23218	MAT 1:5	Salmón facu Booz ini. Ahuun ahuari Rahab ini. Boozpan facu Obed ini. Ahuun ahuari Rut. Obed facu Isaí ini.
23219	MAT 1:6	Isaí facu David ini. Nan David Israelifoan aton niaifocoin ipaoni. David facu Salomón ini. Salomón ahuafin Uriaspan ahuin ipaoniquin.
23220	MAT 1:7	Salomón facu Roboam ini. Roboam facu Abías ini. Abías facu Asa ini.
23221	MAT 1:8	Asa facu Josafat ini. Josafat facu Joram ini. Joram facu Uzías ini.
23222	MAT 1:9	Uzías facu Jotam ini. Jotam facu Acaz ini. Acaz facu Ezequías ini.
23223	MAT 1:10	Ezequías facu Manasés ini. Manasés facu Amón ini. Amón facu Josías ini.
23224	MAT 1:11	Josías facu Jeconías yafi ahuun yorafo ini. Nantianri Babilonia anoa niaifoan ahuun ranushumuafo nichini Israelifo rutushon atirifi ahuun mai ano ihuushonafoanno ahuun oinmatifo huanon.
23225	MAT 1:12	Chipofin Babilonia anoashu futsafori cainni. Jeconías facu Salatiel ini. Salatiel facu Zorobabel ini.
23229	MAT 1:16	Jacob facu José ini. José ahuin María nan Jesús ahua ini. Jesús Upa Diosin catonni nocon Numamisi inon. Nan non Cristoran huamisi.
23231	MAT 1:18	Jesucristo cainfin iscaniquin. José María yoini, —Non fiananon, —ishon. Ascafia fiananfotaima María man facu nanua ini. José ayamafian Diosin Yoshin Sharapan nanumana.
23233	MAT 1:20	Nanscara ahuun nomuranshon shinanfiaino ahuun namapan Diosin ahuun oinmatinin afu nai muran imisi aqui oshon yoiquin isca huani, —José minfin David funaquin. Ascacun shinanchacaquima María fihuu. Nan facu nanuafin Diosin Yoshin Sharapan nanumanaquin.
23237	MAT 1:24	Ascaino José moinacahuatan nan Diosin oinmatinin afu nai muran imisi yoia cuscan María fiini.
23249	MAT 2:11	Ascaiton oincani pushu muran iquifainshon facu yafi ahua María fuchinifo. Ascashon ratoconun mai chachishon facu yoinifo isca huaquin, —Minfin fasi sharashtacoinquin. Min nocon Ifo, —ishon yoinifo. Ascacatan aton mao fupucashon ahuara chicoin inancoinnifo. Oro inanfain ahuun ininti shara inanfain ininti sharacapa futsa ahuun anu mirra nanri inannifo.
23255	MAT 2:17	Ascano “Ato nicafo Ramá anoashu uaicani aton facuhuunoashu uaiyanan shorarascaifoan nicacaquin. Aton ointi main huamapaicaquin, ‘Uaiyamacahuun,’ ato huafiainfono aton facu manocani unupainifomaran,” ishon Jeremías Diosihuunshon inonpacoai yoishomisiton cununi cuscacoin man aaqui.
23264	MAT 3:3	Nan Isaías Diosihuunshon inon pacoai cuscan yoimisi ipaoni. Nanton Juanhuunoa yoini isca huaquin, “Tsoan istaipamashon Diosin yonoa cuscan oi ashcafinin yoiquin isca huanonpacoin, ‘Nocon Ifo nocoqui ooshquin. Ascacun itisharacahuun. Maton chaca shatucoincahuun,’ ” ishon Isaías Juanhuunoa cununi.
23292	MAT 4:14	Jesús nanno inon pacoai cuscan nan Isaías inon pacoai yoimisiton ahuunoa cunuquin isca huani, “Zabulonfo yafi Neftalifo Galilea ian ano icafo. Nanno aton mai. Unu Jordán ocuma futsa. Nannori Dios icoinra huamafo atofu icafo. Ascashu nanfo faquish muran ica shinantsafo. Ascafia samamashta oianfo shafariscatani cafiscashqui. Nanscarifiai numamisimaisi omitsiscapanacafo muran focuanafo. Ascacun Cristo atoqui nocorisca ato numashquiran,” icashu atohuunoa cununi.
23431	MAT 8:17	Jesús nantifi ato caya huani cuscan nannori ahuunoa Diosin tsain yoimisi Isaías inon pacoai cuscan cunuqui isca huani, —Cristofin ahuara isin futsafoan noco isininmai cuscan noco caya huaquin. Nocon isinfori nocomaquinoa potaran, —ishon Isaías cununi cuscan Jesús huani.
23542	MAT 11:14	Nanfoan cununifo cuscan icoinra huashon man tapitiro Juan arifi Diosin tsain yoimisi nan Elías cuscara. Ascacun Diosin tsain yoimisifoan cunuqui isca huanifo, “Un matoqui Elías nichishquiran,” ishon Diosin yoini. Ascan nanfin Juanquin.
23548	MAT 11:20	Ascano ato yoiqui anaititan Jesús nan pushurasi anoafo ato yoiqui isca huani, —¡Ohua! Man Corazín anoafo yafi Betsaida anoafoan man chipo fasi omitsiscai. Tsoan oinyomisima cuscara shara un mato ismafiano mancai chaca shatupaima. Ascan nan Tiro anoafo yafi Sidón anofori un mato isma cuscan un ato ismaiton nanfoan aton chaca shatucuanafo. Ascasho yoicuanafo isca huaqui “¡Ohua! Non fasi chaca huamisi. Ascacun natian Diosiqui nasoshon non nicasharanoncahuun,” ishon yoicuanafo.
23575	MAT 12:17	Nannori ato yoi Isaías cununi cuscan icocoin inon.
23579	MAT 12:21	Nantifi manifoti ahuunoa nicaquin isca huacani shinanshcaquin, ‘Nan fustiton noco numatiro non ahuunoashu Upa Dios fu nipanon,’ ishon yoishquicaniran,” Isaías cununiquin.
23599	MAT 12:41	Ratoran shafatan Diosin nantifi yorafo ichanan huaitian ato yoipacushquin ratotonmain icoinra huamisi iyamarai icoinra huamisimaquin. Ascaino nantianri Nínive ano ipaonifoan matohuunoa yoishcani isca huacaquin, “Jonás noco Diosin tsain yoini cuscan non nicacoinshon nocon chaca shatucoinshon non Dios icoinra huani. Asca man manfin Diospan furucoin nicafiashocai maton chaca man shatumisimaran,” ishon mato yoishquin. Nan icon un Jonás finonfiacucai man ua nicapaimisima.
23622	MAT 13:14	Nannori Isaías nan Diosin tsain yoimisi ipaoniton atohuunoa inon pacoai yoiqui isca huani, “Man nicafafaifiaquicai Diosin ato yoiai cuscan tapinacafoma.
23624	MAT 13:16	Ascafia nannori Isaías cunufiani mancai ascarama. Ascatamarocon un mato oinmana cuscan man icoinra huafain un mato yoia cuscan man nicacoinmisi. Ascashu maton nomuran man unimacoinna.
23672	MAT 14:6	Ascano Herodes cainnitian yorafo ichananni fuusishcaquin. Ascashu ichananfoanno Herodías ahuun facu shomaya arusu aton ointaifi mononi. Nan Herodías Herodes ahuun ushto ahuin ini. Ascashu shomaya monoaino Herodes fasi unimacoinquin yoini, —¡Aicho! Min monoai cuscan un fasi miqui unimai. Ahuarashta fipaiquin ua yoihuu un mia inanon. Diosin tapia un mia icon yoiaiton min fipaiyai cuscan un mia inantiroran, —ishon yoini.
23709	MAT 15:7	Ascashufin man paramitsamisifoquin. Nan Diosin tsain yoimisi Isaías inon pacoai cuscan icocoinquin matohuunoa yoiqui isca huani,
23711	MAT 15:9	Ipaitsi ichananshu fanaincai ua cuficani. Yorafo tapimamisifo cuscacai Diosin tsaincoinma. Nanfoan aton nomuran shinainfo cuscan futsafori yosimisiforan,” —ishon Isaías cununi.
23772	MAT 17:3	Ascaino nantianri Moisés yafi Elías aqui niriscatanifo. Ascashu nan rafu Jesús fu tsaincaiton oinnifo.
23779	MAT 17:10	Ascaiton nicacaquin afu rafuafo yocanifo, —¿Ascan ahuuscaquimun Moisés cununi cuscan tapimamisifoan noco yoimisifo isca huaquin, “Nocon Numamisi Cristo nan Diosin catoan nocoqui oataima rufofo Elías oshquiran,” ishon noco yoimisiforan? —huaifoan.
23780	MAT 17:11	Jesús ato yoini, —Icon. Elías rucun oitautiro. Oshon nantifi ato imasharapai aton chaca shatunonfo.
24022	MAT 23:35	Ascashofin nantifi Dios icoinra huafo rutunifoqui. Nan Abel shara rutuqui tau huafain ahuun unutaqui nan Zacarías Berequiaspan facu rutunifo. Nanfin Dios fu tsainti pushu muranshon. Anoshon cufiti chaimashon man rutunifo. Ascan manfin nantifi nan rutunifo cuscan marifi man rutui cafisca huaiquin. Ascacun Diosin atohuunshon mato omitsisca huaqui finacoin.
24159	MAT 26:36	Ascatan ihuifo mapoano ahuun anu Getsemaní nanno Jesús no fu cashon noco yoini, —Nuno tsaocahuun. Uhuun Upa un cufiyotanon, —noco yoini.
24207	MAT 27:9	Ascano nan Diosin tsain yoimisi Jeremías inon pacoai cununi cuscan natian man nanscacoin huaafo. Isca huaquin cununi, “Israelifoan yoinifo, ‘Non treinta toro inantiro nan nocofunun noco achimashocun,’ ishon yoiafo. Nan torofohuunshon cuti huamisiton ahuun mai fiafo. Uhuun Ifoan ua yononi cuscan un cuti huamisiton ahuun mai fia. Nanscarifi aqui nanfoanrifi aton torofohuunshon cuti huamisiton ahuun mai fiaforan,” ishon Jeremías cununi.
24244	MAT 27:46	Ascaino nantianri Jesús fasi oi ashcafinin apa cunani, —¿Elí, Elí lema sabactani? —nan yoipai, —¿Uhuun Diosin, Uhuun Diosin, ahuuscai mian potamun? —huani.
24245	MAT 27:47	Jesús ascaiton yorafoan mapo cashon nicacaquin yoinifo, —Nicacapon. Elías cunaiton, —huanifo.
24247	MAT 27:49	Inanpaiyaiton atirifoan yoinifo, —Unuhuu. Elías oshomain fotomaicai non oinon, —huanifo.
24253	MAT 27:55	Ascaiton nannoshon ainfo ichapafoan chaicushon oinnifo. Nan María Magdalena non María futsa nan Santiago futan José ahua non Zebedeo facufoan aton ahuari. Nantifi nan ainfofo Galilea anoashu Jesús fu foanfafainmisifoan nan apaiyaifo cuscan ato huashomisifo.
24259	MAT 27:61	Nannoshori María Magdalena futan María futsan tsaoshon oinnifo.
24269	MAT 28:5	Ascaiton Diospan oinmatinin afu nai muran icaton María rafu yoini, —Ratuyamacahuun. Mun tapia man Jesús funai yoa. Jesús man mastafiaitafo natian nunoma. Mato yoimisi cuscan man funia. Oin fucapon quini muran. Nan racaitano.
24286	MRK 1:2	Cainyataima fari ichapa inonpacoai cuscan ahuunoa nocon shuni Isaías cununi. Chipo inaca cuscan yoiyomisi. Upa Diosin Furun yoiyoni cuscan Isaías aqui cununi isca huaquin, “Upashtan, min yorafoan mia onantaima uhuun tsain yoimisi un atoqui nichicain mihuunoa ato yoinon. Itisharanonfo mia nicashquin,” ishon Upa Diosin Furun yoini cuscan aqui cununi.
24287	MRK 1:3	Diosin tsain yoimisihuunoari cununi. “Tsoan istaipamashon ahuun yorafo yoishquin isca huaquin, ‘Nocon Ifo oshquiquin. Itisharacahuun. Maton chaca shatucoincahuun isharashcaquin,’ atofin ato yoishquiquin,” ishon Juan cainyataima fari ichapa inaca cuscan Isaías ahuunoa cunushoni.
24479	MRK 6:3	Nanfin ihui yonomisiquin. María facu. Chipocufo Santiago non José non Judas non Simón. Ahuun poifori nuno no fu imisifo. Nonfin Jesús onanquin. Aacai ahuama. ¿Ahuuscashomun ahuamamishti huatiroquin? —icashu yoinannifo. Nannori shinancashon aqui shinanchacanifo. Acai cuscarocon huacani. Afanan Jesús nicapainifoma.
24538	MRK 7:6	Ato cumani, —Isaías nan Diosin tsain yoimisiton iconcoin inaca cuscan matohuunoa yoini. Manfin fuparapaimisifoquin. Matohuunoa yoini isca huaquin, “Nan yorafoan uhuunoa yoisharafiacaquin aton nomuran ua shinancoianfoma.
24539	MRK 7:7	Ipaitsi ichananshu fanaincani ua cufiyanan. A yorafo tapimapaiyai cuscacai uhuun tsainma. Nanfoan aton nomuran afi shinain cuscan aton yorafo yoicaniran,” ishon Isaías Diosin tsain cununi.
24611	MRK 9:4	Ascaino Moisés yafi Elías nitariscatan Jesús fu tsainnifo.
24615	MRK 9:8	Asca huatan nan rafu non fusti samamashta oinnifo Moisés yafi Elías yamariscatani Jesús fusti atofu nia ini.
24618	MRK 9:11	Ascatan Jesús yocanifo, —¿Ahuuscaquimun Moisés tsain tapimamisifoan yoimisiquin isca huaquin? “Nocon Numamisi Cristo Diosin catonni nocoqui oataima Elías rufofo nocoqui oshquiran,” —ishon noco yoinifo.
24619	MRK 9:12	—Icon. Elías rucun oitautiro. Oshon nantifi isharamapai aton chaca shatunonfo. Ascafia tsoan onannima. Juanfiacun tsoan onannima. Nan chaca huapaiyai cuscan chaca huanifo. Nannori ahuunoa cununi cuscan. Nanscarifi aquin unfin Dios ariashu un nocofunucoin cainfianicun ua omitsiscamacani. Nannori Diosin tsain yoimisifoan uhuunoa cununiforan, —ishon ato yoini.
24855	MRK 14:32	Ascano nanno ihuifo mapoa ano ahuun anu Getsemaní ano Jesús afu rafumisifo ya cani. Jesús ato yoiquin, —Nuno tsaoshon ua manacahuun. Uhuun Upa fu un tsainyotanon, —ishon ato yoini.
24930	MRK 15:35	Yorafoan mapo casho Jesús nicacaquin, —Nicacapon. Elías cunaiton, —huanifo.
24931	MRK 15:36	Ascainofin nocofunu futsan ichoniquin. Fimi unu focash muran nashan nanushon fiicai ichotan fitani oshon faca tahua shatun tuhuunifoantan Jesús inanpaiyaiton yoini, —Non oinyonon. Elías oshomain fotomaicai. Non oinyonon, —ishon cashu mutsama huanifo.
24935	MRK 15:40	Nannoshori ainfofoan chai mapo casho oinnifo. Futsan María Magdalena non María futsan Santiago non José aton ahua non Salomé.
24942	MRK 15:47	Mai huaifono María Magdalena futan María futsan José futsan ahuan nannoshon oinnifo.
24943	MRK 16:1	Ascano Israelifoan aton tunutitian cuyoano María Magdalena non María futsan Santiago ahuan non Salomé non afoan ininti sharashta finifo Jesús ahuun cayaqui ocashcaquin.
24951	MRK 16:9	Ascano Jesús Domingo funamanrishta funini. Funiashu María Magdalenaqui nocoi tauni. Jesús naataima Mariamaquinoa yoshin chaca siete potani.
24953	MRK 16:11	—Un rama Jesús oian. Man funiaran, —ishon María ato yoifiaiton nicacaquin tsoan icoinra huanima.
24967	LUK 1:5	Ascacun natian un nica cuscan un mia yoinon. Herodes Judea anoa niaifoatian nantianri Zacarías nocofunu shara nanno ini. Naanfin Aarón ahuun funaquin. Ascashu nannoa ahuun caifohuunshon Dios cufimisi ipaoni. Aarón ahuun funafo shoco ranan. Nan shoco futsafoan aton niaifo Abías. Nanrifi Zacarías ahuun niaifo ini. Nan Zacarías ahuin Isabel arifi Aarón funa.
24969	LUK 1:7	Ascafiashu facuoma rafu. Zacarías anifo icaino ahuinri yoshafo toosma ini.
24970	LUK 1:8	Ascano Abías ahuun shocofo nan ahuun yorafohuunshon Dios cufimisifo ato yoini isca huaquin, —Manfin natian siete oshatan Dios cufiti pushu muranshon man yonoshonicai, —ishon ato yoini. Ascano nannori Zacarías atofu ini.
24971	LUK 1:9	Nantianri Zacarías catonni Dios fu tsainti pushu muran iquishon ininti shara coanon. Nan ininti ahuun anu incienso. Nanscara cufimisifoan aton fuyamisi ipaoni.
24974	LUK 1:12	Ascaino Zacarías mustairitan fasi ratucoinni.
24975	LUK 1:13	Ascafiaiton Diosin oinmatinin afu nai muran icaton yoini isca huaquin, —Ratuyamahuu, Zacarías. Min cufiainton Diosin man mia nica. Min ahuin Isabel chipo furonanfacu nanushquin. Ascan caincun min anuquin Juanran min huashquin.
24979	LUK 1:17	Ascashu nan Juan Elías ipaoni cuscara arifi iishquin. Elías Dioshuunshon ahuun yorafo cayacafi icocoin tapimapaoni cuscan nanscarifi aqui Juanpan ahuun yorafo arifi ato tapimashquin. Ascano ahuun tsainhuunoashu ato apafo yafi aton facufo afanan noinanshcani. Ascashu nan Diosin tsain nicacasmamisifoan arifi aton chaca shatucashon Dios icoinra huafain shinansharashcani. Ascacun Juanhuunoashu ahuun caifofo itisharashcani Diospan furun atoqui nocoaitian a nicasharashcaniran, —ishon yoiaiton.
24980	LUK 1:18	Nicaquin Zacarías cumani, —¿Ahuuscashomun min yoiai cuscan un icoinra huatiroquin? Unfi anifocoinquin. Uhuun ahuinrifi yoshafoquin, —huaiton.
24983	LUK 1:21	Ascaino yorafoan Dios fu tsainti pushu umaintishon cufinquin anaiticatan Zacarías mananifo. Ascafiaino Zacarías atoqui funa caiamaino yoinifo, —¿Ahuuscain Dios cufiti pushu murannoashu Zacarías saman huaimun? —icashu yoinannifo.
24984	LUK 1:22	Ascariaifoanno atoqui cainfiashocai ato tsainquinima. A pucutiroma muuquin ahuun mucupan ato yoi fustini. Ascaiton onannifo Dios fu tsainti pushu muranshon Zacarías namapan cuscara oianran, icashu ahuun yoinannifo.
24985	LUK 1:23	Ascashu yorafohuunshon Dios cufimisifo ato yono anaiticatan Dios cufiti pushu murannoashu fonifo. Ascaino Zacarías arifi ahuun pushu ano cani.
24988	LUK 1:26	Ascano seis oshu Isabelqui man caano Diosin nai oinmati Gabriel Mariaqui niriscatani. Nan María funuoma ini. José fu fiananfotaima afu iyopaonima. Tsoaricai afu imisima. Ascan José ahuun shunifin David iniquin. Nan Israelifoan ato niaifo ipaoni. Ascacun Diosin ahuun oinmati afu nai muran icaton yoini isca huaquin, —Galilea mai Nazaret pushurasi muran Mariaqui catahuun, —ishon ahuun oinmati Gabriel nichini.
24991	LUK 1:29	Ascaiton nicaquin María ahuun nomuran shinanpaini, —¿Raquiri ua yoipaimun? —ishon shinanni.
24996	LUK 1:34	Afanan María cumani, —Uncai funuyamafinquin. Uacai tsoan tanamisima. ¿Ascan ahuuscashomun un facu nanutiroquin? —huaiton.
24997	LUK 1:35	Diosin oinmatinin afu nai muran icaton afanan María cumani, —Diosin ahuun Yoshin Sharapan miqui oshon mia facu nanumashquin. Nanto ahuun curushhuunshon ahuamamishti huatiro. Nanhuunshon mia facu nanumashquin. Ascan nan facu cainshquiaifin shara fustisi imisiquin. Ahuashtacai chaca huamisima. Naanfi Diospan facuquin.
25000	LUK 1:38	Ascaiton afanan María cumani, —Unfin uhuun Ifoan oinmatiquin. Afifin nan apaiyai cuscan ua huatiroquin. Nan mian yoiai cuscan ua huanonquin, —ishon María yoiaino amaquinoashu yamariscatani.
25001	LUK 1:39	Ascano man shafa ranan finontan María ahuun yaya ano cai fasi coshi cani nocoriscapai. Nan Judea muran pushurasi ano machihuanrasifo ini.
25002	LUK 1:40	Nocotan Zacarías ahuun pushu muran iquitoshiquin ahuun yayan Isabel yoini, —Yayan, un mia oinyoiran, —huani.
25004	LUK 1:42	Ascaino oi ashcafinin Isabel ahuun raru María yoini isca huaquin, —¡Aicho! Rato ainfo futsacai mia acai cuscan Diosin catoanma. Fasi mia shara huacoinna. Min facu chipo cainyano Apa Diosin aqui unimacoinqui a cushusharashquin.
25007	LUK 1:45	Upa Diosin nan min ishquiai cuscan mia iquisi tapimanaiton nantifi ahuun tsain min icoinra huaa. Ascacun Diosin mia unimamaran, —ishon Isabel ahuun raru María yoini.
25008	LUK 1:46	Ascaiton María arifi ahuun yayan yoini, “Uhuun nomuranshon un shinanqui isca huaa, ‘Ifon min sharacoin. Tsoa futsacai mia cuscara sharama.
25016	LUK 1:54	Ascafiaifoanno nocon caifofo Israelifofin Diospan oinmatifoquin. Ascashon non ahuara acai cuscan noco ashomisi. Nonfin noco shuni Abraham ahuun funafoquin. Ascacun nocohuun ramapaipacunaca. Nannori Upa Diosin nocon shunifo yoiyotianiran,’ ” ishon María yoini.
25018	LUK 1:56	Ascashu oshu rafu non fusti ahuun yayan Isabel fu iyoni. Ascatan María ahuun pushu ano nasoni.
25021	LUK 1:59	Ascatan ocho osha finontan Zacarías pushu ano ahuun yorafo funifo facushta ahuun foshqui rupa shatuni fucani. Ascashon apa anuquiri Zacariasran huapaifiaifoan ahua Isabel yoini, —Ma. Anoricai ahuun anu iquima. Juan ishquiran, —ishon ahuan yoiaiton.
25026	LUK 1:64	Ascano ahuun facun anu cunutapai Zacarías afanan tsainnacahuani. Ascashon Dioshuunoa shara yoini.
25027	LUK 1:65	A chaima icafo futan Judea muran machi ichapa ano icafoan nicacaquin Diosin aca cuscan fasi sharacoin. —Noncai ascara nicayomisimaran, —icashon Zacarías yafi ahuin Isabel non aton facu Juanhuunoa yoiquin futsanifo.
25029	LUK 1:67	Ascano facu ahuun apa Zacarías Diosin Yoshin Sharapan iquinaiton inon pacoai cuscan yoini isca huaquin,
25034	LUK 1:72	Ascashu noco shunifohuun Diosin ramapaipaoni. Abraham yoiyoni cuscacai Diosin ointi aquimanama. Yoiquin isca huani, ‘Un min funafo numashqui ato noicasmaifoan ato ahuusca huanonma. Ascano ratutama ua yonoshopacutirofoquin,’ ishon Diosin yoiyoni. Nocon Ifoan yoiyotiani cuscacoin man noco ashoin non isharacoincain non ahuun tsain tanapacushanon,” ishon Zacarías yoini.
25039	LUK 1:77	Diosin fasi nocohuun ramapaiqui nocon Ifohuunshon noco chaca soashona non afu ipashanon,’ ishon noco caifo min ato yoishquin. Nii muran faquishiainocai non oinsharatiroma. Chashamatimaisicai non fai tanasharatiroma nocosharapaiquin. Nanscarifiai nocon Ifo oataimano tsoan Diosin fai tapiataima. Shafaino fari otiro afanan faquish inonma. Nanscarifiai nocon Ifo nai murannoashu oataima nan faquish cuscara. Ascafia nan nocoqui oaitian nan chashamati cuscara shara iishquin. Ascashon Diospan fai noco oinmashquin ahuunoashu non Dios fu rafunon. Nonricai nai afanan ratutiroma. Naashumain non Upa Dios fu ipasharatiro. Non nicuri noco cushusharafain nocon ointi fucash huanonma non isharashquin,” ishon Diosin Yoshin Sharahuunshon Zacarías yoini.
25046	LUK 2:4	Ascacun José yafi María Nazaret pushurasi Galilea murannoashu focani Belén pushurasi Judea mai ano noconifo. Nan Belén David ahuun mai ini. José David ahuun funa. Ascacun arifi Belén ano cani.
25047	LUK 2:5	María fu aton anu cunui focani fonifo. Ascashu man yoinanfo ini afu fiananshquin. Ascafia nantianri man facu nanua ini.
25058	LUK 2:16	Ascashu ichocaquin María yafi José fuchitoshiquin oianfo facu inapan pimisifo muran fasi toca racai ini.
25061	LUK 2:19	Ascacun María ahuun nomuran fasi shinanpaoni nan nicafain oian cuscan. Ascashori, —¡Aicho! Diosin noco shara huashoanran, —ishon shinanpaoni.
25063	LUK 2:21	Jesús cainta ocho oshatan nan facun ahuun foshqui rupa shatuni. Nantianri anuquin Jesusran huani. Nannori María facu nanuataima Diospan oinmatinin afu nai muran icaton yoiquin tau huani.
25064	LUK 2:22	Moisés Israelifo yononi isca huaquin, —Maton ahuin facu caianshu cuarenta oshatan Dios fu tsainti pushu muran iquiyotiromaran, —ishon ato yononi. Ascacun María futan José aton facu man cuarenta oshatan Jerusalén ano iyonifo. Dios fu tsainti pushu muranshon apa Dios inanshcaquin. Ascano Dios fu tsainti pushu muran iquicashon yoinifo isca huaquin, —Upa Diosin nocon facu non mia ihuushona mia inainyoshquin mia yonoshopacushanon, —ishon yoinifo.
25066	LUK 2:24	Nantianri José yafi María Diosin yononi cuscain ruhui rafu iyamarai ruhui cuscara rafu foni nan ahuun caifohuunshon Dios cufimisi María inanni a rutushonon. Ahuun chaca soapaiyaiton Diosin ashonon. Ascashon a tanasharafain ismanon.
25069	LUK 2:27	Ascashon Diosin Yoshin Sharapan shinanmani cuscan Israelifoan Dios fu tsainti pushu muran iquini. Ascaino José yafi María arifi aton facuya iquifainnifo. Diospan tsain yononi cuscan aton facu huashoshcaquin iquinifo.
25075	LUK 2:33	Ascaiton nicacaquin José futan Marían aton nomuranshon shinanquin isca huanifo, —¡Aira! Noncai iscara nicayomisimaran, —ishon shinannifo.
25076	LUK 2:34	Ascashon Simeón Diospan Yoshin Sharahuunshon ahua María yoisharaquin isca huani, —Min facu nan nocon caifo Israelifo atirifoan nicacasmacanashu omitsiscapanacafo. Ascan min facu nicacasmaifoanno min fasi shinanshquin. Ascafia nocon caifo atirifoan min facu icoinra huacanashu fasi unimacoinshcani. Ahuunshon yora ichapafain aton nomuranshon shinainfo cuscan puashcaniran, —ishon Simeón yoini.