23226	MAT 1:13	ዜሬባቡሌ ዓብዲዮዴ፤ ዓብዲዮዴ ዔኤሊያቄሜ፤ ዔኤሊያቄሜ ዓዞሬ ሾዔኔ።
23227	MAT 1:14	ዓዞሬ ሳዶቄ፤ ሳዶቄ ዓኪሜ፤ ዓኪሜ ዔኤሊዩዴ ሾዔኔ።
23228	MAT 1:15	ዔኤሊዩዴ ዓላዜሬ፤ ዓላዜሬ ማኣታኣኔ፤ ማኣታኣኔ ያይቆኦቤ ሾዔኔ።
23231	MAT 1:18	ዬሱስ ኪሪስቶሴኮ ሾይንቶ ጎይፃ ያዺኬ፤ ዒዛኮ ዒንዳ፥ ማይራማ ዮሴፔና ዖኦጪንቲ ዔያታ ዎሊ ዔኩዋንቴ ዓያና ጌኤሺዳፓ ዒዛ ጎጲ ዔኪ ጴዼኔ።
23233	MAT 1:20	ዬኖ ማሊፆና ዒ ዓኣንቴ፥ ፆኦሲኮ ኪኢታንቾ ዓ'ውቲና ዒዛም ጴዻዖ፦ «ዳውቴ ናዓሦ፥ ዮሴፔ! ኔኤኒ ዖኦጫዛ፥ ማይራማ ጎጳዼሢ ዓያና ጌኤሺዳፓ ማዔሢሮ ማሊ ሂርጉዋዖ ዒዞ ዔዔኬ።
23235	MAT 1:22	ዬይ ቢያ ያዺ ማዔሢ ፆኦሲ፥ ፔ ማሊፆ ኬኤዛ ዒሲያሴ ዛሎ''ና፦
23241	MAT 2:3	ካኣቲ ሄሮዲሴ ዬያ ዋይዜ ዎዶ''ና ዲቃቴኔ፤ ዲቃቴሢ ዒዛ ሌሊቱዋንቴ ዬሩሳላሜ ዓጮ'' ዓሶ ቢያሢኬ።
23242	MAT 2:4	ዒዚያ ቄኤሶኮ ሱኡጎና ዓይሁዶ ዓሶኮ ዎጎ ዔርዛ ዓሶ ቢያ ዔኤሊ''፦ «ሜሲሔ ሾይንታንዳሢ ዎካዳይ?» ጌይ ዔያቶ ዖኦጬኔ።
23243	MAT 2:5	ዔያታ ማሃዖ፦ «ሜሲሔ ሾይንታንዳሢ ዪሁዳ ዓጮ''ይዳ ቤኤቴሌሄሜ ካታማ''ኬ፤ ዓይጎሮ ጌዔቶ ፆኦሲ ማሊፆ ኬኤዛሢ ዛሎ''ና፥
23245	MAT 2:7	ዬካፓ ሄሮዲሴ ዬንሢ ዔሮ'' ዓሶንሢ ዴሜና ዔኤሊ''ሲ ዦኦጋሢ ዔያቶም ጴዼ ዎዶ'' ኮሺ'' ዖኦጪ ዔሬኔ፤
23249	MAT 2:11	ናዓ ዓኣ ኬኤፆ ዔያታ ጌላዖ፥ ናዖና ዒንዶ ማይራሞና ዴንቄኔ፤ ዬካፓ ጉምዓቲ ዒዛም ዚጋዖ ሳኣፂኖ ዔያቶኮ ቡሊ'' ዎርቄ፥ ዑንጄ፥ ካርቤ ጎዖ ሳውዎ ባኮዋ ዒንጊ ዒኢሼኔ፤ ዬይ ባካ ሚርጌ ሚኢሼ ኬሳ''ያኬ።
23253	MAT 2:15	ዒኢካ ካኣቲ ሄሮዲሴ ሃይቃንዳያ ሄላ''ንዳኣና ናንጌኔ፤ ዬይ ያዺ ማዔሢ' ፆኦሲ ፔ ማሊፆ ኬኤዛሢ ዛሎ''ና፦ «ታኣኮ ናዓሢ ጊብፄይዳፓ ታ ዔኤሌ''ኔ» ጌዔ ቃኣላ'' ኩማ''ንዳጉዲኬ።
23254	MAT 2:16	ዔሮ'' ዓሶንሢ ዒዛ ጌሼሢ ሄሮዲሴ ዔሬ ዎዶ''ና ሚርጌና ዻጋዺ፥ ቤኤቴሌሄሜ ካታሞና ኮይሎ''ይዳ ዓኣ ጉርዶ ቢያ ዒዛኮ ፖኦሊሶ ዳኪ፥ ላምዖ ሌዔና ያፓ ዴማ'' ማዔ ዓቲንቆ ናኣቶ'' ቢያ ዎዺሼኔ፤ ዬያ ዒ ሂዴሢ ዦኦጋሢ ጴዼ ዎዶ'' ዔሮ''ንሢዳፓ ዖኦጪ ዋይዜ ጎይፆናኬ።
23255	MAT 2:17	ያዺ ማዒፆና ፆኦሲ ማሊፆ ኬኤዛ ዔርሚያሴ ዛሎ''ና፦
23260	MAT 2:22	ጋዓንቴ ዓርኬሌዎሴ ፔ ዓዶ ሄሮዲሴ ቤዛ፥ ዪሁዳ ዓጮ''ይዳ ካኣታዼሢ ዋይዜሢሮ ዬካ ዓኣዻኒ ዮሴፔ ዒጊጬኔ። ዬካፓ ዓ'ውቲ ዒዛም ኬኤዜሢሮ ጌሊላ ዓጮ'' ዓኣዺ፥
23261	MAT 2:23	ናዝሬቴ ጌይንታ ካታሞይዳ ናንጌኔ፤ ዬይ ያዺ ማዔሢ' ፆኦሲ ማሊፆ ኬኤዛ ዓሶ ዛሎ''ና «ናዝራ ዓሲ» ጌይንታንዳኔ ጌይንቴሢ ኩማ''ንዳጉዲኬ።
23264	MAT 3:3	« ‹ጎዳኮ ጎይፆ ጊኢጊሹዋቴ፥ ሉኡጎ ጎይፆዋ ፒዚሱዋቴ› ጌዒ ጌዒ ዓሲ ናንጉዋ ዳውሎ''ይዳ ዒላታ ዓሲ ዑኡሲ» ጌዒ ፆኦሲ ማሊፆ ኬኤዛ ዒሲያሴ ኬኤዜሢ ዬያ ዮሓኒሴ ዛሎ''ኬ።
23274	MAT 3:13	ዬኖ ዎዶ''ና ዬሱሴ ዮሓኒሴ ኮራ ዋኣፆ ማስታኒ ጌሊላ ዓጮ''ይዳፓ ዮርዳኖሴ ዎሮ ሙኬኔ።
23277	MAT 3:16	ዬሱሴ ዋኣፃፓ ማስቲ ኬኬስካኣና ጫሪንጫ ቡሊ''ንቲ፥ ፆኦሲኮ ዓያና'' ዶኦሌ'' ማሊ ኬዲ'' ዒዛ ዑፃ ዴዓንቴ ዒ ዴንቄኔ።
23282	MAT 4:4	ዬሱሴ ማሃዖ፦ « ‹ዓሲ ናንጋሢ ፆኦሲ ኬኤዛ ቃኣሎ''ና ማዓንዳፓዓቴም ካሣ ሙዒ ሌሊቱዋሴ› ጌይንቲ ፃኣፒንቴኔ» ጌዔኔ።
23284	MAT 4:6	« ‹ኔና ካፓንዳጉዲ ፆኦሲ ፔ ኪኢታንቾ ኔኤም ዓይሣንዳኔ፤ ቶካ'' ኔኤኮ ሹጮይዳ ዹይንቱዋጉዲ፥ ዔያታ ፔ ኩጮና ዓርቂ ኔና ቃዛንዳኔ› ጌይንቲ ፃኣፒንቴኔ፤ ዬያሮ ኔ ፆኦሲ ናይ ማዔቶ፥ ሂንዳ ሃይፓ ሊካ ጱሌ''» ጌዔኔ።
23285	MAT 4:7	ዬሱሴ ማሃዖ፦ « ‹ኔ ጎዳ፥ ፆኦዛሢም ፒራኒ ማሊፖ› ጌይንቲ ሃሣ ፃኣፒንቴኔ» ጌዔኔ።
23288	MAT 4:10	ዬሱሴ ማሃዖ፦ «ኔኤኒ ሓይ ፃላሄ፥ ሴካ ሺኢኬ! ‹ኔ ጎዳ ፆኦዛሢም ዚጌ፤ ሃሣ ዒዛ ሌሊ ካኣሽኬ› ጌይንቲ ፃኣፒንቴኔ» ጌዔኔ።
23290	MAT 4:12	ዮሓኒሴ ቱኡቴሢ ዬሱሴ ዋይዜ ዎዶ''ና ጌሊላ ዓጮ'' ዓኣዼኔ፤
23292	MAT 4:14	ዬይ ያዺ ማዔሢ' ፆኦሲ ማሊፆ ኬኤዛ ዒሲያሴ ዛሎ''ና፦
23293	MAT 4:15	«ባዞ'' ባንሢ ዓኣዻ ጎይፆና ዮርዳኖሴ ዎሮ ሱኮናይዳ ዓኣ ዛብሎኦኔንታ ኒፕታኣሌኤሜንታ ዓጫ'' ዓይሁዴ ማዒባኣ ጌሊላ ዓሶ ዓጫ''፤
23296	MAT 4:18	ዬሱሴ ጌሊላ ባዞ'' ኮይሊ''ና ዓኣዻዖ፥ ላምዖ ዎሊኮ ጌርሲ ማዔስኬንሢ ዴንቄኔ፤ ዔያታ ጴፂሮሴ ጌይንታ ሲሞኦኔና ጌርሲ ዒንዲራሴና ማዓዛ ዔያታ ሞሎ ዓርቃያታሢሮ ሞላሢ ዓርቆ ሮኦጮጉዴ ሱዞ ባዞ''ይዳ ዓጋኔ።
23299	MAT 4:21	ዬማፓ ዻካ'' ዶጫዖ ሃሣ ላምዖ ዎሊኮ ጌርሲንሢ ማዓያ፥ ዜብዲዮሴ ናይ፥ ያይቆኦቤና ዮሓኒሴና ዴንቄኔ። ዔያታ ፔኤኮ ዓዶ ዜብዲዮሴና ዎላ'' ዋኣፆና ፒንቆ ጎንጎይዳ ሞላሢ ዓርቆ ሱዞ ኮሻ''ንቴ ዬሱሴ ዔያቶ ዔኤሌ''ኔ።
23301	MAT 4:23	ዬሱሴ ዓይሁዶ ዓሶኮ ቡኪንቶ ቤዞይዳ ዔርዚ ዔርዚ ሃሣ ፆኦሲ ካኣቱሞ ዛሎ'' ኮዦ ሃይሶዋ ኬኤዚ ኬኤዚ ጌሊላ ዓጮ'' ቢያይዳ ሃንታዖ፥ ዱማ ዱማ ዶርዖና ሃርጊንቴ ዓሶ ፖዒሴኔ።
23303	MAT 4:25	ጌሊላና ታጶ ካታሞንሢ ጌይንታ ቤዞንሢናይዳፓ ሃሣ ዬሩሳላሜና ዪሁዳ ዓጮ''ይዳፓ፥ ዮርዳኖሴ ዎሮ ሱኮይዳፓ ሙኬ ሚርጌ ዓሲ ዬሱሴ ጊንፆ ዓኣዼኔ።
23315	MAT 5:12	ጫሪንጮይዳ ዒንሢ ዬያ ዛሎ''ሮ ዔካንዳ ባካ ዼኤፒታሢሮ ኮሺ'' ዎዛዹዋቴ፤ ሃያኮ ቤርታ ፆኦሲ ማሊፆ ኬኤዛዞንሢያ ዬያይዲ ዒፂ ዳኮናኔ።»
23320	MAT 5:17	ሃሣ ዬሱሴ፦ «ሙሴ ዎጎና ፆኦሲ ማሊፆ ኬኤዛ ዓሶና ዔርዛ ባኮ ላኣማ''ኒ ታ ዒንሢም ሙኬያ ማሎፓ፤ ታ ሙኬሢ' ጌይንቴ ጎይፆ ኩኩንሣኒ ሙካንዳኣፓዓቴም ላኣማ''ኒ ሙኪባኣሴ።
23323	MAT 5:20	«ዒንሢኮ ፂሉ''ማ ፔርሴ ዓሶና ሙሴ ዎጎ ዔርዛዞንሢ ፂሉ''ማፓ ባሺባኣቴ ፆኦሲ ካኣቱሞይዳ ማሊ ዒንሢ ጌላኒ ዳንዳዑዋሴ።
23328	MAT 5:25	«ኔ ሞርካሢ ኔና ዎጌና ዓይሢሴም፥ ኔ ዒዛና ዎላ'' ዎጎ ዎጎ ቤዞ ዓኣዺፆይዳ ዓኣቴ፥ ዑኬና ኔ ሞርካሢና ዎላ'' ጊኢጌ። ያዺ ማዒባኣታቶ ኔ ሞርካሢ ኔና ዎጎ ዎጋሢም ዓኣሢ ዒንጋንዳኔ፤ ዎጋ ዓሢያ ሃሣ ፖኦሊሳሢም ዒንጋዛ ቱኡዞ ማኣራ ኔ ቱኡታንዳኔ።
23331	MAT 5:28	ታኣኒ ዒንሢም ጋዓንቴ ‹ላኣሊ ዛጊ ላሃኒ ማሌ ዓሲ ቢያ፥ ዬማና ፔ ዒኖና ዒዞና ላሄያ ማዓኔ› ጋዓኔ።
23337	MAT 5:34	ታኣኒ ጋዓንቴ ዒንሢም ሂዚ ጋዓኔ፦ ፔቴ''ታዖ ጫኣቂፖቴ፤ ጫሪንቺ ዔኤሊ'' ጫኣቂፖቴ፥ ዓይጎሮ ጌዔቶ ጫሪንጫ ፆኦሲ ዴዓ ቤዞኬ።
23338	MAT 5:35	ሳዓ ዔኤሊ'' ጫኣቂፖቴ፤ ዓይጎሮ ጌዔቶ ሳዓ ፆኦሲ ቶኮ'' ጌሣ ቤዞኬ። ዬሩሳላሜ ካታሞ ዔኤሊ''ያ ጫኣቂፖቴ፤ ዓይጎሮ ጌዔቶ ዬሩሳላሜ ዼኤፖ ካኣታሢኮ ካታሞኬ።
23339	MAT 5:36	ኔ ቶኦኮ'' ጋፓኖ ዔኤሊ''ያ ጫኣቂፖ፤ ዓይጎሮ ጌዔቶ ኔኤኮ ቶኦኮ'' ጋፓናፓ ፔቴ''ማ ቡኡቂሳኒ ሃሣ ካርሣኒ ኔ ዳንዳዑዋሴ።
23349	MAT 5:46	ዒንሢ፥ ናሽካ ዓሶ ሌሊ ዒ'ንሢ ናሽኬቶ ዓይጎ ማዓንዳይ? ጎሞ ዓሳ ዬያይዱዋዓዳ?
23350	MAT 5:47	ዒንሢ ላጎንሢ ሌሊ ዒ'ንሢ ዔኤሌ''ቶ ዓይጎ ባሼ ባኣዚ'' ዒንሢ ማዼይ? ዓይሁዴ ማዒባኣ ዓሳ ዬያ ማዻያቱዋዓዳ?
23357	MAT 6:6	ኔኤኒ ጋዓንቴ ሺኢቃኣና ቆልዖ ጋሮ ጌሊ፥ ካሮ'' ዎዺጋፓ ጴዹዋ ቤዞይዳ ዓኣ ዓዳሢ ሺኢቄ፤ ዓሲ ዔሩዋንቴ ኔ ሺኢቄ ባኮ ዴንቃ ኔ ዓዳሢ ኔኤም ኮይሳሢ ዒንጋንዳኔ።
23358	MAT 6:7	«ዒንሢ ሺኢቃ ዎዶ''ና ፓሡዋ ማሊሢ ላሚ ላሚ ጌይሢና ሺኢጲፃ ዔያቶሲ ዋይዚንታያ ማላ፥ ዓይሁዴ ማዒባኣ ዓሶጉዲ ዒንሢኮ ሺኢጲፆ ጉሪ ዖዶሲፖቴ።
23372	MAT 6:21	ዒንሢኮ ቆላ'' ዓኣ ቤዞይዳ ማሊፃኣ ዒንሢኮ ዒኢካ ማዓንዳኔ።
23376	MAT 6:25	ዬሱሴ ሃሣ ኬኤዛዖ፦ «ዒንሢ ናንጎ ዛሎ'' ዓይጎ ኑ ሙዓንዳይ? ዓይጎ ኑ ዑሽካንዳይ? ሃሣ ዓይጎ ኑ ማይንታንዳይ? ጌዒ ማሊ ሜታዺፖቴ። ሼምፓ ሙኡዚ''ዳፓ፥ ዑሢ ማኣዖይዳፓ ባሼቱዋዓዳ?
23381	MAT 6:30	ዓካሪ ዒንሢ ጉሙርቂፃ ዻኬ'' ዓሳ! ሃኖ'' ኮሽካዖ ዚሮ ታሚዳ ዓጊንታ፥ ካዮ ማኣቶ ዬያይዲ ፆኦሲ ፓልሚሴቶ ዒንሢም ዎይቲ ባሼና ዒ ማሊንዱዋይ?
23382	MAT 6:31	ዬያሮ ዓይጎ ኑ ሙዒ፥ ዑሽካንዳይ? ሃሣ ኑ ዓይጎ ማይንታንዳይ? ጌዒ ማሊ ሜታዺፖቴ፤
23383	MAT 6:32	ዓይሁዴ ማዒባኣ ዓሳ ዬንሢ ባኮንሢ ዴንቆሮ ማሊ ሜታዻኔ፤ ዒንሢኮ ጫሪንጮ ዓዳሢ ዬይ ቢያ ዒንሢም ኮይሳሢ ዔራኔ።
23385	MAT 6:34	ዬያሮ ዚራ ባኣዚ''ሮ ማሊ ሜታዺፖቴ፤ ዚሮ ማሊሳ ባካ ዚራሮ ማዖንጎ፤ ፔቴ'' ፔቴ'' ኬላ'' ፔኤኮ ጊዳ ሜቶና ዓኣያኬ» ጌዔኔ።
23392	MAT 7:7	ዬሱሴ ሃሣ ኬኤዛዖ፦ «‹ሺኢቁዋቴ ዒንሢም ዒንጊንታንዳኔ፤ ኮዑዋቴ ዒንሢ ዴንቃንዳኔ፤ ካራ'' ዔቂ ዔኤሉ''ዋቴ ካራ'' ዒንሢም ቡሊ''ንታንዳኔ።
23393	MAT 7:8	ሺኢቃሢም ቢያ ዒንጊንታንዳኔ፤ ኮዓሢያ ዴንቃንዳኔ፤ ካራ'' ዔቂ ዔኤላ''ሢማኣ ካራ'' ቡሊ''ንታንዳኔ።›
23397	MAT 7:12	ሜሌ'' ዓሳ ዒንሢም ማዻንዳጉዲ ዒንሢ ኮዓ ባኮ ዒንሢያ ዔያቶም ማዹዋቴ፤ ሙሴ ዎጎና ፆኦሲ ማሊፆ ኬኤዛ ዓሶናኮ ዔርዚፃ ያዺ ጋዓኔ› » ጌዔኔ።
23400	MAT 7:15	ዬሱሴ ሃሣ ኬኤዛዖ፦ «ጋሮና ሙዓ ያኣዮታዖ፥ ማራይ ጉፓሌ ማይንቲ ዒንሢ ባኣኮ'' ጌሊ ዒንሢ ባይዛኒ ማላ ሉኡቂ ‹ፆኦሲ ማሊፆ ኬኤዛኔ› ጋዓዞንሢዳፓ ካፒንቱዋቴ።
23405	MAT 7:20	ዬያሮ ሉኡቂ ፆኦሲ ማሊፆ ኬኤዛኔ ጋዓ ዓሶኮ ማዾ'' ዓኣፖይዳፓ ዒንሢ ዔራንዳኔ።
23406	MAT 7:21	«ጫሪንጫ ዓኣ ታ ዓዶ ማሊፆ ኩንሡዋዖ ‹ጎዳሢዮ፥ ጎዳሢዮ› ጋዓሢ ቢያ ጫሪንጮ ካኣቱሞይዳ ጌላዓኬ።
23407	MAT 7:22	ዓጮ''ይዳ ፆኦሲ ዎጋ ኬሎ'' ሚርጌሢ ‹ጎዳሢዮ! ጎዳሢዮ! ኔ ሱ'ንፆና ፆኦሲ ማሊሢ ኑ ኬኤዚባኣዓዳ? ኔ ሱ'ንፆና ፑርታ ዓያና ዓሶይዳፓ ኑ ኬሲ''ባኣዓዳ? ኔ ሱ'ንፆና ማዺንታ ሚርጌ ዓኪ ባኣዚ'' ኑ ማዺባኣዓዳ?› ጋዓንዳኔ።
23416	MAT 8:2	ዬኖና ፔቴ'' ዑስካ ኬስካ ዶርዓ ዓርቄ ዓሲስኬይ ዬሱሴ ኮይላ'' ሙኪ ባሊቲና ሳዓ ሎኦማዖ፦ «ጎዳሢዮ! ኔ ኮዔቴ ታና ጌኤሻ''ኒ ዳንዳዓኔ!» ጌዔኔ።
23419	MAT 8:5	ዬካፓ ዬሱሴ ቂፒርናሆሜ ካታሞ ጌላዛ ፄኤታ ፖኦሊሴ ዓይሣ፥ ፔቴ'' ሮሜ ዓጪ ዓሲስኬይ ዒዛ ኮይላ'' ሙካዖ፦
23422	MAT 8:8	ፖኦሊሶ ዓይሣሢ ጋዓንቴ፦ «ጎዳሢዮ! ታ ማኣሪ ኔ ጌላኒ ታ ጊኢጋ ዓሲቱዋሴ፤ ዬያሮ ሃካ ዓኣዖ ፔቴ'' ባኣዚ'' ጌዔ፤ ታኣኮ ማዻሢ ፖዓንዳኔ፤
23423	MAT 8:9	ታኣኒ ታ ቶኦኪና ዎይሣ ዓሲም ዓይሢንታያ ሓሣ ታ ዴማ''፥ ታኣም ዓይሢንታ ፖኦሊሴ ዓኣኔ፤ ዔያቶይዳፓ ፔቴ''ሢ ‹ዴንዴ!› ታ ጋዓዛ ዴዴንዳኔ፤ ባጋሢ ሃሣ ‹ሃኒ ዬዔ!› ታ ጋዓዛ ሙካኔ፤ ታኣም ማዻሢ ‹ሃያ ታኣም ማዼ!› ታ ጋዓዛ ዒ ማማዻኔ» ጌዔኔ።
23427	MAT 8:13	ዬካፓ ዬሱሴ ፄኤቶ ፖኦሊሶ ዓይሣሢም፦ «ዴንዴ፥ ኔ ጉሙርቄሢጉዲ ማዖንጎ» ጌዔኔ። ዬያ ዓሢኮ ማዻሢ ዬማ''ና ፖፖዔኔ።
23430	MAT 8:16	ዬካፓ ሳዓ ዓማዛ፥ ዓሳ ፑርታ ዓያና ዓርቄ ሚርጌ ሃርጌ ዓሲ ዬሱሴ ኮይላ'' ዔኪ ሙካዛ «ኬስኬ» ጌይሢና ሌሊ ፑርቶ ዓያኖ ኬሴ''ም ሃርጊንቴ ዓሳ ቢያ ፖዔኔ።
23431	MAT 8:17	ዬያይዲፆና ፆኦሲ ማሊፆ ኬኤዛ ዒሲያሴ ዛሎ''ና፦ «ዒዚ ኑኡኮ ዶርዓሢ ዔኪ ኑጊዳፓ ዳኬኔ» ጌይንቴሢ ኩሜ''ኔ።
23442	MAT 8:28	ዬሱሴ ጌሊላ ባዞ''ና ፒንቂ ጌርሴኖኔ ዓጮ'' ሙካዛ ዒኢካ ፑርታ ዓያና ዓርቄ ላምዖ ዓሲ ዱኡፒ ካይዚዳፓ ኬስኪ ዒዛና ካኣሜኔ፤ ዬንሢ ሚርጌና ፑርታ ዓሲ ማዔሢሮ ዓይጎ ዓሲያ ዬኖ ጎይፆና ዓኣዻኒ ዳንዳዑዋያኬ።
23446	MAT 8:32	ዬሱሴያ፦ «ዴንዱዋቴ!» ጋዓዛ፥ ፑርቶ ዓያኖንሢ ዓሶንሢዳፓ ኬስኪ ጉዱንፆይዳ ጌላዛ፥ ጉዱንፃ ቢያ ዔያታ ሄንቃ ማጎ ዓጮይዳፓ ዲርጊ ባዞ''ይዳ ጌሊ ሙይንቴኔ።
23450	MAT 9:2	ዒኢካ ዓሳ ፔቴ'' ዎቦ ዓሲ ሃሎና ኬዲ ዔኪ ሙኬኔ። ዬሱሴ ዔያቶኮ ጉሙርቂፆ ዛጋዖ ዎቦ ዓሢም፦ «ታ ናዓሦ ማሊፖ! ጎማ ኔኤኮ ዓቶም ጌይንቴኔ» ጌዔኔ።
23452	MAT 9:4	ዬሱሴ ዔያቶኮ ማሊፆ ዔሪጋፓ፦ «ዓይጎሮ ዒንሢ ሃያጉዴ ፑርታ ባኣዚ'' ዒኖና ማላይ?
23460	MAT 9:12	ዬሱሴ ዔያታ ጌዔሢ ዋይዛዖ፦ «ዼኤሻ ዔራ ዓሲ ኮይሳሢ ሃርጊንቴ ዓሲም ማዓንዳፓዓቴም ዋሊ'' ዓሲምቱዋሴ፤
23461	MAT 9:13	ዴንዲ፦ ‹ዒንጎ ባኣዚ'' ዒንጋያይዳፓ ባሼ ዓሲ ሚጪንታ ዓሲ ታ ናሽካኔ› ጋዓ ቃኣላ'' ዎይዚ ጌይሢታቴያ ማሊ ጶቂሢ ዔሩዋቴ፤ ጎሞ'' ዓሶ ዔኤላ''ኒ ማዓንዳኣፓዓቴም ፂሎ'' ዓሶ ዔኤላ''ኒ ታ ሙኪባኣሴ» ጌዔኔ።
23465	MAT 9:17	ዬያጉዲ ሶልኪ ዑሺ ዋሆ ጪንቄ ዖቲዳ ሺሜ ዋሂንቱዋሴ፤ ዋሂንቴቴ ጋዓንቴ ሺሜ ዑዣ ቡርቂ ዖቶ ዹኡሴም ዑዣ ላኣሊንታንዳኔ፤ ዖታኣ ጉሪ ዓታንዳኔ። ዬያሮ ሺሜ ዑሺም ዓኪ ጌኤሺ ዖቲ ኮይሳኔ፤ ዬያይዴቴ ዑዣ ዖቶይዳ ዔኤቢ ዎኦቱዋዖ ዴዓኔ።»
23466	MAT 9:18	ዬሱሴ ዬያ ዓሶም ኬኤዚፆይዳ ዓኣንቴ ፔቴ'' ዓይሁዶ ዓሶኮ ቡኪንቶ ቤዞ ሱኡጌስኬይ ሙኪ ባሊቲና ዒዛ ቤርታ ሎኦማዖ፦ «ታኣኮ ናይስኬና ሃርጊ፥ ሃሢ ሃይቄኔ፤ ሃዳራ፥ ኔኤኒ ሙኪ ዒዞ ዑፃ ኩጮ ጌሤቶ ዒዛ ዻቃንዳኔ» ጌዔኔ።
23468	MAT 9:20	ዬካፓ ታጶ ላምዖ ሌዔ ጉቤ ላኣሎ ናይ ዶርዖና ሜታዻ ፔቴ'' ላኣሊስኬና ዬሱሴኮ ጊንፆ ዛሎ''ና ሙኪ ዓፒሎኮ ዓጮ ካኣሜኔ፤
23470	MAT 9:22	ዬሱሴ ዒማና ጊንሢም ሺሪ ላኣሌሎ ዛጋዖ፦ «ታ ናዔሌ ማሊፖ፥ ኔ ጉሙርቂፃ ኔና ዻቂሼኔ» ጋዓዛ፥ ላኣሌላ ቤዞማና ዻቄኔ።
23478	MAT 9:30	ዓኣፓ ዔያቶኮ ቡሊ''ንታዛ ዬሱሴ ዔያቶም፦ «ሃያ ዖኦማኣ ዒንሢ ኬኤዙዋጉዲ!» ጌዒ ዶዲሺ ላቴኔ።
23491	MAT 10:5	ዬሱሴ ዬንሢ ታጶ ላምዖ ዒዛኮ ጊንፆ ሃንታዞንሢም፦ «ዓይሁዴ ማዒባኣ ዓሶ ባንሢ ዴንዲፖቴ፤ ሃሣ ሳማሪያ ካታሞዋ ጌሊፖቴ፤
23505	MAT 10:19	ዓሳ ዒንሢ ዎጌም ሺኢሻኣና ዒንሢ ኬኤዛንዳ ባካ ዬማ ዎዶ''ና ዒንሢም ኬኤዚንታንዳሢሮ ‹ዓይጎ ሃሣ ዎዚ ጌዒ ኑ ኬኤዛንዳይ?› ጌዒ ማሊ ሜታዺፖቴ።
23522	MAT 10:36	ዬያሮ ማኣሮ ዓሳ ዎሊኮ ሞርኬ ማዓንዳኔ።
23524	MAT 10:38	ታጋቴ ሃይቃኒ ማሊ ታ ጊንፆ ሃንቱዋ ዓሲ ታኣም ማዓኒ ዳንዳዑዋሴ።
23527	MAT 10:41	ፆኦሲ ማሊፆ ኬኤዛሢ፡ ዬያ ሱ'ንፆና ሾኦቺንሢ ዔካሢ ዬያም ዒንጎ ባኮ ዴንቃንዳኔ። ፂላ''ሢ፡ ፂሉ''ሞ ሱ'ንፆና ሾኦቺንሢ ዔካሢ ፂላ''ሢም ዒንጎ ባኮ ዔካንዳኔ።
23537	MAT 11:9	ሂዳዖ ዒንሢ ዓይጎሮ ሙኬይ? ፆኦሲ ማሊሢ ኬኤዛ ዓሲ ዛጋኒዳ? ሂዮ! ዬያ ፆኦሲ ማሊፆ ኬኤዛሢዳፓ ባሼሢ ዛጋኒኬ።
23541	MAT 11:13	ሓሣ ዬሱሴ፦ «ፆኦሲ ማሊፆ ኬኤዛ ዓሶና ሙሴ ዎጎና ሙኪ ማስካ ዮሓኒሴ ሄላ''ንዳኣና ፆኦሲ ካኣቱሞ ዛሎ'' ኬኤዚ ኬኤዚ ዴዔኔ።
23542	MAT 11:14	ዓካሪ ዔያታ ኬኤዜ ባኮ ዒንሢ ዋይዛኒ ኮዔያታቶ ዬይ ሙካንዳኔ ጌይንቴ ዔኤሊያሴ፥ ሃይሾ ሃያ ዮሓኒሴኬ።
23544	MAT 11:16	ሃሣ ቃሳ''ዖ፦ «ሃያ ዎዶ'' ዓሳ ዓይጎ ማላኔ ታ ጋዓንዳይ? ዞኦዛ ቡኪንቲ ዴዒ ናኣታ'' ፔኤኮ ላጎ ዔኤሊ'' ዔኤሊ''፥
23554	MAT 11:26	ሂዮ! ታ ዓዳሢዮ! ኔ ዬያይዳኒ ኔ ማሊፆጉዴያ ማዔኔ።
23562	MAT 12:4	ዒዚ ዒማ''ና ጌኤዦ ማኣሪ ጌሊ፥ ቄኤሶይዳፓ ዓታዛ ዒዛንታ ዒዛና ዎላ'' ዓኣ ዓሶንታ ሙዓኒ ዳንዳዑዋ ፆኦሲም ዱማዼ ካሦ ሙዔኔ።
23573	MAT 12:15	ዬማ''ና ዬሱሴ ዔያቶኮ ማሊፆ ዔራዖ ዒኢካፓ ዴንዳዛ፥ ሚርጌ ዴሬ ዒዛ ጊንፆ ዓኣዼኔ፤ ዬያ ዓሶፓ ሃርጊንቴ ዓሶ ቢያ ዒ ፓሤኔ።
23575	MAT 12:17	ዬይ ያዺ ማዔሢ ፆኦሲ ማሊፆ ኬኤዛ ዒሲያሴ ዛሎ''ና፦
23583	MAT 12:25	ዬሱሴ ዔያቶኮ ማሊፆ ዔራዖ፦ «ፔቴ'' ማዒባኣ ካኣቶ'' ዓጪ ቢያ ላባ''ኔ፤ ዎላ'' ፔቴ'' ማዒባኣ ካታማታቶዋ ማኣሪ ዶዱዋሴ።
23584	MAT 12:26	ፃላሄ ፃላሄ ኬሳ''ያ ማዔቶ ዎሊፓ ዱማዼኔ ጌይሢኬ፤ ያዺ ማዔቶ ካኣቱማ ዎይቲ ዶዳኒ ዳንዳዓይ?
23587	MAT 12:29	ዬሱሴ ሃሣ፦ «ፔቴ'' ዓሲ ፔቴ'' ዎልቄና ዓኣ ዓሲ ቤርታዺ ቱኩ''ዋዖ ዎልቆና ዓኣ ዓሢ ማኣሪ ጌሊ ዓኣ ባኮ ቡራኒ ዎይቲ ዳንዳዓንዳይ? ዎልቆሲ ቱኬ''ሢኮ ጊንፃ ዒዛኮ ዓኣ ባኮ ቡራኒ ዳንዳዓኔ።
23597	MAT 12:39	ዒዚ ጋዓንቴ ዔያቶም፦ «ፑርታ ሃሣ ጉሙርቂንቱዋ ሃያ ዎዶ'' ዓሳ ፆኦሲ ዎልቄና ማዺንታ ዓኪ ባኣዚ'' ዛጋኒ ኮዓኔ፤ ጋዓንቴ ፆኦሲ ማሊፆ ኬኤዛሢ፥ ዮናኣሴይዳ ማዺንቴ ዓኮ ባካፓ ዓታዛ ሜሌ'' ፆኦሲ ዎልቄና ማዺንታ ዓኪ ባኣዚ'' ዔያቶም ማዺንታዓኬ።
23598	MAT 12:40	ዮናኣሴ ዼኤፖ ሞላሢ ጎጳ ሃይሦ ኬሊ'' ዋንቴና ሮኦሪና ዴዔሢጉዲ ዓሲኮ ናዓሢ ዱኡፒዳ ሃይሦ ኬሊ'' ሮኦሪና ዋንቴና ዴዓንዳኔ።
23603	MAT 12:45	ዬካፓ ፑርቶ ዓያና''ሢ ዓኣዺ ዒዛይዳፓ ባሼ ፑርታ ሜሌ'' ላንካይ ፑርታ ዓያና ቡኩሲ ዔኪ ሙኪ ዒዚ ቤርታ ዓኣ ዓሢዳ ጌሊ ዎላ'' ናንጋኔ፤ ዬያሮ ዬያ ዓሢኮ ጋፒንፆ ናንጋ ቤርታኣስካፓ ባሼ ፑርታ ማዓኔ። ሃያ ዎዶ'' ፑርቶ ዓሶ ዑፃ ማዓንዳ ባካ ዬያ ማላ ባኣዚ''ኬ» ጌዔኔ።
23622	MAT 13:14	ዬይያ ፆኦሲ ማሊፆ ኬኤዛ ዒሲያሴ ዛሎ''ና፦ ‹ዋይዚ ዒንሢ ዋይዛኔ ጋዓንቴ ዒንሢ ጶቂሡዋሴ፤ ዛጊያ ዒንሢ ዛጋኔ ጋዓንቴ ዒንሢ ዒና ዔኩዋሴ።