuun yoshin Dios icari iyonifo. Nannori Abraham ica ini. Ascashu nan mafo ichapayari arifi naacun mai huanifo.
25712	LUK 16:23	Ascano omitsiscapanacafo muran cashon nan mafo ichapayaton Abraham yafi Lázaro foisquin oian icafo ini. Arishon chii isin tunuyamacaiquin cunani.
25713	LUK 16:24	“Uhuun Upan, Abraham, uhuun ramapaihuu. Ua Lázaro nichishohuun. Ahuun mutotinin ua ana muchana huanyonon. Un nunoshon chii isin tunuimaquin,” ishon cunaiton.
25714	LUK 16:25	Abraham cumani, “Upan, min shinainmamun min mai anoashu isharapaoni. Asca Lázarofin omitsiscapaoniquin. Asca natianfin Lázaro man isharaquin fasi unimasharacoinquin. Asca minfin natian fasi omitsiscaiquin.
25716	LUK 16:27	Afanan cumani, “Upa Abraham, unfin mucu fustiti yora yaquin. Asca Lázaro ato ano nichihuun ato Diosin tsain yoiaiton nicacoinonfo nuriashu omitsiscai futirofoquin,” ishon yoiaiton.
25726	LUK 17:6	Jesús ato cumani, —Nan mostaza ushu uhuapamashtacoinfiashu foaicano uhuapacoin yositiro. Nanscarifiai taui man ua icoinra huashon uhuun tsain man tapisharayotiroma. Chipo uhuun tsain maton nomuran man nanucoinshon ihui uhuapa ahuun tapofoya tsucucain “Ununhuan muran pacuhuu,” man huaino a muran afanan fanainacahuan man yoia cuscan atiro.
25794	LUK 18:37	Yoinifo, —Jesús Nazaret anoa cahuaniran, —huanifo.
25808	LUK 19:8	Ascafiaifoanno Zaqueo Jesús yoini, —Ifon, natiantafin un yora ahuuomafo cashcu futsa un ato inanpacuicain. Nan un finonmafaintan fia cuscan onushori un ato finonmafaintan ato inanpacuiquin. Un diez soles fianshonfin cuarenta soles un ato inainquin. Ascan veinte soles ato fianshonfin ochenta soles un ato inaincain. Un ato onuyofiamisishaquifin un ato asca huapaiquin, —ishon Zaqueo yoini.
26079	LUK 24:19	—¿Ahua ahuuscaitamun? —ishon ato yocaiton. —Jesús Nazaret anoaya non tsainquin. Nanfin Diosin tsain yoimisiquin. Diosin ahuun curushhuunshon noco yoimisi. Dioshuunshon ahuamamishti noco huashomisi. Ahuun tsainman yora caya huafain ahuara sharafo noco huashomisi. Nan acai cuscan nantifi man non oian. Diosin yafi nantifi man non oian. Nocofunu sharacoinfin non oinmisi.
26158	JHN 1:45	Ascatan Felipen Natanael fuchishon yoini, —Moisés Diosin yononi cuscan cununi isca huaquin, “Un Numamisi matoqui nichishquiran,” ishon Diosin yoini cuscan Moisés aqui cununiquin. Nannorifi Diosin tsain yoimisi futsafoan yoinifo. Nancai man non fuchiaran. Jesusfin José ahuun facu Nazaret anoaquin, —huaiton.
26159	JHN 1:46	—¿Ahuatomun noco Nazaret ano shara huashotiroquin? —Natanael huaiton. —Ohuu, Oinshquin, —Felipe huani.
26232	JHN 4:7	Non afu rafumisifo nantianri pushurasi ano cashon non tushu fini. Jesús nomifiaquicai ahuaqui unu fitiro inima. Ascaino nantianri ainfon Samaritanon shafo nan pozo ano noconi ahuun cuti muran unu fiishquin. Ascan Jesús yocani, —Ua unu inanpun, —huaiton.
26236	JHN 4:11	—Min cuti yafi rusfi yamai. Na pozo fasi noacoin. ¿Ascaiton ahuuscashomun min na unun yora nimapacutiro min fitiroquin?
26237	JHN 4:12	Nocon shuni Jacob pozo non a murannoa unu finon. Arifi nan unu ayani. Ascaino ahuun facufoanri ayanifo. Ahuun inafori ayamani. ¿Min nocon shuni Jacob finoanmun? —huaiton.
26238	JHN 4:13	—Tsoan na pozo murannoa unu ayafiashu chipo afanan nomitiro.
26593	JHN 11:1	Ascatan nocofunu Lázaro isinin icai. Ahuun pushu Betania ano ini. Nan Lázaro isinin icaiton ahuun poi rafu María yafi iyoa Marta nannori inifo. Nan María Jesusqui motica murannoa ininti sharacapa Jesús tau pumancayan ocatan ahuun foon otucuru aniquin.
26596	JHN 11:4	Jesús nicatan yoiquifin, —Nan Lázaro isinincaicain naimafinquin. Isinin icaifin yorafoan oicaniquin Dios sharacun. Unmain Diospan Facuquin un ahuamamishti huaiton tapicashon icoinra huanonfo, —ishon Jesús ato yoini.
26597	JHN 11:5	Jesús Lázaro yafi poi rafu atohuun noicoinni.
26598	JHN 11:6	Lázaro isinincaiton nicafiai nanno osha rafuyoni.
26603	JHN 11:11	Nannori noco yoitan Jesús afanan yoini isca huaquin, —Nocon yorahuan Lázaro oshafiacun un moimanicain, —huaiton.
26606	JHN 11:14	Ascan noco shafacafi yoini, —Lázaro man nacoinfiano un unimai naino un ano icama. Ascan man chipo oinquin man fasi ua icoinra huashquin. Ascafia natian non Lázaro ano fononfocahuun, —ishon Jesús noco yoini.
26609	JHN 11:17	Ascatan Betania ano nococashon Jesús nica man Lázaro naita. Osha rafu non rafuri finoan ini mai huaitafo. Mahua quini muran mai huaitafo ini.
26628	JHN 11:36	Uaicaiton oincaquin nocon caifoan, —¡Oincapon! Lázaro fasi noi ahuunoashu uaiquin,
26629	JHN 11:37	¿Nan fusho cayahuani cuscarifi huaquimun nunoshon Lázaro cayahuacuanitan? —huanifo.
26635	JHN 11:43	Asca huatan Jesús yoiquin oi ashcafinin, —Lázaro, quini murannoashu funicurahuun, —huaino.
26645	JHN 11:53	Nan Lázaro funiatianfin shinanquin tau huanifoquin, —¿Ahuuscashomain non Jesús rututiroquin? —icashon nanscasi huaquin shinanriapaonifo.
26650	JHN 12:1	Ascano seis osha fusitin nocoti chaima Jesús no fu Betania ano cayoni. Nanno Lázaro ica ini. Nan Lázaro naacun Jesús funimani.
26651	JHN 12:2	Naannoshon Jesús pimapaiquin tushu pichashonifo. Ascan Lázarorifi nanno atofu ini. Marta ato pimani.
26658	JHN 12:9	Ascano Jesús nicafuracani nocon caifo Israelifo ichapa aqui funifo. Lázaro funia nicacani yora ichapa aqui funifo. Jesús fusti oinpaicanimaquian Lázaro nacoinfiacun Jesús funimana oinpaicani funifo.
26659	JHN 12:10	Lázarohuunoa nicacaquin nocon caifo ichapafoan afanan nocon yorafohuunshon Dios cufimisi niaifofo tanatama Jesús fusti icoinra huanifo. Ascaino nocon niaifofo yoinannifo, —Nan rafu non rutunon. Jesús fustimaquian. Lázarori non rutunon, —icashu yoinannifo.
26666	JHN 12:17	Jesús Jerusalén ano nocoaiton nicacaquin nantianri yorahuanrasifoan a mananifo oinpaicaquin. Atirifoan Jesús Lázaro naafiacun funimanaiton oinnifo. Oincanifin futsafoqui chaninifoquin arifi oinnonfo.
26859	JHN 18:5	—Jesús Nazaret anoa non funairan, —huaifoan. —Unfinquin, —ato huaiton. Nan ato achimaicai Judas nanno atofu ini.
26861	JHN 18:7	Ascashon Jesús afanan ato yoca futsani, —¿Tsoan man funaimun? —huaiton. —Jesús Nazaret anoa non funairan, —huaifoan.
27040	ACT 2:22	Uhuun yora Israelifoan ua nicasharacahuun. Jesús nan Nazaret anoaton Upa Diosin aqui unimani mato isma. Tsoan atiroma cuscan huafain tsoan oinyomisima cuscara huafain ahuamamishti futsafori ahuunshon Upa Diosin mato isma. Man man tapia non iconcoin.
27071	ACT 3:6	—Uncai pui yamafinquin. Ascafiaquin un aya cuscan un mia inanon. Jesucristo nan Nazaret anoahuunshon funinaca huahuun. —Pedronun huani.
27101	ACT 4:10	Un mato cayacafi yoinon. Man nantififain uhuun caifo nan Israelifo yashon tapisharacahuun un mato yoinon. Jesucristo nan Nazaret anoahuunshon man caya muma shara inon. Manfin Jesucristo ihui coyan iquinanqui mastaitaquin. Man naafiacun Upa Diosin funimana.
27184	ACT 6:14	Man non nicamisi yoiaiton, “Jesús Nazaret anoaton nocon Dios fu tsainti pushu paoanshquin. Moisés noco yononi cuscari fiananan huairan,” —ishon chani yoinifo.
27271	ACT 8:26	Nantianri nocon Ifo Jesús ahuun oinmati afu nai muran icaton Felipe yoini, —Na fai tapiaquiri nii yamai Jerusalén yafi Gaza nushmancayan catahuun, —huani.
27285	ACT 8:40	Ascanrifiatan Felipe mai futsa ahuun anu Azoto ano nitariscani. Nanno yafi nantifi pushurasi Cesarea fai anori cashon tsain shara Jesushuunoa ato yoifoanfafaini.
27780	ACT 22:8	“¿Min tsoamun, Ifon?” un huaiton. “Unquian. Jesús. Un Nazaret ano iyopaoni. Min ua omitsisca huairan,” ua huaiton.
27842	ACT 24:5	Nan nocofunu Pablonun fasi nocon caifo Israelifo fucash huamisi. Icafoti mucamamisi. Nocon caifo amaquiri shinanmapaiyaifoan aton anufo Nazarenonfo. Pablo aton niaifo.
27900	ACT 26:9	Ipaoni urifi Jesús Nazaret anoashu pushconi ahuun tanamisifo un fasi chaca huapaoni.
30584	2PE 2:17	Nanscara nocofunufoancai Diospan tsain noco tapimacoin sharama. Isca atohuunoa mato yoinon. Nanfofin pozoa nutsoa cuscarafoquin. Pozo ano nocoquin nonmaincoinquin nan pozoa nutsofiashu non nomi shatutiroma. Nanscarifi aquin atohuunshon non Dioshuunoa tapitiroma. Coin fisopan oinquin non shinantiro, —¡Aicho! Natian oi fui. Nocon mai mutocoincun muchana huashoin nocon yonofo foai sharanon, —ishon non shinantiro. Ascan coin fiso fuuhuanquin noco finonquin nocon mai muchana huatiroma. Nanscarifiai nan yorafoan noco shinanmapai Dioshuunoa noco tapimaifiai atohuunshon non ahua tapitiroma.
30805	REV 2:20	“Ascashon man ato shara huamisi. Ascafia ahuara futsan man chaca huamisi cuscan un mato yoi man afanan asca huanonma. Nan ainfon Jezabel ipaoni cuscara matofu ichananmisiton yoimisi isca huaquin, ‘Unfi Diosin tsain mato yoitiroquin,’ ishon mato yoifiamisi nantocai uhuun tsaincoin yoimisima. Aafin chanimisi. Ascashu nan ainfo fasi chacacoin. Mato amaquiri yosimisi. Ascafiaitocai ahuun tsain man shatumamisima. Ascashon ua yonoshomisifo paramisi aton ahuinma chotanonfo. Nanscarifi huaquin ainfofo aton funuma chotamamisi. Ascashon mato yoimisi isca huaquin, ‘Ahuara futsa non rami huanon nocon dios inon. Nan non tushu inanon. Ascano marifi man atofu ichananshon nan tushu man pitiroran,’ ishon nan ainfoan mato chaca yoimisi.
30867	REV 6:6	Ascaino nantianri un oi nica nan rafu non rafuri Diosin onihuani nastumai un nica yoiquin isca huaiton, —Tushu yamaicuana iishquin. Nan aya cuscafia fasi chicoin. Nocofunun shafa fusti yonoshon ahuun rafanan trigo kilo fusti fitiro ascayamarai arroz kilo rafu non fustisi fitiro. Afanan fipaifia ahuun pui tushuama ahuara futsa afanan fipanan. Ascacun shuni yafi nan fimi uva ahuun unu chacana huayamahuu, —ishon yoia.
30925	REV 9:17	Ascatan Upa Diosin ua ismani nan ranushumuafo yafi ato caballofo un oian iscara, Nan caballo camaqui tsaoafoan aton shochi nan chii rucun cuscara cuno oshin shara non tonancoin non chashnanpan shofucumuafo. Ascan nan caballofoan aton mapo masharo mapo ointsa. Aton ashfan murannoashu coin yafi chii uruaino azufre ashfacanun siiquin.
30978	REV 13:1	Ascan uhuun namapan ointsa ua oinmana cuscan afanan un mato tapimai. Unuhuan cusumun un niano yoina cuscara musucoin unuhuan murannoashu cainacahuanaiton un oian. Ahuun caya fustifiashu siete mapoya. Ascan ahuun mashori diez ya. Nan ahuun mashoti niaifoan maiti maia. Ascanshon Upa Diosiqui tsain chaca huaquin ahuun fumananfoqui cunu futsa cuscarafo nutan.
31140	REV 21:18	Jerusalén funa sharashtacoin. Ahuarafo amuran vidrio botica cuscara cushtocoin ocu rafu oinquin non nocotiro. Vidrio botica cuscarafiashu oro. Nanhuunoa Upa Dios onihua. Ahuun cunufo cuyacoin non cushtocoinri. Toquiri ahuun anu jaspe tonan shara ahuun cuno oshin shara faca facaitsaya osian. Toquiri sapa cushtocoin futsa futsatapafo doce putsamuinia camaqui nan cunu rafu non rafuri Upa Dios onihua. Toquiri sapa fasi chainipa cushtocoin futsa futsatapafo fusti tauhuaqui fuca. Ahuun anu jaspe. Nan jaspe tonan shara ahuun cuno oshin faca facaitsaya osian. A fuchi toquiri sapa futsa fasi chainipa cushtocoin ahuun anu zafiro. Nan zafiro tonan sharashtacoin. A fuchi toquiri sapa futsa fasi chainipa cushtocoin ahuun anu agata. Nan agata shonan sharashtacoin osian. A fuchi toquiri sapa futsan chainipa cushtocoin ahuun anu esmeralda shonan sharashtacoin. A fuchi toquiri sapa futsa chainipa cushtocoin ahuun anu onice oshin mapash sharashtacoin. A fuchi toquiri sapa futsa chainipa cushtocoin ahuun anu cornalina oshin sharashtacoin. A fuchi toquiri sapa futsan chainipa cushtocoin ahuun anu crisolito ahuun cuno oshin faca facaitsa cuscara sharashtacoin. A fuchi toquiri sapa futsan chainipa cushtocoin ahuun anu berilo shonan mapash sharashtacoin. A fuchi toquiri sapa futsan chainipa cushtocoin ahuun anu topacio chashna sharashtacoin. A fuchi toquiri sapa futsan chainipa cushtocoin ahuun anu crisoprasa shonan yafi chashna mapash osian sharashtacoin. A fuchi toquiri sapa futsan chainipa cushtocoin ahuun anu jacinto nanhuain ointsa mapash sharashtacoin. A fuchi ahuun unutaquin toquiri sapa futsan chainipa cushtocoin ahuun anu amatista nanhuain ointsa sharashtacoin. Nan toquiri sapa doce sharashtacoin a fuchi cunu Upa Diosin nimainifoanni.